مسابقة حرك مخك ... متجددة ..
 

انا من الناس اللي بحب مسابقات فيا رياضيات في تشغيل مخ فيا تفكير ..

يعني حلو الواحد يحاول .. يشتغل من اول وجديد .. لح كون هون حاول حط سلسلة كاملة ..

ولح نبدا كل يوم .. بعبارة عن لغز صغير ..

هلا اول واحد لح بلش فيو كتير سهل بدو شوية تفكير بس .. وبيمشي حالو

ومتل ما اتفقنا .. يوميا بصير في تحديث عالموضوع .. اللي بحب يشارك .. يحول

وهي اليوم اول يوم .. واول صورة



عبارة عن معادلة رياضية .. بدها حل

شرط الحل .. انو الاحرف A-B-C-D-E

محصورة بالاعداد من 1-9

سهلة كتير .. وناطرين .. اول وحدة

:D


انو ما بصير حرفين يحملو نفس الرقم .. سوري هي كنت نسيانا ..

a = 1
b = 1
c = 1
d = 1
e = 2

سوري نبيلو ... نسيت قلك انو ما بصير حرفين يحملو نفس الرقم .. :D

خلاص نفكر بحل ثاني

اوك خود وقتك .. :D

a = 2
b = 4
c = 5
d = 6
e = 9

تمام ابو شريك ... وحلك صح .. :D:larg:

يلا هلا بنزل التانية ..

لا تصعب احنا بليل و راسنا ثقيل ههههه

لك هي بدووووون تفكيييييير بحلهاااااااااا :p
اديلووووووو وحده اصعب :gem:

كمان وحدة تانية سهلة ..

عندي A-B-C عبارة عن براميل مي ...

سعاتهم
A:10
B:7
C:3

معروف سعتهم .. (حجمهم) بس مانن مقسمين .(مدرجين). يعني ما منعرف قديش فينا نعبي بكل واحد بس منعرف كل واحد قديش سعته الكاملة ..

لو كان الاول معبى بشكل كامل كلو .. A

المطلوب . شو الخطوات لحتى نقدر نخلي يصير جوا الخزانات A=B=5

اطاااااااااالب بتغييييييير السؤاااااال او اطلب مساعدة صديق:jakoush:
انوووووو مو وئت هيييييك اسئله على وش الصبح منيح من الوااااااحد يعرف يتعرف على حالو بالمراااااااايه :shock::p

لك شو تتطالي هي ما فيا شي ... كتير سهلة ..

لسا ما تشوفي اللي عم حل فيا هلا ... 4 دوائر فيا .. جاييكم فيا .. عكلن حاترك هدي لبكرا ..

وهديك ما لح نزلا اليوم بنزلا بكرا .. لاني لسا ما خلصت حلا اصلا ...

نراكم غدا .. وفكري فيا سهلة .. مانا صعبة .. تصبحو عخير ونراكم غدا :D

3
7
0
-----
3
4
3
-----
6
4
0
---
6
1
3
----
9
1
0
----
9
0
1
----
2
7
1
---
2
5
3
---
5
5
0

لوة ابو شريك نبيلو ... وملعوبة ..

هلا انا حليتا كمان بس بطريقة تانية وكانت هيك

10-0-0
7-0-3
7-3-0
4-3-3
4-6-0
1-6-3
1-7-2
0-8-2
2-5-3
5-5-0

ويلا حنزل التالة ,,, لسا انا ما حليتا بدا تشغيل مخ شوي ..

عبارة عن رسمة هندسية ..

ثواني :D

صرلي 10 دقايق ناطر على اساس ثواني :jakoush::jakoush:

روقلي حالك .. عم حمل الصورة كنت وعم ظبط الكتابة ... :lol::D

:lol:

شكلو وسيمو استلسم ... وين باقي الشبيحة .. ؟

انا حليتا .. مشي حالا .. بدا شوية تشغيل مخ بس ..

شو نحط الحل يعني ؟

شكلا الشبيبة .. ما عرفت الحل لهلا ..

انا لح اتركا من هون لبكرا ان ما حدا حلا .. لح نزل الحل .. شبنا شبيبة لسا ما بلشنا ها .. :o

اي استسلمت جزئيا :pos:
اي شو بيذكرني انا بنظريات اخر مرة استعملتها كانت من شي اربع سنين و نص :?

طيب حسهلا عليك عكلن ... ما بدك غير نظرية فيثا غورث ابو شريك .. ما تقلي ما بتعرفا ..


وهي حاكتبا منشان ما تكش ..

مربع الوتر = مجموع مربعات الضلعين القائمين ..

لنشوف:larg:

هلق مبدئيا طلع معي الحل 1
بس ليش ...؟؟
توبيكونتينيود.......

هلا انت قربت .. بس كمان ليش ... تو بي وايت :lol:

والله عم حاول اتذكر نظرية الدائرتان الماستان لثالثة بس ما عم اقدر وكمان المماس الخارجي
زماااااااااااااان

عفوا انا في غلط كنت مفكر نصف القطر 5 مو 10

:lol:

اي .. لا انتبه ..

هلا انا بدي امشي شبيبة .. بس عندي سؤال قبل ما اطلع اتركو برجع بشوف الجواب . انو بتفضلو يكون في اسسئلة هيك فيا رسم وهندسية اما لا ؟

سلامو .. ولنشوف مين لح يحلا

يلا .. معكم لبكرا ها .. انا طالع هلا .. منرجع منشوف الحل سلامو :D

احسب نصف قطر الدائرة D

1,715


"انو بتفضلو يكون في اسسئلة هيك فيا رسم وهندسية اما لا ؟ "
اي منفضل جدا جدا

الله يخليك كترلنا منون, خلي العالم تحرك مخا شوي احسن ما يصدي عقلة الاستعمال, واذا طولت الشغلة شوي وما حدي جاوب طول بالك شوي علينا

مشكور خيو
:D

انا ارفض وبشدة

ولا يمان شاطر تحكيني تسالني عن السودوكو ما بتحكيني بتقلي عن هالموضوع :?
يبو و زمراقي اللي ما يخليك الهي :jakoush: (دعواتي مستجابة دير بالك :p)

يللا انا اجيت
وين صرتو ؟


هامش* عملولو تعليمة لجاد ولمحمد ابراهيم من بعد اذنكن

يا زلمي شوفي عالم ما بتعرف تحسب
اي خيو بعد ما خربطنا بحساب الزاوية طلع اخر الشي نصف قطر الدائرة د = 0,1393

خيو هاني هلق اذا عمو يمان كفا هيك بالموضوع ما خرج تثبتولنا اياه شوي:oops:

خيو ابو سهيل
بدك تشوف المشرفين
محسوبك قصولو من زمان

بعتقد عالمسابقات ما في مشرف حاليا (الله يرحم ايام المشرف القديم :cry:)

انو حلو ... الحكي .. بس جوابك غلط ابو شريك ..

هلا شغلة صغيرة .. بفضل انو الواحد يحكلنا بطريقة مبسطة كيف حسب منشان الكل يعرف الطريقة فيما بعد .. ان قلنالكم انو الجواب صح يعني ..

وعراسي اب سهيل هلا جوابك .. مانو صح ..

شبيبة .. فيا شوية فيثا غورس الشغلة .. يعني هية العامود الاساسي بالحل ..

وبدا شوية رموز ترمزوها منشان تنحل معكم ..

حلو .. ولعيونك احلا اسئلة هندسية تكرم خيو ..

:D

حاج مساعدات حجي

من يوم ورايح ما بتعطي مساعدات عالمسألة :jakoush:

وتروك هالمسألة لليوم الساعة 12 بالليل وبعدين حط الحل

اي خيو ابو الهن .. لك انو .. سوري كيف رحت عن بالي :o

هلا وين صرنا لسانا بالسؤال التالت تبع الدوائر ABCD

وبدك تحسب نصف قطر الدائرة الصغيرة رجاع للصفحة ورا بتشوف السؤال .. حلو لشوف :larg:

يلا بخبرن هلا لجاد ومحمد :D

مشي لليوم المسا السعة 12 وبنزل الحل .. :D

شغلة تانية ... انو سؤال .. وقت حدن بحط جواب ... قلو صح او لا .. دغري ولا اترك ليكون الكل حلو للمسا؟

:D

عراصي حارتك والله يا باشا

اي والله طلع معك حق وطلعت مخربط شوي بطريقة التفكير

طب خيو شو رأيك ب 10\9 او بما يساوي 1,111

عفكرة كتير حلوي المسألة وقوية العادي
بدا هيك نكشة مخ لحتى يمشي الحالة .. بس كلو بينحل

هلق مشان تقول اذا صح او غلط هاي الشغلة انت بتقررة , يعني اذا انت كل يوم عالخط وفينك كل يوم تحط وحدة فبيكون كتير منيح ... واذا حاسس انو عندك اسالة بتكفي .. فبس حدي يحط جواب الصح قول انو صح .. وحط البعدة .. وبعدين اذا حدي اعترض بيصير فينو الي حل المسالة يوضح للشعب العنيد طريقة الحل

ومرة تاني مشكور يا معلم:D

1.25 نصف قطر الدويرة الصغيرة

استخدمت شي الو علاقة بالدائرة اه؟