|
التمييز العنصري في سورية
الموضوع معروف للجميع لكن لكي لا ننسى .. بعد أكثر من 60عاما على الإعلان العالمي لحقوق الإنسان الشعب السوري لا يحصل على حقوقه وحرياته كباقي الشعوب و لا زالت المادة (2)من الإعلان العالمي لحقوق الإنسان ....لكل إنسان حق التمتع بكافة الحقوق والحريات الواردة في هذا الإعلان دون تمييز، كالتمييز بسبب العنصر، أو اللون، أو الجنس، أو اللغة، أو الدين، او الرأي السياسي، أو الأصل الوطني، أو الاجتماعي..... تنتهك في وطننا سورية. عن اللجنة السورية لحقوق الإنسان... إن سياسة التمييز العنصري تطبق في سورية منذ شباط 1966 عندما قام الضباط الذين ينتمون إلى الطائفة العلوية في الجيش السوري بانقلابهم العسكري وإبعاد كافة القيادات غير العلوية من المراكز الحساسة في الجيش والقوات المسلحة، والأجهزة الأمنية، وطبقوا سياسة التمييز الديني والطائفي في المجتمع السوري، وما زالت هذه السياسة مستمرة معتمدة على حالة الطوارئ المعلنة منذ أكثر من ثلاثين عاماً في سورية، وبواسطة قانون الطوارئ انتهكت الحقوق السياسية والمدنية وتم كبت الحريات العامة في البلاد. وإذا كانت سياسة التمييز العنصري تمارس عادة من قبل أكثرية السكان بحق الأقلية الدينية أو العرقية فإن ما يجري في سورية على العكس من ذلك، إذ أن الأقلية العلوية لا يتجاوز عددها بالنسبة إلى سكان سورية 11% تتحكم بمصير الأكثرية وتسيطر على مقدرات البلاد وتمارس التفرقة العنصرية على باقي سكان سورية، وهذه الحالة لا مثيل لها حالياً في العالم...... لقراءة الموضوع كاملا ... http://www.ahrarsyria.com/index.php?option=com_content&task=view&id=176&Item id=34 |
في فرق بين أنو النظام أو بالأحرى مراكز القوى بالنظام ذات لون طائفي واحد و بين اعتبار الطائفة العلوية هي طائفة تتضطهد باقي افراد الشعب السوري... أي ان معاملة الطائفة ككيان مستقل غير صحيح بل و ظالم..
من بين العلويين معارضون بارزون كالآستاذ عارف دليلة من بين شباب الأخوية المعتقلين زميل علوي و هو حسام ملحم تحية |
طيب انو هالشي يمكن من زمان مامنختلف عليه ..
بس انو بالوقت الحالي ظاهريا يمكن انو خف شوي ماعاد كلشي متل اول يعني التمييز العنصري بافترة اللي زكرتيا كان هيك يمكن او اكتر شوي بس بهالوقت ماعاد لهالدرجة طاهريا |
اقتباس:
|
اقتباس:
أيكون الحل بستبعاد هذه الطائفة وإثارة النعرات عليها وهي من ضحايا هذا النظام أيضاً و التي هي أصلاً "إن كانت تتمسك بالنظام القائم" فهي تتمسك به خوفاً من عودة الإضطهاد والقتل والتكفير و..... ضدها مرة ثانية هذه من جهة. ومن جهة أخرى, يجب أن نكون أكثر وعياً وأقدر على الفهم فالنظام لا دين له ولا طائفة أو دينه الوحد هو الحكم والمحافظة عليه وغير ذلك إلى الجحيم حتى الوطن نفسه . هذا كلام لا يدل إلا على تحريض طائفي ضيق الأفق ومريض ويؤدي إلى تقوية النظام ومزيد من الإلتفاف حوله. ثم ما نريده لا أقلية ولا أكثرية طائفية, نريد نظاماً علمانياً برلمانياً نريد الشعب أن يكون حراً في خياره بغض النظر عن الدين أو الطائفة مثلاً لماذا لا يكون رأيسنا مسيحياً مثلاً ألا يوجد فيهم نساء أو رجال أكفاء لهذه المؤولية . ليس بمثل هذا تبنى الأوطان!!!!!! |
اقتباس:
|
اقتباس:
|
اقتباس:
- هل هي أكثرية الشعب بغض النظر عن الدين أو الطائفة. - هل هي أكثرية دينية طائفية من لون واحد . |
اقتباس:
|
اقتباس:
|
اقتباس:
تسمية طائفة هي الحقيقة يلي فرضها الواقع.. و رغم التزامي الكامل باحترام الاخر ما بقدر اني اتجاوزها ... و شكرا للحوار |
كونو رأس السلطة في سوريا ..... هو من نفس الطائفة من حوالي 37 سنة
هاد ما بيعني أنو النظام طائفي ...... الوصف الأصح للنظام بسوريا أنو ....... دكتاتوري ..... و آخر همو مصالح أي طائفة ..... |
اقتباس:
أما هي تبع مقدرات البلد الي بيسمع من خارج سوريا بيقول ناهبيين البلد !؟... وانو مافي علويين فقراء ولا عاطلين عن العمل ولا ملتعن سلسفيل اهلون ....... وشوي تانيه لح يطالعون مافيهم وطنيه ولاانتماء للوطن |
اي صح طيب في نقطة بدك توقفي عندا ..
هلأ انتي عبتحكي ع العلوية مثلا وانو هنن ميزين عن العالم وهيك .. طيب انو معناتة من حكيك هالــ11% اللي بالبلد لازم تكون كلا اوضاعن فوق الريح ومكيفين وعين الله عليهن .. بس متل ماقال مسطول في علوين عاطلين عن الشغل وملعتنة عيشتن من الفقر متلن باقي الطوائف يعني ولو كان كلامك صح كانو تميزوا عن كل هالطوائف وماشفتي علوي فقير مثلا او ماعندو شغل .. وهادا بدل ع كلامي بالرد الاول انو يعني هالشي كان اول وانا مابخالفك وزيادة كمان .. بس انو هلأ شوي شوي هالشي عبينقرض وهالتمييز العنصري عبينقرض .. هلأ مابقلك انو مافي تمييز عنصري هلأ في بس انو اخف من اول وماعبصير التمييز لنفس الاسباب السالفة .. :D |
اقتباس:
اسمحيلي قلك موضوعك طائفي بحت ... انك تحاسبي طائفة باكمالها ع اخطاء فرديه غلط وكتير كمان ... |
اقتباس:
فينا نقول نظام دكتاتوري ..... لكن ارتباط النظام الحاكم و السلطة العسكرية بالبلد بأقلية معينة و دفاعها المستميت للبقاء بالسلطة و لو على حساب مئات الأرواح و السيطرة على أهم المراكز و المناصب بوضح أنو النظام دكتاتوري و طائفي أكيد مو لانو هالاشخاص أكفأ من الجميع على شغل هالمناصب... و بأكد أني برفض الطائفية و ما بحكم عالأشخاص من اي انتماء لكن الواقع السوري واضح ... و ليس بحاجة لاي تبرير من طرف أي معارضة لكن بحاجة للتغيير ... |
طيب لو طلعتي هلأ ما في شي من الطائفية
الرئيس علوي رئيس الوزراء سني نواب الرئيس سنة او مسيحييين وكل دوائر الدولة ما فيها شئ من الطائفية عذرا بس نحنا ولاد البلد وعايشين فيها وعارفين شو بها |
اقتباس:
هدااااااااااااا الحكي النظامي طائفي ولدينو كمان |
اقتباس:
المشكلة انو دكتاتوري ما بتزبط كمان انا مع انو يكون دكتاتوري ويوصلنا لشي متل الدكتاتورية الستالينية بس التسمية الاصح نظام مافوي عصابات نهب وتدمير قدرات شباب الوطن |
اقتباس:
و عنا بسوريا آلاف القضايا يللي عم نعاني منها ..و لازم نكتب عنها ... أكتر من النظام الطائفي و يمكن اذا في ايجابية وحدة بالنظام الحالي ....... هي القدر المقبول من العلمانية ... و يللي مو متوفر بأ] بلد بالمنطقة |
اقتباس:
بس المهم .. ما بظنو طائفي ..... لأنك اذا قلت هيك بتكون عم تظلم طائفة كبيرة بسوريا و يمكن من أكتر الطوائف معاناة |
اقتباس:
يازلمة ماعدا الطائفية .. حتى ولاد المدينة الوحدة او يعني مافي هالشي يعني ع الاقل لازم يصير تفضيل لو مثلا يدعموا ولاد بلدن او هيك او ولاد المدينة او الضيعة وبصراحة هالشي ماكتير ظاهر يعني .. ومتل ماقلت انت رئيس الوزراء سني نواب الرئيس سنة او مسيحييين وكل دوائر الدولة ما فيها شئ من الطائفية وكنت جاي اذكر هالنقطة بس انت سبقتني :D |
اقتباس:
و قبل كان الانتماء للوطن، فارس الخوري و غيره وصلوا لمناصب عالية بفضل كفاءاتهم .. آلاف القضايا يللي عم نعاني منها ... بينحل 50% منها باتباع سياسة الشخص المناسب بالمكان المناسب ليقدر ياخد القرارات الصحيحة ... ايجابية وحدة بالنظام الحالي ....... هي القدر المقبول من العلمانية ! العلمانية حق مكتسب باسم الانسانية مو منحة أبدا من النظام الحالي و بلاد المنطقة مو مثال يقتدى به.. :D |
اقتباس:
|
اقتباس:
اقتباس:
اقتباس:
معناها متفقين أنو وضعنا ( من هالناحية ) أحسن من دول المنطقة و هاد شي عظيم .. ماكان متوفر قبل |
اقتباس:
بعدين ليش الزامية ربط السلطة بدين أو طائفة ليش مو الاشخاص الاكفأ بكل بساطة و انتقال السلطة وفق القوانين و الانظمة المتعارف عليها عالميا... ليش لساتنا بمرحلة مناقشة البديهيات ..متل ..الحرية و الانتخابات ... |
اقتباس:
ع اساس المصاري والعملة والمصلحة المادية .. وبالردجة التانية القرابة يمكن بس المصلحة المادية هي الاساس الاول والاخير وشغلت الاساس الطائفي هي ماعاد الا اي وجود واي شغل بدون المنفعة المادية .. وعبتنقرض |
اقتباس:
اقتباس:
بس قبل حكم البعث ... اي .. كانت السلطة مرتبطة دستورياً بطائفة واحدة فقط اقتباس:
|
اقتباس:
شكرا ياسمين:D |
هلق بصراحة الموضوع طائفي كتييير، عم ينقط طائفية..
تعريف المجتمعات النامية ما بيكون طائفي في الحالة السورية لأنو قانون الدولة غير طائفي بشكل عام، والمافيا غير طائفي، وحتى الجيش مو طائفي... المشكلة الطائفية الوحيدة هي بالناس اللي عم يحاولوا يلاقوا المشكلة يابا بس بصراحة مو دارسين أو فهمانين (فرضاً) لدرجة أنو يعرفو ا يحللوا مجتمع على أساس.. يعني الصراع بسوريا طبقي.. اقتصادي اجتماعي يعني واللي بيكون عم يطلعوا من هاد المحور باتجاه المحور الطائفي بيكون لمصالح معينة.. طبعاً المافيا عم تعمل هيك على اختلاف أنواعها (مافيا سلطة, مافيا معارضة... إلخ).. |
اقتباس:
بالاكراه و الاجبار و تغيير الدستور مو طائفي أبدااا !!!!!! كنت بتمنى أنو يبقى الحوار منطقي و على الواقع متل فكرتي عن أخوية .. على كل حال باحترم رأيك أخ كهربجي و يمكن بفهم دوافع جوابك ... ياسمين |
العلويين من 1000 سنة مضطهدين و ملاحقين ومباح دمهم و تعرضو لابادة أكبر و أرهب من ابادة هتلر لليهود
دخيل الله لا تجيبو سيرة التمييز لانو ما حدا قد العلويين تعرض للشي |
اقتباس:
بس الوضع الحالي بسورية خطأ و من أكتر من 30 سنة غلط و يعتبر جريمة بحق الانسان السوري مهما حاولتوا تنكروا الحقيقة... |
اقتباس:
هلا انتي ليش عم تلفي وتدوري على موضوع ما اله اساس من المنطق هلا اذا كان نظام البلد علماني شو بيفرق لو كان الرئيس علوي ولا سني ولا درزي ولا مسيحي ؟ الا اذا اعتبرتيها اكثرية لازم تحكم وهاد كمان غلط لانك عم تناقضي حالك بالدعوة لحكم طائفي |
الموضوع بالنسبة الي واضح و ما بيحتاج أي شرح أو تبرير ومتل ماأثبتت ملفات لجان حقوق الإنسان التي تهتم بسورية للرأي العام ... لكن كما هو واضح الاراء دائما بتختلف سواء بسبب الخوف أو الجهل بالحقائق أو بكل بساطة يلي ما عاش الظلم بفضل تجاهل وجوده ...... شكرا للجميع على المشاركة .... ياسمين. |
اقتباس:
تعي لقلك انا رح اتناقش معك مع انو بعرف انو النقاش عقيم بس هلأ فينك تقولي انو النظام السعودي طائفي او الاردني او المصري لانو اكيد السلطة رح تكون محكومة من شخص من ظائفة معينة ما رح يكون في انسان مجتمعة فيه كل الطوائف ليكي لقلك شغلة انتو جماعة ضد التيار بتستخدمو هالشغلة لتبرزو لانو ما بيكون في عندكون امكانيات فبتمشو بعكس العام مشان العالم كلياتا تأشر عليكون يعني انا براهنك حتى لو كان الرئيس سني كنتو رح تحكو على الظلم اللي عالعلوية او عالمسيحية يعني متل ما قلت النقاش عقييييييييييم وما رح يجيب نتيجة |
النظام طائفي وغير طائفي حسب المكان.
من الناحية الإقتصادية فهو غير طائفي على الإطلاق فمافيات الإقتصاد من كل الطوائف رامي مخلوف وراتب الشلاح وصائب النحاس والسيد أنبوبا ومحمد حمشو وغيرهم الكثير من اللصوص هم من جميع الطوائف ارتبطوا مع مافيات السلطة بعلاقة شراكة حيث يمنحون رجال السلطة حصتهم مقابل غض النظر عن نشاطاتهم ومنحهم امتيازات وتراخيص احتكارية تؤمن للطرفين ربح سريع وفاحش ومضمون. من الناحية الأمنية فسيطرة الطائفة العلوية على كل مفاصل أمن النظام من مخابرات وحرس جمهوري وجيش هي علوية بالكامل وليست فقط علوية ولكن كلما ارتفعنا نحو الأعلى تصبح هناك درجة من القرابة مع رأس النظام وقد لا يعود ذلك إلى طائفية النظام بل إلى طبيعة تركيبه التي تعتمد على الشك والتخوين دائماً للآخر. من الناحية السياسية نلاحظ ان أعضاء مجلس الشعب والوزراء يمثلون كافة الطوائف والقوميات ولكن هذا لا يعني شيء لأن الجميع يعرف أن رئيس فرع مخابرات يملك من القوة والنفوذ ما يزيد بمئات المرات عن أي وزير أو عضو مجلس شعب. ملاحظة أخيرة معظم المدراء العامين ومدراء الشركات والمؤسسات هم علويون وكذلك غالبية الطلاب الموفدين للخارج والموظفين المعينين بالدولة هم علويون وهذا قد يعود أيضاً لأن الجهات الأمنية صاحبة اليد العليا في هذه التعيينات هم عليويين ودائماً الأقربون أولى بالمعروف. من ناحية المعارضة فالنظام غير طائفي على على الإطلاق فهو مستعد لسجن أي معارض مهما كان إنتمائه الطائفي أو الحزبي وقد عانى السجناء السياسيين من الطائفة العلوية أضعاف ما عانى منه الآخرون. أفراد الطائفة العلوية الطيبون الذين لم يرتبطوا بالنظام من أفضل الناس أخلاقاً فهم أصحاب جود وكرم وكذلك فهم أصحاب أصحابهم وفي وقت الشدة هم أصحاب موقف ولا يلينون مهما كانت التهديدات كما أن ظاهرة الكولكة والنفاق يندر وجودها بينهم وهم محبين للتعليم والثقافة. |
اقتباس:
نظرة شاملة من جميع النواحي و أظن تكفي لتلخيص الموضوع تحيتي:D |
اقتباس:
فعلا وجهة النظر هي بتلخض كل شي بس حابب ضيف شي صغير وهو انو النظام بيلعب على التناقضات الطائفية اللي هو اوجدها وبيقويها لانها احد اسباب بقاؤه يعني مثلا يتم الايحاء بان العلويين هم من يحكمون سوريا والنفوذ الن وحدن وهني وحدن الواصلين بهدف تنمية الحقد بنفوس الطائفة السنية رغم انو هالحكي مو صحيح وفي كتير من السنة ارتكبوا جرائم ونهبوا متلن متل غيرن ومن جهة تانية يتم ايهام ابناء الطائفة العلوية انو السنة كلن وهابيين واخوان مسلمين وانو عم يستنوا الفرصة ليدبحوا كل العلويين على الهوية وهدا الشي للاسف موجود بتفكير تسعين بالمية من الطائفة العلوية والنظام طبعا مكيف هيك لانو عم يقول للعالم انو لولا وجودو كان العالم بسوريا دبحت بعضها على الهوية |
اقتباس:
|
| الساعة بإيدك هلق يا سيدي 22:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون