|
مجهولون يفجرون مكتبة جمعية "الشبان المسيحية" في غزة
غزة- وكالات أفاد شهود عيان فلسطينيون أن مسلحين مجهولين اقتحموا فجر الجمعة 15-2-2008 مقر "جمعية الشبان المسيحية" في غزة وقاموا بوضع عبوات، وتفجير المكتبة الرئيسية بداخله. وأدى الانفجار بحريق اندلع على أثره إلى تدمير كامل للمكتبة التي تضم 10 آلاف عنوان وكتاب وأشرطة ثقافية، وفقا لما ذكره سكرتير عام الجمعية عيسى سابا. وقال سابا "‘ن الحريق دمر كافة الكتب والأشرطة الثقافية وأحدث دمارا كبيرا في مبنى المكتبة". وقال أحد حراس الجمعية "إن 14 مسلحا وملثما اقتحموا حوالي الساعة الثانية بالتوقيت المحلي (00,00 تغ) مقر الجمعية وقاموا بربطي مع حارس آخر بالسلاسل واحتجزونا ساعة"، قبل نقهلم بالسيارة ورميهم في شمال قطاع غزة. وأضاف أن المسلحين فجروا بعد ذلك المكتبة (...) واقتحموا مكتب مدير الجمعية وسرقوا جهاز حاسوب، كما قاموا بسرقة سيارة". ويضم مقر الجمعية رياض أطفال ومدرسة وناديا رياضا وصالات للاجتماعات والمكتبة. وتعتبر هذه هي المرة الأولى التي تستهدف بها جمعية الشبان المسيحية المعروفة في غزة، والتي يرتادها شباب مسلمون ومسيحيون بغرض الترفيه واللعب الرياضي. ويعيش 65 ألف مسيحي، بين أرثوذكس وكاثوليك، في الضفة والقدس وغزة، يسكن منهم أكثر من 51 ألفا منهم في الضفة، و10 آلاف في مدينة القدس المحتلة، بينما يعيش نحو 3500 مسيحي في قطاع غزة، 70% منهم أرثوذكس يتبعون مرجعية القدس، ويتبع الباقون مرجعية روما. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - **************************** روضة و مدرسة و نادي رياضي و صالة للاجتماعات .. ما هدف الإرهاب الإسلامي حتى يطال بيده الغادرة هذه المنشآت المدنية .. ام هم أرانب مع الإسرائيليين و متفجراتهم توجه لنشر الإرهاب تجاه الأبرياء ؟؟؟ تقول المفكرة وفاء سلطان : آمن بالحجر لكن لا تضربني به .. - ملاحظة اشرافية: تم تعديل الرد بحذف جملتين مهينتين بحق عقيدة |
مشكلة وقت بصير هيك موضوع شي تقليدي
ببساطة ما اثار فيني اي شيء للتعجب او الاستنكار بالعامية والمشرمحي " تعودنا " |
يعني و بعدين؟؟؟؟؟
و بعديـــــــــــــــــــــ ــــــــــن؟ وتعتبر هذه هي المرة الأولى التي تستهدف بها جمعية الشبان المسيحية المعروفة في غزة، والتي يرتادها شباب مسلمون ومسيحيون بغرض الترفيه واللعب الرياضي. و الفاعل مجهول....(لا اتحددت هويته و لا عقيدته شو هالتناقض):?:pos: |
بالفعل خبر مؤسف جدا :jakoush:
بس انتو ملاحظين أنو هي اول مرة بيصيرحادث من هيك نوع ...لهالسبب بتصورانو في بالموضوع ان:shock: فما حدا يستعجل باطلاق التهم يمين وشمال |
الحدث هاد هو قد يكون الاول " في غزة " بتمنى الاعضاء يكونوا شوي واقعيين اسبوعيا في هيك تصرفات ومانها شغلة جديدة
|
صحيح هذه اول مره بتصير ..
والي عمل هالعمله .. بكون في الو هدف يعمل فتنه .. او الو اهداف ثانيه .. |
اقتباس:
وبهيك بنقدر نوصل صوتنا المكتوم :xو نقول لإسرائيل ألف مبروك ألف ميروك على النصر الجديد في أعمال فتنة ناجحة يال العار علينا:pos: |
مو أول مرة بتصير لكن مانها حالة عامة. لما صارت احداث القتال بغزة بين حماس و فتح السنة الماضية في زمرة أصولية (مو محسوبة على حماس انما على التيار التكفيري) حاولت تحرق كنيسة و صالة هيك أفراح و نشاطات اجتماعية متعددة تابعة الها و قوات حماس منعت هالشي و تركت قوات تحرس الكنيسة على مدى 24 ساعة حتى تم السيطرة على الوضع تماما... بتزكر مقابلة لرجل دين بغزة يمكن عالبي بي سي (ما بعرف بالضبط رتبتو) عم يشكر حماس على حماية الكنيسة من الحرق و النهب..
خلاصة الكلام.... المجانين و المخاليع موجودين في جميع الأديان و الطوائف مثل ما أهل الخير موجودين في جميع الأديان و الطوائف. و هالشي يقتضي عاملين أساسيين: - للغير مسلمين عدم اعتبار المجانين هؤلاء ممثلين للدين الاسلامي مثلما لا يجوز اعتبار ممارسات جهات أخرى مثل المحافظين الجدد الأمريكان ممثلة للمسيحية - للمسلمين عدم السماح بهذه الممارسات باسمهم و الوقوف بوجههم تحية:D |
الله يحرق يد اللي عمل هيك واللي رح يعمل ....انا من وجهة نظري حتى لو كانوا مسلمين فهدول اكيد ما الهم علاقة بالاسلام او حتى بيعرفوا بالاسلام ...هدول اصلا بيشوهو سمعة الاسلام لانه الاسلام والدين المسيحي وكل الاديان السماوية ما بتدعوا لهيك اعمال ارهابية ....
|
الارهاب يضرب في كل الأمكنة وكل فترة يحصل تهجم على المراكز الأسلامية في جميع بقاع الارض من أميركا الى أستراليا
|
الارهاب لادين له ... الرجاء عدم نسب الارهاب الى اي دين من الاديان السماوية
|
مع رفضي لممارسات كهذه وإدانتي لما جرى
لكن آخذ بالاعتبار أيضاً الأسباب التي دعت من قام بهذا الفعل لفعل ذلك إذا استثنينا حالة كونه مأجور أو يسعى لفتنة داخلية والحقيقة إذا كان الإحصاء الذي وضعه أحد الأعضاء صحيحاً فـ 3500 مسيحي في غزة لا يشكلون أي نسبة مقارنة بمليون ونصف لكن أعتقد والله أعلم أن من قام بهذا العمل لديه سبب ما لفعل ذلك ولا بد من معرفة هذا السبب لتجنب حدوث مثل هذه الأفعال ثانية يعني باختصار أعتقد أن القائمين على هذه المؤسسة يتحملون جزء من المسؤولية جراء ما حدث لهم |
اقتباس:
|
الارهاب لادين له وعيب على الي عمل هاد الشي
|
الارهاب بتفق معكم انه لا دين له
بس بعتقد في شي اسمه " السببية " يعني ما حدا فكر انه بعض التعاليم والارشادات ادينية هي " السبب " في اجراء هيك تصرفات بتمنى تشوفوا راي وتقروا ردي على اني شخص محايد كاي شخص محايد بدي اسأل حالي بالوقت الراهن شو هو السبب انه جميع التصرفا اللي بتندرج تحت اسم " الارهاب " عبتصدر من مجموعات مختلفة الرابط الوحيد او الشي المشترك الي بيناتها انها بتنتمي لديانة معينة قد تكون الصدفة هي العامل المشترك ان جميع اتصرفا تنبع من اشخاص ذو خفية دينية اسلامية وقد يكون السبب هو اي متعارف عليه " بالمسج المخفي " الي بتوصله الديانة الاسلامية لاتبعاها والله اعلم . |
اقتباس:
بس ما تنسى .. في كثير علماء وشيوخ مسلمين .. بدعوا للتسامح مع الديانات الاخرى .. وعلى ما اظن كان هذا الاسبوع برنامج عن هالموضوع .. في الجزيرة .. مع القرضاوي .. " تعدد الديانات " .. بس برضوا ما بننكر انو في شيوخ ومسلمين بدعوا للفتنه .. وهذه الفئه بتأثر على كل المسلمين .. وكمان في قساوسه مسيحين بدعوا للفتنه .. يعني الداعي للفتنه ما بنحصر على ديانه .. :D |
:xمبينة شغلة الموساد
|
اقتباس:
أي شو هالتحليل الخنفشاري حكم عقلك لما بترد الأرهاب لادين له |
يعني الحقيقة ما بدنا ننزلق لتبادل الاتهامات بين مسيحية ومسلمين
لأنو كلانا يعني الطرفين لا ينتمي لأي من الطرفين المتعصبين والإرهابيين والذي يقوم بأعمال غير مقبولة ولا معقولة فلا داعي للترامي بالاتهامات وفكرتي كانت باختصار أنو ما في شي بيجي من فراغ لابد في سبب معين أدى لهالشي وليس من باب الدفاع عن أحد بس لاطرح مثال اشرح فيه فكرتي يعني طالبان ولا القاعدة لما قاموا بعلميات ضد أميركا بـ 11 أيلول كانت أميركا مو مقصرة بالمسلمين بالدول الإسلامية المتعددة على مدى عدة سنوات ، ومع أنو كانت عمليات إرهابية ما بيقبلها حدا لكن كان إلها سبب هو التصرفات الأميركية اللامسؤولة فهيك كان الرد عليها من وجهة نظر من قام بالعملية |
اقتباس:
واذا كان في هيك تصرفات والشي المشترك بين اللي عبيعملوها هنن المسيحية بيرجع السبب للحرية في الديانة المسيحية اللي بتسمح لاتباعها للمسائلة والاستفسار بشكل بديهي بوجع بقول لك كل الشغلات اللي عبتصد عن مسيحيين عبتكون تحت دافع شخصي وما بتشوف بالكتاب المقدس " الانجيل يعني " اي نص بيدعوا لهيك تصرفات لكنها تصرفات شخصية بعكس ال " الارهابي " اللي بيستند بتصرفاته على تعاليم الهية فهو موصى من الله بقتل المشركين والكفرة وهو متل سيف الله على الارض . |
اقتباس:
اقتباس:
|
اقتباس:
لذلك من الطبيعي ان بعض التصرفات الطائشة تأتي من المستضعف ولكن انت ليش مابتنظر للطرف الأخر احتلال العراق وتدميره وقتل شعبه يوميا اليس عمل ارهابي ومن تابعي ديانة محددة دعنا نتفق على مبدأ أن الارهاب لادين له ومن قام بفعلته الشنيعة بغزة ضر بالمسلمين أكثر مما بالمسيحين وهذا العمل مرفوض وتحت اي مسمى |
مشهد من مشاهد السقط الاخلاقي
والفلتان الفكري الذي نعيشه انه سقوط مستمر نحو المجهول اللهم أظلنا بظلك |
انا صعب انتاقش مع هيك منطق بس بطلب منكم تشوفوا الموضوع هاد
بس حاج تحكي معي من منطلق العال كله متسلط على الاسلام انفلقنا من نظرية المؤامرة اللي بتتردد في كل مكان على امل نقدر نوصل لارضية مشتركة بالتفاهم - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - واذا عبتشوف الحرب على العراق كانت بدافع ديني فكر متل ما بدك بس بكل الانجيل ما بتشوف شي بيدعم هاد الحكي معناه الدافع الديني هاد علاك فاضي متله متل الحرب الصليبية المنسوبة إلى المسيحيين لأني بالأخير الديانة المسيحية ديانة " محبة " والله في المسيحية كان يدعو إلى المحبة يعني " احبوا اعدائكم " ما بعتقد ممكن تتفسر باي شكل على اقتل او ما بتقدر تفهمها على مبدا اذبح وعلى علمي بالمسيحية مافي شي الله تراجع عنه يعني من بعد ما قال احبوا اعدائكم ما قال شي بعكس الحكي هاد بعكس الجانب الوافر اللي منشوفه في بعض الاديان واللي من الصعب تفسيرها غير انها تدعو إلى القتل والارهاب :D |
تم اغلاق الموضوع
قسم حوار الأديان مغلق الى غير عودة و حوار الأديان و مقارنة الأديان و نقد الاديان ممنوع منعا باتا الرجاء الالتزام |
| الساعة بإيدك هلق يا سيدي 12:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون