|
" المثلية الجنسية" دراسة جديدة تبحث عن التفسير العلمي لجذورها
1 ملف مرفق .
شيكاغو - الولايات المتحدة الأميريكية
خوليو وموريسيو كابريرا أخوان من المثليين جنسياً وهم مقتنعين بتوجهاتهم الجنسية كاقتناع أسلافهم المكسيكيين .. هناك ما يقارب الألف زوج من التوائم المثليي الجنس تتم دراسة وضعهم بشكل معمق للبحث عن الجينات التي تؤثر على الأشخاص المغايري الجنس . الأخوين كابريرا يأملون بأن نتائج البحث ستساعد على إسكات نقاد المثلية الجنسية والذين يعتبرونها خيار غير أخلاقي .. إن تم إيجاد أدلة جديدة بتلك الدراسة بالنسبة للجينات ووضعها المعقد , لربما سيتم النظر إلى المثلية الجنسية على أنها ليست اختلاف .. مثل الميزات الوراثية الأخرى كالطول ولون الشعر الخ ... يقول خوليو الطالب في جامعة دي باول بولاية شيكاغو الأمريكية بالاضافة إلى أخيه : " نحن نعتقد هذه الدراسة ستساعد الكثير من المنتقدين على فهمنا بوضوح أكثر " . إن تلك الدراسة الممولة من الفيدراليين والمدارة من قبل منطقة الأبحاث بشيكاغو .. ستعتمد على عينات اللعاب والدم لمساعدة العلماء والباحثين لفهم القواعد الجينية للوصول إلى أسباب المثلية الجنسية ... أيضاً قد تم إدماج الآباء والأخوة المغايري الجنس بتلك الدراسة . بما أن النتائج الأولية سوف لن تظهر إلى العام القادم .. فلن نستطيع تقديم أي أجوبة نهائية ... ومن الآن المتشككون يهاجمون طرق الدراسة ويعارضون النتائج المفترضة .. الدراسات السابقة أظهرت أن التوجه الجنسي يميل الى التجمع في العوائل , مع ذلك هذا الشيء أن الوراثة مشتركة , العوائل الكبيرة يمكن أن تكون متشاركة في تربية الأطفال من ناحية الدين والاعتقادات والممارسات التي يمكن أن تؤثر على التوجه الجنسي لدى الأطفال . الأبحاث تتضمن التوائم المثليين جنسياً لدراسة جيناتهم .. و اشتراكهم بنفس الحمض النووي DNA قد أدى إلى إعطاء نتائج مختلطة .. دراسة معمقة مستشهد بها بعام 1990 وجدت أنه إذا كان أخ من الأخوين التوأم من المثليين جنسياً فأن الآخر لديه نسبة 52% بأن يكون مثلي جنسياً .. بالمقارنة النتيجة لـ أخين غير توأم إذا كان الأول من مثليي الجنس فالآخر لديه نسبة 9% بأن يكون مثلي جنسياً لا يوجد جين مفرد للمثلية الجنسية : الدكتور الآن ساندرز بمركز ايفرستون الطبي – معهد الأبحاث ( مدير الباحثين للدراسة الجديدة ) - قال أنه يشك بعدم وجود جين مثلي كما يقال بالعموم .. بشكل عام هناك العديد من الجينات التي تؤثر أو تتفاعل مع العوامل الغير وراثية . من ضمنها العوامل الاجتماعية والنفسية , لتقرير التوجه الجنسي هكذا قال الطبيب النفسي ساندرز . قال أيضاً : أن كان هنالك جين يساهم بشكل كبير في المثلية الجنسية .. فسيكون لدينا فرصة جيدة جداً لإيجاده .. الكثير من المثليين جنسياً يخافون إذا تم إيجاد أو التعرف على تلك الجينات المسببة للمثلية الجنسية .. من الممكن أن يؤدي إلى إجهاض الجنين في حال تم التعرف على خلل في جيناته .. ومن اختبار قبل الولادة لاستكشاف وضع الجينات لدى الطفل مما سيؤدي إلى إزالة المثليين جنسياً قبل الولادة . جو جينسبرغ من الجمعية الطبية لرعاية المثليين جنسياً قال : على كل حال .. أن تأكدنا بأن التوجه الجنسي ثابت بالشخصية .. سوف لن نتردد بالتوجه إلى المحاكم لمحاكمة التمييز بمعاملة المثليين جنسياً . هناك أبحاث أقل على السحاقيات .. الدكتور ساندرز قال : مع ذلك بعض الدراسات تقترح بأن التوجه الجنسي لدى الذكر والأنثى من الممكن أن تكون له تأثيرات وراثية مختلفة . إن بحثه الجديد معتمد على دراسة موسعة نشرت عام 1993 وتمت تلك الدراسة على 40 زوج من الأخوة المثليين جنسياً وتمت مناقشة تلك الدراسة بشكل كبير وبشكل خاطئ بتحديد الجين المثلي , وجد أن الأخوة المثليين جنسياً اشتركوا بعلامات العوامل الوراثية بالكروموزم أو الجين X الذي يرثه الرجال من أمهاتهم . ذلك الكروموزوم متضمن على أي جينات تؤثر على التوجه الجنسي والمتمكن في مكان ما في تلك المنطقة من الجسم .. المحاولات السابقة لمطابقة تلك النتائج قد فشلت .. لكن الدكتور ساندرز يقول : أنه مع العديد من حضور الأشخاص فأن دراسته لديها فرص أكبر وأفضل في إيجاد نفس العلامات ومن الممكن إيجاد علامات أخرى متضمنة كروموزومات مختلفة . إذا تم إظهار تلك العلامات بالأخوة المثليين جنسياً ولم يتم إيجادها بالأخوة والآباء المغايرين جنسياً , سيقترح ربط ذلك الى التوجه الجنسي .. أن الدراسة مصممة لإيجاد العلامات الوراثية الجينية , لا لشرح أي دور وراثي بالأخلاق العامة . كما قال أيضاً الدكتور ساندرز : حتى أنه لو لم يجد أدلة , هذا لا يعني بأن العوامل الجينية لا تلعب دوراً .. من الممكن ببساطة أن تعني بأن جين الفرد لديها تأثير أصغر .. المشككون من بينهم البروفسور الاجتماعي ستانتون جونز بكلية ويتون البروتستانتية المسيحية .. قد صرح بالدراسة التي شارك بها : أنه من الممكن على مغايري الجنس أن يتحولوا أو يتغيروا بتوجهاتهم الجنسية بدون أن يتسبب ذلك بضرر لهم .. جونز قال بأن اقتراحاته بالنتائج بأن علم الأحياء يلعب دور فرعي بالتوجهات الجنسية وليس دوراُ أساسياً .. وأن الباحثون يبحثون عن الأدلة الجينية بشكل عام لديهم ولاء للمثليين جنسياً بأجندتهم التي من الممكن أن تنتج نتائج متحيزة . الدكتور ساندرز يرد بعنف على ذلك الانتقاد : نحن ليس لدينا التحتيم بنقطة نحن نريد أدلة بها .. نحن نحاول التدقيق ببعض أسرار الطبيعة الطليقة مع الإحترام لأصل الإنسان . جونز عرف بأنه لاحظ بشكل غير حيادي , دراسته تضمنت 98 شخص من المثليين , يبحثون عن مساعدة من جمعية النزوح الجماعي. مجموعة مسيحية تؤمن (إن المثليين جنسياً يمكن أن يصبحوا أسوياء من خلال الصلوات والعبادة) تلك الجمعية مولت دراسة البروفسور جونز رئيس المجموعة الان كامبرز قال : هو كان من المثليين الجنسيين سابقاً وأصبح من الأسوياء لاحقاً وهو يعتقد بأن المثلية الجنسية خطأ أخلاقي . النقاد يناصرون قضية الحرية في الاختيار : حتى بحالة أظهرت الأبحاث بالنهاية أن العوامل الجينية تلعب دور كبير .. هذا لن يكون أبداً شيء يجبر الناس لتحسين أخلاقهم بطرق مؤكدة .. السيد شامبرز يقول : نحن جميعاً لدينا الحرية بالإختيار . الأخوين كابريرا ترعرعوا بالمكسيك بثقافة تعتبر أن كون الإنسان من المثليين جنسياً فهو أمر محرج خاصة لآبائهم .. موريشيو , 41 سنة , موظف بوكالة سيارات قال : كان لديهم أولاد أعمام من المثليين جنسياً, لكن موريشيو يشعر بأنه يجب أن يخبئ توجهه الجنسي وقد صارع بحياته المزدوجة .. خوليو قال : أن لديه أخ أكبر منه من المثليين جنسياً قد سهل عليه تقبل توجهه الجنسي . جيم لاركن .54 سنة , صحفي بمدينة فلينت / ميتشيغن قال: دراسة العوامل الجينية هي توجه في الطريق الصحيح .. من الصعب جداً لكون شخص مثلي في مجتمع مسيطرين من المغايرين جنسياً .. المثلية الجنسية ليست خيار شخص ما يصنعه بالحياة .. كان عنده أخوان من المثليين جنسياً .. واحد منهم توفى بسبب الأيدز والآخر انتحر .. فعزل نفسه حتى أصبح عمره 26 وقال: "أنا حاربت وصليت وكنت بحالة فوضى وقلت سلسلة صلوات , وابتعدت عن أي شخص عرفته .. معتقداً أنه من الممكن أن يتسبب له بشعور الاستقرار .. هو ليس كذلك .. " مترجمة من MSNBC - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - * ملاحظة: كل رد خارج نطاق العلم رح يكون في حكي تاني , فيا ريت الإلتزام .. |
لك أنا قريتا بالانكليزي نشفت عيوني ..
شكراً عالترجمة .. :D |
اقتباس:
اهلين بلاكووو :D بس ما عجبك بالموضوع شي غير الترجمة :pos: :lol: :D |
انا نقلت المشاركة من هنييييك على اعتبارها مشاركة علمية بحتة مالها علاقة بالحرية وما هنالك
وشكراً مروى عل المشاركة .. ويا ريت بيكونو كل المشاركات علمية ومفيدة متل هاي .. اقتباس:
اقتباس:
بعدين نحن عم نحكي عن خلل جيني وليس تغيّر متدرج مع الزمن .. بشان هيك بيروح الاحتمال الاول . اما الاحتمال التاني .. فهاي اول مرة بسمع انو من غير المنطقي ان يحدث طفرة لجينات مترابطة بنفس الوقت .. ما الجينات السلوكية مترابطة فخلل وحدة ممكن يأثر عل الاخرين المرتبطين فيا .. و بعدين اذا هادا الدكتور كاتب المقال او الدكتورين "نيل وايت هيد و بريروايت هيد" عم يشك بكلام العلماء يللي عم يقوللوا انو خلل جيني .. معقول هالعلماء ما يحسبوا حساب كذبتون ويقولوا انو سببها مجموعة جينات بدل من جين .. بعدين هادا الدكتور ما نكش غير كلام هالكتاب لـ اطباء ممكن يكونوا مانون مقتنعين بالنظرية الجينية . اقتباس:
ما عم نقول نحن انو الجينات متوارثة .. الجينات صار فيها خلل بمرحلة الجنين وما حدا قال انو هي متوارثة .. :shock: اقتباس:
والدراسة الجديدة يللي فوق استشهدت في الدراسة القديمة على اعتبارها الاحسن لحد هللا .. اقتباس:
اقتباس:
نفس الترباية .. نفس الاب والام .. نفس المجتمع .. اما المدن الكبرى والارياف .. فهاي مسألة اجتماعية .. والسبب هو بالمناطق القليلة السكان والارياف بتكون نسبة الافصاح عن ميولون قليلة نظراً للعقلية يللي بتكون اقل تقبلاً نسبياً بالنسبة للمدن الكبرى يللي ضايعة الطاسة فيا وما حدا بيطلّع عل التاني .. اقتباس:
اقتباس:
بشان هيك بنشوف الشباب / او البنات / يللي بيولدو عكس ما اهلون بيكونو بيتمنوهون .. فبيلبسوهون لبس الجنس الاخر وبيعاملوهون على هالاساس .. فبتكون النتيجة غالباً بتأسي وممكن يتحولو لمثليين جنسياً .. طبعاً اذا حدا قال انو مو على اساس المغاير ما بتحول لمثلي .. صح بس هديك بعد مرحلة الطفولة المبكرة مستحيل انو بتغير .. اما بمراحل الطفولة المبكرة فإذا كانت العوامل مو لصالح جنسو فبتتغير .. وكلمة اخيرة .. بس ما ينجح الطب النفسي والسلوكي مع المثلية الجنسية هداك الوقت خللي يشككوا بالنظرية المثلية .. طالما النظرية النفسية لهلا ما اثبتت انها هي السبب بالمثلية بطريقة علمية ومنطقية .. ولا عرفت علاج مفيد حول المثلي لشخص مغاير جنس .. :D |
اقتباس:
إنته ليش كل واحد بيقول إني المثلية هي شذوذ بتغالطوا بتقول عليه .....غير مقتنع صدقني إنته طوال ما عمبتغالط نفسك ومصر على إني إنته و الشاذين على صح ....ما ممكن تناقش إنته بكل موضيعك هاي مانك جاي تناقش إنته جاي تفرض شذوذك على إني هو أمر واقع وهو صح و كلشي مو شاذ على خطأ و مافي شي بالدنيا كلها بيقول إني الفرض هو أمر واقع إلا من طرف واحد اقتباس:
بس مو نفس الرفقة...و الأصدقاء ..يلي بيبلشوا بسن مبكرة يستغلوا مواقف من الممكن إني يفرغوا شهوتهن الجنسية ببعضهن البعض لعدم إمكانية توفر الجنس الآخر بظروف و أوقات معينة وهيك شوي شوي بيلاقي حالوا إني صار إنسان شاذ جنسياً و بالآخر حتى يقنع حالوا بيقول هي كلها جينات وأنا و التربية ماإلي علاقا |
شكرا الك سيريان غي عالرد :D
انتي بتقول انو الجينات مش بالوراثة وانو خلل جيني بس انا قريانة كمان مقالات بحكوا فيها انو وراثي! بعدين انو كيف الجين بصيبوا خلل بمرحلة الجنين ببطن امو؟ يعني بدك تفهمني انو المثليين صار خلل جيني عندهم اللي سبب هالشذوذ؟ يعني الجين كان طبيعي وبعدين صابوا خلل؟ ازا بدك الصراحة كتير مقالات انحكت بهاالمضوع والمقالات بتضيع! انو عم تلاقي بمقال شغلي وبالمقالة التانية نقيض! والدراسات ما بعتقد انها اثبتت اشي مفحم ومقنع بالنسبة للنظرية الجينية تبعت المثليين! لا بين ما يلاقوا دراسة يكونوا هني نفسهن واثقين منها ساعتها رح اتعاطف مع المثليين ورح اناصرهم اكيد..وفي كل الاحوال انا ما بعتقد انو الله قاسي لدرجة انو يخلق انسان مثلي بعدين يقللوا انتي شاذ واللي عم تعملو حرام! تحياتي :D |
اقتباس:
يعني الدكاترة عم يتحدوا بعض ونحن ونضيع بينون :pos: مع انو النسبة الكبيرة كتير بتقول جينات .. والله ما بعرف .. على كلن بكل الاحوال علاج مافي إن كان جينات وللا هرمونات وللا نفسياً :D |
اقتباس:
أصلاً لو كنت إنته رايد السترة مافي داعي حدا يعرف بأمر شذوذك....وهيك بتوفر على حالك كتر الحكي تانياً أخي الكريم بكلامك إني إسا إلى الآن ما اثبتوا إنوا هرمون أو جينات .. أو نفسي فنحنا خلينا ناخد بالأمر الواقعي و الاقرب غلى العقل إني هو مرض نفسي وعلاج حالتك هو كتير سهل ..........بس للاسف ما بتقدر تتقبلوا من شان هيك مارح أكتبوا ....لإني رح يكون على الفاضي كونك متشبث برايك إني مافي علاج |
اقتباس:
والعلاج حكي فاضي .. حتى هاللحظة مافي ولا غاي تغير ميولو عن طريق المعالجة .. واكيد انا بعرف احسن منك بما انو بتبع اخبارنا اكتر منك .. ممكن انت بيكون سمعت حكي من هون وهون انو علاج وهيك .. بس لو اجيب للحقيقة .. مافي :sick: :D |
اقتباس:
لإني لو كنت إنته مؤمن بإني في علاج أو بمعنى أصح رايد تصير إنسان طبيعي من( الناحية الجنسية )كنت على الاقل سالتني كيف طريق العلاج !!!!!!!!;) بس جوابك هاد أكبر دليل على إنك إنته متشبث برايك وغير قابل للناقش بهادا الموضوع على إنوا غير طبيعي وبهيك بتبين غايتك من طرح هيك موضيع ......... و نورت(يعني ضويت) |
اقتباس:
لأن مانك خبير لحتى أسألك .. اذا كل واحد بدي اسمعلو واخد طريقة علاج بدي اتدمر .. فبفضل ضل على ما انا لبين ما يصير واقعي وحقيقي ومطبق وما كون انا حقل تجارب لناس غير مختصين .. :D |
اقتباس:
|
اقتباس:
1=اعتداء على الشخص المثلي و هو طفل 2=تربيه الاهل للطفل ..اي ان عاملو الاهل الطفل ان يلبسوه ثوب فتاه و يضعوا له المكياج و الخ..على انه ما زال صغير 3=اذا انفصل الاب و الام و ترعرع الطفل في كنف امه فقط وميت ورده سيريان |
منيح والله تقارير المشاركات شغالة عالــ24
يعطيكون العافية بس برجع بقول انو يا انا مابعرف ناقش يا اما بينطفيو ابصر شو بيصير |
اقتباس:
اخي سيريان... انت خليتني ادور و ابحبش بموضوعك... و شوف شو لقيت...؟؟؟ يا ريت تتغير رايك اللي انت متمسك فيه...:pos: علاج الشذوذ الجنسي يبقى لنا مناقشة قضية طالما أثارت جدلاً واسعًا بين علماء الغرب. هل الشذوذ الجنسي قابل للعلاج؟ يعتقد فريق من العلماء في الغرب أن محاولة علاج الشاذ جنسيا بما أن الشذوذ الجنسي – في اعتقادهم- ما هو إلا تنوّع طبيعي للممارسة الجنسية، وأن محاولة علاج الشذوذ الجنسي لن ينجم عنه إلا إصابة الشاذ بألم نفسي أكبر. والأصل عند هؤلاء هو إقناع الشاذ بأنه طبيعي، وجعل الشاذ يتصالح مع اتجاهاته الجنسية!، إلا أن هناك فريقا آخر يدافع عن حق الشاذ في العلاج من حالته تلك إذا رغب في ذلك. وفي بحث علمي أثار دهشة علماء النفس الغربيين، قام فريق من العلماء بدراسة مجموعة من الشواذ السابقين لمعرفة مدى تغيّر اتجاهاتهم الجنسية.. اكتشف البحث أن 67% من هؤلاء الشواذ السابقين قد أصبحوا طبيعيين تماما من حيث الممارسة الجنسية السوية والرغبة فيها، كما أن 75% من الرجال منهم و50% من النساء قد تزوجوا زيجات طبيعية، بالإضافة إلى أن كل هؤلاء قد اعترف بأنه يحس بأنه أكثر ذكورة (بالنسبة للرجال) أو أكثر أنوثة (بالنسبة للنساء) مما كانوا عليه قبل أن يغيروا اتجاهاتهم.وقد قالوا بأن عملية التحويل قد استغرقت في الغالب أكثر من عامين، وأنهم قد لجئوا إلى محاولة تغيير اتجاههم الجنسية بسبب أولوية اعتقاداتهم الدينية بالنسبة إليهم، بالإضافة إلى إحساسهم بعدم الاستقرار النفسي في تلك النوعية الشاذة من العلاقات. وقد أخبر الشواذ السابقون فريق الأطباء بأن الطرق التي نجحت معهم لتحويل ميولهم الجنسية تركزت على تحليل مرحلة الطفولة وعلاقاتهم الأسرية، ومعرفة كيفية تأثير تلك المرحلة على إصابتهم بالشذوذ الجنسي أو بعدم الإحساس بالانتماء إلى جنسهم. تحياتي لك...:D |
اقتباس:
ويا ريت غير مرة تستعملي كلمة /مثلية/ بدال /شذوذ/ .. :D |
اقتباس:
يا هلا .. :) 1. كلامك صح .. بس يمكن خربطت بالكتابة :lol: .. الاعتداء على الطفل بيخليه يصير مثلي مو الاعتداء على طفل مثلي لأن الطفل ما بيبين شو ميولو وهو صغير .. وهالشي صحيح وبيندرج تحت علم النفس .. و علاجو النفسي من أصعب الحالات و أقلها تغيراً .. 2. كمان التربية من جهة الأهل للطفل بعكس جنسو كمان ممكن تخليه مثلي بس بنسبة قليلة .. ممكن بس يكبر يكونوا تصرفاتو مو رجولية كتير (او مو بناتية كتير اذا كنت بنت) بس ما الكل بيصير غاي .. وعلاجا خفيف نوعاً ما لأن لازم الطب النفسي يقنع هالشخص انو هو ذكر ومانو انثى (والعكس للإناث) - لأن هالشخص بيكون عندو اختلاط نفسي باطني بشو هو نوعو الجنسي .. 3. هاي مو كتير دقيقة .. والادق اذا كان الطفل عايش بمجتمع يغلب عليه الإناث .. فممكن يصير مثلي .. بس بنسبة قليلة .. وكمان في قسم بيصير فيه الطفل رجولي زيادة بعكس المجتمع الانوثي العايش فيه لأن بيكون وعي انو يللي معو مو متلو فهو بيسترجل بزيادة وياخد اكتر رجل قريب عليه قدوة الو .. *ملاحظة: الطفل اذا تعرض لهل العوامل ممكن يتحول لـ مثلي .. بس الانسان البالغ ما بيتحول لأنسان مثلي حقيقي (حقيقي: يعني ما بيشتهي الجنس المغاير ابداً ) :D |
اقتباس:
مثلا ً بدك ياني غير ميولي .. :o أنا استفدت الترجمة هي أكتر شي همتني أنو قريت و صار عندي فكرة آخر زمن و الله , بدو يحدد شو بدي أستفيد من الموضوع ما بتيجي بتقعد مطرحي كمان .. :lol: |
اقتباس:
حدا طلب منك تغير ميولك :jakoush:اي ما بتتغير لا تخاف :pos: قصدي كان انو عجبتك الدراسة .. فيا مصداقية ما فيا .. هيك كان قصدي :cry: حسابك بعدين انتا بسيطة :frown: |
لك يا أخي أنا شو فهمني بهالقصص ..
ضوروري تفضحنا و قلك أنا بالطب لا ناقة لي و لا جمل .. بس هيك قريت تنورت صار عندي فكرة .. بعدين حدا قعدك محل أخو مراق ميولي .. بغيرا ما بغيرا هي شغلتي .. طلع عشغلتك ابني .. :p |
قلتلي ميولك وميلولو لكن..:sly:.شو ما في حكومه...ما في التزام بالنص.. حكو بالموضوع وبس .:jakoush:..
هففف ياااا :frown: |
اقتباس:
صرتي اوفلاين بالمسنجر قام قلت راحت :larg:.. قلت لكان لأعمل مجازر على كيفي :p لاحقتني من موضوع لموضوع :sly: |
شيل البسطة يا حسن .. اجت البلدية يا حسن .. ::o
|
[quote=Syrian Gay;805295]بدي المصدر .. في مليون الف موقع خليجي حاقد بيكتب من هالحكي يللي ما منو 1% من الصح
ويا ريت غير مرة تستعملي كلمة /مثلية/ بدال /شذوذ/ .. :D انا ما استعملت شي مو انا اللي كتبت الحكي... نقلته و بس و بعدين انت بتقول حقدين؟؟؟ على شوووووووووووووووووووووووو وووووووووو؟؟؟ هي ما فهمتها ممكن تفهمني ؟؟؟ و انا اسفة جدا اني تدخلت بهيك موضوع باين من ردك ما بدك تتغير و انت حرررررررررررررررررررر.... اسفة مرة تانية و ما رح اتدخل :pos: اخر كلمة لو سمحت ... يا ريت تبحث في دراسات عربية اللي انت منهم و ما تاخد على كلام الكفاااااااااااااااااار... سوري :cry: تحياتيىى ..................... :D :cry:................ |
اقتباس:
وبعدين ياعيوني الكمبيوتر اللي عم تستعمليه والانترنت اللي فايتة عليها والسيارة اللي بتركبيها وال ... وال.... كلو من صنع وافكار "الكفار" فاذا كنتي ضد افكارون وقفي استعمال هالاشياء هي وارجعي على افكار العرب اللي نحنا منون:D |
اقتباس:
اختي المشرفة , أول شي ردك خارج نطاق الموضوع تماماً تاني شي , انتي عمتحكي من الناحية الصناعية البحتة للدول المتقدمة و هالشي ما إلو علاقة بعملية البحث عن دراسات و محاولة إيجاد حل أو علاج للمثليين ... و لا تنسي إنو قضية المثلية الجنسية مرفوضة أخلاقياً بجميع المجتمعات , إلا كم دولة سمحت بهالشي و كمان بشروط محددة , أولها إنو المثليين يكونوا معزولين و إلهم مدينتهم الخاصة و ما بيخالطوا المجتمع ... إذا برأيكم هاد الحل بيرضي المثليين , روحوا اقترحوه و بتصور إنو ما حدا رح يرفض إنو يعزلهم طالما هالشي بيريحهم , و أنا أولهم .. على كل حال , بشكر اهتمامك بالموضوع بس ياريت نفكر و نرد بنطاق الموضوع و نفهم و نتفهم وجهة نظر الطرف الآخر صح لحتى يكون حوارنا معو صح .. تحياتي :D |
عذرا منك بس كلامي مانو خارج نطاق الموضوع ابدا لانو عنوان الموضوع "المثلية الجنسية دراسة جديدة تبحث عن التفسير العلمي لجذورها" ونحنا بقسم العلوم يعني عم نحكي هون بالعلم وماعم نحكي بالحالة الاخلاقية للمثلية الجنسية وانما بالوضع والتفسير العلمي الها.... واللي عم قوله انو الغرب متطور كتير علينا من ناحية العلوم وبالتالي مافي ضرر ابدا انو ناخد بدراساتهم بهالخصوص بشكل جدي ومانرفضها لمجرد انها دراسة "للكفار"
بتمنى تكون هلأ وضحت فكرتي :D |
اقتباس:
وين في دولة حطت شرط للمثلية انو يكون الون مدينتهم الخاصة :humm: |
و الله ماني متذكرة منيح , أنا شفت هالمعلومة بمنتدى من المنتديات
بس هلأ أنا كنت بـ جوجل و قرأت كم شغلة ... إنو زواج المثليين صار مسموح ( هههه يعني صار في تقدم ) بس حزري وين بالدول النامية في أفريقيا ( زيمبابوي / كينيا / غانا / اوغندا / تنزانيا / نيجيريا ) بعتقد إنو هدول مو من الغرب المتقدمين اللي برأيك لازم ناخود بأفكارهم ... و بدي وضح كمان فكرة صغيرة .. هي إنو مشكلة العرب , إنون ما بيشوفوا من الغرب غير اللي بدهم ياه و بيقلدوه تقليد أعمى ,و كإنو اعمال الغرب و أفكارهم كتاب مقدس لازم نعبده و نعمل فيه و اذا ما اتبعناهم منكون من الدول المتأخرة المتخلفة اللي ما بتفهم شو يعني تحضر ... فإذا كان التحضر برأيكم هو تقليد الغير , فأنا بعلن إني اكبر متخلفة بالعالم بكل فخر ... تحياتي |
كل شي خالف الطبيعة ... وشذ عنها ... يسمى شذوذ ... بتصير أشياء شاذة بهالحياة ... بس بعمرها ... مابتستمر بتنتهي عند فترة معينة... يعني بحس انوا الشذوذ اكثر من انوا علاقة ... مجرد غريزية شهوانية حيوانية في الطريق الخطأ لا أكتر ولا أقل يعني لو الرجال مع الرجال بجيب ولاد بنحكي أمر الله ... يعني في استمرارية بهالحياة وتاني شي بعتقد انك مسلم وبتعرف قصة لوط (( لطارح الموضوع )) |
اقتباس:
كلامك هاد صح 100% ... بس بردك الأول كنتي عمتحكي من ناحية صناعية بحتة لو رديتي هيك أول مرة ما كنت علقت على كلامك غير إنو موزون و صح ... و انا معك إنو مافي مشكلة ناخود بعلوم الغير حتى لو كانوا كفار ... بس هالشي مو معناه إنو نقلدهم و ناخد كلامهم على إنو شي مقدس و لازم نعمله ... و بعدين ما بدنا ننسى إنو نحنا عايشين بمجتمع عربي .. و لما نفكر نعمل شي او نقول شي , لازم يكون تبعاً للمجتمع اللي نحنا مننتمي إلو لإنو من المستحيل الإنسان ينتمي لمكان مو إلو ... صح مجتمعاتنا متأخرة عن باقي المجتمعات , بس نحنا اللي لازم نعليها و التقدم ما بيجي عن طريق تقليد الغير بدون تفكير و دراية .. كلمة أخيرة بحب قولها , خدوا اللي بدكم ياه من الغرب .. بس مع المحافظة على أفكاركم و عقلكم لإنو اللي بيمسح عقلو و بيعبيه بدون تفكير إنسان ضايع بكل المقاييس .. تحياتي :D |
هلأ اول شي انا ماعم قول انو نتبع الغرب بكل افكارون.... بس لما بدنا ننقد افكارون المفروض ننقدها بنفس الاسلوب يعني لما بيطلعو ببحث علمي ننقدو بنفس الاسلوب العلمي ومو بس نرفضه لانو افكار "كفار".... ومابظن عنا القدرة انو ننقد افكارون العلمية بنفس الاسلوب العلمي لانو ماوصلنا لنفس المستوى العلمي
والشئ التاني انو خلينا بس نحكي شي بالاقل نكون واثقين منه وجايبينه من مصدر موثوق ومو بس من احد المنتديات ويمكن اللي نزل هالفكرة بالمنتدى نزلها من عقله وبالتالي لاتمت للحقيقة بصلة والشئ التالت انو مين قال انو بس هي الدول هيي اللي سمحت بزواج المثليين..... ياريت تدوري عالاخبار والمعلومات من مصادر موثوقة اكتر والشئ الرابع والاهم انو موضوعنا هون مو قصة السماح بزواج المثليين او لأ..... او بالوضع الاجتماعي للمثليين وإنما التفسير العلمي للمثلية وياريت نضل ضمن هاد السياق :D |
اقتباس:
انا كنت رادة على الموضوع ببحث علمي .. بس ما عجبكون .. و انا وجهت كلامي لسيريان غاي , و انتي رديتي و غيرتي نطاق الموضوع ... انا قلت اللي عندي .. بتمنالكون التوفيق بعملية البحث عن دراسات علمية تقنعكون إنو الغلط اللي عمتعملوه هو صح ... بس بدي ذكركون بمثل صغير بيقول ( اللبن بعمرو ما بيصير أسود ) تحياتي :D |
اقتباس:
لانو مو كل مين كتب شغلة وكتب فوقها علمية صارت علمية بجد :D |
اقتباس:
سيدتي المشرفة... الموضوع انا نقلته من الجوجل.. و بعتقد انو موثوق و علمي... و لا انتي شو رايك ؟؟؟... بينزلوا شي بجوجل غير موثوق ؟؟؟ و اذا بدك تتاكدي اكتر رح جيبلك الرابط...:sly: تحياتيىى لكي :D |
اقتباس:
وكمان المعلومات اللي جبتيها من قبل عن قبول بعض الدول بزواج المثليين بشرط فصلون بمدينة لحالون كمان قلتي انها من جوجل وطلعت خطأ وجوجل نفسه عطاكي معلومات معاكسة الها بمعنى تاني جوجل عظيم بس لتدوري على كلمات ومواضيع بخصوصها بدون اي مصداقية للمعلومات :D وشغلة تانية لاعاد تقوليلي مشرفة رح يكبر راسي:sly: :p انا هون عم اتحاور معك عضو لعضو ومادخل ابدا كوني مشرفة او لأ...... انا هون بس عم عبر عن رأيي الخاص متل ماانتي عم تعبري عن رأيك :D |
اقتباس:
ايه كلامك صح .. عمو جوجل بيهمو يرص حكي :lol: لا لا كلو ولا يكبر راسك :sly: :p شكراً لتواضعك عزيزتي :D خلص انا مخي بيفتل إذا بدي اقعد دور على شي و دور على مصداقيته .. ما إلي خلق :frown: دوروا إنتو و إن شاء الله بتلاقوا اللي بدكم توصل إلو ... بس مستحيل تقدروا تقنعوني إنو المثلية الجنسية شي صح .. لإنو ولا ممكن أي بحث علمي يثبت إنو الإنسان المثلي إنسان مظلوم أو معفي من المسؤولية لإنو إلها علاج , بس لـو المثلي بدو هالعلاج .. لإنو كل القصة نفسية و ليست عضوية .. و الغلط بعمرو ما بيصير صح .. إن شاء الله تكون وصلت فكرتي اللي ملخصها إنو إرادة الإنسان هي اللي بتصنعو .. تحياتي :D |
هممم .. اول شي لا تنفعلي كتير .. مافي شي مستاهل .. مجرد دراسات علمية عم نعطي رأينا فيها :D
بـ نبدأ هللا .. اقتباس:
اقتباس:
اقتباس:
هدول مالون مانون معترفين بالمثلية من الأصل والسبب هو الجهل (متلون متل البلدان العربية) والزواج مسموح بكل من (كندا - اسبانيا - هولندا - السويد - جنوب افريقيا ) وقريباً فرنسا والدول يللي بترعى المثليين وتحترمون هني (الكل عدا دول العالم الثالث) اقتباس:
اقتباس:
الغوغل محرك بحث فقط .. هو ما بيهموا اذا الشي يللي عم يطلع صح وللا لا .. معناتها في كتير حكي بغوغل بيطلع بيتنقد فيه الكتب السماوية كلها وبيطالع تحريف القرأن والانجيل .. معناتها هالشي موثوق :lol: اقتباس:
اقتباس:
حاصله .. نحن شوي طلعنا عن العلم والسبب هو مصاردك الغير موثوقة والغير علمية واللي لا تمد بالصحيح بصلة ويا هلا ..:D |
اقتباس:
تحيااتي Syrian Gay :D |
الشذوذ الجنسي بكل انواعه (homo, pedophilie,zoophéli, sado...) هو مرض نفسي اكثر منه عضوي و مثل هذه الابحاث غايتها هو تبرير هذا الشذود
فلانسان ليس آلة مبرمجة بمجرد قراءة خريطته الصبغية يمكن تحديد شخصيته و تصرفاته المستقبلية و انما الانسان مجموعة من التجارب و التفاعلات مع المحيط الخارجي فليس هناك قاتل بالوراثة و لا سارق بالوراثة. فلو علقنا كل تصرفاتنا على مشجاب الجينات لما اصبح هناك شيء اسمه خطأ و شيء اسمه صواب ولاصبحنا روبوهات. |
| الساعة بإيدك هلق يا سيدي 10:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون