|
الحجاب مشكلة الباحثات عن عمل:خلعت حجابها لايجاد فرصة عمل!
الحجاب مشكلة الباحثات عن عمل: خلعت حجابها لايجاد فرصة عمل! المغربية المحتجبة تكون مرغمة على الاختيار بين قناعتها الدينية وبين مصدر عيش أيّا كان دخله مادام يوفّر للذات والجسد ارتياحًا أكبر. المغربية المحتجبة إمّا أن تختار الاستمرار في ارتداء حجابها وتصيّد فرص عمل أخرى وبالتالي الحصول على شهادة "عاطلة"، وإمّا أن تنزع عنها حجابًا يرى آخرون أنّه يغطّي العقل كما يغطّي الرأس!؟ 90 في المئة من المغربيات اللائي يرتدين الحجاب تكون فرصهن في تحصيل عمل ضئيلة جدًا إن لم يكن عملاً حرًّا وخاصًّا بهن. فالمحتجبة في المغرب تكون دائمًا في لائحة الانتظار التي تتجدّد أو بمعنى أدق في لائحة المقصيّين وغير المناسبين. و قد لا يكون مستغربًا البتّة أن يصبح حجاب الموظفات أو العاملات قضية أمن عام أو قضية أمن دولة بل قد يضاف بند في قانون الشغل ينصّ على ضرورة توقيع التزام بعدم ارتداء الحجاب كما حدث في تونس؟!!.  وتقول احدى المحجبات وهي حاصلة على دبلوم في المقاولات والتسيير أنّها حاصلة على درجات عالية، وأنها تقدّمت لوظائف كثيرة دون أن تنجح في الحصول على أيّ واحدة منها، فإضافة إلى كونها لا تتوفر على أي واسطة تذكر هي ترتدي الحجاب ممّ يجعل أمر حصولها على وظيفة غاية في الصعوبة. وبالمقابل قدمت محجبة اخرى، بشيء من السخريّة حلولاً بسيطة حسب قولها لحلّ المشكل، كأن تتجه المحجّبات إلى عرض أزياء المحجّبات و تقديم تصاميم جميلة وجذابة في دور الأزياء، بل تقول ضاحكة " لم لا يُوكَل لكلّ محتجبة دور تمثيلي في مسلسل دينيّ أو مسرحيّة دينيّة..؟!. هذا الوضع والفشل في تحصيل وظيفة بعد رحلة بحث مضنية تحافظ فيها على حجابها دفع شابة محجبة الى اتخاذ قرار بخلع حجابها وتحمّل ما أمكن من إحراجها المزدوج مع نفسها وأقاربها وأصدقائها، وبنفس الوقت فانها غير مرتاحة لهذه المعادلة وتحسّ أنّ ثمّة خطأ ما لكنّها لا تملك إزاء هذا غير الصبر وانتظار الأفضل ، وعن وضعها غير المريح تقول أنّ فرحتها بعملها في مقهى انترنت، على بساطته تظل غير مكتملة وتضيف أنّها شبيهة بطائر غادر قفصًا قديمًا وضعه له من اصطادوه ليدخل قفصًا مذهّبًا اختاره لنفسه!. |
للاسف المشكلة عندما تكون في دولة عربية واسلامية تلزمها بخلع الحجاب من اجل وظيفة !
|
حضرتك انا راي ان ممكن تخلع حجابها اذا كانت الفرص امامها ضئيلة جدا او انها استنفذت جميع الطرق وما عاد امامها الا انها تخلع حجابها ولكن هذا لا يعطيها الحق بعدم العمل مع الجمعيات النسائية على المظاهرات والاحتجاجات لمنع هذا المقياس في تشغيل المراة بدلا من ان يكون كفائتها هو المقياس انا
ايضا حزين لما نراه في بعض البلطان العربية وخصوصا المغربية وطبعا راي صواب يحتمل الخطا وراي غيري خطا يحتمل الصواب |
كلام مبالغ فيه جدا فالوظيفة العمومية في المغرب مفتوحة في وجه المحجبات و غير المحجبات وكذلك القطاع البنكي و و البلديات و الاتصالات و غيره, الحالة الوحيدة التي فرضت فيها قيود على الحجاب هي الخطوط الجوية الملكية. فلا داعي للتاسف و الحسرة من جيرانا.
|
لك يلعن هالعرب الجرب من المحيط للخليج مرورا فيني انا كمان لأيمتى رح نضل ساكتين و متخلفين بس ...
|
من شيم الأعلام العربي ((التنفيخ )) وبعتقد انو هالشي واضح للعيان من هالمقال //صحيح انو فرص الفتاه غير المحجبه في بعض مجالات العمل اقل من الفتاة غير المحجبه لكن هذا لايعني انعدام فرص العمل للمحجبات بتهيألي انو نظرة واحده للمستشفيات للمدارس للمعامل بتؤكد العكس
|
اقتباس:
والله مبالغة كبيييييرة ,حتى مقهى الانترنت يفرض نزع الحجاب هذا عجب العجاب مع العلم ان راتبها لن يتعدى 60 دولار في الشهر بدون ضمان صحي و لا تقاعد و لا عقد عمل فهل يستحق هذا المبلغ كل هذا الصراع النفسي و التخلي عن المبادئ؟؟ |
انا نقلت المقال من موقع محترم وحريص على جودة اخباره وصحتها..لكن طبعا انتو اكيد أدرى بالحقيقة بما انو البعض منكم مغاربة وبعرفوا الواقع..هلأ بغض النظر ازا كان الاشي مبالغ فيه او لا..بس انها ظاهرة موجودة..والسؤال اللي بطرح نفسو هو شو حكم الفتاة المسلمة (بنظر المجتمع.. بنظر الله) اللي بتضطر لخلع الحجاب لحتى تشتغل..هلأ ازا تركنا شوي الله عا جنب..انتو كبشر ازا شفتوا بنت خلعت حجاب وراحت تشتغل شغلة (محترمة) كيف رح تكونوا فكرة عنها؟..انو كتير ناس رح يحكوا عليها بالعاطل ويشوفوا انها ارتكبت جريمة..بس انتي بشكل شخصي كيف رح تشوف الوضع لاول مرة؟ وهل رح تتقبلو بعدين؟
:D |
اقتباس:
|
انا حابة احكيلك يا مروة انو ورأيي الخاص ان بليت خربت
فانا بشوف انو اذا دورت رح تلاقي ومو شرط بمجال محدد وهي اذا بدها تخلع حجابها ما رح تكون مقتنعة بالتمام اما اذا البنت شافت انو ما في مجال وما في قدرة واما بتخلعو او بتموت فما في مانع لانو ربنا تشريعو مو لشي غير رحمة بالعباد ...فاذن ما رح تكون النظرة مو منيحة ...بس بيبقى الموضوع معتمد عالوضع الراهن عالهامش ...السؤال للكل هاني ...عبر واحكي |
و في دول تانية ..... بيجبروكي تتحجبي .... مو بس مشان تتوظفي
كمان مشان تمشي بالشارع :larg: |
والله بالمبدا هذا كلام مرفوض جملة وتفصيلا
يعني هي حرية بالتعبير عن المعتقد بنشوف بالسعودية ما بيصير تبين عيونا وبتركيا وتونس والمغرب ممنوع تحط حجاب ليش ماني فهمانة هيدا اسمو كبت للحريات غير مقبول ابدا |
انا برأيي انو المشكله مو إذا كان بصير تخلع الحجاب لتشتغل أو لأ
المشكله انو ليش ليكون بالاساس حاجه انها تتخذ هيك قرار .. الحجاب كمان حريه شخصيه بعيدا عن حكمو بالدين ما لازم البنت تنحط بموقف تختار بين شغلها وحجابها مابعرف شو الوضع بالمغرب .. ولكن هالموضوع للأسف منتشر بغير بلدان وبحكي عن الاردن إذا استثنينا القطاع العام الحكومي .. كثير إذا لم يكن أغلب الشركات والمؤسسات الخاصه بتطلب خلع الحجاب تحت بند (الشكل اللائق ) ..او على الاقل ابقاء الحجاب (غطاء الرأس) والتخلي عن اللباس الشرعي ويسلمو مروه :D |
اقتباس:
لازم نوصل لدرجة ارقى من الحرية سواء بانو نكون لابسين حجابات او مو لابسين حجابات |
فرض لبس الحجاب او فرض خلع الحجاب هو بالحالتين كبت للحرية الشخصية..وبالحالتين في منو ضرر!
لانو لما بنت بتلبس حجاب بس لانو اهلها او المجتمع هيك بدو ما رح تكون مقتنعة فيه ورح تكرهو ويمكن تكره دينها كلو..وبالمقابل البنت اللي بتنجبر على خلع الحجاب وهي بتكون مقتنعة فيه وحابيته فهاد الشي كمان رح يضرها ويضر مجتمعها لانو ما رح يكون عندها عطاء من القلب للعمل اللي عم تعملو!! وبعدين مسالة المظهر اللائق هاي شغلة بتضحك صراحة..انو صحيح المظهر والشكل اللائق مطلوب جدا وانا معه بهالوضع..بس كتير مرات بكون في بنات مش لابسات حجاب وزوقهن باللبس بيقرف (excuse me 3l kelme) بس هاد واقع موجود..so بالنسبة للملبس اللائق فهاي مسالة زوق!! وماكسيموم هلقدي الشركة بدها شكل لائق معناها تعمل advices للعمال والعاملات :) وتقدم نصائح! *هاني السؤال للجميع بدون استثناء :D |
اقتباس:
بضيف أنو للأسف بسوريا صاير عنا هيك كمان كنت عم أقرأ بنشرة الوسيط تبع الدعايات انو مطلوب عمل وللمحجبات فقط وعالم تاننيين بيطلبو شخص صاحب دين وورع ويؤدي الفروض من أجل العمل بسعودية وأيران متل ماحكيت مممنوع دخول المرأة على أراضيهم والسبب ديني بحت هون بس يلي بيطلبو موظفين دون حجاب بمتطقتنا السبب مو ديني أبداً السبب هون هو بسبب وجود يوني فورم لباس موحد اللجميع وبسبب المظهر |
اقتباس:
بعدين ازا كانت البنت لابسة اليوني فورم لكن على راسها الحجاب (يعني اليوني فورم قميص وبنطلون)..رح تخرب المنظر العام يعني؟؟!!! :lol: والا يمكن الحجاب بغلف عقلها وبحجب تفكيرها؟!!! طيب وازا اخدنا محلات ما بدها يوني فورم بتقدر تفهمني ليش بمنعوا الحجاب؟ وليش بمحلات تانية بجبروا الحجاب؟..ليك انا مش مع الحجاب بتطرف ولا ضد الحجاب..انا عن نفسي اؤمن انو الحجاب فرض لكن المسالة مسالة ترغيب وليس ترهيب..فا ازا انتا تربيت ببيت بحببك بدينك وب الله رح يكون اسهل عليك تتدين..والبنات ياللي بربوا ببيوت ما فيها جو ايماني وما فيها تحبيب وترغيب بالدين ولمجرد انها تبلغ بقولولها تحجبي اكيد ما رح تقتنع بالشغلة..فمسالة لبس الحجاب مسالة تربية بحت.. ومنعه او اجباره فيه حد من الحريات ومن الحقوق..وبالمناسبة الحجاب ليس هو المعيار لاخلاق الفتاة..ولكنه فرض للتشديد على سترة الفتاة والشاب سويا :) (لانو السترة من الجهتين فيها مصلحة للمجتمع) اهلا فاوست :D |
اقتباس:
الاماكن او الشركات اللي تمنع لبس الحجاب لغرض معين وماراح اظلم الكل لكن اغلبهم وصار بالنسبة لهم الحجاب = غير لائقة المظهر= متشددة = معقدة = ارهابية |
بعد السلام والتسليم والصلاة على خير المرسلين أما بعد
إذا كانت البنت شايفه حالها عورة من رأسها حتى قدميها ولازم تتحجب بتصور بلالها الشغل وبلا الطلعة من البيت لأنوا عمل المرأة منافي للشرع "ما عنا بنات بتطلع من البيت وتشتغل كمان" وإذا كانت واضعة الحجاب غصب عنها كويس فرصة و أتت على قدميها . دمتم |
اقتباس:
وعلى أي أساس عمل المرأه منافي للشرع ؟!؟! في ضوابط شرعيه بتحكم عملها ... وظروف معينه لازم تكون متوفره بس ما فيك نهائيا تقول انو غير مشروع .. أو على الاقل تقول انو رأيك هيك مو فتوى شرعيه |
اقتباس:
|
في عندي عدة تعليقات :
اولا التطرف بغض النظر عن جهتو لليمين او لليسار سيء والمنع سواء كان للحجاب او انو الوحدة تمشي بدون حجاب غلط وكبت للحرية ! هاد من ناحية بالنسبة للوظائف اللي بيحطو فيها انو بدهم غير محجبات في خيارين اما عشان طبيعة الشغل " مع انو ما في شغل بيحتاج انو الوحدة تكون بدون حجاب " او لأن زي ما انحكى بأحد الردود لتجذب الزباين !! وهون مع احترامي يعني كأنهم بيستخدمو جسمها وسيلة دعاية والفكرة مؤذية !! وكتير كمان ! |
اذا هالشغلة بالقطاع العام ..... فهي تعتبر مشكلة كبيرة و ما حدا بيقدر يسألهون ليش ..... بالنهاية هي أموالهون ..و هني حرين فيها أما اذا بالقطاع الخاص .... فيمكن كل واحد حر بأملاكو عنا هون مثلاً في كذا شركة ( ضخمة ) من شروط التوظيف فيهون ... الانتماء لطائفة معينة |
اقتباس:
بالقانون تحيز اسمو هاد ونهائيا مش اخلاقي :) بأمريكا مثلا في قوانين بلشت تطلع بتمنع تنحط هيك شروط او تنسأل اسئلة الها علاقة بخصوصيات الكائن عشائنو مش بينفع :pos: |
اقتباس:
ومن ناحية القطاع الخاص وكل واحد حر بأملاكو ..يمكن معك حق لأنو هي الفئه بهمها الربح أولا وأخيرا والمرأه إحدى وسائل جذب الزبائن (بغض النظر شو نوع أعمال هالشركات ) بس كمان المحجبات فئه لها حقوق .. وهي الحقوق لازم يتم حمايتها من قبل الدوله ولازم الموضوع ينحط تحت بند التمييز متلو متل التميير العنصري أو الطائفي |
اقتباس:
|
اقتباس:
ليش يعني ازا البنت تحجبت بتكون قللت من قيمتها البشرية وبتكون شايفة نفسها عورة؟؟؟:shock: يعني excuse me بس ما فهمت تعقيبك منيح :D |
اقتباس:
|
اقتباس:
:D |
اقتباس:
اقتباس:
بالضبط التي ترتدي الحجاب عن قناعة تنظر لنفسها على أنها عورة "وعاء جنسي" لا أكثر ولا أقل فظهور أي جزء من جسدها وخاصة شعرها "ما بعرف ليش" يعتبر فتنة للرجل وكأن الرجل حيوان جامح تقوده غرائزه وكل ما شاف شعرات صبية يقع في المعاصي ويرتكب الموبقات . أما الفتاة التي تضعه مجبرة فهذا موضوع آخر , فالآخر هو الذ ينظر لها هذه النظرة سواء بوعيه أو في لاوعيه . ولكن منقاشته لها مناحي أخرى أيضاً "طبعاً تم ترقيع الأمر وتبريره بعدة أشكال " لكن الأمر في جوهره هو هذا . أما بالنسبة للفتوى الشرعية لا ليس عملي و قناعتي هي ضرورة عمل المرأة وضرورة تحررها من جميع هذه القيود و هذه الترهات . سوف أكتب رداً موسعاً احاول أن أشرح فيه قناعتي بهذه المواضيع ولكن كمشاركة في موضوع "البنت التي تخرج مع شاب" لأني أرى أن مكان الرد هناك أنسب . |
أهااا ..
هلأ إذا فهمت انا قصدك صح .. وهو انو يلي بتلبس الحجاب عن قناعه بتكون شايفه حالها "وعاء جنسي " ( بعرف انك كتبت هيك حرفيا بس لسه عندي أمل كون فهمت غلط) ما رح ناقشك كتير بالموضوع بس يعني برأيك انو الدليل انها مو شايفه حالها هيك وتبين قناعتها انو الرجل ليس حيوان جامح (أجلكم الله) هو ما تلبس هالحجاب .. وشو رأيك بالمره بلا من كلو .. دخيلك فكرت شوي قبل ما تكتب .. المره الجاي حاول.. عشان المصلحه العامه |
اقتباس:
بكل الاحوال كلامك "ما خرط مشطي"..وما اقتنعت فيه ابدا..لانو بالاسلام في حرية للمراة بالعمل وبمزاولة الحياة العاملة.. واللباس الديني لا يتناقض او يتعارض مع الحياة العامة :) :D |
اقتباس:
اقتباس:
لم أخرج عن الموضوع لأن هذا برأيي هو جوهر الموضوع , كذلك ذكرت بأني سوف أكتب مشاركة تفصيلية كرد على موضوع خروج البت مع الشاب المهم. من حيث الحريات طبعاً يجب أن تتمتع المرأة سواء أكانت محجبّة أم سافرة على نفس الإحترام الإنساني العام فللإنسان إحترامه وتقديره بغض النظر عن جنسه أو لونه أو دينه أو فكره. النساء في مجتمعاتنا البطركية تعاني الأمرين سواء أكانت سافرة أم محجبّة وقضيتها أعمق وأشمل من قضية حجاب . أما بالنسبة بلا من كلو ...... كمان الموضون لا يناقش بهذه العاطفية , كما قلت للإنسان إحترامه ومن يحترم نفسه يفرض إحترام الأخر له كائن من كان ,المهم هو الوعي والنضج والفكر ,والفكر طبعاً لا يمكن أن يكون لإ حراً متحرراً , والوعي هو وعي الإنسان لذاته أولاً وكيف تشكّلت و....... لن أطيل أخيراً لاقمع النفس والجسد جيّد ولا الفلتان جيد من يحترم نفسه يحترم جسده ويقدره أما إذا كانت قصة موضه وشغلات من هل القبيل فمافي مشكلة لقد أطلت . دمتم |
رد بسيط, لا حدا يفهمو غلط.
بس غالبا, مو بس المطلوب جذب الزبون. كمان في اوقات بكون فيه الغرض, "عدم تهريب الزبون" المشكلة انو هالبنات عم يروحو ضحية المجتمع المتخلف. يعني كتير منهون عم يتحجبو لا اراديا. ان كان بغرض الزواج, او بفرضو من قبل الاهل, او الرفقات. او حتى مشان ما يقولو عنهون "البهايم" انهون فلتانين. بس بكل الاحوال مانها مشكلة كبير, اذا ما بدا تشيل الحجاب, اتدور على شغل تاني مافيه هيك قانون, وين المشكلة بالموضوع! |
اقتباس:
و نحنا عم نطالب بمجتمع ديمقراطي :?.. عجبي !!!الديمقراطيه بتقتضي التعامل مع الكل دون تمييز سواء محجبه او لاء |
ما قلت ترهيب
قلت تهريب |
اقتباس:
تهريب =ترهيب بمعنى //طالما في هرب يعني في ارهاب :lol: |
اقتباس:
اي أكيد اسمو تحيز .... بس مستحيل يطلع قانون يتدخل بالتعيين بالقطاع الخاص اقتباس:
عنا .... بأكدلك ما حدا بيسأل و لا سؤال لأنو كلو واضح بلا سؤال :larg: |
عادي ترهيب وتهريب يمشوا مع بعض
على اساس انه معقدة ومتوحشة وومكن تؤدي الى الارهاب |
اقتباس:
هل كنتي قلتي نفس الكلام ..؟؟ |
| الساعة بإيدك هلق يا سيدي 09:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون