|
كبسة زر ....... انفجار....... بشري ........قتلى وجرحى
دخل للبار محل ما العالم عم تسكر وترقص وتحشش وتشوف حياتها طلب الاكل واكل وبالحقيبة في غيتار قعد وبلش يعزف والتم عليه الناس وفجأة كبس زر وانفجر هو واللي معه
الحصيلة 20 قتيل و100 جريح من هوي ؟ ما بعرف كيف وصل ؟ كمان ما بعرف اللي بعرفه انو هوي زلمة عادي كتير لا واحواله منيحة اتعرف على عالم علموه دربوه عطوه غيتار فيه متفجرات وقالوله وين يروح وشو يعمل اللي بدي اساله معقول العقل البشري مستوعب هالشي معقول الدماغ قابل للغسيل لحتى شخص يدبح كابتن الطيارة ويفجر الطيارة بالبرج ليش ليعمل هيك يا ترى متل ما قال زياد الجوع والفقر والمرض والذل كافر لكن شو بعملك اذا اجتمعوا فيي كل الاشيا الكافرين صح اللي عم يعملوه ولا غلط ؟ شو اللي استفادوه ؟ واللي استفدناه ياترى عم تتم ادارة العملية صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟ ملاحظة : ما بقصد لا تيار ولا انتماء ولا دين ولا بلد وحكيي بشكل عام |
طبعا غلط.... و لي عودة
|
بانتظارك عمي ياس :D
|
ايواه ...
قلتلي حامل غيتار ... وعم يسكر ويرقص ويحشش .....مممممممممممم واخر شي صار بالجنة بعد كبسة الزر ...... منرجع للموضوع اقتباس:
لانو العقل البشري ما بيقبل بالقتل .... وبنفس الوقت في عدة عوامل لهاد الشي .... يعني ما بعتقد انو انسان طبيعي بيقدر ينغسل دماغو بهي السهولة .... الاعلام بيلعب دور .... طق الحنك والحقد الدفين بيلعب دور ... القعدة بلا شغل والفلتان بيلعب دور ..... في كتير قصص بتودي على هالشي .... اقتباس:
قصدك عن العملية الانتحارية ..... او عن العملية السياسية .... لانو ملغومة شوي ..... |
الاثنين التفجيرية والسياسة ومن كل الجهات
بعدين سؤال : قد ما كان غسيل الدماغ يوصل لانو واحد يفجر نفسه ولو كان باحوال جيدة وسؤال : لما واحد محاصر وما معه سلاح ايش بيعمل وما في معه سلاح الا جسده شو يعمل ماقلتلك صار بالجنة صحصح |
اقتباس:
ومن الناحية السياسية .....ممممممممممممم هون حطنا الجمال هلأ دايما السياسة بستخدم اوراق رابحة حتى تفرض سياستها ولما هي الوراق بتصير مستهلكة بتقوم بتحرقها على الاخر .... هلأ العمليات الانتحارية بحد ذاتها استعملت اكثر من مرة ومنزكر منها الانتحاريين اليابانيين ( الكاميكاز) وقت الحرب العالمية التانية بس كان استعمالها بمحلو لانو ما عاد ضل عند اليابانيين سلاح قوي قادر على الرد بس الوضع العربي مختلف كتير عنها هلأ صار مشان التخريب باحداث 82 بسوريا عمليات انتحارية من قبل الاخوان وهدول كانو موجهين وممولين من قبل النظام العراقي لانو كان على خلاف مع النظام السوري .... وما كان قادر على خوض حرب مع سوريا قام اختار هي الطريقة ..... و الوضع الفلسطيني مختلف ايضا كل الاختلاف .... لانو الوضع الفلسطين صاير متل الزيبق ( ما فيك تكمشو من جهة واحدة ) الانتحاريين عم يقومو بهاد الشي بدافع الانتقام وبدافع الدين بس سياسة الفصائل ساهمت بهاد الشي لانو هي الوسيلة الوحيدة يللي بتقدر تعمل اكبر ضرر باسرائيل .... والضرر هاد جاي اقتصادي وسياسي ...... بس كمان الدول الداعمة لهي الفصائل عم تستغل هاد الشي كورقة رابحة للضغط على الداخل الاسرائيلي مشان تقدر تكسب مواقف على طاولة المفاوضات ..... لانو هي العمليات بتعتبرها حرب صامتة على اسرائيل ..... ومن دون ما تدخل بحرب علنية معها وتخسر من قواتها ومن مصداقيتها امام بقية الشعوب والدول .... __________________ ومشان اسئلتك هلأ يللي عم يفجر نفسو غالبيتون من الشباب اليافع ... واعمارون ما تجاوزت العشرين ( هلأ بيجي المطارد بقلي في وحدة عمرها سبعين ) وهدول بكونو بمرحلة العواطف عم تلعب فيهون ومشاعرون بيقدر الشخص الناضج يتحكم فيها ويستغلها وبالاخص العامل الديني ( انو وعد بالجنة ومن هالحكي ) وسؤالك التاني هلأ المحاصر بكون فاقد الامل اذا كان بساحة حرب ....وممكن انو يصير اسير ومو بالضرورة يفجر نفسو بس كمان بنفس الوقت بيقدر ما يخلي نفسو يتحاصر ويكون اوعى من هيك ( كمدنيين ) يعني ممكن يتخذ اجراءات تانية مشان الحصار ما يدوم عليه بس بترجع الشغلة للانسان بحد ذاتو وهو وادراكو ودرجة الوعي عندو .... |
الانسان في وقتنا هاد مهيأ لاستيعاب القتل والدبح والموت .. من اللي عم يشوفو حواليه .. خصوصي بهالمنطقة من العالم ..
وانو الانسان يروح يحارب أو يقاتل وانو ممكن يموت أو ما يموت شي وانو يروح وهوي عارف انو ميت ميت ويفجر حالو شي تاني .. المشكلة بانو هالانسان قديه بدو يكون ضعيف من جوا وعلى الأغلب فارغ العقل لحتى يقدرو يقنعو بهيك قصة .. حتى ولو كان للدفاع عن شي مقدس بالنسبة الو سواء الوطن أو الدين .. الخ في شغلة فكرت فيها كتير .. انو بعيدا عن الدين وعن هالقصص الي منشوفها اليوم .. اذا فرضنا انو شخص ما ولنفرض انو لاديني بدو يفجر حالو بنقطة عسكرية للعدو من أجل وطنو .. هل يصح ذلك؟ بالنسبة للمؤمن الانتحار شيء محرم .. والانتحار انو تقتل حالك .. تسلب روحك باختيارك وليس كما يقدّر لها "الاله" .. وبالنسبة للاديني او الملحد .. الحياة ايضا شيء مقدس .. لانو ليس له غيرها .. انسانيته وما يفعله بهذه الحياة القصيرة شيء مهم جدا بالنسبة له .. توصلت لنتيجة عالاغلب انها ليست بذات اهمية لكنها راي شخصي وما بعرف اذا رح اقدر اعبر عنو صح .. انو يستطيع الانسان ان يكرس حياته لهدف ويعرّض نفسه للخطر من أجله .. لانه فقط يملك حياته .. اما الموت فهذا شيء آخر لا يمكن المساس به ببساطة لاننا لا نعرف شيء عنه .. تساؤل قد يكون ساذج بس انو ليش لا: شخص يمتلك متفجرات ويستطيع التسلل الى مكان .. لم لا يضعها في مكان مناسب ويهرب .. حتى يستطيع ان يقدم أكثر لخدمة قضيته .. ؟!! انا ضد العنف بالمجمل .. لكني اعلم بأنه يلزم احيانا ... لكن حتى العنف الو اصولو .. !! |
اقتباس:
أخي انت ليش متعب حالك وجايب هالموضوع احكي عن اسرائيل احكي كيف قتلت لبنانيين وفلسطينين بصبرا وشاتيلا احكي عن المجازر الصهيونية احكي عن ايمان حجو احكي عن الاف الجرائم حضرتك محامي دفاع اسرائيل شو بدك من واحد مقهور اغتصبوا ارضه وقتلوا امه وسجنوا اخوه واحد الاحتلال نكل بكل ابنتء شعبوا لعلمك ما في شي باسرائيل اسمهم مدنيين كلهم مجنديين خاضعين لجيش الاحتلال كل واحد اسرائيلي يخدم في جيش الدفاع والاحتياط وراجع الشئون المدنية باسرائيل لتعرف يعني ما في حد مدني مسكين غلبان كلهم مجرمين هالارض والبلاد مو الهم ولا حقهم افهم منيح وكل الشرائع السماوية سمحت للمظلوم بحق الدفاع عن نفسه بأي طريقة وبأي وسيلة مهما كانت |
اقتباس:
|
اقتباس:
اللي كتب الموضوع قلك الاستشهادي كان يسكر ويرقص مشان حضرتك تزاود اللي بيدافع عن ارضه وبلاده وشرفه وعرضه مو عيب العيب على اللي قاعد وتارك شرفه وعرضه تنداس العيب على اللي بيسكر وطول وقته بالحانات يا اخي في ميزة في حيوانات الخنازير انها لما يجي اي حيوان غريب على مزرعتهم ويقتل الانثى او يغتصبها بيهرب وبيغمض عيونه وبيترك المكان اختلاف عن باقي الحيوانات اللي بالفطرة تدافع عن نفسها وعن عائلتها فما بالك بالإنسان ؟ وانت بتقول انه بروح للعملية من الفشل والزهق ليكون معك علم غالبية الاستشهاديين والاستشهاديات من أوائل الطلبة في الجامعات ومن أنجح الناس بجامعاتهم حاول تعمل دراسة عن واحد وتسأل عنه رح تعرف النتيجة هؤلاء ناس ما بتحب الذل والعار الموت اهون من انه بشوف امه بتنقتل وارضه بتنسرق وكرامته بتنداس أما الانسان البارد البليد اللي ما بيحس فهذا امره شئ تاني |
اقتباس:
قصده واضح ومعروف انا مو من سكان المريخ الاستشهادي الوحيد اللي دخل البار وكان حامل غيثار هو الاستشهادي عز الدين المصري اللي فجر حاله بمطعم سابارو وقتل 20 واحد انا ابن البلد فهمني منيح وانت ليش حاطط حالك محامي دفاع اسرائيلي يا اخي عندك الف مجزرة صهيونية احكي عنها اذا عندك نخوة ووطنية لا تحط حالك قدام الضحية حط حالك قدام الجلاد واحكي عنه |
اقتباس:
وكل عقلك عم تقول عني محامي دفاع اسرائيل؟؟؟ روح تعلم غير ديباجة و تعال...ز ما راح اناقش معك لأنو صحتي تمنعني أناقش حيطان عوجة و ما بدي أطلع من الموضوع فهلأ انبح على كيفك لأني ماني راد عليك آخ يا غسان شو في ناس عقلها حجر الله يرحم الشهداء و ليخسأ من يتاجر بدمهم من أمثالك يا وقح.... و لسا الك وجه تضرب وطنيات علينا؟؟؟ روح تعلم الحكي و تعال |
اقتباس:
ميييين هنن ؟؟؟؟؟؟؟؟؟؟؟؟؟؟؟ مين قصدك باللي علموا ودربوا الخ ...؟؟؟؟؟؟ |
اقتباس:
يخسأ كل واحد بيتبرا منهم وبروح لليابان يخسأ كل واحد بيقول انه مقاوتنا غلط وشهدائنا غلط يقلنا طيب وين الصح يخسأ كل واحد لسا بدو ينظر في موضوع بيخصهم يخسأ كل واحد بيشوف الناس بتسب عالشهدا وبتقول عنهم سكارى وهو ساكت يا أخي خليك منطقي وحط عقلك براسك اكيد مو انا اللي بقرر وطنيتك بس كلامك وردودك هي اللي بتقرر خليك بشهداء الكاميكازي احسنلك |
الشخص الذي يقوم بهذه العمليات غالبا يحمل نفس البروفايل: شخص يعاني من ظروف مادية و اجتماعية سيئة جدا. هذا الوضع السيء يولد حالة نفسية من الشك و تجعله يطرح عدة تساؤلات أساسية.. هذه التساؤلات يجيب عليها مجموعة من الناس المهتمين بتجنيد هذا الشخص لعملياتهم... عادة يتم استغلال الدين من حيث الوعد بالآخرة و الجنة و ما الى ذلك من هذه الأمور.
|
اقتباس:
هلق صاروا عندك اشخاص يعانون من ظروف سيئة مادية واجتماعية يعني معنى الكلام مو للوطن والدين رايحين يفجروا حالهم بل رايحين ينتحروا حضرتك كشفت على قلوبهم ولا حضرتك باحث اجتماعي عرفت بسرعة هالنتيجة ولا اقتبستها من موقع اسرائيلي حضرتك فكرتني بالفيلم اللي عملته اسرائيل عن الاستشهاديين ووصفتهم بالفاشلين في الحياة فانتحروا مبين عليك وطني كتير حاضر هالفيلم وجاي تدافع وتغني وتكتب والك ساعة بتقلي يخسأ ومعصب حالك عليهم وانت بتطعن في شهادتهم ومقاومتهم حضرتك شفتهم ولا قريت عنهم انهم فاشلين في الحياة وبكل شئ هلق الاستشهاديات والاستشهاديين كلهم طلعوا فاشلين ورايحين للانتحار طيب الوطن الدم القدس الشرف بنصحك هلق تروح على فلسطين وتعمل بحث عنهم ولا حاول تتصل على جيرانهم واهلهم واسأل عنهم ما تلهث ورا الدعاية الاسرائيلية ةتركض وراها وتقتبس منها وتعملي فيها ابو الشرف كل منفذون هذه العمليات شاركت فيها كل الفصائل فتح حماس الجهاد الجبهة كلهم ما بيفهموا كلهم استغلاليين عالعموم بانصحك ارجعك الهم رح تعرف انهم من اوائل الطلبة في الجامعات والحياة والله هالبنات الاستشهاديات طلعن ارجل من الف واحد بيفكر حالوا راجل سلااااااااااااااااااااااا اااام يا ابو وطن ياللي خايف عالدم الشهدا |
اقتباس:
أول الشي: الحكي مو موجه لألك فلا يحشر حالك ثاني شي: ليش عم بتضيع وقتك معي مادامني متل ما عم بتقول؟؟ لهالدرجة حياتك فارغة لحتى تضيّع وقت معي؟ لا تزعج الناس و حل عنا بقا خلينا نعرف نتناقش |
اقتباس:
نبدأ بالاستشهاديات ارجل من الرجال وفاء ادريس الممرضة والاستشهادية / نفذت عملية القدس الغربية "وفاء علي إدريس" بطلة سوف يتذكر اسمها جيداً، الإسرائيليون والفلسطينيون أيضاً, وكل من يغار على فلسطين ويرفض سياسات شارون الدموية وكانت وفاء إدريس التي تعمل متطوعة في الهلال الأحمر الفلسطيني دارين أبو عيشة الاستشهادية طالبة الجامعة سنة 4 لم تكن دارين بالإنسانة العادية, فقد كانت شعلة من النشاط داخل الكتلة الإسلامية بجامعة النجاح, ملتزمة بدينها وعلى خلقٍ عالٍ "بهذه الكلمات وصفت "ابتسام" شقيقتها الإستشهادية دارين محمد أبو عيشة 22 عاماً الطالبة بالسنة الرابعة بجامعة النجاح, وتسكن قرية بيت وزن قضاء مدينة نابلس شمال الضفة الغربية المحامية الاستشهادية هنادي جرادات / دافعت عن حقها بطريقتها الخاصة لم ترغب أن تكون كباقي المحامين في الدفاع عن حقها في ساحة المحكمة التي تنعدم فيها الديمقراطية بل لجأت إلى أسلوب آخر يرغم الجميع على سماع صوتها ومعرفة ما تريده، هذه هي المحامية هنادي تيسير جرادات (29 عاماً) منفذة العملية الفدائية في مدينة حيفا المحتلة عام 48 والتي أوقعت 19 قتيلاً وما يزيد عن 60 جريحاً بجروح مختلفة فقدمت هذه المرة المرافعة الخاصة بها وبحق شعبها بطريقة نقلتها كل وسائل الإعلام ليعلم هبة دراغمة تركت الشهادة الجامعية وقالت وطني أولى هبة دراغمة ودعت أسرتها في طريقها لللشهادة الجامعية فحصلت على شهادةٍ خير منها وحققت حلم أخيها فشل الأخ في تحقيق حلم الشهادة، لكن الأخت استطاعت فعل هذا، بهذه الكلمات علقت "ميساء الطوباسي" جارة الاستشهادية "هبة عازم أبو خضير دراغمة"، على العملية الاستشهادية التي نفذتها هبة عصر الإثنين 19-5-2003 في العفولة شمال إسرائيل وأسفرت عن مقتل 3 إسرائيليين، وجرح 70 آخرين بينهم 13 في حالة خطرة آيات الأخرس صاحبة الامتياز في مدرستها ليلة العملية تواصل مذاكراتها لدروسها عروس بفستان الشهادة هذه الصبية الفلسطينية الحسناء طالبة في الصف الثالث الثانوي، لخصت مأساة الفلسطينيين برسالة مفتوحة وجهتها إلى ثلاث جهات قبل أن تفجر نفسها في القدس. الجزء الأول من الرسالة وجهته إلى الحكام العرب عرفت بتفوقها الدراسي, حيث حصلت على تقدير امتياز في الفصل الأول لعامها الدراسي, ورغم معرفتها بموعد استشهادها فإنها واصلت مذاكرة دروسها, وقضت طوال ساعات آخر ليلة تذاكر دروسها, وذهبت إلى مدرستها لتحضر آخر درس تعليمي لتؤكد لزميلاتها أهمية العلم الذي أوصتهم به أكمل لحضرتك عن الفاشلين والفاشلات لسا انا ما جبت عن الاستشهاديين الرجال اكمل ولا بيكفي ولا لساتهم بعينك فاشليم |
يا جماعة شوفولي بردودي وين كتبت كلمة فاشلين أو فاشلات أنا؟
المشكلة يخترع من عندو و يلزقها بظهري |
اقتباس:
( الذي يقوم بهذه العمليات غالبا يحمل نفس البروفايل: شخص يعاني من ظروف مادية و اجتماعية سيئة جدا. هذا الوضع السيء يولد حالة نفسية من الشك و تجعله يطرح عدة تساؤلات أساسية. ) باللي كتبته انا عن حياتهن لقيت شي من اللي انت بتفلسف فيه موجود بحياتهن هل شفت فشل اجتماعي ومادي ووضع سئ جدا ارجع لعقلك وارجع للي كتبته انا عن حياتهن رغم اني كتبت مقتطفات بتشوف بالعين اللي بدك اياها انت ما شفت حب الوطن بقلوبهن وحب الموت اهون من الذل والعار |
انو ما فهمت شي من هل حكي
هي امثله من وين جايبيها ... |
ليش الظروف الاجتماعية و المادية السيئة تعني الفشل يا ذكي؟؟ ممكن هالظروف ناتجة عن حالة سيئة عامة بالبلد أو احتلال أو ما الى ذلك و غير متعلقة بالشخص
افهم الكلام أول شي صحيح ما بعرف ليش عم تعّب حالي...دق المي و هيي مي, يعني ما بتعرفو غير تخونو العالم..... اذا محمود درويش و مارسيل خليفة عملتوهون خاينين...ليش ما راح تخونني لألي و أنا مجرد عضة نكرة بمنتدى |
اقتباس:
قلي رايك فيهن وفي اللي قامن فيه |
يا ريت يا حضرة المطارد رقم 1 .. تنتبه ..
نحنا عم بناقش موضوع هالعمليات اللي بيعتبرها البعض استشهادية .. والبعض انتحارية .. والبعض الآخر ارهابية .. بشكل عام .. لا ان ننكر على احد انتماؤه الوطني أو الديني .. الخ ... فيا ريت تلتزم بالموضوع .. لانو نحنا ما عم نتهم حدا .. نحنا عم بنحاول نفهم الموضوع من خلال عدة وجهات نظر .. فيا بتلتزم بالموضوع كما هو .. أو بلا ما تدخل على الموضوع هون وتبلش تغلط .. لانو بكون وقتها في اجراءات أخرى .. |
اقتباس:
التصرف ناتج عن فقدان أي أمل بحل آخر غير الموت ... على مبدأ: علي و على أعدائي... يعني لو أي واحد فينا بظروفهون ما بعرف شو كان ساوينا... بس مو حل هاد. و في مين عم يتاجر بآلامهون و أحزانهون....و أرواحهون هات لنشوف فسر كلامي على كيفك و انقعنا محاضرات لنشوف |
اقتباس:
انت قبل شوي بتقول ناتج عن سوء معيشة وحياة اجتماعية وسياسية واقتصادية سيئة جدا هلق بتقول نتيجة شعور بالقهر وممارسات الاحتلال وقمعه ومجازره البشعة ارسالك على بر أي ناتج ياللي دفعهم ؟ وبعدين مين كان الداقع اللي بعتهم الناتج الاول سوء الحياة الاقتصادية الاجتماعية هو اللي دفعهم ولا حب الوطن والدين والدفاع عن كرامته وشرفه هو اللي بعتهم ؟ |
اقتباس:
و عن جد عم تناقشني و مستني منك أسايرك بعد كل دررك؟؟ يا زلمة هلأ أنا شو ما حكيت... راح تعملني خاين, يعني ليش لنتعب بعض هلأ... خلص خيو انت اعتبرني خاين من هلأ و انا ما بزعل منك و هيك منقصر الشر و ما نخرّب الموضوع عالشباب |
- العمليات التي تقع في فلسطين أو أي أرض محتلة فهي استشهادية لانها تدخل في اطار حرب مع عدو محتل يفوقك عدة و عتادا , عدو يرى فيك هدفا للقتل, محتل يتفنن في اساليب الحصار و القتل و الاهانة, فالمستوى المادي او الاجتماعي بالنسبة لي ليس هو المحرك لهذه الفئة من الاستشهادين فهم يقوم بهذه العمليات دفاعا عن وجود شعبه و انتقاما من العدو. يعني حرب مباشرة مع الاسرائليين غير ممكنة فهل يترك الفلسطينيون الصهاينة يقتلون و يستبيحون الاعراض ؟؟ ام يردوا باسلوبهم حتى يعرفونهم معنى القتل و فقدان العزيز
-العمليات التي تجري في بلدان مستقلة بحجة معارضة النظام او دولة او تكفير طائفة (مدريد-لندن-الجزائر-لقصر-الدار البيضاء-عمان- العراق......) فهذه عمليات مرفوضة و هي ارهابية فالاختلاف في التفكير و المبادئ ليس مبررا للقتل |
اقتباس:
|
اقتباس:
لم تجب عن الاسئلة حظاً أوفر |
يعني هلا سؤال انا عايش حاله من الكأبه و التعب النفسي الشديد
هل هذا معناه انو ممكن اعمل عمليه تفجيريه بحدا و بهيك بكون رتحت و فدت بلدي و قتلت كم واحد من الكفره طيب ؟؟؟ انو ماعم افهم انو ليش صارت المعادله انو الانتحاري او الاستشهادي متل ما بسمي هيه افضل الطرق ، مع انو في طرق افضل من هيك بكتير الواحد ممكن يحارب فيها ن لك ليكو يحيى عياش الله يرحمو لا فجر حالو ولا فجر العالم ، بس حسن يخسر اسرائيل بلاوي ... لو بتوعى ليحيى عياش بتعرف شو عم احكي ... لا بعت حدا يفجر جوا ولا برا بس كان يعمل شغل صح و يزرع باماكن حيويه ... بس هلا للاسف صارت الطرق الاسرع التفجير باي وسيله و باي مكان |
اقتباس:
الكاتب حكى عن عملية الشهيد عز الدين المصري اللي دخل البار وحامل الغيثار وكان حامل حزام ناسف وكان يغني بالبار وفجر حاله فيهم وكان الغيثار ملغم وهالقصة ما صارت بأي مكان تاني بالعالم احنا يا اخي مو جايين من ورا البقر ياريت تفهم |
اقتباس:
خيو افلاس... الله معك |
اقتباس:
|
اقتباس:
|
اقتباس:
من جهة اخرى لكل مرحلة زمنية ومكان نوع من العمليات تفرضها الظروف فمن الحروب العصابات و المواجهة المباشرة كانت اسلوب تشيغيفارا بسبب تداخل حدود الدول الامريكية اللاتينية مما يوفر مساحة كبيرة للمناورة بالاضافة لدعم الكتلة الشرقية( تقريبا نفس الظروف التي استفاد منها حزب الله) و اسلوب الرهائن و الاختطافات و المفخخات كان اختيار كارلوس الذي نقل الصراع لقلب اوروبا مستفيدا من دعم الاتحاد السوفياتي لكن و بسبب طبيعة الدول الاوروبية كان من المستحيل تكون جيش او شن حرب عصابات لذا و قع اختياره على الاسلوب السابث ذكره . حركات المقاومة في منطقة الشرق الاوسط لا تستفيد من عمق استراتيجي و لا من دعم خارجي و تعاني من حصار دولي اذن بقية العمليات الاستشهادية هي الحل الوحيد |
اقتباس:
وهل الفقر مع الوعد بالجنة كافيان ليصل الى تفجير نفسه |
اقتباس:
بس الدفاع بكون بالتفجير ؟؟ بعدين تعا لقلك ... انا كل يوم بشرب وبروح على البارات ...... صرت عيب انا ؟؟؟جاوبني لشوف ... ليكون مالي حق عيش حياتي ..... وبعدين بدي اشرب وارقص وعربد واعمل السبعة وذمتها ... شو الك عندي .... ويللي بروح على العملية الاستشهادية بكون اكبر فاشل .... اي ومغسول دماغو كمان .... وحاجة تقلي دارسين وبطيخ مبسمر .... اصلا ما ضل حدا بهاد الوقت مو دارس .. يعني لعاب غيرها .. قال دارسين .....سمعو على هالحكي .... يللي بافريقيا عم يدرس .. بعدين ارض مين عم تنسرق اذا لهلأ اسرائيل عم تعطيكون كهرباء ومي وكل احتياجاتكون من اسرائيل ..... لك يا عمي شايف حالك انت بالاستشهاديين ومبسوط فيهون ليش ما تروح تعمل عملية استشهادية انت ... جاوبني .... روح البس حزام ناسف وفجر حالك وحاجة تضرب على ربنا وطنيات بس قلك ... انت ما بتروح بتفجر حالك ... لانو بدك تضل تحكي بهي القصص مشان تعمل لنفسك شأن بس فعلا العقل زينة |
يعني وصف كل الاستشهاديين بانهم فاشلين و دماغهم مغسول ليس بالكلام المنطقي و الا لاعتبرنا اي جندي يذهب للدفاع عن وطنه فاشل و بدون عقل لان هناك احتمال كبير ان يستشهد او ان يقتل مدنيين اثناء قصفه لمدن او بنايات.
قضية العمليات الاستشهادية يجب الا تعزل عن بيئتها فهي تتم في اراضي محتلة منذ 1948 تم اخراج سكانها الاصلين و تشريدهم و حل محلهم شعب اخر لا علاقة له بهذه الارض سوى قصص التوراة,و الباقي منهم تم عزله في كانتونات او اذا صح التعبير سجون عملاقة . هذا المستعمر شعبه كله مجند لانه لا يزال لم يتخلص من احساسه بانه مستعمر, الاسرائليين ارتكبوا جرائم فاقت الخيال قتل تشريد تجويع.... و المقاومة محاصرة من طرف الكل حتى الدول العربية, اذا لا تعيبوا على المقاومة لتبنيها لهذا الاسلوب. اما عن كون اسرائيل تمد الفلسطينيين بالكهرباء او خدمات اخرى فهذا مفهوم غلط لان اسرائيل تاخذ مقابل مادي لكل سلعة او خدمة تقدمها للفلسطينيين وليس احسانا او انسانية. |
يا سيدي عليي النعمة انك شغلة
لك يا بني ادم هي القصة انا فبركتا من مخي لانو ما بدي اقصد حدا معين ولا بلد وبعدين يا ........................... قلت فات على بار محل ما الناس ترقص وتسكر وتحشش يعني مو هوي اللي عمل هيك وبعدين شبون الكاميكازي بعدي ؟ انا قاصدون متلون متل التفجيريين بفلسطين متل اللي عملوا 11 ايلول متل كتر غيرون وفشرت انت ودفشك لهون تحاكيني انا او اي حدا من الشباب باسلوبك هاد بدي اشكر ياس وكوستا انو عنجد شو هالبال الطويل الكون طيب يا جماعة هلا انا عندي سؤالين ملغومين الاول : هدول اللي عملوا 11 سبتمبر شو بنصنفون انو مقاومة ولا شو ويا ترى لهدرجة انغسل دماغون ؟ شفت مجموعة من وصاياهون وقريتا حسيت انو غسيل الدماغ اللي تعرضوله فظيع رغم انو كلون يفترض يكونوا مخاخ السؤال الثاني بوضع فلسطين شو الحل اذا ما استخدموا العمليات التفجيرية يعني رح كون محامي ( ال.......) هلا واحد صار فيه كل هالقصص شو ممكن يعمل ؟ وما في بايده سلاح غير جسده ولو اني بشك بهالشي بس اوكي انو شو ممكن يعمل |
| الساعة بإيدك هلق يا سيدي 10:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون