|
عودة قناة الشام الفضائية
رجعت قناة الشام الفضائية بعد توقف دام أكتر من عشرة أشهر هالقناة يللي اشتغلت لفترة كتير قصيرة .... بس تركت أثر كتير كبير عند السوريين هاد التردد Nilesat 11843 H 27500 4\3 |
شكرا
عنجد من زمان ما طلت المحطة لاني حسب ما بتزكر اشتغلت برمضان بعدين خلص ....... مع اني ما كنت احضر الا عليها |
أها رجعت محطة الشام .......... :confo:
يا أهلا وسهلا ظريفة هالقناة لا بأس معو إنو عندي شوية تحفظ عليها ... يعني كان في إلها توجه ديني ملحوظ كتيير مو شوي .... :pos: فنحنا منتمنى إنو تصير في قنوات سورية بتدفع بعجلة التطور في سوريا ولا تغذي النعرات الطائفية و بتشجع التديّن ... على كلّن نتمنى إنو تكون هي القناة بداية تشجيعية لقنوات تلفزيونية حرة و غير موجهة دينياً تفتتح لاحقاً .... و شكرا حبيبنا مادو على الموضوع :D ً |
اقتباس:
ولا قصدك ان برمضان بينقلوا الشعائر الدينية من مسجد بني أمية أو الشعائر الاخرى متل احياء ليلة القدر فصارت متوجهة دينياً !!! |
القناة مهمتها عرض المسلسلات في رمضان و بعد رمضان تختفي على ما يبدو
|
اقتباس:
و الظاهر الشباب الله فتحها عليهم و انتقلوا للمنطقة الحرة أو زبطوا وضعهم |
اقتباس:
بس عموماً أي اعلام خاص حالياً رح يكون محل ترحيب من الجمهور السوري |
يعني قمة السخافة من التلفزيون السوري قناة ما بتفتح غير برمضان حتى ما يصير ضغط عليهم
طيب بيعتقد انوقناتين بيكفو وين القناة السورية التعليمية؟ وين القناة السورية الرياضية ؟؟؟؟ بالفعل تلفزيون فاشل مصر صار عندها سبعين قناة |
شكلا قناة رمضانية بتفتح برمضان حصرا :lol:
|
اقتباس:
رح جرب هاد وردلك الخبر وياويلك ازا كانت منا شغالة:p:p مرسي:D |
يا خيو جربتها طلعت شغالة:clap:
بس.:shock:...فيا إلا غنية وعم تتكرر بس مافي شي تاني:shock: |
اقتباس:
بتوقع تفتح برمضان بشكل نظامي |
اقتباس:
|
ظريفة هلقناة مو ناقص غير يشغلوني فيها
صحيح مادماكس هلأ بجد انتقلت علمنطقة الحرة؟؟؟؟؟؟ اكيد يعني.؟ |
اقتباس:
و بما انها هلأ رجعت للبث يعني عالأرجح انتقلت عالمنطقة الحرة .... بقى هاد استنتاج مو أكتر |
براااااااااااااااااااااااااااااااااااااااااااااااا فو
احلى شي غنية كلنا سوا اللي قدمت المحطة |
اقتباس:
|
هلأ بتشتغل برمضان على إعادة مسلسل الفصول الأربعة وكم مسلسل جديد معه، بعدين بالعيد بيعملوا لقاء مع قصي خولي وكم فنان وبيتلقوا اتصالات المشاهدين (متل السنة الماضية) وبعدها بيومين بتسكر وبنشوف الوشششششششششش وما حدا بيدرى فيها لرمضان 2008 الظاهر هي القناة موسمية :p |
ياماد ماكس باعتبارك صاحب الموضوع .. شو رأيك باتهامات البعض للقناة بانها ذات توجه ديني بحت :shock: !!
هل هالشيء صحيح برأيك !! واذا كان صحيح ياريت تعطيني امثلة |
أحلى اشي بهالقناة انو ما فيها اعلانات .. مو متل ال mbc بين كل دعاية ودعاية في دعاية .. والمسلسل عبارة عن فواصل
يعني ما ضل يغير يقولو أثناء الدعايات "سنعود بعد فاصل قصير من المسلسل" |
اي صحيح هديك المره انا عم قلب بالقنوات شفتا اشتغلت... بس استغربت كيف رجعت .. :?
كان يحطوا عليها غنية كلنا بنقول لكلنا سوا وانا حبيت القناة من ورا هالغنيه الحلوه... شكررا ماد ماكس :D |
اقتباس:
يعني من كل هالمحطة ......ما شفت غير مسلسل بقعة ضوء .......  بس أنو كلنا منحب يزيدو القنوات الخاصة بسوريا |
اقتباس:
|
اقتباس:
|
هلأ صحيح متل ما عم تحكو إنو في عنا تخلف بلتلفزيون
بس خلينا نشوف الراديو الخاص ..... يعني صار عنا إذاعات بتنافس أي إذاعة تانية ... متل المدينةfm وكتير غيرا ... هلشي بيدل على إنو شعبنا ممكن يدير قنوات ويعمل شغلات حلوة ... وبتمنى هلشي رح يصير عن قريب بلتلفزيون |
شاهدت ربع ساعة من بث قناة الشام
لا يوجد الا المسلسلات التي ستبث في رمضان المسلسلات ذات مستوى ولكن هل تقتصر القناة على المسلسلات فقط |
برافــــو..
|
اقتباس:
رح قلكون شو بتذكر شفتو ....:idea: إذا ما خانتني الذاكرة كان يطلعو كتيير من أغاني الأطفال متل يللي بيطلعوها سبيس تون و هي الأغاني يللي بتكون فيها صور لأطفال بنات محجبات مع إنهن لا يتجاوزو العشر سنين ... وصوتها لهي يللي بتغني كتيير بشع و بتجاكر منّو أنا كتييير ..:p و بتذكر كمان كان يطلع كتيير إنشاد ديني و برامج وعظ و هداية و فتاوى و حتى لا يخلو الأمر من مسلسلات دينية بشكل شوي زيادة مقارنة بغيير قنوات :!: بالنهاية هاد يللي بتذكرو و يمكن يكون كلامي كلو صحيح و يمكن يكون في شي غلط ..:? بس إيمتى منلاحظ كمان الفرق لما منتفرج على القناة السورية أكيد فيها برامج دينية بس مافي تركيز على هي النواحي و بعتقد إنو هاد الشي مشهود فيه للتلفزيون السوري .. شو رأيك أخي ماجد بهي النقطة ;) على كلّن بتضل قناة سورية خاصة و على قولة أبو سمرة مرحب فيها من الكل :yahoo: |
في حدا عندو رابط للقنوات السورية عل الانترنيت ؟
:D |
اقتباس:
اشكرك خيو ابو السييم على طرحك السليم لوجهة نظرك:deal: |
ياريت لو سميتها
هجرة قناة الشام بدل عودة قناة الشام بما انها هاجرت على مصر لتقدر ترجع تنطلق |
اقتباس:
لازم ننطر و نشوف برامجها لنحكم بس بصراحة الاعلانات لهلأ ما بتبشر بالخير ..... لأنو يغلب عليها المسلسلات المصرية :sick: |
مسؤولي القناة صرحوا انه رح تكون بس على المسلسلات المصرية او السورية القديمة
وبعض البرامج القديمة للقناة على أن تبدأ بث النشرات الإخبارية بعد عيد الفطر . اقتباس:
بس الأكيد انه مهم من وين عم تبث لأنه شام 2006 غير شام 2007 |
اقتباس:
في كتير قنوات بتبث من خارج بدانها ....و بتكون بتعبر بشكل كتير كبير عن هالبلدان ال mbc مثلا ضلت فترة طويلة تبث من اوربا ..... بس كتير كانت تعبر عن مجتمع الخليج |
اقتباس:
صديقي كلامك مزبوط لما تكون المحطة بلشت اساسا من خارج سوريا بس لما تنطلق من سوريا وتوقف لأسباب غير معروفة وتصبح هالمحطة هي " لغز الأعلام السوري" المشكلة هون انها طلعت ونحنا عم نفتش على انه اللي برا يفوتوا المشكلة انه سكرناها ونحنا عم نفتش على نفتح اكتر |
اقتباس:
|
اقتباس:
اذا هي تعجيزية معناتها على "الدنيا" السلام ;) |
استمرار توقيف محطة شام ومحطات أخرى تنتظر الفرج
في آخر أيام عيد الفطر السنة الماضية، توقفت فضائية «شام» السورية عن البثّ. يومها، كان مقرّراً أن تعرض القناة التي حققت إقبالاً جيداً، أولى نشراتها الإخبارية بعدما عرضت في رمضان أهم المسلسلات الدرامية المحلية بلا حذف. وقد أشيع آنذاك أن الرعب الرسمي من أول نشرة أخبار سياسية، كان وراء المنع. بينما عزت الجهات الحكومية قرارها إلى عدم حصول القناة على ترخيص رسمي للبثّ من المنطقة الحرّة، المسموح للفضائيات الخاصة البثّ منها. وقالت مصادر مقرّبة من وزارة الإعلام إن شركة «عرب» الفنية للإعلام، وهي الجهة المالكة للقناة، ومقرها دبي، حصلت على الموافقة لإدخال جهاز إرسال فضائي لنقل بعض المواد الإعلامية من دمشق. لذا، أعطيت الموافقة للشركة مؤقتاً ولمدة زمنية محددة، غير أن الشركة «تعاملت مع الموافقة، كأنها ترخيص لتأسيس قناة تلفزيونية في سورية». اليوم، ها هي «شام» تطلّ على جمهورها من جديد، لكن من مصر. فما الذي حدث؟ ولماذا انتقلت إلى القاهرة؟ في اتصال مع «الأخبار»، أكد محمد عبد الرحيم، رئيس تحرير قناة «شام»: «أن المحطة انتظرت أكثر من سنة أي توضيح رسمي لسبب إيقاف البث، علماً بأن الرخصة موجودة. وبعد المماطلة، قررنا الانتقال إلى القاهرة». لكن لماذا لم تعط القناة ترخيصاً في دمشق حتى اليوم؟ يستبعد عبد الرحيم أن يعود إيقاف القناة إلى مخاوف سياسية، «فنحن كنّا نبث من داخل البلاد، لذا كان يستحيل أن نجازف في تجاوز الخطوط الحمر. والأهم أنّ المحطة لم تكن تحمل أي أجندة سياسية». ويذهب عبد الرحيم إلى أبعد من ذلك: «يبدو كأن هناك من يريد استنزاف القناة مادياً، لتدمير المشروع أو بيعه لأحد المستثمرين. أنقفنا أموالاً طائلة واستمررنا في دفع الرواتب من دون مردود... لذا انتقلنا إلى مدينة «6 أكتوبر» للإنتاج الإعلامي في القاهرة، بعدما أثبتت حتى اليوم نزاهة في العمل الإعلامي، ووفرت للعاملين سقفاً عالياً من الحرية». لكن هل تتجاوز «شام» الخطوط الحمر في دمشق، وهي تبث اليوم من القاهرة؟ وماذا عن خصوصية فضائية تتوجه أساساً إلى الجمهور السوري بينما تبثّ من بلد آخر؟ يقول عبد الرحيم إن المحطة ستحاول إنشاء مكتب لها في دمشق ـــــ من دون أن يستبعد صعوبة الحصول على موافقة ـــــ لتقديم تقارير خاصة من سورية، ويؤكد سعيها إلى إرضاء الذائقة العربية. المحطة التي بدأت بثها التجريبي قبل أيام، تنطلق رسمياً في رمضان مع الدراما المصرية: «رجل غني فقير جداً»، «لا أحد ينام في الإسكندرية»، «الإمام الشافعي»، «عيون ورماد»، «قلب امرأة»، والمسلسل السوري «سيرة الحب». على أن تبدأ ببث البرامج السياسية بعد رمضان. يذكر أن مصر باتت مقصد الفضائيات التي تواجه عراقيل في بلدانها، فالحصول على ترخيص للبثّ لا يستغرق سوى ساعات. كذلك إدارة «نايل سات» لا تدقّق كثيراً في محتوى كل قناة، ما دام ذلك لا يضر بسياسة مصر الخارجية. أضف إلى ذلك التسهيلات المادية التي تقدمها «نايل سات» ومدينة الإنتاج الإعلامي لأي محطة جديدة. يمكن التقاط القناة على «نايل سات» تردد: 11843(H) - 27500 – 4/3 |
... طب كيف ما بيعطوا ترخيص بإنو يصورو أخبار ومشاهد من سوريا ,,, وبيعطو تراخيص لكتير من القنوات اللي مو سورية ؟
غريبة هي ...:shock: |
سخرية البلد
قناة " شام " تبث من القاهرة .. بأي منطق هذا |
| الساعة بإيدك هلق يا سيدي 14:19 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون