خاص بالمستخدمين داخل سوريا : كيف تدخل على الانترنيت ؟
 

حبيت اعمل احصائية صغيرة لاكثر شركة انترنيت سورية واسعة الانتشار بين اوساط المتسخدمين داخل سوريا

بتمنى تشاركوا فيها ...;)

Extra ..

:D

طل طالما بدك تعمل احصائية اعمل استفتاء مو اريح لك مما انك تسمع الردود وتحصي وتعمل نسب

اعمل استفتاء على السريع بتطلع النسب بوجهك " بلا معنى طبعا " :D

هههههه يعني معقولة مو شايفين الاستتفتاء بأول الموضوع ؟؟؟؟؟؟ :oops::shock::shock::shock:

شكرا بلاك عالمشاركة .. بس ياريت تصوت بالاستفتاء فوق

تحكيلنا عن تجربتك مع اكسترا

شكرا الك :D

عم فوت على alice يعني 30 يورو بالشهر مناصفة مع شريكي بناخذ خط انترنيت اخو اخت لمدة شهر
بس بالشام كنت فوت علة عودة يعني الخدمة ظريفة شو 500 ليرة بتعطيك خط مفتوح شهر كامل

aya و بس خط مفتوح منا بالشهر ب 1500
أرخص من الفجل أي و الله
بس شريك أنت منقص
سوا
و زاد
و 24net
و عالمي

حسب شو ...
24 نت
واكسترا
وبستعمل ... اية اوقات وقت مضطرة :sick:
والجمعية .. إذا ما كان في غيرشي :sick:
وبريد إذا مفلسة :sick::sick:

e-lcom

أو DSL 256

بس لا تنسى نه في 6 ليرت لكل ساعة انترنت بتفوها يعني بترجع خربان ديار :pos:

يا اخي شو بدك بالحكي ..
الـــDSL
غير حياة ..
بلا اكسترا بلا عربي بلا وجع قلب :p:p



اللي عندو دي اس ال متل اللي عندو اية :p:p

انا بدخل على ايه

و بحب نوه انو زادت حالات الاصابه بلجلطه كل مين استعمل البريد 190

انا عندي حسابين واحد على ايه وواحد على سوا
التنين ازفت من بعض وايه ازفت مخدم
مشكور على الوضوع

طبعا اانا بستخدم كلشي ..اللي بصحلي ..بستخدمو ... بس طبعا ..بما أني أغلب الأوقات مفلس ... بستخدم البريد .. :cry:

شكرا لكل مين شارك ...

الحقيقة انا من سنتين بستخدم آية . لاكتر من سبب :
اول شي مافي منتدى او موقع بتحجبه بعكس كتير شركات تانية حاجبة مواقع كتير ومنتديات عادية مافيها شي !!
2- بحياته ما انقطع الداونلود من نصه او تلت رباعه متل ما بيصير مع شركات تانية ..

بس حاليا صايرة اغلى الموجود .. لأنو شركات تانية متل ايلكوم وزاد عم يعملو عروض على عدد الساعات
يعني مثلا بطاقة ال200 ليرة فيها 15
بينما بطاقة ال300 ليرة بآية فيها 16 ساعة بس !!:pos:

اما ال190 فهي وسيلة رسمية للجلطة والذبحة الصدرية :sly:

انا لقيت إلكوم أسرع شي وأفضل شي ... :pos:

انا معك انو كعروض سعرية ايلكوم هي الافضل حاليا

بس مشان السرعة ... ما بعتقد انو مزود الخدمة الو علاقه بالسرعة ...
وانما المقسم هو العامل الاساسي بهالشي ..

مين بيوافقني ؟؟ :pos:

ولله انا بستخدم الأولى وايه وسوى
بس كلن ازفت من بعض
والفروقات بسيطه جدا بالنسبه للسرعه .

ok
 

أوكي ألموند أنا صوتت
بس بدي أعرف ليش آية أكتر شي عليها ضغط
يعني شو الميزات اللي فيها مثلا ..

اول شي مافي منتدى او موقع بتحجبه بعكس كتير شركات تانية حاجبة مواقع كتير ومنتديات عادية مافيها شي !!

أنا بيخالفك بلرأي جرب موقع بانت و شوف

المشكلة انو كل مزودات الخدمة بسورية نفس الشي هلأ 24 عرض 1400 بلشهر مفتوح و الكوم 1450 يمكن انو شو الفرق مع آية 100 ليرة خيو ياخدة 1000 زيادة بس يصير النت متل برة المشكلة انو كلو اسوء من كلو و لما تشوفو ابقى قلو سلملك

مشكلتو الDLS انو بدو خط تلفون تاني

وهاتو الاهل يوافقو :pos::pos::pos:

ازا هنن الانترنيت كلها مومقتنعين فيها :pos:

هاي انا ما عندي خط تلفون بنوب
وعندي دي اس ال 6 ميغا
وبدفع عليه يا سيدنا 1500 ليرة مقصمين عـ 3 اشخاص
:adal:

:shock::shock::shock::shock:

هي سمعة جديدة .... انترنيت من غير خط تلفون :?

ممكن تشرحلنا لو سمحت ؟؟

انو هي القصة ما كتير معقدي
يعني بدال ما تنتقل الداتا عن طريق خط التلفون
بتنتقل عن طريق كبل التلفزيون!!

وبهالقصة الواحد الواحد بيوفر عحالو رسومات خط التلفون

يعني يا اما انا كتير متخلف بعالم تقنيات الانترنيت

يا اما هاد كبل التلفزيون جديد عالساحة

وغالبا الاحتمال الاول :p

له يا زلمي حاشاك الله يسامحك . شو متخلف ما متخلف

هلق كل القصة وما فية
انو ما حدي كان متوقع هالتزايد الكتير كبير بعدد مستخدمي الانترنت
واجت فترة الواحد لازم يسجل حوالي الاربع خمس تشهر لحتى يقدر يجيب خط انترنت
لانو الريسيفرات تبعيت شركة التلفون معد قدرت تتحمل هالضغط الهائل والطلب المتزايد
فبلشو العالم يدورو عغير حلول
اجت فترة منيحة تغطت مدن كاملة بوير ليس
بس انو كانت الشغلة ما كتير فعالة .. لانو بس تمطر شوي او يطلع هوا ينقطع خط الانترنت
بعدين بلشو العالم يدوروا عغير طرق لتوصيل الانترنت عالبيوت
واستنتجو مع الوقت انو تقريبا كل بيت فيو كبل تلفزيون .. والي ما عندون تلفزيون , بيكون موصل الكبل لعندون بس مانون مفعلينو ( عفكرة خطوط التلفزيون سلكية مانا هوائية متل عنا)
وايامات زمان كان بيكون في بعلبة الكبل ( هاي العلبة المحطوطة بالحيط متل بريز الكهربة) مأخذ تلفزيون ومأخذ راديو
وهلق زادو عليون مأخذ جديد هوي مأخذ الداتا
ومن هادا المأخذ بيطلع كبل بيوصل على ريسيفر .. وبيطلع من هادا الريسيفر خط انترنت

والسرعة تبعيتو كتير عظيمي
يعني بس الواحد يكون عما ينزل شي مباشر بيكون متوسط السرعة بين ال 550 وال 600 كيلو بايت\ ثاينة

وفي اسا الخط الاسرع الي هوي 16 ميغا .. بس انو الواحد ما بيلزمو اكتر من 6

اي معلومات تاني عحسابك:D

شكرا كتير اخي ابو سهيل على هالمعلومات الحلوة والجديدة ...

بس يا ترى في هيك شي عنا بسوريا ؟؟:?

يعني انو
1500+4320=5820
يعني نص نص
أنا بتكفني 3000
يعني بحدود العشر ساعات كل يوم
و عشر ساعات نوم خلص النهار :lol:
ب6000 بضل مفتوح الاترنت 24/24
:D

أنا بستخدم خدمة ADSL من مخدم ال PDN
الحقيقة خدمة بتهوي ...بس شو بدك تساوي ......هادا الموجود ومافي ارخص من هيك
السرعة عندي --- 256KB
بدفع بالشهر 2400 ليرة سوري .... بس عاطي جيراني خطين وباخد منهن كل شهر من كل واحد 800 ليرة
الحقيقة خدمة الأنتر نت عنا من أهوى ما يكون
و الاسعار ناااااااااااااااااار
يعني تصوروا انا عندي بالبيت بس ...بالصين سرعة النت عندي 4 ميغا ..... وبدفع بالشهر بحدود 750 ليرة بالشهر
والداون لوود .....ناااااااااااار

مع ذلك .....الرمد احسن من العمى

مشكووووووووووور يا مسيو على موضوعك الحلو والمميز

كان لازم تقول للشباب انو الحكي والموضوع عن الــ Dial Up بس ومو كل مين عندو DSL يجي يجاكرنا !!
ههههههههههههه

خيو انا مشاني استخدمتهم كلهم كلهم

بس لقيت سوا أفضل وحدة بينهم وبرأيي كان لازم تضيفها بخيارات التصويت

سوا حاليا عندها أكبر عدد مستخدمين بالمزودات الخاصة لخدمة الانترنت وعروضها وخدماتها بصراحة مو بطالة وماشي حالها

والاكيــــد الاكيـــد ويلي أغلب المستخدمين ما بيعرفوه انو سبب بطئ النت عنا هوي خطوط الهاتف والمقاسم ومو مزودات الخدمة يلي أكلينها متلنا ,, لئ هني أكلينا علوجهين كمان ومو متلنا أضرب مننا

مشكووووووووووور يا غلاهم وتسلم ايدك

تحياتي

النترنت بسوريا شي رهيب شي عجيب شي غريب شي ساحق شي خارق

لك أخ بس بحس احيانا انو عم نستخدم الخدمة بمنية :pos:

والله الاولى هية الاولى

190 بتجلتطني فوت بس لشوف اذا في رسائل على بريدي القديم وبنجلط وبطلع
وحاليا سوا عم باستخدمها وماشي الحال :D