|
رؤى بالمستشفى ..
اليوم انا نايم بامان الله هيك وصل مسج ع الموبايل
طبعا فيقني من عز نومتي قمت قريتو ولا لاقي وحدة كاتبتلي انا رفيقة رؤى بس حبيت خبرك انو رؤى بالمستشفى من يوم الجمعة لانو عملت حادث بالسيارة وصار معا ارتجاج بالدماغ وتشوهت ايدا :shock: اان قريت هيك قلت اكيد هي يامزحة يا اما انا عبقرا بنومي .. ورجعت كلمت نومتي .. ولا بعد شوي وصل نفس المسح انو رؤى بالمستشفى من يوم الجمعة لانو عملت حادث بالسيارة وصار معا ارتجاج بالدماغ وتشوهت ايدا ع حكي رفيقتا .. وهي فعلا رؤى انا ملاحظ غيابا من يوم الخميس لانو بالعادة كل يوم بتحكي معي تقريبا بس صلا من الخميس اخر مرة حكينا .. وانا طبعا المرة التانية فقت من نومي وعبدق لرفيقتا يمكن اكتر من شي 20 مرة ومارضية ترد لانو بصراحة الشغلة مافاتت بمخي خايف تطلع مزح وعبدق ع موبايل رؤى نفس الشي ماحدا عبرد وهلأ من ربع ساعة بعتتلي مسج رفيقتا قاللتي انو حالتا خطرة كتير وهي كل يوم الضهر عبتروح لعندا مشان ازا بدي منا وصل شي وعبدق وماعبترد حضرتا بقى شو مشان :cry: معقول يكون صاير معا حادث عنجد :cry: يالطيف ..! |
عم تمزح؟؟
|
اقتباس:
يما اانا دقيتلا اكتر من عشرين مرة لانو فكرت رفيقتا عبتتسلى بس ماعبترد :shock: لا هي ولا رفيقتا رفيقتا بس صار بعتت رسالتين |
اكيد مزح مستحيل غير هيك يكون ، لا لا لا الموضوع مزح صدقني بكرا بتشوف
يلعن اطلس لو كلامك صحيح |
عندي احساس انو رفيقتا عم تجدبها عليك
بكل الاحوال حاول اتدقدس اكتر عن الموضوع |
اي ما اانا اول مابعتت الرسالة الاولى قلت لحالي هي جاي عبتتولدن رفيقتا او بدن يعملو شي مزحة
ورجعت نمت عادي ومارديت ع شي بعد ساعتين نفس الشي وصل المسج قلت خليني ادق اشوف ماحدا عبرد |
العمى شو هاد
هو ممكن تكون مزحة بس مابظن لانو هيك اشيا مابينمزح فيها يعني مو لدرجة انو ارتجاج بالدماغ تشوهت ايدها وتكون مزحة بس انو ان شاالله مابكون في شي والله جد ( يالطيف ):? |
الله يقومها بالسلامة
حسن عم يقول انو الموضع جد مافينا نعرف شي لترد رفيقتها لرؤى او لترجع تدخل هي على كل حال انشاالله ما تكون حالتها خطرة وبتمنى انها تطلع مزحة ولو انها تقيلة |
رؤى .. معقولة :shock: ..
لك بعيد الشر ولو مو معقول يكون صابها هيك .. طمننا حسن دخيلك طمننا .. ضل دق لبين ما رفيقتا تجاوب .. انو رفيقتا ما بتعرف تتواصل غير بمسجات طيب ؟ حكي معا تلفون وتأكد :cry: |
اقتباس:
لك انا قلت لحالي معقول كل هادا تفاول ع حالا مشان مزحة هالهبلة :pos: اقتباس:
وفيقوني من نومي كمان |
إن شاء الله تطلع مزحة وما بكون عندها شي
أمين بس ما عرفتها , مين هي?? |
اقتباس:
ما انا هي رفيقتا عصبتني يابنت الحلال ردي يابنت العالم ردي يعني ازا مزحة مو حلوة هيك ماراضيا بس بعتتلي مسج قال حالتا خطرة كتير :shock: |
شو هالحكي
مستحيل يا شباب معارف رؤى حدا يجاوب غيابا ما بيريح بس ماني مصدق على كل انشالله يطلع الموضوع مزحة سيدي وازا مو مزحة الله يقومها بالسلامة :cry: يا رب بحق محمد وآل محمد وبحق المسيح وبحق جيفارا (مشان الأخوة الملحدين )تساعدها :cry: |
يا حسن ليش هيك بس!!! العالم هلاء قلقو عليها وهي ان شاء الله سليمة
انا حكيت معها كتير يوم الخميس بعد الفجر وبعدين الصبح عالساعة 9 . سئلت على جاد وكان بدا تعرف ايمتى بيدخل ماسينجر وحكيت عنك وعن خطيبتك اللي اختارتها الك , ماتركت شيء ماحكيت عنو وكان بدا اعمل شغلة يوم الخميس بس قلتلا صعب اليوم عندي كتير مشاغل من الصبح لغاية بالليل وقلتلا رح اجلا لبكرة , هي قالتلي بعرفك جبان منشان تستفزني المهم قالت انو مارح تقدر تفوت غير الخميس ،مابعرف شو ظروفها هلاء (بس ان شاء الله هي سليمة ) . اذا بدكون تدعو بالاحتياط او منشان بالكون يرتاح اوك (بس هي ان شاء الله سليمة) |
اقتباس:
ومن يوم الخميس اخر مرة حكيتا معا وعلى حكي رفيقتا الحادث صار الجمعة |
انشالله تكون مزحة والف سلامة على قلبها رؤى
|
له له له له له له لك حسن شو هالاخبار هي؟؟ :shock: :?
ان شاللع تكون مزحة و تكون رؤى سليمة يا رب بعدين قلي شغلة حسن : اذا الشغلة لا سمح الله جد طيب ليش رفيقتها ما عم ترد عليك؟؟ المفروض انو ترد و تحكي مو تطنش :jakoush::jakoush: على كل برجع بقول انشالله تكون مزحة و سلامتك رؤى ما على قلبك شر :cry: |
له له .. ان شالله مزحة ..
بس انو شو قصة الحوادث مع الأعضاء هاليومين ؟ >> - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
لك شوو هاد عين وصابتهن
|
ان شالله مزحة وبس :cry:
الله يرجعها بالسلامة :cry: وطمننااااااااااا عليهاااااااااا :sick: |
انا بقول مزحه .. لانو شغله متل هي ما بتخبر عنها بمسج :?
وبعدين لو لا قدر الله كان في منو هالحكي كان ردت رفيقتها عالتلفون وحكت شو الوضع انشالله تكون رؤى بخير والشغله مزحه |
اقتباس:
|
انشا الله تطلع مزحة وترجع لينا بالسلامة رؤى الله لايوريكي شر:cry:بلييز حسون اتأكد تاني انا اتصلت وما عم يجمع معي الخط يخرب المسافات:cry:
|
ادعو لها بالسلامة مابتستاهل الا كل خير
|
طيب وين رؤى لتوضح الموضوع لو انو مزحة؟؟؟؟
الله يستر بالسلامة رؤى:cry: |
لا بعيد الشر
و ان شاء الله ما يكون هالحكي صحيح حنى لو مزحة " مع احترامي لرفيقتا " تضرب هيك مزحة و ان شاء الله بالسلامة التامة يا رؤى " يا دلوعة سوريا " اذا كان الحكي صحيح و ترجيعي ع المنتدى بسرعة :cry: :cry: :cry: |
مااعتقد ان في احد يمزح بهالطريقة !!!!ومن بنات كمان!
ربنا يشفيها وتقوم بالسلامة ويبعد عنها كل مكروه جرب اتصل من رقم ثاني يمكن ترد وتتاكد اذا مقلب او لا |
لك شو هالحكي حسون :jakoush:
سلامة قلبا أم الرور انشالله يللي ببالي و مو هيي :larg: |
انو شومشان...
خلص بكرا اول مابفيق رح حاول دقلها انا لرؤى.... انشالله يكون هالحكي مو صح.. يعدمني حسون فوتتني بالحيط يازلمي رؤى ما ع قلبك شر حياتي |
انشالله يكون هالموضوع مو صحيح ..:cry:
وسلامتها انشالله ماعقلبها شر .. |
مشان تتأكدو خلو حدا من نفس الدولة اللي هيي فيها يدئلها ويكون من رقم غريب وبيكفي انو ترد لتنعرف انو مزحة لآنو مابعتقد انو تآطع كل أرقام البلد اللي هيي فيها مشان مزحة
وانشالله تكون مزحة وماعئلبها شر:D:D:D:D |
لا حول الله انو اول موضوع بفوت بقراه بيطلع هاد ... الله يسامح الي كان السبب..
ان شاء الله يكون الخبر جدبه من رفيقتها.. بس ابدا مو مزحة ترى.. واذا طلع الخبر غلط ..الك مني مخالفه فوتك المعتقل :p...لا كذب... بس جد ان شاء الله خير :D |
بدي العن سعدو البندوء مكان مالو قاعد ازا بطلع المووضوع مزحة من رفيقتا او منا :pos:
واليوم رفيقتا دقت ع موبايلي مرتين بس كان موبايلي ع الصامت وماسمعتو وهلأ لنتبهت عليه |
اقتباس:
حسووون .. يعني الحق كللو عليك صار هللا ترى .. عم تخلي العالم قاعدة ع اعصابا لأن حضرتك ما بدك حدا يفيقك من نومك وحاطتلي الشحاطة عل الصامت :aah: |
اقتباس:
بس انو رجعت دقيتلا 4 مرات وماعبترد حضرتا عنجد كتير عصبت منا .. لانو متل الجدبة ماعبفهم منا شي كفرتني بالعبري من برادتا |
مين هي رؤى..؟
الله يسلمها إلكن.! |
معليشي اعطي رايي؟؟
يا استاذ حسن من مفهوم ردودكن واضح انها مزحة خاصة بئلك عن تجربة ، انو انتا مستغرب انو ما في حدي (حدا) بيمزح هيك مزحة حتى الاهبل ما بيعملا بس بئلك في هيك بيمزحو ، وصارت انو شب بعرفو خلا رفيئو يرد على اتصال صاحبتو وخلاي يئللا انو هو عمل حادث و " مات " ... انتا مستغرب من انو ما في مزحة بيئولو فيها ( ارتجاج دماغ ) وبئلك لا تستغرب لانو الئصة يلي ئلتلك ياها المزحة كانت انو مات مش انو بس ارتجاج ، المهم في ويحد بموضوعك هادا بعتئد اسمو " محمد ابراهيم " ئال انو حكي معا وئالتلو انو الخميس اخر يوم هي بتدخلو لظروف بيجهلا هوي، يعني غيابا الجمعة مش بالضرورة يكون بسبب حادث، لانو تحصيل حاصل الخميس كان اخر يوم دخول الا (الها) لسبب معين وتانيا كانت بدا تطلب منو يعمل شي ، بلكي هالشي هو مئلب فيك؟؟!! ( عسى وعل ) ولو ئصة الحادث حئيئي كانت رفيئتا ردت عليك ، خاصة وئت انت ئلتلا ( بما معناه انو انت شيكك انو هي ع تحكي عنجد وانو يمكن هادي مزحة مش اكتر ) ولو صحيح هي عيملا حادث كان ع الائل حدي من اهلا رد عليك وئت انت اتصلت على موبايلا ، يعني ما معئولي حالتا خطرا وما حدي حدا ( جنبها ) الا رفيئتا الا ما يكون شي نفر من اهلا معا ، والا ما يكون هالحدي موجود وئت انت اتصلت وهيك المفروض كان يرد . سلام |
اقتباس:
من اليوم ورايح بتحط موبايل رنة بتفيق جمل وطمننا على رؤى لأن شكلها هي ورفيقتها عاملينك صلة الوصل الوحيدة للموضوع .... وانشاء الله تكون مزحة منك ومنها وتكون بخير لأن هيك موضوع مو حلو المفاولة فيه ... |
اقتباس:
اي هو لقلك انا اول مسج وصلني قريتو قلت هي اكيد مزحة ووحدة جاي تخفف دم .. ورجعت كملت نومتي وما نتكشت بالموضوغ بالمرة قلت اكيد مزحة ولا بعد بساعتين بصل نفس المسج انا بلشت اخد الموضوع جد شوي :? اي ومشان متل ماقلتلي انو مزحة انا لهلأ شاكك انو مزحة ومزحة تقيلة كتر وانو ياريت يطلع مزحة .. بصراحة مع انو غليظة اي ومشان اللي قالتلو لمحمد ابراهيم انو بدا تنقطع فترة خبرتني عن السبب اللي بدا تنقطع مشانو وهو سبب عنجد يعني كان عندا شغلة بالجامعة مهمة كتير وكتير انعجقت مشان هيك قررت انو ماتدخل ع النت شوي لتخلص اللي بايدا اي هي بالعادة كل يوم منحكي بس انا استغربت انو من يوم الجمعة ماحكت مغي مالا بالعادة فقالتلي رفيقتا انو الحادث صار معا يوم الجمعة فانا مشان هيك بلشت اخد الموضوع جد مع انو لهلأ متمني انو يطلع مزحة غليظة :pos: وبالنسبة لاهلا فهي انو القصة اهلا مابردو ع التلفون عرفتي كيف او يمكن يكون الموبايل محطوط بمكان ومخبى لانو هو مو مسكر .. مابعرف ان شاء الله تطلع المزحة غليظة :pos: :D |
اقتباس:
بصراحة انا معجوق كتير هالكم يوم وحالتي حالة ومالي مستعد ضيع كل هالوقت مشان مزحة متل هي تانيا انا مابحب افاول ع حدا بهيك مواضيع بفاول علي بشغلات تانية بس بالموت وهيك شغلات مابحب بعدين بصراحة انا بستخسر اكتب موضوع طويل عريض ونزلو مشان مزحة مابحب اتعب حالي يعني :cry: وانا مالي يد بالموضوع وكل اللي عبصير معي عبكتبو وازا طلعت مزحة عنجد كتير رح ان**ص لانو ضيعت كتير من وقتي من لما عرفت بالقصة .. بس لانو رؤى رفيقتي من زمان وبصراحة مالي مصدق اللي عبصير |
| الساعة بإيدك هلق يا سيدي 18:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون