أخوية
الصفحة 1 من 10 1 2345678910 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   السقيفة (http://www.akhawia.net/forumdisplay.php?f=58)
-   -   أنماط من الشخصيات .. بأخوية (http://www.akhawia.net/showthread.php?t=79119)

butterfly 08/09/2007 11:38
أنماط من الشخصيات .. بأخوية
 
شخصيات .. عم تلفت نظري بأخوية .. ورح أتركلكن تحديدا .. لألكن ... :lol:

  1. أنا أعترض إذا ً أنا موجود...
:lol: ميزاتو .
دايما ً عم يبكي على ماضي أخوية .. :cry: " ويا ليت الزمن الجميل يعود يوما ً "
ساكن ببريد المنتدى .. عندو شكاوي شو ما عملت الأدارة ... ويا ويلك إذا طنشتو ... " ظهر الحق شفتو ما عم يردو عليي "
اعتصامات واضرابات .. واقتراحات للتغيير .. عندو اقتراحات كتير ..
بس إذا بديت تشتغل :? بتحسو أكتر واحد متمسك بالشي القديم وما بدو شي يتغير

كيف بتتعامل معو :sick:
أول شي إذا كان معك عالماسنجر .. طقو بلوك بسرعة .. لأنو رح يهلكك أسئلة عن المنتدى ..وتذمرات
تاني شي طنشو وضميرك مرتاح .. لأنك شو ما ساويت ما بترضيه ...
وكون متأكد أنو اعتراضاتو مانا موجهة ضدك شخصيا ً .. " لأ الزلمي ما لو شي عليك شخصي " بس هوي هيك .. بيعترض ليبين قدام الناس أنو موجود.

:D


butterfly 08/09/2007 11:44
2. الفاجر المضيع :

ميزاتو :
يا محلاه هوي وصاحي .. ويا ما أبشعو هوي وسكران ..
المسبات يمين يسار .. عالعام وبالرسائل الخاصة ..
عندو طاقة سلبية كافية تزعج الكل ... وحتى اللي ما خصو ..
كمان ما بتعرف شو بدو .. واقفلك عالدأرة .. ماسك الأحكام والأعراف وعم ينطرك تخالف ليقلك شفت .. مانك متمسك فين
أسلوبو بالتعبير فاجر وفاسق وأحيانا ً كمان قليل أدب ..

كيف تتعامل معو
تجنبو .. بنوب .. لبين .. ما يزوووووووق ...

:lol:



Reemi 08/09/2007 11:45
مزبوووووووووووووووووووووووووط...وينك يهالحدا الي ببالي

butterfly 08/09/2007 11:50
3. تركوني بدي بطل :
ميزاتو
كل ما دق الكوز بالجرة .. ما في شي منيح .. المستوى متراجع .. الادارة ما منيحة .. اخوية ما عادت تعنيني
بدي روح .. بدي بطل .. ما عاد بدي اكتب ..
باي باي اخواتي .. باي باي حبيباتي .. رح اشتقلكن :lol: اوووووووووووووبس ما منلاقيه ألا مآنسنا ومنورنا ... :ss:

كيف تتعامل معو :
إذا بيهمك أمرو .. وبدك ياه يضل .. كل مرة أكدلو أنو هوي كتير مهم .. وبقائو كتير مهم .. وأقنعو أنو هوي الأساس والأمل .. لهالشعب الأخوي المسكين
إذا ما بيهمك .. يفضل تقلو ... " الله معك " .. ويبقى لا تعيدا

:fthink:

butterfly 08/09/2007 11:53
يتبع ....
:D

Government 08/09/2007 15:24
يه يه يه
والله هالمواصفات بتنطيق على اللي فبالي كتيرررررر
كأنو حفر وتنزيل عليهن :p

hajoora 08/09/2007 15:39
حلوو وصفك :D

فراشة الربيع 08/09/2007 15:51
اقتباس:
ميزاتو
كل ما دق الكوز بالجرة .. ما في شي منيح .. المستوى متراجع .. الادارة ما منيحة .. اخوية ما عادت تعنيني
بدي روح .. بدي بطل .. ما عاد بدي اكتب ..
باي باي اخواتي .. باي باي حبيباتي .. رح اشتقلكن اوووووووووووووبس ما منلاقيه ألا مآنسنا ومنورنا ...
:lol::lol:
ما بيقدر على فراق الاخوية...كيف يكان:larg:

BL@CK 08/09/2007 16:50
بدنا أمثلة .. :lol:

Government 08/09/2007 16:59
اقتباس:
كاتب النص الأصلي : BL@CK (مشاركة 738350)
بدنا أمثلة .. :lol:

الوصف الاول مابزكرك بحدا منحبووووووو كتير ؟:larg:

BnBooN 08/09/2007 17:58
ههههههههههه والله حلوين يا باترفلاي :lol::lol:
الحمدلله انا ولا وحده منووون :o:larg:

fofo besset syria 08/09/2007 20:43
ههههههههه حلوة حلوة...:D

بس عطينا كم مثال حبابة :o

:D:D

butterfly 08/09/2007 23:46
منكمل

نطنوطة : :flover:

ميزاتا ..
صورة رمزية .. لبنت حلوة كتير كتير كتير .. أو لشي ولد صغير ..
عم تنقط دلع وحنية ..
وبين كل سمايلي وسمايلي :sosweet: في سمايليين تلاتة مستحيين :oops:
مشاركاتا .. كلا .. بالمواضيع من نوع
قدي قياس خصرك ؟ شو بتحبي نوع المايك أب .؟
بتحبي الشب ابو غرة ولا اللي عامل سبايكي ؟
عندا شلة من رفقاتا
سوسو وفي في وري ري وبي بي ...

التعامل معا :
:lol: إذا .. كنت شب .. الطريق سالك كام سمايلي من هون على كام سمايلي من هونيك
على موضوعين تلاتة حبيبتك تركتك .. بتفوت نطنوطة بتواسيك :dc: والله يوفق لنصفق :clap:

أما إذا كنتي بنت .. فمالك مصلحة ... .... :fwink:

butterfly 08/09/2007 23:53
المتموطن : :gem:

ميزاتو
هادا بيكون عندو إدمان على الحكي بأسم الوطن .. واللعب عالمشاعر الوطنية ..
بتقلو احكيلي عن الحب ..
بيقلك : " ما في أحلى من حب الوطن .. وتحية للوطن والمواطنين :D "
احكيلي عن الطبخ
" والله الطبخة اللي عم تتحضر بالمنطقة مو لمصلحة الوطن بنوب :D "
شو رأيك بهيفا :
" مدري ليش هيفا .. فيها شي بيذكرني بجبال الوطن :fwink: "

التعامل معو :
هادا اتركوووووووو .. بعد فترة بيتألف مع الوطنية وما عاد بيتباهى فيها .. وبيقتنع لحالو انو حب الوطن ما بحاجة لكل هالبهورة ..


butterfly 08/09/2007 23:59
المتبجح :
ميزاتو

ردود طويلة .. وكلمات معقدة " سفسطائية " + " تكنوقراطية " + " شيزوفوبيا :shock: "
غالبا ً بتبدا ردو وانت هيك :?
بتوصل لنص الرد :shock:
تلت ارباع الرد :sick: وبتقرر أنك تعمل شي تاني .. وتأجل كمية من الرد لبكرا ..

ما بيكتب بكل الأقسام .. " سينيه " .. :o

التعامل معو
دايما امداح فيه " سواء قريت الرد أو لا "
وأهم شي انك تهز راسك .. " ;) " وتعمل فهمان .. وألا رح تضطرو يفسرلك كمان مرة .. :cry:


Tears_Castle 08/09/2007 23:59
:lol: :lol: :lol: :lol:

Remember Me 09/09/2007 00:02
شكرا "butterfly"
موضوع جد حلو وواقعي ...

بس بدي أشألك بصراحة ... أنت بتلاقيني تحت أنو نوع بندرج أنا ؟

butterfly 09/09/2007 00:02
كمان يتبع ..
:fwlee:


عاشقةعمرودياب 09/09/2007 00:04
والله من كل هالشخصيات ما عرفت غير وحدة بس

عاشقةعمرودياب 09/09/2007 00:05
صحصيح وانا تحت اي نوع بندرج

Remember Me 09/09/2007 00:09
اقتباس:
كاتب النص الأصلي : عاشقةعمرودياب (مشاركة 739001)
صحصيح وانا تحت اي نوع بندرج
شو مشانك "عاشقةعمرودياب" ...

شو فورا غرتي مني ؟

أول شي لتجاوبني الفراشة تبع المنتدى أول ... بعدين أسألي أنت ;)

THE_unforgiven 09/09/2007 00:16
انا من اي نوع :shock:

suryoyo 09/09/2007 00:17
كلنا منتظرين يتبع!

system in blue 09/09/2007 00:25
طيب سؤال انت من اي نمط فيهم بصراحه؟

عاشقةعمرودياب 09/09/2007 00:25
اقتباس:
كاتب النص الأصلي : Remember Me (مشاركة 739010)
شو مشانك "عاشقةعمرودياب" ...

شو فورا غرتي مني ؟

أول شي لتجاوبني الفراشة تبع المنتدى أول ... بعدين أسألي أنت ;)
هو اي غرت منك بس بتعرف احم احم ليديز فيرست بس مو مشكلة المهم اخر شي ترد وبعدين لكل حادث حديث

THE_unforgiven 09/09/2007 00:30
صحيح ..أنا بدي ضيف ..نمط ... النمط الشائع بالأخوية ...
بياخة وتقلة دم عجيبة .... سخافة وسآلة عجيبة ...
طريقة التعامل ...
ازبلوا ..وتركوا يحكي لحالو .... وإذا بعتلك رسالة خاصة ... احذفها بدون ما تتطلع عليها ... لأأنها بدها تكون متلو ...
وأنا ..آسف يا بترفلي ..إذا اعتديت على موضوعك ... إذا بتدايقي قليلي ... بس حبيت قول اللي عندي .. وشكرا على هالموضوع السبيشال ....

butterfly 09/09/2007 00:39
يا جماعة .. انا لو بدي قول كل واحد شو نمط شخصيتو ما كنت نزلت الموضوع بهالطريقة :p

تسؤ ما حزرتو ...


maro18 09/09/2007 00:41
اقتباس:
كاتب النص الأصلي : butterfly (مشاركة 739057)
يا جماعة .. انا لو بدي قول كل واحد شو نمط شخصيتو كنت نزلت الموضوع بهالطريقة :p

تسؤ ما حزرتو ...
موضوع حلو يا مرسيل:D
بس حاسة انك منزلة الموضوع عشان شخص واحد بس:lol:

butterfly 09/09/2007 00:45
اقتباس:
كاتب النص الأصلي : maro18 (مشاركة 739060)
موضوع حلو يا مرسيل:D
بس حاسة انك منزلة الموضوع عشان شخص واحد بس:lol:
بصراحة لأ ..
مشان اكتر من واحد :lol:

butterfly 09/09/2007 00:52
اقتباس:
كاتب النص الأصلي : Reemi (مشاركة 738098)
مزبوووووووووووووووووووووو وووط...وينك يهالحدا الي ببالي
اقتباس:
كاتب النص الأصلي : GOVERMENT (مشاركة 738229)
يه يه يه
والله هالمواصفات بتنطيق على اللي فبالي كتيرررررر
كأنو حفر وتنزيل عليهن :p
اقتباس:
كاتب النص الأصلي : hajoora (مشاركة 738260)
حلوو وصفك :D
اقتباس:
كاتب النص الأصلي : فراشة الربيع (مشاركة 738270)
:lol::lol:
ما بيقدر على فراق الاخوية...كيف يكان:larg:
اقتباس:
كاتب النص الأصلي : BL@CK (مشاركة 738350)
بدنا أمثلة .. :lol:
اقتباس:
كاتب النص الأصلي : GOVERMENT (مشاركة 738367)
الوصف الاول مابزكرك بحدا منحبووووووو كتير ؟:larg:
اقتباس:
كاتب النص الأصلي : Berain (مشاركة 738439)
ههههههههههه والله حلوين يا باترفلاي :lol::lol:
الحمدلله انا ولا وحده منووون :o:larg:
اقتباس:
كاتب النص الأصلي : fofo besset syria (مشاركة 738702)
ههههههههه حلوة حلوة...:D

بس عطينا كم مثال حبابة :o

:D:D
اقتباس:
كاتب النص الأصلي : Tears_Castle (مشاركة 738983)
:lol: :lol: :lol: :lol:
اقتباس:
كاتب النص الأصلي : Remember Me (مشاركة 738989)
شكرا "butterfly"
موضوع جد حلو وواقعي ...

بس بدي أشألك بصراحة ... أنت بتلاقيني تحت أنو نوع بندرج أنا ؟
اقتباس:
كاتب النص الأصلي : عاشقةعمرودياب (مشاركة 738994)
والله من كل هالشخصيات ما عرفت غير وحدة بس
اقتباس:
كاتب النص الأصلي : عاشقةعمرودياب (مشاركة 739001)
صحصيح وانا تحت اي نوع بندرج
اقتباس:
كاتب النص الأصلي : +++ THE PUNISHER +++ (مشاركة 739019)
انا من اي نوع :shock:
اقتباس:
كاتب النص الأصلي : suryoyo (مشاركة 739021)
كلنا منتظرين يتبع!
اقتباس:
كاتب النص الأصلي : system in blue (مشاركة 739032)
طيب سؤال انت من اي نمط فيهم بصراحه؟

نورتو .. كلكن ... كلكن ..
ما كنت متوقعة .. الموضوع يشد كل هالقد جماهير :lol:

كنت نزلتو بالمكتبة :fhaha:

والله يا جماعة بدكن تعذروني .. عن اعطاء الأمثلة .. او اني افرز الشخصيات
كل اللي عم حاول أعملو ... أني انقل انطباعي عن البعض بطريقة مضحكة :lol:

ويا هلا كمان مرة .. ولسى مكملين ..
:mimo:

verocchio 09/09/2007 01:04
أجمل موضوع بالسقيفة

باترفلاي دمت نجمة المنتدى

MadMax 09/09/2007 02:01
يعني ما في و لا نمط من شخصيات أخوية ....متل الخلق ..!!:sick:

hanny dagher 09/09/2007 04:47
اقتباس:
كاتب النص الأصلي : Madmax (مشاركة 739177)
يعني ما في و لا نمط من شخصيات أخوية ....متل الخلق ..!!:sick:
نطور اليتبع :pos:

Willi 09/09/2007 04:54
في نوعية بيتمثل فيها عدد كبير من اعضاء اخوية.
ناطر شوفها :pos:

معروف بن جمر 09/09/2007 04:57
منيح نفدنا ماعملنا شي من اللي عم تقول عليهم بس ولا يهمك بكرى بنبلش
هههههههههههههههههههههههههههههههههههههههههههههههههه ههههههههههههههه
عم امزح يسلموا ايديك

The morning 09/09/2007 05:10
متابعه :lol::lol: ..

فراشة الربيع 09/09/2007 05:34
و انا متابعة..
مستنيين الباقي:lol:

brave heart2 09/09/2007 16:42

اي شو هل :ok:butterfly

متابعين موضوع حلو كتير...

بس سؤال ممكن يكون في عضو عندو انفصام شخصية يعني مرة هيك ومرة هيك

احلى butterfly


تحياتي :mimo:

الفيلسوفة 09/09/2007 21:25
اقتباس:
كاتب النص الأصلي : butterfly (مشاركة 738101)
3. تركوني بدي بطل :
ميزاتو
كل ما دق الكوز بالجرة .. ما في شي منيح .. المستوى متراجع .. الادارة ما منيحة .. اخوية ما عادت تعنيني
بدي روح .. بدي بطل .. ما عاد بدي اكتب ..
باي باي اخواتي .. باي باي حبيباتي .. رح اشتقلكن :lol: اوووووووووووووبس ما منلاقيه ألا مآنسنا ومنورنا ... :ss:

كيف تتعامل معو :
إذا بيهمك أمرو .. وبدك ياه يضل .. كل مرة أكدلو أنو هوي كتير مهم .. وبقائو كتير مهم .. وأقنعو أنو هوي الأساس والأمل .. لهالشعب الأخوي المسكين
إذا ما بيهمك .. يفضل تقلو ... " الله معك " .. ويبقى لا تعيدا

:fthink:
تسالي هالصنف..:lol:

اقتباس:
متابعه :lol::lol: ..
سيم سيم ..

BL@CK 09/09/2007 22:35
انخفض مستوا الموضوع مرسيلتو ..

بأول شخصيتين .. كنتي عم تحكي عن شخصيتين أو تنين ..

بعدين صرتي تعممّي . :x

خصصي يستر عالملايكي .. :lol:


الساعة بإيدك هلق يا سيدي 06:20 (بحسب عمك غرينتش الكبير +3)
الصفحة 1 من 10 1 2345678910 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05055 seconds with 10 queries