|
الديمقراطية بتلبق للعرب شي؟؟؟؟
مرحبا للكل اول شي:D
تاني شي بتمنى ما حدا يطلع برى الموضوع و يعمللي مشاكل هون:D القصة و ما فيها انو في عدة ظواهر للعرب مع الديمقراطية و الحرية 1-لبنان:على اساس انو هو بلد الديمقراطية و حرية الرأي بين البلدان العربية و ليكو ما شاء الله المشاكل شغالة بين الشعب و القتل شغال ع ابو موزة 2-فلسطين:من يوم يومهن الفلسطينيين عم يحاربو مشان بدهن بلدهن حر و من هالحكي هاد و لما اخدوا قسم من فلسطين تركوا الدنيا كلها و اسرائيل و كل همومهن و نزلز ببعض قتل و دبح و مشاكل الها اول مالها اخر 3-العراق: ما في حاجة احكي شي لانو الكل بيعرف الوضع هنيك هلق بقى قولولي نحنا العرب يا ترى بيلبقلنا شي اسمو حرية رأي و ديمقراطية ولا لازم نضل محكومين بالحديد و النار مشان ما يصير مشاكل بين افراد الشعب رجاء برجع بذكر : بلا مناقشات حادة و تجريح بدا:jakoush::jakoush: |
صحي بعتذر من جميع الاخوة اللبنانيين و الفلسطينيين و العراقيين اللي هون بالمنتدى اذا الحكي عنهن بيزعجهن:D
|
الديمقراطية ما في أروع منها ( ضمن حدود )
لكن ما يحدث في لبنان و العراق هو الديمقراطية على الطريقة الأمريكية و ليست ديمقراطية سليمة أما الوضع في فلسطين ( الله يكون بعونهم ) |
والله يا حبيب هدا المقصود تماما انو ليش العالم العربي ما بيعرف يطبق حرية لحالو؟؟؟يعني ضروري تكون مفروضة عليه فرض؟؟يا اما مافي ديمقراطية بالمرة.......و الحكم العسكري شغال ......
|
حرية !!! حرية!!!! ...... ديمقراطية!!!! ديمقراطية!!!! ......
سمعان هل الكلمات أبل هل المرة بس مو متذكر وين و بالمختصر المفيد ماااااااااااابيلبقلنا بنوووووووووووب |
اقتباس:
|
اي بيلبقلنا ليه لا و خصوصاً ازا كانت على سكلمى ,, :lol: لك و الله ما بيلبقلنا .. |
المشكلةانو نحنا مو فهمانين كلمة حرية او ديمقراطية مشان هيك فاقد الشيئ لا يعطيه كيف بتتوقع من واحد مو فاهم الديمقراطية و الحرية انو يطبقها يعنى يمكن بعد شي 50 سنة يتغير الفكر عنا و تصير تلبقلنا
|
قلكون رايي بصراحة في جملة بيقولا سليم الحص اللي بعتبره انظف سياسي بلبنان
نحنا بنحب الحرية لدرجة انو صار عنا كتير حرية وقليل ديمقراطية |
اقتباس:
العمى انتي باينتك سياسية محنكة و عالتقيل كمان....قال سكلمى قال شكرا للجميع عالمرور و ابداء الرأي و ما شاء الله متل ما توقعت انو في كتيرين عندن نفس فكرتي انو نحنا العرب ما بتلبقلنا هيك شغلات:D |
نحنا الي بيلبقلنا عشان نحنا مفصلينا على قياسنا ولهيك كتير زابطة علينا
المهم خلينا متل ما نحنا لأنه أحسن من هيك بتخرب :D;) |
الشعب العربي لم ينشئ أو يتربى على ثقافة الديمقراطية .. بمعنى طالب الابتدائي منذ نعومة أظفارو بيدخل منظمة " الطلائع " بلا خيار آخر و بعدين بيدخل ضمن الشبيبة بدون داعي للتفكير بشيء آخر .. لأنو مافي خيار .. الخ الخ .. فبرأيك هل شعبنا قابل للديمقراطية .. الجواب طبعا : لا .. لازم خطوات تحضيرية لا تقل عن 30 سنة من اعادة مفهوم الديمقراطية و الحريات السياسية للأذهان .. بعدين بكون المواطن فعلا صاحب القرار
|
بختصار بسيط العرب ما بيلبقلهم الديمقرطيه ولا الحريه
متل ما حكا سيزار الشعب العربي ما تربى هلى شي اسمو ديمقراطيه لحتى يصير عندو هل شي .. وحتى لما بدهم يعملو ديمقراطيه او حريه بتصير بشكل فوضوي و مدمر ، ولهيك اي شكل للديمقراطيه عنى بيتحول لحرب اهلية او لدمار شامل يا بالمجتمع او بالبنيه تبع البلد متل ما حكا صياد الطيور انا مع الحريه بس بحدود يعني في خطوط حمرا ، بس مع هيك لح يكون فيها فوضى وشكرا للموضوع |
شكرا ع ارائكن شباب واللي عن بتعبر عن واقعنا و تحديدا متل ما حكا سيزار:D
بس سؤال صغير بالله : شي حدا شاف مسرحية ليلة سقوط بغداد لهمام حوت؟؟اذا اي اعطوني رايكم بالديمقراطية اللي طبقها ببيتو....وهل هي مقاربة للوضع عنا بسورية حاليا ولا شو رايكن؟؟ |
ديموقراطية وحرية بذكروني هالكلمتين بالبنادول .......
لأنن بالنسبة للعرب متل المسكنات كل ما احتجو واهتاجو بيعطوهن حبتين....... أي خزات العين عالعرب شو خرجن ديموقراطية....... أي مسئول انكليزي مثلاً عندما يختلف بالرأي مع أي كان في محاضرة أو مناقشة في بلده يأتي بحجة من شكسبير لاقناع مناقشه ...... والإيطالي يأتي بحجة من دانتي ..... والفرنسي يأتي بحجة من فولتير.... والألماني يأتي بحجة من نيتشة ....... أما أي مسؤول عربي فلو اختلف معه حول عنوان قصيدة لأتاك بدبابة فتفضل وناقشها ...... محمد الماغوط |
اقتباس:
ممكن احكي انو هاد اجمل رد سمعتو بالاخويه و اكتر رد مميز لهل موضوع :D |
مشكلتنا نحنا العرب إني كلياتنا روس....يعني ظاظات
يعني كل مسؤل بدوا يكون هو الكل بالكل ...من شان البرستيج تبعوا ......وكل واحد متعقد من أيام طفولتوا بشغلة بدوا يطالعها من عيونا عامص بالنسبة ليلي عم بيصير مع العرب هلق ....هو إني هنن خونة.....خونة وبس ..........وكلشي واحد بيقلك أنا بخاف على البلد كذاااااااب .هو مابيخاف غير على خاطر أمريكا .......وإلا صار فيوا متل ماصار بالملك فيصل أو بالرئيس صدام حسين.........و المشكلة إني ولا واحد من الحكام العرب هل إيام عرفان شو هي آخرتوا ..... من شان هيك المؤامرات عم تنحاك ضد الرؤساء الشرفاء...و الرؤساء الخونة ............عم يستنوا آخرتهن .....وبحب طمنهن إني آخرتهن شي كتير بي.....ـــــري تحياتي الحاج متولي |
بدك ديمقراطيه اي ماحتصير الا ازا عندك فانوس سحري وقتا بيجوز ها بيجوز تلبقلنا
لك ياعمي نحنا مابيلبقلنا الا ديكتاتور +بوط عسكري اكبر مقاس :lol: |
الديمقراطية بتلبق للكل.
بس بدها الناس تكون مثقفة لتعرف شو الديمقراطية. والعرب اغلبهون مو مثقفين. لهيك على المثقفين يعلموهون. مشان يصيرو قادرين يفهمو الديمقراطية. ساعتها منشوف الدول العربية (واولها سوريا) دول ديمقراطية. بس في مشكلة تانية, انو الكتير من المثقفين شايفين حالون ومو مصدقين وبيعتبرو الباقي كتير صغار بالنسبة لالون. هلق شو الحل بهيك حالة؟؟ همم يمكن نعلم المثقفين قبل غيرون :confo: |
اقتباس:
|
اقتباس:
اي بيلبق ليش مو شايفين كيف الديمقراطية |
هو نحن العرب (جرب) ما بيلبقلنا شي .. بئا ديمقراطية هاد اللي نائص :larg:
|
اقتباس:
الديمقراطية: الكلمة السحرية معبودة الجماهير.... ومدوبة قلوب المعارضين... و عدو الحكام عرب وغير عرب شو هي الديمقراطية شو تعريفها كيف بتشوفا ؟؟! شو هو المثال اللي بتشوفو تطبيق صحيح للديمقراطية ؟ ولما حدا بيجي وبيقول بتلبق او ما بتلبق على اي اساس استند حكمه يا ترى هو عايش بجو ديمقراطي وحكم من خلاله :? ولا عايش بجو قمعي وعم يحلم بديمقراطية :shock: بتسمع بالمطاطة ؟ يا سيدي هي المادة ( الديقراطية ) هي رب المطاط ( متل رب البندورة ) صغرها بتصغر كبرها بتكبر شدها بتشد ورخيها بترخي يا ترى الديمقراطية بتحارب الفساد ؟ ممكن تنشرى بالمصاري ؟ ممكن تنفرض فرض عالعالم ؟ هل يا ترى تحقيق الديمقراطية بيحل كل مشاكل المجتمع العربي ولا هي شرط لازم وغير كافي ؟ وعلى فرض انها شرط لازم وغير كافي هل يا ترى بتجي بالمرحلة الاولى ولا هي مرحلة تانية او تالتة ؟ حاجة هلق .. ملاحظة : في الي موضوع - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - باتمنى يتكمل من اصحاب الرأي وبالاخص كهربجي :D |
هلأ ازا الديمقراطية مطاطة .. فالقانون بسوريا ديمقراطي جداً :lol:
|
اقتباس:
بيجوز لأنو تعودنا ما نعبر عن أفكارنا أو نخاف نعبر عن افكارنا :jakoush::jakoush: بس أنت جبتها صح ومن الأخير :clap: |
اقتباس:
اقتباس:
|
ع راسي احلى ما بعرف والله يسلملي هالرد شو بسيط و قريب للفهم:o:p
بس تحية خاصة للمعلم sezar اللي ردوا عن جد رائع:D |
مدري ليش اجى على بالي اعمل UP لهالموضوع :D
|
بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...
|
مرحبا
لحتى يصير عنا ديمقراطية لازم نخلص من ديكتاتورية رجال الدين لازم يصير عنا علمانية و على حد علمي لا يوجد ديمقراطيات صرفة في أي مكان من العالم تحياتي |
اقتباس:
عادي تعمل up لمواضيعك  |
اخر شي ممكن يناسب العرب الديمقراطية
نحنا من دون ديمقراطية وكل واحد فينا بدو يعمل راس كيف مع الديمقراطية الشعب العربي ما لازمو شي ابدا كل شي بيجي لعنا بيتبهدل |
اقتباس:
اقتباس:
|
اقتباس:
كلام حلو و معبر انو اي والله بيتبهدل :lol::lol: |
:lol::lol::lol:
|
بيلبقلنا لما نوعى شو يعني ديمقراطية وشو يعني حرية
لما بنوعى انو مش ضروري نجيب ديمقراطية وحرية امركا ونلبسها لبس بيلبقلنا لما بنوعى انو لكل شعب خصوصية معينة وانو الديمقراطية مش قطعة تياب بنجيبها من محلات اجنبية بغرض نتباها فيها بيلبقلنا لما بنعرف انو ديمقراطيتنا وحريتنا لايجب ان تكون على حساب ديمقراطية الاخر وحريته بقا شوفو اذا نحنا واعيين لهي الاشياء |
بنفسجة والله شايفتها صعبة عا عربنا
يعني بربك نحنا بس نحسس العالم انو معون شوية حرية مو حرية كاملة وشوفي شو بيصير واللي خلئ الدنيا لتمشي البلد بتعرفي ليش لانو كل شعبنا بيفهم بكل شي متل الصحن الصيني كيف مارنتي بيرن كلو بيصير بيحكي بالسياسية والاقتصاد والحرية والتعليم والــــــــــــــــــــــ ـــــــــــــــــــــــــ ـــــــــــــخ عدي قائمة طويلة خليها لربك احسن |
اقتباس:
|
اقتباس:
قصدي منتناقش فيها هون كلنا سوى :D |
اي لأنا شعب مؤدب
مو هيك مؤدبين كتير نحن.! |
| الساعة بإيدك هلق يا سيدي 20:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون