|
صدقني .. لست وحدك ... يوجد سبعة منك
أرحب بكل المهتمين بحقائق وخفايا الانسان والكون .. منذ بدء الخليقة وحتى الآن والانسان لم يفهم الكثير من الأسرار التي تغلف الحياة من حوله ومنها سر الكون وسر نفسه .. وقد أثبت العلم الحديث ( متأخراً جداً !) أن وراء المادية والعقائد العقلية والكفران بالغيبيات عالماً حقيقياً روحياً له قوانينه وأخلاقه ، ان الاعتقاد في الروحانيات معناه التيقن بوجود عالم الغيب بما يحويه من أجسام مختلفة الشكل والتركيب وكذلك الاعتقاد التام في الروح الأعظم خالق السماوات والأرض سبحانه وتعالى .. ان التعمق في الروحانيات يؤدي بالانسان إلى التدين الصحيح وفهمه على أسس سليمة .. وعلى هذا فإن العلم الذي يكتشف كل يوم خفايا ما كان يجهله الانسان سوف يصل به في النهاية إلى أبسط الحقائق التي مرت بالانسان على مر السنين .. والتي نادت بها جميع الأديان السماوية وهي الدعوة إلى التوحيد والايمان اليقيني بالله الخالق المدبر لهذا الكون العظيم .. * هل للانسان أكثر من جسم ؟ و ماهي هذه الأجسام السبعة ؟ كما هو معروف فإن الانسان مكون من جسد وروح .. هذا الجسد الطيني ( الأرضي ) هو واحد من سبعة أجسام لها درجات مختلفة من الكثافة أو الذبذبة وهو أثقلها ( أي أقلها ذبذبة ) وهو الوحيد الذي يقع في نطاق رؤيتنا .. أما الباقي فكل منها يكون في مستوى أثيري في درجة ذبذبة مختلفة .. والروح الحقيقية توجد داخل هذه الأجسام السبعة والتي تحجب الروح بدرجات متفاوتة . وكلما تقدم الانسان روحياً فإن ضميره يمر من المستوى الأثيري المنخفض صعوداً إلى المستوى الأعلى ، وبذلك يتضح أكثر نور روحه وتسمو أفعاله وأخلاقه ( وهذا ملاحظ عند بعض العلماء والعارفين حيث تجد وجهه مشرقاً بالنور والضياء وما هذا إلا انعكاس بسيط لنور روحه وضياءها ) . وتقسم هذه المستويات أو الأجسام الانسانية إلى سبعة أجسام كالآتي : 1- ( الجسم الأرضي ) : وهو أقل أجسام الانسان ذبذبة ، والمفروض عليه أن يخضع للعقل وليس للغرائز ، وعند الوفاة ينحل هذا الجسم إلى خلايا ثم ذرات عائدة مرة أخرى إلى التراب . 2- ( الجسم الأثيري ) : وهو أخف من الجسم الأرضي ويطابقه في هيئته خلية بخلية ، ويمكن طرح هذا الجسم خارجاً ومؤقتاً عند النوم أو بالارادة ويكون متصلاً بالجسم الأرضي بواسطة ما يسمى - الحبل الفضي - ( يشبه إلى حد كبير الحبل السري للانسان عند ولادته ) ويمكن لذوي موهبة الجلاء البصري رؤية هذا الجسم ، وعند الموت ينفصل هذا الجسم عن الجسم الأرضي بانقاطع الحبل الفضي المتصل بينهما ، وهذا الجسم يعيش بعد الموت في المرحلة الأولى للسماوات وهو عالم البرزخ حتى يوم القيامة . 3- ( القوة الحيوية ) : وهي عبارة عن الطاقة التي تبعث الحياة في مادة الانسان وهي متواجدة في كل الأحياء ، وعند الموت تنطلق إلى مكان آخر وهي غير قابلة للزوال أو الفناء . 4- ( العقل الغريزي ) : ويعبر عنه باسم الضمير المستتر ، وقوة العقل الغريزي قد تسيطر على الانسان .. وأحياناً أخرى قد يتحرر الانسان منها ويسير تحت سيطرة قوة العقل السليم أو الالهام ، وللعقل الغريزي عدة مظاهر منها غريزة القتال أو الدفاع عن النفس أو الطعام أو الجنس و غيرها ، ويخضع كل كائن لهذه الغرائز بدرجة متفاوتة . 5- ( الالهام - الفطرة ) : وهو الضمير الشعوري وهو أرقى من العقل الغريزي ، ولا يوجد هناك حد فاصل بين العقلين وكثيراً ما يمتد تأثير أحدهما على الآخر .. وعلى هذا فيكون لكل فرد لون أو تصرفات خاصة .. فهناك من يتصرف كالحيوانات وبعضهم وسطاً والبعض الآخر يميل إلى العقل الراقي من ناحية تغلبهم على غرائزهم الطبيعية . 6- ( العقل الروحي ) : أحياناً مع وصول الانسان إلى هذا المستوى إلا أنه يستعمله للوصول إلى الأهداف الغريزية الأولى ، والعقل الروحي هو مصدر الالهام لدى الشعراء والكتاب والموسيقيين والصالحين وغيرهم . 7- ( الروح ) : وهي المرتبة السابعة في تكوين الانسان وهي القوة المجهولة التي نعرفها بمظاهرها الستة السابقة ( مثل ما نعرف الشمس بمظاهرها الخارجية بدون معرفة حقيقة تكوينها الداخلي ) ، والروح هي أرقى شيء في عالم الكون ، وهي المرتبة التي تصل الانسان إلى ملكوت السماء .. وعندما تقوى الروح عند أي انسان يصبح الانسان جزءاً من الكون ويدرك القوانين الكونية الروحية التي لا تدركها حواسه الأرضية . الفكر والوعي بحقائق الكون هو مقياس الرقي الانساني .. فكلما ارتفع وسما هذا الفكر ارتفعت الذبذبة الذاتية لدى هذا الشخص واحتل مرتبة أعلى في السلم الكوني مما يجعله ينتقل إلى أعلى الطبقات الأثيرية في عالم البرزخ .. والروح التي تعيش في المستوى الأثيري القريب من الأرض تكون شبه أرضية أو مادية ، أما تلك الروح عالية التهذيب فإنها ترتفع إلى المستويات الأثيرية العليا . وكثيراً ما يعيش الانسان حياته في هذه الدنيا بجسمه فقط في المستوى الأول في سلم المستويات السبعة .. وبذلك تكون درجته كالحيوان انحطاطاً .. ، وأحياناً يعيش في مستويين أو أكثر حسب درجة ارتفاع روحانيته ( ذبذبته ) ، والصالحون يعيشون في المستويات الخمسة أو الستة العليا بينما يعيش الأنبياء في كل المستويات السبعة |
همممم...... من الفلسفة الثيوصوفية... ؟؟؟
|
رغم ان الموضوع فيه امكانية كبيرة للمناقشة والنقض من قبل المادين
بس كمحاول فرض فلسفة نظرية للعالم اللامنظور من حياة الانسان فبعتقد ان فيه شي كتير حلو ونقاط كتير ايجابية بس حابب اعرف مين كاتب المقال وجزيل الشكر الك ولمشاركتك اممي :D |
موضوع حلو كتير
والخوض فيه يطول اشكرك على الموضوع الجميل |
تعقيب اول : شكراً
لي عودة للتعقيب بدقة اكثر هذا التعقيب حتى لا افقد الموضوع واضطر للبحث عنه لاحقاً :lol: |
مشكوووووووووورة كتير اخت ريتا على الموضوع الحلو :D
|
اقتباس:
لا منا من الفلسفة الثيوصوفية هاي من احد نظريات علم الروحانيات شكراً ع مرورك,,, :D |
اقتباس:
و الموضوع مع مثبتات موجود المقال مش كامل فيه كتير نقاط تانية بس انا قلت بنزلون بعدين انا كاتبة المقال و استعنت ببعض المراجع و بعض المقالات التانية الخاصة بعلم الروحانيات انا كتير بحب اتعمق بهاي الاشيا و درست علم الروحانيات عن طريق الكتب و العلم هيدا رائع , ببقى بنزل مقالات تانية و كتب ع علم الروحانيات بس افضى الشكر الك ع مرورك و ردك :D |
اقتباس:
شكرا ع المرور و التعقيب :D |
اقتباس:
شكراً ع مرورك و ردك :D |
اقتباس:
:D |
اقتباس:
|
:oops:
و انا بشكرك ع ردكــ:D |
ريتا تقسيم أجسام الانسان لهالاقسام هو تقسيم يحوي شيء من الصحة وأنا اوافق حول وجود السبع اجسام :D |
ما بقدر احكي ع هالتقسيم انو بس بيحوي شيء من الصحة
بالعكس التقسيم هيدا كلو صحيح و منطقي جدا و انا متل ما وعدت راح ابقى نزل مقالات تانية و في ببعض المقالات ايات و دلائل فسروها العلماء بتثبت اكتر على صحة هالتقسيم 100% و انا كمان اوافق وجود الاجسام السبع المرة الجاي بس لاقي الصور راح ابقى نزلون في عندي صور بتبين انقسام الجسم الارضي و الاجسام السبعة مشكور كتير ع مرورك و ردك :D |
بسم الله الرحمن الرحيم
هل أتى على الإنسان حين من الدهر لم يكن شيئا مذكورا 1 إنا خلقنا الإنسان من نطفة أمشاج نبتليه فجعلناه سميعا بصيرا 2 إنا هديناه السبيل إما شاكرا وإما كفورا 3 سورة الأنسان |
ستي الله يقويكي وتعيشي و تجيبي مقالات حلوة ودراسات أحلى بتمنى الدراسات تكون اما ذات طابع علمي بحت او ازا دخل فيها الدين ما يقتصر على وجهة نظر دين واحد او طائفة واحدة :D |
اقتباس:
شكراً ع مرورك و اضافتك للايات :D |
:D
اقتباس:
راح تكون الدراسات ذات علمي بحت و هيك راح يصير الدراسات الي موجودة عندي مبنية على نظريات عديدة و ما راح تكون مقتصرة ع دين واحد هاي الاشياء معروفة بجميع الاديان و معترف فيها و اغلبها ما راح يكون فيها الا دلائل علمية اعذرني ع اللخبطة بالرد :cry: قلة النوم مأثرة مشكور ع الرد مرة تانية :D |
اموضوع حلو ويستاهل النقاش لانو خلط عدة مفاهيم وبيعمل فضول عند الناس لمعرفة تكوين هالبني ادم اللي هو نحنا على كل حال بالقران ربنا بيقول ( قل الروح من امر ربي ) فما بفكر بهالا مر كتير بس بقية ماتبقى فيها وجهة نظر مختلطة بمفاهيم صوفية ربما ابتعدت عن المفهوم الحقيقي فالصوفية تعتمد على الغموض في التعبير عن ماتريد وكيف تريد وماذا تريد . حدا فهم شي
|
كل الافكار تحتمل الصدق و الكذب
و الاراء و الافكار التى تتعلق بمسئلة الانسان و اقسامه و اجسامه عديدة و لكنى احتاج الى ادله اكثر من هذا كى اقتنع بفكرة ما و لكن شكرا عل الموضوع و على الفكرة فى انتظار المزيد |
ولي وجعني راسي
|
موضوع حلو كتير بتمنى المتابعة انا قريت عن هيك شي بكتاب اسمو مفتاح الثيوصوفيا
|
اقتباس:
ومتأسف سلفا اذا هاي الاشياء بتجرح حدا, حبيت اوصل المعلومه مش اكثر:jakoush: |
اول شي بشكر كل الي مروا و ردوا ع الموضوع ,,
تاني شي اخ فلسطيني خيي , هاي منها توجهات سائدة ولا هي مفاهيم بعيدة عن الدين و عن المنطق هيدا علم قائم بحد ذاته علم الروحانيات و الي بيتفرع منو علم الطاقة الي هوي طلع منو هالحكي الحكاية و ما فيها انو هاي الاجسام عبارة عن مستويات طاقة ما بعرف اذا بدي اشرح الامر راح ضلني سنة اشرح فيه راح وضحلك مثال ما بعرف اذا راح تفهم عليي هلأ الانسان لما بيكون بيصلي , بيكون بقمة الراحة و الاسترخاء هيدا الشي ناتج عن انتقالنا او ارتباطنا مع الجسم ةالاثيري مثل تاني لما الواحد يفيق على صلاة الفجر او بشكل عام يفيق الفجر و لما يصلي الفجر بتلاقيه طول النهار نشيط و عندو طاقة هيدا الحكي الو علاقة بالي نقلتو الكون كل شي بيصير معنا الو سبب و كل شي العلماء فسروه من القرآن اشيا كتيرة لو تعمقنا فيها بتوضحلنا تركيب الانسان اكتر و الحاجات البشرية الي انت قلت انها بتحركنا ناتجة من شي من العقل الغريزي الي هو بيتحكم بكل حاجاتنا البشرية و بكل عواطفنا وب كل هاي الاشيا هلأ المووضوع معقد شوي و انا غشيمة شوي بحكاية الشرح راح ابقى نزل مواضيع تانية يمكن تقدر توضح هاي النظريات اكتر ع العموم شكرا ع ردك |
رد على الموضوع
أنا بشكر صاحب الموضوع على هذا الموضوع الرائع أنا بصراحة بحب الكلام هاد ومقتنع فيه تمام وبحاول أقنع الناس بس ما بيقتنعوا يمكن لأنهم لسا عايشين في الجسم الأول والتاني بس و ما وصلوا لفكرة الأجسام الأربعة أو الخمسة أو الستة وبحيي صاحبة المشاركة هاد وأتمنى لها دوام التميز والإبداع منشد2006 |
اقتباس:
انا شخصيا ما بعتقد انو سبب اشراق وجوه بعض العلماء و العارفين بالنور الضياء هو انعكاس نور الروح ...انا بميل لنظرية جيليت ...يعني اغلب الظن انو الشباب بيستخدمو ا Gillette M3POWER NITRO و بعدين شوية DENIM BLACK و شوفي الاشراق ...يعني ما شي فوق الاثيري بكتير ..شو جاب للجاب !!!!! :shock: شوفيلي هالاشراق ..بالله ما احسن من الاثيري !!!  |
اقتباس:
الشكر الك , مش الي انا دايما بحكي انو الشي الي الناس ما بتفهموا ما راح يقتنعوا فيه و بعدين الناس بتحب تشوف كل شي و تلاقي دلائل ملموسة ع كل شي ما حدا ممكن يفهم هاي الدراسات و يآمن فيها ع المظبوط الا اذا كان دارسا بس هيانا عرضنا افكارنا ع الناس يمكن يقتنعوا,, و متل ما قلت , اغلب الناس ما بيصدقوا هالكلام لانون ما عندون تطور روحي , ع العموم شكراً ع مرورك و ردك :D |
اقتباس:
هلأ شوف , انا قلت انو اشراقة الوجه بتجي نتيجة التطور الروحي عند الانسان, انا مثلا ما بستعمل جيليت :lol: بس وشي في اشراقة الحمد الله يعني و انا بعتقد انو هيدا سبب للتطور الروحي عندي , و كمانا ما ضروري كل واحد وشو منور خلص معناها انعكاس لتطور الروح عندو يمكن هيك الله خالقو او يمكن تاثير جيليت ما بعيدة اني واي ما الي اخلاق ناقش هلأ اكتر و شكلك انت كمانا مقتنع اقتناع تام بنظرية جيليت يلا مش مشكل شكرا ع مرورك :D |
اقتباس:
يعني لما الواحد بيشوف حالو بالحلم انما هو عم بيشوف جسمو الأثيري مو جسمو الحقيقي .... مشكوووورة عالموضوع الرائع .. وبالفعل انا قريت كتييير راسات على هدول الاشياء واقتنعت فيها .... ميرسي مرة تانية :D |
اها صح , الانو الجسم الاثيري هو المسؤول عن التخيلات و الاحلام
يعني لما بتشوف حالك او غيرك بالحلم هيدا عبارة عن الجسم الاثيري صح الحكي الي حكيتوه و الحبل الفضي عبارة عن حبل وهمي اني واي شكرا كتير ع مرورك و ردك و يعطيك العافية :D |
صدقيني هالحكي كلو ضحك عاللحا .. :lol:
|
الموضوع بدو قعدة ورواق وخصوصا انو بيحمل جانب من اسرار الرقم سبعة في تقسيم الجسم .مشكورة ريتا .:D
|
بنصحكون بكتاب مفتاح الثيوصوفيا ل : هيلينا بتروفنا بلافاتسكي....
رح حاول نزلو بالمنتدى لأنو كتير ألو علاقة بالحكي تبع ريتا |
بلاك, كل واحد و اله رأيه و اذا رأيك هيك ما راح اقدر اقنعك بالعكس
شكرا ع كل حال على مرورك GAZITA , تسلمي على مرورك و يعطيكي العافية يا رب واحد سوري , ما قريتو هيدا الكتاب بس لما تبقى تنزله راح اقرا شكرا كتير لألك |
| الساعة بإيدك هلق يا سيدي 20:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون