|
انابوليس: العرب على قلب رجل واحد
يذهب العرب جميعا الى انابوليس .
الجولان مطروح على اجندة انابوليس . *عمرو موسى : سنذهب لانابوليس لبحث تسوية شاملة للصراع العربي الاسرائيلي . *سعود الفيصل سيشارك في انابوليس من اجل وحدة الصف العربي . وفقا لتصريح له قال انه لم تكن هناك رغبة للسعودية بالمشاركة في المؤتمر ولكن دعما لوحدة الصف العربي . الكل ذاهب سوريا الاردن مصر السعودية فلسطين وكل الزعماء الباقيين يرحبون * العرب يظهرون على قلب رجل واحد ولكني اتوقع مفاجاة هناك :o متشائم وماني مصدق انو فعلا في اتفاق ولو حتى شكليا . حاسس انو في ضربة لايران قبل نهاية الشهر الاخير من عام 2007 والمؤتمر للتغطية عليها وربما يكون في صفقة سياسية .(متشائم من الموتمر) |
اقتباس:
ولا اني مستبعد ضرب ايران هالسنة بس في وجهة نظر بانو تكون تغطية ما بتعرف شو ممكن يطلع معهم بس لازم يحسبوها صح |
اقتباس:
بالنسبة لاستبعادك ضرب ايران هالسة بحب ااطنك انو لو شهر 12 انتهى ودخلنا بال2008 مافي ضربة لايران او لاي مكان لانو بيبلش العد العكسي للانتخابات الاميركية , كل المجهود والتركيز بيروحو عالانتخابات منشان هاد الاهم في مستقبل امريكا او بالاحرى سياسين اميركا . يعني يمر هالشهر بيكون ايران بامان . طبعا ايران بحد ذاتا ما مهمه بس مابعد . |
مع اني اشاركك تشائمك ولكن الامر كله لا يخلو من حفل وداع للرئيس بوش وضمن الحفل بعض الوصايا العقيمة بمحاربة الارهاب ولكن مجرد عودة العرب من هناك وسلة اسرائيل خالية فهو نجاح
يعني على اساس ان سلة العرب مثقوبة |
اقتباس:
هاد الشهر ولا بعدين مابتفرق الحكومة الامريكية بتحسب حساب للشارع الامريكي ومن المعروف انو الشارع الامريكي ضد الممارسات الامريكية بالعراق وافغانستان شلون بقى إذا بدن يقومو بحرب تالتة ضد ايران ... ووقت بتحكي حرب ضد ايران بيشمل هالحرب تصعيد بجنوب لبنان وزيادة بالممارسات العدوانية بفلسطين وممكن وهاد شي متوقع جدا في حال ماتم إرضاء سوريابـ انابوليس انو تتصعد الامور ايضا ع جبهة الجولان لهيك هلئ بنستبعد اي ضربة لبعد المؤتمر ولبعد الانتخابات الامريكية وهي وجهة نظري وكل التقدير إلك عالموضوع :D |
اقتباس:
بس اسمحلي ضيف شغلة انو بشكل عام الشارع العربي صار عندو حالة من اللاشعور اتجاه مؤتمرات السلام يعني إذا صار مؤتمر ولا لاء ما بتفرق انو الشعب بحالة ملل وقرف من الحكي الفاضي والعلاك إذا كانت سلة اسرائيل فاضية ولا سلة العرب - المثقوبة - مليانة كلو متل بعضو |
اخي على قول الست فيروز
احترف الحزن والانتظار احيانا ياتيك الله بما لا تعلمه ويخالف كل حسابات المنجمين سواء اكانو متفائلين او متشائمين يعني الانسان ما يستعجل القطاف الرياح العالمية كلها في حالت هيجان ونحن العرب كما النمل امام جيش سليمان وعلى اساس القاعدة يلي بتحكي درء المفاسد اولى من جلب المصالح علينا كمراقبين التريث بل والسير مع التيار الى ان يهدء ثم نخالف اتجاهه واسمح لي هنا ان اسجل اعتراضي على بعض المحسوبين على المعارضة ةالذين يحملون مفهوم المعارضة على انه فقط المعارضة يعني ( تخرب معي ولا تعمر مع غيري ) الى جانب مسالة التخوين والتكفير والعمالة والخ من هاي المراهقات السياسية وهناك دلائل كثيرة على ان هذا النوع من المعارضة لديه مرونة الية في الانقلاب على اطروحاته وافكاره لدرجة التعارض والتضاد مع ما كن ينادي به وهذا ان دل فانه يدل على قصر نظر ومراهقة سياسية وتضيع في جهود ووقت كان لابد ان يستثمر في كسب الفرص والنقاط وليس كما يقول المثل ( عوزين جنازة ونشبع فيها لطم 9 وانر شمعة بدلا من ان تلعن الظلام دمت بود |
اقتباس:
اسمحلي افترض انو الحكي إلي ... انا معك انو علينا التريث وذكرت باول رد شيء من هاد القبيل والكلام اللي حكيناه هو فرضيات بحسب الواقع اللي قدامنا اما بالنسبة لاعتراضك مابعرف إذا عم تفترض هالشي علي او ع حدا تاني وهلئ اسمحلي اعتذر منك عن متابعة الحوار لان المحل بدو يسكر وبرجع بكرا تحياتي إلك :D |
لا احي اعوز بالله
ما تفهمني خطأ اخي كلامي موجه لمن يمارس تلك الطريقة ولا اقصدك شخصيا بكلامي ابدا ومع الف سلامة اخي |
اقتباس:
انو الوضع شكلو اكبر من انو يكون حفل وداع واتمنى العرب يرحو بسلة سليمة وخالية من الثقوب . اقتباس:
بعيدن لاتنسى انو فوق ال 50% من الشعب الاميركي مع انسحاب الجيش الاميركي من العراق + انو اكتر من 50% من نواب الكونجرس مع انسحاب الجيش الاميركي من العراق . يعني اللي بدو الادارة الاميركية هو اللي رح يصير , ومانو مستبعد نفيق بيوم نلاقي اميركا ضاربة الاهداف الاستراتيجية لايران . اذا حزب الله ضرب اهداف اسرائيلية بهالتوقيت (بيكون بيحارب من اجل ايران) ما من منطلق المقاومة او الاسلام او لبنان او حتى الله (مع انو الحزب اسمو حزب الله) المهم اسرائيل رح تدك الجنوب كامل ومافي اي حد من لبنان او خارجو رح يساعد الحزب .لانو بيكون جرجر لبنان للهلاك منشان ايران ما منشان لبنان عالاقل !!!!! *بخصوص الجولان .النظام السوري اذكى من النظام الايراني بمراحل , مارح يفوت بحرب بالجولان بعد 34 سنة (من اجل عيون ايران) تراب سوريا اكيد اغلى من تراب ايران !!!!! من وجهة نظر النظام السوري . والمهم انو لا تتخيل انو اسرائيل رح تسكت على هجوم سوريا . اذا وصلنا لهالنقطة الغير متزنة بيصير كوارث (بس بعتقد قواعد اللعبة ما بتسمح ) هيك العملية غير متزنة . من ناحية مابعتقد باقي الدول العربية ينفع تسكوت لانو بيكونفي 4 دول عربية في حرب ومواجهات مع اميركا واسرائيل . ناهيك عن ضغوط اميركا على السودان وتمويلها لحركات الانفصال (اخص بال1كر الحركة الشعية لتحرير السودان) +نفس الدور في الصومال ... وماخفي كان اعظم . لبنان والعراق وسوريا وفلسطين |
نعم الكل سيذهب على قلب واحد ، وهناك سيتفرق الكل و يتمزق هذا القلب الواحد :D
|
اقتباس:
يعني تعودنا مع نهاية كل عهد ...نشوف هيك حركة ..... بس بتضل حركات عقيمة |
اقتباس:
فــــالمؤتمر محصود الارباح مسبقاً//1/تلميع السياسه الامريكيه الفاشله قبل مغادرة بوش 2/ ذر الرماد في عيون القاده العرب وتوجيه الانظار نحو الملف الايراني بتهدئة الوضع الفلسطيني بااسلوب الخدع كالعاده 3/ مواساة اولمرت بعد الفشل في حرب لبنان واستجرار الاعتراف بيهودية اسرائيل على ماتدعيه دوله لها 4/استكمال المخطط الصهيوني عى الدول العربيه بتمزيق مايسمى (مقاومه ) كل ذلك مقروء عيانا ًوالعرب يسارعون والكل يسارع لتلبية الدعوة :?...........عفواً (الاستدعاء)) ,حتى يكونو شهوداً لسقوط ورقة التوت الاخيرة عن عوراتهم ,,,فإذا ثانكيو اميركا فنعم التربيه:deal: اقتباس:
|
1 ملف مرفق .
اقتباس:
هاد شكل العرب بالاجتماع |
اقتباس:
بيني وبينك .. كمان انا زيك شامة ريحة شي مو طبيعي .. لانو غريبة انو العرب يتفقوا على شي ... بس السعودية اجت عل مؤتمر بناءا على طلب ابن البلد " بوش " وبتعرف عزيز وغالي وما بيرفضولو طلب :lol: بس نتمنى من الله ان يخرج هذا المؤتمر بما هو مقبول ومعقول للأمة العربية وبالاخص للجانب الفلسطيني والسوري |
انابوليس .......
بالمختصر المختصر الشديد محفل ماسوني صهيوني على نطاق عالمي.... :larg::larg::larg::larg: |
طيب اذا الإسرائيليين والفلسطينيين ماخرجوا إلى الآن بمسودة تتضمن قضايا الوضع النهائي كما حددها اتفاق أوسلو ...
بل لا يزال المفاوض الإسرائيلي يصر على أن ما سيخرج عن الاجتماعات الأولية هو مجرد إعلان بينما يبدي المفاوض الفلسطيني رغبة في وثيقة مفصلة تشمل القضايا الكبرى ...عشم بليس بالجنه اذا مسوده لهلاء مو متفقين عليها بقا على شو بدهم يتفاوضو ؟ ولساتهم عم يتفاوضو على حاجز هون وحاجز هنيك وخدني جيتك والحد الان لم يتأكد حضور سوريا ؟ واذا حضرت سوريا ... ياترىاسرائيل لساتا موافقه على ماقدمه بارك بالماضي او ملتزمه بوديعة رابين ؟ بس الأمر الاهم هو حضور دول الخليج وعلى رأسهم السعوديه واجمل شي لح يكون هوه مصافحة امراء الخليج للأسرائيليين والاحاديث الجانبيه .. واكيد ليفني لح تكون حاضره وفي شغله مهمه انو الوضع الداخلي الإسرائيلي غير مهيأ كما تقول قوى اليمين في حكومة أولمرت أضف إلى ذلك ما يتعرض له رئيس الحكومة الإسرائيلية من تحقيقات قضائية تتعلق بقضايا فساد الأمر الذي يضعف مكانته الشعبية ويجعله غير قادر على اتخاذ قرارات حاسمة وجدية في مايسمى بمسيرة السلام . وبصراحه لحنا كمواطنين عرب ومن الي شايفو انو إن المواطن العربي لم تعد تغريه مسميات الحلول وأماكن انعقاد مؤتمرات السلام فلا فرق لديه بين مدريد وأوسلو وكامب ديفيد وأنابولس فكلها تسعى للنيل من حقوقه وتصفية قضية الفلسطينيه بتواطؤ بعض الفلسطينيين الذين لا يهمهم سوى أمتار قليلة من أرضهم يعيشون عليها ويفرشون السجاد الأحمر ليشعروا بخيلاء السلطة الوهمية ويتمتعون بملايين الدولات التي جمعوها باسم شعبهم والقضية. وإذا ما فشل مؤتمر الخريف الأمريكي فستعزز لدى شرائح كبيرة من الشعب الفلسطيني والعربي قوة الإيمان بخيار المقاومة لتحرير الأرض وإن كان طريقه شائكا وطويلا.... والرد كان طويل وانا تعبت |
سوريا اكيد رايحة
*امريكا وعدت من ساعات بوضع الجولان على ااجندة المؤتمر(انصياعا للرغبة العربية) ديربالك هاي بالاصل رغبة الاسد . يعني اكيد هلاء لازم يروح او يبعت النائب (ماظريفة لو ماراح لانو رح تكون قعدة حكام وملوك ورؤساء) بروتوكلات الحكام والملوك بتقتضي انو يروح هاد غير انو الدعوة اميركية . *على كل حال معندي شك واحد في المليون انو هالاجتماع مانو بصالح اميركا واسرائيل , بس المهم انو في صفقة ما!!!!!!! في خطة ما !!!! في ترتيب ما!!!!! المشكلة عندي بما!!!!!!!!!! |
الجوازة دي مش حتم يعني مش حتم!
مشاركتك بالتشاؤم ويمكن ع اكتر شوي انو مش رح يرجعو زي ما راحو رح يرجعو متنازلين شوي زي ما تحكي حيقومو بالواجب وما يكسفو هالمشحّر بوش وهو بيودّع " ان شا الله يا رب " |
اقتباس:
يتفقو على شو بالضبط ؟؟ لك اذا هني مالون عرفانين ليه رايحين .. !! هو مؤتمر / اللامؤتمر / .. مؤتمر بدون أجندة و بدون أهداف .. مسخرة عام 2007 .. الجماعة رايحين يشربو قاظوظ مع بعض .. و يرشو شوية رمل بعيون العالم.. / قريت مقال مبارحة شي نهفة بس صعب نزلو هون / |
خريف السلام ام سلام الخريف....عنوان اكتر من رأي عالجزيرة....
بتعرف يا اخي المشكلة انو صار عنا قناعة انو هالمؤتمرات لا تعدو كونها اكثر من تنازلات عربية عن شي مانو من حقهم!!!! يعني النتيجة الحتمية هو الفشل الذريع لانو امريكا واسرائيل اذا ما كانت دراسة الموضوع منيح وعارفة انو لصالحها ما بتشرع فيه... باختصار اذا كان العرب عندهم امل بهالمؤتمر بيسرني احكيلهم ....انتو ما بتجروا غير ورا السراب والوهم... ولا لأي تنازل عربي ... |
اقتباس:
الشعب الامريكي مضحوك عليه ....:shock: لا عنجد فاجئتني وهي ما كان عندي فكرة عنها بس كمان اكتر من 50% مع الانسحاب من العراق واساسا هدول ضد الحرب عالعراق ومتل ما حكينا ما ممكن نتوقع شو بيطلع براس الادارة الامريكيه ممكن يضربو ايران ما بنعرف وبشان التصعيد بـ لبنان فهو مارح يكون من طرف حزب الله يعني ما معقول حسن نصر الله يدخل لبنان بحرب جديدة ولو كان بشان ايران ماهو واجه انتقادات بأخر حرب مع انها من اجل لبنان هلئ في احتمالات كتيرة في حال اتوجهت ضربة لايران وهي غير متناهية وكلها ضمن القائمة الغير متوقعة وكل هي الاحتمالات ممكن اضيفها لقائمة الـ ما !!!؟؟؟ وما بعد المؤتمر !!؟؟؟؟؟ |
سبق و حكينا عن موضوع السلام و رأيي أنو السلام غير ممكن لا على المدى القريب و لا حتى عالمتوسط ( مابعرف عالمدى البعيد....) لسبب بسيط: لا اسرائيل عندها مصلحة بالسلام و لا أي وحدة من أنظمة دول الواجهة بيناسبها سلام الآن. الشباب الطيبة متفقين على حالة اللاسلام واللاحرب لأنها بتناسبهون تمام, و بين الحين والآخر بيعملو حركة للتذكير بالموضوع
ما بحبو...ما بطيقو و لا اعتبرو رجل دولة.......بس يوم عن يوم عم افهم شو عمل السادات |
اقتباس:
ولا حتى ع المدى البعيد طالما قوانين اللعبة نفسها واللي عملو السادات كان شوية تغيير بقوانين اللعبة بالنسبة لمصر او للمصلحة العامة ;) |
اقتباس:
|
لاموش :
هالمرة الوضع غير في متغيرات جديدة بكل المنطقة . طالما متغيرات جديدة يبقى في نتايج جديدة (هاد مومعناه انو بصالح العرب) لاء بالعكس العرب في اخر 60 سنة مابيجيدو الاستفادة من المتغيرات الجديدة الا فيما ندر . لكن في فرصة للاستفادة بس اكيد في تمن وفي مقابل ولكل شيء تكلفة .. انا قلقان من التكلفة ومتشائم لهالسبب(على فرض ان ان العرب اجادو التعامل مع المتغيرات) ماهي التكلفة ؟؟؟ مع وجود احتمال بعدم اجادة التعامل مع المتغيرات (مانو مستبعد) ولكنه احتمال ضعيف. اقتباس:
* اكيد كل واحد رايح عارف لشو رايح وشو بدو . بس كل واحد بدو شيء غير اللي الباقين والتشابه رح يكون قليل . * مين رح يكسب اكتر ؟؟؟!! هاد عاد اللي محضّر حالو ومعو ورق لعب اكتر . المؤتمر بحد ذاتو غامض كتير والاعداد الو متاخر كتير ,,كأنو (مارح اكتب) . على كل حال بيكفي انو وضعو الجولان على اخر لحظة باجندة المؤتمر وهاد بيدل عانو التخطيط للمؤتمر عشوائي وغير معد سلفا . كانو مؤتمر شكلي , بس احب ان اؤكد على ان العرب هالمرة رايحيين منشان ياخدو شيء معين من اميركا واسرائيل (بارادة اسرائيل واميركا) بس شو هو واديش التكلفة .. هاد صعب التكهن فيه . بالمقابل اميركا واسرائيل رح ياخدو كتير جدا جدا (شو هو ؟؟؟؟يمكن اشياء كتير!!!) واكيد التكلفة بالنسبة الون ماكتيرة ... ياريت تنزلي المقال هون . |
اقتباس:
لما قال انو ما رح نثبت مشاركتنا لنشوف جدول الاعمال تبع المؤتمر. |
اقتباس:
بالنسبة لانو اكتر من 50% مع الانسحاب هاي معلومة انا اللي قلتها بس الاهم هو شوز النتيجة انا انسان عملي شوي بميل للنتايج على ارض الواقع (لانو هاد اللي بيؤثر فعلا وهاد الواقع) شو رح نستفيد من الاكتر من ال 50% هادول وموقفهم ؟؟؟؟ يا معلم لازالت الحرب شغالة والجنود الاميركان بالعراق مختصر الحكي ارادة الادارة الاميركية وتحديدا الصقور هي اللي رح تصير . حاليا كواقع ونتايج على ارض الواقع . *نقطة تانية : مدلول حكيك انو حزب الله هو اللي يعمل التصعيد بجنوب لبنان وانا فهمت هيك لما قلت انو لو مارضو سوريا بانابوليس رح يصير تصعيد بالجولان .بيجوز انت ماقصدت هيك بس هاد يللي فهمتو من حكيك . ومتفق معك بتحليلك بخصوص حزب الله . وبعتقد هاي اول مرة بتناقش معك ومع ذلك اسلوبك محترم كتير وهادي :D |
اقتباس:
ومابعرف المعلم حسني ليش مارايح هل هاد اقتناع بيعني مشاركة رمزية ومافي شيء ممكن يقدمو!!!! ومابدو شيء من حد ؟!!!1 هو اكيد مافي حد بيحب يقدم شيء :o بس اكيد كلو بدو يحصل عكتير اشياء. وجايز ظروف صحية لانو الرحلة طويلة وهو بعمر متقدم ومن فترة قريبة نسبيا كان تعبان . عكل حال الجولان مدرج على جدول الاعمال هاي معلومة مؤكدة . بس يامعلم هاد مو معناه انو حلو المشكلة وخلاص , هاي مجرد ترضية سياسية :o شكلية الى الان , بيجوز يحصل دعم عربي للموضوع وهنيك يصرو على انهاء مشكلة الجولان نهائيا (بس لاحظو مارح نقدر نقول مقابل السلام ) لانو مافي حرب اصلا :shock: مابعرف شو رح يخلي اسرائيل توافق اصلا (الا صفقة ما :x) اقتباس:
هي رح تخسرا كتير , اولا رح تقدم تنازلات للعرب ثانيا الدعم والتأييد المطلق اللي بياخدو من المواطن الاسرائيلي رح يروح (بمجرد انو يحس بالامان) معروف اانو هالدعم بيخلي السياسين يعملو تجاوزات كتيرة وماحد بيحاسبون (وهاد بحجة حماية اسرائيل ) + الانفاق العسكري الرهيب رح يتقلص والدور العسكري رح يقل ويبلش العالم يطالبو باصلاحات اقتصادية حقيقية (اقتصاد اسرائيل اتاثر كتير سلبا بالسنوات ال6 اللي فاتو) *بخصوص السادات لقد خرج من حيث لايحتسب الجميع (العرب واليهود والامريكان والسوفيت) قلب الطاولة عالجميع وغير قواعد اللعبة . |
اقتباس:
انو الشعب الامريكي مخدوع بجد ما بعرف شي عن هي النقطة بس بالنسبة لانو الشعب ضد الوجود الامريكي بالعراق وغيرها هي حقيقة - مابعرف اديش النسبة - وهاد الشي بيأثر على الادراة الامريكية وبيأثر على الانتخابات - ولو اني متأكد انو الرئيس هو منصب واجهة - ولو ما احدثت تغيير بممارسات الادارة بس - الرصاصة اللي ما بتصيب بتدوش - يعني تأثيرهم رح يكون داخلي بالنسبة للنقطة التانية لوضح الفكرة اكتر هلئ في حال صار حرب ع ايران الشارع العام رح يلتفت لايران وهون بيصير في مجال لاسرائيل لتصعد الامور بلبنان وفلسطين تماما متل ما صار بحرب لبنان الاخيرة العالم ماعاد التفت للعراق متل ما كان قبل الحرب وكانت الحرب تغطية لشي تاني هلئ وبمجمل هي الاحداث في حال ماصار ارضاء لسوريا متل ما ذكرت سابقا رح يكون في تصعيد سوري مشان قضية الجولان وهاد متل ما بذكر شي حكاه الرئيس الاسد ومتل ما بتذكر كمان انو اتفاقية في دفاع مشترك بين سوريا وايران بس ماتكون ذاكرتي عم تخوني كل المحبة إلك عالحوار :D |
اقتباس:
بالنهاية اللي بدا الادارة الاميركية هو اللي رح يصير ما ارادة الشعب (وهاد اللي حاصل) *بالنسبة لانو رح يكون في تصعيد هاد امر مستبعد تماما (بحالة ما تم ارضاء سوريا) بالنسبة للدفاع المشترك بين سوريا وايران , على فرض قامت اميركا بضرب ايران !!!! هل ستتخذ الادارة السورية قرار الحرب ضد اميركا ؟؟؟ السؤال يطرح نفسه لماذا لم تتخذ الادارة السورية قرار الحرب لاسترداد الجولان !!!!!!! هل التراب الايراني اغلى من التراب السوري (الجولان)!!!! ثم تساؤل اقل اهمية بكثير هل اميركا اضعف من اسرائيل ؟!!!!! منشان الجراة المنقطعة النظير في اعلان الحرب من الادارة السورية على اميركا لمواجهتها لايران وعدم اعلانها على اسرائيل من اجل الجولان المحتل !!!!! اذا كان اعلان الحرب على اقوى دولة بالعالم لمواجهتها لدولة حليفة امر "مقبول" بنص اتفاقية. فالامر "الحتمي" واللي مابدو اتفاقيات هو الحرب من اجل تراب البلد ذاتها ما من اجل اتفاقيات او حليف !!!!! والله اذا هيك الواقع بيكون في حكي تاني الافضل ما ينحكي اصلا :shock: |
المشكلة بأمريكا هي أولا التعتيم الاعلامي الكبير (لأسباب أمنية في شغلات ما بيشوفوها و في شغلات ممنوع تنعرض) و ثانيا نظام التصويت السيء جدا و الغير عادل أبدا. لا شك أنو بأمريكا في قسم هائل من الشعب ضد ممارسات الحكومة الحالية لكن صوتهم مغيّب نتيجة أسباب كثيرة منها ما ذكر سلفا
أمريكا آخر من يمكنه الحديث عن الديمقراطية و الحريات, بهالمجال أوربا سابقتها جدا |
اقتباس:
* كثرة الحروب اللي عم تقحم حالها الادراة الامريكية بيأثر على الشأن الداخلي * التصعيد بيكون بعد عدة نقاط اللي هي 1- عدم الوصول لحل بمسألة الجولان 2- قيام حرب امريكية على ايران 3- تصعيد اسرائيلي على لبنان وفلسطين هلئ هون نقطة صغيرة في حال صارت هالامور اسرائيل رح تضرب الحدود السورية بحجة تهريب السلاح لحزب الله وهي رح تكون دافع التصعيد السوري بغطاء الاتفاقية اقتباس:
اقتباس:
لحل مشكلة الجولان واكتر من الجولان وكل دعوات السلام كانت فاشلة ورح تبقى فاشلة والتصعيد رح يكون بغطاء الاتفاقية ومانو ضد امريكا بل ضد حليف لامريكا اللي اسرائيل ومو مشان المصالح الايرانية او التراب الايراني بل من اجل التراب السوري والمصالح السورية طبعا كل هاد افتراضات ورأي شخصي مو اكتر |
معك بكل اللي حكيتو .
بس شو منشان نحنا ك"عرب" اخر من يحقولون انتقاد الحريات باي مكان بالعالم:o ال22 دولة اضرب من بعض :lol: *شو قصة صورتك الرمزية ؟؟؟ عجباني كتير . لمين حاططا ؟؟؟ |
اقتباس:
بالنسبة لصورتي الرمزية: هاد شعار الاشتراكية (الاشتراكية الاوربية مو اشتراكية العرب التنكية) و حطيتو عوضا عن علم فلسطين لأنو كان يصير التباس و بعض الاعضاء بيفكروني فلسطيني |
والله يامعلم ابو سليمان
اذا اسرائيل هي يللي بلشت "مافي مجال لاي حكي غير الرد وبكل قوة" بس انا بقوب في حال اميركا هاجمت ايران واسرائيل ما هاجمت سوريا (اصلا اسرائيل مابمصلحتها تنشط جبهة خاملة ) الجولان جبهة خاملة بيكفي اللي رح تواجهو عالجبهة اللبنانية . بعتقد اسرائيل مارح تضرب سوريا باي حال من الاحوال بنسبة 99.9999% |
اقتباس:
*في بريطانيا تم اتخاذ قرار بسحب القوات من العراق وبيتم تنفيذه فعلا (كمثال) *في اميركا الكونجرس صوت بالفعل على قرار مماثل وما رح يكون في تنفيذ اذا اهم مؤسسة تشريعية في البلد ما احترموها شو ناقس منشان يحترمو ؟!!!!!! بريطانيا الملكية فيها ديموقراطية كتير جدا عن اميركا الجمهرية .(كان لازم شيل كلمة الملكية وحط الاوروبية ) **** الصورة ظريفة كتير عجبتني جدا . مرة واحد سئلني شو رئيك بالاشتراكيين العرب ؟؟ قلتلو ليش تحديدا الاشتراكيين العرب خلينا نوسع القاعدة شوي قالي اوك احكي عن كل الاشتراكيين قلتلو في القرن ال20 العرب اضرو الفكر الاشتراكي والفكر الليبرالي والفكر الاسلامي وبتاريخهم القديم . فاجئتو بالحكي عن العرب:o ما عن الاشتراكيين . |
اقتباس:
والسلام كمان مو لصالح حدا |
انو أسرئيل تفوت بحرب مع سوريا بالوقت الحالي شي مستبعد تمام تمام تمام
لانو اسرئيل لح تخسر على كل الجبهات بهل حاله ، لهيك بتوقع طوق النجاة لح يوكن انابوليس برأي |
انا برايي كل هالمؤتمرات حكي فاضي ومابيطلع معها شي وانا كمان بعتقد انو هيك مؤتمر هو تمهيد لشي عمل عسكري
لحد هلا سوريا لم تقرر المشاركة بس كمان قدرت تفرض شروطها على اميركا وتمشي بنود المؤتمر متل ما بدها بالنسبة للدول العربية الله يخليلناياهون دائما خائفين على وحدة الصف وعلى قولة المثل القديم ( الحق الكذاب لورا الباب ) فرح نروح معون للاخر وبنشوف بعدها واكيد الكل مستعد لكل شي |
| الساعة بإيدك هلق يا سيدي 13:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون