|
هل توجد حقا حياة بعد الموت؟؟؟؟؟؟
هل توجد حقا حياة بعد الموت؟؟؟؟؟؟ قبل ان اجيبك على هذا السؤال البسيط،اود ان تجيبوا على سؤالي اولا:هل بإمكانك تحديد اليوم الذي ستفارق فيه الحياة؟الجواب بالطبع لا، فلا احد على الاطلاق يمكنه الجزم في الامور الغيبية التي لا تدركها الحواس. كما أنه يوجد من يملك الاجابة الصحيحة عن هذا السؤال وهم الاموات لأنهم تخطوا مرحلة بعد الحياة و ذاقوا طعم الموت وأدركوا ما هناك واصبحوايملكون الحقيقة المطقلةالتي لا يشوبها شك ، ولكنه يتعذر علينا التواصل معهم،ولهذا سنكتفي بإستعمال العقل و المنطق السليم. فهذاالسؤال يحتمل جوابين احدهما صحيح، الجواب الاول:٥٠ في المئة لا وجود لحياة بعد الموت(العدم)، الجواب الثاني:٥٠ في المئة يوجد حياة بعدالموت(الجزاء أو العقاب) ،ولكي نتمكن من معرفة الجواب الصحيح سنقوم بكتابة حجج و براهين من يقول بصحة الجواب الاول ومن يقول بصحة الجواب الثاني دلائل عقلية،ومن ثم سنستنتج الحكم. دلائل وحجج من يقول بوجود حياة بعد الموت: (أنا واحد منهم) الدليل الاول:لا يمكن لأ حد منا ان ينكرهذه الحقيقة التي يعلمها كل إنسان عاقل في هذا الوجود، ولكن بعضهم يقوم بتجاهلها وهي أن كلا منا كان ميتا قبل ان يأتي إلى هذه الحياة ثم سيموت ولا بد،ومن هنا اذا كان الانسان قد إنتقل في بدء الامر من موت إلى حياة، فهل يستحيل ان يحيا بعد الموت؟ تركت الاجابة لك. الدليل الثاني:إذا فارقت هذه الحياة الفانية وأنا ممن يعتقدون أن هناك حياة ابدية أخرى تنتظرني إستعددت لهاقب الرحيل (الجنة أو النار) ووجدت ذلك حقيقة فسأفوز فوزا عظيما،اما من انكر وجودها و لم يستعد لها شقي وخاب،لان هو وجدعكس ما إعتقد، فحرم رغد العيش الكريم و خلد في العذاب المهين. أما إذا لم أجد حياة بعد الموت (الفناءـ العدم) فلن أخسر أي شئ لا أنا و لا من كان يعتقد هذا نحن سواسية. الدليل :إذالم يكن هناك بعد الموت حساب على الاعمال، سيقوم كل منا بالتعدي على الاخر بإنتهاك عرضه و أخذ ماله او يسلبه حياته بدون حق وإن ستطاع أن يفرمن عقاب القانون بالتحايل عليه و التلاعب به وماأكثرهم لتضمنه عدة ثغرات،ألايتحق الظالم العقاب ؟ هل ستكون في وجهة نظرك الحياة عادلة ؟ تركت الاجابة لك. ومن قام بمساعدة المحتاج و نصر المضلوم و إقامة العدل بين الناس .....ولم ياستوفي الناس حقه في هذه الحياة الا يستحق الجزاء. ارجوا ن يقوم من يقول بعدم وجود حياة بعد الموت بطرح ادلته، وشكراااااااا |
لا احد في العالم كله ينكر ( حيات الجنين داخل بطن امه )
ورغم التشابه الكبير بين الحياه قبل الميلاد والحياه بعد الموت الا ان الكثير ينكر الحياه بعد الموت ولو صح ذلك لما اسوت الحياه ولا صحت ابدا |
الاديان السماويه الثلاث تكلمت عن الحياة ما بعد الموت و هاذا دليل ديني فيك تقول على وجود حياة بعد الموت ولولا وجودها او انعدامها لما تكلم عاليها كل من الانبياء و وصفو لنا شي يسمى بالجنه يدخلها الصالحين و اخرى هي النار يدخلها كل من خالف و اغضب ربه .....و على هاذا الاساس يجزم الاكثريه بوجد حياة ما بعد موت الانسان و انتقال الروح للسماء لانه الجسد بالنهاية فاني و من وجهة نظر اخرى بعيده عن الدين...يمكن الجنة و النار الي بنسمع عنهم هي حياتنا الي بنعيشها حالياا لانه كتار منا عايشين بنار و العكس صحيح ^_^ بالنهاية اذا مت راح حاول ارجع بروحي لخبرك بس يا خوفي من الخوفه تلحقني و ما تخبر بالي خبرتك ياه:D |
قتول حالك وشوف
|
هل الموضوع أكبر مني ومنك منها ومن العالم كلن
اذا بدنا نعقد نفكر رح نجن ورح نألحد لأنه هالموضوع كتير بضيع وبيحمل احتمالات كتيرة وانا بالنسبة الي كتير فكرت فيه وفكرت بموضيع تانية وكنت رح وصل لمرحلة الالحاد الا شوي بس بالنهاية قررت انه ما فكر فيه وانسى الموضوع بس انا لهلأ ما عم بقتنع انه في اخرة برأيي انه هي الاخرة الي عم نعيشها هلأ لانه متل ما قالت جوليانا انه نحن بحياتنا عم نعيش الجنة وعم نعيش النار وبالنهاية لا تفكروا كتير بهالموضوع بتجنوا بعد ما منموت منعرف |
إنني أأمن إيمانا لاريب فيه بأن هنالك حياة أخرى بعد الموت،وأحال الاستعداد لها قدر المستطاع ولكن المشكل أن هناك من ينكرها و ينكر وجود الله و لذالك أريد أن أناظره بالادلة العقلية لا الدينية لأنه يرفضها أصلا.وشكرا جزيلا لكي على ردكي المتميز.jouliana
|
إذا فاقت الحياة ووجدت أن هناك جزاء و عقاب، كيف سيكون شعورك أنذاك؟
وشكرا جزيلا لك يا myimmortal |
لم أكن موجودا قبل أن أولد ...ولن أكون موجودا بعد أن أموت ....
الموت هو النهاية ..هكذا ببساطة :pos: |
أوافقك الرأي يا وجعتوا راسي كلامك صحيح
وشكرا جزيلا لك |
اقتباس:
شكرا كثير على زوقك يا عسل :ss: |
اقتباس:
|
اقتباس:
مشكور انت كمان |
اقتباس:
أخي وحبيبي "الكترون" اذا أنا ما رح أرجع عيش بعد ما أموت كنت قتلت حالي هلأ وخلصت لأنو الحياة بتقرف و فيها أحزان أكتر بكتير من الأفراح بقى شو بدي بوجعت هالراسأموت و أرتاح " صح ولا لأ" ؟ لذلك معظم الناس اللي بتآمن أنو في حياة بعد الموت بتخاف تموت قبل ما تعمل شي يفوتن عالجنة أما اذا انت ما بتآمن فأكيد انت ما بتخاف من الموت و بنظري أنو اللي ما بآمنو أنو في حياة بعد الموت لازم ينتحروا ..... لأنو شايف كيف الزيادات السكانية على الأرض يعني مشان يريحونا شوي لأنو نحن بدنا نشتغل لآخرتنا هنن لأ ما عندن هم وراهم وتقبل مروري أخ عبد الواحد |
اقتباس:
كيف استنتجت انو كلنا كنا اموات قبل الحياة ممكن اي شرح علمي للقصة لانو مافاتت بمخي اقتباس:
يعني ايمانك بالقصة عبارة عن تفكير بربح وخسارة :? اقتباس:
اول شي مين قلك انو الرادع الاخلاقي الوحيد هوي الايمان بالآخرة.... وين راح الضمير ووين راحت التربية :? بالاضافة لانو مجرد افتراضك انو الحياة لازم تكون عادلة هاد مانو دليل باي شكل من الاشكال |
اقتباس:
مين قلك انو اللي مابيآمن بالحياة الآخرى مابيخاف من الموت بالعكس هوي عندو دافع للحياة انو يعيش ويترك اثر بالحياة اكتر من المؤمن بالحياة التانية لانو المؤمن عارف انو رح يرجع يعيش بكل الاحوال اقتباس:
عذرا منك بس لما بتتمنى الموت والانتحار لبشر كرمال راحتك وكرمال تفضى اكتر تشتغل لآخرتك بتكون عم تضمن الجنة؟؟ :D |
يا خيتو الزلمة كان قصدو أدلة عقلية منطقية بعيدة عن الدين ولو بدك اثباتات من الدين مليان أما انو الواحد يكون ميت قبل ما يجي على الحياة فهي مثبتة علمياً أنو الجنين ببطن أمه بيتكون لمدة أربعة شهور بدون حياة بعدين الله بعيشو بالشهر الرابع " أوله أو نهايته مابعرف" بس هي حقيقة وبالنسبة للضمير والتربية فانت يمكن أهلك ربوك على الشغلات الكويسة والأصيلة ليش ؟ لأنهم بآمنوا أنو في آخرة والضمير بينشأ مع التربية أما الناس اللي ما بتآمن أنو في آخرة فما رح يربوا ولادهم على انهم يحبوا الناس ولا يعملوا خير ليش ؟ لأنو همن الوحيد يجيبوا مصاري ويعيشو برفاهية باعتبار انو ما رح يعيشوا بعد هيك فرح يربوا أولادهم على أساس جيب مصاري من وين ما بدك ما بيهم كيف وان شاء الله تكون الفكرة وصلتك |
يا خيتو أنا بس عمحاول اثبت وجهة نظر يعني جد أنا لو مافي حياة بعد الموت و ما رح أتحاسب كنت انتحرت
أنا وكتير من رفقاتي اللي بيدرسوا معي بالجامعة لأنو الحياة فيها تعقيدات و حزن وقرف أكتر من الفرح |
موضوع مهم و خصوصاً بانه كتير من الغربيين ما بيعتقدو بــــ "Afterlife" يعني الآ خره و الجنه و النار و ما هنالك, فتلاقيهن متمسكين كتير بالحياه و هاد الشي مذكور بالقرآن الكريم.
فبعضن بيقول الحياه نهايتها متل ما تعمل "Shut down" للكمبيوتر و خلص, منشان هيك ما بيتوانو عن فعل اي شي مخالف للانسانيه او مخالف للأعراف البشريه, يعني للتوضيح بتلاقي ناس بيساوو الـ "Incest"يعني نكاح المحارم, ناهيك عن التخلّي عن الأجنّه في البطون و بيعها فهي تستخدم في مستحضرات التجميل, في عندك يا عزيزي كل 6 دقائق باميريكا تقرير ضرب زوج لزوجته او خليل لخليلته. كل هالامور هي سببها برأيي عدم دراسه الدين و التعمق بتعاليمه و العمل بها, مرّه كنت بمكتبه فدخل ولاد قطع الــ 12 و الــ14 فواحد منهن شال الإنجيل من رف العرض و قال لأصحابه بلهجه ساخره و كان عم يتضحك: إنجيل الحياه بعد الموت بتترسخ بفكر البشر بسبب دراسه المعتقد الديني, فمثلاً جاهليه قريش ما كانو بيعترفو بحياه تانيه و هاد طبعاً مذكور بالقرآن الكريم, مع اعتبار أنهم كانو بيعرفو بأنه الله هو الخالق. أما قصه كنّا ميتين و حيينا هون البنت قصدها " تقمص الأرواح " بتلاقو ببعض الديانات و مغزاه, بان الروح تُهيّأ بعده مراحل للوصول إلى درجه الكمال" Nirvana" و هي أسمى درجه تصل لها ارواح البشر حيث تُطهر من كل الشرور و الأخطاء..... بس يا عزيزتي ما بتلاقي هالشي و لا بديانه كتابيه. و شكراً عالموضوع:D |
اقتباس:
الجنين من يوم اللي بيتشكل ببطن امه بيكون عنده حياة ومابيكون ميت ولو كان ميت ماكان بيصير فيه انقسامات وتحولات لحتى يتطور للشكل البشري..... بس سبب الاختلاط انو بالفترة الاولى من الحمل وكونه لسه ماتطور للشكل البشري بيقولو انو ماعنده حياة بشرية..... بس هوي عنده حياة ومانه ميت ومنشان انو الي مابيآمن بالحياة الآخرة همه بس جمع المصاري كتير غلطان فيها.... بيكون عنده ايمان بالبشرية وبيكون عنده ضمير وهاد الضمير بيجي من التربية والاخلاق العامة للمجتمع بغض النظر عن المعتقدات الدينية وبيكون عنده هم كبير انو يترك أثر ايجابي للبشرية بحيث يحقق حياة خالدة لاسمه من خلال ايجابياته اقتباس:
|
اقتباس:
بقى مافي داعي كل قصة ندحشها بالغرب ونقول بيصير عندون ومابيصير عنا بالاضافة لانو وجود هالقصص عنا وبكثرة دليل انو مجرد الايمان بالآخرة مابيمنع عنها :D |
اقتباس:
بعدين اذا معتقدات وتقاليد البلد اللي انتي فيها كلها كانت ما بتآمن أنو في حياة بعد الموت فما رح يكون في أي نوع من الاحترام والضمير والشغلات اللي بتحكي عنا والدليل شوفي أمريكا معظم الناس هزنيك ما بآمنو أنو في حياة بعد ما يموتوا و في ناس بتقلك انا ما رح أموت شوفي كيف تصرفاتهم و حياتهم كيف عايشينها |
اقتباس:
وانا سبق وقلت انو مابيكون عنده حياة بشرية بس عنده حياة ومانو ميت اقتباس:
|
تدبُّ الروح في الجنين في الشهر الثالث من الحمل, من شان هيك بيصير حرام الإجهاض بعد الشهر الثالث
حتى هون في ولايات ما بتسمح بالإجهاض بعد الاسبوع 12 من الحمل يعني دبّت روح بقطعه هاللحم. و كمان فيها شويه خطوره عالبرنسيسه يلّي بدها تعمل إجهاض |
اقتباس:
|
اقتباس:
اقتباس:
بظن كان في حديث عن الجنين و كيف تدخل في الروح بالشهر الرابع أنا حبيت و ضّح هالفكره منشان هيك " الشيئ بالشيئ يُذكر" يا عزيزتي.! اوكي...!! |
اقتباس:
|
يا عيني عليك يا (التقرير الجوال) هاد اللي كان بدي أوصلو وبعدين الانسان كائن حي متكامل مو وحيد خلية لذلك لا يسمى عايش إلا اذا كان متكامل
وبالنسبة ل (ياريت لو انك تفوت عالجرايد العربية وتشوف انو كل الحالات اللي ذكرتها من نكاح المحارم والعنف الزوجي مافي اكتر منه بالمجتمعات العربية والمتدينة وكون واثق انو هالشي عم يصير بالمجتمعات العربية المتدينة وكتير كمان بس عنا في محاولة تكتم على كل شي مابيعجبنا يعني نسبة هيك اشياء عم تصير عنا لسه اكبر بكتير عن المعلن عنه بقى مافي داعي كل قصة ندحشها بالغرب ونقول بيصير عندون ومابيصير عنا بالاضافة لانو وجود هالقصص عنا وبكثرة دليل انو مجرد الايمان بالآخرة مابيمنع عنها ) فانت معك حق وحقك على راسي بس هالشي عمبيصير عنا بسبب بعدنا عن الله وقربنا للغرب لأنو العرب جرب وكل شي بيعملو الأمريكي بيقلدو العربي و عاداتنا وتقاليدنا بلشت تتحور و تصير متل الغرب بس لأنو هنن عملو هيك نحن بدنا نعمل هيك يعني الوازع الديني بطل يأثر مع الشعوب الغبية قصدي العربية وبطل يهمن في جنة وفي نار لذلك كل هالشي عمبيصير عنا واعذريني اذا انا حكيت شي غلط أو ما ناسب رأيك |
اقتباس:
Nice to talk to you |
اقتباس:
سمعت عن هيك شغلات بس الحديث بدو يكون اشمل و منطقي يعني يلّي عمل نكاح المحارم مع بنته بالبلاد العربيه , بتلاقي انسن و ليسى انسان, مجرد من كل القيم الانسانيه و الحياتيه, تلاقي سكّير عربيد, يعني ما في إلو حل إلا الإعدام, لأنه بيعرف الدين بس تطاول عليه. شو نسبه هالشي ياترى..؟ واخد بالالف...؟ لأ ممكن اقل بس بالغرب لما يساوو هالشي بيكون بسبب الضياع و كمان بسبب نفس أسباب فعل هالشي بالشرق. بس لما يساووها العرب, بدك تسمي هون اذلال للنفس البشريه مع سبق اصرار. منشان هيك ما فيك تعذر العرب لما يساوو هالشي. بس فيك تعذر الغرب, بسبب الجهل على كلٍ النسبه عند العرب لا تذكر, و اكيد في شواذ بكل مكان |
اقتباس:
انا قلت انو بيكون عايش (اللي هيي ضد كلمة موت اللي هي اساس النقاش) بس مو حياة بشرية:D |
اقتباس:
انتو التنين صح 1. عايش أو بالدقه خلايا حيّه من دون روح يعني فيك تقول قطعه من جسم الأم 2. عايش بعد الشهر التالث يعني دم و لحم و روح, كيان مستقل بذاته يتغذى من مشيمه الام و مع التطور بيكون عنده قلب خاص و اوعيه خاصه و كمان ضغط دموي خاص. مرقوها بقى:D:lol: |
اقتباس:
بس بهديك المرحلة حتى قلبه ما عمينبض بس هي خلايا وعمتكبر و الانسان متل ما حكيت ماهو وحيد خلية يعني لازم يكون كل شي فيه شغال حتى نسمي عايش |
اقتباس:
وعلى فكرة نكاح المحرم محرم قانونيا ومحرم اجتماعيا بالغرب حتى بين ولاد العم هوي نكاح محارم والناس اللي بتعملو بيكون اسمها شواذ بالضبط متل ماهني شواذ بمجتمعنا.... والسبب بهالشذوذ ماهوي الدين او البعد عن الدين هوي قلة اخلاق وتربية مريضة وكرمال اللي عم يقول انو بمجتمعنا هيي تقليد للغرب وبس بقلو غلطان لانو طول عمرو عم تصير عنا هيك حالات شاذة حتى قبل مانبلش نسمع بالغرب وحياتون ونبلش بتقليدون :D |
اقتباس:
بس رأيي أنو في حياة بعد الموت ورأيها لأ متل ما بدك كل واحد يضل على رأيو وشكر كبير لصاحب الموضوع لأنو موضوع بيستاهل النقاش |
اقتباس:
وشكرا التقرير الجوال وضحها بشكل حلو :D اقتباس:
|
اقتباس:
متل ما تكون ببطن امه ومتل ما الله قدر يخلقه ببطن امه و نفخ فيه الروح بيقدر يعيشوا بعد ما يموت |
اقتباس:
اقتباس:
بمعنى تاني مانو علمي ابدا ونحنا اتفاقنا يكون الكلام علمي :D |
اقتباس:
المضغه و العلقه و الجنين كلهن مراحل بيدخل فيها الجنبن الحي الّذي سوف تُبث فيه الروح عندما يشاء الله و لما بيكون مضغه او علقه, بظن بانه ليسى أي كائن مستقل له أجهزته التي يعتمد عليها في البقاء اما عن و جود الحياه فيه , فالحياه موجوده فيه.... ومتل ما تقول هي النبته حيّه يعني عم يصير فيها تفاعلات فيزيولوجيه كمان هيك الجنين قبا ادخال الروح في. الاجهاض مشروع شرعاً قبل دخول الروح في جسم الجنين, منشان هيك قبل هو بس قطعه لحم يعني ما في حرج عند ازهاقها لأنها مو روح, بس عند بثّ الروح هون دخلنا بالحرام و صار في ازهاق روح. الجنين عيش حياه فيزيولوجيه قبل بث الروح, اما بعدها فهي حياه لاهوتيه تكتنفها رعايه الله بسبب وجود الروح |
لك شو القصه وجود العلقه بسبب تعشيش البيضه الملقحه ببطانه الرحم
و هيك بتبلش فيها العمليات الفيزيولوجيه |
اقتباس:
طيب بدك كلام علمي رح جبلك كلام علمي بس هلأ بدي أروح أكمل دراستي لأنو شكل القعدة طويلة كتير و انا عندي امتحان بكره و لسه مو مخلص المادة really nice to chat with you guys see you soon |
| الساعة بإيدك هلق يا سيدي 06:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون