|
القاعدة تهدد بقتل اصالة اذا غنت باليمن
هدّد تنظيم "القاعدة" بقتل المغنية السورية أصالة نصري إذا "غامرت" وقررت المضي بحفلتها المقررة في عدن، والتي تصادف يوم الاحتفال بـ "عيد الحب" في 14-2-2008. وتوعد التنظيم، في بيان تلقت "العربية.نت" نسخة منه الاثنين 11-2-2008، المغنية السورية بمواجهة مصير رئيسة الوزراء الباكستانية بينظير بوتو، التي قضت اغتيالاً.
ودعا البيان "أبناء اليمن" للوقوف ضد المهرجان المقرر، مؤكداً أن التنظيم لن يسمح به "مهما كان الثمن باهظاً". وأضاف البيان، الذي تجنب الإشارة إلى الفنان المصري عصام كاريكا الذي يفترض أن يشارك نصري بالحفل، بالقول: "نحذر أصالة من المغامرة بالحضور إلى يمن الإيمان والحكمة ونتوعدها في حال حضرت لا قدَّر الله بمصير أستاذتها "بناظير بوتو". وتابع: "لا ولن نسمح بإفساد مجتمعاتنا وشبابنا مهما كان الثمن باهضاً لأن الدعارة والفسوق ليس من ديننا الحنيف وقيمنا الإسلامية الفاضلة". وفيما قلل مسؤولون يمنيون من خطورة هذا التهديد، حمّل نائب محافظة عدن عبدالكريم شائف وزارة الداخلية مسؤولية التعامل مع مثل هذه التهديدات. من جهته، قال النائب البرلماني فؤاد دحابة لـ"العربية.نت" أنهم مع التغيير بالطرق السلمية والشرعية، مستبعداً تراجع الجهات الرسمية المنظمة للاحتفال الغنائي الذي تحييه نصري إلى جانب الفنان المصري عصام كاريكا. إلا أنه اعتبر أن ذلك "عار كبير على الحكومة التي أصبحت ترقص على معاناة الناس وآلامهم في مدينة عدن ومن أموال الدولة وخزينتها العامة. وتابع دحابة، وهو أصغر عضو سناً في البرلمان اليمني: "ليس لدي موقف شخصي من أصالة. ودعوتي لإيقاف المهرجان لا يستهدف أشخاص. وإذا التقيت بالفنانة أصالة لقلت لها أنهم أرادوا إحراجها بهذا الاحتفال أمام مواطنين يعانون من الفقر والجوع وفساد الحكومة وسياستها المتردية". وكان عضو لجنة الأوقاف والإرشاد الشيخ هزاع المسوري، استنكر بشدة أسلوب القاعدة في "تغيير المنكر". وقال في تصريح صحفي "إن إنكار المنكر لا يكون بالقتل وإراقة الدماء لأن ذلك مخالفاً للتشريعات جملة وتفصيلا". وسبق أن أصدرت مجموعة من علماء الدين اليمنيين، قبل 3 أشهر، فتوى جماعية تحرم إقامة الحفلات الغنائية في اليمن. ومن أبرز العلماء الذين شاركوا بإصدار الفتوى عبد المجيد الزنداني، ومحمد إسماعيل العمراني وعبدالوهاب الديلمي. وقال هؤلاء في بيان، وزع في الأماكن العامة وعلق على جدران مساجد صنعاء، إن إقامة مثل هذه المهرجانات الغنائية فيه نشر للفاحشة والرذيلة المصدر : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
استاذتها؟؟ يا ريت والله ما كانت بتصير اصالة بـ هالانحلال الاخلاقي هيدا.. اقتباس:
:lol: سبحان الله.. من زمان كانوا يصرعونا انو اصالة اسم على مسمى..اصالة الشرف والاخلاق والخ... اليوم صارت اصالة رمز لـ الدعارة والفسوق و و و ... لا واللي بيعجبني انها لساتها شايفة حالها اصالة زمان "المحترمة" :lol:.. ايه يا عميمة متل النعامة :lol: والله هي للامانة ما بتهمني..كنت حبها بس هلأ لاء.. يعني مانها هيديك القيمة الانسانية التي سوف تترك فراغاً ملحوظاً اذا ما غابت او غُـيِّـبَــتْ عن الدنيا... وشكراً |
وشو اللي اخد أصالة عاليمن
في حدا بيعمل هونيك حفلات؟؟؟؟؟ ..............................................خل يها تلغي الحفلة فورا........... |
شو مشان حفلة الفوركاتس بالشام ؟؟ مو على أساس ممنوع من هالأشكال تجي عالشام كمان ؟؟
|
اقتباس:
طيب و ليش المنع و تحت أي سلطة و بأي مبرر؟ |
قصدي انو ممنوع على ما أظن انو أليسا وهيفا وهبي وماريا ..................... الخ من هدول يللي بيرقصو وبيغنو يعني تبعات الإغراء أنو طلع قرار من نقيب الفنانين انو ممنوع يغنوا بسوريا ..
بس استغربت من جديد انو الفوركاتس بدهم يحييو حفلة عيد الحب هون بالشام .. انا مالي ضد هالشغلة يمكن في عالم بيحبوهم .. بس بصراحة تفاجئت لما شفت صورة الحفلة معبية الشارع كلها .. |
اف اف اف كل هالعجقة على أصالة :larg:
|
اقتباس:
أي هاي قرارات نقيب الفنانين الفذ.... اللهم اجعله فنان بغض النظر عن الذوق الشخصي انو ممكن تحب هالنوع من الفن أو لأ, أو تستسيغو أو لأ... في شي اسمو حرية تقرير شو تشوف و شو لأ... انو أخي اللي ما يحبهون لا يروح, ما حدا جابرو, و اللي بدو يروح الله معو و انشالله يستمتع بس انو نقيب الفنانين... اللهم اجعله نقيب, ينصب نفسو مسؤول أخلاقي و يقرر مين الفنان و مين المبتذل أو مين الخليع هاد مو منطق لأنو مو شغلتو و لا شغلة حدا.. هاد اسمو استغباء الجمهور بكل بساطة, ما حدا بيحقلو هيك شي و خصوصي بهالأيام يعني استغباء غبي لأنو في وسائط مستحيل حدا يمنعها تخلي اللي بدو يشوف هيفا يشوف هيفا و اللي العن من هيفا كمان |
انا ما قلت شي مشان الحرية .. أيه انا يمكن بكون حب ماريا وبيجي على بالي روح احضرلها حفلة وفي عالم بتكون بتحب هيفاء وهبي بالرغم من أني بكرهها .. بس مو من حقي امنع العالم منها بس لأنو صار فيني أعطي أوامر ..
انا متمني مرة من المرات احضر حفلة لشي فرقة بريطانية متل Oasis أو The Verve بس بعرف انو مو بس النقيب رح يمنعهم .. الشعب ذاتو رح يقول (مين هدول؟) لما يجو عالشام! :p |
رجلي بهيك تنظيم موباقي الا يهدد الله , قولكم بيعملها ؟
|
اقتباس:
|
تنظيم القاعدة تحت مسمى اسلامي
وتمويل امريكي وتدريب صهيوني وفكر اجرامي لايمت للأسلام بصلة واصاله ست ستات الشام |
اقتباس:
يلعن أبو التخلف والمرض والارهاب.. شي مقرف. الله يورجينا بهالتنظيم يوم. وزعمائو الكلاب والراس الكبير بن لادن القرد الممسوخ. :jakoush: |
اقتباس:
امين الهم امين |
اقتباس:
والا الدعارة!! اصلا متواجد بكل مكان والخمور ... الخ وموجودة بالفنادق وغيره واذا منعوا الناس الله يخلي الفضائيات و ال ..... (الجمل مايشوف سنامه) |
اقتباس:
ازا كانت اصاله ست ستات الشام وصلو لقمة الانحطاط والفسق هنيئاً لامة الحضاره :D |
اقتباس:
انا عم احكي عن الطرب يا .... أخ وبعدين رأيك بيعنيك لحالك واكتر من هيك ما عندي |
حدها ستين جهنم هيي وكل الرقاصات المشخلعات يلي بدهون رمي رقبة
على قد ما وضعنا وأمتنا وعالمنا العربي بيرفع الراس والتطور يلي عم نساوييه ما حدا عم يلحقنا فيه فاضيين ورايقين للترفيه والغناء والرقص والشخلعة والناس بغزة عم تموت من الجوع وتعاني الحصار وبالعراق كل يوم مجزرة شكل وبدنا نغني وبدنا نرقص وبدنا نسهر ليلة البغض وبلبنان القيامة قايمة والحرب الأهلية واقفة على الباب بدها مين يفتحلها ويقلها تفضلي يا ست الستات |
اقتباس:
|
لك ليش مين الي عمل من دين الاسلام دين ارهاب
الا القاعدة وامثالهم من عديمي الفهم للدين الاسلامي وتفسيره على كيفهم وبناء على مصالحهم عوجة مافي امل مارح تضبط معك |
اقتباس:
أنا بفهم من كلامك انو انت مع انو تنظيم القاعدة يهاجم أصالة بما انها متل ما عم تقول. على كل أصالة بغض النظر عن وجهة نظر أي حدا فيها لأنو هالشغلة نسبية. نحنا ما منسمح لتنظيم الشر والعدوان مهاجمة أي انسان والوقوف في وجه خياراتنا وحريتنا أصالة قامت بخطوة جريئة بتحديها تنظيم القتل وبتستحق خلع القبعة احتراماً. اقتباس:
لازم بكل بلد يكون في تنظيم متل تنظيم القاعدة مشان ينظم حياتنا لأنو نحنا أجلك ما منفهم ولا منعرف مصلحتنا لذلك لازم نجيب هيك تنظيم يرميلنا رقاب الرقاصات. وبالأخير كلمة وحدة: ازا كنت بتعتبر هادا المشهد الفني الحالي انحطاط فكري فهادا حئك بس بقلك انو هو نتيجة لعوامل السياسة والاقتصاد والدين وليس سبب لكل أزماتنا السياسية. ما رح ترجعلنا القدس بزوال هيفا ..بل بسقوط القدس ظهرت هيفا. |
شو الله الموضوع كتيير شيق بس اصالة شو وداها لليمن
|
مع احترامي الشديد مافي مطرح للغناء غير اليمن :shock:
|
والله لما بيكون الشعب فاسد ولاحق السكس والشخلعة وبدو بس مين يهزلو لينطرب بيكون سلامات على هالأمة بدها رمي بجهنم
ناس فاضية ورايقة وعم تلحق تحضر حفلات ورقص وضراب سخن وناس ميتة من الجوع والفقر بظن بكل مجتمع في أولويات وأكيد الفن والطرب بيجي من الكماليات لما الشعب بيكون استوفى احتياجاته الأساسية إلا إذا حضرتك عايش بسويسرا وعايش منغنغ وعندك وقت تضيعو على قنوات الهشك فشتك فحقك يا عمي وصرماية على الباقي |
مدري ليش حسيت انو أصالة رقاصة بعد ما قريت ردود العالم :lol:
|
اول شى
المصدر العربيه نت مانى واثق فيه تانى شى انو كل مصيبه يرتكبها البعض والشماعه موجودى تنظيم القاعدة والعالم العربى الساذج عم بيصدق انو القاعدة ورا كل المصايب انا ما بدافع عن القاعدة بس بوضح شغله واحداث 11 سبتمر ما للقاعدة اى صلة فيها بنووووب والقتل والارهاب بالعراق %80 منو لميليشيات الروافض والقاعدة ان وجدت بالعراق بترد عليهن بالمثل وهالخبر اصل الموضوع اديش تافه وخبر ما اله اساس من الصحه وشاغلين حالكم فيه مدرى ليش |
اقتباس:
|
اقتباس:
الكل يقول ورايي آمين .. :adal: |
اقتباس:
مو كأنو الموضوع عن القاعدة ؟!!;) |
تم اغلاق الموضوع
|
| الساعة بإيدك هلق يا سيدي 18:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون