الكعب العالي قد يحسن الحياة الجنسية
 

ذكرت دراسة إيطالية أن ارتداء المرأة للأحذية ذات الكعب العالي، مع احتمال استبعاد الرفيع منها، يقوي عضلات الحوض الأمر الذي يثري الحياة الجنسية

وتقول الدكتورة ماريا سيروتو، طبيبة المسالك البولية التي أجرت البحث، إن النتائج التي تم التوصل إليها تخلص إلى أن الكعب العالي ليس بتلك الدرجة من السوء، التي يعتقدها البعض، على صحة المرأة.
ويقترح البعض أن الكعب العالي مسؤول عن مشاكل عديدة تترواح ما بين آلام القدم إلى الشيزوفرينيا.
ولكن في رسالتها إلى المركز الأوروبي لعلاج المسالك البولية قالت الدكتورة سيروتو "لقد آن الأوان ليجد الكعب العالي من يدافع عنه".
وقالت سيروتو إن دراستها التي شملت 66 سيدة تحت الخمسين وجدت أن أولئك اللائي يسرن بزاوية 15 درجة فوق سطح الأرض (ما يعادل بوصتين في ارتفاع الكعب) أجسادهن أفضل من اللائي يرتدين أحذية بدون كعب، كما أن عضلات الحوض لديهن أقوى.
عضلات الحوض وعضلات الحوض جزء أساسي من مكونات جسد الأنثى، كما أنها تساعد في الأداء الجنسي، والإحساس بالاشباع، وتوفر دعما مهما لأعضاء الحوض التي تتضمن المثانة والرحم والأحشاء.
ولكن عادة ما تضعف هذه العضلات بعد الحمل والولادة ومع تقدم النساء في العمر، وهناك تمارين لتقويتها وتأمل الدكتورة سيروتو أن يمثل بحثها نهاية لتلك التمارين.
وقالت الدكتورة سيروتو "إن النساء يجدن صعوبة في القيام بتمارين منطقة الحوض، وارتداء الكعب العالي قد يكون الحل".
وتابعت قائلة "مثل كل السيدات أحب الكعب العالي ولعله أمر طيب أن نعرف أن لذلك فوائد صحية".
وفي هذا الاطار، قالت جيل بروك إخصائية العلاج الطبيعي في بيدفورد في بريطانيا إن هذا البحث لم يقترح أن للكعب العالي الرفيع تأثير جيد على تحسين وظائف الحوض.
ومضت قائلة "ولكن بالنسبة للنساء اللائي يفضلن إرتداء الكعب العالي نسبيا- غير الرفيع_ فان هذه النتائج قد تكون طيبة رغم أنه لا يجب التخلى عن التمارين لهذا الجزء المهم في جسد الأنثى"


بالنسبة إلي ما بحبّو ما بحبّو ما بحبّو للكعب العالي ؛؛
إذا بكون بجيب ولاد و يجلي و يطبخ لحالو ما رح حبو



:melody:

®

,عم قول لحالي من يوم مالبست خفافة صينية انقلبت حياتي فوقاني تحتاني مدري تحتاني فوقاني يسلمو عل الموضوع وياريت اتحطو صورة اكبر شوي لنشوف اديش الكعب لازم يكون طوله :pos:

اقتباس:

ويقترح البعض أن الكعب العالي مسؤول عن مشاكل عديدة تترواح ما بين آلام القدم إلى الشيزوفرينيا.

وشو هاي الشيزوفرينيا ولا عمتي؟



قرد .. صرعوا سعدو ..ساعة بيقولوا مضر للرحم وساعة بيقولوا مفيد :frown:

ابيرسوا عـلى بر هيدول ؟ :pos:

يسلمو على كل حال عمي راغب

الشزوفرينيا هي حالة معينة تصيب الانسان :pos:

عرفتي كيف خالتو متايا ولا انبحت واشرحلك اكتر شنو انا اتعبت لوصلت لهلمرحلة من الفهم

حالة شو؟؟ :lol: طيب خلص لا تشرح.. بنبحث عنها بشي موقع مفيد :pos:

ماتيا مش متايا :pos: لا لا تتعب حالك..

*** يمكن البعض يفكر انو طلعنا برا الموضوع لذلك بحب نوّه انو لا زلنا في صلب الموضوع وما طلعنا عنه :D

اللي يقول مفيد ....... يعني يملك مصنع لاحذية كعب عالي

و اللي يقول مضر ...... يملك مصنع احذية فلات ! :yahoo::yahoo::yahoo:

في بحصة بنص حلقي وصار لازم طلعها من زمان:jakoush: وبما انو انفتحت السيرة انا بحب قول انو الكعب العالي وخصوصا العشرة سنتي متر مكعب:gem: يسبب تلوث للبيئة يعني تلوث سمعي وانا أؤمن ان قرقعته يصل مداها المجدي الى سكان المريخ:pos: تخيلو معي ايها السادة ان تكون غرقان بسابع نومه وعم تابع مسلسل من الاحلام الوردية يمكن بحياتك كلها ماينعاد وفجأة:frown: بدون اي سابق انذار يشق سكون الليل طرقعة كعب من هدول هلي عم تحكي عنهون طرق طريق طرق طريق بق بقيق طج بف أح الخ ....وهي طالعة عل الدرج او هي وماشية بالصالون اللي عاملتوه فوق:oops: غرفة نومي المتواضعة وهكذا حتى تنتصب واقفا من شدة الكيلو هرتز الصادر من هذه المرأة المتباهية وتلعن الساعة اللي سكنت فيها تحت امرأة تستيقظ فقط ليلا لتمارس قيام الليل على طريقتها عند عودتها من حفلة لأ والأنكى من هيك انها من كم يوم زودت الكعب ببسمار العمى:shock: انو انا بعرف انو نهاية الكعب بكون جلدة مو مسمار يازلمة هالنسوان عليهن شغلات مابعرف منين بيفكرو فيها بس بالمحصلة هادا كلو مشانا نحنا معشر الزلم حتى يلتفت انتباهنا وهادا هلي مصبرني .... يالطيف شو ان كيدهن عظيم:oops:

ناس بقولو منيح .. وناس العكس .. احترنا

امشي حافيه ولا البس كعب ..

:cry:

كلامك كلو منطق يالسيرياني :lol:

هاي الشيزوفرينيا مرض الهلوسة ..

و من ويكبيديا ..

بيكون المريض عندو حالة من عدم الانسجام مع الواقع ..

عايش في عالم خرف ..

يعني مهلوس ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

/../

و دائما للكعب العالي أنوثة مميزة ..

انت متلي مرسيل
أنا مو كتير صحبة مع الكعب الكتير عالي
بس ليش الكذب لما بلبسو بحسو بيعطي أناقة :oops:



اي في بنات طولون شبر ونص :lol:

:oops: سوري هالحكي مو صحيح ...
شيزوفرينيا ... هي " انفصام الشخصية "

:D

من ويكبيديا ..

most commonly manifesting as auditory

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و معنى الكلمة هلوسة ..

و كلامك صح المرض الأساسي انفصام ..

و الأعراض الأساسية خلال مرحلة الانفصام هي الهلوسة ..

لانو انتي ما خرج تميزي المرض من غير أعراض ..

يعني أهم أعراض هالانفصام في هالمرض هي الهلوسة ..

شكرا على الإضافة الصحيحة ..

لك معليش معليش , عم دور على أناتي بطول 120 مع كعب 20 سنتي بيصيرو بطولي .. :lol:

اول ما قريت اسمك قلت معطوب حوضو الزلمي شو عما يعمل هون ؟؟؟
بعدين لاحظت انك عما تدور عأناتي ( يلعن ديب هالمصطلح منين جايبو يا ظلمي:o) بمواصفات معيني :pos:

يرجى من ( الأناتي ) التي تنطبق عليهن المواصفات المزكورة اعلاه مراجعتنا شخصيا ( مع كعب :?) لاخذ موعد مع بلاك ( باعتبار بلاكو معطوب حاليا وما فينو يشوف كل الأناتي:p)
وشكرا

اي على راسي يا وسيم , بس رجاءن عدلي الشروط من 120 ل 160

و إزا كانت ما لابسة كعب منشتريلا أحلا كندرة من عند هوفيك شوز .. :lol:

اللي طولها اكتر من 160 بكام سم
بيمشي حالها ؟

هاي عمكون بلاك عملكون مشكوراً تخفيضات
او بالاصح زيادات؟

وهلق اول مجموعة من الأناتي الي بطول 160 سم , صار فيكون تجيبو طولكون معكون ونحنا من دبرلكون الكعب من عند هوفيك شوز ( انو انا شخصيا ما كتير صحبي مع الماركات بس اسم هاي الماركة بالاجنباوي .. يعني اكيد احسن من رين, بس مع هيك بتضل رين فخر الصناعة السورية:gem:)



صعي كان في أنتايتين 127 بلا كعب مع كعب 13 لكل وحدي, نأردفون يعني؟؟

كام سم يا ترى؟؟؟
يعني اكتر ب 50 سم ما بمشي الحال , بعدين بيصير لازمة كعب بالسالب!!

بس انو اذا مصرة قدمي طلب وبتبحث هيئة الادارة بالموضوع وبتردلك خبر

أنا بدي قدم طلب :shock:
وبدي استنى انتو تردولي خبر :frown:
أصلاً أنا طويلة وحسب ما فهمت بلاك طولو متر ونص
ما بيمشي الحال مشان تصوير الفيديو :pos:

أردفون و خلي يولو , شيل عنا يا .. بيجينا زباين غيرون .. :lol:

شوفي متل ما قلك وسيم أكتر بسنتي خمسة عشرة , بيمشي الحال

راجعي وسيم عمي , هوي استلم الموضوع باعتبار أنا معطوب .. :oops:

ما بعرف؟ انا هيك فهمت :?

اي!! شو مفكرة عند بلاك يقبل جميع المتقدمين:shock:

اديش طويلة يعني ؟؟ هي الشغلة نسبية
يعني اذا واحد طولو 110 بيحس وحدي طولة 130 طويلة:pos:

وكيف عرفتي انو بلاك طولو متر ونص؟ هوي زاد الطلب بعدين للـ متر وتمانين, ولا انا افهمت غلط:shock:

اذا بس هاي هيي المشكلة, فلا يكنلك فكر , كلو بيتدبر هالايام
انتي قرري وما عليكي من التفاصيل

شو قلنا؟؟

نزلنا صوره لتولك ..:lol:

مع كعب اما بلا:o

ليش بيلبس كعب ..:lol:.. وانا عم قول لحالي ...:?

انا شايفه ..

بس مو التول كلوو .. انوو شفت بس الراس :o

طمنينا كيف كان الراس حلو
:lol:

انو بالعادي لاء, بس ما بعرف بركي اجا عبالك تشوفي بكعب باعتبار الموضوع عما يحكي عن الكعب وفوائدو:?

ليش قليلي اخر وحدي:sosweet::sosweet:

إي صح بهداك الوقت صور الشباب من طبقة النبلاء كانوا يلبسو كعب
الظاهر شباب الفرنسيين كانو قصار كتير :gem:

يعني عبالي تجي شي مشرفة تقول " انضبااااااااااااااط ":pos:

اي وشو طلع بالآخر اي وحدة صحيحة... انفصام الشخصية ولا الهلوسة؟!;)

انفصام الشخصية و أهم أعراضه الهلوسة ..

و من أشكال الهلوسة :
- سماع أصوات وهمية
- شعور بالعُظام ( الزَوَر) Paranoia
- الإيمان بمعتقدات غير منطقية
- الإنعزال
- الهياج
- التحدث بأفكار وآراء غير مترابطة
- فقد البصيرة
- ردود فعل عاطفية غير ملائمة
وغالبآ ما يرتبط بعض هذه الاعراض، كسماع الأصوات بالمعتقدات الشخصية للمريض

الفصام مرض نفساني خطير ، لكن هذا الاسم الذي يعني انفصام الشخصية ليس دقيقآ .


في الطب ..
لا يهتم الناس عادة باسم المرض بقدر أعراض المرض لأن الأعراض يأتي بها المريض ..
و اسم المرض يأتي به الطبيب ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

و في محاضرة عنها اقترحوا طريقة جميلة في تجنبها ..
ما يسمى بال

stress ball

هذه الكرات المطاطية يستخدمها القلقون أو حتى المتعبون بالضغط عليها ..
طبيا .. هذه تفلح في تجنب الانفصام ..

و أذكر حتى أنهم وزعوا منها على الحضور ..