|
طريقة توقيف المواطن على يد الأمن الجنائي في دمشق.
 المنظمة السورية لحقوق الإنســان ( سواسية )
بيــــــــــــــــان حوالي الساعة السابعة مسـاءاً من يوم الثلاثاء الواقع في 6/11/2007 و في المنطقة الواقعة ما بين ساحة شمدين و حارة الجديدة في منطقة ركن الدين بدمشق . أقدمت دورية من عناصر الأمن الجنائي إبان محاولتهم اعتقال المغدور أحمد سليم الشيخ تولد دمشق 1970 تنفيذاً لنشرة شرطية قديمه على إمساكه من تلابيبه و إنزاله من السيارة التي كان راكباً بها و انهالوا عليه ضرباً و ركلاً و لكماً على مرأى من المارة في الطريق العام إلى أن فارق الحياة. تاركاً وراءه أسرة مؤلفة من أربعة أطفال أكبرهم شادي من مواليد 1991 و محمد مواليد 1992 و لؤي من مواليد 1997 و أخيراً الرضيع يامن من مواليد 2006. و لم يبقى لأطفال المغدور من ذكرى والدهم سوى تقرير طبي شرعي مفاده ..... أزمة قلبية حادة.....!! تعبّر المنظمة الســورية لحقوق الإنسان عن أرق تعازيها لأسـرة الضحية و تشجب بأقصى العبارات اليد التي امتدت لحياته و ترى أن تصرفات بعض غلاة الأجهزة الأمنية مسؤولة عن تفشي ظاهرة العنف التي تعتبر من أبشع القيم السلبية . تطالب المنظمة السورية لحقوق الإنسان بفتح تحقيق عادل و شفاف في الحادثة و بمشاركة من منظمات حقوقية مشهود لها بالنزاهة و تشـدد على ضرورة الالتزام بمعاهدة منع التعذيب التي صادقت عليها الحكومة السورية بتاريخ 1/7/2004 و تحثها على الرجوع عن تحفظها الوارد في المادة / 20 / من المعاهدة مؤكدة ضرورة وضع حد نهائي لهذه الظاهرة المشينة بكل أشكالها المادية و المعنوية بما في ذلك التهويل و الترهيب و تفعيل دور الرقابة القضائية و رقابة منظمات حقوق الإنسان ( النظيفة ) على هذه الظاهرة والسماح لهم بزيارة السجون و المعتقلات و أقبية التحقيق _ بصفتهم مراقبين _ و إلغاء النصوص التي تعطي حصانة لبعض العاملين في الأجهزة الأمنية من الملاحقة حتى بعد انتهاء وظيفتهم و تشـدد المنظمة السورية على ضرورة الالتزام بالدســتور و القوانين ذات الصلة و المعاهدات الدولية التي سبق لسوريا و أن صادقت عليها. دمشق 20/11/2007 مهند الحسني رئيس المنظمة السورية لحقوق الإنسان - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - Telefax :+963112229037 / Mobile : +963944373363 |
ela al abad sorea al assad:clap:
|
إلى ان فارق الحياة لكن ...
سبحانك يا ربي و بس هنه يلي عرفو فيها من دون الكل |
لا تعليق بسبب عدم الدقة و الصراحة الكاملة في الموضوع
روحو احكوا عن الأسرى في السجون الإسرائيلية لاتدافعوا عن ناس عم تتمهزأ بالوطن والبلد او ناس عم تشوه سمعة الوطن روحو شوفو السجون الإسرائيلية والأسرى السوريين |
بعدين أنت سيد مهند مع احترامي إلك
بالقانون السوري عملك كرئيس منظمة ما بيسمح لك تحكي عن الأمن الجنائي ولا التدخل في أمور الامن المعلوماتي او السياسي او المدني او حتى أمن الدولة |
اقتباس:
الساكت عن الحق شيطان أخرس |
مو ليكون الخبر صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
بعدين الامن الجنائي ؟؟؟؟؟؟؟؟؟؟؟؟؟؟؟؟؟؟؟شو دخله ليوقف زلمة وبهالطريقة ما بيعرفوا يستدعوه او يجيبوه ؟ اي حاج بقا |
اقتباس:
|
اقتباس:
الساكت عن الحق شيطان اخرس ؟ ؟؟ انا معك في هاد الكلام بس ليش هون عم يحكي قصة مفبركة عن الأمن الجنائي او ما بيعرف الظاهر دوريات الأمن مظبوط يعني الأمن الجنائي شو دخله يوقف مواطن لا بيعرفوا ولا بيعرف عنو أي شي هيك فجأة من دون اي سبب وبعدين هاد صاحبك ليش هون عمل زلمة وعم يحكي هون يتفضل يجي يدافع عن الأسرى المعتقلين في السجون الإسرائليية الصهيونية ... بعدين وللحديث بقية ........... |
بغض النظر عن المصدر وبرغم كل الاخطاء الموجودة ...
ما بيقدر عنصر او عدة عناصر من الامن الجنائي انو يتوجهو لالقاء القبض على اي رجل كان ضمن الاراضي السورية الا بامر موقع من ضابط العمليات في فرع الامن الجنائي وهاد الامر ياتي على طريقتين ... الاولى تكون بامر جلب من المحكمة الثانية تكون لضرورة التحقيق او اتهام ... وبكلتا الحالتين لايستطعون التصرف بهذه الطريقة الموصوفة في الموضوع .... الا بحالات خاصة وهي المقاومة او اطلاق النار على الدورية .....الخ لكن الملفت نظر في الموضوع انه لم يتم الاعتقال في المنزل او مكان العمل ... بل بالشارع ..... وهاد باكد التلاعب بالخبر .... لانو من وين بدون يعرفو انو هو موجود بهي المنطقة بالذات او بهاد الشارع ... او هي سيارتو ؟؟ :larg::larg::larg::larg: |
اقتباس:
|
اقتباس:
المشكلة انو في ناس بس همها تحكي وتقلك انو كل شي غلط ..... هلأ في غلط وانا بقول انو في غلط بس هاد مو بيعني انو الكل غلط .... او مافي صح .... وبنفس الوقت يا اخي خلينا نحط حالنا محل عنصر الامن الجنائي ( مو دفاع عنو ) شو بشوف خلال عملو ...... رح قلك شو بشوف بشوف العاهرات والحشاشة ويللي بيلحقو ولاد والجرايم والسرقات والنصابين والحرامية وكل حثالة المجتمع طيب من عاشر القوم اربيعن يوم صار منهم ... ما بالك اذا صرلو سنتين تلاتة او خمسة عم يشوف هالشوفات ؟؟ المقصود انو مو كل الناس عاطلة ومو كل الناس منيحة بس العقل زينة :D:D |
اقتباس:
ما دام الشباب عم تراقب المنتدى ... يكلفولهم شي واحد يحط ردود ويدافع عنهم ليش ما شاء الله كل الردود كانت للدفاع عن الامن الجنائي .. واتهام منظمة حقوق الانسان او المواطن الذي هوجم فعلا شي غريب !! |
اقتباس:
الشي التاني هاد مو تهجم بس حط شي يتقبلو العقل و المنطق ، مو كل ما شفتلي موضوع بموقع مانو معروف قرعة أبو من وين بتجي بتحطلنا ياه و بتأتحفنا فيه ... |
فعلا العقل زينة
|
المكتوب مبين من عنوانه يا حضرة الاخ
لو الموضوع كان واقعي وصحيح كان النا حكي تاني بس الوقائع تقول غير ذلك القصة قصة مخ مو قصة اعتراض وبس\ |
إن لم تستحي فقل ما شئت....
عندما يصبح المقتول هو الظالم والقاتل هو المظلوم في نظر البعض يصبح النقاش في هذه الحالةعقيماً.:shock::shock::shock:
الله يرحم المغدور احمد سليم الشيخ ويصبر أهله واطفاله الأربعة. |
طب شو عرفك انو الحكي صح ؟ عذرا بس بقانون اليوم البرئ متهم حتى تثبت برائته
|
اقتباس:
|
اقتباس:
بعدين فعلا شي غريب ... هلأ صار ضرب البني ادم قصة وغير محبوكة ... شو لازم واحد كاتب سيناريو يكتب التقرير حتى تقتنع فيه حضرتك ... ولا بدكم تطلعولي " الأمن الجنائي " شرفاء مكة وانهم لطيفين وحنينين ... روح شوف الناس اللي اعتقلوها من كتاب أخوية شو صار فيهم .. |
اقتباس:
|
اقتباس:
شو يعني انا ممكن روح وقف بالشارع بسياره و انزل انا و 3 صحابي نكون متزولين من واحد ننزل مخابطه فيهو احملو دكو بهل سياره و امشي فيه .. لو كان واحد متلك علطرف التاني واقف ، كان حكا هدول مخابرات و شحطو للزلمه البريئ يا اخي بس تحطو شي حطولنا مصدر حطولنا شي يتصدق ، يعني كل هاد صار بالشارع وماحد سمع فيه غير يلي كاتب هل تقرير اي الله بالعقل عرفو ما شافو .... ولسى كل مادق الكوز بالجره ، وكل ما رديت على اي انسان معارض او اخوان او مابعرف شو .. بيحكيلي شوف شو صار بكريم و حسام و الشباب ، لك يااخي شو دخلهم لسى بتحطو اسميهم بكل رد وبكل موضوع فكركم هيك عم تفيدوهم انتوا ، ما انتو هيك عم تأذوهم اكتر يا ربي ... خلو الشباب على جنب بيكفي لسى كل موضوع بتزكرو سيرتهم علطالعه و النازله .. ولاتحكيلي ألي شوف انا مابدي شوف شي لانو لما صار يلي صار انا ما كنت وانا معرفو شو نظرتي لهيك يا ناقشني من وجهة نظرك بدون ما دخلي اسميهم يا اما نهي النقاش وبس |
طب شو عرفك انو الحكي صح ؟ عذرا بس بقانون اليوم البرئ متهم حتى تثبت برائته
هدا الحكي صحيح بدول بتحترم مواطنيها مو بدولتنا الكريمة نحنا القانون السائد عنا البرئ بيضل ياكل قتل لحتى يا اما يدفع يا اما يجيب واسطة بعدين عم تحكو وكانو الامن الجنائي ملائكة يعني كلنا منعرف البير وغطاه ومنعرف انن وحوش وما بيوفروا حدا |
شايفين كيف القصة ملفقة للأمن الجنائي من قبل ( منظمة حقوق الإنسان )
وبعدين وين الصفحة 3 + 4 يلي كان إلي فيها ردود وكمان للسادة الأعضاء ردود وآراء حولها وبعدين هاد كلو لإفتراء وتآمر على حقيقة وصيغة مفهوم الأمن الجنائي ومتل ما حكى كوستا كلامو انو صح التوقيق بيتم عبر الأمور يلي ذكرها سابقاً وكلام سوري 2007 غير واضح ولا مقبول وحاج يناطح بالسحاب ويراهن بنظامو هو |
معتلقلي أخوية لا أحد يذكر سيرتهم لأن لا أحد يعرف الآليات التي أدت إلى ذلك
وما عند حدا أي إثبات انهم معتقلين من قبل النظام نتيجة كتاباتهم او آرائهم |
اقتباس:
مافي ولا اي رد محذوف من هاد الموضوع :? |
اقتباس:
بس صاحب الموضوع ناقل موضوع ما بيدخل بالعقل .....( انا ما عم انتقص منو لصاحبو ) يعني القصة شايكة ببعضها بطريقة التوقيف بس انو ليش توقف ؟؟ شو التهمة ..... وبعرف النشرة الشرطية من عمل الشرطة والامن الداخلي مو الامن الجنائي :larg::larg: |
اقتباس:
يجب فتح تحقيق فوري بحق هؤلاء المجرمين .:jakoush: |
لشخص يلي حذف بعض الردود و الكلمات بيعرف نفسه من دون ما أذكره
|
اقتباس:
اقتباس:
|
اقتباس:
ياسيد كوستا يعني مصر على تغيير الموضوع. |
امركم غريب عجيب ولله
ياكول وراق المصحف لتصدقو ، يعني حكا مانحذف معناها ما نحذف شو لح يخاف يحكي يعني لياكلو شي رصاصه .. بيناقشكم بتهاجمو ، ما بيرد بتحكو هرب ، بيرد عليكم بتقولو مصر تتهرب ... |
اقتباس:
انا ناقشت من صلب الموضوع ...... وما طلعت عنو بس انت بردك هاد ..... صار مبين شو مقصدك من الموضوع اقتباس:
ويللي بيقرا الرد رح يفهم كفاية |
شباب ممكن تعذروني على هالكلمة يلي بدي قوووووووووولا أول شغلة اغلبيت الدول العربية بتبلش المشاكل فيها بولاد البلد انا متاكد انه لا انت بتعرف ولا هو بيعرف لكن ليش عم تتخانقوا بدال ما تفكروا كيف بدكن طوروا البلد :pos:
|
| الساعة بإيدك هلق يا سيدي 08:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
