|
سؤال لـ الكل ـل عطونـ آراءكون ـا مو الكل الكل بس يلي جرّبو قصص الحب
:hart:هلق اكيد الكل تقريباً مارقين بقصص حب و غرام و اكيد في قصص باقية لـ هلق و قصص معلّقة و قصص منتهية و قصص محزنة و قصص سعيدة و قصص و قصص و قصص
هلق سؤالي لـ الشباب و الشبيحة بالاول هلق يلي فشل او غلط او انتهى من قصة و طلع منها حزكين((متلي الله يبعدكون)) شلون قدرت تنسى يليـ غلطت معالك او غلطت معاها و شو ساويت و شقد ضليت حزين؟؟ و السؤال تبع الصبايا الحلوين: انتي لما حبيتي هالـ شب و بعد فترة تركتيه اوكي شلون هيك قدرتي؟؟ يعني كنتي عم تتسلي؟؟ ولا ما عجبك؟؟ ولا شو؟؟؟ يعني انا عم اسأل هالـ الأسئلة لانو مو عارف كيف انسى و قلبي عم يوجعني و صرلي فترة منيحة تاركها و ما عم اقدر انسى شو آراءكم و شو حلولكم وشو ردودكم بتمنى من كل واحد فتح هالموضوع يرد بأي شي و لو بكلمة مواساة شوفو ترا يمكن الموضوع بايخ او سئيل او مئت بس هيك قلت لحالي منسأل و منستفسر و منشوف الردود اوكي حبيباتي...:p أخوكم بالله: ماهر:lol: و سلامات:D |
:cry::cry:هونها بتهون يعني الي خلئها خلق غيرها كتير و احسن منها كمان يعني ما راح توقف الحياة عندهاا بعدين خلص اذا كانت هي اختارت تفارئك انت احكيلها فرائك عيد يا امورة و كب ورى ظهرك و كفي حياتك :D |
اخي انا بقلك كيف ,, لاتتذكرها بنوب .. انسى انك كنت حاابب وحدة يعني .. عود مع الشبااب رفقااتك ضحاك امزح .. اول ماتتذكرها الطش حالك كفين .. عنجد بتبطل هههههههه .. وبعـدين ياكتر البنااات يامعلم .. روح الله يبعتلك اللي احسن منها .. اهم شي انك تطلع وتعييش حياااتك وجووك مع الشباااب .. والله حيووو احلى لعبة تريكس :) .. واذا مانفع شي خخخخخخ روح حشش هههههههه .. >> ردي في شغلات مزح وشغلات جد عاد انت اختار .. يالله الله يهونها علييييييييييك |
والله يا ماهر كلو بينتسى..في شي بيطول بس بالآخير بينتسى بكرا بس الله يطعمك ببنت أحسن ..يلي أنت ما بتهون عليها حتى تجرحك بكلمة بتصير تضحك على حالك وقت تتذكر هي البنت الله بيعين..:D |
مو القصه قصه نسيان
انا بحس انو الانسان مستحيل ينسى مرحله مرت بحياتو والحب مرحله هوه مر فيا اد ما كانت قصيره مدتا وحتى لو كانت طويله فيك تنسى شي من طفولتك ؟ ممكن اشياء صغيره بس بيبقى ذكريات حلوه او بشعه فيك تنسى ايام الثانوي ؟؟ :lol:وهيك القصه .. كلها بالرضا بالي كتبوا الله لابن ادم الله ما كتبلي نصيب مع هي البنت او هادا الشب وانا راضيه بحكمك ياربي :cry:بيضل الالم ممكن مع الايام بتجي قصه جديده مو ضروري قصه حب ممكن صداقه ممكن شغل بتنسى الالم وبتضل الزكرى الحلوه انشالله :Dروء |
اقتباس:
و خلاص انا مبارح نهيت القصة او نهيناها سوى و ما عاد في شي إلا شوية زعل و بروح مع الايام بس انو حب مرة تانية بلاها هلق من عدا شي مو عرفان ادرس و بتعرفي انتي إذا بدي اعمل علاقة جديدة بدها وقت يلا لحتى ارتاح من يلي راح بفكّر ابلش بقصة جديدة إذا في حواليكي شي وحدة قوليلها بعد سنة ههههههههههههههههههههههههه ههه مشكورة جوليانا ع المرور |
اقتباس:
مشكور كتيييييير و هذا يلي عم اعملو يعني مبارح بالسهرة خليت الشباب يفقعو من الضحك و نسيت كل هموم الدنيا بس يا حسرتي بالليل اجتني النوبة قمت نكت خخخخخخخخخخخخخخخخخخخخخخ يلا بتوقع بعد يلي عملتو المحروسة معي مبارح ماد فكّر فيها ___________ و متل ما بقول هداك المطرب: الله معا لا تمنعا لا تحاسبا ولا تودعا ___________ شكراً كتير ع مرورك المنوّر تسلم يا غالي بس شو مشان الحشيش؟؟ عطيني شوي إذا عندك ههههههههههههههههههههههههه هههههههههههه |
اقتباس:
حسيت اني ما عرفت حدا قبلها مع العلم اني كنت مطبقاتي ع مستوى حمص بس ستيييييييييي حاج خلاص توبة و السنة الجاية منشوف ______________ مشكورة ع الرد المفيد |
اقتباس:
لا تعليق على كلام دقيق من شخص رقيق |
الحب مو متل اي شي بالدنيا
والموضوع مو موضوع علاقة.... فشلت وانت مو متعلق فيها ابدا !!!! انا بشوف انو انت متل كتيرين كانوا محتاجين للحب... لانو في جواتهم قلب وفيه كم هائل من المشاعر وكان في عندكن تخيل للحب... وكان في مدينة عايشين فيها وفجأة تدمر كل شي مع اول حبيب وصارت الدنيا سودا وشوق ومو قدران تنسى ومن هالحكي بس انا بشوف شي تاني انت مو مصدوم منها لا ابدا انت اللي صدمك النرجسية اللي كنت متخيلها بالحب والسعادة اللي كنت ناطرها والألم اللي عشتو المشكلة العذاب اللي مالو اخر والمشكلة الاكبر الناس اللي بنحبهم وما بيفهموا ولا بيقدروا هالحب مشان هيك انا برجع لاحكيلك نحنا ما بنحب ناس معينين لا ابدا احنا بنحب الحب اللي بنحطوا فيهم وبنحب الامل اللي بنرسمو على اطلالهم نحنا بنتخيلهم شي وبيطلعوا شي تاني الخلاصة انا عندي قناعة انو ما الحب الا للحبيب الاخير بمعنى نحنا بنتخيل انو ما في حب اكتر من الحب اللي منحناه لشخص معين بس الحقيقة غير هيك وهي انو نحنا بنقدر نحب مرة تانية وتالتة وعاشرة وممكن المرة العاشرة تكون الحب الحقيقي وما في شي اسهل من النسيان او لاحكي التجاهل اذا كنّا من اهل الارادة بتمنى كون فدتك ولو شوي :D |
اقتباس:
:cry: :cry:دمعو عيوني و وجعني قلبي..مابعرف ليش مع أنو حكيك كلو تفاؤل:cry: :cry: |
اقتباس:
لانو اللي ما بيستاهل ليش نبكي عليه واللي بيستاهل ما رح يسمح لدموعنا تنزل لانها غالية عليه:Dمو هيك |
اقتباس:
كلامك ما عليه ولا حبة غبرة و مشكورة ع التعليق الحلو و الإهتمام و المراعاة بس المشكلة مو انو انا بحب الحب و متل ما قلتي بس المشكلة انو هالمخلوقة تركتني هيك لسبب سخيف و ما إلو أي طعمة ولا معني يا ستي انا معك الحب الحقيقي هو الحب الأخير بس المشكلة انو الواحد إذا أكل صدمات كبيرة من ناس مو بس من إنسان بيكره القصص من جذورها يعني انا هاي مو أول مرة بحب فيها بس المشكلة انو لما كنت اترك وحدة و احكي مع غيرها ما انسى يلي راحت تضل ولو حتى انو بالبال بس لما تعرفت ع هالمخلوقة نسيت كل يلي راحو و لهلق نسيانهم بس المشكلة انو هيي ما قدّرت هالشي يا ستي الله معا لا تمنعا ولا تعاتبا ولا ترجعا.... و البقية معروفة يلا ايام حلوة و راحت صح هلق انا زعلان عليها بس مو متل قبل يعني يوم بعد يوم عم تروح من العقل بس مستحييييييييل تروح من القلب بس بيجي يوم و بتقول يا ريتني و يا ريتني ساعتها يمكن ما تلاقيني يلا أصلاً هيي هلق انخطبت الله يوفقها و بعتتلها مباركة هاللللللللللللللطولها بس من قلب محروق و الله يلا يمكن مو من نصيبي وائل جسار((اعذريني يوم زفافك)) اغنية حلوة اففففف شقد حكيت يلا سمحولنا سلام |
لم أجربه بعد !!!
و لكن ،.. مما علمتني الحياة أستطيع أن ألخص لك الدرس : ،.. الحب الذي ينتهي ليس حبا ،.. و ما دام انتهى من طرف و بقي الطرف الآخر ،.. فأنت الآن في حالة حب من طرف واحد ! و الحب من طرف واحد جميل ،.. لكنه انتحار بطيء ،.. [ لا ] تنتحر يا سيدي ،.. نصيحة ،.. [ لا ] علاج لحبك إن كان صادقا إلا المحبوب ! و ما دامت لا تستحقك ،.. فلا تظلم كبرياءك ! |
يا الله انتم فلاسفة كبار
الحياة والحب كثير بتكبر البنى ادم وبالتحديد اللى بيعيشهم بصدق ماهر ,, الحب شئ جميل ونادر والاخلاص لهذا الحب حتى النهاية اندر علشان كدة انا مستغربة ان فى راجل فى الدنيا لسه مخلص كنت بعتقد كل الرجالة غير مخلصين بمشاعرهم ,, المرأة اكثر على العموم بنصحك عيش حياتك بقلب مفتوح استعد لحب جديد لان الحب ما بينتهى وتجربتك هذه ما بنصحك لا تنساها كلية لانك اكيد ممكن تتعلم منها كثير يعنى تحاول تشوف ايه اللى ممكن يفسد علاقة الحب بين البنت والولد وتحاول ماتكرروا دومت بخير اخى |
ااااااااخ
شو بدي قلك سيدي انا سبق وفتحت هيك موضوع هون بالصالون ماعلينا تنساها هيك بين ليلة والتانية هاد شي مستحيل لح تضل شهر وتنين وتلاتة وكل غنية تذكرك فيها وكل ما تنزعج من شي بسيط لح تتذكرها ساعة لح تسبها لانك مشتقلها وساعة لح تقول يا ريتا جنبي هيك لحد ما تلاقي فجاة انو في بنت تانية كتير حبابة بلشت تدغدغ مشاعرك وتفكر فيها حتى لو ماصار شي بس نصيحة لا تدور عالتانية دوارة لانك لح تزيد المك وتضحك عحالك مع تمنياتنا بالشفاء السريع على فكرة لح تضل ببالك كبنت بس مالح تفكر فيها باي شخصية كانت لانو الاسى ما بينتسى مايسترو |
انت بدك تنسى ؟؟؟؟؟؟؟؟؟؟؟؟ليش
|
اقتباس:
و لح ظل تفكر فيها بيجوز 6 شهور بيجوز سنه بس لح تنى بالاخير ، والسبب لانو هيك الدنيه و هاد درس من دروسها يا صاحبي ... كلنا مرينا بهل موضوع ، وانا من الناس يلي ما صرلي فتره كبيره ماراق بهل موضوع بعد فترة 4 سنين و عادي نتهت بخيانه وهل شي كان انو دمرني بعض الوقت ، بس بعدين صحية بعد كم شهر انو شو بوقف عالمي و سمتقبلي هون لا الشاطر يلي بياخدها دفشه لقدام و بيكمل و بالعكس بيشتغل اكتر و اكتر على حالو أولا مشان مستقبلو و مشان حياتو وتاني شي ليورجيها انو شوفي انا شو صرت و هاد الش كافي للندم لهيك ما بحكيلك الشي سهل و بعرف انك عم تشوف الحكي و تقول يا الله شو سهله عليهم يكتبو هيك كلام متل رمي و را ظهرك و انسى و شلحها و يلي نساك نسا و كل هل حكي .. بس صدقني خدها كلمه مني صرلي 6 شهور مارق بهل وضع وبعرف شو المو وشو وجعوا ، بس برجع بحكيلك الشاطر يلي بيكمل ما بيوقف عند هل نقطه و انو خلاص .. |
آخر ما اتوصلت إليه ان الحب لا ينتسى إلا بالحب :oops:
|
اقتباس:
مشكورة ع المرور الرائع عن جد كلامك مؤثر و معبّر و إن شاء الله رح امشي ع نصيحتك شكراً مرة تانية:deal: |
اقتباس:
بس المشكلة انو ما كان في مشكلة و عم نبحش ع شي جديد بس للأسف ما في أمل بالليل عم يرجع الوسواس بقعد بفكر بايام زمان و بقرا رسائل الجوال بس خلاص كمان عم احذف شوي شوي بالنهاية رح اخلص من رب هالقصة لأني عن جد طقييييييييييت اووووووووووف مشكورة ع المرور و ع الرد الجميل و ع النصيحة |
اقتباس:
حلو ردك كتير و إن شاء الله بصير هالشي مشكور ع المرور معلم مايسترو |
اقتباس:
هلق في واحد بحب يضل مهموووووووووووووم و كرهان كل شي اسمو ((حوا((مع إحتراماتي للجميع)))) نانووووووش شو هالسؤال هذا؟؟ |
اقتباس:
و كلامك مزبوط تبع انو انتو عم تحكو بسهولة بس طبعاً أنا بشكر كل شخص حط رد و في ناس عم تفيدني و حياتك بعدين أهم الشي لقيت حدا اشكيلو همومي و يناقشني و ناقشو صح ولا مو غلط شكراً ل إلك ع الرد الرائع و إن شاء الله بصير معي متلك بس من ناحية النسيان طبعاً مو من ناحية الخيانة بس من ناحية النسيان و هلا و غلا فيكم جميعاً |
اقتباس:
فعلاً بس عتبك ع يلي لسا بسدّق مخلوق متل ما قال مايسترو ما رح دوّر يعني هالبنت ما دوّرت عليها االله وكيلك بالصدفة متل ما بتقول ((يارا....صدفة)) و عم نستنى الصدفة الجديدة و تعلمت شغلات كتيرة من هالتجربة و شكراً ع المرور |
الحب من رأيي سخيف
كل شاريه سخيف كل بائعه سخيف كل شخص حاول الإتيان بالمسك بعصر مرارة الثور من نظري ايضاً سخيف و كل شخص آخر حاول التطعيم يحلم أن يكون لديه من شجيرات الطماطم أزهراً من ياسمين من نظري أيضاً سخيف هؤلاء هم الحمقى هم الذين يتيمون بحبيبةٍ كاذبة ...حبيبةٍ شرقية _________________________ يا سيدي و يا ستي يلي كاتب هالقصيدة فنان و فهمان و معلّم بس فهمان بكلامو عن الحب مو عن الحبيبة ولا شو رأيكون |
اقتباس:
لو كان قدري يشاء ،.. لقضيت أمام حرفك من الساعات ثلاث و لربما أكثر ! و لكني أبصم لكَ بالعشرة ،.. [ كاتبها عاشق حتى النخاع ] ! حدّ أنه رأى الحب بعد رحيل حبيبته سخيفا لأجلها ! و اعتبر كل حواء شرقية كاذبة فقط لمجرد أنها [ هي ] لم تصدقه في حرفها ،.. يالـ عشقه ! و يالـ حظها به ،.. رغم أني أؤمن ،.. أن [ السخافة ] تنبع ممن أحببنا و ليس من الحب ! |
اقتباس:
الشي التاني اخي النسيان اخ من النسيان النسيان نعمه ، مانو سهل بس نعمه اول اسبوع بتحس حالك عم تموت و تعيش بكل لحظا مليار مره بتحس روحك عم توصل لحلقك وترجعها مره تانيه اول شهر بتحس حالك مكسور مهزوم كل شي سواد تاني شهر بتحس بالمرار و بالزكريات عم دور براسك و اللحظات عم تنرسم قدامك تالت شهر بتبلش تكتشف شغلات ما كنت تعرفها اشياء صارت قدامك بس انت ما حسبتها ولا فكرت فيها و هل شغلات كان الها دور بهل شي رابع شهر لو كنت متلي يعني بتبلش توعى حالك انو شو وليش كل هاد و شو نهايتو ، يا بترجع بتقوم وب تكمل يا بتكمل كابتك سنه و سنتين طبعا الشهر الخامس و السادس وهيك لوقت تنسى بشكل تام بدك قريب السنه برأي ، هون بئا ايام بتلاقي حالك مزعوج و ايام مكتأب و ايام عادي و ايام بضعف ، بس بالمحصله بدك تنسا يا صاحبي انا هاد راي |
اقتباس:
و حياتك شكراً ع الرد الرائع و المنوّر |
اقتباس:
بالمرار و بالزكريات عم تدور براسي و اللحظات عم تنرسم قدام عيوني او بقلبي يعني التالي يعني هانت الشغلة بس و الله متل ما عم تقول بتمرق لحظات بمووووووووووووووووووووووو ت فيها الله يبعد عنك و عن الجميع يلا قرّبنا للنهاية هاي بداية نهاية النسيان شكراً ع الإهتمام أخي الكريم و الردود الرائغة هلا بأحلا آش |
ايه والله احسن شئ انساها بكر تلاقي احسن منها
تعرف قيمتك وتقدرك ويمكن في يوم من الايام تندم عليك الي فارقتك بوقتها تكون بنيت علاقتك مع الي قدرت تفهمك ومين بيعرف الزمان دوار يوم ليك ويوم عليك الله يوفقك |
عراسي يا حبيب
:D مايسترو |
اقتباس:
بس انا لما حب ما بكره وما بنسى لان الشخص يلي حبيتوا كان يوم من الايام اغلى من حالي :oops: |
كرهان جنس حوا ياحرام عليك ..............انا شودخاني ؟
|
سهل كتير
سؤالك بتلاقيه بكتب سيgموند فرويد ليش الحب.؟ ليش المراه بتحب الرجل و بالعكس.! |
اقتباس:
|
هلق يلي فشل او غلط او انتهى من قصة و طلع منها حزكين((متلي الله يبعدكون))
شلون قدرت تنسى يليـ غلطت معالك او غلطت معاها و شو ساويت و شقد ضليت حزين؟؟ و السؤال تبع الصبايا الحلوين: انتي لما حبيتي هالـ شب و بعد فترة تركتيه اوكي شلون هيك قدرتي؟؟ يعني كنتي عم تتسلي؟؟ ولا ما عجبك؟؟ ولا شو؟؟؟ صعب جدا ننسى بالبداية ممكن كل حركة كل كلمة تذكرنا بالحب الضائع بس اكيد ما لازم نضل ناطرين الحزن تبعنا لانو الطرف التاني اكيد رح يكمل حياتو وما رح ينطرنا وكيف ممكن نترك شخص انا براي لو ما في سبب كبير ما كنا منترك ممكن يكون انسان عندو جوانب سيئة نتغاضى عنها فترة طويلة وبعدين منتعب فمنقرر الانفصال ومافي حدا حكى مع شخص تاني الا وكان في شي عاجبو ويمكن اذا ضل ببالنا انو هاد الشخص ما بيستاهلنا وانو رح يتابع حياتو بشكل عادي ولا كان ترك حدا بظن رح ائدر اتغلب عا حزني واطلع منو وجرب احتك باشخاص كتير واكيد الحب الجديد رح ينسي يلي مرء بس بدها شوية وئت واكيد بدي اعطي مشاعري فرصة لترتاح من الضغط يلي كان عندها وتعيش كم يوم حرة وبرجع بحب من جديد:hart: بس اكيد من دون اغلاط الماضي |
هلئ ب اختصــار لما تشوف ناس مو مستحقه منك اصفى شي بتملكو لازم تسحبو منون قبل ما يسحبوه منكـ والحياه مستمره كلام الزميل ash فيو تفاصيل لردي فيها شي من الواقعيه والعقلانيه |
ما شا الله عليكي فصيحه.!:D
|
اقتباس:
|
| الساعة بإيدك هلق يا سيدي 08:09 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون