|
لماذا تهجرون اخويه - موضوع للنقاش ارجو من الجميع المشاركة
مرحبا للجميع ...
كيف حالكم ... الموضوع بكل بساطة ، بتوقع الكل لاحظ بالفتره الاخيرة انو في كتير من الاعضاء سواء قدم بالموقع و حتى يلي ماصرلهم شهور عم يهجرو الموقع ، و الأسباب كلها مبهمة او غير واضحة ... يعين ماعم نفهم ليش انت كعضو او انا لعضو ممكن نترك اخوية ، يلي هيه صارة بمثابة بيت للكل .. فشو يلي بيخليك تترك بيتك ؟؟؟ معلش بهل موضوع انا بتمنى من الكل ، لو كان بدو يترك يحكي الأسباب و بشكل واضح ، اكيد هل موضوع لأنو بالمرتبة بيهمنا نحنى كاعضاء عم نخسر ناس حبيناهم كتير و عزينهم ، وكل يوم عم نخسر منى اخ أو أخت . وبالدرجة التانيه ممكن لما الواحد يحكي شو السبب يلي بيخلي يعمل هيك او السبب يلي خلص خلا بدو يترك الاخوية تساعد الأدارة لتحل هل موضوع ... بالمختصر بتمنى الجميع يشارك لحتى نوصل لحل بهل موضوع و لحتى نرجع كلنا ايد وحده باخوية . طبعا انا يمكن جديد بس عم شوف انو في ناس يوم بعد يوم عم تروح ، ومشان هيك حبية اطرح هل موضوع و لح ابعت العنوان لكل ، واحد ترك او حاسو لح يترك مشان يحكي شو الموضوع بكل شفافيه و بكل صراحه ، بالنهاية كلنا اخوه و مافي اسرار بينا خصوصي بهيك موضوع . أسف على الاطالة ، و بنتظار ردودكم شكرا |
21/12/2005
20/ 9 /2007 Gazita |
اقتباس:
لنشوف شو لح يوصلنا هل نقاش بس يا رب ما تقلب ملحمه بطوليه و معارك ظاريهه شكرا ابو وليام:D |
اقتباس:
متل حوار الأديان بفرد شكل لح توصل الخنايق لعند الله و بعدين خلص مالح يحكي حدا |
مين عم يهجر مين ؟
:? أنا عشوي رح جيب تختي ونام بالموقع :? |
اقتباس:
بس لا عن جد في ناس عم تترك معقول مانك عم تحسبي يلي عم يفوتو من الباب و تشوفيهم عم ينقصو ولا لأ :shock: |
تقنية الجرس أبو خيط...أحسن شي....
|
اقتباس:
حكينا ناقشو كل واحد فات حطلي كلمتين ما فهمت شي وطلع:shock: |
أنا رأيي باختصار السبب مشابه لـَ قصة " حُكمُك ومُكمُك وجريبون " ...!!! وطبعا القصة صارت مكررة 3 مرات والله يجيرنا من الـ 4 :jakoush: |
اقتباس:
|
اقتباس:
|
هلأ مشان الموضوع الأساسي .. بعتقد بسبب القمع اللي عم تمارسو بترفلاي :p... وتاني شي بسب قلة التشجيع يعني مثلا واحد بحط غنية أو شي شغلة أول ما بيفوت علمنتدا ... ما بيلاقي حدا رد علي بنوب يعني شو بدو بهلقعدة شو بدو يحط موضيع للحيط .. هاد رأيي :D
|
حلو النقاش وكلكم حلوين ومهضومين وأممير وعين الله عليكم
بس ... أنا من الناس الي رح تترك أو تهجر والسبب مو هو أنتو يا شباب أكيد بس السبب الحقيقي ولو بدها فلسفة الشغلة ... أنه لما بتحط مادة وبيبلش الرد عليها بتكون بمكان وبتصير بمكان تاني يعني تطور الحدث بيودي على مكان تاني وهيك بكون أنا ضجت من الموضوع وحسيت كيف طلع عن السكة... الصح ... من جهة تانية متل ما قال hussam dr بعتقد بسبب القمع الي بيمارسوا البعض على الأفكار ويالله خلص كترت حكي بدي لحق ضب أغراضي وارحل من هون ... باي :lol: |
هلأ بشكر الكلك على المشاركه ، مع غياب الأداره لووووول
المهم بدنا ناس من يلي تركو يفوتو و يحكو شوي لحتى نعرف يعني و اكيد الموضوع لح يكبر اكتر و تصير شوية مناوشات ظريفه بس بنتظار الردود كمان ... شكرا دكتور حسام ، و لوليتا و لورد اوف دارك و ابو وليم الحبيب |
خيو انا ما قريت الموضوع اسا . ولا قريت الردود
بس عزرني كتير اني رح علق بس على هالجملة اقتباس:
والله انا بحسة بتصد النفس , وبتخلي الواحد معد الو خلاق يقرا الموضوع .. ولا يشارك فيه! يعني موضوع بعتقد انو بيهم كتير عالم .. بس شو الا طعمة تنكتب هيك جملة بالعنوان خيو بدك ما تواخذني .. بس انو هاي الحقيقة وبشوف بركي برجع بعدين بقرا الموضوع :D |
بعتقد إنو ما في اسباب عامه ، يعني كل واحد بيترك بكون عندو سبب شكل خاص فيه
يلي بدو يغير اسمو وما غيرولو ياه بزعل وبترك يلي بنقلولو موضوعو بيزعل وبيترك .. وهيك يعني الناس بدها تطول بالها وما تاخد الامور من منظور شخصي ** في ناس حكو عن القمع .. ما شفت قمع ولا شي لما يصير حوار معين والناس تصير تخبص حكي طالع نازل لازم يكون في شويه control |
اسمع ابو الشباب ----تركت اخويه لمدة سنه ورجعت باسم تاني من فترة قريبه ---ويمكن اترك كمان
السبب اول مرة تركت بسبب احد الذين يكتبون في المنتدى ومن الاردن وثتم سوريا ورئيسنا ودون اي تحرك من المشرفين رغم تنبيهي لهم مرارا ----الحلو انه لم يعد يظهر هذا ----بعد عودتي حاليا هناك من يقوم بنفس الافعال السابقه انما بدرجه اقل وللامانه الذين يتصدوا ويدافعوا عن سوريا كثيرون جدا اعتقد ان نزول مشاركه لعضو امر جيد انما ردود هائله لموضوع مش ولا بد يعني بتخلي الواحد ينسحب قليلا بعض الردود احيانا تكون قاسيه وشخصيه وكأن المنتدى اصبحت شاحه حرب لمشجعي فريق او عضو وكانها عصابه وما بعرف احشن شيء |
اقتباس:
ليش كتبت هيك كتبت هيك مشان العالم تتنبه ، حكيلي ليش لما بتروح على شي وزراه بيحكيلك خود هل استبيان عبيلي ياه ، او هل طلب قرأو و عبي بعدين ؟؟؟ مو نفس الشي انو هون كمنتدى موضوع مناقشه ، يعني هلا انت حكية انو العالم ما بتعود الها نفس تقرأ يمكن بس انت فتت علقة على هل جمله و نسية الموضوع الأساسي ، معناها انا مو مشكلتي شوف مين لح يشفلي هل كلمه ومين لح يشوف الموضوع الاساسي و مين لح يعلق على التوقيع تبعي .. و شكرا لردك و منتظرين عودتك :D |
السبب واضح وصريح
وهي عدم احترام اراء الاخرين ومعتقداتون ومتل ماقال ابو وليم انو القصة (اللي مرة اعترض اني حطيت موضوع ديني وزعلت وقتها كتير انو ليش هيك عميحكي وانا بعمري مادايقتو او دايقت غيرو)لحتاخد منحا ديني بس بعدين اكتشفت انو فعلا بأخوية مالازم نحط هيك مواضيع لانو ببساطة مافي احترام ابدا مع انو مجتمعنا مسلم بالدرجة الاولى بس هون اشكال الوان ياريان الكيلو بخمسين وانا عن نفسي صارت فوتاتي قليلة لاني متل ماتقولو انخدعت بالكلام المعسول والحكي الشامي اللذيذ ومع هيك انو بضل فوت واتفرج واحيانا كتيرة مابرد لانو بتحس انو في عنصريةووووووووووووووووووو ووو في كتير اسباب |
اقتباس:
اقتباس:
هلا هون في ردين واحد بيحكي في قمع و الاخت بتحكي مافي قمع هيه بتحكي لازم يكون في كنترو و هوه بيحكي في عنصريه و ميول شخصيه .. لنشوف لسى في ردود اكتر لح يكون انا متأكد و شكرا على ردكم |
اقتباس:
طلع حوليك في حدا عم يبقى ببيتو - بوطنو - بين حبابو .. في تغيير كبير عم بيصير بالطبيعة البشرية ، يمكن رايحين لمعتقدات ومبادئ جديدة .. مين بيعرف ؟ |
ASH
 نورنا ب: 07/09/2007 مجموع المشاركات: 1,017 (65.12 مشاركة باليوم) انت بالذات ما لازم تهمك هالقضية :adal: .. لأنك مكفّي وموفّي عن 20 عضو ما شالله عليك :gem: اقتباس:
:lol: |
انا فيني علق على الموضوع مع انه بعدني جديده و ماحلني اعرف خير المنتدى من شره بس في مثل بحكيلك المكتوب بنقرأ من عنوانه يعني انا فيني بيومين اتجول بين صفحات هل منتدى و ادور بين ردود الاعضاء لاعرف على اي اساس ماشين عليه و بصراحة الادارة بشكل عام معطيه حرية كبيرة بانه كل واحد يتصرف و يكتب الي بريحه و هاذا الشي معطي الاعضاء راحتهم بالرد على بعض دون حدود لانه ما في من يحاسبهم و بالمقابل في اعضاء ما بقصرو ببعض ^_^يعني دام عندي الحريه بجرحك و انا عم اضحك وبالمقابل بكرهك بالمنتدى و الي بالمنتدى فا ما بعود الك خلق تكتب فيه و ببساطع بتفل منه |
انا برأيي يا عبد تركي للمنتدى مو سهل ابدا بس مرات الواحد بيضطر لشي ممكن هو مو راضي عنو بس بحكم الشي بيضطر لعملو وانا هيك بسبب الاداره والقوانين تركت وانا دايما متزكرتكو وبفوت على المواضيع والله متابتعكو ومو هاين عليّ ابدا بس جد انا بتعزر وان شالله بضل اخوية منور فيكو وبيتقدم على طول
|
اقتباس:
|
اسمحلى اشارك بس انا اصلا مسبتش الموقع
هو كل ما اعتقد ان الشخص اللى مشى دة لانة مش لاقى حد يرد على مواضيعة او مش عارف يتواصل مع الباقى.. لذلك من الافضل اول ما بشترك عضو يكتب فى منطقة للتعارف رحبوا بالعضو كذا ويكتبها المسؤل عن الموقع ثم نرسلة على الايميل الخاص بة هذا الموضوع وبالتالى يكون فى رابط بينا وبينة.....ثانيا: ارسال رسالة للعضو الذى يتغيب عن المنتدى لفترة مجرد افتقاد.....ثالثا: ارسال رسالات تهانى فى الاعياد للاعضاء مع كتابة موضوع مميز للعيد للمشاركة فى الرد علية وبالتالى انت بتخلق تواصل مع الجميع لان برضة العدد مش قليل واتمنى ان اكون وفقت فى كتابة هذة الكلمات |
اقتباس:
يعني انت زكرتي نفس النقطه يلي انا حكتها من قبل ، وهاد الشي يلي برأي عم يخلي الاعضاء يتركو المنتدى بس مستني لشوف شو لح يكملو و الحلو بالموضوع انو الادرة لهلا ما دخلت بالموضوع ... |
اقتباس:
شكرا على ردك و مشاركتك اول شي ... تاني شي كلامك صحيح بس هاد بينطبق على الاعضاء الجدد مو القدام ... بس كمان فكرتك صحيح بالنسبه للناس الجداد يلي ماعم تلاقي مين يشجعهم مثلا على الكتابه و الردود ... شكرا الك مره تانيه :D |
:hashish::hashish::hashish:بعد ما غسلت وشي و صحصحت لبست نظاراتي مشان فكر:fglasses::fglasses::fchem: و طلع معي انو السبب الوحيد هو ردود بعض الاعضاء الي بتكون وقحة شوي انا متلا من فترة كنت كل ما بحط شي موضوع
يطلعولي شي مو بمحلو ..........شي عم تدعى لدينها مع انو مجرد معلومات المهم انا ما وصلت معى للطلعة من المنتدى انا ما بظن انو الطلعة الحل الحل هو طنش...حشش...تعش ...تنتعش :clap: كانو خربت الموضوع:jakoush: |
اقتباس:
كان ممكن اظلي و تحاولي مية مره لتاخدي يلي بدك ياه يعني انو الواحد يترك مو هاد الحل برأي انا ... صح ولا انا غلطان |
صح عبد وحكيك ابدا ما في غلط بس انا عصبية كتير فوء ما بتتخيل ومنيح اني تركت بهدوء شوية :o
|
اقتباس:
|
:deal::deal::deal:
|
اقتباس:
اقتباس:
اما بالنسبة للموضوع الاساسي فبتوقع انو كل واحد الو اسبابو الخاصة انا مثلا تركت لمدة شهرين لما كنت بسورية بس لظروف قاسية طبعا بس لما رجعت طلعت من سورية رجعت متل اول و يمكن اللي بيعرفوني هون لاحظو هالشي تالين ما عادت بينت بالمرة:cry::cry::cry:اشتقنالها والله |
خبروني شو صار معكن
من الأخير |
أنا شايف كل عضو من يللي قالوا رح يتركوا المنتدى .... أسبابو بتختلف عن التاني
بس عموماً من شي عشر شهور انكتب متل هالموضوع لما كم عضو تركوا أخوية يعني كل سنة منشوف هيك حركة ....بس بالأخير المنتدى عم يستمر |
اقتباس:
عطينى رأيك |
بسبب القمع :pos:
|
اقتباس:
|
اول شي انا ما بترك اخويه والله اني حبيت اخويه وكل الاعضاء فيها انو صح في شغلات بتصير ما بتعجب الواحد بس منتحمل ومنطنش اول الاسباب يلي ما عجبتني بالموقع :-
اول شي انو بحس ما في عدل انو لمن نحط موضوع عن الاسلام بلغوه وبينحزف وشو السبب المواضيع الدينيه ممنوعه بس لمن ينحط موضوع عن الديانه المسيحيه او شي تاني ما بينحزف يعني في خيار وفقوس . تاني شي اخر فتره صاير كتير في قوانين انو كانا بسجن خسف المشاركات وتغير الاسم بعد عدد معين من المشاركات وتجاهل بعض الاعضاء لمن يراسلو الاداره وهي صارت معي انو كانو مو معبين عينهم وبس هدول يلي متزكرتهم يسلمو آش عالموضوع الروعه واسفه ازا غلطت بحق حدن :D |
| الساعة بإيدك هلق يا سيدي 17:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون