|
شو رايكن بالمسخرة اللي اسمها ( سقف العالم ) ؟
مررررحبا جميعا
شفتولي ( فانتازيا ) نجدت انزور ( المعاصرة ) ... اللي اسمها (سقف العالم ) ؟؟؟ لك مو معقولة ... لا الاشخاص طبيعيين .. ولا اللبس طبيعي .. ولا الحكي مفهوم ... ما بتعرفو شو بدن ولا شو مشكلتون !! شو رايكن انتو ؟؟؟ |
اقتباس:
وكل الموضوع تبع العربي على مدري أي لغة عم يحكوا مو ظابط معنا بس هيك رمضان يعني بلا مسلسل مافيك تقعد |
شو هادا سقف العالم؟
شي مسلس او شي برنامج تلفزيوني يعني؟ |
اقتباس:
بس يعني لا اوي تشد ايدك .... :pos: |
شو هاد سقف الغرفه انا ، كفرة الموضوع عن شي مطعم
شو هل مسلسل كمان |
انا بصراحة (ومن دون زعل ) حبيت المسلسل كتير
|
إذا منفهم أنو مسلسل
|
اقتباس:
يعني انا بعرف انو في شغلات تاريخية وفي شغلات معاصرة شلون هادا ظبط الشغلتين سوا وعن شو بيحكي بشكل عام نجدت انزور ,, هالاسم مارق عليي شو في الو اسا مسلسلات؟ |
اقتباس:
ياسيدي الو الجوارح والكواسر والحور العين .. يعني ماشي حالن :pos: بس هاد سقف العالم مدري شلون طالع معو :oops: |
رجلي بنجدت انزور اذا بيفهم شي بالدراما
هالزلمة يوم بعد يو م عبياثبت فشلو وخصوصا الحور العين:frown: |
اقتباس:
بس بسقف العالم كله فايت ببعضو ...:shock: بشكل عام دراما رمضان هالسنة متراجعة .... الا باب الحارة للرائع بسام الملا ... ...:pos: |
طالما عم تسألنا شو رأينا بها المسخرة سقف العالم...أنا معناتا أنو رأيي أنها مسخرة.....
بس شو هيي سقف السقيفة |
بصراحة .. الدراما السورية من أبيخ الدرامات بشهادة تقدير .. مافي أحلا من المسلسلات الأمريكية .. يعني بحيات ربكم بتقارنولي مسلسل باب الجارة مدري الحارة بمسلسل Prison Break أو Lost مثلاً ؟ مشان ربكم فرق بين السما والأرض بين هيك مسلسل تافه ومسلسل تعدى حاجز الـ70 حلقة ولسعتوا شغال وبإثارة كمان!
|
اقتباس:
بس الفرق كبير بين إنوا مسلسل باب الحارة عم يحاكي قصة مجتمع كانوا أسلافنا عايشينها ....وشي حلوا الواحد يشوف أو يسمع عن تاريخ بلدوا .......ولو كانت على رأيك بس إنها تافهة .......:pos: أما المسلسلات الأمريكية يلي زكرتها بتحاكي بس الخيال ....و الأمور الخارقة عن الطبيعة يلي المشاهد بيحب ينفد من خلالها إلى العالم الغير واقعي ليهرب من واقعوا الممل أو الروتين يلي عايش فيوا و أنا برايي إني أي مسلسل بيحاكي الواقع هو أفضل بكتير من المسلسلات الخيالية يعني أنا برايي إني لو كنت عم تقارن المسلسلات الأمريكية ....فكان لازم تحط مسلسل FRIENDS هادا مسلسل أكتر من رائع وعلى كل الأحوال آسف للخروج عن الموضوع ....وشكراً كتير لصاحب الموضوع على الهامش .......الحقيقة مسلسل ........ماشفتوا:lol: تحياتي الحاج متولي |
لبس هالمسلسل فظيع
ما فهمت انو عصر لبسو هالمسلسل بس تصويرو أكتر من رائع |
اقتباس:
اقتباس:
أوكيه لنحط مسلسل باب الحارة على جنب مع إني ما طقتو لأنو عم يحكو عن تاريخ بيسود الوش يعني على شو مفتخرين بهالماضي الأسود ... بس هالمسلسلات التانية الدرامية السورية .. برأيك الشخصي فيها شي غير المبالغة الدائمة والتكرار يللي داق خلقنا منو؟ يعني مثلاً في كزا مسلسل حكو فيه عن مرض الإيدز وكأنو لحنا أغبياء ما بنفهم بهالأمور .. وبعدين بيحكولنا عن المتلجية وكأنو الله خلق شياطينو بالأرض وكأنو كل المتلجية مزبلة المجتمع .. يعني بالمختصر المفيد مواضيعهم صارت معتة وبتديق الخلق .. تحية! |
الحمد لله انا مابشوف مسلسلات عربية :yahoo:
|
انا وقت شفت دعاية المسلسل قبل رمضان فكرتو لح يكون فوق الخيال ومسلسل رائع بس لحد الان ما شفت شي رائع كتير بايخ بس يمكن بالحلقات القادمة لح يصير شي رائع وجميل خلونا ننتظر ونشوف للاخر بلكي صار شي حلو
|
هو الفنتازية تبع نجدت أنزور ، بتكون بدعاية المسلسل ، مو المسلسل نفسو !
|
اقتباس:
I totally agree with you :pos::pos: |
شو مشان انكون عم تشوقوني مشان احضرو
طب ما خرج حدي يحكيلنا بفرنك شو قصة المسلسل غير انو دراما تاريخية معاصرة؟ |
حسب ما فهمت ( وبعد عناء طويل :p ) انو المسلسل بيحكي عن تاريخ البلاد الاسكندافية ( الدنمارك وجيرانها ) ايام الجهل والتخلف والظلام اللي كانوا عايشين فيها قبل 1400 سنة
وانو كيف كانو هنن متخلفين وكيف العرب والمسلمين كانو بقمة حضارتن ومجدن . بنفس الوقت .. في مشاهد من الدنمارك المعاصرة بتطلع فيها سلاف فواخرجي بدور طالبة عم تدرس هونيك بنفس الوقت اللي انتشرت الرسوم المسيئة بالجرايد الدنماركية .. هاد كل شي فهمته لهلأ من المسلسل ... بس يعني عنجد الدعاية اللي صارتلو اكبر من حجمه بكتير .... :pos: |
طب انو اذا هيك الواحد ما لازم يستعجل باتخاز قرارو
اول الشي انو بشكل عام فكرة حلوي يعني تزكير بالماضي كيف كان , والمقارنة بالوضع الحالي , واستنتاج انو صاير العكس بالعكس يعني انو متل ما كنا متطورين وهني متخلفين , هلق الحالة بالعكس. وهي فكرة كتير حلوي , واسا ما بعرف شي مسلسل او شي فلم عربي حاكي عنا .. نحن كل عمرنا نفتخر بتاريخنا وعظمتنا ايامات زمان , ومننسا الوقت العايشين في , مع انو الكل بيعرف انو نحنا هلق كتير بموقع منحط ( للاسف طبعا ) وكمان خيو فكرة انو اسا ما نك كتير فهمان شو عما يصير بالمسلسل , وولا عرفان شو القصة منو فهوي شغلة كتير عادية او بالاصح حركة كتير حلوي اذا انتي من متعين الافلام الامريكية فقمة الافلام الكلاسيكية قائمة على هاي الفكرة . وقت الواحد بيتفرج ساعة ونص عفلم وما بيعرف عشو عما يتفرج . وما بيفهم شي من الفلم . وبيحسو كتير بيملل .. وباخر خمس دقايق بتنكشف شي شغلة وبيبين الفلم عحقيقتو وانو كل مشهد كان كتير ممل باولت الفلم .. في الو كتير معاني كبيري عسبيل المثال في عندك fight club ( نادي القتال ) او مثلا the sixth sense ( الحاسة السادسة ) ما بعرف اذا هادا المسلسل هيك رح يكون بس انو من حكيك انو فلم عما يصير بكتير محلات وفي كزا قصة عما تمر بنفس الوقت . فمعقول كتير يكون هيك مع انو اختلاف الوقت كتير كبير بين هلق و 1400 سنة بس انو خيو للحقيقة وبلا كزب شوقتني كتير اني اتفرج عليه |
أنا من جهتي بقول ..............ز نجدت انزور عبقري اذا كانت القصة حلوه او لاء ...........
لا تنسوا يا جماعة انو تعبو كتير عالمسلسل ................... واستأجروا المدينة الاعلامية الحرة بسوريا وبنوا عليها مدينة بغداد .......... وكمان عملوا بغابات اللاذقية بلاد الاسكندنافيا يعني تشجيع للدراما والسياحة .........؟ |
يخرب بيتو انا وقت شفت هالدعاية قلت شو هالمسلسلالعظيم ياللي ناوي يوصل رسالة عظيمة للغرب بس طلع المسلسل متل مو مكتوب مسخرة يعني ما بحضر 10 دقايق بجي لطق بيملل كتير
|
لأ كتير رائع
|
طييييييييييط
اللي شايف 13th warior تاع انطونيو بانديراس بيعرف "قمة الاحراج" اللي حط حالو فيا نجدت انزور :sick:
|
اقتباس:
|
اقتباس:
|
اقتباس:
اذا بدك تقارن الدراما السورية بشكل موضوعي .... لازم تقارنها بدراما من نفس الجو و نفس الامكانيات متل الدراما المصرية أو الخليجية |
صحي شو مشان لوست نهايتو شي أكل هوى :? أو مالو نهاية .. بطلعوك من المولد بلا حمص
|
:? ترقبو مسلسل رمضان القادم لنجدت أنزور السلاحف الطائرة والشمقمق السيرئوني:shock::frown:
يعني فهمنا عمل كم مسلسل حلوين ....... خلصنا مل سمانا من الفانتازيا .....كلو نفس العلاك المصدي .......:sick: |
المسلسل بالفعل هو نسخة رديئة للفلم الأمريكي "13th warrior" , الفكرة الجميلة و ا لتنفيذ كان سيء!
قرأت بالعربية نقد لحكم البابا لبعض المسلسلات الرمضانية :lol: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
طنش تعش تنتعش |
و لسعتنى عم نتناقش بسقيفة مدري سقف العالم
|
يا جماعة حاج هجوم على الدراما السورية مشان مسلسل واحد في مسلسل .. اسمو رسائل الحب والحرب للمبدعة ريم حنا واخراج باسل الخطيب بيحكي عن حقبة من تاريخ سوريا اول مرة بتم التطرق الها ... وبيدمج بين التوثيق وقصة حب ومسلسل تاني اسمو ... ظل امرءة كمان رائع قصة وتمثيل واخراج وغيرو كتيييييررر لا الدراما السوريا مازالت بالقمة بالنسبة للدرامات العربية وشكرا |
اقتباس:
أخير اجا مين يحكيلهم للشبيبه انو في بالتلفزيون غير هاد المسلسل ، يعني ما بعرف لشي دئام نحنى بنشفو من الاعور بس عينو الاعور و بننسى انو عندو عين تانيه و شايف فيها نفس الصوره يلي شايفيناه ؟؟ يسلمهم علرد |
اقتباس:
اقتباس:
اقتباس:
يعني لو انهن جايبين انطونيو بانديراس و معلمينو العربي و اشتغل بهالمسلسل و عدة الاخراج و المونتاج كانت متل اللي بيستعملوها بالافلام الامريكية كان بيطلع شي حلو اكيد اقتباس:
|
اقتباس:
|
اقتباس:
وعلى فكرة .... في كتير أمور محققنين فيها تقدم عن الأعمال السورية السابقة ....متل المعارك و الملابس |
| الساعة بإيدك هلق يا سيدي 20:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
