|
دعايات الحفاظ على النظافة على القناه السوريه!!!!!!
حبيت اطرح هالموضع لا اعرف ارائكون اذا هل اعلانات الي على الفضائية السوريه كافية للحفاظ على النظافة وتوعية العام انو ما يرموا اوساخ هون وهون ولا لازم تكون حملة قوية عنجد مع فرض عقوبات ماليه وانزارت ووووالخ لحتى الشعب بتقيد بالنظافة ولا نحنا شعب ما منهتم ولا منسمع الا ازا كان في عقوبات ( ماديه ) فا شو رايكون ؟؟؟؟؟؟؟ كافية ولا لازم ينعمل متل ماقلت انا!!!... |
المواطن الاكابر .. بيفهم وبتعظ .. وبتأثر في كتير
حتى لو بلا اعلانات بتأثر .. بس الشاوي صعب يفهم ويستوعب حتى لو نزلولو اعلان باكبر محطة .. مو بايدو |
اي الحق على الجهتين
لانو المواطن الكريم متعود يرمي عالارض و من جهة تانية المحافظة ما عم تهتم بسلات المهملات بحيث انو كل مسافة محددة يلاقي الواحد مكان يطفي فيه سيجارته او يرمي علبة الكولا |
ليش مين عم يحضر الفضائية السورية . هي اول شي
تاني شي شعبنا صدقيني .. بيشعر ب الذة بتصرف أيا شي ممنوع . مدري ليش بيحس ب نشوة . متل كأنو عمل شي انجاز بزكر انو بلزمانات كانت صايبتني هي الحالة أو هادا المرض... انو نضايفي يابا .. ومن ملحقاتو . بس بمساعدة ولاد الحلال نشفيت .. والحمد لله عوجا |
اقتباس:
والله حكيك جوااااهر انا ماحكيتا لخليلكون شي تحكوه هههههه يسلمو عالمتعليق |
والله يا بنوتة
طرحت هدا الموضوع من شي شهرين والسؤال كان ليش شعبك منشح وبقلك من هلق ما رح تطلعي بنتيجة |
اقتباس:
ههههههه بركي على حظي منطلع بشي فائدة الله اعلم |
فالج لا تعالج بنوتة. جد . حال بينبكى عليه. لما الشعب بيحس انو الوطن مو الو أكيد بيخرب فيه. مع انو هادا مو مبرر لهالوسخ والنشح. :D |
اقتباس:
كلو بالتوعية بيفهم يعني الشي بيبدا من العيلة اللي بتعلم ولادها بالبيت ما توسخ و لما الولد بيشوف ابوه ما بيوسخ كيف ماكان وبعدين الشغلة بنط عالمجتمع |
انو الي بستغربو بيعملو حالون نظايفية واكابر ببلاد غيرون
وبيأنشحو ببلدون عنجد مرة كنت عم اكل بوضة فا خلصت وخليت الكاسة بايدي شي رع ساعه لبين ما شفت حاوية لما كبيتا بالحاوية صار يضحكو علي ههههههههههههههه حسيت حالي عملت شي غلط لينضحك عليي اووو ف مالنا غير الله |
اذا بيفرضو عقوبات مالية انا بهاجر ما ناقص غير ادفع رشاوي منشال زبالة
يعني توقع مني ورقة و يجي الزبال يخالفني و اعطيه 25 سابقا هلق شي 100 او اكتر |
اقتباس:
أصلاً يللي عم يشوف هالاعلانات البايخة و الركيكة .. عم يطلع و يكب و سخ بالجكر يحرق حريشون ... معقول لهلأ ما بيطلع معون أزبط من هالاعلانات ..؟؟:jakoush: |
اقتباس:
أنا بالنسبة لألي ما بحب أرمي الأوساخ بالشارع :pos: وبعدين في مشكلة أكبر يلي هي دخنة الميكرو باصات والباصات يلي عم تسبب تلوث كبير كتير للأسف:cry: |
انا اتعودت بالبلد يلي مقيم فيها هلئ انو اي شي مهملات او فضلات بتكون معي او حتى لما بكون بسيارة
اني زت اي شي على الأرض بتعرفوا ليش لانو بخجل انا كون مختلف عن البيئة يلي عايش فيها يعني ناس اتعودت على هاد النظام عنا بسوريا العكس يعني مرة بعد خلصت اكل سندويشة خليت الورئة تبع السندويشة معي لحتى لئيت مكان كبها فيه رفئاتي صارو يضحكو علي يعني مو متعودين على هيك شي يعني حسيت حالي عملت شي غلط يعني فالج لاتعالج الشعب اتعود طبعا مو كلو بس هاد الشي مابيمنع انو مانعمل شي قكرة الاعلانات حلوة احسن يعني نحاول واذا كل واحد بلش بنفسو بتحل الشغلة بس ياريت تكون الدعاية ارقى شوي |
اقتباس:
اي وليش لا تكخلي الورقة تقع منك مسكا منيح ما بتقع يعني ازا انت فكرت هيك وانا فكرت هيك وغيرنا فكر هيك اي لكا هتمينا بالنظافة :lol::lol: مشكور عالمرور |
اقتباس:
انو اي وانا تعرضت لهيك موقف وكاتبتو انو شو طلعنا نحنا الي منكب بالحاويات بيضحكو علينا والله اما شي عجبة :larg::larg: |
اخي كمان الشغلة بتعتمد ع المدينة ..
يعني مثلا بالشام الشوام بكبو بالارض رأسا .. يعني بطبيعة الشوام الباردة والبليدة اكيد رح يستخسر اخونا با الله الشامي يوصل ع حاويت الزبالة ويكبا .. بحمص اكيد الحمصي رح يخربط بين الزبالة .. واللي مو زبالة .. يعني ممكن يكبا بحيا الله حفرة او هيك .. يعني بتعرفو حمصي .. بالدير .. بدو يكب قشر الموز بالارض ماعندو مشكلة بحلب .. اكيد الحلبية شعب متحضر وبيفهم الكلمة بروية يعني .. واكيد بحافظ ع نظافت مدينتو لانو عنا بحلب كل شغلة مكتوب وراها حافظو ع نظافة مدينكم فيعني اكيد الحلبي بزوق ع دمو .. بما انو نحن شعب زويق الحموي مخو تنح .. مارح يزتا جكر عندك بطرطوس وبما انو كلن دارسين فنون جميلة فبصراحة انا بشهدلن انن شعب راقي .. ومابتوقع من الطرطوسي اللي دارس فنون جميلة يكبا برات الحاوية .. عيب مشان الاتيكيت بدرعا .. مو سال عن ابو اللي خلفو بكبا بنص بيتو هو وكمان اخوانا الديرية بالحسكة بروح بكبا ع الحدود العراقية هادا .. اي وهكزا |
اقتباس:
لك انو شو بيخطر ببالك ما بعرف :shock:. لك انو كل سوريا أوسخ من بعضها بئا من وين النضافة لحلب :pos: قال كل الشعب حشرات ووسخ الا عندون بعد قلبي وعيوني :frown: |
مممممممممممممم مع اني مالي رايح على طرطوس غير مرة وحدة ...بس بحس شعبها راقي يا معلم غير شكل...:oops:
هلأ بالنسبة الي بالشام ...متل ما عم تحكي ...بس انا غير انا اذا مالقيت سلة زبالة بتضل بجيبتي الورقة شي يومين تلاتة بعدين بتزكر انو هي زبالة ولازم كبها ...كونو سلات الزبالة شبه معدومة بالشارع ....:jakoush: |
اقتباس:
لولا المليون الف مزبلة اللي فيا .. من كل عقلك صدقت انو حلب نضيفة ؟ |
شو وين صرتو
|
اقتباس:
يازلمة باخر الليل بتلاقي كل فازة كريستال بوهيمي ههههههههههه سودا بي قلبا هالوردات وهي من عدا ما بيشلفوهون من البلاكين يا عمو بالفرقان اكااااابر لكل حارة الها زبال بيجي كل يوم بيقش الزباله واخر الشهر بياخود شهريتو وفي زبال للحارة كمان فا هونيك عاطول نظيف |
اقتباس:
في كزا منطقة غير الفرقان |
اي اكيد بس انو هيك اسلم طريقة
هههههههه مابحبو الاكابر يزعجو حالون |
تمنيت انو الردود تكون شوي بالسياق اكتر .. وانو اللي بدو ينكت . ينكت بمحل تاني !!!
منرجع َ برأيي .. انو الشغلة مالها علاقة بنوب بالأكابرلية او هالقصص .. بدا توعية :) وتربية ... يعني أنا ما بتذكر من ضمن الأشيا اللي قلي ياها الإعلام أو قلي ياها منهاجي المدرسة او درسوني ياها انو النظافة بالشارع هية شغلة كبيرة ... :) هية جزء من المحافظة على منظر الحضاري للبلد .. جزء من التعاون مع الزلمي .. اللي رح ينضف الشارع .. شي مهم وصحي .. كتير كتير بعرف ناس بيكبو بالشارع ( واحد منن هون صديقي بأخوية :pos: ما رح قول اسمو ... ) بحجة انو كل الناس بتكب بالشارع :lol: او بحجة انو ما في سلات مهملات .. بدنا نبدا نحنا .. بحالنا .. برفقاتنا .. بولادنا .. :) من عنا بيبدا التغيير بهيك مسائل صغيرة شكرا ً .. عالموضوع :mimo: |
على فكره الانسان الفهمان مو بحاجه لدعايات لحتى تحثه على النظافه الانسان الفهمان نضيف من يوم يومه
وكمان الانسان الوسخ لو عملوله الف دعايه وين ما كان حطو دعايات على الفاضي وهيك ناس ما بيجو الا بالعقوبات فانا بعتقد انه لازم يكون على الجهتين لانه في ناس بدون دعايات بيحافظو على النظافه وفي ناس بيتأثرو بالدعايات وهيك الدعايات بتجيب نتيجه وفي ناس ما بيتأثر بالدعيايت وهيك ناس ما بيجي معها الا العقوبه تحياتي بنوتة حلب والله اشتقنا كتير لمواضيعك :D |
| الساعة بإيدك هلق يا سيدي 18:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
