لعبة جديدة
 

hi
:) :) :) أنا بدي أقترح لعبة و بتمنى أنو يلي بدو يشارك فيها يكون قد الحمل يعني يتقيد بقوانينها يلي هي:
رح يكون في سؤال أول يلي شايف حالو بيقدر يجاوب بيجاوب و هو بدورو بيسأل سؤال و هيك
الشرط الوحيد لهي اللعبة أنو ما يكون فيها زعبرة أو كذب ويلي ما بحب يطرح سؤال جديد فيه يجاوب و يطلع
بتمنى من قلبي تنجح هاللعبة و نكون صادقين و الأسئلة تكون موضوعية و عن جد حابين تعرفوا أجوبتها
انا رح أسأل أول سؤال :ليش دايماً بس نشوف عالم أحوالهم سيئة منزعل عليهم و لما بتتحسن أحوالم منصير نغار أو نتضايق شوي
:?: :?: :?:

انا بضيف على الشروط وقت لنهاية اللعبة عشان اللعبات الي مالها وقت تنتهي فيه بتصير مملة بعد فترة
وقت انتهاء اللعبة هوي عند وصول عدد الردود في الموضوع الى 150 رد ..
والفائز هوي صاحب اعلى ردود (بدووووووووووون زعبرة ) يعني الي بيكون في باجوتبو زعبرة حتى ولو كان رادد ب 100 رد لا يحتسب ..

انا حجاوب على السوال :
الغيرة طبعا .. كلنا منشفق على الي هوي اقل منا ما دام لا يوزينا ومنشعر بالحسد من الافضل مننا .. كنوع من التفكير الباطني انو انا كان ممكن اكون في هذا المكان لولا الاقدار ..

وسوالي هو ليلي بعدي ..
ليش برايك الناس بتحط قيمة ( بوعي او يغير وعي ) للجانب المادي في التعامل مع بعضا و بتحط قيمة في الدرجة التانية للجوانب الاخرى من ثقافية الي اجتماعية الي .......

لأنو المال هو أساس تعاملنا مع بعض و إذا فكرنا شوي رح نلاقي أنو بلا المال ما في لحياتنا معنى لأنو المال هو يلي بيخلينا نشتغل بجد و لوقت طويل و بالتالي منكون عم نفيد حالنا و الجتمع و قصة المصاري قصة قديمة فمن أيا م المسيح يهوذا باع المخلص مشان المال و نحنا صرنا من دون وعي نهتم بالمال لأنو من وقت ما ولدنا و نحنا عايشين بمجتمع بتحكمه القوة يلي موجودة بالمصاري و مثلاً إذا بنت بدها تختار شريك حياتها مهما كانت بتحبه بس إذا ما معو سيولة تعيشها مرتاحة فبترفضه و انشاء الله كون جاوبت جواب مقنع على سؤالك
سؤالي الجديد هو : ليش منقضي حياتنا عم ندور على إنسان يكون صادق معنا و بس نلاقيه منحاول نبعد عنه :?: :?:

شو يا شباب ما بدكم تشاركوا؟؟؟

لأنو برأيي أنو نحب نكذب كتير على حالنا, النصائح اللي حيعطينا اياها دايما حتألمنا حتى لو نعرف انها صح .
سؤالي هو : ليش البني آدم غالبا ما بتتقدر قيمتو بين ناسو , و دايما الغريب بيقدرك أكتر من أهلك؟؟

لأنو اهلك و الناس الحوليك دائما متعودين عليك و بيعرفوا قدراتك فبيشوفوا عادية , اما الغريب اللي ما بيعرفك اذا شاف عندك شي مميز رح يعجب فيه . و يبينلك اعجابو يمكن اهلك شايفين تميزك و فرحانين بها الشي بس على العادة ما بيقدروا او ما بيحسسوك انو مقدرينو.


ليش صعب كتير نتقبل مشاعر الناس اذا هنن عبرولنا عنها ؟؟

بصراحة كنت حابّة جاوب بس ما لقيت جواب :roll:

لاننا منكون عم نفكر تكون مشاعرهن غير هيك(خصوصي مشاعرهن لألنا) ومنفكر عطول انو مشاعرهن لازم تصب بمصلحتنا

سؤالي : ليش البني ادم بيحب الشخص يللي صعب يوصل الو
ويللي بحب هذا البني ادم وبيموت فيه ما بيعبره البني ادم وما بيتطلع فيه :?:

بيجوز لأنو الممنوع مرغوب دائماً !!!! و لأنو الواحد بيفكر .. اذا قدرت وصل لهادا اشخص بسهولة .. يعني أي شخص بيقدر يوصلو بنفس السهولة ... و نحنا عرب .. الشباب بيقطعو السبعة و زمتها و بعدين بيدورو على شخص متل مريم العزراء مشان يرتبطو فيه لبقية العمر ... بس طبعاً ما كل الشباب عندون هالأزدواجية بالتفكير ...

سؤالي بهالموضوع : شو رأيك بازدواجية التفكير و خصوصي عند الشباب العرب ... و انو الشغلة محللة عليون و ممنوعة على غيرون ؟

لأنو الشباب العربي مكبوت من جميع النواحي , فشي طبيعي أنو يقللك شي و يعمل شي تاني , أو يعمل شي عالمكشوف و شي عالمستر..
سؤالي هو: ليش اذا الواحد اذا حب بنت (أو العكس) وطنشتو بيتعلق فيها أكتر ؟؟

لأنو بيحس أنو ولا شي لما هي أو هو ينطشوا و يبعدوا
و مشان هيك كتير بيعلقوا الناس فيهم و بيبعدوا بس حتى يحسوا أنهم محبوبين و يكون عندهم ثقة بنفسهم
سؤالي:
ليش الشباب بقولوا أنهم منفتحين و بس يتعلق الموضوع بحدا بيخصهم بينسوا كل شي حكوه ؟؟؟

لانو الشباب هدول عرب .. والعرب جرب :frown:

سوالي:
ليش دايما بيربط المجتمع بين عزرية البنت و شرف عليتها !! انو اش معنى يعني !!

هي شغلة قديمة كتير. من أيام الغزوات بين القبائل , لأنو أول شغلة كانو يعملوها القبيلة المنتصرة أنو يغتصبو نساء القبيلة التانية, فيحسو الرجال بقلة قيمتون لأنو ما حسنو يدافعو عنون(هدا رأيي)
سؤالي هو : ليش دايما بنفكر أنو أي شي من برا أحسن من الي عنا؟؟

لأنو هاد الواقع :P :P لا يا سيدي .. لأنو نحنا متعودين عالشغلات يلي عنا و الواحد بيضل يسمع عن الشغلات يلي برا ... يعني بينرسم بعلقو للواحد خيال عظيم عن الدول الأجنبية .. وببطل يشوف الشغلات الحلوي الموجودة ببلادو ..

طيب سؤالي ليش الواحد ما بيحاول يقدر قيمة بلدو وهو ساكن فيها؟؟؟

لأن كل ما شاف شغلي ليقدرا .......... بيطلعلوا شي خا...ق من قحف راسو:oops: العفو كبرنا بالحكي


ليش كلكن بتكبوا وسخ بالشارع و بتتضحكوا على اللي ما بيكب ..... و على اللي بيحترم القانون ببلدنا ؟؟؟؟

لأنو الشعب عنا بيحسو بعظمتو غذا خالف القانون ولأنو ما في مين يقلوا ليش...
وفي سؤال انطرح وحابب عيدو لأنو برأيي هادا أهم سؤال وطالما حبيت أعرف جوابو
وهوي ليش الواحد بيحب اللي بيتكبر عليه واللي بيتصرف معو بتواضع ورقي بيشوف حالو عليه
أنا حابب قول رأيي بعتقد أنو الواحد مننا بيفهم كل علاقة بين تنين على أنو فيها عطول واحد كبير وواحد صغير فإذا ما حس حالو الصغير فيهم بيحاول يكون الكبير ( يعني بكل صراحة اللي بيسبق بياكل فستق )
وبكل أسف هادا كان رأيي والله أعلم

لأنو القانون عنا بيضحك :lol: فقانونا ما بيشمل المسؤولين و يلي عندهم فيتامين ( واو ) :o و هيدا يعني نص البلد إذا مو أكتر ما إلهم علاقة بالقانون 8) و بعدين أنا ما بكب وسخ بالأرض و كتير بيصير مشاكل بيني و بين أصحابي مشان هيدا الموضوع
سؤالي هو ليش الشب بيتفاخر و بينبسط لما بيفقد عذريته مبكراً مع أنو الأديان و الاخلاق ما بتسمحلوا بهالشي

بسبب الإعاقة الدائمة اللي أصابت عقول الشباب العربي من زماااااااااااااااااان ...
وعلى كل حال هاد الموضوع كان نقطة خلاف دائم مع عدد كبير من الأشخاص وما قدر أي واحد منا يقنع التاني بوجهة نظرو يعني اللي بفكر هيك شي ما قنعني وأنا ما قنعتو ... بس المهم أنو أنا برفض هالفكرة بشكل كلّي ...

سؤالي: مين أعظم شخص مر بتاريخ العالم وليش ؟؟

أنا ........... و ما بدها ليش .......... لانو ..........هيك :lol:

ما عندي سؤال............لان انا عندي كل الاجوبي
:angel:

أنا برأيي أعظم شخص بالتاريخ (بالنسبة الي طبعا) هو نابليون , لأنو كان شخص طموح جدا , طلع من اللا شيئ و حكم العالم , بس صحيح انو عفس شوي..
سؤالي هو:شو هي برأيكون أرقى دولة بالعالم (بجميع المجالات)؟؟

باعتقادي ... السويد ... و السبب الرئيسي انو مالو بحدي .. و ما حدا إلو معو .. يعني مو متل الباقيين ... و كمان إيطاليا :lol:

سؤالي : كام ميدالية برأيك رح يطلع لسوريا بالأولومبياد يلي بدو يبلش بعد يومين :P :P :?: :?:

والله يا شريك حسب الهمة بس انشاالله ناخد كام ميدالية

وسؤالي هوي :

ليه كل ما حبك :hart: تكرهني :?:

:confo: لأنك ما بتنحب :wink:

حلللللللللللللللللللللللل للللللللللللللللللللللللل لللللللللللللللللللللللوي :o

بس لبقا تعيديا :x

:D

sorry :( :( :( :(

طيب سؤال :
ليش ما فيي أقول رأي و إحساسي مباشرة للإنسان يلي من حقه يعرف حقيقة مشاعري تجاهه :?: :?: :?:

يمكن لأنو بتخافي أنو ما يناسبو هالرأي والإحساس ... ويمكن خجل ... ويمكن عدم القدرة عالتعبير عن اللي جواتك ...


سؤال :
برأيكن الإنسان يكون صادق أسهل أو كاذب أسهل (هاد عن جد سؤال كتييييييييير محيرني )

[quote="Anmar"]تكون كاذب طبعا أسهل لأنو العالم بتتعود عليك كذاب وبتستئيل كل الهم من راسك :shock:

أما اذا كنت صادق فكتير صعب تحافظ على حالك صادق وهون بتكون وجعة الراس :?

سؤال : ليش الشب بعمر 22 حتى لو كان مروق ومرتاح وما في شي زاعجو بيحس حالو مضغوط ومدايق :?:

يا سيدي لأنو الشب بهالعمر بكون حاسس حالو مركز الكون و أنو كل العالم ناطرين منّو الأفضل وأنو ما في غير هوي عندو مشاكل وماحدا رح يفهم عليه وهيك شغلات يعني ..

و أنا حالياً ما عندي سؤال ... فحدا يسأل ...

أنا عندي سؤال : شو الفائدة من الأولمبياد يعني الإنسان عم يتحدى المي و السرعة و الهوا و الوزن و الإنسان و الجماد ....الخ يعني بدل ما يستفيدوا من قدراتهم على مقاومة هالعوامل ويعملوا شي مفيد بيتسابقوا و كل واحد بدو يكون الأول ليش يا ترى :? :shock:

لأنو الانسان دايما بيسعا ليثبت لذاتوا انو فينو يعمل احسن , اسرع , اعلى , أدق , بسعينا الدائم لبلوغ الكمال , الرياضة من اهم العوامل اللي فيها تبرز قدرات الانسان , و تحديه المتواصل لقدراتو.


ما عندي سؤال ..........

سؤالي مع كتر الاسئلة يلي بتشغل بالنا ما عندكم و لا سؤال ليش؟؟ :shock: :shock: :shock:

بسبب الفراغ المحيط فينا :o

والسؤال : شو سبب هادا الفراغ :shock:

نحنا :shock: :shock: :shock:

شو جيني ما عندك شي سؤال تسألي
طيب انا عندي سؤال :
ليش وقت بنكون بالمدرسة بنقول بدنا الصيف ووقت بيجي الصيف بنقول بدنا نرجع عل المدرسة مللتنا الصيفية ؟؟؟؟؟


رامو
:confo: :confo: :confo: :confo: :confo: :confo:

غريب :shock: ليش هيك عم يصير معك؟؟؟؟ :?

جربت تشوف دكتور ؟؟؟؟ ولا طبيعي هيك ؟؟ ما بعرف ..... في حدا تاني معوا نفس القصة ؟؟ :P