|
سوريا: اذا هاجمتنا اسرائيل فسنضرب المفاعل النووي في ديمونه
نقل عن محمد حبش عضو البرلمان السوري قوله "انه سيكون من الصعب منع مفعّلي الصواريخ في سوريا من مهاجمة اسرائيل وضرب المفاعل النووي في ديمونه في حال تهديد اسرائيلي" .
واكد " ان المفاعل النووي ليس بعيدا عن مدى الصواريخ السورية ". فيما قال مصدر عسكري اسرائيلي انه ليس هناك نية لاسرائيل بضرب سوريا . |
اقتباس:
|
اناسمعتو ل محمد حبش ع ال bbc عم يقول انو ما عم يتحدث باسم الحكومة السورية وانو هاد مجرد تحليل و اجتهاد من عندو مو اكتر..............
بس انو منعملا ليش لاء ..:o |
اقتباس:
|
اقتباس:
اسرائيل دائما تسعى لتصوير نفسها على انها حمل وديع و دول الجوار وحوش اقوياء مسلحين. و كما تعلم المفاعلات النووية تكون محصنة جدا و محمية كما ان الاماكن الحساسو مبنية تحت الارض فلا تعول كثيرا على الصواريخ لتدمير مفاعل ديمونة |
حكيووو بزكرني بطريئة الصحّاااف نفس الحماااس بس اخر شي بتطلع الشغله على راااس الكل معدّسه:pos:
|
اقتباس:
|
اقتباس:
|
اقتباس:
على سيرة الصحاف شو أخبارو :p |
في حال تهديد اسرائيلي !!!! نقلا عن حبش !
ليش من شهرين وقت ما ضربو تل الابيض وحلق الطيران باقصى الشمال السوري وقصف الطيران ورجع على ارضو بكل يسر وسهولة شو كان اسمو هل الشي ؟؟!!! وله الحبش ما بيعرف انو هيك صار وماحدا لا رد ولا عمل شي !!! وشو مستنيين انو في حال التهديد سوف نرد بالصواريخ ؟!! يعني بيزكرني بمحسن بلال وزير الاعلام الي قال سوف نرد على الخرق الاسرائيلي من شهرين ولهلق ماصار شي ؟!! بس يمكن في حال التهديد الاسرائيلي المحتمل ماحدا يطلع ويحكي لانو اكيد رح يخجل من حالو ويقعد جوا بيتو وراسو بالارض والله اشبغنا مسخرة وشعارات واقوال وزل اقتباس:
|
ليش الحبش رايد ايعذب حالو و اينطط الصواريخ لديمونا؟ ما كان اسهل اينزل هل كام طيارة اللي وصلوا لحدود العراق؟؟؟:gem:
|
اقتباس:
اقتباس:
ايوة وانت شو عرفك انو مالح توصل واذا وصلت مالح تاثر صحي انكن انهزاميين والله ماحدا بيعرف وقت الجد شو ممكن يصير الله اعلم مايسترو |
اقتباس:
|
اقتباس:
بتمنى يارب ... نكسر شوكة اسرائيل والى الابد .. |
اقتباس:
|
يا أخي عد أنو ضربوه
رح تصير كارثة نووية أخت تشيرنوبل وتعم الشرق الأوسط كلو:sick: |
اقتباس:
|
مشكوووووووووووووووووووووو وووور على الموضوع
|
اقتباس:
|
تسلمين اخت خلود
|
اقتباس:
لولو الحكي مو الك ميرسي عالموضوع مايسترو |
مشكور مايسترو على مرورك
|
اقتباس:
فكيف دولة كبيرة متل سورية ... وحسب معلوماتي المتواضعة انو ولا دولة بالعالم فيها قد ما كبرت فيها تحمي مفاعلاتها بشكل كامل من هجمات صاروخية ... بس بتصور بس تصير حرب ما حدا رح يطلع وين عم يضرب وشو عم يضرب :larg: الله يجيرنا:o :D |
اقتباس:
بظن في فرق كبير بين حزب الله وبين سوريا ماهيك؟ يعني الشغلة مو بالحجم اسرائيل بزمانها غلبت 4 دول عربية مجتمعة بس الشغلة بالفعالية حزب الله ماعندو شي يخسرو وجماهيرو بتحبو لانو حتى زعيمو ضحى بابنو مشان قضية حزبو اما سوريا فصدقني اول فتيشة بتطلع من سوريا وبتنزل باسرائيل رح يكون تمنها سقوط النطام كلو والنظام تبعنا عرفان هالشي مشان هيك لو شو ما صار مستحيل تطلع رصاصة وحدة من عنا على اسرائيل اما موضوع الدعاية الامريكية والاسرائيلية فهي شغلة قديمة ومستمرة بزمانو العراق عملو انو عندو اقوى رابع جيش بالعالم مشان يبرروا الشي اللي رح يعملو في |
مشكور شب الكوبة على مرورك وayhamm كدلك
|
اقتباس:
انا عمبحكي شيء تقني رد عليي عهالاساس وما تغير الموضوع تحياتي |
اقتباس:
اما المفاعلات النووية و بالخصوص مفاعل ديمونة تتواجد مناطقه الحساسة تحت الارض و محصنة جيدا و كما نعلم ان الصواريخ المخترقة للتحصينات الارضية و التي يبلغ وزنها طنا لا تملكها سوريا لانها تلقى بواسطة الطائرات (على ما اظن ب52) و كل يعرف ان الدول العربية جد متخلفة في مجال التسليح الجوي |
اقتباس:
|
طيب ما حدا فكر انو بين ديمونة و الشام مافي 300 كيلومتر, بالكتيرة 400؟؟؟
|
انو محمد حبش من ايمتى كان يفهم بالاستراتيجية العسكرية :shock:
بعدين حتى لو كان بدو يصير ضرب للمفاعل النويي الاسرائيلي اسرائيل بتمتلك اكتر من 200 راس نووي ... ووقتها ما رح نلحق ننبسط او نسمع خبر تدمير مفاعل ديمونة يعني منكون صرنا غبرة ....... بس هالتصريح انا بشوفو معاكس تماما ... يعني متل رسالة موجهة لاسرائيل انو نحنا ما عننا النية انو نضرب المفاعل .... لانو بالسياسة دايما بدنا نعكس الامور حتى نعرف الصح والحقيقة بس ضحكت على هالخبرية :lol: |
هالمحمد حبش يالي جد ما بعرف عنو شي اكيد عندو نية يا اما عم يتحدى اسرائيل لتضرب سوريا ويا اما عم يستهين بقوة اسرائيل ومو عارف انو هي ما بدها تضرب حدا لانو جد لما بتقرر ما بتقصر
صحيح انو سوريا الها اسلحة ممتازة بس لتصد الطيران الاسرائيلي ماراح تفوت ال 6ساعات حتى تلاقي حالها رفعت الراية البيضاء واستسلمت هاي حقيقة جارحة بس حقيقة مافي شي اسمو حرب اسرائيلوسورية وانما حرب اسرائيلو عربية ويا حزركن وين هالعرب :shock: الله ينجينا ويخلي موتنا بشرف ونحنا رافعين رؤوسنا:larg: |
اقتباس:
الحكي الي قالو بس مشان يرفع معنويات الشعب الي صارت بالارض بعد القصف الصهيوني لاقصى الشمال السوري ! هلق ازا صار حرب مارح نرفع الراية لا بعد 6 ساعات ولا بعد 6 اسابيع الله اعلم بس اكيد رح يصير حرب على اكتر من جبهة يمكن حزب الله يضرب ويمكن ايران كمان ومن فلسطين المحتلة اكيد رح ينتفض الحمساوية ورح تصير حرب ماحدا بيعرف نتائجها ! ولو اسرائيل ب6 ساعات بتنهي الحرب لصالحها كانت من زمان عملتها ! المشكلة مو لمين صالح الحرب او مين رح ينتصر المشكلة انو شو النتائج الي رح تطلع بهل الحرب ؟ اكيد رح يكون في ضحايا وخسائر كبيرة بالبنية التحتية وبالاقتصاد بشكل عام يمكن سنين مارح نرجع نقدر انعوض الي راح اكبر دليل السنة الماضية وقت حرب لبنان شفنا شلون دمروو الجسور بكل لبنان ولولا المساعدات الدولية ما كانت رجعت اتعمرت اما نحن ما حدا بيحبنا بالعالم للاسف فانا براي الحل الوحيد هو بالسلام بس مو يعني التطبيع مع الصهاينة بس بدنا السلام الي بيرجع ارضنا وبيحفظ بلدنا وعرضنا ومنخلص من هل الزل الي عايشين فيه لازم الواحد يكون واقعي لولا السلام سوريا مارح تنتعش ولا رح يصير فيها تقدم ولا ازدهار ورح انضل مزلولين ومعرضين للزل باي وقت بيقدر يحلق الطيران الاسرائيلي فوق قصر بشار او باقصى الشمال او الشرق !! الحل الوحيد السلام بدون تنازلات على مبدأ الارض مقابل السلام ! |
اقتباس:
ومين قلك انو صواريخو لم تحقق دمارا كبيرا ... اذا الكاتيوشا محت مستوطنة كريات شمونا بالشمال من الوجود حتى اسرائيل ما كانت تخلي وسائل الاعلام تفوت عالمستوطنة وغيرها من بلدات شمال اسرائيل و شغلة حزب الله حزب صغير العدد والعدة وبمساحة جغرافية ضيقة ما فيك تقارنو مع دولة كبيرة متل سوريا .. وانا ذكرتو بس لوصلك فكرة انو اذا هوي عمل هيك نحنا شو منساوي لكن و حسب معلوماتي انو مفاعل ديمونة فوق الارض بس الشغلات المهمة متل اليورانيوم وما بعرف شو بتكون متل ما حكيت تحت الارض بس مع ذلك قادرة بعض الصواريخ الروسية المتطورة يللي بتملكها سوريا انا تاثر فيها ورجاء ما تقارنلي سوريا و شو في عندا اسلحة ..بالدول العربية لانو كل الدول العربية تقريبا اسلحتا من اميركا ومن وراها اسرائيل .. واكيد مارح تسمح الها بامتلاك شي متطور متل ما صار باكتر من مناسبة مع السعودية و غيرها... بس نحنا ماحدا بيفرض علينا شي لانو مو مرتبطين باتفاقيات ذل وهوان متل غيرنا :D |
اقتباس:
|
اقتباس:
بهي انا معك بس انو الكل راح يثور مع سوريا ما بايدك فيها راح تلاقي حالها لحالها للاسف |
سوريا "اذا هاجمتنا اسرائيل, رح نبكي ونسرخ هاه"
|
بتقدر الصواريخ السورية توصل .. وبتقدر تعمل تدمير بيخوف بالبنية النووية لديمونة .. ومو بس سوريا كمان حزب الله بيقدر يعمل تأثيير كبير بالمفاعل ..
أنا بعتقد اسرائيل بدها تعمل حساب كبير لسوريا بهاي الحرب الجاية .. وبدها تحسبها مليون مرة قبل ما تفوت عالحرب .. لأنو القصة اكبر من ما هيي متصورة .. وشكرا |
اقتباس:
بس اللي صار من طرف حزب الله هو قصف عشوائي لا اكتر ولا اقل. بالنسبة لسوريا. فهية التانية لو عندها القدرة ما كانت نطرت لهلق. وكانت ردت على الهجوم الاسرائيلي اللي الو اقل من سنة صاير |
لأ صلي على نبيك محمد .. مش تدمير عشوائي .. وهو قادر من الحرب الماضية بس كلشي كان محسوب ..
مش من مصلحتنا ناخد الأمور لنهايتها من أولها .. السيد صرح اكتر من مرة .. غنو نحنا قادرين على قصف تل أبيب وما أبعد من تل أبيب .. فأنا بأكدلك مش القصف العشوائي وخود هالكلام من واحد شايف وبيعرف ... تحياتي |
اقتباس:
عجبتني هاي. مو من مصلحتنا نربح الحرب من اول معركة. لازم ننطر ليموت عالم اكتر. بعدين بصير للربح طعم اخر. |
| الساعة بإيدك هلق يا سيدي 03:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون