مواقع إخبارية سورية تتناقل خبر حجب أخوية
 

* حجب موقع "أخوية" بسبب رسم كاريكاتوري يطال بشار الأسد وعقيلته
موقع ثروة الالكتروني – الثلاثاء 30 تشرين الأول/ أكتوبر 2007
حُجبَ موقع أخوية على المتصفحين من داخل سوريا، وذلك في يوم السبت الواقع في 28 تشرين الأول-أكتوبر-2007.
ويرجح عدد من أعضاء المنتدى أن سبب الحجب كان بسبب نشر أحد الأعضاء لرسومات كاريكاتورية عن فترة الاستفتاء الرئاسي، منقولة من موقع الناخب السوري وتخص الرئيس السوري وزوجته أسماء الاسد.
فيما علق بعض الأعضاء الآخرين على أن الحجب كان بسبب فشل السلطات السورية في اصطياد الشباب المعارض من المنتدى، وذلك بسبب تنبه أعضاء المنتدى إلى هذا خصيصاً بعد ان أصدرت عدد من المنظمات الدولية مثل العفو الدولية وهيومان رايتس ووش تقارير تتحدث عن الاعتقالات التي طاولت مرتادي الانترنت في سوريا وقد خصت"منتدى أخوية الإلكتروني" بذكره بالاسم.
وكان قد قام بعض الشباب السوريين أثناء فترة الاستفتاء الرئاسي في سوريا، تعبيراً عن استيائهم من الوضع الحالي بالتصويت على سبيل السخرية للمطرب السوري جورج وسوف كرئيس لسوريا حيث حصل جورج وسوف على 55.26% بينما حصل بشار على 44.74% من نسبة المصوتين.
يذكر أن موقع أخوية أصبح معروفاً بعد ان اعتقلت مجموعة الطلاب الثمانية (حسام ملحم، طارق الغوراني، ماهر أسبر، علي نذير علي، دياب سرية، علام فاخور، عمر العبد الله وأيهم صقر) وذلك بسبب مشاركتهم بمواضيع أدبية واجتماعية على الموقع.
ومؤخراً تم اعتقال الناشط الشاب كريم عربجي، وهو مشرف في الموقع ولا يزال محتجزا دون اتصال مع العالم الخارجي منذ أكثر من خمسة أشهر وغالباً بسبب مشاركاته في أخوية.

http://www.thisissyria.net/2007/10/30/syriatoday/04.html

الأسف الأخوية انشهرت على حساب اعتقال شبابنا و الآن بسبب الحجب

حسافة



شكرا :D

مو عارفة شو بدي احكي أو كيف بدي صيغ كلامي الا انو .. مو عارفة اذا للاسف .. يعني للاسف الكبير اعتقلو الشباب وللاسف تم حجب أخوية ..

بس أخوية مساحة الحرية مو للأسف .. أخوية من كل صوب ومن كل فكر ومن كل حرف انكتب مو للأسف ..
وأخوية تستمر ..

كمان اخويــه الله حاميهاااا


ورح تضل ..:D

عالهامش .. انوو ما تستغربو شي نهار يعملو مقابلات مع الاعضاء :lol:

الله يجازي اللي كان السبب وخلاهون يحجبوه :pos:

عجبتني الفكرة


بالنسبة للخبر, اكيد واحد من اعضاء اخوية باعت هالحكي للموقع. لانو مو معقول المعلومات اللي موجودة عندهون. اي لو مخابرات مو هيك

في شوي من الاعضاء كتير بكون عظيم اذا بيرتاحو وببطلو ينقلو اخبار اخوية لبرى ... لانو متل ما قال جاد مستحيل يكونو مراقبين اخوية هالمواقع التانيه وقلقانين فينا هالقد وعم يتابعو مواضيعنا و نسب التصويت كمان ...

رح تجيبو اخرة الكل متل ما جبتو اخرة الي قبلنا...حاج بقى ...:frown:

[quote=Reemi;807299

رح تجيبو اخرة الكل متل ما جبتو اخرة الي قبلنا...حاج بقى ...:frown:[/quote]


:?

لك شو هالحكي كنت مفكر انك :gem:

شو بلشنا الخوف ما يهمك كلها فنجان قهوة :yahoo:

ويمكن تستمر الضيافة وتستمر وتستمررررررررررررررررررر:p

فشر الخوف :gem: نحنا اهالي جبلة ما بنخاف من شي...:adal:

بس انو الف جبان ولا الله يرحمو..وعمي انا ما بحب القهوة ولا بعرفها من اساسو :cry:

ممممممممممم

قلتيلي جبلة اي على راسي حارتك اي معناها كاسة متة لا تقولي ما بتحبيها :shock: والله يعينك

القعدة رح تطول وتطول وتطول :D

سكرو الابواب و الشبابيك و لا اتخلو حدا غريب ايفوت
او لقلكون حطو واحد مخابرات ع باب الموقع ما بيفوت حدا:sick:

عفكرة أنا أحد أعضاء أخوية بعتلي الخبر هي واحد
أنا سمحيلي قلك أنتي حاج بقى وحاج مزايدات كان لازم تتمني على الأعضاء يلي عم ينقلوا أخبار للمخابرات أنن يرتاحو وما ينقلوا أخبار الأعضاء وأسمائهن مشان حقد كامن عندهن ضدد أي صوت معارض لأنن هنن يلي رح يجيبو أخرة الموقع

بللا شو

اي حاج تحلل بحياتك تسلملي تحليلاتك

حاج تحللو الله يرد عنكن حاج تحللو :?
تناقلو الخبر ولا ما تناقلو .. طول ما المشكلة قائمة تعتبر مشكلة .. و ما بتكون انحلت لحتى تنحل :sly:

مع انــّي ما كتير بتــّفق معك بأغلبيــّة افكارك ...
بس عجبتني هي الجملة .. ويمكن فيها شيئ من الصحــّة ..

انا مع سيزار....المشكلة طول مانا موجوددة فهي الشي اللي لازم نحلو....بس هاد ما بيمنع من انو بيطل عالكام واحد يبيعنا شعارات و مزايدات ويروح يلعي هون وهونيك......

من البديهي انو تصير القصة خبر وتتناقلو وسائل اعلامية الكترونية ..
لانو مجرد غوغلة صغيرة عن معتقلين او عن مسجونين او عن حريات .... بتنط بوجهك اخوية ... ونحنا ما شالله عننا اعضاء كفو وفو بالكتابة عن هالقصص
شو بدكون بالحكي صرنا من اصحاب الشهرة

ديعاي ببلاش لاخوية,
مافيها مشكلة :larg:



خبرية حلوة كتير :clap:

انوو فعلا .. السعوديه بتحجبهاا .. لما سوريا .. بتفك الحجب

لااا والجلطه انو بيطلع انوو الرابط كلو غلط ...

على هامان يا فرعون ..;)

انو اد ماتناقلت المواقع الخبر... هي شهرة لاخوية ببلاش ع قولة جاد مااختلفنا
بس كمان ماحلينا مشاكلنا متل ماقال سيزو
فانو ياريت بعض العام يوفرو ع حالون شوية حكي لفلان وعلتان
مشان صحتون

:lol::lol:

رجع الآي بي رح تلاقيا محجوبة و بجدارة ..

خطوط الـ Dsl , Adsl , Bdn اللي فيها ميزة Real Ip ما في إمكانية حجب أي موقع عنها .. :wink:

أحلا شي أنو بيلعب دور المدافع عن معتقلي الرأي في زيمبابوي و زائير .. و كل رد و التاني بزلق زلقة .. أنو هيك ببان متل عين الشمس .. :lol:

فاوست بيمشي بجنازتنا
 

الغريب يا صديقي أنو المدعو فاوست هو اللي حط هالصورة السخيفة

الله ايجازي اللي ححبو, لايمتى بدنا انضل حابسين نفسنا ضمن قواعد حتى اللى اخترعا مانو عرفان مصدرا, صرنا نمشي الحيط وانقول ياربي السترة و مع ذلك ما مشي الحال. صار الواحد يستحي من حاله, اعطوني القانون اللي بيمنع رسم الكاريكاتير.... حتى في رسوم كاريكاتير عن الله اللي هو رب العباد

الغريب انو نحن اللي بنينا حضارة عريقة و قمنا بالثورات و مارضينا بالظلم,.
كأني شايف واحد بالمخفر عم يبكي وايقول و الله مو انا يا سيدي انا ماالي علاقة فلان هو السبب.
على فكرة الصورة كتير حلوة و معبرة

لا عابد .. انفك حجبا .. جربت هالشي عند ابن عمي كمان وطلع نفس الشي .. وابن عمي لا Real IP ولا بلوط ..

:D

اي فكو الحجب خلصنا بئا يعني كتير مبسوطين كل يوم والتاني واحد يجي يعمل حالو حر ويطعن بشرف الناس وبالنتيجة شو المنتدى ينحجب والله قصة

يا حياة ألبي , ابن عمك الظاهر ألاوي ( مشتقة من كلمة الله )

أنو بكل سوريا محجوبة فقط عند ابن عمك الألاوي انفك حجبا

يا أخي شو هالابن العم اللي عندك من وين بتجيبو هيك ولاد عم ..

أنو عندي خطين Bdn , Adsl و التنين جربت عليون بلا البروكسي شغال مع البروكسي محجوب

في تلات محلات كافي نت قراب عليي جربت كمان محجوبة ..

معلم الـ Real Ip ما هوي أختراع بس أنو مجرد في بروكسي أو لأ ..

في حال كان في بروكسي و اللي هوي " proxy.net.sy " و شغالة عندوه

رح أبصملك بالعشرة بألاوية ابن عمك .. :lol:

اي لا تئطفي الكبة من راس الماعون شنو لأنو بعدا محجوبة , :p

مزبوط.... حكي حلو

أنا ما عجبني الكاريكاتير و منت أول من رد عليه, أخي شخصيا ما عجبني....بس مو معقول بسبب كاريكاتير ينحجب موقع. الكاريكاتير مو ضار حدا... اذا ما عجبك لا تتطلع و انتهى الأمر


المشكلة أنو لما دولة تكون مفلسة اعلاميا و فكريا تلجأ للمنع

:lol:
معناتها انا كمان ألاوي متل ابن عمي لأن خطي كمان عم تشتغل عليه الاخوية مع بروكسي :?

والبروكسي هو 82.137.200.19 او 18 :?

كيف عم يصير بس عندي وعند ابن عمي بس :sick:

اي لا تئطفي الكبة من راس الماعون شنو لأنو بعدا محجوبة ,



:shock::shock:بس عندي مو محجوبة يه لكون مو ساكنة بالبلد:sick: والله انا بالبلد وعم فوت عليا
ااااااااااااااااااااااااا اي صحيح انا من جماعة النظام مدعومة ههه:lol:

:pos:..... رؤى مرت من هون ....

ايه ديري بالك على حالك لانو في فكرة أنو يشيلو الدعم عن المازوت وسلع أخرى يعني هادا الشي بسبب أنتهاج سياسة السوق الإجتماعي

بتقلو تيس بيقلك حلبوه لك يا عمي تيس هاد شو بدي أحلب في ربوه ..

قلتلك على أيّا بروكسي محجوبة اسـا بيرجع بيقلي ما محجوبة

و اللهي عال ..



لك يا جماعة تيـــــــــس .. هاد تيس ما بنحلب معد تنفهم الفكرة ..

اتصلي عن طريق الـ 190 أو شي خط دي اس ال و شوفي النتيجة .. :pos:

مين التيس:shock:
بعدين ياذكي شو نفع الحجب اذا قادرين نفتح المنتدى اه يعني متل قلتو صح ولا لا ولا انت بدك تقاتل الناطور

بنفسجه...انتي ع شو بتفوتي...اخوية دوت نت او شو؟؟؟ ومن اي خط بتفوتي؟؟ يعني 190 آيه شو؟؟

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ومن اي حساب وهلا انا بمركز الجمعية العلمية:deal: