سليمان "البهيم"، ثري عربي خليجي... وبامتياز!
 

مرحبا شباب، كنت عمبتفرج على مرايا 2006 على قناة إنفينيتي الفضائية، وبالفاصل حطوا دعاية لبرنامج مسابقات، وفكرة هالبرنامج 16 متسابق بيتنافسوا بالامارت ويللي بفوز بيتمول مشروعو، يللي طير عقلي بالموضوع إنو الممول إماراتي اسمو سليمان الفهيم، بس مو هون المشكلة، المشكلة إنو ال 16 متسابق هنن 8 أميركان و8بريطانيين!!!!!! إي لا تستغربوا!!!!! يعني السيد "فهيم" أو بالأحرى السيد "بهيم" شاف إنو الشباب العربي من المحيط للخليج مو ناقصهن مصاري، وفاتحين مشاريعهن الخاصة ومو بحاجة لدعم الأثرياء العرب!!!! طبعا دورت على سيرة هالبهيم العظيم، ولاحظت إنو داعم المنتخب الإماراتي وشركتو شركة هيدرا العقارية رأس مالها ضخم ومشاريعها كبيرة، بس خيرو طلع لبرا!!!!!!

يا ترى بصير نقول إنو الزلمي حر بمالو وما بينلام حتى لو إنو الغلاء بالوطن العربي عمبزيد ودول متل مصر وسوريا واليمن...الخ عمبتعاني من الفقر الشديد!!!!! أم لازم ينلام لأنو ثري "عربي" ولازم يوقف مع الشعب العربي بهالمحن يللي بالنهاية رح تخللي الناس تخاف تطلع عالشارع بسبب انتشار أكلة لحوم البشر والعصابات في شوارع الوطن العربي نتيجة الفقر الشديد!!!!!
النتيجة إني بعد ما شفت فكرة هالبهيم العبقرية، عرفت ليش شعار الامارات بالفضائيات "اماراتي وافتخر"!!!!!!

وبالآخر مافيني قول إلا متل ما قال نزار قباني "يا صديقي... رحم الله العرب" :pos::pos::pos:
العوض بسلامتكن شباب. :cry::cry:

مرحبا صديقي ...
طبعا برأيي انا ما فينا ابدا نلوم الشخص لإنو اولا متل ما حكيت هنيك بالخليج كله ما عندهن فكر قومي وهيدا ما غلط ابدا وبتعرف انو بالأردن كمان نفس الشي الأردن اولا ....
هلأ الفكرة انو هو مو مجبور يشتغل مشان العرب في كتير اشخاص طلعوا بإسم " العروبة " عفسوا وراحوا ما عاد حدا مجبور يشتغل مشان العروبة .
بس كان من الأجدر به ان يدعم ابناء الأمارات في تمويل مشاريعهم احسن ما يدعم اللي بره
وتحياتي الحارة
ظل جيفارا

بس بالأردن؟؟ ما الوطن العربي كل دولة إلها شعار عنصري، يعني متل ما تفضلت "الأردن أولا"، "أنا سوري أه يا نياللي" و"مصر أم الدنيا" والله يعلم شوفي بالدول التانية، هي ظاهرة متعمقة بال"عروبة" العربية!!!!
أما مشان هالثري، أولا كل الإماراتيين مدعومين بوظائف الحكومة، ونفس الشي أهل الخليج، ومعدل دخل الفرد بالخليج أكتر من بريطانيا وأميركا، وبالتالي مو بحاجة لدعم مشاريع، بعدين حتى لو ناس طلعوا باسم العروبة وعفسوا، ضروري كل واحد يطلع يكون معفس؟؟ يعني ليش ما هوي يكون منيح؟؟ بس أنا ما بلومو مو لأن هوي حر، بس لأن مين داعم الخليج غير أميركا وبريطانيا؟؟ لحم كتاف أهل الخليج من خير الأميركان وأوروبا، غرقوهن بالمصاري مقابل النفط، مع إنو برا مليان نفط، بس ليستهلكوا يللي عند العرب بصيروا يستخدموا يللي عندهن، وهي حقيقة الكل متفق عليها، فمشان هيك يعني إزا هز دنب للغرب حقو، إزا مول واحد عربي شو رح يستفيد؟؟؟ بس لما يدعم الغرب بيجيه الدعم الغربي بالمقابل، يعني بفوز بمناقصات وعطاءات وبزيد غناه، بس شو بدنا نقول غير يا حيف، والله بيعطي الجوز ليللي ما لو سنان!!!!!

وقفت على هالفهيم
في متله متايل
ليش الامراء السعوديين انظم
فكرك انو بالامارات والسعودية ما في معدمين
انسي سوريا والبلاد العربية ما حدا عم يموت من الجوع (تقريبا)
شو مشان الدارفور والمجاعة الافريقيه ما حدا بيفكر فيهن هدول مالن بشر يعني
والله مناظرن بتقطع القلب غير الامراض يلي عم تفتك فيهن
شو مشان اطفال غزة والعراق يلي عم يتقتلوا
النتيجة انو ما في ضمير

صديقي انا برأيي الزلمة حر بمصاريه بالنهاية ......
والموضوع لا تفكر تمويل مجاني صدقني الموضوع بيكون فيه تجاره بدها سعدو ...
يعني زلمة ومعه مصاري وعم يستثمرها يعني علقت عليه ما تلات ارباع استثمارات الاثرياء العرب بالخارج
بس ع كل الموضوع لفتة حلوة منك مشان نشوف وين صارت " العروبة "
تحياتي الحارة
ظل جيفارا

حر ما اختلفنا كل يلي طالبينو منه ومن رفقاتو الاثرياء
انو يحسو شوي ببلادن واخواتن يعني معه مليون يعمل مشروع لهالشباب بالف ليرة مو اكتر
ولو كان مردوده قليل لانه الف فوق الف تخيل شو ممكن تعمل
وما بدنا ننسى التسهيلات يلي بتقدما الدول الغربيه للمستثمرين العرب والارباح الخيالية يلي عم يحققوها
هي يلي عم تخلي خيرن لبرا
شويه حس قومي من هالناس وشوية احساس للحكومات العربية بوجعنا يكمن يمشي الحال
ولو انه العروبة كلمه مهددة بالانقراض

من وجهة نظره عنده حق لأنو اللي متله مابيحط القرش الا بمطرحه يعني مو عن عبث وفهمكن كفاية

صديقي ما فيك تجبر حدا او تطلب من حدا انو يكون قومي بالنهاية القومية شيء مفترض .
تحياتي الحارة
ظل جيفارا

مرحبا

المشاركات الخارجة عن الموضوع انحذفت

الرجاء التقيد بمسار الموضوع

وسلام للشباب:D

سليمان البهيم ماختلفنا عليها بس الزلمي حر شو مابدو بيعمل

أكيد ما وقفت عليه، وكلنا منعرف إنو أثرياء العرب سواء خليجيين أو غيرو خيرن طالع لبرا، يعني مثلا أي حاكم عربي لما يمرض مرض بسيط أو تنكسر إيدو حتى، ما بروح على مشفى عربي، بس بكل بساطة بجهز طيارتو الخاصة بروح يا عأميركا أو على أوروبا.
أما مشان المجاعات العالمية، يا صديقي هي ما بتنحل بكام غني، هي مسألة عالمية، على مستوى الأمم المتحدة، وأنا معك إنو الغني العربي ملزم بإنو يساعد قد ما بيقدر، بس إنك تعلم ابنك الصيد أحسن من إنو تجبلو السمك جاهز عالبيت، يعني بمثالنا على سليمان "البهيم"، منعرف إنو مصاري التمويل ما بتنقص من ثروتو ولا شي، لو عاطيها لشباب العرب يفتحوا فيها مشاريع، والوليد بن طلال لو بدل ما يفتح روتانا أو الرسالة، لو فتح قناة علمية أو تثقيفية، لشفت هالشباب يللي اندعموا بيصرفوا مصاريهن يللي ربحوها من هالمشروع، بيصرفوها على قضايا إنسانية مهمة.
بس فالج لا تعالج!!!!!

أنا علقت عليه شخصيا لسبب واحد، إنو عميعلن عن هالشي بكل صفاقة ووقاحة، وبوسيلة إعلام عربية!!!! بعرف إنو كل الأثرياء العرب خيرهن لبرا، بس يا أخي ما بجاهروا لهالدرجة!!! يعني خلي شوية احترام لمشاعر العرب!!!! بدك تموللن مشاريعهن للأجانب روح لبرا عميل مسابقة وبالآخر جيب الفايز عبلدك خليه يساوي المشروع يللي بدو ياه!!!!! مو إنو تجاكر الشباب العربي يللي مو ملاقي اللقمة!!! يعني اتخيل حالك بكرا لما يطلع البرنامج، صبايا وشباب أجانب عميتسابقوا بدولة عربية مشان يتمول مشروعهن من ممول عربي!!!!!!!!! وكل هالشي قدام عيونك ومحدا سائل بكل أحلامك أو حتى مدرك لهالطاقة القوية يللي جواك، يعني إلا ما ينقهر الواحد، وبظن إنو أضعف الإيمان إنو نحكي ونلعن هالإنسان هوي وأموالو، لأن بكل بساطة ما فيك تمنع البرنامج إنو يطلع، يعني البرنامج رح يطلع غصب عنك ولو بلطت البحر.
وفي نقطة تانية، عمرك سمعت عن ممول أجنبي، جاب 16 عربي لبلدو، وبلش يعمل بيناتهن مسابقات؟؟ أو حتى عمرك شفت أميركي عمل برنامج وجاب فرنسيين حصرا ليشاركوا فيه؟؟ أو عمرك شفت ألماني جاب أوروبي غير ألماني مشان يساعدو؟؟ أكيد لأ، لأن لا الشعب الأميركي أو الألماني أو أي شعب أوروبي بيرضى بهالشي، ولو صار، صدقني رح تسمع إنو هالبرنامج توقف نتيجة قيام الشعب بمظاهرات ضد هالبرنامج!!!!!!!!!!
بس معروف إنو هالحركة هز دنب لأسيادو الأجانب.
سيدي... الله الغني.

هاد بظنّ متل برنامج دونالد ترامب ، نسيت شو اسمو ، بس نفس الفكرة ..

المهم ..
خطرلي تعليق صغير ( بغضّ النظر عن النتيجة الحاليــّة بانو المتسابقين كلــّون اجانب ) .. بس نظام الاختيار شلون بيصير ؟! يعني الممول هو اللي بيختارون ؟ ولا نظام تقديم طلبات ؟! ولا بتتصل وبتسجّل - متل اغلب المسابقات بالعالم - ؟ ولا انت بتروح لهديك الدولة وبتعلن عن المسابقة الفلانيـّة اللي هيي هيك وهيك ( لهيك ما طلع في عرب ) !؟

انــّو ما زابطة القصة ، شلون هيك ما طلع ولا واحد عربي ؟!؟ لك ولا حتى هندي - بما انو بالامارات - :shock:


ونقطة تانية ( معلش ولو برّا الموضوع ) ..
هو حتى يمكن ما يكون اكتر ... بس مافي ضرائب تقصــّلون شي من الراتب ..




بكل الاحوال ... معك حق باللي قلتو ، وصدق من قال " اللي استحو ماتو " ...

والله ما بعرف، بس بالدعاية كان المذيع عمبقول 8 أميركان و8 بريطانيين، فبالظاهر رايحيين على أميركا وبريطانيا وحاطين إعلانات بشي جريدة واختاروا بالآخر 8 من كل بلد، وإزا كانوا كل المتسابقين بنات، معناتا بكون نايم مع كل وحدي منهن لما كان هنيك، وجابهن هلأ مشان يعطيهن مصاري ويتسلى فين.

ابو طريق !! شو مشان !!؟! :shock::shock:

مو مشان شي!! شو مشان شو!!!؟؟ :?:shock::sick:

[quote=أبو طريق;888786]بس بالأردن؟؟ ما الوطن العربي كل دولة إلها شعار عنصري، يعني متل ما تفضلت "الأردن أولا"، "أنا سوري أه يا نياللي" و"مصر أم الدنيا" والله يعلم شوفي بالدول التانية، هي ظاهرة متعمقة بال"عروبة" العربية!!!!
الأردن أولا هو نهج تعمل به الحكومة الأردنية اي سياسة
مصلحة الأردن فيه فوق مصلحة الأمة العربية
أما أنا سوري أه يانيالي
ومصر أم الدنيا هي مجرد شعرات يتغنى بها الشعب وهي موجودة في كل دولة بالعالم
مثل باميركا مثلا الحياة على طريقة الحلم الاميركي

[quote=المحارب العتيق;889683]شكرا شريك عالمشاركة، بس شو رأيك بالموضوع نفسو؟؟

تحياتي صديقي :D
انا بقلك كنت معك مية بالمية بالموضوع لو انو كان بيطالب المليونير انو يجيب اشخاص من بلده
بس انو يطالب بإحضار عرب بشكل إلى برنامجه فهيدا اللي ما بأيدك فيه لإنو بكل بساطة القومية العربية فعل مفترض .
تحياتي الحارة
ظل جيفارا

أنا فهمان عليك، بس لا تنسى إنو الشباب الإماراتي بشكل خاص والخليجي بشكل عام، مو بحاجة لتمويل، لأن بكل بساطة راتبن بكفي، غير التأمين الصحي وتأمينات البطالة، يعني ما بتلاقي شب خليجي وبالذات إماراتي فقير، لسا من كام يوم ررفعوا رواتب الموظفين الحكوميين بدبي 75%، هي إينو بلد عربي بيعملها؟؟؟
بس على مبدأ الأقربون أولى بالمعروف، يروح عالعرب، لأن أحق من الأجنبي، ومتل ما قلت حضرتك، القومية فعل مفترض، بس المفترض أكتر بالنسبة لهالبهيم هوي تمسيح الجوخ ولحس السبابيط، خود هالنكتة يللي بتختصر كل حكيي:

"سوري سأل إماراتي .. كم راتبك .؟؟ الإماراتي : راتبي 15000 درهم , وبدل سكن 90000 درهم سنويا , وبدل مواصلات 1200 درهم شهريا , وبدل غلاء معيشة 2000 درهم، وبدل ماء وكهرباء 1000 درهم وسيارة كل سنة وتأمين صحي للعائلة ومدارس خاصة لأولادي , وتذاكر سفر دولية عالدرجة الأولى , بعدين سأل الإماراتي السوري : وأنت كم راتبك .؟ قال السوري: راتبي 8500 ليرة سوري ..! قال هذي بدل أيش ..؟؟ قال : بدل ما أشحد"

هيي النكتة إجت بالأصل على الأردني، بس أنا حولتها للسوري مشان الأخوان الأردنيين ما يفكروا إنو متقصدينهن.

:o:o:o:lol::lol::lol:
حلوة كتير النكتة يا صاحبي
بس انا قلت شغلة من شوي انو يمكن الزلمة حسبها انو العرب فعليا يمكن ما يقدروا ببلدان بيأكلها الفساد انو يجيبولوا نسبة ارباح عالية جراء تمويل مشاريعهن بينما في الخارج اكيد رح يكون الوضع غير
هيدا إضافة إلى انو اتفقنا انو مو مجبور بس اذا علمها بيكون منيح منه
تحياتي الحارة
ظل جيفارا

الحق يقال .. مو صحيح هالحكي ..
زمن الـ"رخاء " اللي متصورينو ، ولــّى من زمان ، وكل مالو الوضع لـ ورا ..
اي صح ، لــســه في نسبة بعدها كتير فوق ومرتاحة ، بس بالمقابل صار في نسبة لا بأس بها عليها ديون بالملايين ..
ونسبة تانية ، صارت بدون رواتب شغلون رح يشحدو ..
وكـ مثال ، بعد ما كان دراسة البنت مجرّد شغلة لـ تقطيع الوقت ومانـّو ضرورة ولا اجباري - او حتى ما كان كتير محبّذ - ، هلأ صار الكل بدّو ياها تدرس وتشتغل كمان ، لانو ما عاد الوضع بيسمح بـ " الدلال " ..
وحتى بالنسبة للشباب ، بعد ما كانـو ما بيرضو الا بمكتب وعمل اداري والكل بدّو يكون مدير ، هلأ صار تلاقي
" كاشيير " اماراتي ...


+ نقطة تانية ، انــّو ما حدا بيفرح بزيادة الرواتب ، لانــّو تماماً متل ما بيصير بسوريا ، لســّه قبل ما تنزل الزيادة الفعليــّة عالرواتب ويستلموها العالم (يعني بمجرّد انو انتشر خبر زيادة الرواتب ) كل شي بالسوق بيرتفع سعرو للضعف .. و بالنهاية ، بيبقى الوضع على حالو ، ما استفدت شي !

[quote=المحارب العتيق;889683]
ياسيدي شو الغلط انه الواحد تكون عنده مصلحة وطنه قبل مصلحة الوطن العربي ... وبالاصل انتماءك لوطنك رح يخلي عندك انتماء للوطن العربي كامل ..... وانا متاكد انه مافي غلط بالموضوع انه انا بتهمني مصلحة الاردن قبل مصلحة اي بلد مهما كان وشو ما كان ....;);)

ويالله انا خارج عن الموضوع وخارج وين عم كهربجي خليه يعطينا شي مخالفة لانه التنويه تبع امبارح ما عجبني لاني متعود عالمخالفات.... :frown::frown:

ابو طريق لا تاخدك الحمية
المشكلة ما بالسيد فهيم , المشكلة بالعرب , يعني لو فرضنا انو السيد فهيم قدم هالجائزة لمشاركين عرب , برأيك شو رح تكون النتيجة ؟؟؟
معمل علكة جديد ..؟؟؟
معمل محارم ؟؟؟
معمل بوظة ؟؟؟
بدن يخترعو موبايل يعني ؟؟ ؟
و لحتى تنكون دقيقين اكتر ...انا شخصيا ما شفت البرنامج و لا سمعت عنو غير منك , بس بقناعتي لو ..عم قول لو يعني كان في مشاركين عرب مقدمين شي مهم كانو اكيد رح ياخدو اولوية بالبرنامج .

على كل حال الامارات بتقدم كتير فرص للشباب العربي , شوف هاللينك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مافي فرق كتير بين الاردني والسوري ........;);)

يا عمي القصة مو قصة حمية، القصة قصة مبدأ، أكيد الشباب العربي مو مستوى معمل علكة أو محارم، هي مستوى المسؤولين بسوريا تحديدا، وأنا بأكدلك رح يكون الشب العربي عندو طموح وطاقات أكتر من ما بتتخيل، بس مافي فرصة، ويا سيدي أنا قلتلك منين جبت البرنامج، أكيد مو من عندي!!!!! تابع انفينيتي وبتشوف الإعلان بنفسك، ومشان الرابط يللي حاطوا، صديقي على عيني وراسي المنحة، بس حبييبي كلها بمجال إدارة الأعمال، لك الوطن العربي عفن بطلاب إدارة الأعمال، خليه يفتح المجال للعلوم، وأي بني آدم فيه يطلع مشان إدارة الأعمال، ومو شطارة الشغلة!!!!!

على اعتبار العروبة ماركة محارم بالنسبة الي.... كل شي مصاري من أي ثري خليجي ما بدي ياها... و لا منيتهون. مو عنصرية...



:D

اسمحلي اطلع برا الموضوع شوي و أخالفك الرأي شوي... ما بعتقد هالكلام صحيح

انه وليش يا حبيب ؟؟؟؟؟

[quote=Golden_Skull_Jordan;890147]يعني برايك لما الاردن بيوقع اتفاق سلام منفرد مع اسرائيل بدون مانضغط على اسرائيل وناخدالسلامكامل كباقة بيكون شي صح وفي مصلحة قومية
لما بيأجر الأردن اجوائو للقوات الأميركية مشان تقصف العراق المهم يقبض مصاري ويعمل حلف مع اميركا بيكون خدم القومية

هئ ، بس مو مهم .. لانــّو الاردن اوّلاً :gem:


:lol:

يا سيدي مصرياتو وحر فيها.
ما حدا الو علاقة فيه.

روحو حاسبو الحكام والوزراء اللي عندهون مليارات سارقينا من شعبون. هدول اللي لازم يساعدو شعبون

ما هني بالاصل عم يقولو الاردن اولا. يعني ما عم يبيعو شعارات قومية.
القومية العربية هية كذبة كبيرة, ما حدا مدور عليها. بيستخدمها الحكام مشان يضحكو على شعوبهون.

نقطة كتير مهمة
شكرا إلك كتير على تنبيهي على الهامش بس عنجد نقطة كتير معمة :D
انا بعرف إنو بدولة البحرين صار في اضرابات ومظاهرات عمالية لأجل نيل حقوق العمال المكتسبة بس بعد ما عرفت نسبة الديون الأميركية هلأ عرفت الوضع شوي اكتر بدول الخليج صار النظرية مسلمة اكثر ..
ليش يا حج شو بفرق انا عن اي كائن اخر .....؟
والله نكتة قال :jakoush:
تحياتي الحارة
ظل جيفارا

ونعم التسمية


سليمان البهيم