|
تذكرتموه او لم تتذكرونه فإن التاريخ لن ينساه
تذكرتموه او لم تتذكرونه فإن التاريخ لن ينساه تعد هذه المرة من المرات النادرة التي احاول ان اكتب فيها شيئا ولا استطع ،ان البداية اصعب عليا من اي بداية قد شرعت فيها فيما مضى،لا اخفي عليكم قولا ان الساعات قد مرت دون ان احسم تلك البداية اللعينة ,حتى قررت ان اكتب واي كلمات ستتبادر الى ذهني ساضعها هنا , وها انا ذا افعل .مساء يوم الخميس أي قبل البارحة قد عدت الى منزلي منهكا بشدة وأشعر اني لم انم منذ زمن ولاأرغب بشيء سوى رؤية فراشي ولم تكن الساعة تجاوزت السادسة مساءا ,لم اتناول طعامي من رغبتي الملحة في النوم السريع.وخلدت الى النوم مباشرة وأثناء نومي حدث شيء غريب ،لاول مرة احلم بشخص معين رغم اني اعرفه منذ فترة ,واستيقظت قرابة الساعة الحادية عشر مساءا ,اول شيء فعلته هو اني حاولت ان اتذكر ماذا حدث بالحلم ؟ ماذا دار بيني وبين ذلك الشخص وهل يريد مني شيئا ؟؟لم اتذكر شيئا وحكم على محاولتي بالفشل . حاولت ان اتذكر اذا كنت قد فكرت بهذا الشخص قبل النوم او شيء من هذا القبيل محاولا البحث عن سبب للعقل الباطن كي يخرجه الي بالحلم ,بل ذهبت الى ابعد من ذلك وتاكدت من ان الغطاء محكم علي ولا اعلم نظريات علمية او غير عليمية تبرر ماحدث غير هاتين,على كل حال لم اتذكره قبل النوم بل انا على يقين بان اخر مرة تذكرته فيها كانت قبل خمسة ايام من الحلم ,ساعتها حاولت كثيرا ان افكر لماذا هو تحديدا وليس غيره من رايت بالحلم وقلت لحالي ولو كان غيره لسئلت نفسك السؤال ذاته ,أرهقني البحث كثيرا ولم اصل لجواب فكانت كل محاولاتي عبث .. مع الوقت بدات اشعر اني مقصر بحقه بحجة ان ليس بيدي شيء افعله من اجله وشرعت بالتفكير في وسيلة افعل بها شيء من اجله وان كان بسيط ,مع تساقط الافكار وفشلها واحدة تلو الاخرى لمعت بذهني واحدة ،قلت ربما تلك هي بالتحديد ما اردت ,فهي بسيطة ومعبرة وسهلة التنفيذ ناهيك عن رمزيتها . كانت الفكرة أن امتنع عن الحديث و الاكل و الشراب لمدة ستون دقيقة .تضامنا مع هذا الشخص وقد قلت سانفذ هذا في يوم الخميس القادم الساعة التاسعة مساءا بل وفكرت ماذا لو طرحت الامر عليكم فكم ستساوي ستون دقيقة بلا طعام او شراب او حديث؟!!!! انه لامر بسيط ولكن يبقى شيء اخر اكثر اهمية من كل ذلك هو ,,, من هو هذا الشخص وماذا فعل حتى نشغل بالنا به ؟؟هل قدم شيئا مفيدا وهل يستحق ان نشغل بالنا به ؟!!!!. هذا الشخص هو كريم من يعرفونه الان قلائل للاسف تجدونه هنا تحت اسم كريمبو ولايخفى على احد من هو كريم الا ويكون الخاسر , من العجيب في الامر اايضا اني وهو قد كنا على الاغلب طوال الفترة السابقة أشبه بالشيئين المتضادين ,المعنى وعكسه ,قل ولن تخطئ لقد كنا أشبه بطرفي نقيض لم يكن ذلك فيما يتعلق بالفكر الايماني الغيبي فحسب بل تخطى ذلك لنقاشات عدة متنوعة ومع ذلك يوجد قدر عظيم من الاعجاب تجاهه ،فعندما تقارن بينه وبين اقرانه فتجد انك امام حالات عدة اسوأها هو ذاك الشخص الذي يصيبك بالغثيان ناهيك عن الاشمئزازعلى كل حال فهو شخص امعة غير مكترث بوطنه لا تشعر انه يحبه ولايهمه مصلحته ولايدري مايقوله ولعل أبرز مايصيبك بالغثيان هو كيف لك ان تتحكم بمشاعرك تجاه شخص لايكترث لوطنه بالطبع هو شخص يثيرني شخصيا ويجعلني عصبيا .وعلى النقيض تماما من هذه الشخصية اجد كريم فهو احد اكثر الاشخاص على الاطلاق رأيته يحب وطنه فهو من النوع العاشق لوطنه وهذا النوع الذي يحظى بالحظ الاوفر من احترامي واعجابي وهذا ماكان مميزا فيه بشدة ولم اكن اهتم كثيرا بثقافته العالية او ذكائه او سرعة بديهته او ذوقه او قدراته الكبيرة على النقاش وبلاغته وفصاحته فكل ذلك كان امورا ثانوية مكملة في رايي. ان هذا الشخص الذي اتحدث عنه الان هو وراء القضبان بدون تهمة وبدون اذن قضائي لم يتم احالة قضيته الى المدعي العام ولا يعرف اسن هو الان !!! ربما كان ذنبه الوحيد هو انه يحب وطنه بشغف ولك ان ترى ذلك خلال ردوده هنا هي تبك الردود التي يتخذها من قام بوضعه وراء القضبان ذريعة كي يضعه ورائها متناسين ان تلك الردود والكتابات لازالت شاهد عيان على افكهم وظلمهم ,لك ان تتصور ان الشمس لا تدخل تلك الغرفة وان رائحتها نتنة وناهيك عن مايمكن ان يلاقيه المعتقل من بعض البهائم والحيوانات التي تتعامل معه ,قد يخطر على قلبك اشياء لكن بالطبع لن يخطر الكثير على قلبك , لأن هناك ما لاعين رات ولاخطر على قلب بشر سوي بالطبع لن تخطر على قلبك كلها الا اذا كنت شخص غيرسوي تتلذذ بتعذيب الناس. لا اعلم متى ستقرأ تلك السطور وان كنت اتمنى ان تقرئها قريبا ولكني اود ان اخبرك ياعزيزي أن من هم مثلك لايجب ان ينساهم أحد لا هنا بالمنتدى ولا باي مكان اخر ,وأود ان اخبرك اني لم اكن احسب قط اني ساكون اكثر المتأثرين بغيابك عن هذا الموقع على الاطلاق فكلما دخلت موضوعا تمنيت ان ارى ردا لك حتى يستنفرني ليجعلني اشارك ،وددت لو اضع موضوعا خصيصا لاجعلك تشترك فيه كما كنت تعتقد اني افعل ,كم انا مشتاق لرؤية احرفك .كم انا مفتقدك هنا . لا اعلم إن كان هذا سيسعدك ام يحزنك حين تقرئه ,ولكني ساكتبه لك ,لقد توقفت ثلاث مرات ا وانا اكتب هذا الجزء الاخير والسبب هو ان عيناي قد دمعت من اجلك وكلما سيطرت عليها وعدت للكتابة تعاود هي مرة ثانية .وما كنت احسب ان تدمع يوما من اجلك وانت من انت, وانا من انا ، ولكنها سخرية القدر تجعلنا نتشارك الالم والحزن جميعا بارادتنا او رغما عنها . بعد ست من الايام سيكون قد مرّ على اعتقال كريم ست من الشهور ،كان الله معه وأرجوكم أدعوا له وصلوا من اجله . أردت فقط ان اسطر واسجل هنا بكلتا يداي شهادة لك لتقرئها فيما بعد وليقرئها الجميع الان .هذا هو رأيي فيك وتلك هي مشاعري تجاهك , ولا اخشى في ذلك لومة لائم او ذي سلطان ,وفي ذلك حسبي الله وهو نعم الوكيل . |
شكرا محمد عالكلمة الحلوة
انا شخصيا ما بعرفو لكريم بس من خلال حكيكن عنو بالفترة الاخيرة دورت على مواضيع الو و مناقشات الو و عجبني كتير كانسان مفكر و شخصية محترمة جدا ان شالله بيفرجوا عنو باقرب وقت يا رب و بيرجعلنا لهون :D:D |
يا سيدي شو بتعمل
يا سيدي الكريم وافترضنا اننا قد صمنا عن الطعام
فنحن كرهبان الدين يعتزلون الكون لأجل ما يعتقدونه في السماء وهذا ما كان يرفضه كريم وكان كريم يرفض ان في السماء ما هو اقوى من الإنسان فهل نعتكف رهبانا من اجله كمن يغيظه لا أدري ما سنفعل ولكني رغم اعتراضي ولأني مستعد لأن أفعل شيء سأعلن صيامي يوم الخميس القادم |
وانا معكن:D
مايسترو |
اقتباس:
والاهم على الاطلاق هو مشاعرك الطيبة نحوه وامنيتك برجوعو لهون بأقرب وقت. اقتباس:
ولم يكن صياما على الاطلاق ,لايوجد صيام بالامتناع عن الحديث في اي دين او عقيدة , كما انها مجرد ساعة وايضا هذا لايعد صيام في اي دين او عقيدة . انها مجرد فكرة بسيطة (حتى يبقى هذا الشخص في الذاكرة) ربما سيسألك أحد من اهلك او اصدقائك لماذا لم تتحدث في الساعة الماضية او لماذا لم تشرب ,وستبدا بالتحدث عن ان هناك شخصا ترك بصمة من واضحة عبر موقع عى الانترنت وهو الان حبيس جدران بلا تهمة وبلا اذن قضائي وبلا محاكمة والمثير في الامر أنه وقع عليه ظلما كبير . عزيزي ان كنت فعلا تهتم بما لا يرضي كريم فانه لايرضيه صمتكم , فهيا انطق ,انطق وقل ماذا ترى في شخص تم اعتقاله بدون تهمة وبدون اذن قضائي و لم يتم احالة قضيته الى المدعي العام حتى الان والانكى ان لا احد من اهله وذويه يعرف اين هو الان !!!!!! هيا انطق فان سكوتك بالطبع لايرضيه . |
بتذكر وقت التقيت بكريم .....
لحظة ما بقدر انساها سلم عليي وقلي اهلين كوستا ضحكت وقلتلو كيفك كريمبو ...... وقعدنا سوى وقتها وحكينا كتير .... كنا مبسوطين انو عم نحكي بحرية ومختلفين بالاراء ......... وشربنا كاس سوى ..... وبتذكر كان الدنيي شتي .... وبرد .....شربنا نبيد ... قعدة كانت حلوة عن جد ...... اييييييه ما بيتسكر على حدا ...... |
اقتباس:
وبنفس الوقت بحسدك لانك شفتو مباشر واني ماقدرت وما كان الي هالحظ. بيكفي اني قول للعالم منشان تفهمو جزء بسيط جدا من طبيعية كريم , على الرغم من انو حكينا كتير سوا ماسينجر الا انو ولا مرة من هالمرات حكينا عن الايمان او الالحاد ,يعني لا كان فارق معي انو يكون مؤمن ولا هو كان فارق معو اني صير ملحد . ما متل ما انتو فاهمين ومفكرين،،،، انو كريم اللي ارتبط اسمو بالمنبر وارتبط المنبر باسمو ماكان المنبر بيشكل منو غير جزء "مجرد جزء" هالجزء بكل عظمتو وحجمو الكبير واهميتو , ماوضح اديش كريم كان انسان وماوضح شيء عن كريم الانسان الا القليل , ومع ذلك طلبت منو انو يخرج شوي لباقي الاقسام لانو كان حاصر وقتو وفكرو ومجهودو للمنبر على حساب اي شيء تاني. على كل حال من الاحوال كريم الانسان كان راقي جدا والاهم انو كريم شخصية عظيمة بالنسبة للاخوية ومافي كلام رح يوصفو او يعطيه حجمو , اقل شيء ممكن نقدمو الو انو نضل متذكرينو ولو على فترات حتى ومارح نطلب اشياء اكبر من الذكرى. |
:D:D:D:D
|
تحية الك حمادة وعلى هالكلام الحلو وعلى هالاخلاق تبعتك
وبصراحة اكتر موضوع اثر فيني عن كريم من بين كل المواضيع اللي نزلت عنو هو هالموضوع لانو كلامو قريب من القلب كتير ومبسط وبعيد عن الفلسفة |
الله يفك اسرو بس برايكن لما يطلع رح يرجع يكتب بالمنتدى بعد البلاوي اللي شافها بالسجن؟؟
|
الحرية لكريم عربجي وشباب الأخوية الأسرى
|
:D مؤثر
الله يكون معو ويفك اسرو :) |
ما اجمل مشاعركم ان شاء الله تسعد كريم وقت يشوفا .
بس حبيت أعلق على هالرد اقتباس:
طبعا الانسان بيتأثر من التجارب يللي بيمر فيها واكيد رح يتأثر . مع انو اصلا كل كتاباتو مافيها اي شيء مثير او مستفز , انا اصلا ما متخيل اللي حصل , كريم ما وجه اي انتقاد لشخص بذاتو او سب على شخصية معينة او اي تجاوز صدر منه . مافي اكتر من انتقادات لتصرفات او مواقف وعادية جدا , واكتر شيء بيؤكد اللي قلتو هو انو لهاللحظة ما توجهلو اتهام ولا خضع لاي محاكمة (لو كان متهم او مذنب كان اتحاكم ) . لهالسبب انا بتوقع ان شاء الله انو يخرج باسرع وقت , . من ناحية تانية انا واثق انو اكيد رح يتاثر بهالتجربة . ورح تكون كتاباتو اقل وذات طابع هادي . |
الله يفك اسرو و اسر الشباب كلهم ...
الصراحه موضوع ولا اروع من هيك يعني يلي ما عرفو صار يعرفو من هل موضوع تسلم ايدك ابو حميد |
وانا معكم يا رفاق :D
|
اقتباس:
اي الله يسمع منك بس يعني مو شايف انو غريبة شوي بتدعي للزلمة الله يفك اسرو وانت عم تدافع عن اللي حبسو وحبس الالاف متلو ظلم ومن دون اي محاكمة؟؟؟:frown: |
شو منشان أبو حميد ناشريلو المقالة بأخبار الشرق؟؟ هاد اللينك:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - محجوب بسوريا |
هع
شو مشان!! انشالله بس يكونو اخدين اذنو |
اقتباس:
انا عم دافع عن الشي الصح و هل شي حكتو قبل هيك انا مع النظام و مع الرئيس وهاد شي الكل بيعرفو و بدفع بطريقة مستميته كمان صح . بس هاد مو معناه انو مافي غلاط بالاجهزه ، بعدين شو يعني حكية الله يفك اسرو و اسر الشباب وين الغلط ، يعني لو واحد صاحبي نحبس و حكية الله يفك اسرو بهل حاله انا بكون ناقدت حالي ؟؟ او خالفة النظام ؟؟ هي شغله انسانيه و اي انسان عندو احساس المفروض يحكي هل كلمه يا ريت تكون وصلتك الفكره |
اقتباس:
انا حسيت انو لازم اكتب شيء عن والى كريم وكل الاعضاء باخوية تشوفو . ما كان ببالي انو رح يعجب حد هون , هو بالاصل تعبير كان بدي احكي واكتب شيء كان لازم اكتبو من شهور . طبعا بعتقد انو شيءايجابي انو مواقع تانية تنشر المقالة "اللي مابعرف كيف صارت مقالة" انا وقت كتبتا ما كنت بفكر اصلا تكون بصورة مقالة عالاطلاق , حتى هالاسلوب اللي كتبت فيه اول مرة بكتب فيه . طبعا لفت انتباهي ملاحظتك وعملت بحث على جوجل لاقتيت الموضوع منقول باكتر من موقع منها موقع الناخب السوري هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بعتقد هاد اول نشر للموضوع برا الاخوية كان بتاريخ يوم2ومن بعدو كلو يوم 3 وبموقع احرار سوريا هون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبموقع سوريا الحرة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهون بموقع الكل من اجل سوريا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - والمفاجأه االاكبر كانت نقل اخبار الشرق للموضوع . لكن اعتقد ان كل هالمواقع محجوبة بسوريا !!!!! للاسف |
اقتباس:
وهاد شيء بيسعدني انو اكتر عدد ممكن رح يقرا هالمادة ، عالم كتير هلاء رح تتذكر كريم وشو هو كريم وانو مافي محاكمة تمت بالنسبة الو لهلاء وانو مظلوم .غير ايجابيات كتير من ورا النشر بعدة مواقع . * ملاحظة ما اخدو اذن قبل النشر (بس انا من هون بقول هاد تصريح مني لاي مكان بانو يعيد نشر الموضوع حتى لو لم يسجل اسمي عليه .يكفيني انتشار الموضوع . ومابدي اي حقوق للمادة المكتوبة. اقتباس:
كريم تم اعتقاله بدون تهمة وبدون اذن قضائي و لم يتم احالة قضيته الى المدعي العام حتى الان بالاضافة الى ان لا احد من اهله او ذويه يعلم أين هو الان !!!!! |
وياريت لو كل واحد يفرّق بين دعم النظام وتأييدو وبين تجاوزات بعض افراد الاجهزة الامنية (اللي احيانا بتكرر كثيرا) ، كريم شخص مظلوم وسبق ووضحت كتير وسارددها كثيرا ولن اياس او املّ
هي اهم شي بينحكى فيه |
اقتباس:
|
اقتباس:
|
مع الفكرة العظيمة . جملة ً و تفصيلا ً
شكرا ً جدا ً جزيلا ً محمد . و ألف مبروك بصراحة لما قريت المقالة منشورة بأكتر من موقع كتير فرحت . و من عندي بتكفل بمحاولة نشر المقالة بأي موقع بتطولو إيدي .. :D:D اقتباس:
أنو يا أخي حط حالك لمدة دقيقة بفرع فلسطين مطرح هالشخص يا ترا رح تضل بتحكي هالحكي بس ما في خواص , اللي ايدو بالنار ما متل ايدو بالمي .. |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!
هلا ما عم نبيض على حدا بس ببساطة الموضوع رد على اللي قاله ايهم |
يلي ايدو بالمي مو متل يلي ايدو بالنار صح الحكي
بس حدا حكالك حط ايدك بالنار و انت بتعرف انو هي نار و بتعرف بس تحط ايدك فيها شو بدو يصرلك !!!! الشغله مو كبت ولا الشغله تنظير ، الشغله انو كل شي ممكن يصير بشكل منظم و خطوه خطوه ، مشكلتنا بسوريا حبينا كل شي بسرعه و نقفز كل مية خطوه سوى ... وهي النتائج للاسف |
اقتباس:
وضاف عليه المكتوب بالاحمر اقتباس:
انا كتبت لاش المتعاطف مع كريم واللي بيتمنى فك اسرو واللي بنفس الوقت مؤيد للنظام (كتبت التالي) بالعكس موقفك عظيم وياريت لو كل واحد يفرّق بين دعم النظام وتأييدو وبين تجاوزات بعض افراد الاجهزة الامنية (اللي احيانا بتكرر كثيرا) ، كريم شخص مظلوم وسبق ووضحت كتير وسارددها كثيرا ولن اياس او املّ ، كريم تم اعتقاله بدون تهمة وبدون اذن قضائي و لم يتم احالة قضيته الى المدعي العام حتى الان بالاضافة الى ان لا احد من اهله او ذويه يعلم أين هو الان !!!!! * انا هون ماني بصدد نقاش اذا كان هاد يللي حاصل نهج عام او سلوك متكرر من بعض او كثير او كل افراد الاجهزة الامنية (على الاطلاق, ما هاي مشكلتنا بهالموضوع , خليا بحالة كريم , كحالة خاصة وانا متعاطف مع اي حالة مماثلة وقع عليها ظلم )، لكني بصدد نقاش انو ظلم وسلوك خاطئ وما لازم يكون مقابلو سكوت , بل على العكس لازم العالم تنطق بانو ظلم وتجاوز غير مقبول . اقتباس:
واجمل شيء هو انو لو حد حط حالو مكان كريم واتخيل شوي نفسو مكانو (ياريت تكون تعليقات متوازنة) يعني لا استفزازية ولاتكون تعليقات انهزامية (تقبل تعرض انسان للظلم من دون وجه حق ) دون نطق حرف واحد . بالاول وبالاخر هاد المنبر يعني كريم بصورة او باخرى ، انا لما بسمع كلمة منبر كاني سمعت كلمة كريم ، بدي قول انو كريم دافع عن هالمنبر كتير منشان يكون في دايما حرية (يعني راي وراي مخالف) مارح استكثر علي اي حد يحط رئيو هون , المنبر رح يتحمل ارائكون كلكون ،هاد الاكيد. |
اقتباس:
بس بجب قلك يا محمد اني جديد بالمنتدى وما كنت عرفان السبب اللي خلاهن يعتقلو كريم بس لما حاولت دور بالمواضيع القديمة اللي حاطط فيها مشاركاتو عرفت ليش هيك ساوو في لانو مثقف وبيعرف كتيير شغلات عن تاريخ البلد ومو بس هيك عم يحاول يوعي الناس التانيين من خلال مشاركاتو مشان هيك بنظر الجلادين هو انسان كتير خطير على النظام وانا بصراحة كتير احترمتو لانو كان عم يكتب كل هالمشاركات من داخل سوريا واللي بيعارض هيك نظام رهيب من داخل سوريا بيستاهل والله جائزة نوبل بدون مبالغة مرة تانية الله يفك اسرو واسر سوريا معو |
انا معكم لروح كريم وروح كل الاحرار بالدنيا رح صوم هالساعة وقضيها بس تفكير بالكلمة وحدودها وعظمة ان نكون متل كريم.
جميل منك هذه الالتفاتة يا محمد.... والأجمل أن تكون لانسان عظيم في تأثيره... موعدنا في التاسعة ...بس ما حددتها بغرينتش لانو عنا اختلاف بالوقت بس انا رح اعتبرها التاسعة عنا... الى لقاء |
هلأ في مئات من البشر اللي ما كانت تعرف قصة كريم عربجي وبفضل لحظة صمت عرفت مين هو
تحية له حيث يستقر جسده الأن |
| الساعة بإيدك هلق يا سيدي 06:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون