|
شو الوطنية؟
مرحبا! هلق بمرحلة معينة صار تعريف الوطني بلبنان هو (اللي ضد سوريا) أو (اللي ضد اسرائيل) أو (اللي ضد سوريا واسرائيل)... هلق بدي اسأل شو تعريف الوطني بسوريا؟ سوريا حصراً... شو هو الإنسان الوطني؟ شو بيعمل؟ مين بيأيد ومين بيعارض وضد مين بيقاتل؟ بيقاتل أصلاً؟ مين بيقرر وطنية أحدهم او عدمها؟ وأهم شي... شو تأثير تعريفك للوطنية على تعاملك مع اللي حواليك؟ وهل أنت عم تعمّمّ؟ شكراً |
برايي الوطنيه باختصار انو يضل كل انسان معتز ببلدو وما ينكر اصلوو
ويقعد يسب ويحكي شروي غروي .... ويعمل محاضره انو خايف على هالبلد وانو لو يصحلوو بيفديها بروحو ... متل كتار بالمنتدى وعامل فيها رجال ... او شي شخصيه وعندو رايي :pos: :D |
اقتباس:
الوطني بسوريا هو يللي بكون مع سوريا و بيعمل من أجل سوريا ...بغض النظر اذا كان معارض للحكومة ...أو موالي الها اقتباس:
و هالحكي مو تنظير ...و بين مزبوط ....بالفترة السابقة أثناء الضغوطات الغربية عالى سوريا شفنا مثلاً الاحزاب يللي هرولت لأحضان الغرب و شفنا الاحزاب يللي بالرغم من معارضتها للحكم بسوريا ....رفضت أي تعاون مع أي دولة ضد سوريا اقتباس:
بس بنفس الوقت ممكن أي انسان قد ما كان بسيط يقدر يميز اقتباس:
اقتباس:
بصراحة اي بأثر بس هل بتقصد أنو بأثر على تعاملنا مع الآخرين على حسب تقييمنا لوطنيتهون أو كونا وطنيين ( من وجهة نظرنا ) كيف لازم نتعامل مع الآخرين |
اقتباس:
وتحيا سوريا سوريا |
اقتباس:
|
اقتباس:
|
سؤال عالهامش
يعني والله كفيتو ووفيتو بشرح الوطنية بس احيانا بسمع كلمة جنب الوطنية هي اللحمة ...طبعا من الالتحام يعني التحام فئات وطبقات وقوميات الشعب مع بعض مو من اللحمة اللحم يعني ... يعني انو صيام هلق يروح حدا يخربط بين اللحمتين لذلك وجب التوضيح .... المهم ... كيفها اللحمة الوطنية بسوريا ... |
اقتباس:
يعني أنت كتير رح تغير تعاملك مع حدا إذا ما كان وطني؟ |
اقتباس:
هلق الوطني هو اللي بيقول عن كل شي لأ بدون ما يشغل مخه يعني ما بيصير يكون في شي ايه وشي لأ لازم كل شي لأ واللي بيرمي كل شي على محل واحد طبعا هاد مو تعريفي هادا التعريف السائد اقتباس:
الوطني يا صديقي هو اللي بيحط مصلحة وطنه قبل اي شي واللي بيقدر يميز انه لازم اول شي نحافظ على الوطن لنقدر بعدين ننهض فيه او نحافظ على الحياة لنحولها لحياة كريمة لأنه اذا ماضل في وطن ما رح يكون في فايدة من اي شي واذا انتهت الحياة فما في معنى لأي شي وراها اقتباس:
اقتباس:
وبيعارض اي حدا ضد البلد وبيقاتل بس بس اعداء البلد اقتباس:
بيني وبينك هلق صارفي ناس عم توزع وطنيات وعم تعطي شهادات بالوطنية من موقف او من رأي وهنن بالأساس عم يدعوا للحرية وهنن ما عم يسمحوا لغيرهن يمارسها وما عم يقدروا يفهموا انه السياسة مافيها شي بالمطلق يعني مافينا نكون مع او ضد بس فينا نكون مع في او ضد في المطلق مو بهيك اماكن الوطن بيطلب كل ابناءه وبيطلب عدة افكار اقتباس:
بحاول افهم كل شي بينقال حولي وبطرح رأي وفكرة للنقاش وأكيد التعميم مرفوض بأي شي لأنه لازم نفهم خصوصيات بعض ونقدر نوصل لمكان يجمع الكل لأنه كلنا ولاد بلد واحد وعفواً |
[FONT='Arial','sans-serif']الوطن ......الوطنية ......الحب ...الله .......ليست مجرد كلمات تضع بعدها نقطتين ثم تبدأ بالتعريف ..................[/font]
|
كلنـــــــــــــــــــــــــــــا للوطـــــــــــــــــــــــــن
|
انو الواحد يخلص لوطنو سوريا
ما حدا يقولي البلدان العربية ومدري شو لأن انا ماني عربي انا سوري وآه يا نيالي كمان ... الوطنية انو الواحد ما ينكر اصلو حتى لو طلع برا سوريا وانو بفرجي صورة سوريا للعالم بأحسن صورة الوطنية انو الواحد بيضل بيدافع عن بلدو تى بأتعس الظروف الوطنية انو الواحد بيحارب في حال الحرب او اذا ما كان عندو قدرة يحارب خلي يعمل شي شغلة تأثر ولو بشي بسيط لبلدو بوقت الحرب هادا برأيي الوطنية وتحيا سوريا .. |
بتعرفو شغلة ,,,
هلأ انا لاحظت انو في كتير شباب (وانا منهون) ..لما بتجي سيرة سوريا ,,,مقارنة مع بلد تاني ...بينصابو بالاحباط ..و ببلشو يتدايقو ..و فعلا بيطلع معهون حكي شروي غروي .. بس خلوني احكي عن حالي ..بما اننو انا واحد من هالشباب .. قعدت صفنت هيييك ...قلت لحالي شو السبب اللي هيك عميعمل فينا ... بتعرفو شو لاقيت ......... السبب هو ..الحب لسوريا ايه نعم هو الحب لسوريا ... لأنو لما منقارن بلد تاني ..مع سورية ,,من ناحية ,,درجة الفساد ..و النظام والانضباط .و المستوى العلمي .الصحي .التعليمي ..الثقافي ........و تطول السلسة ..منلاقي انو سوريا و ضعها مزري ... و لما انا بشوف انو بلدي وضعها مزري ...اكيد رح اتديق ..و ثور ..و فور و اغلي ..... لقلكن شغلة ...السنة الماضيه ...كان في منحه مقدمة من الحكومة اليابانية للطلاب السوريين ... قدمت عليها ...و كنت انا واحد من 14 واحد بس من سوريا اللي انقبلو بهالمنحة ... بفحص المقابلة ...سالني المسؤول عن المقابلات ...قللي ..انت ليش ناوي تسافر ,,؟ و ليش قدمت ... قلتلو لقلك شغلة ...انا هلأ ..عمقدم ..و عرفان اننو رح اترك بلدي .و اهلي ..و ناسي و رفقاتي ..و المناطق اللي تعودت زورها ..و روح عليها لما كون تعبان او فرحان او زعلان ...انا رح اترك كل هدول مو لأني بكرههون ....بس لأنو طموحي .(اكبر من الامكانيات المتاحة ببلدي) .... برايكن ... انا و طني ... ولا ...لأ ..!!! |
اقتباس:
أولا نقطة هيةحبنا لسوريا : أنا يا جماعة بالفعل بتدايق و أحيانا بخجل بالوضع يللي نحنا فيه بس هاد من حبي لبلدي و من غيرتي عليه ... :cry: تاني شي : وهو لما بقارن آآآآآآآآآآآآآخ شو بيصير فيني بييأس من الدنيا كلها :sick: يا سيدي بالأخير بقللك إنت و طني و نص و ستين و طني كمان و إنت مو لحالك بتحس بهي المشاعر تجاه بلدك لأني أنا معك للعضم بكل شي قللتو :clap::clap: :clap: أحلى أخ وطني والله :D |
الوطنية..كالحب .. قد تكون مبرر لكثير من الأفعال ..قد تكون مبررا للخيانة قد تكون مبررا للجهاد .. قد تكون مبررا للنضال ..
الوطنية .. كانت مبررا ليوسف العظمة للقيام بمعركته الاستشهادية كانت مبررا لابراهيم هنانو و سلطان باشا للقتال ضد مستعمر " الوطنية " كانت مبرر .. رفعت الأسد بما فعله و بما يفعله " الوطنية " كانت مبرر خدام حين هرب و " انقلب " على ما كان " الوطنية " مبرر الغادري للقاء الكنيست الاسرائيلي فقرر ما هي الوطنية |
هالرد حطيتو في موضوع تاني وحابة شارك فيو هون ... وهوي رأي عام وليس رأي خاص خصوصاً وأن الموضوع يتعلق بمفهوم الوطنية في سوريا بس ..
فاسمحلي كهربجي اني نزل هالتعليق البسيط هون خصوصا وانو صار حكي كتير بهالموضوع واذا شفت انو مو مناسب ينزل هون .. فأكيد انت قادر على حزفو .. في تعليق بدي ضيفو عن الوطنية والوطن .. اللي بيحكي عن الوطنية لا يعني انو احسن من غيرو ولا يعني ايضا انو عم يتصنع هالعاطفة .. واللي بيحكي عن الوطنية مو شرط يكون عم يحكي عنها ليقلل من قيمة حدا أو من وطنيتو .. وانا الي رأي يمكن يكون خاص بهالموضوع الا وهو .. انو الوطنية هوي نوع من الحلول الي بحب ركّز عليها لنرفع من وطننا ونحاول نقدملو شي ليطور ويكون في اطار حضاري اجمل . وانو الانتماء للوطن هوي دعوة لنكون جزء من وطننا وبنوجها خصوصا لنسبة كبيرة من الجيل الجديد اللي هالشي لا من ثقافتهم ولا من حساباتهم. وانو تقديم شي للوطن اللي عم بتكون هالفترة كتير قاسية عليه حتى ولو هوي ما عم يقدملنا شي ممكن يساعد هالوطن ليتقدم وليصير يقدر يقدملنا شي . ومشان الاسباب المذكورة اعلاه بتضايق كتير لما احس انو في ناس بتعتبر هالموضوع واي سياق تذكر فيه الوطنية هو عبارة عن لوحة اعلانية أو دعاية ذاتية أو ما الى ذلك .. في وقت اصبحت فيه الوطنية بديهية عن شعوب أخرى وضرورة لشعوبنا . |
وطن الإنسان ليس قطعة أرض وجبال وأنهار وغابات، ولكنه مبدأ والوطنية هي الالتزام بهذا المبدأ - جورج ويليام كورتيس.
شو هو مبدأكم؟ |
اقتباس:
انا ما عمبسالك بهدف الجدال ... انا عمبسال ..لأنو بسمع هاللكلمة كتير ...و عجزت لا قيلها جواب ...فانشالله الجواب يكون عندك .. |
اقتباس:
شكلي خبصت كتير واحتمال أنام ببيت خالتي الليلة :lol: |
اقتباس:
بس الصراحة انا سالت السؤال ..لأنو بحس اننو كلمة مساعدة الوطن ..هي تنظير ...اي نعم تنظير مو اكتر ... هلأ لقلك شغلة ... انا توقعت يكون الجواب ...اننو منساعد الوطن ...من انو نبدا بنفسنا ..لأن الفرد هو الخلية الاصغر في المجتمع و من هالحكي ... هلأ هو صحيح هادا حكي نظري متل اللي مكتوب بكتاب القومية ...بس يعني ...ممكن الواحد يطبقو ...انو ما يكب وسخ بالشارع ...يلبس حزام امان ..ما يدخن بالاماكن العامة ... بس انتي اللي كتبتيه ...ما مكن تحقيقو ..و هادا السبب نفسو اللي خلاني اطرح سؤال كيف منساعد الوطن .. خلونا واقعيين شوي معلش ...لك شو بدنا نساعد لنساعد ...؟؟ اه ؟؟ |
الصراحة ,,موضوع لفتلي نظري ,,وأنا من فترة ما كنت عم شارك ,,كنت بموقع القارىء ,,ليس إلا ,,بس لما شفت هل الموضوع حبيت أعطي رأي ,,
شو هي الوطنية ,,بسوريا ,,أنا بقلكم ,,من وجهة نظري ,, الوطنية يا سادة يا كرام ,, 1- إنك تسرق وتنهب ,,وتصيروتتصور ,,بس ,,بدون ما حدى يحس ,,أو بالأحرى ,,اطعمي العشرة ,,قبل ما تاكل التسعة ,, 2- ..إنك اتصير مرتشي ,,ولهلوب ,,وحربوق ,,ومافي منك ,,بمجال النصب ,,ساعتها ,,رح اتكون صاحب وطنية عالية ,, 3- ,,إنك اتقول ,,بدنا انرد على إسرائيل في الوقت والزمان المناسبين ,,وعندما نختار نحن لا عندما يختار العدوا ,,ساعتها قرارك بكون وطني ,, 4- إنك ,,تقول ,,,الحصار الأمريكي على سوريا يؤثر بأمريكا ,,ولا يؤثر فينا ,,فنحن لدينا اكتفاء ذاتي ,,وإن أمريكا هي الخاسر الأكبر من هذه العملية ,,فأنت وطني ,,,ومافي منك ,, 5- ..أنك اتشجع إيران ,,وفنزويلا ,,والمعسكر الكوبي ,,واتندد بباقي دول العالم ,,فأنت وطني ,,,لا غبار عليك ,, شو بتحبوا أعددلكم صفات الشخص الوطني ,,؟؟!! لو بدي عد ما بخلص ,, لهيك ,,,عم أزعل على حالي لأني مالي وطني :sick: |
اقتباس:
المواطن عامل كاتب محامي تاجر موظف معلم وزير .. فهمت الفكرة الوطن أرض معروفة الحدود بتضم المذكورين أعلاه جميعاً . العامل لما يخلص بشغلو ... الكاتب لما يخلص لقلمو وضميرو ... المحامي لما يخلص للعدالة .. والتاجر لما ما يستغل الناس .. والموظف لما يشتغل 8 ساعات مو ساعتين .. وما يرتشي وما يمرق شي عحساب شي .. المعلم .. المعلم .. المعلم ... لما يزرع براس الجيل الطالع ثقافة وانتماء .. لما يرعى عقول جيل جديد طالع ليمسك البلد ... الوزير وانت ادرى شو بيعمل الوزير .. اذا كل واحد فينا بس ما كب زبالة بالشارع بتنضف البلد .. اذا كل واحد فينا حب لغتو واستخدمها بدل الالف لغة اللي بنعرفها وبنفضل نستعملها جوا البلد !!! اذا كل واحد فينا قام بدورو باخلاص شو ما كان دورو تلميذ .. معلم .. تاجر .. عامل .. البلد بكون قطع نص الطريق للتحضر والتطور ... وبرجع بقول الثقافة .. وهالشي مو عمل فردي .. نحنا اكتر شي بحاجتو هوي الوعي اللي بيجي بالثقافة .. بالتعلم (مو الشهادة اللي بنعلقها بس) .. بدون وعي البلد بدها ترجع لورا .. يمكن تقول هالشي بتعملو .. عال كتير عال .. بس في غيرك كتاااااااااااااااار ما بيعملو .. يمكن تقول هالشي مثالي .. بقلك عال كمان .. بس هالشي انعمل وصار بالدول اللي انا وانت وغيرنا بنقول يا ريت نوصل لهالمرحلة بالتحضر اللي وصلولها .. أما اذا بدك تقدم أكتر من هيك فهناك نشاطات كتيرة ممكن تقوم فيها نشاطات ثقافية، عمل تطوعي، المشاركة بالنشاطات السياسية والاقتصادية والمعلوماتية ... الخ .. حسب مجالك يعني .. فكرة بديهية كتير .. بس نحنا أكتر شي بنعرفو ومختصين فيو انو لا نشوف هالبديهيات ولا نطبقها ودغري بنفوت بمتاهات أكبر من طاقتنا .. وفي مرحلة متقدمة ممكن تفكر بكلام نتالي بغض النظر عن رأيي الشخصي بجوابها .. بس هالشي خيار وفيك تطرحو .. وفيك تعكس كل اللي قالو the god father بردو وما تعمل بعض النقاط اللي قالها وتكون قدمت شي وساعدت الوطن .. |
الوطني هو صاحب الأرض
ليس هناك وطني بدون وطن فبرأيي هذا تعريف الوطني كما قال الخوة هناك امور يجب تصحيحها وهناك فساد , فهل نستبدله او ننادي بالغربية , ام نستورد من عند بوش من يعلمنا الوطنية نحن نحب الوطن ولا نزاود او نرفع شعارات طنانة او رنانة بل نقول لا نرضى بمن يأتي ويدنس ارضنا كل العالم يشاهد ما يجري في العراق و في فلسطين فهل جاء الغرب بشيء جديد للشعب العربي قتل يومي , ودمار منازل , وتعطيل مدارس , وخطف نساء وإغتصابهن , وتشريد موظفين .....الخ القائمة السوداء اخواني : ليس المهم ان نقول ان لدينا فساد , ولكن المهم ان نبحث عن الحلول لهذا الفساد كل وطن فيه كفايته وليس هناك بلد فاضل كامل , بل يجب ان تكون المستويات متفاوتة نحن عندنا الوضع الراهن وضع صعب جدا , لكن هل نستبدله بأسوء منه ؟؟؟!!! كما اني ضد من يقول ان الوطن بخير وصحة كاملتين , فهذا الكذب بحد ذاته , الوطن يحتاج الى عمل وتفاني وكما قال السيد الرئيس بشار الأسد عندما استلم مهامه في بداية ولايته : الفساد موجود , ولكننا لا نملك العصاة السحرية التي تقضي على الفساد بلحظة |
اقتباس:
و بتمنى تجاوبيني بصراحة .... انتي عملتي او عمتمعلي شي من هالنشاطات ؟؟؟ |
اقتباس:
|
اقتباس:
مو بالأول ,,,لازم يقدملي الوطن ,,حتى قدملوا ,,لو قلبنا السؤال ,, شو قدملك الوطن ؟!؟!! لحتى تقدملوا ,, لو سألت الأمريكي ,,شو قدملك الوطن ,,وهل أنت مستعد لأنو اضحي كرمالوا ,, رح يقلك ,,قدملي كرامة ,,حفظلي حقي ,,أمنلي مستقبلي ,,رعاني لما كنت مريض ,,شغلني لما كنت عاطل عن العمل ,, طعماني لما كنت جوعان ,,لبسني لما كنت عريان ,,فأكيد بقدملوا روحي ,,لأنو هو عطاني روحوا ,, ولو اتحولنا للسوداني ,,وقلنالوا ,,أنت بضحي كرمال الوطن ,,ليقلك ,,هيك وهيك ,,في 100 وطن ,, شو بدي ضحي ,إذا وطني ضحى فيني ,,قبل ما يضحي بالخروف على العيد ,,, لهيك ,,بأي شي بهل الحياة العلاقة بتكون متبادلة ,,,أنت بتحبني ,,أنا ,,بحبك وإذا ما حبيت ما بكرهك ,, والوطن بحبني ,,وخدمني ,,بفديه بروحي ,,بس الوطن حرمني ,,وشردني ,,,طيب على أي أساس بتقلي لازم اتقدملوا ,,؟؟!!! ودمتم . |
اقتباس:
بحب خبرك وين بشوف نفسي بشوف نفسي بالقلم وبحسو دوري ... بحب الكتابة وبحاول اعكس آرائي فيها .. وبحب كمان خبرك انو كل شي بقولو بحب طبقو أنا أول وبحاول أكون ملتزمة فيو ... وانا ما بقول اني ما بغلط واني مو مقصرة واني كاملة الاوصاف ... لكن بحاول على قد طاقتي وقدراتي وظروفي ... بس اذا ملاحظ انو طلعنا عن الموضوع .. |
اقتباس:
و عفكرة ..انا ما طلعت عن الموضوع ...انا بس حبيت اطلع من التنظير اللي عايشين فيه ..و من الكلام النظري اللي قاتلنا ...و من قصص المجلات الثقافية اللي ما مكن تطبيقها ...خلينا واقعيين شوي معلش و لما انتي حكيتي عن النشاطات ..حسيت حالي عمبقرا بوحدة منهون ... و عفكرة ..انا كمان عملت حملات توعية و جملات ثقافية ...بس شو الفايدة ...تصلح شي ..؟؟ استفدت انا شي ..؟؟؟ شو صار ...وجع راس عالفاضي ....لذلك انا عمقلك (عن تجربة شخصية) اننو هادا كللو تنظييييييييييييييييير..و عقكرة اتني ما جاوبتيني ...المنطق تبعك حلو ..انا بعترف بهالشي ...بس هادا بيكون احلا لما بيكون عارض الواقع ...او عارض وطن بتحترم هالرايي..(بما اننو انتي بتكتبي) و شكرا الك .. |
اقتباس:
اذا وقف كل متطوع عن مساعدة الايتام وذوي الاحتياجات الخاصة و المتألمين والموجوعين ... اذا وقف كل متبرع عن مساعدة الفقير والمحروم والجوعان .. اذا وقف كل قلم حر عن الكتابة .. واذا وقف كل صاحب موقف وتراجع عن مبدأه .. اذا واذا واذا ... شو بتستفيد ؟؟؟؟ يعني اا انا عم نظر انو الناس تبقى هيك مو احسن من انو نظر بأنو ما في فايدة .. ولا أنا وما بعدي الطوفان لحتى يجي الطوفان وياخدنا كلنا معو .. انا مو ضد ما تقول لانو بحس فيو بكتير اوقات .. كل ما ترفض جريدة تنشر كتاباتي .. بس اذا بدي اتحول لانسان سلبي كنتيجة بختنق وبموت .. |
Nirvana ,,اسمحيلي أن أناديك بصديقتي ..
كلامك ,جميل ولا غبار عليه ,,,ولكن و,لا يمكن تطبيقه نهائياً ,,والسبب ,,وحسب رأي طبعاً ,, أولاً ,,لو حب شخص ,,يعمل مشروع يفيد فيوا ,أهل هل البلد ,,ويقول بلدي ,أولا من الغريب ,,بقومو بطالعولوا ألف ,,ومليار علة ,,بكرهو الساعة اللي فكر فيها بهيك تفكير ,, إذا حب يعطي الفقراء والمحتاجين ,,بسموه عم يتلاعب بمصير الشعب ,,إذا حب يفتح مصنع ويشغل فيو العمال ,,بخلوه ,,يكره الساعة اللي ولد فيها ,,, فالمشكلة الرئيسية مو فيني ,,ولا فيك ,,ولا بأي واحد مننا ,,هي على أقل تقدير ,,لأنو اعتقد أنو أي شخص لما بينحط بموقف بيفرض عليه أنو يساعد أهل بلدوا ويقدملهم ما أمكن تقديموا ,,مارح يتأخر ولا لحظة ,, أنت قلتي ,,كم مرة رفضت صحيفة أنو تنشر ما تكتبين ,,طيب ليش ؟؟!!!!!! أنا متأكد ,,أنو ,,أنت بوقتها كرهتي شي اسمو كتابة ,,وكرهتي الساعة اللي كتبتي فيها وكرهتي الساعة اللي فكرتي تنشري فيها ما تكتبين ,, بينما لو كنت ببنجلادش على سبيل المثال ,,لكان فيك تنشري اللي بدك ياه ,,ومع تقدير واحترام ,لألك ,,,لأنو عم اتساهمي في توعية القارىء ,, وهاد اللي بتوقع كان عم يقصدوا ,, Schnitzer ,,وهاد على حد فهمي لما قرأت ... ما عم حاول ,,سود الصورة ,,اللي هي أصلاً سوداء وما بدها حدى يسودها لأنها باينة ,, بس عم حاول ,,طلع على واقع ,,عم انحاول نتخلص منو بكافة الأساليب الصحيحة والملتوية ,,والبهلوانية ,,والعشاوئية ,,وبأي طريقة ممكن حدى سمع فيها ,,أو لم يسمع ,,وما عم نحسن ,, لهيك ,,إذا سألنا نص شباب سوريا ,,بقلك حلمي اتخرج وسافر فووووراً ,, لما عم قول نص شاب سوريا ,,هي إذا ما كان أكتر بكتيييير ,,فأنا أعني هل الرقم ,,,طيب مو معقول تقليلي هاد شباب فاضي ,,وما عندو تفكير ,, صدقيني أهم شبابنا عم يغادروا هل البلد ,,واللي عم يضل ,,هنن نوعين ,, الأول ,,ما عم يحسن يلاقي فرصة يهج ,,والتاني ,,مو فارقة معوا ,,الدنيا كلها ,,والقلة القليييييييلة ,,اللي عم اتقول أنا بدي ضل لأبني ,,بس المشكلة ,,بس يبلش يبني ,,عم ينصدم بواقع ألييييم ,,كتيييييير ,,فبقرر يحذوا ,,حذوا الشباب اللي سبقوا ,,وبلاقي بوابة الغربة أو حتى الخليج عم اتناديه ,, أنا اسف إذا خرجت شوي عن الموضوع ,,بس صدقوني ,,الوطنية ,,ألها علاقة بكل هل الكلام ,, كيف بتطلب مني كون وطني ,,وطني أساساً ,,ما عم يحترمني ,, كلمة وطني ,,مين بترجميلي هي ,, اسمها وطني ,, مارح أحكي أكتر ,,لأنو بتوقع الكل فهم الرسالة اللي حابب وصلها بردي ,, وسف كتير على الإطالة :oops: |
اقتباس:
أنا معك .. بس شو رد الفعل المناسب على كل ما ذكرت بردك ... هل نستسلم أم نحاول ولو على نطاق بسيط نعمل شي ؟ |
اقتباس:
السبب الأول,,أنو,,أغلب الناس اختارت الهرب أو بالأحرى راحت البال وبلاوجعة راس وهجت ,, السبب التاني : أنو ما حدى مستعد يخسر شي بنووب ,,طبعاً ,مني,,وجر ,ما عم أعمل حالي نبي أنا,على راس القائمة قبل كل هل الناس ,, يعني مالنا مستعدين نخسر روحنا كرمال احقاق الحرية والعدل لأنو عم اندور على الحرية خارج جدران هل الوطن , لهيك ..حاليا ,, رح ,,يضلوا,,الشباب عم يسافروا ,, رح اضل نسبة البطالة في ارتفاع رح ,,ورح ,, أكيد رح اتقولي عني مأساوي ,,بس,,صدقيني,,هي الصورة اللي شافها ,شايفها ,بدون رسم ممكن يحليها شايفها على حقيقتها بدون عمليات تجميل اللي انقرحنا من كتر ما دملوا الصورة من وراء هل العمليات بجوز ,,كن على خطأ ,,بس رح يضل رأي هيك حتى يثبت العكس , وكانت قاعدتي بالحياة ,,كل شخص منيح حتى يثبت العكس ,,بس بعد تجربة مريرة اكتشفت ,,أنو كل شخص مو منيح حتى يثبت العكس ,, ودمتم, |
اقتباس:
|
اقتباس:
شلون ,,بدك ,,الواحد ماينط على القانون ,إذا أول,,مابصير معو مشكلة بلاقي القانون نط عليه بدل مايساعدوا.. الزبالة اللي,,بالشارع أول الناس,,اللي,,بيعملوها,,هنن البلدية ,, أنا,بتذكر,,قدام بيتنا,,كان في,حاوية ,,فقت تاني,يوم مالاقيتها,, لأنو المسؤول اللي قريب من بيتنا,,ماعجبو منظر الحاوية اللا حضاري وأمر البلدية أنو تبعدها,عن بيتو ,,وبعدوها شي واحد كبلو متر ,, ولسع بدك أهل الحية يروحو لعند الحاوية ,,صاروا يكبوا بالشارع على الرصيف ,,بتمنى يكون هل المسؤول ارتاح :cry: بتعرفي,,في حكمة كتييييييييير ,,بحبها,, إذا أردت أن تطاع فأطلب ما يستطاع ,, لما بدك تطلبي من هل الشعب ما يسرق مايرتشي ما,,وما ,,وما ,,لازم قبل ما نطلب نأمنلوا على الأقل لقمة ولادوا ,, بتعرفي,,مارح اضرب وطنيات ,,بس صدقيني بحب سوريا أكتر من دمي ,, مافيني قول,,غير متل ماقال أحمد مطر واستشهد بشعروا أنا لاأكتب الأشعار فالأشعار تكتبني ، أريد الصمت كي أحيا، ولكن الذي ألقاه ينطقني ، ولا ألقى سوى حزن، على حزن، على حزن ، أأكتب أنني حي على كفني ؟ أأكتب أنني حر، وحتى الحرف يرسف بالعبودية ؟ لقد شيعت فاتنة، تسمى في بلاد العرب تخريبا، وإرهابا وطعنا في القوانين الإلهية ، ولكن اسمها والله ... ، لكن اسمها في الأصل حرية. ودمتم. |
اقتباس:
بس بحب .. يضل عنا لو أمل .. لاني بعرف كتير منيح شو يعني تفقد الأمل .. كلامك بيزعجني مو لأنو غلط أو بدي جادل فيو أو .. أو .. أو .. كلامك بيزعجني لاني عم أقضي وقتي وطاقتي لأهرب منو وحاول شوف الاشيا المنيحة ... وانتا عم تواجهني فيو .. ما بعرف شو بدي قلك .. :pos: كلامك صادق بس ما بدي صدقو .. حبيت الشعر .. |
اقتباس:
احمد مطر |
شو الوطنية..؟ هاد مقرر (مادة..) بتدرس بمدارس الجمهورية العربية السورية...وازا ماخاب ظني العلامة التامة للمادة 20 درجة...
هلأ السؤال المطروح شو الوطنية...باختصار شديد وبرأيي المتواضع.. الوطنية طز..مافي وطنية من دون مصالح.. بقا لكل انسان وطن وشعور بالوطنية وين ماحل وشاف انو رأس مالو عم ينمو... وبرأيي المتواضع..انو هالشعور والمناداة بهالشعور عبارة عن مسخرة مو اكتر...لما الكبير بيكون بحاجة لاستثمار اكبر بينادي بالوطنية..وبهيك رح يشوف الناس عم تدافع عن وطينتو هو لذات الشخص... الحديث بهالأمر بصراحة مقرف جداً... بنصح الكل بانو يبنى سطح منزلو وطن إلو ومسرح بيتو بيئة لنمو شعورو بالوطنية.. وياهلا...:D |
اقتباس:
كلام سيزار يمكن هوي أصح تعريف بس في نقطة لفتت نظري بالموضوع مين بيقرر وطنية إنسان أو بيعدما بتوقع ما من الممكن تنعدم وطنية أي إنسان شو ما صار حتى لو هوي ع حبل المشنقة بتهمة الخيانة العظمة متل ما فيك تنفي صفة الإنسانية عنو ما فيك تنفي وطنيتو .. :D اقتباس:
يمكن قصدت على التربية القومية هيك اسم المقرر :D |
قبل ما نعرف شو هي الوطنية ........... بظن لازم نعرف شو هو الوطن ............. وبعدين لازم نعرف شو هي المواطنة .......... يعني المواطن لما يعيش المواطنة الكريمة في وطنه .......... بيولد عندو شعور الوطنية .
:D:D |
اي تفضل قلنا شو الوطن والمواطنة والوطنية لكن
|
| الساعة بإيدك هلق يا سيدي 03:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون