|
استفتاء نهاية العام
مع اقتراب نهاية عام 2007 و بداية عام جديد أود أن أستغل الموضوع لتمني عيد أضحى مبارك, ميلاد مجيد وعاما جديدا حافلا بالسعادة للجميع:
أود ان أطرح الموضوع على شكل استفتاء حول أحداث و شخصيات العام الذي قارب على النهاية و حول التطلعات و الأماني المرتقبة في العام الجديد. 1- ما هو أهم حدث في العام 2007 (مو شرط سياسي ) و لماذا على المستوى السوري على المستوى العالمي 2- من هي شخصية العام ( مو شرط سياسية) و لماذا على المستوى السوري على المستوى العالمي 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب - أفضل فيلم - أفضل عرض موسيقي / ألبوم 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري على المستوى العالمي 5- مساحة حرة :D:D |
1- ما هو أهم حدث في العام 2007 (مو شرط سياسي ) و لماذا
على المستوى السوري: اعادة انتخاب بشار الاسد رئيس للجمهورية .. السبب الطريقة الاستفزازية وخلط الاوراق من جديد والمعارضة والموالاة أعادو حساباتهم وصارو يشتغلو على اساس هاد الواقع الجديد على المستوى العالمي : التركيز الكبير على الملف النووي الايراني .. السبب طبعا تأثيراته على المنطقة والعالم والتدخل الروسي المباشر وعودة الروس للمنطقة بشكل مباشر 2- من هي شخصية العام ( مو شرط سياسية) و لماذا على المستوى السوري فداء أكرم الحوراني .. السبب هوة المنصب يلي شغلتو مؤخرا بتوقع هالشي يترجم اكتر ب 2008 على المستوى العالمي جورج بوش .. السبب منصبو رئيس اميركا وطبعا دور الولايات المتحدة بكل انحاء العالم وتصريحاتو وافعالو 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب : رواية سمرقند لأمين معلوف - أفضل فيلم : الغريب يمكن انو عربي هوة عمارة يعقوبيان - أفضل عرض موسيقي / ألبوم : افضل عرض حضرتو للينا شمميان وأفضل البوم لنفس المطربة شامات 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري : السلام للشعب السوري الحد من البطالة الاهم اخراج جميع معتقليه الرأي المعترف فيهم والمجهولين قانون احزاب واعلام جديد حل المسألة الكردية شو بدي عدلك يا شريك ... ....الخ على المستوى العالمي : يخف القتل والحرب والارهاب والمرض وبتمنى والسلام لكل الشعوب وجد بتمنى خصوصا للشعب اللبناني السلام هي امنية خاصة اعتبرها 5- مساحة حرة : بتمنى الخير لأخوية يلي جمعتنا وخروج كل شباب اخوية يلي بالمعتقل من الشباب السبعة لكريم وكل سنة وانتو بخير كل سنة وسوريا بخير :D:D:D |
بعدين راح اجاوب
|
1- ما هو أهم حدث في العام 2007 (مو شرط سياسي ) و لماذا
على المستوى السوري - اهم حدث تبلور سياسة الحكومة الإقتصادية بأكثر اشكالها ضراوة على المستوى العالمي - العلاقة التصادمية بين روسيا واميركا 2- من هي شخصية العام ( مو شرط سياسية) و لماذا على المستوى السوري - الدردري - أبدع بتصريحاته على المستوى العالمي - ساركوزي كنقلة نوعية في الخطاب الفرنسي 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب - الثلج يشتعل للكاتب الفرنسي ريجيس دوبريه - أفضل فيلم kan dun فيلم عن اقليم التيبت - أفضل عرض موسيقي / ألبوم - ألبوم أردن لفرقة رام وحفلة الجاز بالليلة الأولى من ليالي مهرجان السنديان الثقافي بطرطوس بمنطقة الدريكيش تحديدا 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري يصير في عودة عن قرارات السوق الإجتماعي بسوريا لإنو لسا ما بلشت والفقر زاد وكمان يصير في قانون احزاب منصف على المستوى العالمي خسارة مرتقبة للقوات الأمريكية في العراق 5- مساحة حرة كل توقعاتي ضد الحكومة وتحياتي الحارة ظل جيفارا |
_|_
اقتباس:
:? :melody: ® |
1- ما هو أهم حدث في العام 2007 (مو شرط سياسي ) و لماذا
على المستوى السوري عقد اجتماع اعلان دمشق بهذه السرية وبهذا التوقيت شكل مفاجئة سارة للعديد من المعارضين الذين ساورهم الشك بموت الإعلان على المستوى العالمي التوتر الناتج عن نشاط ايران النووي وانخفاض احتمالات حرب جديدة في المنطقة بنهاية العام 2- من هي شخصية العام ( مو شرط سياسية) و لماذا على المستوى السوري ميشيل كيلو من سجنه ما زال يمثل رمز للمعارضة السورية بتصريحاته الموزونة ومواقفه الوطنية على المستوى العالمي - ساركوزي بنقله فرنسا للمعسكر الموالي لآمريكا بشكل كامل 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب مقدمة ابن خلدون - أفضل فيلم ابي فوق الشجرة - أفضل عرض موسيقي / ألبوم حفلة أم كلثوم التي تغني فيها اسأل روحك 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري رفع حالة الطوارئ ، احترام حقوق الإنسان السوري والمقيم على الأراضي السورية، اصلاح القضاء، وضع قانون للأحزاب، تجنيس الأكراد المحرمون من الجنسية، اصلاح المؤسسة العسكرية، إصلاح إداري، تحجيم الأجهزة الأمنية، إصلاح اقتصادي ومكافحة حقيقية للفساد تبدأ برامي مخلوف، تحرير الجولان ولواء اسكندرون، عدم التدخل بالشأن اللبناني واقامة علاقات دبلوماسية متوازنة مع لبنان، إصلاح التعليم والتعليم العالي واعطاء الأولوية للبحث العلمي، إصلاح القطاح الصحي وبناء المزيدمن المشافي والمراكز الصحية ووضع نظام للتأمين الصحي لمساعدة الفقراء، توقيع اتفاقية الشراكة مع أوربا، تحسين الوضع الإقتصادي للمواطنين، غطلاق الحريات وجميع السجناء السياسيين وفك القيود عن الصحافة والسماح بصحافة وتلفاز وراديو خاصة. على المستوى العالمي ان يحل السلام على كل البشر خصوصاً الأخوة العراقيين والفلسطينيين واللبنانيين. 5- مساحة حرة بتمنى انو نبدل الحقد والحزن بقلوبنا لحب وفرح وكل عام وانتو بخير مسلمين ومسيحيين وسوريين شو ما كانت ملتكون. |
اقتباس:
شكرا ياس على المساحة بس قولك بيصير 2008 متله متل غيره ولا رح يتميز من عندي بقلك : انا خايف :cry: |
1- ما هو أهم حدث في العام 2007 (مو شرط سياسي ) و لماذا
. على المستوى السوري صدور قانون جديد يقضي بالسماح لغير السوريين بالاستملاك؛ و هذا بدوره رفع أسعار العقارات لعند الغيم. . على المستوى العالمي كلّ الأحداث تقليديـّـة؛ يعني كلـّـو مدّ و جزر على نفس المواضيع؛ بس في شغلة حميت أكتر من غيرها هيـّـه توتّــر العلاقات بين روسيا و أمريكا من إيران لكوسوفو للدرع الصاروخيـّـة. . 2- من هي شخصية العام ( مو شرط سياسية) و لماذا . على المستوى السوري ... على المستوى العالمي ساركوزي ؛ عم ينطوط كتير. 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) . -أفضل كتاب علماء و اكتشافات - لويس دي برويل - وزارة الثقافة دمشق 1986 - أفضل فيلم ما بتذكر اسمو بس بيحكي ئصة واحد منتوف بتتركو مرتو من كتر ما منتوف و بيتشرد من بيت لفندق لمحطة القطار و ابنو معو و بيحصل على منحة للتدريب على البورصة و بيكسب وظيفة بفضل مهارته و ذكاءه و بصير من أصحاب الشركات الكبيرة و هو عايش لهلأ و قصة واقعية. - أفضل عرض موسيقي / ألبوم كلنا سوا - مهرجان شباب سوريا الصيف الماضي 4- تطلعاتك و امنياتك للعام الجديد ( مو الشخصية.... قضايا عامة) . على المستوى السوري ينعطا الخبز للخبـّـاز. . على المستوى العالمي كسّــار يفخـّـر بعضو. . 5- مساحة حرة ما بسدّئ إنّــو في مساحة حرّة!! :melody: ® |
1- ما هو أهم حدث في العام 2007 (مو شرط سياسي ) و لماذا
على المستوى السوري استفتاء السيد الرئيس لانو عبر عن تاييدي لنهجو على المستوى العالمي ازدياد الغرق الامريكي في المستنقع العراقي 2- من هي شخصية العام ( مو شرط سياسية) و لماذا على المستوى السوري السيدة اسماء الاسد بحضورها المميز واللافت بين الناس على المستوى العالمي بيبقى السيد حسن نصرالله الشخصية اللامعة على مدى سنين 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب قرات لاول مرة الانجيل وسررت جدا لقراءته لذلك اعتبره حاليا كتابي المفضل - أفضل فيلم الام المسيح اثر فيي كتير - أفضل عرض موسيقي / ألبوم غير متابعة 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري ترجع الاراضي السورية المحتلة الاحوال الاقتصادية تتحسن ويحل الدردري عنا يبقى الشعب متسامح ومتاخي ومايصير فيه متل لبنان على المستوى العالمي يحل بوش عن مخنا وهي ان شاء الله قريبة وتحل قواتو عن ارض بلادي العربية ويحلو هالملوك الى ديار الحق 5- مساحة حرة في كل مساحة حرة يوجد بقعة عبودية:p بتمنى اخوية تكون دائما احسن من هيك |
شو دخلك بالمخلوقة ؟
|
أجا دوري:lol:
1- ما هو أهم حدث في العام 2007 (مو شرط سياسي ) و لماذا على المستوى السوري راح قول مشاركة المنتخب السوري للناشئين بكأس العالم, رفعو راسنا.... على المستوى العالمي خسارة هوغو شافيز للاستفتاء على التعديل الدستوري بفنزويلا, كان خطوة خاطئة منو هالمحاولة, و لمصلحة حركة اليسار الحر بأميركا اللاتينية أعتقد انو هالشي كان جيد لأنو فتح مجال مراجعة النفس و النقد الذاتي. 2- من هي شخصية العام ( مو شرط سياسية) و لماذا على المستوى السوري خليني أحدد شخصية اعتبارية أو عامة: السجين السياسي السوري, و اتمنى انو ما تكون هالشخصية مكررة باستفتاء العالم القادم على المستوى العالمي الرئيس البرازيلي لولا دا سيلفا.... اليسار في الطريق الصحيح 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب كتاب قديم بس هالسنة لحتى قريتو: العطر لباتريك سوسكيند - أفضل فيلم الوردات ال 13 (Las trece rosas) - أفضل عرض موسيقي / ألبوم هافانا بلوس 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري انو ينتهي الكابوس و يرجع الحق لأصحابه, أن يراجع النظام نفسه و يبدأ الخطوة الأولى في الطريق الصحيح, العفو العام عن أسرى الضمير, اطلاق الحريات العامة و المصالحة الوطنية. محاربة الفساد و اجتثاثه الى الأبد على المستوى العالمي نهاية المعاناة العراقية و انتهاء الارهاب و انسحاب الاحتلال الأمريكي المصالحة الوطنية الفلسطينية و توحيد الصفوف لتحقيق السلام العادل و الحق. الانتباه للتغير المناخي و آثاره المدمرة على الكرة الرضية عامة القضاء على الجوع..... لسنا في القرن الواحد و العشرين اذا كان لا يزال هناك من يموت من الجوع أن يفوز الحزب الاشتراكي الاسباني في انتخابات شهر آذار.... 5- مساحة حرة أن تبقى الأخوية محطة و لو صغيرة جدا في تاريخ سوريا... أن نستطيع في المستقبل أن نفخر بأننا في يوم ما كنا في منتدى اسمه أخوية كل عام و أنتم بخير :D:D:D |
اقتباس:
مع شكري لقراءتك الرد:deal: |
اقتباس:
انا بالنسبة إلك كإنسانة بحترمك وبحترم كل إنسان بهل الكون انا كان تعقبي بس ضد ظاهرة الكولكة والنفاق. هون بالمنتدى في على الأقل عشر رفاق حزبيين ومخابرات مهمتون تبييض صفحة النظام وكتابة تقارير بالمشاركين بالمنتدى وتهدد الأعضاء لتخويفون وانت بتكتبي هون كرفيقة مكلفة بالرد بهذا المنتدى كمهمة حزبية. اسمعي هي القصة انا من عيلة مسيحية (أنا الآن لا ديني وليبيرالي علماني حتى النخاع) وكنت عايش بسوريا لا اللي اهتمام لا سياسي ولا ثقافي من حوالي اكتر من 20 سنة كنت لسى يادوب مخلص بكالوريا وبليلة ما فيها ضو قمر اجوا عبيتنا زوار الفجر واخدوني على مكان ما بتمنى انو حدا يزوروا. واسبوع كامل من الضرب المستمر بدون حتى ما يسئلوني شو اسمي. بعد حوالي اسبوع بعد ما صار جسمي مثلي المصفاية من كتر ما ما عم بينزف. اخدوني لعند المعلم وبكتشف من التحقيق انو احد اعز اصدقائي معتقل بالانتماء لتنظيم اسلامي محظور بهداك الوقت كانوا يدقوا بالمشتبه به وكل رفقاتوا يكن هلق الوضع تحسن شوي. المهم كانت تهمتي انو انا وفلان بننتمي لنفس التنظيم ولانو اسمي واسم ابي وامي واسم العيلة كلها اسماء عربية ما بتدل على دين ما قدر يلاحظ انو انا مو ممكن كون اسلامي لاني مو مسلم. وبعد ما عرف المعلم بالموضوع بعتني عالزنزانة من جديد ورجع جابني تاني يوم وسائلني كل صغيرة وكبيرة عن صديقي وسألني بتعجب شلون انا بصادق واحد متلوا. الزلمة كان رفيقي بالمدرسة بنلعب طابة مع بعض ومندرس احيانا سوى بيتعشي عندي احيانا وانا احيانا بيتوا ما كان في شي بدل على انو اسلامي لانو بحياتنا ما حكينا بالدين. المهم افرجوا عني بعد تهديد واضح بتدميري اذا بفتح تمي بحرف عن اللي صار معي. طبعاً بعج اللي صار اهلي خلوا احد القرايبيين بدول العالم الحر يعملي قبول بالجامعة وهيك تركت سوريا بس بتضل بالقلب. اذا بدي احكيلك عن الفرق بين العالم الحر اللي عايش فيه وسوريا يمكن تبكي طبعاً الفرق مو بس اقتصادي الموضوع اكبر بكتير، انا هون بحياتي ما حسيت بالخوف لا من شرطي ولا مخابرات ولا مرة وطيت صوتي وانا عن بحكي مع رفقاتي منشان ما يسمعوني المخابرات ولا اطلعت مسيرة غصب عني مشان قول بالروح بالدم لكن بس فوت عمطار دمشق بلش اعرق وبسأل حالي 1000 سؤال اذا كنت رح اعتقل ولا لأ، مع اني ما بنتمي لاي حزب او جماعة سورية لا محظورة ولا مسموحة ومالي اي نشاط سياسي إلا اذا كانت التعليق على خبر او الكتابة بمنتدى يعتبر سياسة عندكون. انا هون انسان محترم اللي حقوقي الواضحة والمحفوظة اللي ما بيقدر حتى رئيس الحكومة يقرب عليها الا وفك القانون وهنيك عندكون اي شرطي او عنصر أمن بيقدر يسلبني كل انسانيتي اذا ضربت براسوا الحيونة. سمعة سوريا بمجال حقوق الإنسان والحريات العامة عنجد بخجل وبخليني اخجل بس اتناقش مع اي انسان مثقف من هون حول الأوضاع هنيك. طولت بالحكي بس بدي الك انو كل مرة برجع عسوريا بشوف البلد كلمالا لورا والناس عايفة حالة وجهل تخلف مو معقول. اسمحلي من 10 سنين لهلق عطيني اي شغلة تحسنت بسوريا. فقر وبطالة ومشافي متل المسالخ وتعليم بخجل واعلام بضحك وفساد بيخجل اول كلمة بسمعا بسوريا شو جايبلنا معك - مين انت حتى جبلك معي شي وليش؟ - طبعاً عدا مليون شغلة من علنوع بكل مرة. لا تفكري انو انا شمتان ما حدا بيشمت بحالوا بس هادا اللي عم بيصير نتيجة للديكتاتورية اللي انت عم دافعي عنا. برجع بقلك الموضوع مو شخصي وانا ما هم هاجمك اللك انا عم هاجم نهج الدفاع عن النظام ان كان على حق وان كان على باطل وعم هاجم تمسيح الجوخ اللي وصلنا لهل الحالة. وتحية الك وآسف عالإزعاج |
اقتباس:
:deal::deal: بهديوّن هالـ كم كلمة .. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
|
1- ما هو أهم حدث في العام 2007 (مو شرط سياسي ) و لماذا
على المستوى السوري معد في عنـا أحداث مهمة و للأسف .. !!! على المستوى العالمي في كتير أحداث مهمّة , منها إعدام صدام , ارتفاع أسعار المحروقات بشكل رهيب , الأزمة النووية الإيرانية .. إلخ .. 2- من هي شخصية العام ( مو شرط سياسية) و لماذا على المستوى السوري فكرّت كتير بعد طول تفكير .. لقيت أفضل إجابة هي نفسا إجابة ياس .. السجين السياسي السوري .. أمـّـا أكتر شخصية لفتت الأنظار إلا : عبد الحليم خدام بدون منازع .. على المستوى العالمي بالنسبة إلي حسن نصر الله كان كتير عظيم السنة اللي مضيت .. 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب حاليا ً عم أقرا الخيميائي لـ باولو كويلو , رائع بدون منازع - أفضل فيلم Leaving Lasvegas , 300 .. - أفضل عرض موسيقي / ألبوم أفضل حفل حضرتوه من يومين أو تلاتة , حفل لفرقة زيدل .. :lol: أما أفضل ألبوم , لينا شماميان / شامات .. و أكيد بدون منازع ألبوم السلطان جورج .. :hart: 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري : أمنيتي الوحيدة , أقدر أتمنى بصوت عالي .. من دون ما خاف .. على المستوى العالمي : حل مشكلة العراق لأنو اللاجئين العراقيين لعنو سلاف سوريا سقوط تجمع 14 آذار .. حل الخلاف بين فتح و حماس أو بالأحرى ينتهي شي إسموه حركة فتح و حركة حماس و يصير تنظيم فلسطيني واحد للمقاومة .. توقف أميركا موقف الحياد لمرة واحدة في عمرها .. و حاج زوّدتا .. 5- مساحة حرة بتمنى أخوية تـبقا أخوّية متل ما منعرفا .. يعني تكون هـ المساحة حرّة , و ما يجي مشرف يمسحا بعد ما أمشي .. نهاية ً ميلاد مجيد و كل عام و الجميع بخير .. تنعاد عليكون .. :D:D:D |
اقتباس:
عزيزي المـُخبر : تحية ً معجونة ً بماء ِ العهر بكل ِّ ما تحمله ُ هذه ِ الكلمة ِ من معنى . عزيزي : أود أن أهنئك فقد تمكنت من إحكام الحبل حول رقبة ِ صديقي و لكن فلتعلم أن ّ هناك الكثير ممن ينتظرون عودته بفارغ الصبر , ليقبلو جبهته بكل ِّ فخر .. و هناك الكثير من ينتظر ُ معرفتك ليدوس َ بكعب ِحذائه جبهتك ..!! عزيزي . أوّد ُ أن أهنئك مرة ً أخرى . فـ خربشاتي هنا . كانت ْ أو ستكون ُ مادة ً دسمة ً لتقريرك . فلتهنأ و ليكن ْ بعلمك . أننّي رأيتك َ تمّر ُ من هنا ..!! عزيزي . لأ أعلم ُ أي حليب ٍ شربته ُ في المهد .. و لكنـّي أبات ُ متأكدا ً أنـّه معجون ٌ بـ مني الشيطان لا تستغرب فقد كان الشيطان نديم َ أمك َ المفضل . و يبدو أنـّه ُ عند َ إنطفاء ِ الإنارة أخطأ بين فرج ِ أمك َ و فمك ..!! |
اقتباس:
مايسترو |
انا حابة اتفائل
بس ما في شي بدعو للتفاؤل :cry: |
اقتباس:
عندك حق في كلامك |
اقتباس:
وهذا أني لم أكد أغرد خارج السرب باختياري ميشيل كيلو وهو نصر للمعارضة السورية وللسجين السياسي السوري ونصر أكيد لأحد رموز المعارضة النظيفة والشريفة. وهذا يثبت أن أبواق النظام الكثيرة بأصواتها القبيحة لم تستطيع ان تهز صورته لدى الرأي العام السوري. تحية له من منبر أخوية الحر متمنين رؤيته بيننا قريباً. وإليكم القائمة بالكامل: نتائج استفتاء إيلاف لـ «شخصية العام 2007» حسب ترتيب الدول ابجدياً كالتالي: الامارات: الشيخ محمد بن راشد آل مكتوم / الأردن: الفنانة ديانا كرزون / البحرين: الفنانة زينب العسكري / تونس: الفنان صابر الرباعي/ الجزائر: الفنان الشاب خالد / السعودية: لاعب كرة القدم ياسر القحطاني / سوريا: الكاتب والمحلل السياسي مشيل كيلو / السودان: الرئيس الأسبق عبد الرحمن سوار الذهب / العراق: الفنان كاظم الساهر / عُمان: السلطان قابوس بن سعيد / قطر: الشيخة موزة المسند / فلسطين: الشيخ اسماعيل هنية / الكويت: الدكتور محمد الرميحي / لبنان: الفنان وائل كفوري / ليبيا: المهندس سيف الإسلام القذافي / مصر: الفنان عمرو دياب / المغرب: الأميرة للا سلمى بناني / موريتانيا: العقيد اعلي ولد محمد فال / اليمن: العميد ناصر النوبة / إسرائيل: الشيخ رائد صلاح / إيران: الرئيس محمد أحمدي نجاد. المصدر: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
مشان الله ما حلنا نعرف انو هيك استفتاءات لا تعبر إلا عن رأي اصحابها تحياتي الحارة ظل جيفارا |
اقتباس:
|
اقتباس:
على كل ما زلت لا املك ان اؤمن بإستفتاءات الإنترنت ولكن مع ذلك اقول دام الشعب السوري مميز انت يا شعبنا الأبي فهاهو يوجه اهتمامه نحو طبقة البلد السياسية مما يعني ان الإهتمام ما زال موجودا تحياتي الحارة ظل جيفارا |
اقتباس:
ما بتوقع مايسترو |
اقتباس:
|
[مع اقتراب نهاية عام 2007 و بداية عام جديد أود أن أستغل الموضوع لتمني عيد أضحى مبارك, ميلاد مجيد وعاما جديدا حافلا بالسعادة للجميع:
أود ان أطرح الموضوع على شكل استفتاء حول أحداث و شخصيات العام الذي قارب على النهاية و حول التطلعات و الأماني المرتقبة في العام الجديد. 1- ما هو أهم حدث في العام 2007 (مو شرط سياسي ) و لماذا على المستوى السوري انتخاب الرئيس ولله هل شي كتير افرحني انا على المستوى العالمي الملف النووي الايراني ، و الملف السوري الاسرئيلي 2- من هي شخصية العام ( مو شرط سياسية) و لماذا على المستوى السوري الرئيس بشار الاسد على المستوى العالمي ما لقية حدا مهم ولله 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب دافنشي كود - أفضل فيلم Illusion - أفضل عرض موسيقي / ألبوم Inflames In Dubai Festival بالنسبه للالبومات مالح اخلص بشهر لهيك مالح اذكر شي 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري يتحسن الوضع اكتر على المستوى العالمي يدمر كلو بقلب بعضو اكتر 5- مساحة حرة مافي شي اسمو مساحة حره لانو حتى هل مساحه ماخوده منا من زمان بس انو لنقول انو بتمنى كمل شهادتي و مستقبلي متل ماني مخطط و راسم ، و اهم شي انسى كل شي مر بالسنه يلي راحة بعتبارها وحده من أسوء السنين عندي :D:D |
مع اقتراب نهاية عام 2007 و بداية عام جديد أود أن أستغل الموضوع لتمني عيد أضحى مبارك, ميلاد مجيد وعاما جديدا حافلا بالسعادة للجميع:
أود ان أطرح الموضوع على شكل استفتاء حول أحداث و شخصيات العام الذي قارب على النهاية و حول التطلعات و الأماني المرتقبة في العام الجديد. 1- ما هو أهم حدث في العام 2007 (مو شرط سياسي ) و لماذا على المستوى السوري انتخاب السيد الرئيس بشار الاسد مرة ثانية والسبب اكيد لانو سياسته بتستحق انو ينتخب عليها باركه الله على المستوى العالمي ماحدى 2- من هي شخصية العام ( مو شرط سياسية) و لماذا رامي مخلوف.... يا اخي بيفهم على المستوى السوري فاروق الشرع .....مثقف جدا جدا على المستوى العالمي شافيز ....لنفس السبب 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب : جمهورية افلاطون - أفضل فيلم : اللمبي - أفضل عرض موسيقي / ألبوم : حضرت حفلة لفيروز وكانت رائعة 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري ازدهار الاقتصاد السوري على المستوى العالمي نضوج عقول بعض الشعوب في العالم هاد الي بتمناه 5- مساحة حرة ....لا يوجد |
اقتباس:
يعني بصراحة هي نكتة العام 2007 طيب ممكن اسالك كم مرشح اترشح ضد سيادتو لما الناس انتخبت غصب عن ابوها سيادتو؟؟ وطالما ما في ولا مرشح غيرو ليش لك عم تسميها انتخابات؟؟؟ وشو هي السياسات تبع سيادتو طالما حضرتو ما بيتنازل وبيشرح للشعب المحكوم بالنار والحديد و اللي ورثهن عن ابوه بالصدفة...... انا برايي على المستوى السوري شخصية العام هي كل انسان سوري حر بيوقف بوجه الديكتاتور ومخابراتو وبيبقى على مواقفو وبيرفض يمسح جوخ رغم كل اللي بيتعرضلوا |
1- ما هو أهم حدث في العام 2007 (مو شرط سياسي ) و لماذا
على المستوى السوري محققة نزيهة وقفت بوجه الغيلان بامانة عدرة, مع الاسف انتصرو عليها. على المستوى العالمي ماشي 2- من هي شخصية العام ( مو شرط سياسية) و لماذا على المستوى السوري محمد ناجي عطري(الله ياخدو), لانو هو اكتر واحد عم يمارس الفساد و بشكل علني فااااااضح. وهاد دليل انو لافي اصلاح ولا من يحزنون. على المستوى العالمي ساركوزي. هالزلمة فهمان باينتو. 3- المستوى الثقافي (مو شرط انو تكون هالشغلات طلعت بال 2007... القصد انو انت قريتها او شفتها خلال هالعام) -أفضل كتاب الخيميائي, قريتو من سنتين, بس لساتو كتابي المفضل - أفضل فيلم انتخاب بشار الاسد مرة تاني "بارادة الشعب" - أفضل عرض موسيقي / ألبوم ...... 4- تطلعاتك و امنياتك للعام الجديد ( مو الشخصية.... قضايا عامة) على المستوى السوري الافراج عن معتقلي الضمير, ويصير في حرية على المستوى العالمي خطوة صغيرة لحل ازمة الاحترار 5- مساحة حرة انشالله سنة الجاي يصير في مخ براس شعبنا. :D:D |
اقتباس:
:lol: بانتظار الجزء الثالث .. |
اقتباس:
ههههههههههه يا حبيبي انا حر برأي والله العظيم انا ما اجيت صوبك يعني بالله الموضوع مانو عم بيقلك انو تجي وتعلق على تعليقي ...خيو انا بدي ساعدك وقلك انو عنوان الموضوع هوي استفتاء نهاية العام ههههه عرفت هلق ولي لسى عندك عسر هضم ههههههه وهاد مانو موضوع للنقاش لانو اذا كل شغلي بدنا نحكي فيها ونرد على بعضنا معناتها بدنا نطر نطلع برات الموضوع الاساسي بقى خليك بعيد اريحلك لانو انا ما بمل من الحكي اوكي |
| الساعة بإيدك هلق يا سيدي 01:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون