|
استهلاك قضية
اول شي رح ابدا شو هية القضية حسب المعجم
"القضية" في معجم المحاكم: "كل ما هو نبيل ومثالي قضية" كل ما هو إنساني " قضية.. كل ما لا يفنى.. كل ما يمكن أن يُخلد.. قضية كل ما لا يستحدث ولا يوجد من عدم.. قضية وكل ما هو مرفوع طبعاً في مجلس الدولة.. قضية هلق انا اختلف مع المعجم :lol: برأيي انو القضايا تفنى ... على كتر استهلاكا .. مثلا ً القضية الفلسطينية قضية انسانية قبل ما نحتكرها كقضية العرب المركزية :lol: او قضية إسلامية .. بس برأيي انو القضية خلال خمسين سنة .. استهلكت .. لدرجة أنو الكثير من الجيل الجديد ما عادت القضية بتعنيلو شي .. الإعلام استهلكا كتير ... يعني لدرجة صار عدد القتلى .. رقم بس لأنو اعتدناه ...بعض الجرائد في سوريا ما بحسا سورية ... لأنو ممكن بالصفحة الأولى كلها ما يكون في ولا خبر سوري الحكومات استهلكتا كتير ...لتخوف شعوبا .. لتحشد شعوبا .. لتستثمر عواطفن .. الفن استهلكا كتير ... التربية .. التعليم .. " بمناهجنا .. إذا بدك تكتب موضوع تعبير عن العيد وأفراح العيد بيكون خاتمة الموضوع أنو أفراحنا ناقصة لأجل اطفال فلسطين .. بعدين ضافولا الجولان .. بعدين ضافولا العراق ... !!!!!!! " اليوم الجيل الجديد " جيلنا " وعي على الخيبة .. يعني نحنا ما عاينا ولا نصر حتى الآن ... لهيك بتحس انو بكثافة طرح القضية لألنا .. بيصير عندك منعكس ..رفض بيصير القتلى و الارض والمدن اللي عم تروح ... :) مجرد رقم لشي ما عاد يعنيلك .. هلق في قضية تانية رح اطرحا ... وهي استهلاك القضية من الأطراف الغلط .. يعني في موجة الاعتقالات بسوريا :) .. اللي هي كمان قضية إنسانية طبعا ً صار جميع الاطراف المعارضة بدا تحكي بأسم المعتقلين ! .. الاطراف الاميركية واللبنانية و السعودية و ... بدا تحكي عن المعتقلين !!! لك حتى جية فيروز عسوريا إلها علاقة بالمعتقلين ، اختيار دمشق عاصمة للثقافة .. مرتبط بالمعتقلين .. حقوق الانسان بسوريا كل يوم بتطالع مدري كام بيان بيخص المعتقلين .. وعدت فترة بأخوية البعض .. إذا بتقلو شو جاي عبالك تاكل اليوم .. يقلك ما بيجي عبالي اكل وفي ناس معتقلين :? هلق هادا لا يعتبر من منظوري " ضغط " عالحكومة !! برأيي هاد استهلاك للقضية .. مما رح يخليها تفنى بسرعة ! :) هلق بدي بسرعة نتناقش حول هالأشياء 1 ) - شو يعني قضية ؟ 2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟ 3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟ 4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟ 5) - شو القضايا اللي بتتبناها اليوم ؟ :) وليش ! :mimo: طولت عليكن كتير ... :oops: |
صباح الخير انسة :lol:
الحقيقة ما بدي يكون جوابي وليد اللحظة بس حبيت اعلق على تعليقات متفرقة اولا بالنسبة للفتسير القانوني القضية لا تفني لا نها تنقضي الا باعطاء كل ذي حق حقه, الا انها تسقط لعدة اسباب منها السقوط بالتقادم هذا السقوط لا يفنيها او ينهيها انما يحولها من قضية قانونية الى قضية أدبية خارج ايطار الالزامية القانونية التي كانت ستميزها لو لم لتنقضي بالنسبة للقضية الفلسطينة لدي تعليق اذا سمحت انها قضية وطنية سياسية بالاساس ولفرط غباء قيادتنا تحولت الى قضية انسانية سقفها الاعلى فتح معبر رفح ما بعرف اذا كان قصدك بالاستهلاك هو التكرار الذي يفقد جوهر القضية بريق الشغف والاندفاع ويقتل روحها ويقتل في المتلقى هذه الحمية التي كان يوليها لقضيته اقتباس:
|
صباح الخير
حابب رد عالموضوع ... وبقوة كمان بس بدو صفنة جهنمية .... بس ارجع من الجريدة برد عليكي فراشة بس هالرد مشان ما ضيع الموضوع سلالامات:D |
اقتباس:
اقتباس:
اقتباس:
2 اقتباس:
يعني وقت بقولو نسبه الفقر بالموزنبيق x% ما بأثر فـي قد وقت بقولو نـسبه الفـقر بـسوريا 1/2 x% عرفـتي كيف ؟ اقتباس:
اقتباس:
5 اقتباس:
|
تحياتي صديقتي ...موضوع مهم جدا .... بيفتح قريحة الإنسان على الكتابة :D
اقتباس:
اقتباس:
طبعا الإنساني اقتباس:
بربط القول بالفعل ... اقتباس:
قضية الوحدة العربية .....وصار التحول برايي نتيجة تراكم معرفي بخصوص القضية ونتيجة تراكم في الوعي مع مرور الإيام . اقتباس:
معروفة قضيتي بدرجة معينة للسطحيين بيكتشفوا قضيتي من النيك نايم تبعي ..... بتبناها لإنها الملاذ الأخير لعالم مفترس يسود فيه الدولار على كل المعايير الإنسانية . تحياتي صديقتي وما شفنا ردودك ....!؟ :mimo: تحياتي الحارة ظل جيفارا |
بالفعل مشكلة كبيرة
توظيف القضية للمصالح الشخصية بيقتل القضية وبخلي الناس تربط بين القضية وبين المصلحة وشوي شوي القضية بتصير نقمة وسبب للتخلف بدال ماتكون دافع للتقدم 1 ) - شو يعني قضية ؟ القضية بتعني امر بمس شريحة كبيرة منل مجتمع اذا ماكان كلو وانا عم ناضل منشان احقق هي القضية طبعاً القضية بتكون كلمة كتير كبيرة يعني متل ماقال ظل ومابتجي من يوم وليلة بتجي من تراكم احداث بتأدي لجعل هل شغلة قضية اقتباس:
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟ العمل بالقضية والفعل بالدرجة الاولى حتى لو العمل ماادا لتحقيق القضية بكفي الامل يلي رح نحس فيو هل امل بكون كفيل انو مانستهلك القضية اقتباس:
اقتباس:
طبعاً بالبداية كنت مفكر انو رح اعمل ثورة وبدي اساوي مدري شو وبدي ادمر وبدي اعمل بس بعدا اكتشفت انو الناس مابدا تتغير صار عندا عقدة نقص وصارت مستسلمة وصارت كمان ترفض التغيير منشان هيك حالياً قضيتي تغيير فكر العالم بما انو التغيير بجي منل شعب وبعمرو مااجا من السلطة لذلك عم حاول اغير بنفسية هل عالم واحسسن انو هنة قد المسؤولية وبستاهلو حرية بس المشكلة يلي عم واجها حالياً عية التحجر بالفكر ويلي عم يسمعو قلال ومع زلك لساتنا عم نحاول يعني وصلت لفترة حسيت انو مارح اساوي شي وقلت لحالي القضية خلص بلاها بعدين رجعت شوي شوي واكيد بالتصميم رح يمشي الحال طبعاً اسف اكتشفت اني من كتر ماانشرحت جاوبت على سؤالين سوا تقبلي مروري :D:D:D |
مشان القضية الفلسطينية عم وافقك انه تم استهلاكها ... هي بالاصل قضية سياسية بتعاطف انساني ... تم بغباء تحويلها لقضية عربية اسلامية ...
اقتباس:
لا اتفق مع البعض في ان القضية يجب ولا بد ان تكون مرتبطة بشريحة كبيرة من الناس ... لكل منا قضيته الخاصة ... برايي القضية سواء ارتبطت بفرد او جماعة او مجتمع بشكل كامل ... هي بالاساس لا بد ان تمس حرياتهم الاساسية وحقوقهم الاساسية ... وهيك بتصير قضية ... وليسي الامر مسألة عدد من يمسهم الموضوع ... اقتباس:
اقتباس:
اقتباس:
قضية "ثورة داخل الجامعة" مشان حقوق بعض الطلاب ... وتركتها لانو اغلب الشباب بيخافو يوقفو بوجه الادارة ... وصرت لحالي مع اربع شباب بس ... لهيك تركت هالموضوع ... وطالما انهن ساكتين فبيستحقو اللي بيصير ... القضية العربية ... اكذوبة وكلام فارغ ... وشعارات رنانة ع الهوا ... اقتباس:
1. قضية الإشتراكية الديمقراطية ... لاني عم اؤمن انها الافضل من بين كل الرؤى السياسية لصون كرامة الانسان بعيد عن تحويله لسلعة ... 2. قضية الدولة العلمانية الديمقراطية الواحدة ... وهي الحكي فيها يطول ... كحل للقضية الفلسطينية على اسس فدرالية متل ما عم أؤمن أنا ... والبعض بيؤمن بدولة ثنائية القومية او متعددة الثقافات ... في غير هيك قضايا ... بس هي الاهم ... |
حلو كتير الموضوع!! من وين اشتريتيه؟ :lol:
اقتباس:
اقتباس:
كل قضية تواجهني بدوّر عالبعد الانساني... ببحبش عنو تحت التراب لحتى لاقيه.. و كل بعد خارج البعد الانساني يلصق بالقضية بعتبرو تشويه.. حتى لو البعد الديني هو ديني الخاص و حتى لو البعد الايديولوجي هو ايديولوجيتي الخاصة. أكيد الى حد ما متل ما قالت مورنينغ.. الواحد يتأثر "بالقضايا" القريبة منو.. ان كان فكريا أو وطنيا أو كيف ما كان.. لكن لحسن الحظ أعتقد انو هالشي كل ما حالو الى انحسار.. قصدي من هالحكي انو ما فيها شي انو واحد يركّز اهتمامو مثلا على الامور القريبة منو مهما كان سبب القرب. لكن ما اعتقد انو مثلا بحالتنا.. نحكي عن معاناة أطفال غزة و نقول أو نفكر انو معاناة أطفال رواندا ما بتعني شي لألنا... صح فلسطين عاطفيا أقرب... بس جزء من كل.. جزء من الانسانية اقتباس:
اقتباس:
ما صار معي هيك... يجوز لأنو تعلمت أدرس القضايا من منطلق فكرتي عن الانسانية... و على اعتبار ما زلت مؤمن بالانسانية فما صار تغيّر كبير اقتباس:
كقضايا تمسني بشكل أقرب.. طبعا قضية فلسطين و قضية معتقلي الرأي... شكرا عالموضوع  |
اقتباس:
اي شيء بيدافع عنو الانسان وبيكون على استعداد انو يبذل اي شي في سبيل القضية تبعيتو اقتباس:
أما انا من جهتي فبحب كل القضايا ,, لأنو بالآخر كلياتا بتمسني بشكل او بآخر باعتباري انسان في هذا العالم اقتباس:
وتخليد ,, أما اذا القضية نابعة,, من,,, و الى المصلحة الشخصية ما رح تلاقي هالحيوية ابدا اقتباس:
كان متبنّي قضية او فكرة طلعت خاطئة,, اذا كان انسان عاقل فأكيد بدو يصير يتبنى قضية معاكسة وهي القضية المعاكسة رح تكون معارضة لقضيتو القديمة فأجباري بدو ينقلب من مدافع الى مهاجم اقتباس:
القضية اللي بتبناها اليوم هيي قضية الفكر العربي ,, الفكر اللي لازمو تطوير وتحديث وتحرر من المعتقدات البالية اللي منشوف اغلب المعتقدات الجديدة عم تنطلق منها ليش: لأنو اللي المفكرين العرب(( هون بقصد اللي عم يفكرو مو جماعة الفلسفة والادب وهدول )) قليلين كتير,, وازا كانو كتار فالشعب ما عم يعطيهون حقهون يعطيكي العافية مرسيل موضوع رائع:D |
اقتباس:
هلأ كتعريف للقضيه صعب يطلع معي بس بتوقع انو اي شي بمس الجانب الانساني هو قضيه اقتباس:
وان كنت ما بنكر انو البعد الديني والاقليمي ممكن يزيد قناعتي او إلتزامي بقضيه معينه بس بعدها الانساني هو الاساس اقتباس:
اقتباس:
الجوع.. الفقر .. الظلم ليش؟؟ .. طبيعه انسانيه يسلمو butterfly عالموضوع :D |
هلا الموضوع حلو بس انا راح جاوب على الاسئلة
) - شو يعني قضية ؟ القضية شي أساس بحياة شخص وكل شخص بيتبني قضية بيشتغل مشانا وعليها 2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟ طبعا البعد الانساني 3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟ لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً 4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟ للأسف كنت اتبنا قضية لواء اسكندرون بس ماعاد تعنيلي لانو قضيتي لحالي حاسس 5) - شو القضايا اللي بتتبناها اليوم ؟  وليش !القضايا تبع اليوم هي الدفاع عن الحقوق الدينية والمدنية والفكرية للأقليات بس مو يعني انو يصير بدون البلد يعني متل الاأكراد اللي عملو الاحداث بسوريا طبعا مو كلون :D |
اقتباس:
يعني بتحس انو انت ما عادت بتثير فيك إي انطباع ببساطة انت تعودت على السيناريو وصرت بتتوقع النتائج .. وما عاد عندك أي أمل بحدوث تبدل اقتباس:
|
اقتباس:
بالمنطق بيصير الشخص بيشعر لو كان بدها تنحل لانحلت لهلق اقتباس:
اقتباس:
|
اقتباس:
اقتباس:
اقتباس:
|
اقتباس:
اشتقنالك :fwink: اقتباس:
يا هلا ... انا رح أرجع .. ارد عالموضوع بأجوبتي انشالله المسا :mimo: |
كل ما اجتمع عليه فرد أو عدد من الأفراد كقيمة مركزية عليا وعملوا على تحقيقها.
إذاً هي هدف أو جملة من الأهداف المراد الوصول إليها بسبيل واحد أو عدة سُبل. والقضايا يمكن أن تخص عدد كبير من الأفراد "مجتمعات – دول " مثل القضايا الوطنية والقومية والدينية , أو تخص فئة محددة أو فرد واحد " دون أن تكون أو تعني هم شخصي". كل القضايا محكومة بشرطي الزمان والمكان وإمكانية التحقيق ضمن هاذين الشرطين –فلا قضية تستمر للأبد دون إعادة تحديد, وتتأثر إلى درجة كبير بالاعتمادية, بمعنى كلما كانت تلك الجماعة قادرة بقدراتها الذاتية على الوصول إلى تحقيق أهدافها دون الاعتماد على جهات أو مؤثرات لا تمتلك التحكم بها كان وصولها إلى أهدافها وحل قضيتها أسرع وأقدر على النجاح . إذاً التجييش العاطفي أو الاندفاع العاطفي لأي قضية يفقدها مع الزمن زخمها, لأن العاطفة تولد قوية مندفعة وتخور قواها بمرور الزمن بخاصة عندما يكون المحرض عليها يستخدمها للوصول إلى أهداف أخرى. لانعدام الوعي والمعرفة وعدم المقدرة على تقييم الإمكانيات المتاحة ,والعمل على بناء القدرات اللازمة لتحقيق الهدف – على صعيد المجتمع – يجعل من المنادي بها مجرد متاجر أو مستخدم لها للوصول إلى أهداف محددة خاصة به , وإلا لكن عمل على بناء والوعي والقدرات اللازمة وحقق أهداف مرحلية مهمة . إذاً من أهم عوامل نجاح أي قضية "هدف" هو تحويله أو تقسيمه إلى عدد من الأهداف المرحلية ضمن مخطط زمني مرن, وإعادة الدراسة والتقييم بعد كل مرحلة للوصول إلى تحقيق الهدف الشامل أو القضية. القضية التي تعنيني إلى أبعد الحدود والتي أراها جوهر لكل القضايا هي الإنسان . الإنسان الواعي لشرطه الإنساني هو الغاية الأسمى وهو المحور وهو القادر على إدراك وتحديد أهداف أي قضية و وضع خطة مرنة محددة لتحقيق هذه الأهداف ضمن مخطط زمني محدد. فالإنسان غير الواعي لا يمكن أن تكون له قضية سواء على الصعيد الذاتي أو المجتمعي, وهو الذي ينساق بشكل "قطيعي" نحو قضايا بشكل عاطفي ومن هنا يبدأ استهلاك القضايا والمتاجرة بها وتحويلها إلى تابو لا يجوز المس به أو حتى إعادة تحديده بناءً على نجاحات الأمس وإخفاقاته. المرأة على الصعيدين الخاص والعام قضية محورية في حياتي, فكلي قناعة بعدم إمكانية خلق إنسان حر واعي بنّاء إلا بالوجود الفاعل للمرأة الحرة الواعية غير المستلبة أو المختزلة والبنّاءة. لا يمكن جمع الأضداد, لا يمكن أن تكون سجّان وثائر, لا يمكن أن تكون حر ومُستلب, لا يمكن إلا أن تكون القاتل والضحية لأنك لا تعي. شكراً على موضوعك الذي يحرك السؤال ولو تاه الجواب. أسف لتأخري بالمشارة لدواعي مرضيّة. تحياتي:D |
**مارسيل ...ما حسنت قاوم الموضوع...مع انو معاهدة نفسي ضلني مشاهده عن بعد** شو يعني قضية ؟ القضيه..موضوع بيمس مجموعه كبيــره من الناس .../والكل بيأجمع/ انو هدف القضيه النهائي بيخدم جميع الاطراف وبيمتد اثرو للمجتمع بالايجاب... 2 ) - القضايا اللي بتمسك ، بتتأثر : بالبعد الإنساني - البعد الديني - البعدالإقليمي ( الجغرافي ) ؟ اكيد البعد الانساني ..لانو بيشكل نواة الكون .... البعد الأقليمي ...اذا وصل بعد القضيه الجفرافي لبلدي بتتضاعف الاهيمه.. الوطن والانسان وجهين لعمله واحده...ما رح ضيف اكتر البعد الديني ...قضيه بتوقع بدها انبياء تستلمها ...وحتى وئت استلمها الانبياء ما الكل اقتنع ...ووصلت فيهم الامور انوبعض الناس اتجرؤ ع الرب ... 3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلالاو إساءة الاستخدام ؟ بالاساس لازم يكون بناء القضيه ...وتكتيتكها ...واهدافها ...ووسائل الوصول للهدف ..اكتر واقعيه ...اكتر منطقيه ...اكتر دقه...بعدها فينا ننتخب بشكل جماعي ..ناس تخدم الاهداف الرئيسيه ....وننتخب ناس تخدم الاهداف الثانويه...ولكل شخص مع القضيه مهمه يئوم فيها ..حسب اختصاصو بيع الكلام مرفوض ...بيع الشعارات مرفوض ....المزاد مرفوض لازم نظهر نتايج العمل ...لانو العمل لفتره بدون نتيجه ممكن يجعل القضيه مفعمه برائحة الموت ...ئد ما كانت القضيه جوهريه وجماعيه... بالنهايه اهم محاور القضيه .../الايمان المطلق بالقضيه/ +/العمل بالاسباب/ 4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟وليش صار هالتحول ؟ القضيه ضلت ..بس طريقة المعامله معها اختلفت....طريقة النظر الها صارت شموليه اكتر ...طريقة ايصال الفكره ... كان نقاش الموضوع بعنوان /القضيه اننا بعنا القضيه/كانت طريقة النقاش مؤلمه .ومو من السهل عرض الهزائم مره واحده ...وبجرعه واحده .وكردة فعل عكسيه صار المعني بالقضيه يئول /..مابدي قضيه ...ماعندي قضيه ...ما رح اعترف فيها ..ما رح اعترف بضعفي/ وكلو كرماااااال ماء وجهي ...كرمال الــــ أنا ...بعنا الكل... /بيع الانسانيه اكبر جرايم كوكبنا/ 5) - شو القضايا اللي بتتبناها اليوم ؟وليش ! هيه امتداد لقضيه امبارح ..ورح ضلني عليها لبكرا ..وبعد بكرا ..ورح تضل لبعد ما موت ... /الانســـان بضميرو وعقلو ...وشو بدي احكيلك عن الانسانيه ..بحر كبير ومدن اكبر ....موجوده فينا كلنا ..بس بدها نتطلع منيح جواتنا ...ابداع عم ينتظرنا / اهم الشي طريقة ايصال القضيه ...بواقعها من دون هالات .... يكون* المنطلق* ..هوه النقطه البيضا فينا كلنا مهما اختلف حجمها .. *والمستقر*.. ارضاء الحاجه ... واهم مقومات الشخص الي بيخدم القضيه ./.الصدق/ .../والمقدره انكـ تكون الآخر/ ... ((لو عرف الانســان ما بداخلــه لوقف ....خشية واحتــراما .....لكنه كســــول لدرجه مزعــــ ج ـــــه)) |
اقتباس:
ما بضيف شي على رد ياس ... 2 اقتباس:
اكيد البعد الانساني ........ مافيني اخد البعد الديني لانو لحد هلئ ( مع احترامي لكل الاديان ) بس هالفترة صار الدين وسيلة تجارية مش اكتر ومافيني اخد البعد الاقليمي لانو هاد رح يصير اسمو مو بعد اقليمي رح يصير اسمو تعصب اقليمي اقتباس:
اقتباس:
اقتباس:
يسلمو فراشة عالموضوع الخيلة:D ...... ناطر اجوبتك:p |
- شو يعني قضية ؟
القضية شي أساس بحياة شخص وكل شخص بيتبني قضية بيشتغل مشانا وعليها في كتير ناس عايشين بدون ما يتبنو شي ؟ أسف بيكونو ناس بلا هدف بدون شي يعني هوااااااااااااا 3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟ لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً  السياسة عصب رئيسي بالحياة .. ما في شي بالدني عم يقدر يبعد عن السياسةممممممممممممممم قلتلك ممكن تعارضوني او تشوفوها شوية مثالية أو ملائكية القصة بس هيك فكر بسأكيد التنفيذ صعب كتيرررر |
اقتباس:
بس و للأسف و بفضل أشخاص تحوّلت و تبدلت من حبيبة شريفة , لـ عاهرة للإستخدام الشخصي و مص دماء شعوبنا نعم عاهرة , بس اللي عم يـُغتصب مش هيه , الشعب عم يـُغتصب و عم يتنكح تحت مسمـّى " قضيّـة " 2 - من الصعب أحدد شو هيه القضايا اللي بتمسني , يعني قد أشوف إنسان فقير معدم , أعتبر سعادة هالبني آدم قضيتي " طبعاً من سابع المستحيلات , ما وصلت لهالأفلاطونيات , بس عم نتضحك عا بعض :lol: " 3 - القضية أيا ً كانت لازم تصل بالنهاية لحل , مثلا ً قضيّة فلسطين لما بترجع فلسطين " حلم :lol: " رح تكون القضية ناجحة .. أما حاليا ً فـ القضية شبعانة فشل و ضحكت علينا الصديق قبل العدو 4 - كنت صغير , أتبنا عدة قضايا من بيناتا وحدة الأمة العربيـّة .. :lol: حاليا ً برأيي ما في أي حدا فينا من الممكن يتبنا قضية مصيرية و يكون وفي إلها , ولو رح يمشي علينا صيت الإنهزامية , بس إنشغالنا بأمور الحياة و المعيشة بيمنعنا من تبني أي قضايا مصيرية .. من الممكن نتبنا قضايا صغيرة متل مساعدة معوقين أو ما إلى ذلك .. 5 - قضيتي أنا , كيف ممكن أكون أنا على أفضل صورة بهالمجتمع .. و بس هيك , شكرا ً ميمو .. |
اقتباس:
كتير بفكر بهالقصة أحيانا لما بشوف صار عادي لما نسمع الأخبار مثلا متل ماقلتي نسمع عدد الجرحى والقتلى يلي بفلسطين مثلا . صار شي من روتيننا. صح بنزعل بس اعتدنا.. شويعني قضية؟ كل شي بحياتي بتنبناه ..بريد حققوا...بحارب مشانوا... عكل الأصعدة المختلفة.. القضايا يلي بتمسني ..بتتأثر بتتأثر بكل الأبعاد...لأن برأيي نحنا مو مجزأين ..لنتأثر ببعد من دون التاني ... والأبعاد كلها بحد ذاتها مرتبطة ببعضها.. بس يمكن الأبعاد الانسانيةوالدينية عندي بتأثر أكتر من غيرها فيي... كيف برأيي ممكن نحافظ عقضية ما من الاستهلاك.. بصراحة هي صعبة نوعا ما...لان وسائل الاعلام منتشرة وبشكل واسع ومتطور كمان اذا بنفكر يمكن استهلاك القضية الو بعض الجوانب يلي ما بنحسن نستغني عنها.. صح نحنا عم نستهلك القضية... وهاد غلط بس بنفس الوقت لما نحنا عم نستهلكها عم نعلم الأجيال التانية عن قضايانا الأجيال يلي مابتعرف..أو نذكر يلي نسيو أحيانا مابيكون ما عنا حل غير أنو نستهلك القضية.. بس أنو لما استهلاك القضية بيولد لدينا لا مبالاة بيكون الغلط منا نحنا.. ولازم يكون ضميرنا هو الصاحي.. الغلط باستهلاك القضية برأيي هو أكتر الشي هو استهلاكها بطريقة غلط من جهات غلط... لتزرع قيم غلط أو تحرف شغلات وقيم... والحل متل ماقلت يمكن بالضمير الحي ...النا الشعب و المسؤولين. وانو يكون في عواقب للاستهلاك الغلط.. القضايا يلي كنت اتبناها وبطلت... مافي... لان قضاياي هي مبادئي...ومبادئي مارح تزول:pos: شو القضايا يلي بتتبناها اليوم وليش كتيييير انو الناس تبقى مآمنة بالمحبة...لوتعرضت لصدمات من أصدقاء احباء الخ...ومايتعقدو:p وانو يحبوني الناس ومايرفضوني بحلم بمدينة فاضلة حط فيها كل قضايي وقضايا التربية والتعليم ..(هي قصة طويلة):lol: كمان قضايا الدين..والحفاظ على الايمان.. قضايا الطفل... المختلفة (الصحية الاجتماعيةالنفسية..... ) قضايا اني ما أضعف أمام الصعوبات واليأس قضيايا الامة العربية متل أي مواطن عربي.. وكتييير قضايا هدول اهمهن.. وشكرا الك:D:D |
اقتباس:
1- القضية مالها معنى..وخلاصة التعبير حكي فاضي.. 2- ما دام عرفنا انو القضية مالها معنى وحكي فاضي...فاكتر شي بالقضية حكي فاضي هو البعد الديني..وطبعاً لا بعد انساني ولا بعد اقليمي الو تأثير ... 3- الاجابة ع هيك سؤال من اختصاص الحكومة والحزب شنو لانو الجماعة بيعرفوا من اين تربط القضية بشكل الصحيح.. 4- بالقديم الجديد حاولت اني افهم قضية الشوارب بمسلسل باب الحارة..انو يا ترا ممكن نحرر الارض بفتلة شوراب..!! 5- ما عم اقدر اني لاقي قضية منشان اتبناها.. بس عم حاول اني دور ع حل لقضية الجاجة والبيضة..!! وشكراً لطرحك المميز يا أنسة.. |
............
اقتباس:
اقتباس:
اقتباس:
|
1 ) - شو يعني قضية ؟
اقتباس:
اقتباس:
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟ اقتباس:
3 ) - كيف برأيك فيها تحافظ قضية ما على حيويتا ؟ او إساءة الاستخدام ؟ بعيدا عن الاستهلاك ؟؟ اقتباس:
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟ اقتباس:
5) - شو القضايا اللي بتتبناها اليوم ؟ وليش ! اقتباس:
|
قولكن هالقضية الفلسطينية..... وجودها هو استمرار للأنظمة العربية....؟؟؟؟
أنا بقول يمكن أي... يمكن هالأنظمة متعاونة مع اسرائيل من أجل استمرار تخويف الشعب العربي..بشبح اسرائيل.....يمكن |
نظرا لأهمية الموضوع وبعد ما تمعنّا شوي ... واكتشفنا أنو الموضوع ما أخد حقو من النقاش.. فـ بالاتفاق مع مشرف المنبر .. تقرر ينرفع الموضوع .. ازا حدا ما انتبه للموضوع سابقاً وحابب يضيف شي فـ أهلا وسهلا فيه ... وانا رح كون أولكن برغم مشاركتي سابقاً ... بس حسيت انو في كتير حكي تغير .. وحكي ما انحكى
و.. ناطرينكن |
اقتباس:
إذاً الاستنتاج أن استخدام أي قضية لأي هدف أو مصلحة لايبعدها عن جوهرها ولا يخدم مصالح أعدائها.. بكل الأحوال المتضرر الأكبرمن نشر القضية هو عدوها. اقتباس:
حكومة اعتقلت شباب بعمر الورد بدون سبب مقنع إلا حبهن لوطنهن "من وجهة نظر السلطة هو سبب مقتع" شباب ضمن هاد التجمع اتفاجئو بإنو رفقات لإلهون انسحبو من بيناتون وانرمو بالسجون كأنون مجرمين شو بدنا نتوقع منهن؟؟ تحليل منطقي لأسباب الاعتقال وعدم استهلاك هالقضية؟؟؟ أو المطلوب السكوت على القصة؟؟؟ لاء و100 لاء المغالاة باستغلال هيك قضية وتحويلها لقصة محورية ضمن أي نقاش بيضل أشرف 100 مرة من انو نسكت أو ننسى هيك موضوع... ةبصراحة ظلم بهالحجم وبهالوقاحة صعب انو نأطر ردود فعل البشر عليه اقتباس:
اقتباس:
القضايا لا تستهلك... هي ليست سلعة أو مادة قابلة للاستهلاك ومن الاجحاف بالقضية الفلسطينية أو قضية المعتقلين بسجون السلطه أن نصفهم بأنهم سلع قابلة للاستهلاك.. يمكن أن تستغل القضايا.. لكن جوهرها يبقى... قبل ما نقول مدري مين استغل قضية المعتقلين لازم نسأل ميت يلي اعتقلهن... مافينا نلوم يلي سخر القضية لهدف معين... اللوم وكل اللوم على يلي خلق هالقضية.. بمعنى يجب تشخيص القصية الاساسية قبل الغوص بتبعاتها والأطراف التي استغلتها ولم وكيف واين و و و... قضية المعتقلين : إحرام من السلطه. قضية فلسطين : اجرام من اسرائيل وبريطانيا واليوم اميركا. قضية الجولان: اجرام من اسرائيل وسكوت من حكومتنا. قضية دارفور: اجرام من أمراء الحرب ومن البشير. ........ ....... مابيهم مين استغل ومين "استهلك" |
| الساعة بإيدك هلق يا سيدي 00:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
وليش
