|
بعيدا عن التنظير الديني:هل حياة بعد الموت؟
أخواني:
أرجو إعطاء آرائكم حول هذا الموضوع بعيد عن منظور خلفياتكم الدينية.. هل في حياة بعد الموت؟ وكيف تتوقعونها؟ |
"للملحدين واللادينيين فقط"
|
اقتباس:
|
اقتباس:
بدون جلي و رحنا بعدا بشي سفرا و استغرقت السفرة شي 4-5 ايام ورجعنا بعدا عالورشة و نحنا بدنا هالفناجين و نجليهون و الا بقلي خالي ليك هالعفن اجو محل طحل يلي بقلب قلب فنجان القهوة سبحان الله و بيقولك انو ما في الله العفن شو هو؟ كائن حي اما الطحل هو عبارة عن بن محمصينو و حارقينو و غالينو بقا خلاصة الكلام من الميت يتحول لحي و الحي يتحول لميت و ترى هالموضوع حكيو ما بيخلص و شكراً |
متل ما بيقولو بالحلبي
هئ و شئ و لئ و صعب و شاتين .. :lol: |
لأ ... :sick:
|
اقتباس:
بس في عالم بتحب تعيش الى الأبد الأبدين |
هو يا ريت لو كنت بعرف اذا في ولا مافي.
بس توقعاتي. انو تسوء مافي. يعني بس تموت بتموت. بس بكل الاحوال عيش حياتك عالارض. اذا طلع في جنة, بكون انبسطت بحياتك هون. اما اذا ما عشت حياتك, وطلع مافي جنة. والله مو رايحة غير عليك :lol: |
اقتباس:
ما كلُّ ما يتمناه المرء يدركه .... تجري الرياح بما لا تشتهي السفن :cry: |
اقتباس:
بعيدا عن الخلفية الدينية و الفلسفية لا دليل مادي على هالشي .... |
بعيدا عن الحكي الديني لا لا مافي
|
بس موت بقلك
|
طيب اذا رايكن انو ما في حياة بعد الموت شو قولكن بصير بالروح يعني بتتيخر ولا بتفكرو متل الهندوس انو بتنتقل لكائن تاني؟؟؟؟؟؟
اكيد في حياة تانية بتكون نتيجة حياتنا بالدنيا |
اقتباس:
|
انو ما بعرف كيف ممكن تفصل التفكير بأنو في حياة بعد الموت عن المنظور الديني!
ماهي الديانات هي اللي قالتلنا انو في حياة بعد الموت..على كل حال حتى لو ما كان في الله (استغفر الله العظيم) بس انو اكيد في حياة بعد الموت لاني بآمن بالغموض والاشيا الغريبة وهيك :lol: وصراحة انا بستغرب من ناس ما بآمنوا بالله وبقلولك انو ما في شي اسمو الله وانو ما خلق الانسان من تراب..الخ مع انو لو بتطلعوا شوي حواليهن ولو بتمعنوا بموت الانسان بعرفوا انو بتصير العملية العكسية لخلق الله..يعني ربنا اول شي بخلقنا من تراب ومنكون اجسام هامدة بعدين بنفخ فينا الروح..ولما منموت بتصير العملية العكسية بتطلع الروح مننا ومنصير اجسام هامدة وبعدين منرجع للتراب! يعني ربنا خلقنا من التراب ورجعنا للتراب..كتير أمثلة بسطة من الحياة بتأكد على وجود الله! نحن بحاجة الله والله ليس بحاجتنا :hart: تحياتي :D |
و انا كمان لـ جرب بقلك ...
ما عندي توقعات ابداً لهل شي .. بس غاسل ايدي حالياً من جنة و الجهنم .. بيجوز تكون قهوة .. بيجوز يكون مثلاً بار .. بيجوز تولد بـ داخل شكل جديد .. لو كنت بعرف كنت رح قلك .. |
اقتباس:
طيب .. الله مو بحاجتي .. ولا بحاجتك ولا بحاجة كل البشر ولا بحاجة الأنبيا ولا بحاجة ولا شي اوك .. ممكن تقوليلي لو كنتي انت بمحل الله .. و عايشة بهل كون لحالك .. شو كان رح تساوي ؟ ما بتموتي من العجز .. طيب .. في الله .. لشو الله اخترعنا .. انو بالله .. لشو يعني ؟ حدا يجاوبني جواب بسيط و منطقي .. مدام مانو بحاجتنا .. لشو الله اخترعنا .. ابسط سبب و اقنع سبب ( صدقاً ) أنو لـ يتسلى فينا .. يا أما مافي الله |
مابعرف سؤال بحير كتير ..
بس متل ماقلت بعيد عن الدين من وجهة نظري ماعندي اي دليل مادي على هالشي فمشان هيك مابقدر قلك اي لانو ماعندي دليل انو في حياة بعد الموت (مادي) مع ذلك عايش على امل انو في وادعــر ياداعور ادعــر :larg: |
اقتباس:
ما بعرف..ما رح اقدر اقنعك ولا انتي رح تغدر تقنعني..بس عنجد كلشي بالوجود بدل على الله..انو لازم يكون في قوى خارقة وجدت هالشي اللي اسمو عالم! لكان من وين اجى؟ اي كل النظريات العلمية اللي بحكوها ما اقنعتني! ما في شي بيجي من الفراغ!! تحياتي :D |
اقتباس:
|
شوف أخي انا رح جاوب رايي بس لازم نميز بين الحياة والوجود
بعد الموت في وجود اكيد بس السؤال هو انو كيفية ادراك الوجود بعد الموت يعني متل ما بيئول عمك شرودنجر (صاحب اجمل تفسير لتاريخ وجود الكون برأيي) أنو أنا في كل مكان يعني الكون لحتى يكون موجود لازم يكون في حدا يدرك هالكون فبالاعتماد على المذكور سابقا هو شو الية الادراك بعد الموت اما موضوع الحياة نفسها ماعندي جواب لأنو ممكن بعد الموت تنتقل لمرحلة الجمود الا ازا كنت قادر على الادراك و تكون مدرك من المحيط وموضوع يتطلب نقاش Face to Face |
اقتباس:
|
اقتباس:
|
اقتباس:
اقتباس:
اقتباس:
اقتباس:
أنو .. ليك ولله انا خلقتكون تعو مسحولي جوخ ؟ طيب انا قلتلك شي خلقنا ؟ انت يلي خلقتني .. هاد ذنبك .. ما بدي مسحلك جوخ ... عجبك عجبك ما عجبك .. عمل delete للهل كون و نزل كون جديد .. بركي بيتلطو ظراف اكتر مننا اقتباس:
|
ما بعرف عنجد ما رح تقدر تقنعني انو ما في الله..يعني الشعور اللي بشعرو لما بصلي شعور الطمانينة والسعادة واليقين بأنو في الله لهالكون..من وين اجى من الفراغ؟!
انا مع الله حياتي افضل بكتير..ومجرد التفكير بأنو لا يوجد اله ما بعرف بس انو بتصيبني حالة من التخبط والحزن! |
اقتباس:
بس انت لما بتصلي .. بتحسي في حدا داعمك .. و واقف معك بكل دقيقة و بيحميكي .. مع انو هاد مجرد احساس .. بس انتي مصدقتيه .. و معتمدة عليه .. و بـ أغلب اوقاتك .. و لما بتعوزي شي .. رأساً بترجعيلو .. و تذكري هاد كلو مجرد أحساس .. بس بتحسي بالراحة النفسية .. مثال صغير صديقتي .. أنا عملتك كاسة عصير .. بعد ما شربتي و خلصتي .. قلتلك انا حطيت بالعصير حب منوم .. انتي رح تصدقينيا .. و نفسياً رح تحكس حالك نعسانة .. لانو هاد الشي اللي كان مفروض يصير .. بينما انا حكت عليكي .. بس رح تتأثري بهل شي وممكن تنامي كمان .. مثال نمبر تو .. اذا حضرتي مسلسل عودة الأصدقاء .. تبع غوار الطوشي ما غيرو .. اخر حلقة .. جمع العالم يلي كانو اكلين حقو و قتلو مرتو .. قللون انا حطيتلكون سم بـ الشراب .. هني بلشو يحسو حالون انو بطنن عما تجعون و هيك .. انو هي كلها امور نفسية .. بتمنى تكون وصلت الفكرة بس مثلاً يعني بتمني يكون فهمتي قصدي |
اقتباس:
يعني مش مجرد فكرة انا اقنعت نفسي فيها..لا بالعكس انا بحس انو هالشي بالفطرة..يعني كمان لو ما حدا قاللي انو في الله..كنت انا بفطرتي رح اعرف انو لا بد من وجود قوى خارقة خلقت هالكون! تحياتي:D |
برأيي......مو معقول نموت و نروح للدود هيك..بلا ما يكون في شي ناطرنا بعدين(انا ما عم جاوبك من منظور ديني)
يعني هلأ في بشر..و حيوانات..نحنا بشر بنتميز عن باقي الكائنات..عنا عقل يفكر لسان يحكي..قدرة عالتخيل..و حتى انو نسال هيك سؤال ما بعتقد انو حياة الانسان بتتوقف عند الموت و خلص..ما في حياة تانية المظلوم مين بدو ياخد حقو....و الظالم مين بدو ينتقم منو اذا عنجد هيك بدنا نموت و بس. قبل كل الديانات الاغريق و اليونان و الفراعنة آمنوا بحياة بعد الموت ***و للي بقولو انو الله ليش يخلقنا و مين طلب منو هالنعم و شو بجبرنا انو نعبدو.. كيف ممكن تكون ممنون لانسان بساعدك..بينقذك من موقف..بدون ما تطلب منو ليش هالشي ما بنقيسو عخالقنا..اقل شي نكون ممنونين الو و مرة تانية (بعيد عن الدين) لما تحس في حياة تانية..بتصير تعيش و تفكر غير و لما بتكون مظلوم و محروم بتعرف انو مصيرك حيتغير طولت شوي انا... بس انشالله كون وصلت شي:D |
اقتباس:
|
اقتباس:
بس يلي بيحترم حالو .. و أكابر .. و بيعرف قيمتو و قيمة الناس يلي حوليه .. ما بيعمل شي منيح كرمال جنة ولا جهنم .. عم يعملو لـ حالو لـ نفسو .. اذا كان الدين بيخلي الأنسان يساعد المحتاج و الفقير .. فـ طز بهيك دين .. وبهيك ناس بتأمن بهيك دين .. |
اقتباس:
شو دخل انو يحترم حالو:shock: انا عم احكي انو تفكيرو بينو و بين حالو.....نظرتو الشخصية للامور و تقديرو لالها صح انت ما بتعمل شي لتنال ثواب(برأيك)بس معقول هيك نضل نعمل منيح و نزت بالبحر;) طيب انت عم تقول:- اذا كان الدين بيخلي الأنسان يساعد المحتاج و الفقير .. فـ طز بهيك دين .. وبهيك ناس بتأمن بهيك دين طيب اذا حدا قلك انو ساعدت و لا ما ساعدت هالفقير كلو واحد...ما الك شي..شو الدافع لتساعدو؟ شو ما كنت طيب و على نياتك و بتحب الخير...الا ما تمل شي يوم(عفرض انك بتحس هالشي نابع منك مو من دين عم يفرض هالشي عليك) و ليش كل العالم عندها هالطيبة و حب الخير:? لولا انو ما عم يستناهم عذاب بالاخرة لو ما مدوا ايدهم للمساعدة....فبحياتهم ما حيساعدو حدا الناس مو كلها واحد هلأ حرفنا مجال الموضوع بس لازم قد ما كنا مختلفين......نحترم اراء بعض.. اديان بعض...تفكير بعض و هي الك:D |
اقتباس:
يا صديقي الدين متل نظام حياة للانسان..مش بس نظام وعمل للاخرة..لا كمان هو نظام دنيوي! على سبيل المثال الاسلام بحثنا نزور المريض ونساعد الفقير بدافع الانسانية والرحمانية والتسامح بينات بعض ولانو هيك نظام حياتنا ودنيانا لازم تكون..اما مسالة الثواب والجنة فهاي للتشجيع على عمل الخير ..وكدفعة معنوية وايجابية للعمل اللي عم نعملو...وانو ما في شي بروح عند الله ببلاش..بس انو الهدف الاساسي للاعمال الجيدة فهي الانسانية والحفاظ على وحدة وتكاتف المجتمع ! تحياتي :D |
هناك حياة بعد الموت وهي حياة رمزية يختص فيها أصحاب العقول الذين قاموا بوضع عصارة فكرهم على الورق ولايمكن أم يموتوا طالما هناك من يقرأ لهم (طاغور ...المسيح..أرسطو ..إلخ..............)لايمكن أن يطالهم الموت
كأني أسمع أرسطو يقول وهو يتناول كأس السم الآن بدأت حياتي الآن ولدت |
ابسط سبب و اقنع سبب ( صدقاً ) أنو لـ يتسلى فينا ..
يا أما مافي الله[/quote] هو الغالب في بس إله غير شخصاني ، يعني برأيي هو قوة مطلقة لا بيحب ولا بيكره ولا بدو حجاب ولا صليب ولا مسجد ولا بودا ولا ابراهيم ولا كعبة ولا كنيسة وبحياتوه ما حكى مع حدى ولا عبى كتب مقدسة ولا عمل رحلات سياحية مسائية لنبي أو حتى صباحية ولا تسامر مع موسى عالجبل ولا كان إله دعوى بيونس لما بلعه الحوت ولا بيزعل من بنات البكيني ولا بينبسط عالدشداشة القصيرة ........... يعني شو هو يا جماعة؟؟ |
اقتباس:
أذا عم تساعدي فقير .. كرمال تعيشي بعدين بنعيم .. فهاد مانو شي كتير منيح .. انا لما عم ساعد فقير .. كرمال انسانيتو .. كرمال الأنسانية .. مو كرمال اطلع عـ الجنة .. كرمال أنو انا لو كنت محل هل بني ادم .. شو كان صار فيني ؟ |
اقتباس:
شايف الأدب عما يشرشر منك شرشرة .. ناقصنا ولاد .. |
اقتباس:
بس بس بفهم من حكيكي أنو كل عمل انساني و عمل خير هوي عمل اناني بالدرجة الأولى ؟ لانو انا عم اعمل هيك .. لانو بدي اخد هيك .. هي بتختلف كتير عن أنو الله محبة .. هي قمة الأنانية .. و بالأنانية مافي محبة .. وهي الك :D |
اقتباس:
انا عم قول الهدف الاساسي لعمل الخير في الاسلام هو لجعل تقارب بين الناس ومحبة ومن دافع اول واخير وهو الانسانية..اما الثواب فهو دفعة ايجابية ومعنوية..بعدين متل ما قالت كيوتي من اول واحد اللي حتى لو بحب الخير رح ييجي يوم ويزهق من الوضع! على سبيل المثال بالغرب كتار ملحدين وكتار ما بآمنوا بالجنة والنار والثواب..اي ممكن يموت حدا بالشارع ويمرقوا عنو وما يعملوا شي! بس برجع وبكرر الاهداف الاساسية لعمل الخير هي المحبة والانسانية! تحياتي :D |
اقتباس:
تحياتي |
بالنظرة العامة لحياة اي انسان فالجواب المنطقي لا
بس كم لاء صارت اي مع زمن وكم اي صارت لاء مع الزمن الموضوع يمكن اكبر من انو ينشرح بكلمتين واكبر من انو نحكي فيه بدنا اخصائيين بس بشو ما بعرف مشكور اخي الغالي:deal: |
| الساعة بإيدك هلق يا سيدي 11:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون