|
وانتصر الفساد في بلدي
بعد نهاية الجزء الاول من مسلسل بلدي وانا. والذي بدأت قصته بالنهب والقتل والسرقة من قبل النظام الحاكم, في بلدي بموت الرأس الكبير. بدأ الجزء الثاني بعنوان, وانتصر الفساد في بلدي, والذي قام بأخراجه ابن الرأس الكبير, ومثل بطولته بطريقة غير قابلة للمنافسة, رئيس مجلس الوزراء, الحرامي محمد ناجي عطري.
تبدأ احداث هذا الجزء من المسلسل, بعبارات طنانة ورنانة. كـ .... "محاربة الفساد", "مسيرة التطور والتقدم", "لمصلحة الوطن", "الصمود والتحدي", "التفاف الشعب حول النظام" وغيرها من العبارات والجمل اللتي تشعرك بالفخر. ومــــــــــــا ادراك ما الفخر. حلقات هذا المسلسل كثيرة لا تعد ولا تحصة, وبمجملها تقوم فيها الحكومة بمحاربة الفساد وتطبيق القوانين (هههه). بواسطة النهب والسرقة, وايقاف اي محاولة لتطوير بلدنا. فمحاربة الفساد تكون عندما يتم ايقاف عمل مفتشة تجد عمليات تهريب منظمة بتغاضي ومساندة من امانة عدرا, في حال توقفت تضيف الى خزينة الدولة ملايين لا بل مئات الملايين, مع العلم ان عملها تم ايقافه بقرار من رئيس مجلس الوزراء البطل. ومصلحة الوطن, تكون عندما يتم ايقاف عرض من شركة تقدم مبلغ يفوق ال 150 مليون ليرة سورية مع تأمين كافة المسلتزمات, لدعم منتخب سوريا لكرة القدم وجميع الفئات العمرية. بسبب بسيط وهو ان الراعي لم "يبخشش" الاتحاد الرياضي العام!! اما التطور, فيكون عندما تنقطع الكهرباء والماء, وبعدها يقوم رئيس مجلس الوزراء, بال "لعي" وتبرير الموقف بانه بسبب الضغوط الخارجية. هاهاها, (اضحكو اضحكو عمرو ما حدا يرت) اما التقدم, يكون بزيادة عدد حوادث السير, بشكل مخيف بسبب سوء التخطيط, وعدم التوعية. وزيادة حالات الوفاة بسبب اخطاء طبية, مع غياب تام للمحاسب. (وهنا اتذكر جملة مضحكة للغاية, لا بل مبكية. "العملية نجحت, بس موت المريض كان قضاء وقدر"). ههه هئ هئ و التفاف الشعب, هذا له قصص مختلفة, فالتفاف الشعب, وما ادراك ما هذا الالتفاف, يكون ب"شحط" المثقفين وسجن من يفتح فمه. ووضعه بالمعتقل وتعذيبه. وببعض الحالات, قتله بعد التعذيب الشديد. والدفع للمؤيدين وتهديد وترهيب وتخوين الغير مؤيدين, وغض نظر من قبل قوات الامن عن مشاكل مفتعليها موالاة قامو بضرب بعض من الناس الغير مسيحين جوخ ولحيسين احذية, لقيامهم بمظاهرة سلمية. وهنا اقف قليلا لاتذكر, كريمبو وطارق وابو النسيم وعاشق من فلسطين وتو ليف ايز تو داي, وكل اعضاء اخوية المعتقلين, اللذين علمنا واللذين لم نعلم عن اعتقالهم. لاقول لهم, لن ننساكم. احداث هذا الجزء من المسلسل كثيرة جدا جدا, وبعضها مخفي, والبعض الاخر وبكل وقاحة, يحدث على العلن. وعلى عينك يا تاجر. هل تعتقدون انهم سيشبعون؟؟ ام ان المنية ستوافيهم قبل ذلك (بعد عمر قصير انشالله) (وبعد عمر طويل, كما عم يتأملون)؟؟ تابعو المسلسل بتمعن لتعرفو النتيجة, وتأمل يا رعاك الله. قلم حر. Willi 19 كانون التاني 2008 |
تم الاتفاق على على الجزء الثالث و الرابع و الخامس قبل ان ينتهي الجزء الثاني بعنوان "الفساد دائما و ابدا" و "رجوع العراب" و "انت او لا احد"
|
سيد ويلي أنا بدي أطالب بحلقة تتحدّث عن قصة واقعية حدثت بذات البلد.... دولة امبريالية كبرى تعلن عن تجميد حسابات ضباط موزمبيقيين في بنوك هذه الدولة الامبرياليه.... و حكومة الموزمبيق تشجّب و تستنكر جدا ..... طيب اللغز اللي لازم بطل المسلسل يحلّو هو التالي: كم راتب ضابط برتبة عقيد و عميد حتى يتمكنو من توفير قدر من المال و ايداعه في هذه الدولة الامبريالية رغم أنهم ضباط جيش الوحدة و الحرية والاشتراكية. أتمنى أن نعرف لكي يتعلم موظفو الموزمبيق كيفية ترشيد استهلاكهم كي يتوقفو عن الادعاء باطلا بأن الراتب غير كاف.
سؤال غبي آخر أتمنى ان يجيب عليه بطل المسلسل: ما هي الطريقة ( الشرعية طبعا.... أعوذ بالله من ثورة الشك) التي يستخدمها هؤلاء الضباط لأخراج هذه الأموال كون الموزمبيق حريصة على عدم خروج أموالها و لذلك يحتاج ذوو الطالب المغترب الى معاملة طويلة تجدد سنويا لتحويل ما أقصاه 413 يورو شهريا على مدى 9 شهور سنويا كون خبراء التعليم العالي اكتشفو ان الطالب خلال الصيف لا يحتاج للاكل و الشرب و لا دفع الاجار لذلك لا داعي لارهاق الاهل بالحوالة خلال شهور الصيف |
اقتباس:
بس العناوين اللي نقيتها اقرب للواقعية. مع الاسف مشكور على مرورك yass حساباتون بالبنوك ابدا مانها من السرقة ونهائيا مانها تهريب, وبنوب مو نهب. لالا كلو قانوني, ببلد القانون. تحياتي لمرورك. المسلسل مكسيكي, يعني في لسى حلقات كتير. والقادم اعظم. |
جاد مسلسلك مو مارق على الرقابة ؟؟؟؟؟؟؟؟؟؟؟؟؟؟؟
|
هاد مو مسلسلي.
انا مجرد متابع او بالاحرى مشاهد غصب عني لهلمسلسل. هاد مسلسل الحكومة الموقرة |
بعتقد حلقته الاخيرة قربت
لانو في تغيير حكومي غير شكل |
اقتباس:
|
أشعل أهالي قرية الضبية عدداً من الإطارات قاطعين الطرقات المؤدية لقريتهم , احتجاجاً على قطع الماء والكهرباء وعنهم . ويقول الأهالي أن " الماء مقطوعة عنهم منذ خمسة أيام فيما تم قطع الكهرباء صباح اليوم , لإجبارهم على تسليم منازلهم المستملكة للمؤسسة العامة للإسكان " . وقام الأهالي عصر اليوم بإشعال الإطارات على أمل قدوم المسؤولين إلى قريتهم للوقوف على ما يعانوه بسبب قطع الماء والكهرباء عنهم . ويرفض الأهالي بحسب ما نقلوه لسيريانيوز " مغادرة منازلهم التي توارثوها أباً عن جد " فيما تصر المؤسسة العامة للإسكان على تنفيذ الاستملاك وذلك عبر الضغط على الأهالي بقطع الماء والكهرباء عنهم . وكان قد تم استملاك أراضي القرية لصالح المؤسسة العامة للإسكان بموجب المرسوم رقم / 178 / تاريخ 28 / 2 / 1976 .وقد فشلت محاولات الاتصال بمدراء ( الماء والكهرباء والإسكان " للوقوف على حقيقة موقفهم من هذه الإجراءات , إلاّ أن مصدر في عمليات كهرباء حمص قال لسيريانيوز أن " ثمة أوامر خطية بعدم وصل المحول الذي يغذي قرية الضبية بالكهرباء إلاّ بأوامر شخصية من المدير العام للمؤسسة " . وقد رفع الأهالي المحتجين صور الرئيس بشار الأسد والقائد الخالد حافظ الأسد هاتفين بحياة الحزب والرئيس , كما هتفوا ضد بعض مسؤولي المحافظة . ويقول الأهالي أنهم " لم يسبق أن تلقوا أية إنذارات بالهدم أو الإخلاء , كما أنهم لم يستلموا أي تعويض مادي عن قيمة الأراضي المستملكة " فيما تقول المؤسسة العامة للإسكان – بحسب وثيقة حصلت عليها سيريانيوز حول الموضوع – أنه " سبق أن قامت المؤسسة بإنذار الأهالي سابقاً وخطياً والبيد لأصحاب المنازل , أمّا بالنسبة لبدل التعويض فكان قد تم إيداعه لدى مصرف سوريا المركزي ولم يراجعها أحد لقبضه , ومع مضي المدة القانونية تم سحبه وإعادته لصالح المؤسسة " . ويبلغ عدد سكان القرية قرابة الثلاثة آلاف نسمة , وقد تظاهر أكثر نصف هذا العدد , وكان اللافت أن أغلب المتظاهرين هم من النساء والأطفال . ولوّح عدد من المواطنين من أهالي القرية ببطاقاتهم الشخصية " احتجاجاً على المعاملة السيئة التي يعاملون بها " على حد تعبيرهم . ومع وصول سيارة إطفاء من مركز إطفاء دوار الرئيس لإطفاء الحرائق الناتجة عن إشعال الإطارات , هاجمها الأهالي المتظاهرين وقاموا بتكسير زجاج السيارة ومهاجمة عناصر الإطفاء بالحجارة مما جعلهم يلوذون بالفرار تاركين السيارة بين يدي النساء والأطفال , الذين سارعوا للشرب من فوهة خرطوم المياه وتعبئة ما تيسر لهم من أواني للشرب . وبعد مرور أكثر من ساعة على بدء الاحتجاج وصلت دوريات من شرطة قسم باب السباع , ومع محاولة الحديث مع الأهالي من قبل الرائد هيثم عبد الرحمن قوبل بالرجم بالحجارة , مما استدعى استقدام تعزيزات من الجهات الأمنية في المحافظة , ووحدها حكمة العميد علي بودي قائد شرطة حمص الذي حضر للمكان وتعرضت سيارته للحجارة , منعت وقوع صدام بين الأهالي وبين عناصر الشرطة والجهات الأمنية , حين أعطى أوامره للعناصر بالانسحاب من المكان , بعد أن انكفأ الأهالي إلى داخل القرية , متوارين عن الأنظار ومستترين في منازلهم المحرومة من الماء والكهرباء على فكرة هاي الضبية بحمص مو بالضفة الغربية وتقع قرية الضبية المعروفة سابقاً باسم ( خربة مرعي ) على العقارين / 861 – 862 / منطقة عقارية بابا عمرو , وتمتد على مساحة / 25 / دونم إلى الغرب من دوار تدمر – على طريق حمص – دمشق . |
اقتباس:
هاد كان من قبل خلينا نشوف هلا شو ؟ نحنا ب2008 بعدين لا تعمم على الحكومة كلها ما فينا نقول انو قشة لفة الحكومة تجويع ونهب |
اقتباس:
قللي وزارة وحدة ما فيها فساد.... هات لنشوف عدا انو الوزرا اجرين كراسي..... يعني وزارة الاتصالات ما عندها خبر انو في مواقع محجوبة (و في دعوة قضائية من قبل ادارة موقع النزاهة بها الخصوص) |
وزارة الخارجية
|
اقتباس:
جربت شي مرة تصدّق ورقة مشان تطلع لبرا؟ الشهادة لله بالعادة مافي مشاكل بس خليه يحس انك مستعجل عليها.... بيذلّك السفارات السورية بالعالم أجمع مخجلة... يعني سفارة مدريد و الله العظيم شي خان شوالات مو هيك, و الناس تشتكي و عالفاضي..... الله يساعد اللي يعلق بايدهون فعلا بدك تعد كل الوزارات:lol: |
وانا شاهد بس من جوا انو هالوزارة انظف واشرف وزارة بسوريا
وما جربت صدق منهون ولا ورقة ولا رحت لسفارة منون هات لشوف قللي على وزارة الثقافة مثلا : بفهم انو باقي الوزارت فايتة بستمية حيط واولون وزارة الكهربا |
اقتباس:
في متل كانت تقلي يا ستـي مالي متذكرو حرفيا ً بس أنو رح قلك معناها , تخيّل واحد غاطس بـ كهريز و انت عم بتقلو هاي ياسمينة صغيرة تفضل شم اي يا عمي ما رح يحس بريحة الوردة و رح يسبك , خلصو من الكهريز بعدين شمموه ورد هيك صاير عنا بسوريا الفساد بتقدر بتشبهو بالكهريز , و الإصلاحات أو التطوير بتقدر تشبها بهالياسمينة .. يعني مالا قيمة و لا رح ينحس فيها و رح يسب التطوير و المـُطور و دين رب البلد هاي هيه الفكرة , شرحتا ببساطة مشان بركدن بتوصل |
اقتباس:
من يومين عم أعيد قراءة كتاب شرق عدن غرب الله لمحمد الماغوط (من أعظم الكتّاب السوريين و العرب).... الكتاب من دار المدى و مكتوب سعرو 500 ليرة سوري.... قديه متوسط دخل الفرد بسوريا شهريا؟؟ 250 دولار؟ 10 دولار حق كتاب لكاتب سوري؟ و هكذا دواليك..... يعني مطابع وزارة الثقافة بشو شاطرة خيو؟ يعني لنقرا لمحمد الماغوط لازم ندفع 10 دولار لدار نشر عراقية؟ شو عم تعمل وزارة الثقافة لدعم سعر الكتاب؟ بشو عم تساعد الكتّاب السوريين لحتى ينشرو أعمالهون؟ |
اقتباس:
يسلمو عابد وصلت الفكرة . بس بدي ضيف شغلة بالنسبة للخارجية السفارة السورية بقطر شي بخجل الموظفين بس بشهادة بعض الناس المقربين السفير السوري سكرة ... بس ما صدف وشفتو بنجي لعند جاد ... حبكة المسلسل كبيرة كتير وفيها اكتر من قصة يعني المؤلف عامل نص ابداعي مو طبيعي يعني فيك تقول انك عم تشوف كل عمل لحالو يعني كل قصة هي متل مسرحية كاسك يا وطن بس بطريقة مختلف وجامعينن كلن مع بعض للوهلة الاولى بتحس انو كل شي لحال بس بعدين بتكتشف انو نفس السيناريو بس في اختلاف بالمشهد يعني هون بيجي ابداع المخرج بيعطيك لقطة رهيبة نفس المشهد نفس الحوار بس بتلاقيه مختلف عن اللي قبلو وبالنهاية بطل المسلسل بينتصر على اعداء الأمة .... والحلود لـ....:sick: فاضية |
اقتنعت خلصنا بقا
شكرا عابد شرحك وافي بس ما انتصر الفساد لسا؟ |
اقتباس:
|
لا سيدي ما انتصر ولسا في فسحة امل وكاسك يا وطن مع اني ما بشرب
|
اقتباس:
الكهربا والرياضة .. يعني في بلاد بالعالم اخر مرة انقطعت الكهربا عندن من 30 سنة ونحن لحدا اليوم الكهربا شغلة عادية ازا انطفت صلي بقطر 9 سنين الكهربا مانطفت غير مرتين (ومرة منن عطل بالبناي) وهالسنة التعن سما سمانا بطفية الكهربا اليومية بعز دين الشوب .. منخبنا صار ورا المنتخبات منتخب لبنان والسودان صارو قدامنا ع الترتيب تبع الفيفا وصفينا مع منتخب الصومال .. وكل مالنا لورا ولورا باختصار بدال مانتقدم عمنشد لورا .. هلأ مارح قول بكلشي .. في شغلات تقدمت وتحضرت وتقدمت لقدام شوي ولمسناها بايدينا واكيد شقد ماكان الوضع احسن من قبل ببعض الشغلات مو بكلا طبعا .. بس اكيد الشغلات اللي عبترجع لورا اكتر من الشغلات اللي عبتتقدم لقدام بكتير بس لام نفرح ع حالنا انو في شي عبيتقدم ;) اقتباس:
وبصراحة اكتر السفارة مابتقدم شي زيادة للمغترب السوري اللي برات بلدو (غير وظائفا الروتينية من معاملات جواز وهالشغلات ) حتى انو في شغلات مهمة مو من صلاحياتن يعملوا ولازم تنزل ع سوريا لتعملا .. يعني باغلب السفارات بكون المغترب الو نوع من الحصانة من سفارت بلدو او يعني شوية تسهيلات ودعمات من سفارة بلدو .. بس السفارة السورية اللهم صلي ع النبي ماخرج واحد يستفيد منا لاحق ولا باطل .. متل قلتا بصراحة والمغترب السوري بدو ينسى انو عندو سفارة وماكتير يشد ضهرو فيا بصراحة مشان ماينصدم بالاخير فيا :lol: ومع زلك منقول انو في شي عبتقدم مشان مانطالع الصورة سوداوية بالمرة .. |
اقتباس:
|
اقتباس:
والله يا اب شريك تقريبا الحال من بعضو مو بس عندكن ..:pos: يعني بصراحة الله يجعل السفارة السورية سفارة يعني لازم يكتبو عليها سفارة مشان مانخربط فيا :lol: يعني بصراحة عبيعملو هالسفارة وبتكلفو .. مالا طعمة يصرفوا ع شي تاني احسن :lol: انا صلي 9 سنين ما استفدتا منا حتى جوازي ماججدتو عندن |
اقتباس:
لا وستين لا وأنا شاهد كمان عشر دقايق او ربع ساعة كان كل شي خالص بالخارجية وعفكرة السفارة السورية و رابطة المغتربين السوريين بوارسو بيعتبروها من أرقى السفارات الموجودة ببولونيا وبيعتبرو الجالية السورية من أرقى الجاليات الموجودة ببولونيا بعمرو سوري ما عمل مشكلة ببولونيا السنة الماضية كنت بالحفلة اللي عملتها رابطة المغتربين و السفارة بمناسبة عيد الجلاء والله شي بيرفع الراس بدك تقلي سرقات و مابعرف شو اي لا لانو مو بس السفارة والرابطة كمان دفعت والمغتربين وكانت من أروع السهرات وكان شخصيات اقتصادية هامة و نواب بولون وسفراء أجانب موجودين والكل شهد بسورية و بالسفارة اي لا وستين لا |
اقتباس:
اي نشكر الله في سفارة منيحة من بين كل السفارات السورية بالعالم. عالعموم. حتى السفارة السورية باميركا مو لهلدرجة سيئة. |
اخي امريكا وبولندا .. والمانيا ..
غير قطر والبحرين والسعودية .. يعني لما بدو يطالعلك ببرنامج هادا تبع المغتربين انا ماعاد اتزكر شو اسمو .. بروح بورجيك الجالية السورية وسفاراتا بامريكا بالسويد باليونان بالنمسا بانجلترا بفرنسا بالمانيا .. هادول هي .. بس الاخ مابجي بورجيكي الجالية السورية بقطر ولا بالسعودية ولا بالبحرين .. لانو شي بسود الوش وماخرج بتورجا (قصدي ع السفارات طبعا ) وكل بلد عن بلد بتفرق :lol: فتأمل يارعاك الله |
اقتباس:
أنا انطلب منب ألفين ليرة على أربع وراق على كلمة بلكي بيلحقو اليوم.... و عم قول انو ما حكى شي لحتى سمع هالكلمة و قاللي 500 عالوحدة و اليوم تنام بالدير (شنو كل لهجة فيها كلمة "شنو" عند الشوام ديرية:lol:).... و ما رديت عليه و نمت بالشام لتاني يوم اش هالمشكلة يعني.... و بعدين أنا عم قول اقتباس:
و على فكرة.... ما حكيت عن سفارة وارسو لذلك لا تعطيني دروس عن كيف صايرة سفارة مدريد;) يعني اللاءات هدول بلاهون.... ما جبت حكي من عندي و لا حكيت عن شي ما عانيتو..... |
الله محيي اصلك جاد وهتلك بوسه مافي شي احكيه الوضع الكل بيعرفو ( سمايلي مقهور )
وهي متابعه |
طيب امنا انو في فساد شو الحل ؟ ومن المسؤوول الاول النظام ؟ الحكومة ؟ الموظفين ؟ نحنا ؟
وشو اللي فينا نعمله مثلا ؟ نعتصم بساحة السبع بحرات لاسقاط الحكومة ولا ننزل للشارع ولا شو مثلا؟ احسن مو قاعدين نشكي ونبكي |
الفساد المستشري بكل دوائر الدوله اصبح أمر طبيعي لا وبل أمر طبيعي جداً
قسما بالله انو كل مادخول دائره حكوميه " يرفع عليها العلم السوري " مشان معامله او أي شي عادي وبسيط قلبي بينقمط ونفسيتي بتجعلك:sick: اقتباس:
أنا شخصياً لي مطلبين فقط في الاصلاح الا وهم " القضاء " والسلطه الرابعه " واتمنا اصلاح القضاء ورفع رواتب القضاة الى 400% نعم القضاء عندما يكون نزيهاً ويمتلك قدراً عالياً من الشفافيه والانصاف, سنرى أن حدة الفساد ستتراجع على كل الاصعده أن كان في الاجهزه الأمنيه أو الدوائر الحكوميه الخ.. هل من الممكن أن استطيع يوماً أن اقاضي مسؤلاً لانه اغتصب حقاً لي ؟ أم انه حلم لماذا كريم لايحاكم علنياً ؟ ( عندما يكون هناك قضاء وعداله من الممكن أن نلمس فعل جدي لمكافحة الفساد ) اعلم ان العداله نسبيه واحلم بها وأما السلطه الرابعه " الصحافه والأعلام " عندما نمتلك مؤسسات اعلاميه خاصه تمتلك الجرئه بفضح المفسدين وملاحقتهم وكشف المستور أيضاً من الممكن أن نلتمس اصلاحاً |
لا تعليق موضوع وعنوان لا يمكن ان يضاف عليهم اي تعليق او رد لانه مهما كان الرد لن يوصف حالت الفساد في بلادنا :cry:
|
اقتباس:
اما اللي فينا نعملو, كبداي مثلا. نوقف تطبيل للنظام عالطالعة والنازلة. هاي كبداي. عالعموم رد مسطول على طول طارح فكرة ممتازة. بس يا استاذ مسطول حتى لو القاضي راتبو 100 الف بالشهر اذا اجاه واحد من المعلمية (الكتار بالبلد ما شاءالله) وقلو عمول هيك. فغصب عن راسو بدو يعملها. اذا بدنا قضاء نضيف, لازم الحكومة تكون نضيفة. بالنسبة للاعلام. فانا معك 100% |
طيب وبطلنا تطبيل وتزمير وبعدين شو بنعمل ؟
|
اقتباس:
غير انو نشتغل ايد بأيد لنصلح البلد انا وانت وغيرنااااااا :D |
اقتباس:
الشغلة بطاطا لانو :lol: بعدين البلد مو كتير خربانة لهالدرجة حتى نقول بدا تصليح اخي بلدنا بدا شوية صيانة صيانة مو تصليح :D |
اقتباس:
لا عنجد عبحكي هلا اوكي وبطلنا تطبيل للنظام شو بعدين ؟ |
اقتباس:
بقولو, اذا اراد الشعب يوما الحياة, لابد ان يستجيب القدر. اذا الشعب بطل تطبيل عالنظام للطالعة والنازلة, النظام بيحسب الف حساب قبل ما يعمل شغلة غلط. بدال ما يعملها هو ومرتاح. لما الشعب بطل تطبيل للنظام, بيطلع من بيناتو ناس بتعرف شو الغلط اللي عملو النظام وبتعرف انو هاد ما لازم يصير. واذا هية بيوم استلمت, ما بتعملو. بس طول مو شايفين انو النظام عين الله عليه, فاذا وين المشكلة بالبلد!!!!!؟؟ نحن هون بمنبر اخوية عم نحكي ونلعي, ونكتب مشان الناس تشوف الغلط وتعرف مين المسؤول عنو, مشان تعرف مين تحاسب. الحل بايد الشعب. ولما الشعب يكون واعي, هو اللي بمشي البلد متل ما بدو. |
هلئ مرحبا اخوية
وكل الي مرو لهون انتو عمتحكو عالفساد طيب وين الفساد عنا بسوريا مافي هيك شي بالمرة نحنا سوريا وبالاخص الحكومة السورية بعيدة كل البعد عن هالاتهامات لك انتو وين عايشين انتو حكومتنا انزه حكومة مرت عسوريا ...... واكيد ما رح يمر بعدها لانو الحكم ملزق تلزيقة الله مولاها وتغيير حكومي مافي لانو عميحاربو الفساد بافضل شكل بسوريا ما عنا فساد ابداااااااااااا بادارة المرور على سبيل المثال ...... وباقي الامثلة عالطريق ....... مافيها فساد ازا اجيت شي يوم قلتلكن انو مرة لما توفى جدي الله يرحمو السنة الماضية كان يشتغل على سوزوكي موديل السبعينات 1976 على ما ازكر رحنا لنبيعها لانو الوضع عنا بالبلد كتير مريح وما بخلي الواحد يبيع حالو مشان يضل عايش ولما بدنا نصفي زمتنا عند ادارة المرور بينطلي واحد خايف على مصلحة الوطن ومصلحة البيئة وبيطلعلي بمخالفة 6000 ال شو هي ضريبة اوزون ....... اي يلعن رب هيك نظام شو رح يسدو طبقة الاوزون بهال 6000 لعما عهالمسخرة وبتقلولي في فساد بالبلد لك دخيل الله وين الفساد بالموضوع نحنا ما عنا فساد ها لا تسدقو هالحكي نظامنا السوري هو النظام الوحيد اللي ما عليه عيوب ........... نكتة جديدة سجلولي ياها عندكن |
اقتباس:
المشكلة انو ازا هالنظام عين الله عليه بنصحو بنضارات عالحارك للمحروس اقتباس:
اي اهلين واعي انو وعي هاد اللي بصير عند هالشعب ازا ولادنا لهلئ اول كلمة بيوعو عليها امة عربية واحد وحزب البعث والله وبشار وبس من وين بدك يجيهن الوعي؟؟؟ |
رجعنا لنقطة البداية
ما استفدنا شي |
| الساعة بإيدك هلق يا سيدي 10:51 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون