|
أفكارك الطفولية
رح اشرح شوي هلأ لما كنا زغار كنا نفكر بالعالم الي حولينا بطريقة غريبة يعني كنا نفسر بعض الظواهر باسلوب برئ ومرات زكي بس غلط وكلمات نفسرها بطريقة عجيبة بما انو الكل منا قطع هالمرحلة انا حابب نتشارك شوي وبجرأة شويه أفكار من الطفولة وأنا رح بلش :oops: |
أنا لما كنت زغير كنت فكر انو الزلمة والمرة بجيبو ولاد بالاتفاق يعني لازم بابا يوافق بعدين ماما بتحمل هيك بالحكي :o كمان كان لما التلفزيون يصير أبيض وأسود كنت كسرو من الضرب بفكرو خرب ما كنت أعرف انو هاد عرض لشي قديم :cry: وكنت فكر لما يقول الاستاز صديق السوء انو عم يحكي عن السوء يعني مكان ما منشتري غراض :oops: كمان شغلة وحاجتكن ضحك: استغفر الله يا ربي :cry: كانت لما الدنيا تمطر فكر انو مرتو لله عم تشطف يا ربي سامحني :oops: مو قصدي بس مشان افكار طفولة :cry: |
أنا في ألي شغلة غريبة شوي ..
لمّا كنت صغير كان بفكّر انو الكلمات يللي بنستخدمون بيخلصوا وما عاد نقدر نقولون بحياتنا :lol: .. يعني إذا قلت "سعيد" 500 مرة .. ما عاد أقدر قولها كمان بحياتي :? .. فكان يصير معي خوف لمّا عيد كلمة كتير .. فـ بتنبه ع حالي .. وببطل قولها وبعوض عنها بكلمة تانية متل "مبسوط" كـ مرادف لكلمة "سعيد" يللي ذكرتا أول شي .. ما بعرف بحس هالشغلة غريبة كتير .. ومرات لمّا بفكّر أنو كيف كنت فكّر بحس حالي كنت مسطول :oops: .. _________________ *ع جنب: باشق هالموضوع ليش بالملطوشات ؟ ليش مو بـ ع الطاير ؟ |
اقتباس:
معك حق يا ريت حدا ينقلو :oops: |
اقتباس:
:da7ook::da7ook::da7ook: استغفر الله العظيم :pos: هو زمان كانت عندي قناعه (" مو بس أنا بتوقع كل الصغار ") انو أي شي بوقع على الارض (" لحسو الشيطان "):? ولهلأ الشي يلي بوقع على الارض بفكر ألف مره قبل ما ارجع آخدو :oops: |
والله أنا لاتضحكوا عليي لما كنت زغير كانوا يخوفونا بشي اسمو أم رعيدي :cry:
ولي كانت لما يصير مطر ويصير لمع و رعد ونعمل شي غلط كانوا يهددونا بالطلعة عالسطح لعند ام رعيدي عأساس إنها ساكنة عالسطح كنا نفكر شي وحدة شريرة ومنخارها طويل وشعرها شايب هههههههههه اخخ على إيام زمان:lol: ..........خخخخخخخخخخخخ |
انا كنت لما شوف الاخبار استحي ويصير وجهي احمر
افكرو بيتطلع علي:sosweet: |
لما كنت مخطوبة اجت بنت اختو لخطيبي وقالتلي انت بتقولي لتيته ماما وخالو بيقلها ماما يعني كيف انتو اخوات وبدكن تتجوزو؟؟؟؟؟؟؟وللعلم كان عمرها 3 سنين
انو انا استغربت من هيك سؤال بس فعلا سؤال زكي |
اقتباس:
|
اقتباس:
هههههههههههههههههههههه لك كيف عرفتي:o قلتلك قبل اني مجنونة؟؟؟؟؟؟؟؟؟؟؟ انا كنت عم حاول خبي بس الظاهر مانفعت:jakoush::jakoush::jakoush: لا وغير هيك كنت افكر انو كل قرن الو يوم قيامة خاص فيه يلا هلا قولي عني جد مجنونة:o |
اقتباس:
له يا سميه قال انتي مجنوني مو عيب فابريللا اعتذري هلئ |
اقتباس:
|
ولي عليكون مفكر ما حدا غيري عندو بلاوي بطفولتو طلعنو كلكون أضرب مني :p |
يحرء ديبك يا ام السوس ما اهضمك
لورد طرطوس شو زعجك انت بيني وبين رفيئتي؟؟؟؟؟؟؟؟؟ |
اقتباس:
ليش الي قلتو مو مجننة؟؟؟؟؟؟؟؟؟؟؟؟؟؟؟؟:jakoush ::jakoush::jakoush: وبعدين ليش معصب علي؟؟؟؟؟؟؟؟؟؟؟؟؟؟؟؟؟؟؟:cry: |
الزلمة قال أفكار طفولية .. مو "تشات" انتي وياها وياه :frown: ..
|
ايه شو عم نحكي على حسابك؟؟؟؟؟ شو حشرك اه؟
|
اقتباس:
لك شايف؟ انا متلا مافي العن مني بطفولتي;) فاحسن اطلع من الموضوع بلاش تخافو:p |
اقتباس:
|
اقتباس:
|
انت هس طرطوس
شو بتبحب تنحشر |
لك باشق وينك عم تقلب مخانقات بموضوعك:p
لحق وتعا اضبطهم بلا مايفلتو ويرجو جد اطفال:o ههههههههههههههه انا بره ماالي دخل;) |
ولك صيصان اطلعوا من هون كش كش ههههههههههههههه
سمسم وفابريللا |
ايه سمسوم انتي شعليلها وطلعي ههههههههههه
|
لك انا مالي دخل
انت كش كش شو هالدبان؟؟؟؟؟؟؟؟؟؟؟؟؟؟؟؟؟؟ ؟ باشق وينك تعا سكتهم؟؟؟؟؟؟؟؟؟ لك وينوووووووووووووووووووووو وووووووووووووووووووووو:shock : |
يلا اتزكرت كم شغلة كمان: كنت مفكر ستي الله يرحمها ما بتموت وعايشة من زمااااااان مع سلاحف النينجا وكنت فكرها بالليل ما بتنام وبتروح لعند الفراعنة وبتحضر سحر الله يرحمها قديش كانت قوية :cry: ................... هي أنا لما كنت زغير كمان كنت احلم بوحدة ساحرة اسما ام شليف بتموت من الرعب وكل يوم فيق شايفها وعاملها على حالي وامي تضربني وما كان يخلص هالمسلسل والله وكيلكون كل يوم تجيلي بحلقة شكل وبمكان شكل وصرت اكره النوم بعدين ماما ما عاد وفت معها المسألة واخدتني لعند دكتورة نفسية :cry: الدكتورة قالت خليني ارسم صورتها لام شليف وبالفعل رسمتها قالتلي قبل ما تنام احرقها عالبلكون للصورة ومتل ما قالت عملت الظريف بالموضوع انو: حلمت فيها هديك الليلة اني انتصرت عليها وفقت مبسوط ومو عاملها على حالي وما عاد حلمت فيها ما بعرف ازا هالقصة الها علاقة بالموضوع بس حبيت ازكرها |
اهلا وسهلا فيك باشق
تعا وقف الانقلاب الي عم يصير هون;) |
لك مشان الله طرطوس لبقى تتفصحن حكى بدري
|
يعدمني ياكون رجعتو ولاد بعد هالموضوع وتتقاتلو اسم الموضوع أفكاركن الطفولية مو عودة للطفولة يعدمني ياك منك الها :jakoush::jakoush::jakoush::jakoush: :frown: |
منيح اللي جيت تضبهن كانو بلشو بشد شعر بعض واشتغلت العضوضة
|
شو بدي أعمل ما بيصدقو يفوتو بالجو وينرخالهن الحبل شي شوي :jakoush: عودة للموضوع :pos: ميرسي للي حطو قصصهن وأفكارهن :shock: |
شووكرا ع الموضوع خي
ورح قلك انا شو كنت بفكر انا كنت بفكر انو الكرتون هني ادميين واحنا كرتون يعني لما كنت بسال الماما منين بيجو الولاد كنت بعدين اتراج لاني بقول شو هاد يا بنت هلق الاب والام بيتفقو ع شي رسمة وبيطلع ابنون هيك كبير يعني لا بيبي ولا هم يحزنون هيك كان تفكيري الله وكيلكون وشكرا برب مع تفكير جديد |
أنا لما كنت صغير كنت فكر أنو العيون زيتونات ..عنجد ..(ولهلأ مقتنع بهالنظرية)):larg:
بس يلي فوتني بالحيط أنو في عيون زرق :shock: وكمان كنت فكر أنو المرة بتاكل لحتى تحبل (منشان هيك ألت لحالي ليش اعتبروا سيدتنا مريم معجزة :? يعني وين المعجزة بالموضوع؟؟؟!! :shock: بس يلي فوتني بالحيط كمان أنو شو دخل الرجال بالنص ؟؟!! لك والله شغلة بتحط الأعل بالكف :shock: بعدين ثبتت الفكرة براسي متل مو ذاكر أول واحد (أنو بيتفقو لحتى يجيبو ولاد) :jakoush: وكنت فكر أنو بقلب الراديو في زلمة محبوس :p وبس ........!!! هاد يلي بتذكرو |
انا بعدني طفلة لهلق يعني في ابداع دائم و متواصل ان شاء الله و بدي ما اكبر و ضلني هيك لحتى اخر يوم بعمري و مرسي الكون يتبع بعدين بخبركون شو هيي الافكار ل بتخطر ع بالي
|
اقتباس:
ولي هي شغلة جديدة يا ريت أهلي رسموني متل الكابتن رابح :o اقتباس:
زكرتني بشغلة الراديو أنا كمان متلك :oops: هههههههههههه حلوة فكرة الأكل مشان الولاد اقتباس:
مستنينك طفلة خانم :? |
شو شباب مستحيين تحكو :oops: |
هههههههههه
والله حلو شو هالنهفات هاي اما انا طبعا الشي اللي كان مجنني شلون التلفزيون هاد انو اللي في ناس زغيرة ولا شو لك كنت بدي افتحو مرة وشوف شوو اللي في شي بجنن والله :oops::oops: ولما اتزكر شي رح احكي :sick:لانهم مابيخلصو |
انا كنت متلك سارة
اروح لورا التفيزيون واشوف وين هالناس هي مخباية؟؟؟؟؟؟؟ |
كانت ماما نحنا وصغار تقلنا يلي بيعذبني باخدو عغرفة الفيران وانا كنت دائما خاف روح
انا كانت هي شغلة مجننتني انو شو انا بعرف كل غرف بيتنا وما كنت اعرف وين هالغرفة وضليت فترة طويلة عم حاول اعرف وين غرفة الفيران ببيتنا:oops::oops: |
أووبس حلوة كتييييير هي قصة أوضة الفيران بس مشان الي حكو عن التلفزيون أنا كمان كنت فكر انو بكل بيت في تلفزيون شكل يعني الي بيطلع عنا ما بيطلع عند غيرنا وطولت لاستوعبت الفكرة :cry: |
| الساعة بإيدك هلق يا سيدي 04:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون