|
الحزب القومي السوري الاجتماعي
ما رايكم بالحزب القومي السوري بعد تعديل بسيط عليه وهو عدم دمج الدول المجاورة له وبقاء سوريا الام فقط والسوريين به فقط؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟:jakoush:
|
ما في داعي لأي تعديلات ..
بس يرجعو لحكي أنطوان .. بصير الحزب ما في منوه .. |
يعتبر الحزب أن "السوريين أمة تامة" و أن "القضية السورية قضية قومية قائمة بنفسها و مستقلة عن أي قضية أخرى" أهداف الحزب الأساسية تتمثل في النهوض بسوريا الطبيعية بكل المجالات و توحيدها لأنها تشكل وحدة جغرافية واحدة لها اسم تاريخي هو الهلال الخصيب. تشير عقيدة الحزب السوري القومي الاجتماعي إلى أن الشام (الجمهورية العربية السورية) و لبنان و فلسطين و الأردن و العراق (حتى الكويت و الأحواز) و أطراف جغرافية أخرى مثل سيناء و قبرص و كيليكا و هضبة عينتاب هي وحدة جغرافية واحدة تضم أمة واحدة فُرِّقت بقرارات استعمارية.
حددت المادة الثانية من دستور الحزب المبادئ الاساسية له وهي ثمانية: المبدأ الاول: سوريا للسوريين والسوريون أمة تامة. المبدأ الثاني: القضية السورية هي قضية قومية قائمة بنفسها مستقلة كل الاستقلال عن أية قضية اخرى. المبدأ الثالث: القضية السورية هي قضية الأمة السورية والوطن السوري. المبدأ الرابع: الأمة السورية هي وحدة الشعب السوري المتولدة من تاريخ طويل يرجع إلى ما قبل الزمن التاريخي الجلي. المبدأ الخامس : الوطن السوري هو البيئة الطبيعية التي نشأت فيها الأمة السورية وهي ذات حدود جغرافية تميزها عن سواها تمتد من جبال طوروس في الشمال الغربي وجبال البختياري في الشمال الشرقي إلى قناة السويس والبحر الأحمر في الجنوب شاملة شبه جزيرة سيناء وخليج العقبة, ومن البحر السوري في الغرب شاملة جزيرة قبرص, إلى قوس الصحراء العربية وخليج العجم في الشرق ويعبر عنها بلفظ عام، "الهلال السوري الخصيب" ونجمته جزيرة قبرص. المبدأ السادس: الأمة السورية مجتمع واحد. المبدأ السابع: تستمد النهضة السورية القومية الاجتماعية روحها من مواهب الأمة السورية وتاريخها الثقافي السياسي القومي. المبدأ الثامن: مصلحة سوريا فوق كل مصلحة. وقد انتهج الحزب سياسة علمانية بتركيزه على فصل الدين عن الدولة و منع رجال الدين من التدخل في شؤون الدولة، وسياسة اجتماعية اقتصادية تضعه في يمين الوسط بمحاربته الإقطاع ودعوته لتنظيم الإقتصاد القومي على أساس الإنتاج لصيانة حق المجتمع والدولة. |
رغم اني من انصار الشيوعية الا انو حبيت ابدي رأي بالحرز السوري القومي الاجتماعي
اقتباس:
اقتباس:
هاد كلام ما عجبني بصراحة يعني يا اما امة عربية متكاملة يا اما اقليم عربي متكامل متل اقليم بلاد الشام ( الجمهورية العربية السورية ) اي : سوريا - لبنان - الاردن - فلسطين اقتباس:
هي أحسن شغلة اقتباس:
كمان جيد وقريب عالشيوعية بس مو كتير طبعاً بس أحسن من الرأسمالية ! |
وهي صورة لعلم الحزب
 |
الله يسلم ايديك يا غالي بس مع هيك انت لسا ما جاوبت عالسؤال شو رايك قبل ولا بعد؟؟
|
انا ضد انو تكون سوريا الام لحالها ( يلي هي الجمهورية العربية السورية حالياً)
انا ضد المبدأ الخامس ( اقراه فوق ) انا مع ( الجمهورية العربية السورية ) اي : سوريا - لبنان - الاردن - فلسطين |
[quote=Zero_Cool;736841].
حددت المادة الثانية من دستور الحزب المبادئ الاساسية له وهي ثمانية: اقتباس:
اقتباس:
اقتباس:
الله أكبر :clap: اقتباس:
كلام منطقي وعقلاني :clap: اقتباس:
لاأظن أن تلك الحدود منطقية في الوقت الحالي !!! اقتباس:
كلام لاغبار عليه ... الأمة السورية أمة واحدة على أختلاف أطيافها وأديانها ومعتقداتها :clap: اقتباس:
كمان كلام منطقي لاغبار عليه :deal: اقتباس:
:clap::kissyou: أبوس روحو اللي كتب هالفقرة اقتباس:
بس لولا بعض النفسيات الحقيرة التي مرت علي من قبل بعض الناس المنتمين لهذا الحزب :jakoush: لكان الحزب بأحلة طلة :clap: |
اقتباس:
|
اقتباس:
على مايبدو ان سبب التعديل هو الاوضاح الحالية والاوضاع السياسية وفقدان الأمل بتوحيد بلاد الشام ( سوريا , الأردن , لبنان , فلسطين ) !! |
لا .. غلظ .. بيصير اسمو بعدين
الحزب الوطني السوري بعد عشرين سنة ..... بنعدل تعديل تاني بسيط .. وبنقول الحزب فقط في حمص فيصبح الحزب الحمصي السوري ال********** النجم احرف لا معنى لها اذا صار هيك تعديل يعني انتسف الحزب من اساسه ... بعدين كيف بدو يصير مؤسس الحزب من خارج بلاد الحزب .. ععني ليصير التعديل لازم نطرد انطون سعادة من الحزب |
اقتباس:
اقتباس:
|
اقتباس:
و الله كنت بدي ادخلو ....بس كرمال الشقيقة قبرص  |
لأ طبعاً لانو سوريا الطبيعية والتي تشمل العراق والاردن ولبنان وفلسطين ( هلق قبرص بالتحديد ما شايفا لازمة ) وسوريا طبعاً تشكل دولة متكاملة بمعنى الكلمة وقيمونا من هي الوحدة العربية
بالنسبة لقبرص انا بعتبر انها هدف غير قابل للتحقيق بس موافق من ناحية الفكرة لانو اي مشروع لازم يضل في هدف بعيد وصعب المنال منشان استمراريتو ولو ما تم تحقيقه (وجهة نظر خاصة بحتة)يعني بتضل هي الهدف البعيد الذي تتحقق دونه جميع الاهداف و يبقى هو الحلم و الدافع:D |
انا كان قصدي من السؤال هو انو عنجد فينا نحنا كسوريين نكون حزب مستقل اسمو الحزب الوطني السوري متل ما ذكروا الشباب بس يكون هادا الحزب لسوريا الحالية بس بدون العرب بدون اي شخص اخر بس السوري حتى نبلش نركز بشكل اكبر على بلدنا ونصير الامة السورية بس بدون الامة العربية
|
هههههههههههههههههههههههه
عن جد ضحكتني مو معقول شو بتحب الكوميديا شو هالسؤال النكتة بتعرف انه هي بيطير فيها رقاب يعني هيك كلمة بتغير تاريخ أمة وتاريخ ناس قدمت روحها ودمها كرمال يوصلوا للحظة يقدروا فيها يرسموا مستقبلهن بإيديهن ويكتبوا تاريخ جديد لولادهن ولأهلهن |
اقتباس:
|
اقتباس:
اذا انت جديد وما بتعرف هدول العالم اللي قدموا دمهم واللي قضوا نص اعمارهن ملاحقين والنص التاني بالسجون واذا انت هلق وعيت لما الأمور اتغيرت شوي واذا ما بتعرف الفرق بين الشعوب وبين الحكومات "الشئيئة" فياريت اول شي تشيل الصورة الشخصية اللي حاططها لأنه ما بتكون بتستاهل تحطها وتاني شي ما تفتح مواضيع عن شي ما عندك خبرة فيه . |
وطواط ... لك افحمتو
اي افحمك .. شو بدك ترد .. بدل الصورة الشخصية فورا .... هي نصيحتي |
اقتباس:
|
اقتباس:
على فكرة هلق اتأكدت انك مو عرفان عن شو عم تحكي ولا عرفان شو هو القومي السوري مين اللي قلك انه في بالحزب شي اسمه وحدة عربية انا اللي مو قومي سوري بقلك انه الحزب بيؤمن بالأمة السورية ضمن عالم عربي وعلاقات مميزة مع امم العالم العربي وهلق برجع بقلك مرة تانيه انه شيل الصورة احسن وحكيي واضح فوق ارجع اقراه بتفهم عن شو عم احكي بس بيني وبينك مو أكيد انك رح تقدر على كل حال موفق |
اقتباس:
الحزب القومي يحوي اكبر نسبة من المثقفين ... في طريقنا الى الوحدة الكبرى .... نحي الحزب القومي السوري |
حبيبي كل واحد الو قناعات خاصة بكل موضوع بس انا برايي انو القومية السورية هي اهم شي حاليا نحنا خلينا ندور عالقومية السورية الضائعة بعدين لكل حادث حديث نحنا دائما منحط هدف بعيد بس بحياتنا ما حطينا هدف ابعد بعدين انا ما عم قول انو بالحزب في قومية عربية هي فكرة شخصية بعدين اللي قصدتوا بانو ما فهمت عليك شو بدك لانو جوابك ما كان الو علاقة بسؤالي
|
بعدين اذا برايك انا ما عندي فكرة عن الموضوع يا ريت تساعدني وتعطيني فكرة حتى تتوضح عندي بشكل اكبر بما انو الواضح انو انت عندك فكرة اكبر
|
اقتباس:
|
الوحدة شي عظيم ولو بين دولتين .. طبعا بدا تبلش بين دولتين او تلاتة .. وبعدين بتتوسع ..
لحتى يبقى النا وجود .. لازم نتوحد .. لو الوحدة بقيت بين سورية ومصر من خمسين سنة ..كانت الامور غير شكل ... يعني ب ال 67 كان ممكن التنسيق بين الجبهتين ينهي اسؤائيل ب 73 كان ممكن استثمار النصر بشكل جيد لو توحدت الجهود الدبلوماسية .. وقيس على هالشي لو توحدت سورية الطبيعية من الاربعينات .. فتخيلوا اديش كانت ممكن سورية تكون قوية |
اقتباس:
و لا من بعد ما ركبت دش ...... نسيت أفضال السيغما عالخلق |
اقتباس:
لك بشرفي انت واحد ازعر :o لساتك ذاكر السيغما :lol: لا والله يا حبيب لا نسيت السيغما ولا ال LTV هدول كانو سمة مميزة باوائل التسعينات بالساحل السوري عندما كانت جميع الانتينات تتوجه باتجاه واحد هو قبرص في تمام الساعة الواحدة الا ربع ليلاً :o:lol: |
الحزب القومي السوري الاجتماعي
هو عبارة عن نسخة طبق الاصل مع بعض التعديلات الطفيفة للنازية الهتلرية (بما يتوافق مع منطقة الشرق الاوسط ) ومتل ما كان هتلر هو الامر الناهي وهو يللي حكى والفوهرر هيك قال والفوهرر هيك تصرف كمان القوميون السوريون ... الزعيم هيك قال والزعيم هيك تصرف والزعيم هيك ساوا اما نهفة انتو ..... يعني مافي غير الزعيم بفكر ... ومافي غير الزعيم يللي بيتصرف ... طيب وينكون بعد الزعيم ؟؟؟ شو ساويتو ؟؟؟ وليكون هلأ منشقين على بعض نصفين .... قسم معارضة وقسم موالي ... تسالي:larg::larg: |
اقتباس:
و لساك ذاكر الموعد تماماً |
اقتباس:
وعلى فكرة حتى هلأ قبرص الها افضال بعد ما ركبنا الدش نسيت قمر Serius ???? كأنو قبرصي ما ؟؟ والهاستلر تابعة الو خخخخخخخخخخ هلأ شباب بس هيك حبينا نغير جو شوي بس لتبعدك عن المشاكل خلص خلوكون حبايب وما ضروري يصير مشاكل متل بأي موضوع نقاش بالاخوية ! طووووولو بالكون |
اقتباس:
ممكن تفسرلنا أكتر الفكرة واذا اساسا فكرتك يلي طرحتها فينا نسقطها على غير الحزب القومي السوري يعني مثلا فينا نسقط حكيك على حزب البعث العربي الاشتراكي ..... مع الفروق بين العقيدتين ... تحياتي :D |
اقتباس:
|
اقتباس:
هلق اول شي استغربته من ردك انه مكتوب تحت اسمك منسق يعني المفروض انه يكون عندك شوية اطلاع تاني شي استغربته عدم المعرفه الواضح بردك بالحزبين اللي عم تحكي عنهن يعني واضح انك ما بتعرف شو هو الحزب النازي ولا بتعرف شو هو الحزب القومي السوري والمشكلة الأكبر انك عم تقارن بيناتهن اما المصيبة العظمى انك بتسأل شو عملوا لهلق ووينهم وليش هنن منشقين يعني كمان فوق كل اللي حكيته فوق كأنك ما بتعرف تاريخ المنطقة او عم تتجاهله وما بتعرف الظروف اللي مروا فيها كل احزاب المنطقة كنت اتمنى انه لما ارجع لهون شوف مستوى ردود متل ما كانت من زمان بس للأسف كل اللي شفته لهلق مو كل هالقد وطبعا بتمنى ما تعتبر آخر سطرين الك هنن بس تعليقي على كل شي عم اقراه من اول ما رجعت بكل المنبر وعلى كل حال بتمنى ترجع تراجع افكارك وترجع تقرا اكتر شوي وتتطلع على الأحزاب الموجودة حتى لو ماكنت مؤمن فيها |
اقتباس:
|
اقتباس:
|
اقتباس:
اقتباس:
بالنسبة للوطواط رح جاوبك عن شي يلي هوة مستوى النقاش بأخوية مو دفاعا عن اخوية بس المنتدى اتسكر فترة طويلة ةتحارب كتير وغالبية اعضائو يلي ممكن تناقشهم .... حاليا بلا مانحكي وين والباقي قرفان تاني شي استنى رد الاخ كوستا لنشوف شو وجهة نظرو تحياتي الك ولكوستا :D |
والله صعب يا غالي بس اول شي كنت متعجب بعدين فرحت وتحياتي الك يا غالي
|
اقتباس:
اولا تحية لك ثانيا صديقي انا لم اهاجم أخوية او حتى الأعضاء انا تحدثت عن مستوى الردود التي رأيتها منذ عودتي وحتى مستوى المواضيع وطريقة النقاش ثم انا اعرف انه تم اغلاق الموقع فأنا كنت هنا من قبل ان يتم اغلاقه ولكن هذا ليس بعذر ولو احببت ان اعد لك مجموع ما اتكلم عنه وما رأيته فأنا جاهز وبإنتظار الرد |
اقتباس:
|
| الساعة بإيدك هلق يا سيدي 11:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون