المرأة لا تزال عرضة للضرب
 

في الوقت اللي صار فيه العالم توصل للمريخ

نحن لسع عمنحكي باشياء " بديهية " بالنسبة للمجتمع المتطور

بعتقد مشان هيك نسمى المجتمع المتخلف

مشكلتنا مانا مع العقلية او مع التفكير

مشكلتنا هي المرجع

مشكلتنا الوحيدة اننا ننسب هاد الشي إلى الله

بعتقد الله بريء من هاي الشغلات ونحن لزقناها فيه

مشكلتنا يا شباب بان كلام الله تحته في خط احمر ممنوع الاقتراب او التجازو

وممنوع استخدام العقل

الشي اللي سمح للشخص اللي بالفيديو يطلع وبكل جرأة يهين كل امراة على الارض وبيرجع البشرية 1500 سنة وبصرح ان للزوج حق ضرب المرأة لكن بحدود


اي حدود يا جماعة اي حدود

!؟!؟!!؟

شو قال الشخص هاد ؟!؟!

قال : نقلا عن تلفزيون البحرين
عبد الله آل محمود
التاريخ
20 / 6 / 2005
قال :
ان الزوج لو اراد ان يستخدم الضرب في علاج زوجته
يجب يجب يجب
يجب ان لا يكون اما الابن
يكون فيما بينه وبينها
وبالشروط التي قلناها انه لا يدمي ولا يترك اثر على الجسد ويتوقى الوجه والاماكن الخظرة بالنسبة للجسد
بالنسبة لحدود الضرب كما قلنا لا يكون مدميا لا يكون فيه كسر لا يصيب الوجه لا يترك اثرا
اذا تعدى هذه تعدى حدّ الله عز وجل
واذا وجدنا ضرر فحين اذن يجب ان يَضمن
يَضمن ما فعل لانه ليس المرأة عنده سلعة يستطيع ان يفعل بها ما يشاء
وان كانت المرأة سكتت عن حقها فليس معنى ذلك ان الله عز وجل سيسكت عن حقها يوم القيامة .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

تماما ً هاي مشكلتنا مع العقليّة أو مع التفكير ..

و هيه نفس مشكلة موضوعك أنو " كلمة حق أريد بها باطل " .. :wink:

لا لا المشكلة متل ما قلت مانها مع العقلية

لان العقلية ممكن تطور ممكن تتحضر ممكن باتعس الاحوال تستورد تفكير متطور تحاول تتماشى معه او انها تجرب بنفسها ترتقي إلى مستوى افضل

متل ما قلت مشكلتنا مع المرجع

كل عملية بحث او دراسة بالتاكيد بدها ترجع على الباحث بالفائدة واذا تكللت بالنجاح ووصلت لتنائج مقنعة بدها ترجع لكل العالم بالافادة والنتيجة تطور صغير كتير بالنسبة للمجتمع وارتقاء بميليمات قليلة جدا نحو التحضر

لكن طريق الالف ميل بيبدا بخطوة

لكن انك بمجرد نسب كل شيء إلى الله مع وضع خطوط حمر ممنوع الاقتراب فتاكد بدك اتضل محلك حتى نهاية الدهر .

بتوقع اللي نفسو ورجولتو بتسمحلو يمد ايدو ع مرة شو ماكانت تكون .. وشو ماعملت تعملو ..
بتوقع انو هالشخص ناقصو من الرجولة كتير وكتير كمان ..
اللي بيستقوي وبمد ايدو ع مرا مين ماكانت تكون وشو ماكان وضعا يكون ..
للاسف هادا زلمة ناقص .. وازا بفكر حالو رجال فهو بعيد عن الرجولة كتير

العنف ضد المرأة ومعاملة المرأة بقسوة وخشونة وعنصرية..هو تخلف وجبن وحماقة!

وبالنسبة لنسب كلشي لــ الله ..فا انا بقول انو اللي بنسب أفعال شنيعة لا تمت للدين والله بصلة لربنا فا بكون دنيء ونفسه شريرة ازا كان عارف انو هالشي غلط..أو بكون مثير للشفقة ازا كانوا مفهمينو بعض "رجال الدين" انو هيك الله بأمر :frown:

في الحقيقة ومن وراء ردود الشباب في هذا الموضوع لايسعني الا ان ارفع قبعة الاحترام لهم
بارك الله فيكم وبأفكاركم الحضارية والتي قبل ان تسمى حضارية هيي قمة الانسانية
وياريت كل انسان بهالدنيا يقتدي فيكم :hart:

لو كان اي واحد غيرك حاطط الموضوع للنقاش كنا ناقشنا بس انت ما خرج بتعرف ليش؟
لانو عندك مشكلة شخصية مع المسلمين وحقدك الرهيب تجاهن بيمنعك تكون موضوعي تجاه اي شي بيخص الاسلام والمسلمين

مافي داعي نحط مواقف مسبقة... يعني الموضوع للنقاش الحر المسؤول ضمن شروط معالجة الظاهرة كظاهرة اجتماعية فقط

شباب لحظة يقلب الموضوع ديني راح يتسكّر.... رجاءا التعاون


شكرا:D

مدري ليش أنت دائما بتحب تعارض شي واضح بلا طعمة
عندك مشكلة ياأبني بتحب تنط وترد على كلام مو لالك متل سقف الحلق
انا من رأي أيهم وعابد ومعروف هدف صاحب الموضوع

لأ يا شباب لأ .... مو هيك الله يخليكون يعني

الموضوع من كأساس مانو مخالف, و نية صاحب الموضوع أمر خاص فيه, و المشاركة بالموضوع مانها اجبارية يعني.... أرجوكم مافي داعي يتحول الموضوع الى محاكمة لنيات صاحبو

الظاهرة السيء ظاهرة عالمية ومنذو شهر تقريبا كان على قناة الجزيرة تقرير عن هذه الظاهرة ذكرى التقرير بأن أميركا تحتل المركز الأول بنتهاك أو أتهاض المراة وقد عرض التقرير مقابلات مع نساء يقشعر البدن لقسوت الضرب لهن المسبب لعاهات دائمة و العياذ بالله
لذا أرجو أن ننظر الى هذه الظاهرة من منظور أخر نحن بأمس الحاجة لكي نسمع بعضنا البعض ولتكن النوايا سليمة ورحم الله من أهداني عيوبي
أخ جبريل مشكور على طرح الموضوع

عمتم بخير جميعاً .!
هاي مسيو غابي



ممكن رح تلاقيني وراك بهيك مواضيع " فقط " للتوضيح... و بدّي قللك و كمان بدي الغير يسمع هالشي: بأني لا شيخ مربي لحية و لا هالإنسان المتدين المسلم القدوة .
بيجوز هيك فينا نفتح خط للتواصل البنّاء و كمان بنوعي البعض عن شرائع خاصه بالاسلام " أساسيات, أولويات, من ثم الولوج بخيار صعب ربما لا يكون عن اتخاذة أي سبيل أو طريقه غيره... فهمت شو هو.؟ اي عزيزي الضرب او العنف المنزلي يللي بيشمل كمان ضرب الاطفال ".

بما انو العرف المتبع هون احكي و قبل ما تحكي هات مصدر كلامك:lol: بدي احكيلي شويه زغيره قريتها مضطر منشان اعمل مقارنه بين يللي عم يدور باميركا باعتبارها مستقطب لكل الاعراق و الجنسيات " تقريبا 300 مليون نسمه " بظن مثال يحذى به .
الموقع يللي رح اعرض شو في اسمه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

يقلك يا جميل الشمائل و الخصال التالي:
العنف ضد النساء هو حاله خطرة جداً التي تفسد بدورها العواقب و النتائج العاطفيه و الجسديه للنساء و الاطفال .
العنف المنزلي او " العائلي " في الوليلت المتحدة بالعشرين سنة الأخيره تم التصريح به على انه ينمي بسرعه القلق على الصحه في المجتمع .


بدياك تلاحظ بان المجتمعات الاميركانيه عم تعمل لتطوير استراتجيا لوقف العنف حيث يتم تزويد النساء و الاطفال بتقنيات وقائيه .... انت ملاحظ قديش خطره هالظاهرة و شو مهتمين فيها و الدليل هو عم يعملو أبحاث و مشغولين... هذا بيدل على تفشي ظاهره الضرب " طبعا الشباب هون مو مسلمين " .

* تقرير بيقدر أكثر من 2,5 مليون جربوا بعض أشكال العنف كل سنه و على الاغلب 2 من 3 من السكان تعرضو لهجوم او ضرب من قبل عضو بالعيله او شخص بيعرفو .

من الـ Website يللي رح ارفقو في فقره تحت عنوان General Information بتقول: اميركا 1991 في 5,745 من النساء مانتو بسبب القتل " يالطيف " اسم الله علينا مو كتير من الرجال يللي بيقتلو نسوانهن بسوريا و الا عند العرب و خصوصي " المسلمين " .
6 من 10 نساء قتلو على أيدي أشخاص يعرفوهم و تقريباً نص الـ 6 قتلو بيد أزواجهن او أشخاص حميمين " يعني بوي فرند و هالشغلات " .
ركّزلي على هالمعلومه يرحمك الله:lol:.
كل 21 يوم تقتل إمرأه بسبب الـ Domistic violence يعني عنف او ضرب أسري عائلي بيصير داخل العيله الوحده...
متل ما حكى شيخك تبع الفيديو " الاحداث عم تدور بالعيله " .
برجع لكفيلك كلامهن...
أكتر من 50% من النساء و الأطفال المشردين بأميركا فارين من العنف المنزلي او العائلي بتعبير أدق
الشرطه تستقبل مكالمات للتبليغ عن العنف اي حبيبي.! 1 من 10 مكالمات بيكون المخبر عن المشكله طفل .
الطامه الكبرى.....
أكتر من 1 مليون سنوياً نساء يطلبون مساعدات طبيه بسبب التعرض للضرب.. طبعاً الموقع غني بكتير معلومات بس هيك كفايه على موضوعك .


يعني حبيب قلبي انو انت ليش شايل السلم بالعرض.؟؟ مين قللك الاسلام صرّح الضرب.؟ اسمع شو قال الرسول:
" رفقاً بالقوارير " حبيبي ممكن تقرأ شوي " دخيل عيني أقرأ " .
بعدين الضرب مسموح في بس بآخر المطاف يعني لما المراه بتكرر نشوزها و عصيانها و ما تنضرب بسبب مخالفة زوجها الراي و إلا شي بسيط ... بالأول المراه تهجر كعقاب روحاني " شايف المعاني الساميه عنّا كيف "
يعني تصور المرأه لما تحس بانها غير مرغوب فيها عاطفيا او جنسياً من قبل زوجها... ما بيحكي معها ..مكشر بوشا طول اليوم و لما بدهن ينامي بيحمل مخدته على كتفو و بيروح لينام بالصالون .:lol:
هاي هي تعاليم الاسلام الله يوفقك افهم
أما الشواذ فبكل مكان و اذا بدك نحكي لنحكي عنهن.!
بالمناسبه مبارح قريت موضوعك و مدري شو صرلو انحذف و الا طار " بكل الأحوال كنت محظوظ لأنو طار بسبب تناقضات كتيره كانت في بس كمان كنت عم تحاول توصل هالفكره .

بلا طوله سيره مو بس المسلمين حبيب عمري انت و لا الاميركان ... العنف و الضرب بكل مكان..
هون بدنا نعترف نحن الرجال بها الشي و نحاول نلاقي حل لها الموضوع.!

الإحصائيات مأخوذه من هاد الرابط .

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هدوووووووووووووووء شباب كل واحد يعطينا اللي في خاطرو بدون عصبية مع احترام الرأي الآخر
واسف على التدخل:D

الله نهى عن العنف بكل اشكالو
وبظن انو الرجال يلي بيضرب مرتو بيكون عندو عقدة نفسية
او نقص في الرجولة
عم يحاول يفرغ هالعقدة و يغطي هالنقص بهالتصرفات اللارجولية..
يسلمو :D

انا بدي احكي انو من الموضوع كله ما طلعت إلا بكلام التقرير الجوال وانا اسف لكل الشباب اللي شاركوا بالموضوع على هالكلمة :D
بس استغربت جدا انو قال في ناس ما بدها تشارك لإنو الموضوع معروفة شو نوايا كاتبه... لسعدو في خلقه شؤون:lol:

صديقي التقرير الجوال ..... اولا انا ما بدي انساق لنوايا اشخاص معينة من ورا الموضوع
بدي احكي بعموميات قد ما فيني ..... طبعا حوادث العنف موجودة بمجتمع متل اميركا وانا ما فيني انفي صفة التخلف بحدها الأدنى عن المجتمع الأميركي فهو لا يقارن بمجتمعات اخرى كالأوروبية مثلا او مجتمعات الإحترام البالغ الدقة في شرق اسيا ....
بس لازم انا وياك قبل ما نبدأ بالنقاش نعرف شوية شغلات ...:D
1- موقفي من الضرب انو مرفوض رفضا قاطعا فليس للرجال اي وصاية على المرأة ولا يملك القانون بيده .
2- تأكيد الظاهرة لا يتم بنفي ظاهرة اخرى

بنقدر ننطلق من هيدول الفكرتين بنقاشنا ..؟:D
تحياتي الحارة
ظل جيفارا

اي منتناقش ليش لأ بس مو هلأ باعتبار دماغي High شوي و مافيني ركز
بس بدي قللك بان المجتمعات كلها مضروب على قلبها... اي صح في تركيز بشرق آسيا عالتعامل الودي و الرقي الفكري أثناء تعامل الناس مع بعض خصوصا موضوع تبادل الاحترام... بس هاد ما بينفي العنف الحاصل بكل مكان
صدقني بكل مكان و الحال من سيئ لأسوأ .
و فعلاً متل ما بيقولوا ربّ رميه من غير رامي.... هي الظاهره متفشيه بكل مكان باصقاع العالم..
خلينا نعمل لها تحليلي و سبر من كافة الجهات, خلينا نشوف اذا كان بعض النساء بيستحقو الضرب و إلا لأ
خلينا نشوف اذا الرجال قوامين عالنساء بالمجتمعات الشرقيه و إلا لأ..


دعوه للحوار مفتوحه للجميع:D.

صديقي التقرير الجوال
ممكن ان اتفهم بعض مواقفك ضد او بعض آرائك ضد افكاري لكن انك تعتبر اني عتبهجم على المسلمين بهاد الموضوع بعتقد انك بعدت شوي

الي بيعرف بالنيات واللي هو الاخ

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بنصحك من كل قلبي باعتبار انك اكشتفت قدرتك على كشف نوايا القلوب انك تستثمر هي الهواية وباسرع وقت ممكن .

صديقي التقرير الجوال للاسف انت بردك هاد حطيت ايدك على الجرح ورجعت فتحت لي جروحاتي .
ردك هاد يا عزيزي بعزز كتير من فكرتي ويعتبر هو اساس الموضوع اللي انا بدي اوصل لكم

متل ما الكل استنكر فكرة ان الله يوصي بالقتل المرآة وانا شخصيا بفتخر بالأخوية كونها بتمتلك عدد لا بأس فيه من العقلاننن اللي بعقليتهم اقرب للعلمانيين حتى لو ما كانوا بصنفوا حالهم علمانين .

انت يا صديقي حاولت توصل لي الفكرة اللي انا بدي اوصل لك اياها

بمعنى آخر

مانه المجتمع " العربي" اول المجتمعات اللي التصقت فيه لقب " الذكوري "
وبالدليل متل ما انت اوضحت بردك المجتمع الاميركي بحارب الظاهرة هي ويعتبرها " متفشية " ويجب استئصالها
بمعنى آخر يحارب العقلية المتخلفة الذكورية في المجتمع الاميركي
طب شو هي مشكلتنا
مع العلم انك رديت علي معتبر المجتمع الاميركي من افضل المجتمعات وهي نقطة مختلفة بتستاهل جلسة منفصل للتحدث عنها بشكل مفصل وما بدي اوفت بالتفاصيل بالمضوع هاد .

المشكلة انه من الممكن محاربة المشكلة بالمجتمعات الغربية
لكن من المستحيل محاربتها بالمجتمعات العربية
السبب

المجتمعات الغربية تنتج مشكلتها من تفكير الفرد اي معالجة المشكلة تتطلب اصلاح العقلية
بمعنى آخر تتطلب اعادة تعيين للقيم عن طريق حملات التوعية والنقاشات المفتوحة وبالجانب المقابل سماع الرأي المقابل .

لكن بمجتمعاتنا متل ما قلت مستحيل حل المشكلة والسبب متل ما ذكرت " المصدر " اللي هو الله والي من بعد اسمه في خط احمر ممنوع الاقتراب او التجاوز .

عربيا حل المشكلة يتطلب الوقوف في وجه الله او الوقوف بوجه الشخص المتحدث باسم الله " اذا اعتبرنا جدلا بان الشخص يتحدث باسمه الشخصي "
وبعقتد نفسية الاسنان العربي لم تنشأ او تنمو في ظل امكانية الوقوف او وضع التساؤلات حول كلام الله او كلام ممثلي الله .

لا تنسى كمان إنو العنف بالدول المتقدمة، سواء كان ضد المرأة أو ضد الرجل أو الأطفال...الخ، يعاقب عليه القانون، مو متل عنا، بس توبيخ وفركة إذن صغيرة!!! فمشان هيك ما حدا بيسترجي يرفع إيدو بوجه التاني قبل ما يعد للمليووووووووووووون، وإذا صار ومد إيدو فالشرطة موجودة للحماية، وكمان متل ما قلت، هيك مشاكل مفتوحة للنقاش عندهن، فمشان هيك إحصائياتهن ضمن المجتمع المحلي-وهي هيي الإحصائية يللي اعتمد عليها التقرير الجوال- بتكون واقعية بنسبة كبيرة، بينما عنا مافي هيك واقعية!! لأننا مجتمع مسكر وبيلحق الخزعبلات، وبالتالي بجوز إذا لجأت لإحصائيات عربية تكون النسبة أقل من الغرب، بس لو تجي للإحصائية الواقعية متأكد رح تكون العكس، بعدين لا تنسى نحنا منحسب نسب، يعني مثلا، إذا قللك 10ملايين مرأة معرضة للضرب بالغرب، إنتي عمتحكي عن أوروبا وأميركا فقط يعني تقريبا شي مليار نسمة على الأقل(طبعا استثنينا الصين وروسيا من الحسبة)، يعني النسبة 1%، بينما إذا قللك 5ملايين امرأة عربية تضرب من قبل الرجل، عمتحكي عن نسبة أكتر من 1.5%، رغم إنو 10ملايين يعتبر أكبر من مليون!!!! ولا تنسى إنو ال5مليون رح تكون النسبة المعلن عنها، وإذا بتقارن نسبة الغير معلن عنا والغير معلن عند الغرب، بتلاقي إنو غير المعلن عنا قريب الضعف للمعلن!!!!
أما مشان الإحصائيات، فهي مواقع بحبشوا فيها قد ما بدكن مشان توصلوا للحقية المرة تبع عالمنا، وعفكرة هاي مواقع للأمم المتحدة، مو مواقع لمنطقة معينة بحد ذاتها، وفي تقرير من 259 صفحة يا ريت تقرأوا الملخص تبعو بركي بتعرفوا الحقيقة أكتر.
1)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

2)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

3)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

(هادا هوي تقرير ال259صفحة)
4)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

(هي التقرير بالعربي)
5)

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

استمتعوا!!!!!!!!!!!!!!

ماني بموقع اشارك بدلائل و اشياء ملموسة بس بدي احكي ملاحظة وحدة

بالزمانات باسبانيا ما كان ينحكى عن العنف الاسري, و هلأ من اكبر المشاكل اللي المجتمع جدا جدا حساس تجاهها... هل يا ترى قبل ما كان في؟ طبعا في و أكتر بكتير كمان.. بس الفرق انو ما كان ينحكى فيه, ما كان في مرة تشتكي لأنو عيب يفوت قاضي "بينها و بين زوجها"... هلأ صارت تشتكي

المرة اللي تموت على ايد زوجها أو خطيبها أو عشيقها أو أو أو ... هلأ تطلع بالأخبار انو هيك ماتت... أولي كانت العيلة تستّر... يا ماتت بحادث منزلي يا وقعت و هي عم تنشر غسيل... الخ

قد يكون لي عودة بس ما بوعد شي:lol:

هوي الإحصائيات ما بتنجمع بين المجتمعات لتكون بالنتيجه محصله عامه للعنف بالعالم .. يعني كل مجتمع على حدى . هيك مذكور بالدراسات يللي ذكرتها الأمم المتحده يللي لصّقتها و طلبت من الناس تقراها .! هيك بس.!
طبعاً اطلعت عليها بشكل عام و استنتجت بان النسب تكاد تكون متشابهه بالمجتمعات المتشابهه .... ناهيك عن بعض المشاكل يللي تسبب خطر على النساء متل الـ Mental Abuse بتلاقي ببعض المجتمعات الغربيه .
أما النسب العاليه فكانت بشرق آسيا " بنغلادش, فيتنام, الهند " .
بس الغريب يللي قريتو عن السويد حيث كانت الدراسه واضح فيها الـ Partner Abuse كانت الدراسه على 5868 و الحصيله نصيب 4% من النساء هوي الضرب و الايذاء الجسدي .
كمان سويسرا لسا على أضرب لأنو من أصل 1500 انثى تمت الدراسه عليها كانت النتيجه 6% تعرضو لإعتداء جسدي و جنسي .



طبعاً انا كتبت عريضه طويله كتير بس للأسف " انمسحت " كنت مضطر اعمل تسجيل دخول مره تانيه و بصراحه مليت .
بدي اسالك شو استنتجت من قراءتك للملخص باعتبار مو كل الناس الهن مراق بالقرايه .
طلعت النتيجه معك بان ضاهره العنف منتشره بكل مكان و بتوصل لمرحله قتل الشريك ببعض الدول .؟
برأيك في عنا بالدول العربيه هيك .؟ شو هي النسبه برأيك .

طيب اوكي خلينا نتم ماشيين على انو المراد من الموضوع هو ظاهرة العنف "يللي هي اجتماعياً ظاهرة نفسيه " .
من المتفق عليه و بكافه الديانات السماويه بان الله لم يرسل تعاليم بضرب المراه قط .. و لكن ثمّه سؤال يطرح نفسه .. ما هو التعامل الأنسب عندما تنشز المرأه .؟ كيف يتم تعامل الرجل مع المراه الخائنه لفراش الزوجيه ..؟
طبعاً هاد على سبيل التخصيص و ليسى التعميم .. هو فقط مثال لمناقشه ظاهره الضرب بكافه أبعادها .


حتى في الشريعه الاسلاميه الفرد غير مخوّل بقتل زوجته اذا خانت . الشرع الاسلامي القضائي يعمل على ذلك . بالرغم من ان النفس البشريه لا تطيق ذلك .. منشان هيك منشوف ظواهر قتل الشرف .. بتلاقيها باميركا و بآسيا و بكل مكان . بس للأسف تعتبر مأخذ على المسلمين ... هي شغله .
أما الضرب فاذا بدّك تعتبرو أسلوب للترهيب و الوعيد فأنا شايفو أسلوب ممكن بيكون شوي مقبول اذا كان السبب نشوز او عدم احترام او ممكن مثلاً لتقويم سلوك .
طبعاً هون بدو يكون برفق يعني مجرد أسلوب باعتبار المراه عاطفيه فرح تكترث للموضوع و تحاول قدر المستطاع تعديل الشغلات يللي شريكها ما بيحبها .

هون بدي اسالك اذا برايك الرضرب مرفوض جمله و تفصيل بالنسبه الك و صار في عندك مشكله بسلوك زوجتك شو رح يكون موقفك اذا بدك تبقى على زوجتك . باعتبار اذا هالانسانه مو عاجبك سلوكها ببساطه فيك تعدل الامور بالاتفاق عالطلاق و خلصت القصه .
بس اذا فعلا انت بدك شريكتك و ما عم تعمل متل ما بدك و حاولت معها كل سبيل ممكن.. شو رح تكون الخطوه التانيه .؟

أما عن التفكير الغربي و الشرقي فانا بخالفك عالقليل عندما يكون الجديث عن الوجدانيات .. يعني الحكي عن شريكه عمر و ليسى سلعه .!
كيف الانسان الغربي بتتغير وجهات نظرو او بالاحرى مشاعرو و أحاسيسو اتجاه موضوع روحاني معين ..؟
مره قريت عن أساليب تغيير الآخر طبعاً كانت دراسه و الحصيله شيئ مذهل.....................................
طلع يا عزيزي نحن ما فيني نغير الآخر بس فينا نتبع أساليب يللي بدورها تلعب بتغيير الآخر.. يعني اختيار أمو محببه للآخر .
المرأه خلقت و جلّ اهتمامها كان الرجل فهي ظله و صخره يستند اليها.. المراه أم لزوجها و أطفالها .. عم احكي عن المراه السويه... أما الخنفشاريه فيا سيدي عمرا ما كسبت أنا بالنسبه الي ما رح اضربها رح قللها " انقلعي و بس " .:lol:
شايف جبيبي الوجدانيات ما بتتغير فينا لأنها فكر روحاني مأصل بس نحن فينا نغير باختيار بعض الامور المحببه في التعامل و هون المشكله اذا كانت المراه شرنّه:lol: شو بدك تساااااااوي.!!؟
يعني شي كفين خفيفه او الفلقه الانكليزيه عالـ *** ممكن بتعمل شي:lol: اي بس اذا ما مشي الحال " وبعدين "

أما عن المجتمعات العربيه و الاساليب المتبعه في معالجه هيك قضايا فبظن الانسان هوي الانسان هون و الا باميركا و الا بالصين ... الشغله مو موضوع ديانه و الاسلام قال المراه الناشز تضرب الاسلام قال " واهجروهنّ في المضاجع " عقوبه على افعالهن الغير سويه .
انت سمعت عن شرع اليهود لما بيتزوجوا.؟ المرأه تعتبر تقريبا ملك للرجل و يحق له التصرف بمالها ما شاء .. اجو غيرو " تعديل " له الحق باستثمار و التصرف بالارباح و ليسى رأس المال .
يا عيني هي سلوكيه متوطنه بنفس الذكر منشان هيك النقاش فيها لازم يكون شمولى لا يخص أي معتقد ديني .

* لإسباغ الموضوع و استكماله من حيث بعض مواطن الخلل التي ربما تكون منسيه .. يجدر بنا ذكر ظاهره نجدها عند بعض النساء ألا و هي الوقاحه في التعامل مع الرجال كذلك أيضاً ضرب الرجال .
هي الامور موجوده كمان .!








* للأسف مثل البعض في انتمائهم الديني كمثل " السهم " يمرق من الرمية .

إي صديقي، رح جاوبك على سؤالك، وكمان رح جاوبك على الرد يللي وصلني بالإيميل وماعرفت لاقيه بالموضوع، انا استنتجت يا سيدي إنو الإحصائيات بدول العالم الثالث يللي هيي بكل أسف الدول العربية والإسلامية ودول المذاهب الغريبة، استنتجت إنو إحصائياتها غير ممثلة للواقع، والدليل ورقة الاستبيان يللي وزعوها على هي الدول، وفيها رسمتين، وحدة وجه بنت عمتضحك وحدة عمبتبكي، طلبوا من المرأة إنو تختار الوجه الحزين إذا اتعرضت للعنف الجسدي والجنسي هيي وصغيرة، وإذا ماصار معها هيك تحط علامة على الوجه الضحوك، ومتل ما قللك ياس، مافيك توصل لنتيجة نهائية بهالدول، لأن عيب ينحكى بهالموضوع، تحت طائلة التكفير والعزل، يعني يللي بتسترجي تفتح تمها بهيك موضوع يا بكفروها وبينقام عليها الحد أو بتصير عرضة للتهكم والسخرية والاستيعاد والعزل وتتهم بالفجور، أما العقوبات يللي حكيت عنها، رح أعطيك مثال اغتصاب الأطفال، إذا شي رجال بالدول العربية تحديدا اتحرش بالأطفال يللي بحارتو، مفكر حدا بيردعو بالقانون؟؟؟ يا بينقتل أو بينضرب، وبأغلب الأحيان بينفد بعملتو وبمارس هوايتو بكل حرية، وبالذات إذا كان ما بيقطع وقت بالجامع أو بروح على الكنيسة كل يوم، وعائلة المجني عليه ما بتسترجي تشكي لأن في بالموضوع فضيحة ولسان الناس ما بيرحم، والحكومة بتتكتم على الموضوع مشان سمعة البلد، وهادا واقع ملموس مو خيال بحت، أما مشان ضرب النساء فهوي نفس الشي، فيه عار وعيب وتشويه لسمعة البلد، بكفي إنو قانون بيت الطاعة لسا عميطبق ببلادنا. بعدين بردك يللي انحذف قلتللي حتى لو كان العقاب لطشة كف فهوي موجود، يا ترى برأيك لطشة كف أو حبس كام يوم يعتبر عقوبة كافية؟؟؟؟!!!!!! وبردك يللي انحذف قلتللي شو المجتمع المحلي؟؟ المجتمع المحلي يعني داخل أميركا بس، مو عالميا، وهيك مقارنة جاوبت عليها بردي الماضي، إنو نحنا منتعامل مع نسب مو أعداد. بعدين لاحظ أعداد الأسر العربية يللي انعمل عليها التقرير، شوف بتقرير سوريا، من شي عشرين مليون أخدوا بس 2000 عيلة، إذا حسبنا متوسط عدد الأفراد 6أشخاص يعني عندك 12000 شخص انعملت عليهن الإحصائية، يعني تقريبا نسبة 0.08% من الشعب السوري!!!!!!!!!!!!! وهادا بكل علم الإحصاء لا يعتبر ممثل!!!!!!!! ولاتنسى إنو من هال2000 عيلة طلعت نسبة الضرب والعنف 87%!!!!!!!!!
إنتي قلتلي إنو النسب بالعالم طلعت متشابهة، بس أنا بجاوبك إنو النسب من المجتمع يللي انعملت عليهن الإحصائية مو متشابهة بتاتا!!!!! ورغم هيك في تشابه بالنسب، يعني إذا بدك تحصل على نتيجة صحيحة ودقيقة إحصائيا رح تطلع الكفة لصالحنا بكل تأكيد، وبأضعاف مضاعفة عن أوروبا وأميركا وكندا وروسيا واليابان مجتمعة.

ملاحظة أخيرة، لما بدك تحط إحصائيات لازم تتدعم بموقع رسمي موثوق تماما، ومافي مصداقية أحسن من مصداقية الأمم المتحدة بهيك مواضيع، لأن بجندوا موظفين متخصصين بهيك مجال ودارسين ومتعلمين لينزلوا بين الشعب نفسو، مو بياخدوا الإحصائيات الرسمية تبع الدولة ويللي كلها تزوير وتزييف وتلميع!!!!!

باختصار بدك توصل في فرق بين العدد والنسبة

.

اذا بدك تقول لي على تقويم الشريك فليش ما منتقبل فكرة انه المرأة بتضرب الرجل اذا كان عبشز عن القاعدة ؟!!

ومين سمح للرجل بتقويم سلوك المرأة ؟!
هل الله يعطي افضلية لاحد الجنسين على الآخر اعتماد على البنية الفيزيولوجية للجسم ؟!

ليك أنا أسلوبي واضح و ثابت و توجهاتي و آديولوجيتي الحياتيه ثابته واضحه .. يعني لا اشطحلي كل شوي شطحه منشان خّدم و آزر كلامي و لا اخترعلي كل ما انحرجت اختراع و الزقو بالله او بديانتي .. !
بدي اعرف شو هي توجهاتك منشان ناقشك فيها .. يعني الشب من أي مدرسه حياتيه .. و شو هي ىيديولوجيتك الدينيه .. منشان نعرف نثبت الكلام و ما نعود كل شوي و التانيه نط و نعوّل الموضوع على الله و على شويه متطرفين دينيين .

ريتها ما تبلى الـ***** يا حق طبعاً لا دفاعاً عن الموقع يللي أخدت منو احصائيتي و لا شي و بالأساس خطر على بالي جط المصدر بس أحد المصادر شوي مرعب :lol: .. و نزولاً عند رغبه الجماهير " طبعاً مو رغبتك أكيد " لأنك ما كلّفت حالك و قريت المعلومات يللي حطيتها " قصدي الموقع " ...
تك عالموقع رح تلاقي مصادر كلامهن من الـ



سمعت شي عن الـ F.B.I هاد كان مصدر استمد الموقع منه الاحصائيات " أنا ما عم العب " .


بعدين ياسين بظن استشهد باسبانيا بوقت مين من الزمن بحيث كانت الروابط الأسريه أكتر متانه و مدعمه و متل ما قالك تقريباً كان عيب المرأه بتشرك الغير بأمورها المنزليه و بظن الى حد ما بكل مكان كان هالامر .
وين وجه الترابط بين كلامك و كلام ياسين .؟
و باعتبارك بان المراه اذا بلّغت عن حاله ضرب " بينقام عليها الحد و تعتبر عرضه للتهكم و السخريه و العزل و تتهم بالفجور " يا لطيف ممكن تهدّي شوي:lol: .
الحد موجود عند المسلمين بس.! و اذا كلّفت نفسك و رحت على شي مخفر شرطه او بتعرفلك شي موظف بشي محكمه روووووووح اسأل و رح :o من الدعاوي يللي مأرشفه بالقضاء ابتداءاً بنشوز المرأه و انتهاءاً بطلب المرأه لبيت الطاعه .


أما عن إغتصاب " الأحداث " فمستغرب كلامك .. رح احكيلك هالقصه عن بنت مراهقه اميركانيه تحت السن القانوني لما قرر ابوها يشتكي على زميلها بالمدرسه لأنهن مارسو الجنس .. البنت راحت المدرسه بتبجح تحكي لرفقاتها عن يللي صار بينها و بين البوي فرند تبعها .. أبو البنت شخصيه زفت رفع دعوة باعتبارها قاصر و هلأ الولد ممكن رح يواجه سجن 4 سنوات بسبب هالشي .


لعمه القانون كتير صارم بهيك مجال ..! و بكل مكان .

كمان روح اسأل عن حالات اغتصاب الولدان بسوريا و شوف الهوايل .. لعمه يا شيخ الاغتصاب جنايه قد تصل عقوبتها الى سبع سنوات سجن .. روح اسأل رح تلاقيها و الناس عم تشتكي .
أما اذا فلاح و خايف من الفضيحه فهاد بحث تاني .
بعدين شو دخل سمعه البلد بالسكان العاطلين .؟ بظن في قضاء و في ردع و البلد ما فيها تقوم سلوكيات لحتى يقع المحضور .

بعدين بظن الـ 200 المقصوت فيها إمراه مو عيله .!
طيب بيت الطاعه .. و ليش ما حكيت عن نظام لما الزوجه بتسجل مبلغ من المال يتم دفعه بالعاجل من قبل الزوج حينما تطلبه و من دون وجود خصومات او مشاكل . " هي باعتبار الشيئ بالشيئ يذكر " .


طبعاً انا ذكرت بعض الاحصائيات من الدراسات و غلط نسميها تقارير .
ذكروا العنف الجنسي بسويسرا او السويد

ليك احصائيه روسيا من 5428 كانت 7% من النساء عرضه للضرب
رومانيا من 5322 كانت 10% من النساء عرضه للضرب



_________________________________

في مشاركه أنا حذفتها يعني أنا يللي مسحتها و أنا ما ني شايف شي محذوف من كلامي .. و اذا كان هيك بدي من المشرف يللي حذف المشاركه يقللي ليش .

شغلتين

أنا المشرف الوحيد حاليا بهالقسم, و بهالموضوع في ردين محذوفين كلاهما للتقرير الجوال و كلاهما تم مسحهما بواسطة العضو نفسه... مافي مشرف حذف أي رد بهالموضوع لذلك يا ريت لو تحدد شو بدك المشرف يقلك بالضبط

هاي أول قصة

التانية

هاد ردي "اللي ندمان عليه" بهالموضوع

الأخ التقرير الجوال قال

ما جبت سيرة الروابط الاسرية بنوب... أنا قلت انو بالعرف القديم كان لازم المرة تسكت لأنو عيب بعيون العالم انها تشتكي على زوجها.. لذلك اقتضى التنويه, لأنو بمفهومي الضرب و الروابط الاسرية ما بيجتمعو بمفهوم واحد, يستحيل. حبيت أوضح مشان ما يصير التباس بقولي لأنو أنا اعتبر الضرب اعتداء على انسانية شخص مهما كان هذا الشخص و مهما كان السبب.... هاد رأيي


تحية

طيب ياسين .!
أنا كان بدي نوّه عن حذفي انا شخصياً لمشاركات كتبتها و شكراً للتعاون .:D
بالغرب يسمو Domestic Violence و باعتبارنا عم ناخد مصطلحاتهن و نترجمها و كمان نستخدمها بحياتنا و باعتبار ضرب المراه هو حديث الموضوع.. و باعتبار الامر ينطلق من الأسره التي تعتبر غير سويّه عند تواجد هذه الظاهرة .
انا برأيي الانطلاق لازم بيكون من الأسره نفسها لنقاش الظاهره .. مع احترامي لأفكارك نحن لازم نحكي عن الروابط الاسريه أو عالقليل عن الأسره لسبب بسيط و هو ظاهره ضرب المرأه منطلقها الأساسي هو الأسره .

أول شي صديقي شكرا على اهتمامك بالنقاش، وأنا معك 100% إنو ما لازم نحرف باتجاه عرق أو شعب، بس للأسف بهيك موضوع لازم تاخد هيك منحى، لأن إنتي عمتتعامل وهي للمرة الألف عمقولها، عمتتعامل مع إحصاء!!!! وأهم شي بالإحصاء إنك تاخد عينة ممثلة للمجتمع!!!! والمجتمعات بتختلف من حيث الانفتاح والنقاش، يعني الغرب أكثر انفتاحا وجرأة بطرح هيك مواضيع والتصريح عنها، ونحنا أقل الشعوب انفتاحا على هيك مواضيع وتصريحا عنها، متل ماقلتلك قبل تحت طائلة التكفير(بغض النظر عن الدبن) أو الاتهام بالفجور، وهالشي مو بس عند المسلمين، هالشي عند المسيحين واليهود وكافة الطوائف الدينية بالوطن العربي تحديدا وشعوب العالم الثالث عموما، وكمان أنا ما قلتلك في ترابط بيني وبين ياسين، مع العلم إنو أنا عمدور حوالين النقطة تبعو بس عمفصل وكتر حكي مشان سكر كل الجوانب.
ولا تنسى كمان إنو أنا ما عمانفي انتشار هي الظاهرة بالغرب، بس إنتي عمبتحطللي إحصائيات عمتنعمل بأميركا فقط، أنا ماني ضد هالشي، بس نحنا أسخم مليون مرة من أميركا بالعنف ضد النساء والأطفال، والقصة يللي حكيتها عن علاقة جنسية برغبة الطرفين، مو اغتصاب واحد للتاني!!!! لو كان اغتصاب صدقني الشب ما رح يعيش حياة طبيعية طوال عمرو، رح يضللوا ملاحق ومغضوب عليه، مو متل عنا، إذا صار اغتصاب، البنت وأهلها بيتكتموا على أمل إنهن يقتلوه فيما بعد هي إذا ما ضربوا البنت وورجوها نجوم الضهر واتهموها إنو هيي البادية. أما مشان اغتصاب الأطفال والقاصرين بغض النظر عن الجنس، بجوز يكون في قوانين، بس محطوطة رفع عتب مشان الأمم المتحدة مو أكتر، وبكررلك للمرة الألف ونفس كلام ياسيين إنو السبب الرئيس هوي التكتم بداعي العيب، فمشان هيك مابصير تاخد إحصائيات وتقارن بيننا وبين الغرب لأن مافي تكافؤ بتمثيل كل إحصائية للمجتمع تبعها، يعني إحصائيات أميركا قريبة للواقع وممثلة، بس إحصائياتنا بعيد عن الواقع وغير ممثلة، والنتائج الحقيقية لإحصائياتنا إنو نسب العنف ضد المرأة أكتر بكتير من الغرب ومتفشاية أكتر كمان.
بعدين بتقللي الموضوع لازم ما ياخد منحى عرقي أو شعبي!!! شوف على هالإفتاء من ريتا، أنا بعرف إنو مو من الإسلام بشي، بس هي الواقع "انا ما بنكر انو الاسلام شرع ضرب الامرأة بس مش معناتها انو شرع الضرب المتوحش (:shock::shock::?:?)
الاسلام شرع ضرب الامرأة و لكن على ان يكون ضربها بشكل مقبول(:shock:) و غير مؤذي
و السبب الي خلا الاسلام يشرع ضرب الامرأة
لانه احيانا الامرأة بتغلط , و بتغلط بدل المرة مرتين , و ممكن الزوج يكون مجرب معها كل الطرق حتى يبعدها عن غلطها , فما بيبقى قدامه ساعتها الا الضرب "
يعني نحنا اتشرع عنا الضرب بس ما بوجع!!!!!!! وبصير الرجل يضرب المرأة إذا غلطت بس المرأة لو جوزها شو ما عمل لازم تسكت أو تطلب الطلاق وتنفضح بين العالم!!!!!
وكمان ريتا قارنت بين ضرب المرأة العاقلة الراشدة البالغة بضرب الأطفال يللي ما بيعرفوا مصلحتهن ولازم في بعض الظروف الاستثنائية جدا إنو نضربهن مشان يعرفوا الصح من الغلط!!!!!!!
"هلأ اهاليكو لما كنتو صغار , ما كانوا يضربوكن
ما تقللي لا ,
الضرب بيكون وسيلة اخيرة , بعد ما تنتهي كل الوسايل
بس كمانا انا مش مع انو نلجأ للضرب
في مية حل و حل قبل الضرب"
وكمان ريتا طلبت ما ياخد الموضوع منحى ديني ورغم هيك لزقت جواز ضرب المرأة(بشكل مقبول :shock::shock: :?!!!!) بالإسلام!!!!!
ولاتنسى هالإفتاء مو شغلة دين، هي شغلة عادات وتقاليد مو أكتر وكمان ريتا قالت هالشي واعترفت فيه، وباعتبار الدين الإسلامي هوي السائد بالمجتمع العربي، اضطروا صناع القرار لاستغلال الدين مشان يشرعوا يللي بدهن ياه ويللي متعودين عليه.
وشي أخير، انا صدقني ما عماطعن بمصداقية مصادر إحصائياتك، مع إنو ملاحظتي بردي الماضي كانت توحي بهالشي بس وحياتك من غير قصد، وأنا باعتذر عنها بشكل شديد وبتراجع كمان، أنا كان قصدي إنو تكون الإحصائيات عامة، مو محلية وخاصة بدولة معينة.
:D

اختلف كل الاختلاف معك في هذه النقطة فليس هناك امر ديني يبيح قتل المراة او ضربها بعنف فلو رجعنا للدين الحق لوجدنا احاديث مثل "" ما اكرمهن الا كريم و ما اهانهن الا لئيم"" "" اوصيكم بالقوارير (النساء) خيرا""
المشكل مشكل موروثات و ليس دين

مع اني مشغولة و الشغل واصل لراسي
بس اضطريت فوت لعقب على كلام الاخ ابو طريق
خيي , انا ما عم افتي ع ذوقي
و ما حدا بيفتي ع ذوقو ,

-التأديب حق للرجل في إطار الشرع وحدود وضعها القانون، ولا يُسمح بأن يصيب الزوجه أذى جسدي أو نفسي أو أن يحدث بها عاهه.
ليس الضرب خياراً متروكاً للزوج، لأن الدين قد حدد نوعه ومداه.. وهذا الضرب مقتصر على حالة النشوز، ولا علاقه له بالعنف الزوجي

هلأ مش معناة الحكي اني مناصرة لضرب الامرأة , هالشي غلط, بس ممكن يكون مقبول بحالة وحدة , لو الزوجة استحقت الضرب , يمعنى انها غلطت ,
هلأ في اية بالقرآن بتثبت كلامي ((الرجال قوامون على النساء بما فضل الله بعضهم على بعض و بما انفقوا من اموالهم فالصالحات قانتات حافظات للغيب بما حفظ الله و اللاتي تخافون نشوزهن فعظوهن و اهجروهن في المضاجع و اضربوهن فان اطعنكم فلا تبغوا عليهن سبيلا ان الله كان عليا كبيرا ))(سوره‌ النساء، آيه‌۳۴)

انا قلت بمعنى كلامي انو الاسلام خلا الضرب الحل الاخير , و الاسلوب هيدا بيتعبه الرجل بحال نشوز النساء و ابتعادون عن طريق الصواب ,,,

يعني انو واحد يجي يضر ب مرتو مشان ما كوتلو قميصو هاي حرام, و هيدا الشي ما حللو الاسلام

و بعدين بحال المرأة انضربت بدون حق , اكيد بيحقلا تداقع عن حقا و بيحقلا تنفصل عن زوجها , و الاسلام بيوقف معا بهالموقف
و في حديث للرسول بيقول " إني أتعجب ممن يضرب امرأته، وهو بالضرب أولى منها ".

يعني هلأ انا ام افتيت على ذوقي , و ما اعطيت شي من عندي يا اخ ابو طريق ,
الشي معروف باسلامنا
و الضرب محلل بس بطريقة غير مؤذية , ,



على كلٍ انا يمكن لخبطت بردي كتير
او دخلت اشيا ع اشيا ما الا لازمة

ع كل حال
اسفة , بس ما بعرف , هيك اللي طلع معي,

طيب عزيزي ..
أنا ماني شايف في داعي لاعتذارك مع انّك كنت متسرع شوي بالحكم:lol: .
و ثق بأنّي أغبطك و أغبط الحوار معك .
الموضوع داخل بتشعيبات .. " أولها سلوكيه الرجل و فطرته دخولاً بتعاليم دينيه و انحلالات خُلقيه و روابط اجتماعيه أسرية مفككه " .
و منشان يكون كلامنا أكادمي أكتر بدنا نتريث شوي فقط لتعزيز الحوار بوثائق و براهين .. بظنّك معي .؟

بجوز تسرعت شوي!!! :oops::oops::p
أكيد أنا معك، بس المشكلة إنو عمنحكي بموضوع كل الأشياء يللي ذكرتهن بيدخلوا فيه.

لك الشغله يللي عم تحط مليون قيد بالحوار بأن تبعيه المرأه و انصياعها للرجل مذكوره بكافه الأديان و مهما حاولت لا بد ما تضطر لإدخال الدين .. و اذا بدك تحكي عن بأن المرأه خطّاءة و هذا مذكور بكل الاديان و بأن المرأه يجب ان تنصاع للرجل .. هيك مذكور بكل الكتب السماويه .
ظاهره نشوز المرأه و سبل التعامل معها .. خلينا نكون اكتر واقعيه .. بدل ما نحكي عن الديانات ليش ما ناقش الظاهره و نشوفلها أساليب للعلاج .
برأيك بيكفي انو نقول : " أنا ضد ضرب المرأه " خلص اختصر السيره .. طيب يا أخي ناقشنا بنشوز و شذوذ المراه و الاساليب و التدابير التي يجب اتخاذها بأقصى الأبعاد .

معك حق بكلشي، بس يا ترى هل معنى انصياع المرأة لأوامر جوزها واحترامها لتعبو طول النهار برات البيت سبب ومبرر ليضربها إذا غلطت؟؟؟!!!! ونحنا هلأ بزمن المرأة عمتطلع وتشتغل وحتى تحمل السلاح وتروح عالحروب، صحيح أحيانا مالو مبرر وجاي على حساب ترباية الولاد وانحلال الأخلاق، بس هادا الشي حاصل، مافينا نهرب منو، وبمعظم الأحيان المرأة عمتقدر توفق بين البيت والشغل، شفت كيف صرنا بموضوع تاني تماما!!!!! مستحيل تعزل هالموضوع بالذات عن كلشي عادات وأديان بالمجتمع.
المهم، شو هوي نشوز المرأة؟؟ ولاننسى إنو الرجل إلو كمان نشوز، والعنف مو حل لحل هيك مشاكل، ولازم شدد على إنو المراة بهالزمن عمبتشارك الرجل بكلشي، وكمان عمتتغلب عليه، وفي كتير رجال قاعدين بالبيت للطبخ والنفخ ونسوانن عمبلقطوا رزق!!!!!! فيا ترى بحقلها تضربو بهيك حالة إذا نشز الزلمي؟؟!!!!!
ولييييييييييييييييي على هالموضوع شو مشربك!!!!!! عنجد بطقق!!!!!! لك غابرييل من وين نكشتلنا هالموضوع!!!!!!!!! يحرق عرض هالشيخ وهالقناة يللي فتحت عليك هالموضوع!!!!!! روووووووووووح إلهي يشربكك بشي موضوع متل ما شربكتنا!!!!!!!!!! :jakoush::jakoush::jakoush::p