|
فلسطين ما رح تتحرر
انو وقت رحت عالمسيرة مشان غزّة
قلتلن لكل رفقاتي والله العظيم يا ريتني ماني جاي ,, لاني وقت اجيت عرفت انو فلسطين ما رح تتحرر وكلن طبعا سألوني ليش: قلتلن طلعو اجت سيارة من انصار حماس كم علم لحماس فيها كتيييييييير لا يعد ولا يحصى يعني مشان المبالغة 50 ما فيها ولا علم لفلسطين ابدا ابدا وتصوّر انو حتى الشعارات اللي صارت ترفعا بشكل او بآخر كانت بتنادي قادة حماس وبس وبتحكي على الطرف التاني او ((الاطراف التانية)) انو كلياتا خونة وجواسيس بس بدي اعرف مين عم نقاتل نحنا؟ مييييييييين؟ |
معك حق في هذا اخي ..
انو حماس نزلت علم فلسطين .. ورفعت العلم الاخضر .. ونسيوا علم فلسطين .. بس ما فيك توخذ هالتصرف على حماس .. لانو حماس ما بتختلف عن حزب الله في المقاومة .. والها كثير حسنات مقابل اكم شوية سيئات .. |
اقتباس:
انا هدا اللي خفت منو انو ينفهم موضوعي غلط انا هدا الموضوع ما قصدي فيه حماس انا قصدي في الشعب الفلسطيني بشكل عام لانو حتى لو فتح اجت رح يصير نفس الشي فهمت عليي يا قلبي:deal: |
ما رح يتحرر حدا اصلا ... ياللي بيشوف تجربة التاريخ بيعرف ان الشعوب ما بتتحرر بالطريقة هاي ... اليوم صار الفصيل فوق فوق بكتير عن القاعدة الشعبية وعن القضية الشعبية ... وكأن القضية قضية التنظيم فلان او علان ... والشعب ولاد كلب ...
طالما ان الشعب مقهور من حماس ومن فتح كمان ... ما عمرو رح يتحرر .... المقهور لا ينتج ... المقهور لا يقاوم .... ومشان حسنات حماس ... اها كتير حسناتها ... الانهيار الاجتماعي في غزة ... افضل انجازاتها ... وفوق هيك انجازها التاريخي بمئات المعاقين حركيا ... الوحي نزل على قلوبهم واحل لهم القتل وسفك الدماء ... يعني الشغلة المعتادة للاسلام السياسي .... |
عم نقاتل يلي بيئرب على الكرسي يلي كل ديمقراطيات العالم بتوقف عندووووووووووووووووو
|
قصدك على مظاهرت الشام ولا حومص ؟
|
هوي ما بعرف ازا رح تفرق
بس يلا رح قلك حومص |
اقتباس:
بعدين الناس معجبة وبتفتخر بالمقاومة هي حرة كل واحد يفتخر باللي بدو اياه وين الديمقراطية وحرية الرأي يا حبيبي انت حدن منعك تحمل اعلام ورايات اللي بتفتخر فيهم تاني شي الحرب معلنة على حماس من قبل اسرائيل ياريت قبل ما تطلع عالمظاهرة تكون تابعت اخبار وتصريحات وزراء الارهاب الصهيوني لما كلهم اجمعوا مع رايس وامريكا انه هالحرب ضد حماس وصواريخها مو عيب لما تطلع تضامن مع المقاومة وصواريخا مع احترامنا كل الفصائل المقاتلة انت يا اخي اطلع باعلام مين بتأيد هالحرب اللي بغزة قادتها حماس وصواريخ وعمليات حماس مع كافة فصائل المقاومة الناس طالعة دعم الهم وتأييد لشو زعلان فيها شي عيب ثالث شي الخونة وما الخونة هل قالت انه فصائل المقاومة خونة والعمليات خونة بس اكيد انت بتعرف والكل هي مين بتقصد هالجماهير بتقصد الناس اللي بوقت المجازر وقتل الاطفال بتسكر وببتعشى مع اليهود بالحانات والبارات بتقصد الناس اللي عم تبيع دم شعبها بالمفاوضات وقالت بمؤتمر انابوليس سنسحق ارهاب غزة بقصد عباس بتقصد الناس اللي قالت عن المقاومة حقيرة وصواريخها عبثية ياريت تكون فهمان كل هالشي قبل ما تطلع عالمظاهرة لانه مو حلوة يعني ما بحب تكون متل الاطرش بالزفة كون على علم شو عم تعمل حماس والمقاومة اللي بغزة مين اللي قادها وزلزل اسرائيل وكيانها ولا بدك يطلعوا يهتفوا لعباس ودحلان واللي بنشوفهم بالتلفزيون عم يسكروا ويضحكوا مع سفاحين اسرائيل واحنا عم نقاتل محتلين الارض واليهود بعتقد اخر عملية بالقدس وبديمونا ومقتل ال3 جنود بغزة بتكفي للرد عليك كمان ما ننسى انه لكل محتل اذناب واعوان لازم نطهر البلد منهم تحياتي الك وبتمنى ما تكون ندمت على هالمشاركة بهالمسيرة مشان ترفع راسك بين الناس وشعبك لحتى تعرف قديش كانت قيمتها هالمظاهرة عند الشعب فما حلوة من اخ عزيز متلك يكون ندمان انه طلع فيها وبرجع بقلك هذا ما بيعطيك انك تمنح الناس من التعبير عن رايهم وحريتهم والافتخار بالمقاومة اذا ما بدنا يفتخروا بالمقاومة بمين نفتخر قلي ؟؟؟؟؟؟؟؟؟؟؟؟؟؟ |
بس مشان هيك ما رح تتحرر فلسطين؟؟
بتتذكر موضوعي الديمقراطية بتلبق شي للعرب؟؟ اذا ما بتتذكرو اي روح هنيك و شوف ليش بقى ما رح يزبط معنا شي :lol: |
اقتباس:
يعني صواريخها وعملياتها البطولية بتسميها طول هالسنوات فيلم هندي ومو عجباك حكمها وعدم اعترافها باسررائيل كمان انهيار شو اللي معجبك تفضل قلي من الصح ومين اللي بيشتغل صح وشو طريقته ؟ خلينا نشوفه ونحكم عليه انا جاهز للنقاش ولردك بكل احترام اخي العزيز |
شو ف فلسطين ان شاء الله هتتحرر ومش هتتحرر
عارف ليه لان تنبؤات عن علامات القيامه بتقول ان فلسطين هتتحرر ولكن قبيل يوم القيامه وابقى قابلنى بقى يومها فهى كده هتتحرر بس متأخر اوى قصدى بعد فوات الاوان وزوال الدنيا |
طيب هلأ تركتولي كل بلاد العلم وبدكم تحكو عن فلسطين
طيب ما هو في كل بلاد في عنصرية بين حزب وحزب وحروب بين المذاهب يعني حتى بأميركا اللي الكل عارف انها اقوى بلد من الناحية العسكرية واللي احتلت نص العالم يعني ما ضل الا حماس وفتح فتح وحماس مكملين لبعض فتح السلطة وحماس المقاومة وتحيا فلسطين وليخسأ الخونة واخرتا تحرر فلسطين بجوز اتأخرنا بس رح تتحرر |
اقتباس:
اقتباس:
اقتباس:
الناس ياللي وقت المجازر ... اوقفت المفاوضات .. وهي ياللي بيطلع بايدها ... او كان المفروض بعباس يوجه صواريخه النووية والبيولوجية على تل ابيب .. ما باعرف شو انتو بتفكرو ... لا حيلته لا صواريخ نووية ولا صواريخ منوية ... يعني فارطة القصة ... النقطة التانية الناس اللي بتبيع دم شعبها ... اعتقد ان كلهم بيبيعو ... حماس وفتح ... والتعبئة السودا اللي انت معبئها خير دليل على هالحكي ... لا يوجد عاقل يعبئ نفسه ضد ابناء شعبه وان اختلفت الظروف ومهما كان السبب ... اما مشان البيع .. وسحق ارهاب غزة ... آتني بالخبر من مصدر حيادي موثوق ... ركزلي على كلمة حيادي بالله .... النقطة الثالثة ... يجب ان تفهم انت وغيرك انك في زمن الاعلام ... وثانيا انت في بلد معتمد 200% على الخارج والدول الاوروبية ... فالعنتريات فاضية ... والصواريخ اعتقد قتلت فلسطينيين اكتر ما قتلك اسرائيليين .. فهي عبئية وغبية كمان ... وما تحكيلي عن حماس والصواريخ ... فانت بتعرف انو شغل الجهاد الاسلامي ... والاعلام خلق البروباغاندا .... اقتباس:
زلزلت اسرائيل ... تعال لنحسب ونشوف قديش تزلزلت اسرائيل ... احسبو معي كلكم ... في مباراة الثأر ومباراة زلزلة اسرائيل ... بيصحلك تحتفل بجد بالانجاز بزلزلة اسرائيل وهز كيانها ... شوفو معي الحقائق والارقام تتحدث نحنا انتصرنا في معركة الهولوكوست بالنتائج التالية ... 109 شهيد .... 55 منهم مدنيين ... 27 أطفال ... 6 نساء ... 200 إصابة ... 46 منهم أطفال .... 8 نساء ... تدمير البنى لتحتية والمنشأت ... او سمها زلزلة ))) 78 منزل ... 13 منشأة صناعية ... 11 منشأة تجارية تدمير جزئي ... 4 محولات كهرباء رئيسية ... 3 خطوط رئيسية للتغذية بالمياه .. واضرار اخرى بشبكة الهاتف والكهرباء في رفح ... واستهداف الطواقم الطبية ... لان المقاومة تخبت بين الاسعافات ... اسرائيل تزلزلت بالحقائق التالية ... فتحو معي بالله وقارنو مقارنة عقلانية .. شو اسرائيل تزلزلت ... من سبتمبر 2005 - سبتمبر 2007 ... المواسير قصدي الصواريخ قتلت 4 اسرائيليين فقط ... يعني سنتين على 4 ... في حين اسرائيل قتلت وقتها المئات ... ولساتنا بنحكي زلزلنا اسرائيل ... نشوف عملية جباليا ... عملية منطقية ... 3 قتلى .. منهم جنديانفي ساحة المعركة ... وطالب من سديروت ... يعني المواسير لم تقتل سوى واحد مقابل 109 و 200 جريح ... 40 إصابة .... بالهلع والخوف ... يا حرام ... وكل صاحب عقل يستطيه ان يحسب موازنة " زلزلتكم" المزعومة لاسرائيل ... اعتقد بعد زلزلتين من هالنوع او ثلاثة ... لن يبقى من يحتفل بالانتصار ... ولا من يزلزل اسرائيل مرة اخرى ... ومشان عملية القدس وديمونا ... تحتاج لعقود من التعلم في مجال السياسة والوعي الاسترايتجي لتعي احداثياتها هنالك مصالح يمينية مشتركة لكل اليمين في العالم ... وافهمها ع الطاير .... |
اقتباس:
عبر مشان الله ,,,,,,,,, اذا ما بدنا نفتخر بالمقاومة,, منفتخر بفلسطين,, برجع بقول انااااااااااااااااااااا ماني مع حماس ولاني مع فتح اناااااااااااااااااا مع فلسطين,, |
اقتباس:
ليك ,, لو بيهمني امريكا او اي بلد من هالبلدان كنت فتحت موضوع على باراك اوباما ,, وهيلاري كلينتون بس هي يعني هيك بيقولو انو نحنا عرب,, ومنهتم بالعرب هيك بتزكر . اقتباس:
هوي هدا الشي اللي لازم يصير اوكي ما منختلف بالتسميات وما منزعل ازا كان بالعكس بس ازا السلطة عم تتقاتل مع المقاومة,, soo? |
اقتباس:
بس ,, صدق الله العظيم وتبقي اتصلي فيي وقت بتحرر فلسطين مشان شوفا ;) |
اقتباس:
لك ابو السيم انا خليتك لآخر شي,, بتذكر الموضوع ساعتا ما شاركت لانو ازا حكيت كلمة بدن يأبو عليي الاطراف المتناحرة soo متل ما شفت هون بهالموضوع انو يا صاح ما رح يزبط معنا شي لنزبط حالنا |
اقتباس:
( وليدخلوا المسجد كما دخلوه أول مرة وليتبروا ما علوا تتبيرا ) المسجد يعني المسجد الاقصى هذا وعد من ربنا مو بالضروري يكون بكرة يسألونك متى هو قل عسى ان يكون قريبا خلي إيمانك بالله قوي وانا ما طلبت منك تكون حمساوي او فتحاوي انا بدي اياك تحب فلسطين وما تندم لانك طلعتلها مظاهرة لانه ندمك مارح يوفي للي قدموا ارواحهم واطفالهم ودمهم في سبيل هالوطن وانت ندمان على 5 دقايق طلعتها تحياتي الك وربنا يحفظك |
طيب هلأ انو ,,
ليش ما قصد القرآن الكريم وقت فتحا صلاح الدين؟ سؤال بس؟ |
تم حذف ردود باعتبارها رد و اقتباس عن رد سابق تم حذفه لمخالفته شروط القسم
الرجاء الالتزام بالموضوع و المحافظة على سوية الحوار و عدم الاهانة المتبادلة شكرا للتعاون |
اقتباس:
من يومين كنا عم نحضر لإعتصام بطرطوس ... لفيت على اربع فصائل بدون ذكر اسماء مشان يمدونا بأعلام لفلسطين ... الأربعة قال ما عندهن بالوقت الحالي الممتد من ال 1990 حتى يومنا هذا ما عندهن اعلام لفلسطين عندهن اعلام للفصيل اذا بتحب .. روحوا لعنة الشعوب عليكن فصيل يقول للتاني تحياتي الحارة ظل جيفارا |
والله انا يا ظل صاير معي نفس الموقف بس مو بخل طريقة
كنا عم نحكي عن غزة انا وشخص فلسطيني المهم اجت سيرة طفل مية ابو شغلة كبيرة من فصيل معين تركلي غزة كلها وقعد يلحقلي هل شخص وعلى نضالو وانو الفصيل يلي تابعلا احسن فصيل واشرفن والبقية كلن كلاب المهم صرع سماي بكلامو من وقتا ماحكيت معو يخرب بيتو فعلاً لعنة الشعوب على الفصائل فصيل يقول للتاني واذا بضلو الفصائل بهل عقلية من ايدي بتتحرر فلسطين بس الا مايجي اليوم يلي يتبهدلو فيو والشعب يقول كلمتو ويصحى واسرائيل يلتعن ابو شرفا بس المهم انو الشعب يصحا ومن هون لوقتا تعا نطرق كاسك باكسي ونتركلن الهن السياسي مشكور عل موضوع :D |
اقتباس:
اقتباس:
100% :deal: |
أنا برأيي الشخصي انو قضية فلسطين لا تقبل الحل للأسف الشديد لأنها مبنية على الفعل و رد الفعل يعني روحولنا 10 من هون..لازم انروحلون 100 لألون و هيك القصة ما بتنحل اذا ما كل الأطراف اتفقت على وضع صيغة معينة للسلام ما في حل لا هلأ و لا بعد 100 سنة تانية ..ليبقا يكون شوي المخ البشري اتطور..
|
اقتباس:
وبعدين الشعب قال كلمته فما بعرف سمعتها ولا لا |
اقتباس:
فما بعرف من وين هالحكي بتجيبوه او هل انتو ندمانين بخروجكو لنصرة اهل غزة اللي هي مرة كل قرن بتنعمل فما بعرف اذا حابين احط الصور بحطهن هون للجميع بعتقد مارح يبقى اي كلام |
اقتباس:
وبالنسبة لانو الشعب قال كلمتو بدك تسمحلي فيا مين من الشعب بيقدر يسترجي يطلع ويقول انو انا ماني لا مع فتح يلي عم تتفاوض مع اسرائيل ولا مع حماس يلي عندن شحص اسمو خالد مشعل عايش بقصر والعالم عم تدبح والنساء عم يغتصبو وهوة قاعد بقصرو عم يتنعم فيو بس المشكلة لما الواحد بقول انا مالي مع فلان ومالي مع فلان ومالي مع مقاتلتن ولما بقول انو انا مالي مع تقتيل الفلسطينين ولما بقول انو السلاح لازم يتوجه لاسرائيل مو لاي فصيل تاني بنحط الحق علي وبطلع انا ضد الشعب وبطلع الشعب حر عم يحكي يلي بدو ياه وانا عم افتري على لسانو |
شو هي فلسطين مين هي حماس وين نحنا
عرب مين اااااااااااااااااه عن فلسطين بيصير كلو بيصير بس المهم انو الامل |
اقتباس:
سيدي الكريم لحنا رفضنا رفض قاطع انو نرفع اي علم لأي فئة ....وضلينا مصرين على الأغاني اللي تطلع انو تكون للكل ... رفعنا حوالي خمس عشر علما فلسطينيا وحوالي خمسة اعلام سورية ... بتعرف من وين جبناهن ...... سيدي جبناهن على حسابنا الخاص طلعت انا على الشام بتاريخ 7-3-2008 واشتريت الأعلام من مكتبة بالمخيم الفلسطيني ....! ولا أي فصيل ساعد .... فالشكر لهم ... يا ريت بلا غوغائية وما تزاود بالوطنية لإنو اي انسان بيضل لهلوقت بالفصائل مشكوك بنسبة كبيرة بوطنيته ... تحياتي الحارة ظل جيفارا |
اقتباس:
وثاني شي يعني بلاش نتبلى ونكذب ونقول عنده قصر انا هلق قادر اكذب احلى كذبة القول كتير والكلام كتير عندك دليل تفضل اعطينا اياه رغم انه الموضوع مش كتير مهم شو يعني عندو قصر هذا لو افترضنا انه كلامك صح هل باع وخان وما حد تقتل من الفلسطيين مع بعضهم بعتقد المخطط انكشف واصبح واضح والشعب اطمن كله مقاومة وما بدنا نفتري |
اقتباس:
بس ناس حابة تتضامن مع المقاومة بغزة حابة تنصر المقاومة اسرائيل اعلنت انه حربها على غزة لوقف صواريخ القسام والمقاومة وضرب حماس وسحقها ناس حبت تضامن معهم وتنصرهم هل هذا عيب بعدين وين الديمقراطية هم احرار يعني كل هالالاف اللي حملت الشعاررات وطلعت كلهم غلط بعتقد المقاومة شي بيرفع الراس ومن حقهم انهم يفتخروا فيها وفلسطين مش بحمل علم او صوة فقط فلسطين بالافعال والرجال اللي بتفعل وتقاوم تحياتي الك |
اقتباس:
بس لما بكون هيك زلمة هوة صاحب القرار ولما بخلي ناس من فصيلو يقاتلو غير فصيل بدك تسمحلي فيا هي اولاً تانياً بالنسبة انك عم تقلي اني انا عم افتري عليه ياسيدي انا ماعم افتري القصر موجود بدمشق وسأل اي شوفير تكسي بياخدك عليه فوراً بالاخير عم تقلي انو الشعب كلو مقاومة الصراحة انا مالي بفلسطين حتى احكم بس انشا الله خير ياريت يكون فعلاً هيك بعدين حابب ارد عليك منشان تعقيبك بالاخير عل ظل لما بتقول انو الشغلة مو بس بالاعتصام الشغلة بالمقاومة حبيبي انت كون بسوريا وبعدا احكي يعني الاعتصام وانا بعرف هل شي ماكان مرخص وكان ممكن بأي لحظة يمسكوه الشباب ويروح فيا هل شغلة لحالا بتكفي تحياني الحارة ظل غيفارا |
IT'S THE STORY OF PALASTINE
An old man is proud,
but behind his modest smile lies the grief Only one picture of his brave son remains It seems that the vicious circle can never be broken through The hopeful ones gathered their strength to achieve the apparent impossible but all plans seem to be in vain As a soldier of Allah hes an example for the others on his bloody way to immortality It seems that the vicious circle can never be broken through Because old wounds are reopened every time This Intifada as a device to thwart the peace negotiations He can rely on a reward in the hereafter Eternal paradise awaits him Pugnacity With our blood Show no mercy With our soul Die for heaven An eye for an eye Burn to let them... Suffer for all their actions We will not move an inch They wont play in our hands We will not tolerate those who defy We will not hesitate To start an attack if, you undermine the agreement Let them suffer Stop to let them suffer! |
تذكير بتحديث أعراف الكتابة في قسم المجتمع
اقتباس:
أفهم ان الموضوع عن تقديم فلسطين كمفهوم وطني على مفهوم الحزب أو الفصيل مهما كان الفصيل و مهما كان الحزب... الرجاء الاستمرار على هذا المنهج. شكرا للتعاون |
انا برأيي يا شباب انو كلنا نحط خريطة فلسطين وبالزاوية اليسرى العلوية خط اسود دلالة على موت القضية بيد أبناءها ولنعرب عن استياءنا الشديد من الممارسات والسلوكيات والأفكار الخاطئة التي إن تخدم احدا فهي تخدم المشروع الصهيوني في المنطقة وانا سأبدا بنفسي
تحياتي الحارة ظل جيفارا |
اقتباس:
اقتباس:
:deal: اجد كلامك لا غبار عليه ... وهو كلام تحدثت فيه كثيرا هنا ف ي غزة ... ولا حياة لمن تنادي ... |
اقتباس:
كذلك المقاومة التي هي شرف قبل ان تكون " فرض " تحياتي الحارة ظل جيفارا |
لن يفلح احد عبد هواه
حفي الساني مناول ما شاركة في المنتدى واحنا بنحكي فلسطين فوق الجميع ولن نتحرر الا عندما يصبح الحزب في انفسنا لا يساوي ذرة تراب من رمل فلسطين معلقة في حذاء مقاوم الحمدلله اني عشت وشفت حدا في الاخوية بنادي |
اقتباس:
تحياتي الحارة ظل جيفارا |
قطعا لما وسقطنا فلسطين الى هذا الدك الاسفل من الضياع
الصراع بيننا وبين اسرائيل صراع اخلاق قبل ان يكون صراع حضارة اعتقد ان بيننا وبين الانتصار ما ين السنماء والارض اذا كانت الاخلاق هي معيارنا للانتصار ولا اعتقد ان هناك من يخالفني الراي ابدا حتى الهدنة التي نادا بها بعض الاحزاب الفلسطينية في غزة لم تكن الا لمصلحتها هي وحدها فقط حيث تستغل هذه الفرصة لاعادة صياغة واقع غزة عن طريق التفرغ لخصومها في القطاع في الوقت نفسه تجزر اسرائيل في الضفة بالنسبة للاخ المتشائل فعلا زمن يبعث على التشائم لا مفاوضات نافعة ولا مقاومة قادرة على صياغة اسلوب قوي ومقنع ونظيف اتذكر يوم زارنا بعد استشهاد اخي بعض الصافين الاسرائيلين من اليسار اعتقد ان اسمه جدعون ليفي وكان من ضمن الذي قاله ابي وقد اثار حفيظيتي الطفولية المتحمسة والمندفعة وراء الشعارات الكبري ان قال ابي له انه وباسم انه قائد في الجهاد الاسلامي يقبل بدولة ثنائية القومية دولة تحفظ للفلسطينين حقوقهم المهم انا استغربت من ابي بعد المقابلة انفردت بابي فقال لي الاسرائيلين لن يرضوا بهذه الحلول ايضا ولكن المهم ان تعرف كيف تظهر في العالم بانك مسالم ومعتدى عليه ان تعرف كيف توازن بين الغصن الاخضر والبندية وتحسن استخدامهن اعتقد انه ينقصنا بعض العقول |
| الساعة بإيدك هلق يا سيدي 12:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون