|
لو كنت انت الشرطي ..؟؟
على سيره العقوبات والمخالفات ..:pos: والتغريم والسجن ..خليكون شوي واقعين ..:gem: وما تضربولي ياها مراجل :adal:.. انوو لو كنت انت مثلا .. او افرض يعني مثلا انت\ي من بين شرطه المرور .. وبين ما انت عم تادي واجبك المهني .. بتمر سياره مخالفه .. بدون ذكر سبب المخالفه .. واكتشفت انو الي رح تخالفو والدك ..ابوك ..;).. شو بتعمل .. 1\ بتخالفو والقانون عالجميع .. وبتخليه يفوت عالسجن 2\ بتمشيه وبتغض بصر .. 3\ بتتحمل انت التغريم .. من سجن او او او ..:oops:.. *.• Roaa •.* :hart: |
مممممممم لو كنت انا لاسمح الله شرطي وانا من الناس الشريفة:p بقى ازا ابي او اخ خالف بتكون وقعتو سودا :gem: ليش من الاصل ليخالف طبعا بخالفو وبخالف ابوه
بس بما انو هي الانماط الشريفة انقضت بقى سعرو بسعر غيرو باخد الرشوة وبقلو الله مع دواليبك عطيهاااا:yahoo: |
اذا كنت باميركا. بخالفو
اذا كنت بسوريا بخليه يمرق |
والله اكيد بمشي الموضوع وكأني ما شفته :lol:
|
اقتباس:
|
أنا......... اكيد رح يتعاقب متلو متل غيرو :blusted:
|
هلأ مو كتير بينلام يللي براعي أبوه أو أخوه ......بس بينلام يللي براعي x من الناس كرمال 25 ليرة
بس يا ريت لو تحطي سؤال تاني أنو لو انت شرطي مرور ...و مرق اللواء أبو عنتر بذاتو .... بتخالفو ..؟؟ أو لو انك شرطي مرور أو أي موظف و راتبك ما عم يكفيك متل كل الرواتب عنا ... هل هالشي ببررلك انك ترتشي أو تسرق ..؟؟ |
اقتباس:
رح برر لنفسي .. إني أرتشي و بضمير مرتاح .. |
اقتباس:
هلق أنا بالنسبة لي أول شي ما بكون شرطي بدك تقلي ليش هلق أعدام جماعي ما هو أعدام إذا مرق العميد( أبو بدر بالبيت وأبو علي ما هو واحد بس أله شخصيتين:p) هههه بالشارع وردت اشبطه ضبط من تحت كعب الدست وطلعت من راتبه هداك الوقت بتلاقيني عبخالف مو أبوي عبخالف أبو أبوي يعني جدي رحمة الله عليه نقل عفش البيت من الكلاسة للجميلية على الحنتور سبحان الله لا كان في شرطي ولا جندرمة :o |
اقتباس:
بس الحرام أكثر للي ما عنده صبر وألي عنده صبر الله عز وجل ما بينساه وبيرزقه من حيث لا يحتسب ويحتسب وطبعا الرشوة ماي مبرر لأقناع نفسي أنه سيل جارف وأنه الفرصة الوحيدة بقا أنا بتقي الله في الناس أحسن ما أروح خبيصة أخر عمري أو أوله أو يروح حدا من ولادي وأبكي دم تحياتي |
أكيد بمشيه والو :gem::gem::gem:
|
لا بمشي وغض بصر عنو ..
بضل ابوي ابوي .. ومابطلع من نفسي خالفو حتى لو كررا كزا مرة ... كمان بمشي .. بس يدفعلي 50 ليرة ..اكرامية |
أنا بمشيه وبغض النظر
|
المشكلة مو بس بأبي.....
المشكلة اذا مر ابن جيراني او رفيقي ايام المدرسة او ابن عمي او صهر ابن خالتي او...او...او....او....وتطول القائمة.... بما انو عم نحكي بواقعية يعني......بمرقو وين ما كنت كون بالعالم اذا ما رح يسببلي هالشي مشاكل كبيرة.... |
اقتباس:
في ناس أنو ..... بتحب المال السهل .... ..و ما بتعود أصلاً تدور على شغل تاني أنا بالنسبة الي ... اني اشتغل زبال ... أسهل بكتير من اني مد ايدي لسائق سيارة مشان آخد ال 25 |
اقتباس:
هو منو لحالو بحطلك ياها:larg: |
اي رح غض البصر ورح غض ورح غض لهيك بلا من هالشغلات احسن مشان مايصير في تأنيب ضمير:pos:
|
اقتباس:
أو بحط المية بدفتر الميكانيك اذا خالص ميكانيكو  |
يعني نضفت البلد وما ضل غير هل الشرطي المسكين :blusted:
عوجه بشرطي ولا بدون شرطي:shisha: |
بصراحة بمشي ابوي وما بخالفه
بابا هاد :cry: |
والله لنكون واقعيين بتكون الثقافة العامة اللي ربيت فيها " ثقافة المجتمع " رح تخليني مرقه
بس بدي استغرب بدون اي تعليق ما قيل في الأسفل اقتباس:
ظل جيفارا |
ييييييي اكييد رح مشية ههههههه وبررلو مخالفتو قدام العالم كمان
هههههههههه |
اقتباس:
|
بتعرفي كتبت رد وعدلتو حسيت ما رح رد بصراحه 100% لذلك لا جواب |
ليش وينو هالشرطي اللي عم يؤدي واجبو بضمير ؟؟؟؟
وردا على استفسارك / بالتأكيد راح اعطيه مخالفة واتركو يروح من بعد ما اسحب الرخص منو |
اقتباس:
|
انا بالنسبة الي ازا كان في مشرف علي موجود بنفس المكان بخالفه وازا ما كان فيه ببهدلو وبقولو ما تعيدها بس ما بخالفو....
|
اقتباس:
وألا الناس بتختلف هون عن هنيك وألا الثقة بين المواطن والشرطي وئدت بالمعارك الماضية التي تلت حروب البسوس |
b5alfo w b'9ameer merta7 kaman
byestahel meen ma kan.. lasho lakan eddamna by'9erbo methaliyat !?? bel 3aks .. yemken ma byette3zo ella bas teje el '9arbe mn 2areeb |
اقتباس:
يعني من كل شي وقية وقية على الماشي |
اقتباس:
|
وقية = 200 غرام
|
أوقية قصدك
يعني وزن والوزن جاية من العدل والعدل خربان عياره وأنسا وسلفني البنسا |
اقتباس:
بعدين البنسا اخدها سامر من شوي |
بيكون عنده عيار جرة غاز لسيارة تكسي صاحبها شرطجي
والغاز ممنوع للسيارات بس سيارة صاحبنا الشرطجي مضغومة ليش لأنه شال اللوز من قد ما صفر يعني راحو اللوزات ضحية العمل والعمل هو غلاف تركيبة الأنسان وأنواع الأعمال هي نوعين بالتقاليد الحجرية مشروعة وغير مشروعة بس هلق تبادلو الأطراف عند معمل الأطراف الصناعية هلا ومية هلا |
نورتوو .. كلكم ..
عالهامش .. في ناس خلي تخفف الشات ..:D |
الصراحة ما بخالف اي حدا معرفة او بحبو
وممكن ما بخالف اي حدا بحس انو مسكين ومو قدها يعني الانسانية فوق القانون بالنسبة الي بس اذا كان في بالقصة رشوة لا والله بخالفو وبخليه يكره حالو لاني مو واطية اقبل رشاوي:D |
اول شي انا ما بحب شغلة الشرطي
بس اذا كنت فرضا شرطي فهناك احتمالين 1 - اذا كنت ببلد بتحترم القانون اكيد بخالفو "ع الهامش بهيك بلد هوه ما بخالف" 2 - اما اذا كنا ببلد ما بتحترم القانون و القانون مو ماشي ع الكل رح اعمل حالي مو شايفة و ما رح خالفو ع الهامش كيف رؤى و شو اخبارك :D |
شي معروف عند المجتماعات العربيه حبابنا و قرايبنا
بنمشيلهم ياها و الغريبين بنشد عاليهم كرمال يدفعولنا رشوه لنمرقلهم ياها ;) |
اقتباس:
وهون ما بعرف بقى بننطلق من المثالية لنوصل على المطلوب او بننطلق من الواقع ؟ اعذر تدخلي تحياتي الحارة ظل جيفارا |
| الساعة بإيدك هلق يا سيدي 22:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون