|
بلد العاهات
بلد العاهات
مغترب: ( كلنا شركاء ) 19/2/2006 لأول مرة تقريباً في تاريخ البشرية تجد أن الشاب يفرح بوجود عاهة في جسده. نعم إنه يفرح! أتعرف لماذا؟ لأنه يمكن أن يدفع بدل العسكرية. في بلدي الحبيب وبعد سنوات طويلة من الدراسة المستميتة للحصول على تلك الكرتونة (كما يسميها أحد الدكاترة), وبعد الصراع المرير مع الدكاترة ومع الزمن المتسارع,بعد كل هذا يخرج الشاب ليجد نفسه في صراع من أجل البقاء بعد أن كان في صراع من أجل الكرتونة. لقد حصل على الكرتونة ولكن يا إلهي!!! هناك سنوات أخرى من العذاب! سنوات العسكرية!!!! وفي يوم من الأيام صدر قرار دفع البدل لمن سجل على دفتر عسكريته خدمات ثابتة. وهنا بدأ الصراع, صراع من أجل الحصول الخدمات الثابتة. وهنا تأتي المفارقة. كيف أحصل على خدمات ثابتة؟ يا ريت كان فيني شي عاهة تؤهلني للحصول على الخدمات الثابتة. نيالو رفيقي, طلعلوا خدمات ثابتة لأن معو ضعف شديد بنظره. نيالو رفيقي التاني لأن معو خلع بكتفو. لكن شفت فلان الله يصلحو, لعمى شو حظاتو قلال, ليش؟ لأنو راح عمل عملية ليزر لعيونوا وصحح الضعف. له له....الله يصلحو على هالعملة,,,روّح من إيدو فرصة العمر.... يلا.... نصيبو..... يا ريتك يا أمي جبتيني معي شي عاهة. يا ريتك يا أبي ما جبت غير ولد وحيد. يا ريتني ما كنت سوري............. أنا سوري آه يا نيالي. |
اقتباس:
|
اممممممممممم طول بالك خيو ليش كاره نفسك هيك:cry: هونها بتهون مع انه على قولتك الواحد بنقهر يوم غيرك لمجرد فيه علة بقدر يدفع بدل عسكريه |
انا مرشح ما بياخدوني عالجيش
|
انا مدعوم ما بياخدوني:lol:
|
معلم كلك مفهومية .. بس ممكن أعرف نشر متل هالموضوع شو ممكن يفيد
أنو عم تطلعنا عـ الأوضاع اللي عم نعيشا .. بتوّقع أي واحد زغير بعدوه عم يرضع بيعرف هالقصص .. أأنو أنا شو ممكن أستفيد كـ سوري من هالموضوع ؟! أو كـ عضو أخوّي عم أقرا موضوع في الصالون و الصالون الهدف الأاساسي منو - قسم حواري - شو ممكن حاور في هالموضوع كم سؤال لا تأخزنا إذا تقلنا عليك .. و على عيني .. :D |
لا مو هون الشغلة ..
الحلاوة كمان انو الواحد صاير عبفرح لما عبكون وحيد (يعني مافي غير ولد بالعيلة وباقي اخواتو بنات او لما بكون مافي غيرو بالعيلة ) :lol: يعني اللي بكون وحيد بجاكر اللي مالو وحيد انو مابروح ع الجيش .. |
أنا بصفتي الوحيد هون يللي خادم عسكرية
 بحب قلكون أنو هالتجربة مانها بهاسوء يللي عم تصوروه بالعكس .... تجربة كتير مهمة بحياة الشاب يللي حالياً عم يقضي كل مراحل عمرو بين الكتب و الكمبيوتر و يمكن أعنف رياضة عم يمارسها هلأ هي الكونترا أو الفيفا 2007 بصراحة فترة الجيش كانت من أهم مراحل حياتي ....يمكن كان فيها صعوبة ببعض الفترات بس كانت ايجابياتها أكتر بكتير بيكفي أنو صار عندي أخ بكل مدينة بسوريا و تعرفت على ناس ....و على مناطق ما كنت متوقع بحياتي اتعرف عليهون و لو رجع الزمن هلأ و خيروني بين الاعفاء ( مو البدل بس ) أو الخدمة .....رح اختار الخدمة بقى هالموضوع من أساسو .....عيب |
اقتباس:
ليش كل الناس خدمت متل ماخدمت انت :larg::larg::larg: بعدين ع فكرة انا مع فكرة العسكرية يعني ومالي ضدا هه للتنييه فقط .. وخاصة اذا كانت متل عسكريتك :p |
اقتباس:
لا جد ...... أنا شايف أنو خدمة العلم ضرورية للشباب و عيب الواحد يتهرب منها |
اقتباس:
اكيد .. |
اقتباس:
لما تكون عاسس 5 سنين ...بجامعه علميه .. بتتخرج من هون ...بيشحطوك سنيتين ...حياتك الاجتماعيه ..و معارفك ...بتصير صفر .. اللي تعلمتو بالجامعه بيصير صفر ...الدراسة بتنساها ...بيورجوك ذل ما بتشوفو برى ..و لا حدا يقللي هادا حكي مو صحيح ..لأنو شايف بعيني ..و قاعد مع طبيب شرعي بالجيش ...لذلك لا حدا يقللي هادا حكي من فوق الاساطيح ... و دخلك على شو ضروريه حرق سنتين من عمرك ...؟؟ يعني والله ما بعرف ...حدا هيك بينبسط على سنتين راحو من عمرو ...!!! ؟؟ ع فكره انا عمناقش نقاش ...عبستوضح مو اكتر ...يعني انا مالي عم تفه او احتقر فكرتك ,,,لأ ابدا ..:D |
اقتباس:
اقتباس:
اقتباس:
واذا كان حظك متل حظي مانيالك |
اقتباس:
بس ابو شريك ..و حياة عيونك ..ما رح جرب حظي ..الله وكيلك ...انا بتخرج من هون ....ولا لا ..مالي مستني ...قبل التخرج رح اسعى بشي سفره ...انشالله على موزامبيق ...انشالله على نيكاراجوا ... بس ما رح ضل ببلد العاهات ... |
اقتباس:
:o بئااا الكونتر عم تعتبرها رياضة مو عنيفة .... بيكفي النطة على الكابي بالأيطالي كتير بتخوف :o :p:p:p أنااااا خدمات ثابتة سوري منك .. بس لو لزم الموضوع بصير هوستج ..:lol: مية فلة عمو ...:sosweet: |
اقتباس:
اول شي بدي أكد على كل كلمة حكاها مادماكس :سوريا: وبدي ضيف وقلك انك اذا سافرت او (هربت) قبل ماتخدم جيش، رح يكون عذابك بالغربة مضاعف ،وما ماحدا رح يحس قديش كلامي صحيح الا اللي خادم جيش ومجرب وبغض النظر عن كل مساويء الخدمة، بيكفي انها بتعلمك تعتمد على نفسك بكل شي، ولما بيقولو انو العسكرية بتعملك رجل لازم تصدق هالكلام الواحد منا مابيصدق ايمتى يهرب من البلد مشان مايخدم بالجيش، بس لما بيصير برا، وبيصير يبكي دم لأنو مشتاق لأهلو ورفقاتو وبلدو، بس مو قدران ينزل بسبب الجيش،وبيصير يبكي متل الطفل لما بيمر بأول مشكلة ومابيعرف كيف يحلها لأنو ما تعود يعتمد على حاله، ساعتها بيعض اصابعه ندم ومو صحيح ابدا انو اللي بيخدم عسكرية بيضيع من عمرو سنتين، بالعكس تماما، روح اسأل وشوف كم شخص بيقدم البكالوريا وهو عسكري وبينجح وبيطلع من الجيش عالجامعة، برأيك هي مو فائدة؟؟ وهذا مثال واحد من امثلة كتيرة انامعك انو بس خلال الدورة 6 شهور، مارح تقدر تعمل فيهن شي،لأنك بتكون عم تتدرب على أشياء كتيرة، بس بعد هيك، رح تلاقي عندك وقت فراغ طويل، ماحدا بيمنعك تعمل فيه شومابدك، (طبعا اذا انت عندك استعداد تستفيد من الوقت) من خلال تجربتي في الجيش، (وللعلم خدمت سنتين ونص في جبل الشيخ، وما ادراك ما جبل الشيخ) تعلمت كيف استغل وقت الفراغ بأمور كتيرة تتعلق باختصاصي وعملي في الحياة المدنية، عدا عن ان الجيش بيعلمك الصبر والتعامل مع المشاكل بحكمة، و بيعلمك تتعامل مع نوعيات كتيرة ومختلفة من الاشخاص، منها الجيد ومنها السيء، وبتمر بتجارب لايمكن تمر فيها بالحياة العادية. بقى حاول تنظر لهالموضوع من خلال ايجابياته اكتر من سلبياته، وصدقني انك رح تستفيد والي رجعة :سوريا::سوريا: |
لما بيناديك وطنك .... بتتمنى يكون عندك عاه !!! كيف زابطه معك ما بعرف ....
تخيل صار حرب شو موقفك قلي ....... موقفك عاه :frown: يمكن الخدمه صعبه ب بلدك بس هيك الدنيا شو بدك تعمل ..... بس صدقني احلا شي بالدنيا انك تخدم بلدك ... بعرف انو بلدك ما عم يخدمك بالمره .... بس حميد ربك نحنا عرب !! |
والله متل ما قالوا الشباب العسكرية مهمة و خدمة وطنية...
اقتباس:
العلم لمدة سنتين بس... انا بغالطك الرايي لانو صحيح خدمة العلم قاسية على الشب و ممكن اضوعلو سنتين من عمرو لكن الاكيد انو ممكن بهل السنتين بلدو تكون بحاجة ألو اكتر ما هو بحاجة للراحة ببلاد الغربة!! :D |
اقتباس:
لا لا لا لا لا لا لا يا اخي وين رايح بهل عجئه شو عاها ما عاها انت نسية كلمة وحيد الحمد لله انا مريح حالي من كل هل حكي بعتباري وحيد :o انا بزعل على يلي بيكون عمر 22 سنه مثلا بتلاقي امو بظتلو اخ يا حرام شو بيصير فيه الله لا يورجيكم بس انا لهلا صامد لووول :ss::larg: |
اقتباس:
اول شي شكرا على الموضوع ... بس ذكرتنا بنشرة كلنا شركاء دخلك بعدها عم تصدر وشو صار بصاحبها يلي نسيت اسمو .... وبالفترة الاخيرة كان كل يوم ينط على التلفزيون ؟؟؟؟ |
لحظة لحظة :shock:
انو انتو متضايقين لانكو بتخدموا بالجيش :shock: لك يااااااااااا ريييييييييييت لو كان في فلسطين وكنت بقدر اخدمها :cry: بس طبعا لا انا ولا اي حدا من عيلتي منتشرف انو نفوت على جيش صهيوني لذلك فنحن معفيين من الخدمة (عرب ال 48 معفيين ما عدا الدروز مجبرين) بس انو عنجد انا بحب الجيش والتجنيد! بعدين المفروض يفوتوكوا جيش بجيل ال 18 بتخدموا 3 سنين وبعدها بعملولكو تسهيلات بالجامعات (عالاقل هيك بعملوا باسرائيل :lol:) تحياتي والله ما في احلى من الجيش ..:D |
اقتباس:
نحنى عنى بتخدمي سنتين بتطلعي كرهانه الدنيه و الجامعه و التسهيلات كلها و نفسك تعبي بأول حيط او بشي سياره على شي اوستراد :o لووول بس ولله انا نفسي اخدم يعني :yahoo::adal: |
أنا ضد العسكرية ، لأنها استهلاك للوقت عالفاضي
وبعدين أنا قادر أخدم وطني بطريقتي وبشهادتي مو بتلحيس بواط الضباط يللي يادوبهم بيعرفو وين الله حاططون |
اقتباس:
|
اقتباس:
يللي بدو بيخدم و هو محترم .....و يللي بدو بيلحس بواط يعني الشغلة نسبية على هوى فهم كل واحد |
اقتباس:
ما علينى وشو رايك اعزمك على سيجاره |
مسخره .... بهنيك على عقلك اذا كان موجود ...
|
اقتباس:
|
اقتباس:
قصدي على صاحب الموضوع .... عموو:pos: |
اقتباس:
ومتل ماقالولك اللي قبلي، اذا الواحد بيفهم الخدمة لحس بواط... بيكون عندو مشكلة بالفهم :D |
اقتباس:
|
اقتباس:
بس اذا في ناس مصرة انو الخدمة هي لحس بواط .....ف ما رح تقدر تغيرلون رأيون |
اقتباس:
|
هلا انا بدي افهم ليش عاملين موضوع العسكرية شغلة يا لطيف يعني عاطين الموضوع اكتر ما بستاهل وحياتكن طيب والله شغلو حلوة انو الواحد يروح على الجيش ياسيدي اعتبروا الموضوع مثلا مغامرة رحلة شغلة جديدة صحي الشب بيعاني كتير بالجيش بس احسن ما يضل قاعد لا شغلة ولاعملة يعني فكركن اذا مارحتوا على الجيش شو رح تعملوا رح تلاقوا شغل لا رح تسافرو بدكن شي الف سنة لحتى تقدروا تاخدوا فيزا على شي بلد اجنبي فنصيحة مني روحوا خدموا جيش احسن ماضلو عالة على اهليكن
|
انا دفعت 79 ألف ليرة بالمصرف التجاري السوري بدل خدمات ثابتة .. طبعاً لأني عاهة والحمد لله .. بعد ما شفت إبن عمي السمين يللي راح عالجيش ورجع من هنيك منفسييينو عالآخير ومساوينو زنجي من تبعات bang bang skeet skeet nigga ... عرفت من يومها كيف المعاناة بالجيش .. وحمدت ربي لأنو خلقني جل جلالو .. عااااهة ! |
اقتباس:
عرفت عن شو عم أحكي تماماً ,,شكراً لردك ,,:deal: |
اقتباس:
|
واعتقد يا سيدة دلوعــة سوريا من قلة الحكمة أن تردي على صاحب الموضوع ,,أنا لم أضع مشاركتي هذه كي تناقشي أفكاري ,,وضع الموضوع لأخذ الآراء ,, من الجميع فمنهم المؤيد ومنهم المعارض ,,فلكل منا رأيه ,,
اقتضى التنويه , |
اقتباس:
ههههههههههههههههههههههههه هههاااااااااااااااااااااا اااااي نكتة الموسم احمد ربك نحنا عرب   - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
يامدام ... طب ليش ماتصير الخدمة طوعية بدل ماتكون الزامية متل معظم الدول !!! وانا متأكد مليون بالمية أن اللي مابيلاقي شغل ومابيحصل فيز على دولة اجنبية انه راح يتطوع بالجيش وهو راضي تماماً .. على الأقل تكون مدة الجيش سنة !! يعني المدة الحالية ليست جيدة بالنسبة للطرفين .. الحكومة والمجند بالنسبة للحكومة طبعاً بتتكلف على المجند مايقارب 5000 دولار خلال هالسنتين بس تعتبر كتير لمن بتجمع المبلغ أكل وشرب ولبس وسكن و الخ على فكرة هذا المبلغ قليل وراتب المجند السوري من أقل الرواتب في الشرق الأوسط !! اما بالنسبة للمجند فهو راح يضيع من حياتو سنتين بدل مايروح يأمن حياتو ويطبق اللي درسه بالجامعة مشان يصير عنده خبرة عملية ويصير قادر على الحصول على العمل بكل سهولة سواء داخل سوريا او خارجها وعلى فكرة دورة صاعقة مع اختصاص لمدة ستة اشهر بتكفي وزيادة !!! فوق هادا الشيء بيتكلف المجند من جيبه الخاص انا لي صديق دخل عالجيش خلال مدة سنة ونصف صرف مايعادل 5000 دولار مصروف خاص فوق البهدلة يعني بشكل عام هل 500 ليرة او حتى 1000 ليرة كافية لمصاريف المجند الشخصية !!!:shock: وين المنطق طيب شو رايك ان ابن عمتي دخل عالجيش سليم معافى وطلع من الجيش معو فشل كلوي من اكل البرغل بالرمل :frown: مو حرام شب متل الوردة هيك يصير فيه هادا من عدا بعض التشوهات والعاهات :pos: أنا لست ضد الجيش لكنني ضد الاهمال بالمجندين بالجيش أنا مع جيش نظامي مؤسس على أسس علمية وأسس حضارية وليس أسس جحشنة ومتيسة ورشاوي أنا مع جيش يهتم بالمجندين ويعاملهم معاملة رجال وليست معاملة حيوانات أنا مع جيش شفاف لديه نظام شفافية ولست مع جيش مليء بالفساد والرشاوي يعني كمثال اخونا ماد ماكس ارتاح نفسياً بالجيش باعتبار أنه مدعوم وعنده واسطة من شخص معين وفوق هاد مع احترامي الشديد اخونا ماد ماكس مو متدين ... طيب انا بفرض اني انسان متدين ومابحب الرشاوي وماعندي واسطة فهل حيكون وضعي متل وضع اخونا ماد ماكس لااظن ذلك وراح اتشرشح اخر شرشحة :jakoush: |
| الساعة بإيدك هلق يا سيدي 21:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون