|
هل تؤيد رداً عسكرياً سورياً على الأختراقات الأسرائيلية
متل ما سمعنا كلنا من كم يوم اخترق الطيران الأسرائيلي الأجواء السورية عن طريق البحر للأجواء التركية و من بعدها دخل للأراضي السورية من منطقة تل أبيض التابعة لمحافظة الرقة و دخل الطيران مخترق جدار الصوت و ردت عليها المضات السورية ( وطبعا ما صابتها ) و طلعت بعد ما رمت عدة قذائف ما صابت فيها شي ...
سوريا ( و كالعادة ) ردت أنو نحتفظ بحق الرد .... و بتحذير للحكومة الأسرائيلية ... طبعاً شو الهدف السياسي من ( الأحتفاظ بحق الرد ) ما بعرف بس انت كمواطنين سوريين و بتغاروا على بلدكن و بيهمكن أمر البلد و الي بيصير فيه بتأيدوا أنو سوريا ترد بعمل عسكري على اسرائيل ؟ |
انا ما بحب خبي شي
بدنا الرد .. وبدنا الرد |
انا اويد بكل جوارحي برد عسكري ساحق لا ينتهي الا اما بتدميرهم نهائيا او تدميرنا نهائيا واكتر من القرد ما مسخ الله وخليون يروحوا يخ؟؟؟
|
اعتقد ان الرد يكون يصاروخ بعيد المدى ذو راس غير متفجر الى صحراء النقب وقرب مفاعل ديمونا -----سيكون ابلغ رد بأن الصواريخ السوريه قادرة على ضرب كل بقاع فلسطين المحتله ----حيث ان سلاحنا الجوي ذو فاعليه اقل للوصول الى هناك--------مبدا الرعب المضاد انجح سلاح مع هؤلاء السفله
|
اول الشي خيو ساسوكي انت متأكد انو اذا نضرب صاروخ طويل المدى على اسرائيل رح يوصل لهدفو؟
بعدين شو يعني الاحتفاظ بحق الرد؟ يلعن ديب هالجملة اذا الواحد بيقدر يفهم منا شي! بس اعرف شو هوي هادا الحق بصير ققدر قارن بين الخيرات مع انو حاليا انا مع انو انطنش طالما الشغلة اسا ما صار فيا ضرب فبلا وجعة هالراص احسن بحياتو ما طلع حدي ربحان من حرب |
التعقل هو الآن افضل حل برآيي وما في داعي لاي رد عسكري حالياً لانو الموضوع فيك تاخدلو مثال من حالك يعني اذا كان عندك واحد نزق و مدعوم وشلفك حجر بس ماصابك انت مبدئياً بتشكيه لاهله او للشرطة واذا عاد عملها بتبقى بتشوف كيف ممكن تكسرلو ايدو منشان ما يعيدا
ومنشان انو مو اول مرة بيعملا مظبوط بس لا تنسى انو ابن خالتك الصغير (حزب الله ) فقعو قتلة لحالو نصها موت يعني عم بيحاول انو يرد شي من اعتبارو وماظبطت معو حلو المثال :p:D |
اقتباس:
أكتر جواب عقلاني لحد هلق ولو مو كامل بس احسن شي |
اقتباس:
والله لو طالع بايدي لحطك مستشار امن قومي:larg::larg: يعني هالعدو لا يفهم الا لغة القوة ... |
كم مرة يعني لازم نحط عالجرح ملح ونسكت كل مرة يا منحتفظ بحق الرد يا منشتكي لعصبة الامم الامريكية والشغلتين ماننون ملا فالرد العسكري احسن حل برايي
|
اقتباس:
|
سوريا والرب حاميها ------اقرا ردي السابق بتمعن
|
اقتباس:
سوريا والاسد بالدم نفديه ----------- اذا ربعك جنوا عقلك ما عاد ينفعك لا ننام على ضيم انت معي في كل ما قلته وكلام العقل مو كثير بيجيب نتيجه مع السفله سابقا تريثنا بسبب قله الحيله بس ما نسينا كان لنا اعداء من اشباه الرجال اكثر من اسرائيل حزب الله ترك علامه على جبين اسرائيل وانصاف الرجال بعقيدته فقط --وتحيه لك |
الله يقدم اللي فيه الخير:D
|
اقتباس:
يعني شغلة الرد هيبتوقعي شغلة مستحيلة متل ما التلج مستحيل انو ينزل بقطر .. وطبعا مافي غير الكلمة المعهودة (رح نحتفظ بحق الرد ) الللي صلي من صغري بسمعا كل ماطارت شي طيارة اسرائيلية فوقنا او عملت شي هالجملة بتنقال ودائما حاضرة ... انا بس السؤال اللي بعن على بالي دوما .. انو صار كم حق رد صرنا مجمعين ؟:o على كتر ما احتفظنا بحق الردود صار عنا كومة منن هدول ؟ ايمت بدنا نصرفن :lol::lol::lol: |
اقتباس:
|
لا لا لا بلا ما يكووووووووون في رددددددد..بلاش رد عسكري نحنا مش ناقصين!!
تحياتي :D |
هلئ انا صوتت للرد العسكري مع انو مارح يصير ومارح يكون حل المتبع
هلئ انو انطنش احنا كمواطنين مافينا انطنش وبدنا نحكي ونقول لايمت حق الرد والرد السياسي متل الي عم يضحك على حالو مافي مين يسمع وبالاساس مافي سياسين يحكو ويوصلو لنتيجة مع مجلس الامن .. والحل العسكري مكلف للشعب السوري ومارح يكون بالساحة غير الجيش السوري بمواجهة تحالف اكتر من قوى (امريكا بريطانيا....) وبجميع الاحوال شو ماكان الرد اللي محتفظين فيه ان كان سياسي او عسكري فاحنا مطنشين وحق الرد صار متل المبادئ القومية الثابتة ع طول بنحتفظ بحق الرد ومن بعدو التطنيش |
العمل العسكري الفاشل اللي قامت فيه الجهة الصهيونية هوي دلالة عن ضعف العامل السياسي و الفكري لدى الدولة الصهيونية ، والرّد بنفس المستوى هوي عبارة عن ضعف لأنّو رح نساوي نفسنا بهالحثالة الصهيونية السخيفة اللي أفلست جهودها السياسية و الفكرية في اقناع الفكر الواعي داخل اسرائيل أولاً و في الوطن العربي ثانياً وفي العالم ثالثاً ...
الفكر الانساني لا يقبل الرّد على هكذا أعمال سافلة بمثلها ... أنّما رح يكون الرّد بشكل أرقى و أكثر فاعليّة انشالله وبرأيي نحنا عنّا كتير سبل للرد و بشكل فعّال و مناسب مشكور ع طرحك للموضوع :D |
اقتباس:
لاحظ أنّو ما حدا جاب سيرة المضادات الأرضية حبيب... كلمة المضادات ما بتعني صورايخ موجّهة من الأرض متل ما منتصوّر ولاحظ كمان أنّو مو بس رمو ذخائرهون و رمو كمان خزّانات الوقود اللي معون ... وهي بالتكتيك العسكري هوي انسحاب و عملية كانسل للعملية العسكريّة ... ورمي الذخائر و الخزّانات في مكان لا أهداف فيه صار مشان عمليّة تسريع الانسحاب .... لأنّو هيك حمل بيأثّر ع سرعة الطيران .. وهون هالشي صار بسبب فشل مخطط العمليّة... |
اقتباس:
منيح انه طلع في حدا شوي بيفهم |
اقتباس:
في كتير محللين عسكريين بالعالم فسّروا العمليّة بهالطريقة ... و ممكن لأي أنسان مضطلع على الأحداث أن يفسّر العمليّة بهذه الطريقة أيضاً تحياتي:D |
بس للتأكيد على حكيك
"وأقرّ مراسل الشؤون العسكرية في القناة العاشرة في التلفزيون الإسرائيلي بأن الطائرات الإسرائيلية فوجئت، على ما يبدو، «بالرد السوري ما اضطرها إلى إلقاء حاويات الوقود تخفيفاً لوزنها من أجل اكتساب قدرة أكبر على المناورة في طريق الفرار من المجال الجوي السوري»." |
انا برأيي لازم نهدي شوي ..لأنو الرد العسكري مانو لصالحنا بهالوقت وخاصة انو بلدنا من البلدان النامية ... ولسا ما وصلت لمرحلة ..انو تقدر توجه ضربة عسكرية بدون ما تخسر خسائر هائلة :larg:
|
اقتباس:
طبعاً هاد مصدر من المصادر اللي حكت مشان اللي بدّو يضطلع ع المصدر - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
معناتو ... طلع في عنا مضادات :cry: ولسا بتقدر تقوصلها كم طلقة
|
اقتباس:
يعني انو حاسك مفكر انو بس نقول حرب كانو عما نقول مشي نروح عالصيد حرب يعني حرب واذا علقت ما بتنطفي بس انو مدري ليش حكيك عما يزكرني بمقولة " ما افصح الق**** حين تتحدث عن الطهارة " ما تاخد المعنى الحرفي تبعي المثل بس انو حاسك بس عما تعيط وتقالتل ومدري شو وانو انتي الله الوطنية وحنا كلنا خونة بنظرك غريب انت يا زلمي:? |
أنا من ناحيتي مع الرد بس لازم ما ننسى انو الرد رح يضيع علينا الورقة السياسية المتمثلة بالأمم المتحدة
كلنا بنعرف انو سوريا أكبر دولة سياسية وأكتر دولة تطلع منتصرة سياسيا وكلنا بنتزكر المشكلة مع تركيا وكيف تدهورت الاوضاع وكانت رح تولع الحرب لولا حنكة القائد الخالد وفكره النير اللي خلى النار تطفى قبل ما تشعل وتحرق الاخضر واليابس وهاد مو جبن هي سياسة فلو كانت قيادتنا تتعامل بالعواطف كانت ولعت الحرب من زمان وكان هلأ نحن بدل العراق خلونا نفكر مين المستفيد الوحيد من الحرب ؟؟ مين يا ترى رح نفترض انو سوريا ردت عسكريا أول صاروخ رح يوصل حدود اسرائيل رح يكون في عشرات الصواريخ واصلة أهدافها بسوريا بحب قلكن انو حزب الله انتصروا لانو حربهون كانت حرب عصابات ( والصواريخ ) الصواريخ يا سيدي كانت تطلق من سيارات وكانت السيارات ما تهدي بمكان أما سوريا فيا سيدي الكريم فكل تجهيزاتها العسكرية حاليا ما بظن تسمحلها ترد عسكريا لانو أي رد مهما كان صغير رح يفتح جبهة ضدنا وكلنا بنعرف من وين رح تجينا الحرب وكلنا بنعرف انو بين اسرائيل وأمريكا مواثيق وعهود علنية وسرية يعني لازم ندرس الامر واذا القيادة قررت الرد عسكريا فرح كون متأكد انو النصر رح يكون قريب أما نحنا فرح نحكي على اللي شفناه وسمعناه أو نعرفو ونحنا - كمدنيين - ما بنعرف 1 % من تجهيزات جيشنا وعتادو يعني من كتر السرية اللي تعتبر نقطة بصالحنا صرنا نعرف أسلحة الدول المجاورة أكتر من أسلحتنا طبعا أنا عم أحكي هالحكي هاد من منظور شخصي و ما الي دراية بالمجال العسكري والسياسي كتير تحياتي |
الاخ handsome بدايه تحيه لك لا شك انك سوري ورضع الوطنيه في المهد --هذا لا خلاف عليه --انما يا صاحبي ليس من المفيد ان نقول شيئا قاله غيرنا للمساس بنا حتى ولو كان من قبيل نقل مقوله او خبر ما ----حاشا لله ان اكون اكثر منك سوريا انت من حمص وتلك قلب سوريا او وسطها -انت تعرف الطابور الخامس يقينا من هم وما دورهم --
حرب يعني حرب واذا علقت ما بتنطفي------يا سيدي وعمرها ما تنطفي ----اعلم تماما ما هي الحرب--وما تعني الحرب -علما يقينيا اعتقد حربين لسوريا اعلمها تكفي في عام 1973 وتحديدا شهر ايار اغار الطيران الاسرائيلي على قريه في محافظتي وقصف منازل ومدرسه وتصدت له مضادات ارضيه ---مدافع 14.5 ملم رغم ان صواريخ سام كانت تحيط بالقريه تماما ولم يطلق صاروخ حتى قيام الحرب بعدها ب خمسه اشهر عندها اسقطت هذه الصواريخ 15 طائرة رايتها بعيني بعدين يا اخي كل انسان عاش في ارض سوريا هو حكما سوري وطني -----لتعرف لما كا ن ردي حادا -ادعوك لفتح موقع العبريه (العربيه)ولتعلم ما يقوله الخونه والسفله - تحيه لك وارجو ان لا تفهمني غلط اشد على يدك وانا سوري اه يا نيالي |
لا طبعا قبل ان تحسن سوريا صورتها لدي اهل فلسطين في الضفة وغزة ان ما يفعله الاشقاء السورين بإحتضانهم للمدعو خالد مشعل وزمرته امرلا نفهمه
ارجو الا تستغربو مني لكن انا حزين جدا على صورة سوريا في بلدنا فهي قاتمة جدا يا اخوتي ان النظام السوري لا ادري اكان بقصد ام بغير قصد طالما ظل يغطي على جرائم اولئك القتلة فلن يكون مرحب بأي عمل من جانبه ضد الكيان الاسرائيلي ولن يقتنع الفلسطينيون بذلك ارجو ان تعذروني فمن في النار ليس كمن في الجنة اقصد اننا نعيش في ظل قتلة لا تعلمون مدى حقدهم على الانسان وكل شيئ ينطق بالعقل وكيف انهم يستلذون طعم الدماء وطعم التعذيب لق شرخو كل البنى الاجتماعية في وطننا داخل البيت الواحد الاخ لا يأمن اخيه فهو مغسول هقله والفتوا جاهزة للقتل على اتفه الاسباب انا اعتزر لكن هذه هي الحقيقة |
اقتباس:
أما خالد مشعل ما دخلك فيه لأنو هي أمور أعلى من مستوى تفكيرك الضحل إنت تفكيرك لازم ينصب على هدف واحد !!! كيف بدك تقتل شي عنصر من حماس و بسسسس مشان الصورة القاتمة لسوريا ... بيشرفنا تكون صورتنا قاتمة عند أمثالكن طالما إنتو ما بتشوفوا بالأساس ;) |
لا تعليق
|
:mad::mad:
اقتباس:
|
تذكّروا
الحرب يا جماعة كما أعلم و أنتم تعلمون : تعني نسف لعملية السلام .. تعني اشعال فتيلاًَ جديداً في المنطقة ... تعني متابعة المخطط الصهيوني اللذي رسم للمنطقة بعد أن فشل و توقّف في العراق ... تعني و تعني ... والقائمة تطول وبالنّهاية... تحقيقاً لأهداف الحركة الصهيونيّة المنتشرة في العالم واللتي تتّخذ الحرب وسيلة لتحقيق مبتغاها في السيطرة على الانسانيّة في العالم و نهب ثرواتها ... |
ينعن اخت اسرائيل ضربوها صاروخين لعنو ابوها:larg:
سوريا الله حاميها:gem: |
اقتباس:
بكل الأحوال هادا مو موضوعنا اذا سمحتلنا يعني .. الموضوع ( سوري - سوري ) بقى بعتقد فيك تعمل موضوع خاص باحتجاجك على السياسة السورية اتجاه القضية الفلسطينية الي كرهنا حياتنا كرمالها و تشوف ردود الأعضاء عليها :D |
اقتباس:
تفكيرك الضحل أمثالكن ما بتشوفوا بالأساس تذكر يا اخي الطيب انه :- لا ترمى بالاحجار {و ضربو ــ تفكيرك الضحل ــ أمثالكن ــ ما بتشوفوا بالأساس }إلا الأشجار المثمرة كلامك جارح |
اقتباس:
أكيد كان المخطط الأسرائيلي غير هيك و كان في خطة أكبر على ما أعتقد ... التعتيم من كل الأطراف على العملية كان مقصود وكل طرف كان ناطر الطرف التاني ليعلن عن العملية ... لاحظ أنو الموضوع صار الساعة 1 ليلاً وما انذاع للأعلام للساعة 2.5 عصراً يعني أكتر من 14 ساعة من التحليلات و التفسيرات .. هروب الطيران الأسرائيل كان واضح بعد المضادات ولو ما كانت فعالة .... أصلاً الدخول كان بسرعة ( خترقة جدار الصوت ) و تقبل تحياتي ياغالي :D |
نحنا من 34 سنة ..... عم نحتفظ بحق الرد
بكون هلأ عفّن و طلعت ريحتو |
اقتباس:
|
اقتباس:
اقتباس:
اخوتي الاحبة لم يكن في بالي ان الا كل خير لسوريا ولشعبها ولكن يبدو ان البعض قد توقف عن مطالعة الامور منذ وقت بعيد ما يحدث في غزة اجرام لكل الانسانية جمعاء ان هتك عرض المصلين واهانتهم في الشوارع وفور انتهاء من صلاتهم لهو اشد انواع الحقد البشري الاعمى والدفين و انني لا احترم احد بقدر ما احترم الدكتور بشار ولانني احترمه فإنني اصدقه القول فيا ايها الاخوة من يريد ان يشن الحرب على عدوه عليه ان يحشد لها الدعم البشري على الصعيد الداخلي نحن كفلسطينين وعلى الصعيد الخارجي العربي انا صادق القول تعرفون ماذا يطلقون على حماس في الشوارع { القتلة } اما عن الصورة فيا اخي العزيز صياد الطيور انا ابن غزة ولا تاتي لي الصورة وانما اشاهد واقعا اليم يحز في النفوس ارجو ان تتابع ما حدث في غزة اليوم وتقول لي رأيك وانا على استعداد لمناقشتك |
| الساعة بإيدك هلق يا سيدي 08:56 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون