|
قمة الوقاحة..اعلان يصور السيد المسيح كزير نساء!!
قمّة الوقاحة.. إعلان يصوِّر السيد المسيح كزير نساء!!!!
بالرغم من استياء الملايين حول العالم واعتراضهم ورفضهم لاستغلال الأديان أيا كانت، لكسب الشهرة أو المال أو غيرهما.. مازال بعض المعتوهين يلجئون لهذه الطريقة ليصلوا إلى مبتغاهم، فلا يراعون شعور البشر ولا يخافون الله.. وقد صدمنا في موقع فرفش من الاعلان التلفزيوني الذي يظهر المسيح وكأنه من "الهيبيز" يتعرّف على نساء نصف عاريات في أحد الملاهي الليليًّة. وقد احتج الأساقفة الكاثوليك في بلجيكا ضد الإعلان التلفزيوني، وتقول الكنيسة الكاثوليكيًّة إن مثل هذا النوع من التصوير للمسيح لا يبدي أي نوع من الاحترام للمؤمنين، وبالتالي من الخطأ استخدامه في الإعلان. لكن محطة تلفزيون "بلوج" تنفي أن يكون الإعلان المذكور نوعا من التجديف أو الكفر.  يُظهر الإعلان التلفزيوني المسيح شخصا فوضويا طويل الشعر يتسكّع وقد راح يحاول دخول ملهى ليلي فيمنعه حرّاس الملهى من الدخول. بعد ذلك يُبدي المسيح إشارة الصليب ويدفع بالحرّاس جانبا، فيقلِّصهم ليتركهم وقد تحوًّلوا إلى أقزام طوال السهرة. كما تًظهر هذه الطبعة من شخصيًّة المسيح في إعلان تلفزيون "بلوج" وهو يشرب الويسكي في الحانة ليحوًّل بعدها بشكل ساحر امرأتين سمراوين رثًّتي الملبس إلى فتاتين شقراوين ترتديان لباس السباحة (البكيني) وقد ظهرتا بقرون حمراء كالشياطين. بعدئذ يتوارى الشخص الذي يظهر في الإعلان عن الأنظار عندما يركب في سيًّارة ليموزين برفقة الفتاتين، ولكن إعلانا لتلفزيون بلوج يحوِّل انتباهه قبل أن يستدعيه الربُّ الواقف فوق غيمة والمرتدي قميصا (تي شيرت) مكتوب عليه "الأب رقم واحد". ويوبِّخ الربُّ المسيح بسبب نزوعه لمشاهدة إعلان تلفزيون "بلوج" وأي شيء آخر، قائلا له: "لا زلت تريد المزيد." وقد عبًّرت الكنيسة الكاثوليكيًّة عن عدم موافقتها على الإعلان قائلة إن صناعة الإعلان ليست كالصحافة ويتعيًّن ألاًّ تتقاسم معها هموم حرية التعبير ذاتها. وتعتقد الكنيسة بأن هذا الإعلان يتخطًّى حدود الاحترام. وتجادل محطة تلفزيون "بلوج"، على أي حال، بأنًّ الإعلان ليس تكفيريًّا ولكنًّه يتضمًّن رسالة حول شخصيًّة المسيح الهادئة المسترخية التي تخاطب الشباب. نؤكد في موقع فرفش للمرة الألف أننا نرفض الإساءة إلى أي عقيدة دينية أو شخصية دينية. فهذا المجال يجب أن يكون محترما، على الأقل لمراعاة مشاعر الملايين من البشر. ونأمل في فرفش أن تصل رسالتنا ورسالة قراء ومتابعي الموقع إلى كل مكان.. - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
ناس ما بتفهم:pos:
مو لاقيين غير الرسل و الانبياء ليتمسخرو عليهم... فعلا قمة الوقاحة... يسلموو عالموضوع مروة:D |
اقتباس:
مرة بطلعولك كارياتيرات على الرسول محمد عليه السلام واسى على سيدنا المسيح عليه السلام!! كفى تجريحا بالديانات..كفى تجريحا بالمؤمنين! شكرا لمرورك كيوتي :D |
جد لا حول ولا قوة الا بالله
بطلت الناس تعرف شو تساوي والله فاضيين هاد الي كان ضايل؟ توصل معهم لهالدرجة؟ الله يعافينا من هيك نماذج ويبعدههم عنا ويسلمو مروة عالموضوع |
اقتباس:
شكرا لمرورك :D |
مابعرف وين المشكلة
انو الكبير بيضل كبير حتى لو تهجم عليه حدا او صورو بشكل كاريكاتوري فلما المؤمن مقتنع انو الانبياء بالفعل كبار ليش لحتى يتأثر بهيك تصاوير للانبياء :D |
فعلا قمة التخلف يعنى مو ملاقين غير الرسل و الانبياء يتمسخرو عليهم وين احترام الاخر؟؟؟؟؟
:Dيسلمو عالموضوع |
اقتباس:
بعدين انتي كانسانة ما بتحبي انو حدا ييجي يجرح فيكي او يعطي صورة مشوهة عنك وبتلجأي يمكن للقانون! طيب كيف بتسمحي (ما تاخديها بشكل شخصي انا بعطي مثال) انو الرسل والانبياء العظماء يتصوروا بهالطريقة؟!! تحياتي وشكرا لمرورك :D |
اقتباس:
|
اقتباس:
واذا منشان قصة القداسة في كتير مقدسات نحنا كمان عم نحقرها بدون مانحسب حساب نفسية المؤمنين فيها..... يعني ليش بس بدنا نسب شي وحدة بنقول عنها بقرة مو البقرة بحد علمي كمان مقدسة عند جزء من الناس وليش تم هدم تماثيل بوذا وماانحسب حساب قدسيتها عند كتير ناس او انو المقدسات والامور والشخصيات العظيمة هيي مقدساتنا نحنا وبس بكل الاحوال برجع وبقول رأيي الكبير كبير ومارح تغبر عليه هيك اشياء بس اللي بيغبر عليه انو لما نحنا بنحس السخرية عليه و كأنه بالفعل تصغير الو لانو انا بفهم هيك شغلة انو نحنا مو واثقين بعظمته بما فيه الكفاية لحتى نترفع عن التعليق على هي القصص :D |
اقتباس:
بس انو انا ما بشوف انو عدم التعليق على متل هالاشيا هو الحل! بالعكس لازم كل انسان يوقف ويفرجي حقو بالايمان او حتى الالحاد! وحق البشر في التحرر من الدين يجب ان لا يتعارض مع حق غيرهم في التدين! تحياتي :D |
اقتباس:
بس انا مابشوف بالسخرية على دين معين او نبي معين حرمان للمؤمنين بهاد الدين من حقو بالايمان :D |
اقتباس:
تحياتي الك و انا اللي بتشكرك على ردودك اللطيفة :D |
طب فين المشكلة ؟!؟!
|
اقتباس:
بتمنى ترجع تقرا حواري مع امراة من ورق بتعرف انا بعترض على شو بالزبط :) تحياتي :D |
اقتباس:
وبناءا على كلامك ما خليتي حرمة لرب ولا لدين ولا لمعتقد ... وبطّل في اشي اسمو اهانة لدين أو معتقد .. يعني لغيتي كل هالاشياء من قاموس الحياة .. ولغيتي مفهوم ومعنى التقديس .. يعني الي بدو يهين ويسب دين أو نبي ورسول يهين ويسب عادي .. خدو راحتكم يا بشر لو ضليتي ساكتة كان أحسن وميت هلا .. اقتباس:
وميتين هلا .. |
طيب فكرة تانية
انا كمسيحي ممكن باعتباري مسيحي وعبينحكي على المسيح بس انت مروة شو الهدف انك تحطي هيك موضوع اذا بدك تقنعيني بمثالياتك كالعادة بانك غيّورة على المسيح ومدري من هاد الحكي فانت للاسف وجهين بلسانين بالاول ما فتي على الاخوية كان عنوانك " بتحداك تدخل لهون " وكان الرابط على موقع بيتهجم بشكل كتير كبير على المسيح فمن امتى صرتي حامية الحمى وجاي اتدافعي على المسيح المسيح مانه بحاجة لحدا يدافع عنّه وخصوصا شخص متلك :pos: |
اقتباس:
تانيا انا اؤمن بالمسيح انو نبي..واؤمن بعيسى كرسول..الموقع اللي كان بيتحدى فهو موقع يدحض ادعاءات الوهية يسوع وانا لا اؤمن باللوهية يسوع! (وانتي قلتها من قبل كل واحد حر بمعتقداته) وانا لما حطيت هالموضوع هون حطيتوا وتطرقت الو على اساس ايماني و لاني اهتميت بالمسيح كنبي وليس ك الهة!! يعني الاشي جرحني لاني بعرف انو النبي عيسى ما كان هيك! بعدين الموضوع انقال فيو اهانة السيد المسيح وليس اهانة الاله المسيح! وانا تعاملت مع هالموضوع من هالناحية! وانا اسفة جدا اني حاولت اقرب وجهات النظر والقلوب بين الاطراف! وشكرا على تعقيبك في كل الاحوال! |
اقتباس:
على فكةر كل واحد شكل ومانهم شخص واحد ما بدي ادخل بشي اسمه حوار اديان بس رجاء لو كان الموضوع على " عيسى " كانت القصة محمولة منّك بس طالما القصة على السيد المسيح فرجاء اتركي المسيحيين بمشاكلهم الخاصة :? |
اقتباس:
وتاني شي انا ماقلت انو يبطل يصير في شي اسمو اهانة لدين او معتقد وانو هالاهانات تصير تتوجه بشكل طبيعي...... حتى راجع ردي التاني وشوف انو انا ضد اي اهانة لاي دين حتى لو كان من الاديان الغريبة عنا متل البوذية لمجرد كونها مقدسة عند بعض الناس بس اللي حكيتو (وياريتك فيك فهمت انا شو حكيت) انو لما المؤمن بيؤمن بقوة وبصدق انو النبي بالفعل انسان تجاوز باقي البشر كلون بعظمته بيصير بيحس انو اي اهانة ضد النبي بتضل ولا شي جنب عظمة النبي ولا ممكن تغبر عليه وياالف هلا |
اقتباس:
وكتير ايات قرآنية انزكر فيها اسم المسيح يعني المسيح مش حكر على دين معين..لانو نحنا منآمن ومنحب كل الانبياء (اعتقد انو حقنا) بعدين يا صديقي انتي كيف بتقوللي اترك المسيحيين بمشاكلهم الخاصة؟! يعني بليز شو هالطلب؟! انا ناقلة هون خبر للجميع مسيحيين مسلمين بوذيين ملحدين كل الناس..و كل انسان حقه انو يجاوب ويرد عالموضوع!! ولاّ كمان نشر المواضيع بكون حسب ديانة الناشر؟! :? يعني ازا انا مسلمة انشر بس مواضيع للمسلمين؟!! لكان خلص لازم يسكروا القنوات الاخبارية ويسكروا المواقع كلها!! تحياتي! |
شو رأيك مروى تحزفي هل موضوع و تريحي
لأنو الكلام بلش يطلع برا الموضوع |
اول شي بتمنى تكون الردود بعيده عن الاهانات متل مابتمنى انو الموضوع مايكون لغايه غير بريئه تاني شي بلنسبه النا كمسيحيه منغار على ديننا وبنعتز فيه بس القصه انو نحن مسالمين يعني لا بنكفر ولا نهدر دم ..... والي عوده على الموضوع
|
اقتباس:
مين قال انو هالاهانة بتأثر على شخص النبي أو على الدين .. مين ؟؟؟ انتي بهالرد : اقتباس:
وازا ما فهمتي .. مارح تفهمي وميت هلا .. |
اسفة كتير اني فايتة بحوار معك يا ليو لانو واضح انك مو فايت تحاور وانما تفش خلقك من شي شغلة غير لانو اسلوبك ابدا مو اسلوب حوار وانما اسلوب تهجم وتهكم من اول مافتت عالموضوع
انا ماقلت مافي مشكلة بمعنى انو عادي انسان يهين معتقدات شخص تاني وارجع على باقي ردودي وبتشوف انو فعلا هاد قصدي اما قصدي ب "مابعرف وين المشكلة" يعني انو المؤمن هوي اللي مالازم يحسها مشكلة بمعنى انو مايحس انو النبي بالفعل تمت اهانته لانو النبي اكبر من هيك وانما المهان الحقيقي هوي المتطاول على معتقدات ومقدسات الاخرين لانو هوي اللي رح يكون بين انسان حقير ووضيع لما تطاول على المقدسات ورح يكون خسر احترام الناس الو وهي بالنسبة للدين والمؤمنين فيه مانها مشكلة لما شخص بيغلط وبيخسر الاحترام بعين الناس هي اخر مشاركة الي بهاد الموضوع وبتمنى هلأ تكون وصلت فكرتي عالاقل لباقي المشاركين :D |
اقتباس:
وازا الادارة شايفة انو الموضوع لازم ينحذف فما عندي مشكلة! شكرا لمرورك :D |
اقتباس:
على كل ازا في شك انو انا فتحتو لهدف غير بريء فانا بطلب من الادارة تحذفو! تحياتي :D |
لا اخت مروة ما تسمحي بحذف الموضوع
نحن نؤمن به شاء من شاء وابى من ابى ونحن مالتزمون بالدفاع عنه كما ندافع عن سيدنا سول الله هذ قمة الروعة في الاسلام تحيتي لك |
اقتباس:
انو عنجد ما توقعت هيك يصير وهيك يفكروا اني هدفي مش بريء او اني بكره المسيح او ما شابه! وحياة الله انا كان دافعي الوحيد لما حطيت الموضوع هو حبي للمسيح عليه السلام وغيرتي عليه :cry: |
اقتباس:
ازا كان هيك قصدك بالردود السابقة  بس بكون في اضافة : واجب المؤمن انو يدافع عن دينو .. بالرغم انّا عارفين انو كلام المتهجم ما غير من قدر النبي أو الدين .. وما تزعلي وهي وردة :D وميت هلا .. |
اقتباس:
|
اقتباس:
تانيا المفروض الي بدو يوصل فكرة يعرف كيف يوصلها .. مو مشكلتي ازا الي قدامي مو عارف يوصلها تالتا : اقتباس:
خامسا : 300 هلا .. |
يا اخي عيفوا المسيح لحاله
هيك كنتي متوقعة من الاخوية تقوم وتقعد ؟!؟! هاد كان هدفك انا غير هيك ما عبشوف وقت بكون شخص اله تاريخ مشرّف بالمناغشات بين الأديان اكيد هيك موضوع بالمنتدى اللي بيحمل طابع مسيحي ما بده يكون متل اي قناة اخبارية عبتنشر الخبر مشان فكرة انه من حقكم اتدافعوا على انبيائكم يا اخي من حقكم بس المسيح مانه عيسى ابن مريم اللي عندكم غير شخص تاما انا بآمن بانه اله انت بتامن بانه نبي انت بتامن بانه ولد تحت نخلة انا بىمن بانه ولد بمذود انا بىمن بانه صلب على المسيح انت بتآمن بانه لم يمت انما شبه به فكيف بدك اتدافع على الشخص نفسه وقت بينكتب موضوع او بيتصور فيلم على عيسى ابن مريم تفضل شرفنا بتعليقاتك اللي ما منقدر نحن بدونها :frown: |
بعدين انا قريت الخبر بالأول اجتني الضحكة لأنها فعلا فكرة غريبة وبعالم الدعيات كتير بدها تحقق نجاح كبير
يمكن ما بدها تلاقي اي امتنان من الكنيسة بس اكيد بدها تكون فكرة طريفة بس ليش الكل " خصوصا العرب " عندهم اعتقاد ان العالم كلهم غيران منهم وبدهم يشوه لهم تاريخهم وحضارتهم يا جماعة ركزوا منيح افتحوا عيونكم وادنيكم شوفوا نحن وين صرنا نحن بعتذر من الكلمة " اخرى " امة انجبتها التاريخ فلا تحسبوا العالم سالين علينا كنا وما زلنا بآخر سلم التاريخ وما حدا سائل علينا فلا تحسبوا العالم غيرانين مننا وبدهم يتناطحوا معنا . |
الله يلعنهم يا رب عن جد
وشكرا على الموضوع:D |
اقتباس:
لهيك بيحتلو بلادنا من زمان زمان...علماؤنا ما بيغادرو بلادهم ...ممنوع يرجعو عاوطانهم التضليل و التعتيم عقضايانا و حقوقنا....يمكن مو لدرجة انهم ما بنامو الليل من ورانا بس لو مو ساءلين عنا...ما بصير و لا صار كل هالشي :D |
اقتباس:
اقتباس:
اقتباس:
|
ان الله لا يغير ما بقوم
حتى يغيرو ما بأنفسهم |
مروة بصدق بهنيك على غيرتك اللي لازم تكون عند اي مؤمن سواء مسلم او مسيحي
ممكن صار هون نقاشات او جدل عقيم وتباينت الاراء بس انت هدفك برئ وغيرتك ظاهرة اما العتب عاللي ما قدروا يحترموا هالشي وبلشوا صد رد وتهجم واهانة واهم شي لازم اي حد يفكر فيه انا لو بحب حدا بسمح اني اسمع عنو شي عاطل ؟ يعني بطيق فكرة التهجم عليه ؟ اذا كان حبي صادق فهدا الشي مستحيل بالعكس رح اثور وما رح يكون شي عادي وبتمنى شوي نرتقي باسلوب نقاشنا وانو نحترم بعض وجد الله يلعنهم على هالعملة اللي ما ببررها عرف ولا دين ولا مكسب والله يهدينا جميعا |
اقتباس:
" الحمار خلق لحتى العالم تركبه " :pos: |
| الساعة بإيدك هلق يا سيدي 06:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون