|
( الطرطيرة ) فخر الصناعة السورية !!
مجلس الوزراء يوافق بشروط على تصنيع الشاحنات المحلية بثلاث عجلات عممت وزارة النقل الى مديرياتها في دمشق والمحافظات كتاباً لرئاسة مجلس الوزراء تضمن الموافقة على مقترحات اللجنة المكلفة بدراسة صناعة الشاحنات المحلية (الحلفاوية) بثلاث عجلات وفق المعطيات الآتية: التوقف عن منح أي تراخيص جديدة بتصنيع الدراجات الآلية ذات العجلات الثلاث وان تقوم وزارة الصناعة بالتحقق من عمل المنشآت المرخصة حسب قرار ترخيصها وذلك بالتحقق من إنتاجها خلال العامين الماضيين وكشوف التصدير وإغلاقها في حال مخالفتها. وان تقوم الجهات الرقابية في كل محافظة بملاحقة ومصادرة كل دراجة غير مسجلة أصولا. وان تقوم الجهات الرقابية بمراقبة الورشات والتحقق من عملها وإغلاق الورشات التي تقوم بتصنيع هذه الدراجات دون ترخيص وإعطاء مهلة للدراجات المسجلة في مديريات النقل حتى غاية عام 2010 وعدم تجديد ترخيصها بعد هذا التاريخ لمتابعة تنفيذ المقترحات وفق الأصول مرعية الإجراء.. سيريانيوز |
و يللي ما بيعرف شو يعني طرطيرة ..... فيه ياخد فكرة من هون :  |
بدن يرجعونا للعصر الحجري هدول؟؟ :lol:
|
مشكور اخوي ماد على الموضوع مع اني مو فاهم
|
أشبكون ياجماعة تركونا نتئدم شوفو بلشرئ الأدنا شئد مطورين بطرطوراتون حلوه بركي منصير متل الفلبين علئئل
مششششششششششششكووووووووووو وووررررررررر علموضوع |
is it 1 april or iam dreaming:shock:
|
اقتباس:
شرفت معلم دنجل |
لسا ما شفت الهمر السوري ؟؟؟؟!!!!..
:o:lol::o:lol::o:lol::o |
اقتباس:
:lol::lol::lol: |
احلى من الهمر والله :D
|
ع علمي الشهر الماضي عملو استنفار لعما ما خلو ولا طرطيره بجبله وضيعها ... وقال كلو بدو ينكب لانو ما عاد مسموح فيه ... شو جرى وشو صار؟
|
اقتباس:
حكي فاضي هداك اليوم ( بالصيفية ) كنت بالهمرالسوري بنص جبلة باتجاه المشفى !!!!! :o:o :lol::lol: |
لك اي بالصيفيه ... زمان... انا عم قول هداك اليوم يعني الشهر الماضي ...
|
اقتباس:
 |
اقتباس:
هي مؤامرة ... لإبعاد جبلة عن تكنلوجيا العصر  |
اقتباس:
|
اخي بصراحة انا عندي عقدة من شي اسمو طرطيرة وبصراحة في حقد ابدي بيني وبين اي طرطيرة بالبلد ..
ليش .. رح قلك ليش ياحج هلأ انا بيتي بسوريا ع الشارع العام .. وطبعا الشارع العام بمر منو تكاسي سرافيس طرطيرات موتورات بسكليتات كلشي غير الشوارع الفرعية اللي بتكون اروق نسبيا .. فطبعا بهالصيف بتكون الدنيا شوب نار فأنا بشيل هالفرشة تبعتي وبمدا بهالبرندا وبفتح هالشبابيك مشان نشم هوا ربنا ونام ع الهويات الحلوين الظراف وع هالفرشة تبعتنا اوووخ ع السلطنة .. طبعل بمجرد ما اغفل ببلش الشغل .. وطبعا كلشي عادي وومكن تتحملو وماتفيق عليه الا تلت شغلات اول الشي العراس (لما بيجو بزمروا وبعبروا عن فرحن بالعراس وبطوطوا من هالحكي ) تاني شي لما بكون شي ابن حرام عبزمر او بصيح لمرتو اللي بتكون بالطابق الخامس من البنايات اللي حوالينا وبجي مشان ياخدا وبصير يعيطلا ويزمرلا حتى تنزل من فوق ومابستخسر يطلع يصحلا وطبعا هالقليلين الزوق اكتر منن بهالبلد مافي ..وخاصة ازا واحد معلاق مطجن وغليظ وتقيل دم متل وماعندو اي جنس من اجناس الزوق .. والشي التالت والاهم هو هالاختراع العجيب اللي اسمو الطرطيرة .. الطرطيرة مجرد ماتمر باول الشارع العام وانا بيت بنص الشارع تقريبا فطبعا انا بفيق والناس اللي جوا بتفيق والناس اللي بالبنايات اللي ورانا بتفيق ونانتي بزات نفسا ممكن تطلع من قبرا ع صوت هالطرطيرة .. طبعا صوت فظيع بمعنى الكلمة طبعا مارح بحس بهالحكي غير اللي مجرب صوت الطرطيرة العظيع والمرعب طبعا مجرد ما اسمع صوت الطرطيرة انا بفيق وبنط باربعتي علما بانو نومي تقبل انا ومابفيق بسهولة .. واكيد الطرطيرة بنسمع صوتا اكتر الشي لانو يعني اصحاب الطرطيرات مابحلالن يمشوا بالطيرطية تبعتن هنن والعيل تبعتن الااااااااا باخر الليل وش الصبح والناس نايمة .. والاهم من هيك انو الزبال تبع الحارة عندو طرطيرة وببلش لم الزبالة بوقت ادان الصبح يعني وقت الناس بتكون بعز النومة او باولأ وطبعا الزبال بجي بشكل يومي وبطربنا بصوت الطرطيرة .. وبعد هالليل السعيدة اكيد بطلع الجو وبتبلس الشمس تضرب فبشيل الفرشة وبدخل لجوا ... وبنام وانا مشوب اشرفلي من هيك نومة ع البرندا .. ويحرق اخت اللي اخترع الطرطيرة برجلي |
  وهي أخر أختراعاتنا سيارة شام 2008 |
موطنـــــي .. موطنـــــي
الجلال والجمال والسناء والبهاء في ربــــــاك .. والحياة والنجاة والهناء والرجاء في هــــواك .. هل اراك ؟ هل اراك ؟ سالما منعما ؟ وغانما مكرما |
بس مشان الحلال و الحرام الصور تاع الطرطيرات الي حطيتوها مو هيدي هيي الي سمحوا فيها ... في طرطريرات منظرها افضل من هاي.. بس اكيد انا مو مع هالقرار يعني... بس هالصور غلط ومبالغه
|
اقتباس:
أكيد الطرطيرات موديل 2008 رح تكون أحلى بكتير |
اقتباس:
:sick: |
يا زلمة بمجرد ما اقرا طرطيرة شعري بيوقف و بتزكّر صوتا النشاز
بشرفي اللي اخترعا واحد حمار...اي حمار يعني كتيير مرّات بتمنا ايكون معي شي آر بي جي تخيّلوا معي صوت الطرطيرة فيا جرّات غاز و كل شوي صاحب الطرطيرة يضرب على قنينة فاضية "غاز...غاز" نمّل جسمي خلص بيكفي اتزكر صوتا :sick: |
اقتباس:
هنن لموهم منشان يخلوهم يشتروا من الطرطيرات الجداد اللي هنن صناعة محلية اكيد مو منشان شي منشان يشجعوا الاقتصاد المحلي عوووووووووووووووووووجة |
ليش مين قلك انو في طرطيرات صناعه مو محليه ؟؟
كل الطرطيرات الي بالدنيا صناعة حماه .... |
اقتباس:
قصدي منشان يشتروا طرطيرات من الانتاج الجديد مصالح اقتصادية بحتة مو هيك؟؟؟؟؟؟؟؟؟؟؟؟؟؟؟؟؟؟ |
في طرطيرات من النوع الثقيل عليها محرك سوزوكي بطراز دوماني اختصاص حمل بلوك اذا شفتوها هربوا منها ليش انا بقلكم ليش
شفتوا بحياتكم بلوكة كاملة سقطت بحنية بنص اتستراد عريض وغشيم متلي ماتوقع بلوكة بنص الشارع وطلع فوقها بالدولابين وانطعجت الجنوطة ونفسوا الدواليب والليل ظلام وبرد واتشحططت واتبهدلت كلو بسبب طرطيرة مطورة شغل دوما مو حماة الله يصطفل فيهم ها الطرطيرات بهدولنا وشحططونا :cry: |
محارب عتيق .... تخنتها هيك
:p:p:p |
عاشت الطرطيرة أصدقائي ....
فهي معلم حضاري من معالم وطننا العزيز جد ما بتخيل شوارعنا وقد خلت من صهيل الطرطيرات ...... إضافة إلى أنها وسيلة نقل محترمة لأصحاب الدخل المهدود؟؟؟ مهدود؟؟ هيك كان اسمو شي؟ |
فلتسقط الطراطير بهدلت حالي وقلبت كياني تسقط تسقط وليحيا بيدون المازوت الحلم :cry:
|
اقتباس:
|
لاتواخذنا من طيطرتك المصون بل هي عليها الاعتذار شرشحت حالي وقلبت كياني وجعلتني اسير شريدا بالليالي المظلمة ارتجف من البرد ومن شدة غيظي :lol:
|
حبيبنا أنا ماعم احكي بس على طرطيرتي.... انا عم احكي على معلم أثري و ذو قيمة جمالية في ضمير الأمة و الشعب..
مشان هيك عم قلك التزم حدودك هه :D لأنو اذا بترجع للتاريخ بتكتشف أنو أجدادنا القدماء استعملوا الطرطيرة في أكثر من موقعة و أكثر من حدث صنعوا به ما نرفع به رأسنا في هذا الزمن التليد .... فالله يرضى عليك لا تحكي بشي قبل ما تكون مطلع على حيثياتو (لاحظلي هي) و منطلقاتو .... لأنو غير هيك بتكون واقع بمأزق كبير ... و مفارقة تاريخية خطرة دير بالك :x |
اقتباس:
ينعن ابو اكبر طرطيرة .. وهيك وهيك ع اللي اخترع الطرطيرة مين ماكان يكون .. |
لالالا اذا بتريد .... انا هيك بعلن انسحابي ... و خلص ... بالظاهر أنو المجتمع فقد أصالتو و حسو بالتراث الأصيل .... ايييييه....زمن .....
سلام |
اقتباس:
ازا هيك تراثنا رجلي بهيك تراث لكن |
يا جماعه يا جماعه مع أحترامي الشديد لكل أراء الشباب
في برنامج أسمه عصر السرعة وعدت مرات عرضو فيو طريزينات حديسه وبستعملون في أورمبا وخاصه في المناطئ السياحية الأساريه والفرئ بين ترلاتنا وطرطيراتون هيه التيئنية يعني حلال عليهون وحرام علينا ليش الكيل بمكيالين |
اقتباس:
و خاصة أنو ..... الراموسة أكبر منتج للطرطيرات في سوريا |
أخ يا خاي والله العظيم أهلي سكرو شباك منشان هالطرطيرات ياحرام أمي الله يرحما كانت ماتحسن تنام الله وكيلك لا ليل ولا نهار
لاتحسبو رقصي بينكم طربا |
انا اختلف مع البعض في رأيهم مدام هي بتوفي بشغلات وتخدم ناس ليش لا ,, احسن من ولا شيْ,, المهم خدمة وفايدة الناس
 |
| الساعة بإيدك هلق يا سيدي 11:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون