|
بدك تعرف شو بيقول برجك
اللي حابب يعرف أي شي عن برجو ( حب - مال - صحة - عمل - عيلة - رفقات - توافق )
بس يبعت تاريخ ميلادو ( اليوم - الشهر ) وساعة ومكان ميلادو .. ونحنا جاهزين 24 ساعة |
لك مع اني ما بآمن بهالاشيا كتير بس شغلي حلوة :lol:
انا خلقت ب 14.3.1990 بس ما بعرف اي يوم بالزبط اما مكان الولادة فكان بحيفا :) من الاخر انا برجي حوت وثانكس :D |
اقتباس:
بس بشكل عام : لازم تطولي بالك كتير هلأ بأمور العيلة ، إنت يمكن عم تلاحظي أجواء صعبة كتير بهالشهر خصوصا على صعيد الشغل والعلاقات .. يعني بالعموم أمورو لبرج الحوت مكركبة بهالشهر ، ومابتنفرج لأول الشهر الجاي .. يمكن في تغيير كبير يصير بهالفترة لمان سكنك أو مكان تواجدك .. شو ماصار لا تتضايقي كتير .. الحب مافيه شي جديد ، عالقليلة للشهر الجاي .. انتبهي من الإنعزال ، وكتري قراءة ... |
اقتباس:
والله مع العيلة الاحوال..مم..شو بدي قيللك فاترة :pos: اما الحب فما تسأل :lol: ليش ما قالولك اني اعتزلت الغرام؟ :lol: شكرا وتحياتي :D |
اقتباس:
|
مرحبا خيو
انا مواليد 19/9/1986 بقى شفلي الله يخليك اش في عندك مكتوب عني من جميع النواحي واذا الشغلة فيها حكي كتير ابقى منفوت عالماسينجر اذا بدك بس الله يخليك دعملي الوضع العاطفي كتير شيت في صبية سويدية بتطير العقل حاطط عيني عليها:o:o |
اقتباس:
أول شي مشان الوضع العاطفي ، فهو هلأ مو على كيفك ، يعني إذا كان بدك توقع الغير بشباكك بدك تنتظر كمان للشهر البعد الجاي ( تشرين التاني ) يللي مخبي علاقات حلوة وحياة عاطفية أفضل ، وأنا رأيي إنك تنتظر للشهر الجاي ، مشان ما تنطعج .. وغير هيك إنتو مواليد برج العذراء مكركبين كتير ، وعم تمرو بفترات صعبة شوي ، بس يمكن هيي ضرورية لتتجهزو لحياة جديدة بتخبيها سنة ال2008 ( يلللي رح تكون سنة الحب ) .. إذا خلي بالك إنو الفترة بين 1 - 9 تشرين التاني هيي من أفضل الفترات خصوصا على صعيد الحب ، والمصاري .. وأهلا وسهلا شريك ... |
هااااي ممكن برج العذراء وكترلي من العاطفة وكمان بدي كيف وضعي مع الدلو وازا قدرت جيبلي شوية عن الدلو بالنسبة للعاطفة :oops::oops:
|
على راسي حبيب بس هيك طيرتلي البنت من ايدي مع انو والله لقطة ...خيو الواحد بيجرب ماني خسران شي كوني ماني ناوى على انو تصير علاقة حب هلق يعني تسلاية بتسلاية و فهمك كفاية:cry:
شايفلك انو مالي غير البولنديات حبيبات قلبي بلكي بشفلي بالجامعة شي بنت حلال تحويني و احويها من الكلية اي بس ما قلتلي كيف الاوضاع العملية؟؟؟يعني الدراسية؟؟شكلي رح يمشي حالي بالجامعة ولا مو وجي هالوجه؟؟ |
اقتباس:
خصوصا هاد الشهر .. بس بقلب هي الفترة الموظريفة رح يكون في فترة حلوة عاطفيا بتبدا بين بداية تشرين اأول (يعني الشهر الجاي ) وبتستمر ل10 تشرين التاني ( حسب تاريخ عيد ميلادك ) فابعتيلي تاريخ ميلادك باليوم والشهر مشان حددلك الفترة يللي بيوصلك فيها تأثيرات إيجابية .. برج الدلو : إذا كان بدك ترضي برج الدلو ، بدك تتعودي على تصرفاتو الغريبة ، وأفكارو السابقة لزمانو .. يعني هادا الشب بيكون طموح وبيحب من اللي حوليه يدفشوه لقدام قد مافيهم . قلبو كبير - كريم - بيحب كتير التكنولوجيا الحديثة .. وضع العذراء مع الدلو : بيتوافق معو بنسبة 40 % لازم تكون أفكاركم هيي أساس العلاقة حتى تنجح .. |
انا تاريخ ميلادي 10/9
يعني بينفع عذراء مع دلو عاطفيا |
اقتباس:
تاني شي جرب و خبرني شو بيصير معك !! تالت شي في فترات بتكون أمورك الدراسية فيها كتير ظريفة وهيي ( بين 26 تشرين التاني و 31 تشرين التاني ) وهاد مابيعني إنو تشرين أول سيء ، بس الفرص الأفضل بتكن بهاد الوقت .. وإذا بدك عن السنة الجاية قللي ... ياحبيب |
خيو ضيفني عندك عالياهو و خلينا نحكي على انفراد شيت صرلي زمان ما سمعت هيك اخبار(ابراج ز ما ابراج)شيت البولون ما بيعرفو ينجموا الله يلعنن
|
اقتباس:
الدلو والعذراء نوعا ما متوافقين بس حاولي ماتكوني كتير عنيدة ، وسايريه بأحلامو وكونو مؤيدة لنظرتو بالحياة . |
يسلمووووووو كتير غلبتك معي
|
اقتباس:
|
اناااا بمووووووت بالابرااج :yahoo::clap:
اناا مواليد 12/12(برج القووس ) :gem: انولدت بين الساعه 7-8 الصبح بالسعووديه بدي كل شي بتعرفوووووو :o |
وانا يا خيو مواليد 4\11\1987
برج العقرب وانا من الاردن والساعة والله ما بعرف وشكرا الك يا مان ......... |
وانا كمان مع اني ما بآمن بهي الشغلات بس خلينا نشوف شو بقول برجنا
انا نولدت ب 15/12/ 1988 |
بدي .. اعرف كل الي عندك ..
31 -12-1989 الجدي .. ولدت الساعه 11 ونص .. بالليل .. قبل ال12 المهم بالرياض ... بس انا سوريه .. ......:D |
العمى هلق انكشفوا البنات شقد اعمارن:o:oشيت دائما السؤال عن العمر بيزعج كتير من النساء
|
ع فكرة انا ما بآمن بهيك شغلات بنوووووووب بس يالله لح جرب بس تسلاية
ولدت ب 20\9\1990 يوم الاثنين الضهر بس انو ساعة بالضبط مابعرف يمكن 11 واكيييد هون بالشام |
اقتباس:
بدي قللك أول شي إنو نيالك على هي الطوالع ، يعني في عندك بحياتك حظوظ قوية بتخليك توصلي للي بدك ياه. الوضع هلأ فيه إنشغالات كتيرة و تعب ، يمكن في حدا عم يطلوب منك تشتغلي أكتر ، أوهيي الحياة عم تتطلب منك جهد كبير .. حتى لوكان في منافسة أو ضغط ، لازم تصبري شوي .. بالحب هلأ وخلال هالأسبوعين ،رح يتحرك فينوس ببرج الأسد ليدعمك عاطفيا ويقوي المشاعر الحلوة بحياتك . الأسبوع هاد فيه كتير إنفعالات حلوة ، ويمكن بتتعرفي على جديد بحياتك .. |
اقتباس:
وإنت بالنسبة لتاريخ ميلادك : بين 19 - 25 تشرين التاني ( بتسمع أخبار خلوة أو بتسافر ، أو بيكون لإتصالاتك و علاقاتك مع الناس أثر إيجابي كبير بحياتك .. طبعا الفترة مناسبةلإطلاق مشاريع .. أما الحب فهو بين 14 - 24 كانون الأول ، وققتها رح تعرف لقاءات بتغيرلك مصيرك ، يعني في إرتباط أو مصالحة بينك وبين حب قديم .. |
اقتباس:
طبعا ومتل ما قلت قبل شوي برج القوس في قدامو أسبوع أظرف من يللي مرق ، وخصوصا على صعيد الحب . بس إنت وبما إنك بتنتمي للعشرية التالتة من برج القوس ، فرح تعرفي أحداث كتيرة وخطيرة ، مابعرف شو بدي إحكيلك بالضبط ، بس في إنتقال كبير بحياتك خلال هي الفترة ، ممكن يترافق مع حزن أو جو مكهرب، بس هو بيكون لصالحك .. إنت بتحبي الشغل والمصاري ، وهيي واصلتك بال2008 .. |
اقتباس:
هلأ برج الجدي مافي شي معكرو غير آراء عم تكون ضدو أو حدا بدو يمشي كلمتو عليكي .. يمكن الوضع العائلي فيه شوية تعب .. البشارة الحلوة هيي إنو برجك الجدي وطالعك الثور ، يعني هاد الشي كتير إيجابي خصوصا للسنة الجديدة يللي رح يكون فيها سفر وتجديد بالحياة ، أو هدية كبيرة من اسما مانك متوقعتيها .. يعني بالمختصر النجاح رح يرافقك طوال السنة الجاي .. هادا الأسبوع بس ، بتبقى أمورك مكركبة نوعا ما .. بس مشان الحب رح يكون إلك نصيب كبير منو ( بين 19 تشرين الأول - 27 تشرين الأول ) |
حبيب ناطرك عالماسينجر انا:jakoush::jakoush:
|
اقتباس:
شو مشان انو كلمتي عم تمشي على الكبير والصغير بالعيله :shock: كلامك مافيو شي من الصحه .... اقتباس:
اقتباس:
اي العيله كلهن مسافرين :cry: اقتباس:
هلا الحب كمان ماجل .. بس سؤال .. شو عرفك ..؟:? |
اقتباس:
مشكلتك إنك كتير واقعية ، وهاد الشي يللي بيتميزو فيه مواليد برج العذراء .. في ضغط كبير عليكي هلأ ، وإنت عم تحاولي تكابري على حالك بس بالنهاية في إنفجار كبير بدو يصير خليكي هادية ، وادرسي كل كلمة قبل ماتقوليها ، خصوصي قدام الأهل .. الإنفعال هلأ أبدا مابيفيد .. كمان إذا بتقدري تبعدي عن السيارات و الأماكن الخطرة بيكون كتير منيح .. بس بقلك في فترة حلوة ، بتقدري فيها تفرحي مع اللي حوليكي ، وتحولي الخناقات لفرحات وهيي بين 30 تشرين الأول - 8 تشرين التاني .. |
اقتباس:
|
والله موضوع تحفه
انا من مواليد21/5/1987 ومولوده بالكويت على حدود الساعه 5 العصر هيك شى على ما اظن ... على ما اظن انى من البرج الجوزاء...زكاتك كل شى بالتفصيل الممل هههه بعد اذنك يعنى |
28/3/1982
المكان : دمشق باب توما ، مستشفى الزهري هي كتير لح تفيدك المعلومه الله وكيلك الوقت : على قولت امي الصبح بس انا شاكك بهل شي برجي : برج أيفل بدي اعرف ليش كل ما بدي شي باكول خازوق بطول 4 متار |
اقتباس:
اول شي شكرا كتير عالمعايدة كلك ذوق :sosweet: وهلأ من جهة الضغط في ضغط بس ولي والله خوفتني :cry::cry::cry: شو هاد الانفجارالكبير يلي بدو يصير :sick:يعني بانو ناحية بشو بيتعلق؟؟ وليش لحتى بعد عن السيارات والاماكن الخطرة ليش شو ممكن يصير يعني:?:? وانشالله بتكون مو بس هالفترة يلي محددها انت حلوة انشالله طول العمر :p وشكر كتييييييييييييير كبير الك يعني عذبتك معي :oops: بس سؤال ولو حشري شوي يعني الحكي يلي عم تكتبو من وين بتجيبو يعني قصدي شو عرفك ؟؟؟؟؟؟ وانا بصراحة ما بآمن بكل هالحكي :frown:بس بشكرك مرة تانية |
اقتباس:
أنا دارس أو متعلم شوي عن هالعلم ، وبكتب الأبراج على هاد الموقع ولهي الجهة : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يمكن بتسمعو باسمي عالهوا ، أو يمكن لأ ..ولاتنسي تخبريني شو بيصير معك ، أوكي ؟ |
اقتباس:
في عندك جانب من شخصيتك كتير حساس وعاطفي ، بيخليكي دائما تسألي حالك أسئلة عن الدنيا و الحب .. وعلى سيرة الحب ، إنت عندك محبة لكل الناس ، وقلبك طيب كتير .. ( بس انتبهي من إستغلال الناس لهالشي ) متل ماقلنا في فترة حلوة وهيي هاد الأسبوع بالعموم ( خصوصا على صعيد الحب ، والعلاقات الإجتماعية ) بس إذا بدي إحكي بالتفصيل الممل ، رح ضل لبكرا الصبح ، بس إنت حدديلي شو بتحبي تعرفي ، وتكرم عيونك:D:D |
انا ولدت ب 30|آب|1986
المكان الشام الساعة 8و30 مساء لنشوف شو بيقول برجي مع انو ولا مرة ظبت معي |
اقتباس:
مافيكي تسكتي عن الغلط ، وكتير عندك حيوية وطاقة .. بالإضافة لفهمك السريع للأمور ، في عندك موهبة التعرف على اللي بيفكر فيه الناس ، هي أنا عم قللك مشان إذا ماكنتي بتعرفي .. يعني فينا نقول إنو اللي بيدلك عليه قلبك هو صحيح .. وبالنسبة للتوقعات ( بشكل كتير مختصر ) في عندك فترة حلوة ،أو أحسن من هي الأيام .. بتكون بين 9 ل 20 الشهر الجاي ( تشرين الأول ) .. وخبريني إذا بتظبوط هالمرة ولا لأ ..:D |
اقتباس:
شو مشان , خوفتني عليها , خلص حياتي لا عاد تطلعي من البيت أبدا شو كم خطيبة انا عندي , والله بخاف عليكي يصيرلك شي ديري بالك على حالك منيح |
اقتباس:
لما بتعطي رأي أو نصيحة بيكون من قلبك قبل عقلك .. الخيال مابينقصك أبدا وبالعكس بيساعدك حتى بأمور الفن والموسيقى .. هلأ شيت ليش عم تتخوزق ، إنتو برج الحمل هيك ، يعني يا بتنجحو نجاح منقطع النظير يا بتفشلو فشل ذريع وتكرم عيونك ياحبيب ..:larg: |
اقتباس:
|
| الساعة بإيدك هلق يا سيدي 05:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون