|
مشكلى الاعلام العربي و خاصة السوري
لو سمحتوا اعطوني رايكن بالاعلام العربي و خاصة السوري بطرح قضايا سياسية و معالجتها
او بالاحرى على مستوى التوعية السياسية للشعب للمشاكل السياسية للبلد بشكل عام يعني مؤخرا لاحظت انو صار في حركة نشيطة بموضوع الاخوان المسلمين هون باخوية.......طيب و هي حزب موجود ببعض الدول العربية و كان موجود بسورية و الحمد لله خلصنا منو فهل برايكن انو لازم الحكومة تقوم بنتشيط الحركة الاعلامية (على الاقل على المستوى الداخلي) و لا شو ؟؟؟ |
هلق رغم انو في شي مشتت بنقاط الموضوع لكن بالعام ...
لازم ننطلق من حال الاعلام العالمي و نلقي نظرة على ما يدور فيه و محركاته .. أول شي الأمريكية .. وكلات الأنباء و المحطات الأمريكية هي أكثر المحطات تضليلا و بيعلا لهراء حكومتها .. تاني شي البريطانية .. " برأيي " لهلق بتحترم ميثاق الصحافة و طرق الطرح كتير معقولة .. محطات الأنباء العربية .. واقعة بين هذا و ذاك و بين سياسات الدول و بمجرد أن يخدم الصحفي سياسة ما .. فبذلك يسقط عنه درع الصحافة .. يلي لازم صير انو .. تصير الصحافة حرة من أي قيود .. و لازم الصحفي العربي .. و السوري يلتزم بقضيتو .. و يلتزم باساليب الطرح الديمقراطي .. " ان وجد الطرح الديمقراطي " |
انا برأي بالاعلام العربي كلو مو بس السوري في تعتيم اعلامي كبير على القضايا السياسيه
طبعا انا ضدد هل شي ، لانو كوسيله اعلاميه هدفها نشر التوعيه و الاخبار عن كل شي بين الناس ، لازم ما يكون في تعتيم سياسي او اخباري او حتى اعلامي عن اي شي ، مشان يظل في مصداقيه .. و طبعا كلنا بنشوف مع الانتشار الكبير للقنوات الاخباريه انو لو صار تعتيم اعلامي لحادث باي بلد في تسريبات بتصير و بيوصل الخبر بشكل كامل لشي محطه و بتنشرو ، وبهل حاله المواطن او المتابع للخبر بيصير عندو تظارب بالافكار انو اي الخبرين هوه الصحيح طيب .. هاد رأي و شكرا |
مرحبا وسيم وسيزر
صحيح محطات اميركا كتير مضللة وبريطانيا العنين وفرنسا عندا شوي حيادية هلا الاعلام العربي مقسوم لاتجاهين الاول مطبل مزمر لطائفة او لحزب متل المستقبل ال بي سي(نوعا ما) او تي في بالمشرمحي كل اعلام لبنان تقريبا باستثناء محطة وحدة والكلام نفسه للصحافة ومش بس لبنان حتى الخليج ومصر القسم الثاني هو الاعلام المستقل هاد يا صاحبي هو اللي اكلها واكبر مثال الجزيرة رغم انها منحازة لجماعات معينة الى حد ما بس بتبقى الاقوى لليوم هلا الاعلام السوري فيه مشكلة كارثية انو كان يتعامل بعقلية هاد الحاضر عجبك عجبك ما عجبك بالناقص واللي بلش يحرره هو انفتاح المحطات الخاصة من جهة ومن جهة تانية السوري صار عم يشوف الاعلام الخارجي انو بمرحلة من المراحل لاقدر اعرف مجموعة اخبار سوريا اليومية كنت بجيب السفير او الحياة او الكفاح العربي لاقدر اقرا اخبار سوريا اللي للاسف اخر وسيلة بتحطها التلفزيون السوري في حقائق كتيرة لازم نعرفها الاعلام السوري مغطي عليها منها موضوع الاخوان اللي بنعرفه هو من روايات الاشخاص وين الاشكالية لو انفتح الموضوع وانعرضت افلام وثائقي للكوارث اللي عملوها وحتى لفترات من تاريخ سوريا ما عنا فكرة عنها الا من خلال الدراما دورها دور |
اقتباس:
معك حق الموضوع مشتت شوية لاني ما عرفت كيف بدي بسط الفكرة قدر الامكان مشان نضل ضمن نطاق الاعلام السوري و نشتغل على مبدأ النقد البناء (انا موالي بس بحترم النقد البناء الهادف القائم على احترام الطرف الاخر مشان يكون الحوار ذو فائدة) و بحترم رايك لانو بكفي و بوفي عن وضع الاعلام العام بس انا بدي انو نناقش هون معالجة الاعلام السوري تحديدا للمقضايا السياسية و هل برايكن انو توعية الشعب ضرورية او ليست ذات اهمية و ليش؟؟؟؟ |
اقتباس:
كلامك صحيح يا اخي بس سؤال فني صغير الك و للكل : انو ليش برايك ضروري انو الشعب يكون مثقف سياسيا و فاهم للوضع منيح؟؟يعني هل من مصلحة الدولة انو الشعب يعرف الوضع بشكل منيح ولا لاء ؟؟ و ليش؟؟ اقتباس:
:D |
للأعلام أدوار كثيرة منها التوعية والتثقيف .. توجيه الرأي .. إخباري .. وأنا اعتقد انو الاعلام العربي والاعلام السوري مقصر ..
الاسباب أهمها أنو أجهزة الاعلام حكومية .. اي توالي الحكم .. وبالتالي في اخبار ومواضيع لا يتم تناولها وفي بعض الشؤون يتم تعتيم بعض الأخبار وعدم الحيادية .. عدم نقل كل وجهات النظر في الشأن العام والخارجي .. يعني أجهزة الاعلام هذه لا نحصل من خلالها إلى على رأي طرف واحد .. وعليه فانا اعتبر هذا الاعلام غير ناجح ولا يؤدي دوره في توعية وتثقيف الشعب .. خصوصا بما يتعلق بالسياسة كون ان موقف الاعلام هو موقف الحكومة وبالتالي مهما كان قرارات الحكومة السياسية ستبجل بها اجهزة الاعلام .. وأذكر فيما أذكر .. منع قناة شام من البث .. مع العلم أنا عادت الاآن إلى البث لكني أعتقد أنه تم التغيير بخط سيرها حتى يتسنى لها البث. منع قناة atv الأردنية من البث .. وما تزال ممنوعة .. هذا وان كثير من الصحف محجوبة الوصول إلى العالم العربي .. وأخرى لا تمنح تراخيص .. الخ |
اقتباس:
|
تعرفي نيرفانا الاشكالية هي من الطرفين الحكومة والاعلام نفسه
الحكومة تضغط ضد وسائل الاعلام والوسائل نفسا تتحرك بطريقة سخيفة تظهر الراي الواحد اتفرجي على اخبار لبنان من المحطات اللبنانية المستقبل تبدا بالهجوم على سوريا الال بي سي شايفة الحكيم -مو حسام - ومش مصدقا المنار و ان بي ان واوتي في هدفها الحكومة اللا شرعية نيوتي في بتاع كله وتلفزيون لبنان الرسمي بلا ما احكي هي كمثال لبناني اما الاعلام السوي مشكلته مشكلة لانو من جهة مقصر بحق ايضاح الفكرة ومن جهة تانية لا يسمح بالمنافسة الخاصة وعم بحكي تحديدا تلفزيون لانو الصحافة المكتوبة بلشت تشتغل شوي شوي فمثلا منع قناة شام متل ما قلتي ورجعتها المثيرة للجدل او الدنيا اللي عبارة عن مسلسلات ولسا ما عرفنا شو طبيعة المحطات الجايي بالعربي الفصيح سوريا تعتمد كتير على الاعلام الخارجي بس مو دائما الاعلام الخارجي منيح شوفي لبنان وقت ازمة نهر البارد اتفقت الوسائل الاعلامية المختلفة على دعم الجيش ووصلت صوتا للخارج ونحنا قديش صرلنا عم نحكي ونحاول نوضح موقفنا من المسائل المحيطة لولا الجزيرة والعالم ما حصلنا شي |
شكرا نيرفانا عالمرور
طيب و شو مشان انو الشعب لازم يكون واعي للوضع و القضية اللي تشغل البلد في اي وقت؟؟؟يعني شو اهمية هالشي برايكن؟؟؟ |
طالما الإعلام ما عندو استقلال وطالما ما عندو قدرة على مواجهة المسؤولين فأنا واللي غيري ما بشتريه بفرنك
وعنا الواحد يشتري مجلة نادين أو الشبكة أحسن من أيا شي أسمو إعلام عنا |
اقتباس:
|
اقتباس:
شكرا على تصحيح المعلومة هاني لانو انا سمعت غير هيك .. |
برأيي ... لما منقول اعلام سوري ...... منكون عن نظلم كلمة اعلام بشكل كبير
فاعلامنا ( الله يجعلو اعلام ) ما بذكرني غير بنشرة التوجيه السياسي يللي كانو يتحفونا فيها كل يوم الصبح بأيام الجيش يعني عبارة عن مجموعة تعابير و مصطلحات جامدة ...بعيدوها يومياً ..... بس بترتيب مختلف عن اليوم يللي قبلو و كلو كوم ........ و التحف يللي بسموهون مذيعين بالتلفزيون السوري كوم تاني يللي ما تغيرت وجوهون من و ما غابوا عن الشاشة من يوم اللي ولدنا.... و المذيعة يللي بتغيب .... بتكون مجهزة بنتها ...لتستلم بعدها ( يعني تلخيص للسياسة العامة للبلد ) عالهامش ... قال فتحت قناة سورية جديدة ( يمكن اخبارية ) اسمها الرأي |
اقتباس:
طبعا برأيي اهم شي هوي الشعب .. لذا يجب ان يكون الشعب واعي وعلى مستوى جيد من الثقافة .. لانو لو الشعب واعي بيقدر يعمل اي شي .. لا يمكن لاي جهة التلاعب بعقله وإدراكه وعواطفة اتجاه اي قضية .. مثال: في حال ارتكبت الحكومة خطأ فيتصدى لها الشعب الواعي الممثل بالمجلس النيابي أو بالمظاهرات أو بالاضرابات أو بالصحف وأجهزة الإعلام أو .. أو .. |
اقتباس:
|
اقتباس:
طيب بهالحالة مو من مصلحة الدولة انو الشعب يكون واعي بشكل منيح لانو اذا واعي اي تصير مشاكل كتيرة شو رايكن انتو؟؟؟ |
اقتباس:
:deal: |
اقتباس:
أما اذا قصدك بالدولة الحكومة وجماعتها ومعشر المسؤولين في دولنا أو معظمهم باية حال .. فبالتأكيد ليس من مصلحتها ان يكون الشعب واعي .. |
اقتباس:
أما في سوريا فالاعلام رسمي أو حكومي وبالتالي يتبنى راي الحكومة دائما ... واي تجاوزات يتم قمعها بشكل او بآخر .. وقبل ما ننظر للاعلام الخارجي ونطمع منه ان ينصفنا .. فلنطلب من اعلامنا الداخلي ان يحكي بلسان حالنا وينصفنا .. فهو أولى .. مع العلم انو احيانا الاعلام الخارجي يتبع لجماعات قد لا تكون من مصلحتها هو مصلحة الشعب و البلد .. سواء منه الاعلام الاجنبي أو الاعلام التابع للمعارضة العربية أو السورية أو الاعلام المقيم بالخارج . |
اقتباس:
قناة شام كان معها ترخيص وتسكرت بامر من الحكومة وهلأ رجعت تبث من مصر وبكرا الخبر اليقين |
اقتباس:
|
اقتباس:
بدك تصلحلي المعلومة هاني :jakoush: |
سامر لا تتفاءل بقناة الراي الجديدة طلعت لعراقي اسمه مشعان الجبوري وبرامجها سياسية بس للعراقيين بالدرجة الاولى
هلا بالنسبة لقناة الشام كل يغني على ليلاه ناس بتقول انو مشان الترخيص وناس بتقول انو مشان قانون الاعلام اللي ما بعرف ايمتى رح يطلع ورحعتا للقاهرة بس الاستديوهات لسا بالشام هلا عنا كارثة بالتلفزيون الرسمي انو وقت بلش يتحرك وينفتح دغري رجع تقوقع لكن مسلسل غزلان في غابة الذئاب صار خيانة وطنية؟.ا ومنع عرض مسلسل ممرات ضيقة عن سجن النساء والحصرم الشامي قال فيه اساءة للشام والاحلى مسلسل رسائل الحب والحرب هلكوا سماهون لينعرض هي بس بالدراما اخيرا |
هلق شي حدا يجبلنا الخبر اليقين يا جماعة مشان قناة شام :D
طارق,شو قصة هالمسلسلات هدول؟؟؟انا ما حسنت تابع ولا واحد غير باب الحارة :pos: |
قناة الشام الفضائية
حتى ما يصير التباس بالمعلومات اعطت الحكومة السورية ترخيص لقناة الشام الفضائية بالبث لمدة سنة كبث تجريبي وبعد انتهاء السنة طلب صاحب القناة ومدير التحرير الترخيص للبث بشكل متواصل فطلبت منهم وزارة الاعلام ان تضع رقابة على المواضيع والبرامج التي ستبث ومنها البرامج السياسية وان تقدم كل اسبوع ساعتين يكون فيها مقابلة مع وزير وان تكون المقابلات الاخرى حصريا بما يتفق مع السياسة السورية وعندما رفض مدير التحرير هذا العرض مدعيا انهم اعلام حر ومحايد وسيطرح المواضيع بشكل محايد وسلمي وانه لايرغب بالمواضيع التحريضية بل انه يرغب بالانفتاح على العالم وعرض الحقيقة من خلال قناته فما كان من وزارة الاعلام الا ان سحبت الترخيص منه وهددت بمصادرة الاذاعة والادوات ومنع الصحفيين العاملين لديها من مزاولة العمل فاضطر مدير التحرير ورئيس القناة ان يذهبو الى مصر ومن هناك اجرو مقابلة مع وزير الاعلام المصري وبعد ساعة ونصف تمت الموافقة على بث القناة من مصر _________________________________ هي المعلومات تازة وهلأ ........... حتى ما كل واحد يزايد عليهون :larg::larg::larg: |
بس معلم كوستا ما قلتلنا انو قناة شام رح تكون عندها الحرية اللي طلبتها بسورية و هي عم تبث من مصر ولا كمان في عندها قيود اعلامية بما يتماشى مع الوضع السياسي المصري؟؟
|
اقتباس:
يعني بدك نحكي دج خيو هي القناة كلفت صاحبها 600 مليون ليرة سورية عندو 250 موظف بين صحفي وعلامي ومذيع ومدري شو كمان ..... وعندو ضرايب بدو يدفعها ومعاشات والاهم من هيك مانو مستعد يضحي باي موظف من عندو .... بدو يستمر .... انت شو رايك ؟؟ |
اقتباس:
بس من حكيك و وصفك للوضع ما بتوقع انو يغامر اكتر من هيك مشان حرية اعلام ما حدا عم يوافقو عليها يعني رح يخضع للوضع غصب عنو و يتماشى مع الاوامر بس السؤال اللي بيطرح نفسو:كونو رضخ للامر الواقع و ما حسن ينقل اعلام حر و محايد طيب ليش ما عمل هالشي بسورية و من سورية يعني عالاقل بيخدم بلدو...... |
عندما تقوم أي مؤسسة إعلامية بوظيفة التوعية السياسية تفقد مصداقيتها كمؤسسة إعلامية حيادية ناجحة
التوعية السياسية هي عبارة عن نقل فكرة سياسية إلى جمهور المشاهدين لإقناعهم بها وبالتالي فكل حزب يرى في عملية طرح أفكاره للجمهور لإقناعهم بها توعية سياسية يعني عندما تطرح مؤسسة إعلامية يَمينيّة(من اليمين السياسي) مثلاً فكرة البطالة تحاول هذه المؤسسة أن تصب جهدها في إقناع المشاهد بأن سبب البطالة مثلاً هو المهاجرين وعندما تطرح مؤسسة إعلامية يسارية قكرة البطالة تحاول هذه المؤسسة ان تقنع المشاهدين بأن سبب البطالة مثلاً هو التضخم الناتج عن إحتكار رؤوس الأموال كلا المؤسستين يقوم ب دور التوعية السياسية هنا على الإعلام أن يكون حيادي ينقل الخبر كماهو دون زيادة أو نقصان وحتى دون إعطاء رأييه في هذا الخبر ليترك للمشاهدين حرية الحكم على مايشاهدوه |
بالمناسبة كلمة توعية سياسية في إعلام الحكومات تدل على نظام شمولي يعامل مواطنيه على أنه الوصي عليهم
|
هلأ سؤال مهم كتير ...
وين يف قناة بالوطن العربي الكبير الجميل ، ذو المناخ المعتدل ، بدي قناة وحده بتعطي حريه كامله بدون اي قيود ، بس خلونا نستثني الجزيره ، لانو الجزيره عندها حريه على مساحه كبيره ، بس مع هيك ما بتدخل بسياسة دولة قطر .. انا بدي قناة فيها حريه تامه و خصوصي للبلد يلي موجوده فيها القناة ... ما اتوقع في اجابه لهل سؤال |
اقتباس:
نحنا عم نحكي عن واقع الاعلام السياسي العربي و خاصة السوري منه و بعدين التوعية السياسية اذا ما كانت من وظيفة الاعلام فوظيفة مين رح تكون؟؟؟؟؟؟ يعني وقت اللي بيطلع شي مسؤول او شي رئيس باي مكان بالعالم و بدو يحكي شي عن وضع سياسي معين او مشكلة معينة وين بد يحكي ؟؟؟؟مو عن طريق الاعلام بتوصل كلتو للعالم و للشعب؟؟؟؟؟ |
اقتباس:
و حتى الاعلام اللبناني اللي بيتفاخروا فيه انو حر وما بعرف شو....كلو قائم على خدمة الجهة او الطائفة اللي بترعى هالقناة |
اقتباس:
كلمة توعية لغوياً معروفة بمعناة ان يوعي أحدهم الاخر يعني الإعلام يلي بتبع سياسة التوعية هو إعلام موجه سياسياً نحو هدف ما وبالتالي فقد مصداقيتو بكونو إعلام موجه |
هلأ الاعلام السوري اعلام رسمي وموجه
انا ضد انو يكون الاعلام موجه باتجاه واحد يعني نحنا بنشوف بلبنان وغيرها الاعالممش رسمي بس موجه كل شخصية بتحرك محططتها متل مابدها مع احترام اراء الاحزاب والتوجهات الاخرى يعني انا بشوف مثلا على المنار اخبار عن 14 اذار وتحركات سعد الحريري واراءو ونفس الشي على محطات تابعة لغير مجموعة الاعلام السوري يفتقد لهذه النقطة يعني ما بيجبولنا اخبار المعارضين ولا بيجيبولنا اخبار ممكن تخالف التوجه العام للدولة ولامرة انفتح موضوع الاخوان بالفضائية السورية ولامرة استقبلو معارض سوري او غير سوريا لسياسات النظام بسوريا هي نقطة سلبية جدا جدا يعني حتى لو كان الاعلام رسمي بس مالازم يكون موجه بهي الطريقة صار في محطات فصائية سورية غير رسمية بتمنى تكون منتبهه لهي النقطة وعندها قدرة انو تنقل اراء الجميع بطريقة لاتسيء لاحد بالنسبة للتوعية السياسية يعني انا بعتقد انو الوصول الى الوعي السياسي يكون بمعرفة راي المعارض لفكري حتى اقدر احكم على افكاري انا التوعية عند السوري لم تاتي من التلفزيون الرسمي الا بنسبة ضيلة جدا انما المحطات الفضائية الاخرى هي من اسهمت في تشكيل هذا الوعي السياسي الذي ادى الى التفاف جماهيري واسع حول قضايا تمس الوطن وسيادته بتمنى انو نوصل لمرحلة يكون التلفزيون السوري وسيلة التوعية الاولى للمواطن بحيث لايكون مضطرا الى تقليب عشرات المحطات ليعرف ان كان رايه صحيح ام فيه لغط |
اقتباس:
أما اذا كان اعلاما كالاعلام السوري فانه سيطرح وجهة نظر واحدة وهي وجهة نظر الحكومة .. وسيطوع هذه المفردات حسب مصلحته .. |
اقتباس:
|
طيب هل برايكن انو الاعلام السوري عم يطرح القضايا السياسية الخارجية بشكل جيد ام لا؟؟ طبعا انو عم يطرح وجهة نظر و سياسة الحكومة السورية بس انو المعنى من السؤال هل السياسة الخارجية السورية كما يطرحها الاعلام السوري صحيحة و تسير بشكل يخدم ابناء سورية؟؟؟ ام انها برايكن تسير الى وضع مجهول لا تحمد عقباه؟؟ |
اقتباس:
ولا هاد بس نظريا هي مهمة الاعلام؟؟ بعتقد انو صعب اذا مو مستحيل مو هيك ;) |
| الساعة بإيدك هلق يا سيدي 12:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون