خبر عاجل : انفجار ضخم يهز مدينة دمشق
 

ايه لاتستغربو

وعلى حسب صديق شاهد الانفجار الي صار بمدينة كفرسوسه وفي عدة سيارات مدمره الزلمه ماقدر يشوف بسبب أنتشار عناصر الشرطه والأمن بشكل كبير
والانفجار بقرب مبنى أيراني "مدرسه شيعيه و مركز ثقافي "

بنتظار الخبر الكامل من شي محطه ( اكيد مو الفضائيه السوريه )

الخبر صار ع الجزيره

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

®

قال سيارة مفخخة و قتيل حتى الآن

يكسر ايدينو اللي السبب مين ما كان و لأي سبب كان

الله يرحم القتيل

قبل الانفجار بعشر دقائق كنت بنفس المنطقة:cry:

وكالة سانا مالا علاقة بشي
كأن الانفجار صار بكسمايو!

®

بما أنو انا ساكن بأول المزه " شيخ سعد" ومابتبعد عن مكان الانفجار مو اكتر من 1500 ك.م

الأنفجار كان قوي جداً والبنايه عنا هزة كلها وكأنو غاره جويه او زلزال






هي فضائيتنا شوفو شو عم تحكي

لا والله حرام عليهم :cry:

حمدلله على سلامتك :D، هاد حصل قبل ما كنتي تحكي معي او بعدو

حمدلله عسلامتك حسام :D
حد صارلو شيء من اللي نعرفون يا جماعة ،ياريت تطمنونا بسرعة

هلأ ماحدا اكد لهلأ الحادث عرضي
ولا مفتعل

اللهم أرحم الشهيد وشفي الجريح
اللهم لا تفجعنا بعزيز
قولو معي اَمين

صدى سوريا: قتل شخص مساء اليوم الثلاثاء جراء انفجار سيارة في منطقة تنظيم كفر سوسة بدمشق، وأفاد شهود عيان بالمنطقة لصدى سوريا أن سيارة انفجرت حوالي الساعة العاشرة وأربعين دقيقة موضحين سماع أصوات انفجار قوية أسفرت عن اهتزاز الابنية الموجودة بالمنطقة تلاه دخان كثيف علا الأبنية، وأكد الشهود لصدى سوريا أن ارتفاع ألهبة النيران وصل للطابق الثامن، وبحسب روايات الموجودين بالمنطقة فإن القتيل كان من المارة وقت الحادثة، أما الأسباب الحقيقة للانفجار فلم تتضح بعد حيث أكد الشهود أن السيارة انفجرت بينما كانت واقفة على الطريق، وفيما توقع البعض ان يكون الانفجار ناجماً عن تسرب في غاز السيارة، لأنها تعمل على الغاز، توقع بعض الموجودون أن تكون السيارة مفخخة، وعلى الفور نقلت السلطات المختصة السيارة إلى مكانخاص لفحصها ومعرفة مسببات الحادث.


®

أنو أنا ساكن بنفس المنطقة طلعو الشباب بالمنتدى جيراني
لحد هلق في أستنتاجات بتقول أنو سبب الأنفجار سيارة تعمل على الغاز
أنشالله يكون السبب بس هيك

نفجرت سيارة "باجيرو ميتسوبيشي" فضية اللون انفجرت في منطقة تنظيم كفر سوسة شارع الحديقة بدمشق وسط أنباء عن وقوع قتيل في الإنفجار.
وأفاد مراسل سيريانيوز في المكان أن الانفجار وقع في مؤخرة السيارة ولا تبدو عليها آذار الاحتراق, فيما تضررت خمس سيارات موجودة في الجوار والمباني المحيطة بالمنطقة.
وقال شاهد العيان جمعة شعبان إنه سمع دوي انفجار قوي جدا أدى إلى تضرر المباني المحيطة وتحطم الزجاج الذي دخل إلى المنازل.
وأشارت معلومات لم يتم التأكد من دقتها إلى أن الانفجار ناتج عن سيارة تعمل على الغاز بصورة غير نظامية.



سيريانيوز

لا باشق أنا من سكان المنطقة ومكان الأنفجار بعيد عن المدرسة الايرانية
حتى أنها بالشارع الخلفي لمكان الأنفجار
بس يمكن ذكر المدرسة الأيرانية هو محاولة قرأة رسالة التفجير وهي خاطئة على ما أعتقد :larg:

والله ياخوفي بالاخير تطلع الشغلة تسريب غاز و وعئب وسيكارة طايشة
مو متل مالكن مفكرين :lol:

وان شاء الله يطلع هيك مو شي تاني

يا شباب مافي داعي للاستعجال

كل شيء رح يصير واضح بعد التحقيقات ، مافي داعي للقفز على الاحداث واستباقها .

والله اذا حكومتنا قالت هيك بتكون كذابه شنو الانفجار مستحيل يكون جرة غاز لانو فعلاً ضخم , ومن شي اربع سنين فاجره جرة غاز ببناء قريب علينا وماكان بهل قوه

على مايبدو انو هي رساله قادمه من لبنان !

الله يحمي كل سوريا و الشعب السوري .......... آمين

انشالله خير.
أول خبر بفضائيتنا العظيمة:
رسالة من الرئيس الاسد للرئيس اليمني علي عبد الله صالح.
قولكون لو هالشغلة صايرة بأي بلد كانت هيك تعاطت وسائل اعلامها مع الحدث..:pos:

هلأ بجريدة الشرق الاوسط و نص المواقع الي قريت الخبر منا عم يقولوا سيارة مفخخة

ما بعرف شو حكاية هالانفجارات هاي الي كل يوم عم تصير

خيي مسطول شو قصدك يعني؟؟؟؟


الله يسترنا و يحمي الكل

على ما يبدو انو القتيل غير مؤكد؟؟

لا مؤكد هلا نزلته العربية والجزيرة وسيريا نيوز

سيريا نيوز عم تقول انو غير مؤكد انو في قتيل

و البي بي سي بتقول انو مافي أنباء عن قتلى

يسمع منكون الهي

قطع لسانك ولا مسطول ماتقول كدابة اعتباطا (استنى لنشوف شو رح يصير)
-الئصة ومافيها انو انت مانك خبير مفرقعات لحتى تحكم على نوع الانفجار والمواد المستخدمة فيه ،حتى خبير المفرقعات بيعطي رأي مبدئي فقط من خلال خبرتو وبعدين بيبلش في البحث والدراسة لحتى يحصل على دلائل وحقائق قاطعة ليقدر يخرج برأي قاطع حاسم عن الحادث وهاد بياخد وقت .
الجزء الاخر يللي بياخد وقت طويل جدا وقد لايتم حسمو - هو معرفة الجهة المسئولة عن الحادث وذلك في حالة :
- عدم ظهور جهة متبنية للحادث
-مسئولية تنظيم معين عن الحادث قام بتخطيط مسبق وبعناية .

ان شاء الله يطلع حادث عرضي وخصوصا انو لو كان في جهة منظمة قامت بالحادث كان صار النتيجة كارثية ، لانو التفجير رح يكون بمكان في ازدحام بالمواطنين هاد اولا -
ثانيا كان ظهر جعة معروفة تتبنى الحادث .
وليد جنبلاط جبان لدرجة انو مايقدر يهدد بتفجير واحد مش بس يكون الو دخل بالتنفيذ (بعتقد لو الو دخل يبقى بوكرة قبل الساعة 5 المغرب بيكون مقتول بتفجير ضخم يليق بمكانتو الكبيرة في قلوبنا :o

هلق أنا لاحظت إنو أغلب سيارات الميتسوبيشي باجيرو بتكون تابعة لشي مؤسسة حكومية
صح لمّا لا ؟
إزا طلعت قنينة غاز مو سيارة مفخخة بدي فجّر قنينتين فرحا

اغلب المحطات رجعت تبث عادي واولون التلفزيون السوري
يعني على ما يبدو القصة عرضية
بس الله ياخده اللي كان السبب

رحمة الله على عماد مغنية.............
حزب الله يؤكد اغتيال الجاج عماد مغنية في تفجير دمشق في كفر سوسة أمس.....
التفجير طلع مدبر وصرلو الموساد 20 سنة ناطر هالفرصة هي وبالفعل تم اغتيال مغنية ....
الاغتيال حسب معلومات كان بتفجير صغير بسيارتو بس مفجرة حديثة و متطورة........
عدد من نواب الكنيست صفقوا ابتهاجا بهذا الانجاز العظيم
أما قناة المنار ...فتبث آيات من القرآن الكريم

أكيد الموساد لانو هي العملية فشلو فيها بلاوي وطبعاً بفضل المخابرات يعني بعد محاولات عديدة وكتيييييييييير صار اللي صار .......:cry:
سلام من الله عليك أيها الشهيد المنتصر ((عماد مغنية )) ...