|
سؤال للبنات ويمكن للشباب
السلام عليكم لوحظ في السنوات الاخيرة رجوع ظاهرة الزواج المبكر للبنات  فما رايكم ؟؟؟ ارجوا منكم مشاركتنا برأيكم حتى نعرف رايكم في الموضوع وهذا الخاتم هدية مني اليكم  نتمى مشاركتكم |
يعني انو سن مبكر قصدك؟
تحت25 لما تحت 20 :? ازا تحت 20 مرفوض وازا تحت 25 مرفوض بشدة وازا تحت 50 مرفوض جدا جدا جدا من ناحيتي تحيات: عازف عن الزواج :D |
ما بعرف انا مو شايفه انه في زواج مبكر لانه الشب مو ملائي ياكل ليتزوج فمين بدها تاخد البنت ازا ما في شباب بدهم يتزوجوا
هاد الا ازا كان في علاقه حب والشب مأمن حالو والبنت ما بدها تتعلم وقتها ممكن يكون في زواج مبكر انا هيك بشوف ( يا ريت ما حدن يعلق على رأيي لانه في اختراع اسمه حرية راي ) يسلمو زاهر عالموضوع :D |
اخي السن المبكر تحت العشرين:larg:
|
الزوج المبكر :x
مما لا شك به انها ظاهرة مقيتة وخاصة ان ليس هناك منطق ولا عقل (او حتى دين يشجع هذه الظاهرة) ..هناك اناس يستندون لاسباب واهية لهذا الزواج فالبعض يقول انها سترة للبنات!!! متناسيين ان سترة البنت الحقيقية هي اخلاقها وليس زوجها فحتى لو تزوجت وكانت اخلاقها "زفت" ستبقى "زفت" :lol: وهناك من الاغبياء الذين يدعون التدين يقولون لك لا باس بالزواج المبكر ويستعينون بقصص للرسول ومريم العذراء عليهما السلام (وكيف ان مريم وعائشة كانوا صغيرات في السن) ولكن ما لا يفهمونه هؤلاء الحمقى ان الدين لم يامرنا بالزواج المبكر بل مسالة الزواج المبكر كانت عادة اتخذها الناس وسار بها قبل الاف السنين ولا الرسول ولا اي ديانة باركوا الزواج المبكر او امروا بالعمل به! فليحضروا حديث صحيح للرسول فيه حث على الزواج المبكر!!! لذلك تعليلاتهم مضحكة وغير منطقية! انا بلا ادنى شك ضد الزواج المبكر (تحت جيل 19) ..وشكرا على طرح الموضوع :D |
هاي ريد روز مش رح علق على ردك وبدي اطلب منك طلب صغير انا اسمي زهير مش زاهر وبدي تناديني باسمي الحقيقي زهير ما احب اسم زاهر وشكرا:D
|
يا سيدي ما بعرف يا انت عايش ببيئة مختلفة عني او بغير بلد
يعني نحن عندنا من فترة اتجوز ابن عمتي قالوا عنه " ليش مستعجل على الهم لسعته شب " مع العلم انه عمره 34 سنة |
اقتباس:
شكرا الك زاهر موضوعك كتيييييييييير حلو .... والي رجعه :D:D |
اقتباس:
وخلص رح اناديك زهير واسفه لمشكله الخربطه بالاسماء بس انت هيك كاتبه zahir زاهر مو ؟؟؟؟ شكرا زهير :D |
اقتباس:
|
في الزمنات كان ممكن احكي اني مش ضد الزواج المبكر لانه البنات والشباب كان عندن وعي وقدرة على تحمل المسؤولية وكانوا خرج زواج حتى مفهوم الحب عندن كان اكتر قدسية اما هلأ وما بعمم ما بتوقع انه الزواج المبكر منيح لانه لا الشباب ولا البنات قادرين يتحملوا هيك مسؤولية يمكن لانهم ما اندعكوا بالدنيا منيح وبضل احكي اني ما بعمم بس هادي القاعدة بالنسبة الي على الاقل
|
هههههههه زهير غير اسمك يلي باخويه انت هيك كاتبه zahirبنقرأ زاهر:lol:
|
................لا تعليق.............................
هي الصورة أحلى زاهر |
انو اكيد لازم يخف الزواج المبكر لانو الكجتمع العربي واخييييرا صار يتطور فكريا انو عم يلاقوا الطلاق كتران هالايام وسببة عدم الوصل فكريا بيت الشب والبنت الصغيره الي بيكون عمرا بين ال 15 وال 19 سنة وحتى الي عمرا 22سنة بعدا تحت جناج اهلا مو شايفة شي من الدنيا بتنعد صغيرة ومابتعرف شي بالحياه ومتل ما بتعرفوا الي بتطلق عنا بيصير اهلا معون اكتئاب انو صات مستعملة ( وانا كذا مرا سمعتا وماحدا يناقشني بالهنقطة لانو هيك مجتمعنا بيفكر اذا مو نحنا جيل الشباب فا الختايرة والاهل هيك بيفكروا ) فا ماحدا عم يتورط ويجوز بنتوا خلي معلش بلا هالجازات الي بتسعد يعني خلي البنت تتعلم تتثقف تشتغل كرمال تطلع ام مثقفة وحضارية على القليلة تعلم ولادا انو يكبو بالزباله ومايكبو وسخ الاكلات بالشارع او عالجيران وهي النقطة لازم كلنا كبار وصغار ومين ماشفنا بالطريق نقلو عليها انا من ناحيتي مين ماشفت ولد وحتى لو مابعرفوا بقلو يييييي ياعيب الشوووم ييالله ياشطور شيلا لشوف شلون الحبابين والشطار بيكبوها بالزباله او عى القليلة فوق كياس الزباله المكبوبين بزيق الرصيف طلعنا برات الموضوع شوي بس مو مشكلة شكرا لموضوعك وميرسي عالهديه :p |
انا ضد الزواج المبكر لان البنت بتكون لسا ما وعيت مزبوط على الدنيا وما عندها الوعي اللازم لتعرف تمشي حياتها
واجمالا انا ضد الزواج كلو مشكور على الموضوع |
الزاوج المبكر:sly:.. والله ازا البنت جاها نصيبها تتيسر ع بيت جوزها وتخلصنا:p بالنسبة الي انا بفضل اني خلص دراستي بالاول بعدين فكر بالارتباط بس انو مثلا عدي سن 25 لا برأيي الزواج المبكر يعني تكون البنت اقل من 20 .. اما 20 و فوق عادي بالعكس انسب سن للزواج والانجاب كمان:lol: بس هلأ ما عاد في قدرة على تحمل المسؤولية و انو الشب يفتح بيت .. لانو ببساطة ما في اشغال متل العالم والناس:jakoush: فكيف هالزلمة بدو يأمن لقمة العيش:cry: فبلا الزواج المبكر بلا خرابيط:frown: يجمع لو كم قرش بعدين يفكر يتزوج :lol: |
اقتباس:
|
زواج مبكر...يعني البنت تتزوج بدون ما تكفي دراستها....يعني جيل من النساء المتخلفات ....يعني انخفاض في المستوى الاجتماعي ...يعني موت نصف المجتمع ....يعني السلام عليكم ورحمة الله عالمجتمع
|
اقتباس:
|
اذا البنت ما بتدرس ! ;) يعني آعدة بالبيت وكمان شوي بتفكر تنحرف :?
فهون انا مع الزواج المبكر :ss: اما بالنسبة للشباب :yahoo: فلأ ... خلينا احراااار :deal: عكلن كل شي Act of God :sick: Thanks :D |
انو انتا بشو أحسن من البنت لحتى هيي تفكر بالانحراف وانتالا....اذا مفكر انو عئلك أكبر من عئلا فانتا غلطان ...بعدين مين ئال انو البنت تئعد بالبيت...ما هيي فيها تشتغل احسن مني ومنك....
بس فيي اسالك سؤال؟؟؟؟انتاباي عصر عايش....يا بني نحنا صرنا بالـ2007يعني المرأة شئ مهم ومانا جارية عندك لحتى تئعدا بالبيت....ثم انو اذا تزوجت بدون دراسة وأعدت ببيتك ما رح تفكر بالانحراف يعني....كبر عئلك بئا....افتحلي هالعئل ...حاج ئافلو.....free your mind:x |
اقتباس:
انا حكيت لو البنت فاشلة بالدراسة .. تتزوج احسن :pos: بلاش عقلها يوديها ويجيبها :shock: لهون وهون :larg: ثانك يو هيئة الدفاع :gem: |
اقتباس:
|
اقتباس:
اقتباس:
حاج تضحك على حالك :jakoush: |
شو يعني زواز:lol:
اي انا ضد الجواز المبكر ... لانو كلشي بوقتو حلو:D |
مين حلو في حد حلو هون :lol:
|
لا تواخذني ....بس رح ئلك انو فشرت...أنا عم دافع عن المرأة لأنو المرأة هيي حوا...مريم العذراء..الخنساء ...خديجة...فاطمة الزهراء....وبالنهاية أمي وأمك......وبحب خبرك انو ما بدافع عن ريد روز وبس ...انا بدافع عن كل وحدة من النساء....لأنو حاجتكن بئا تاكلو حئن لهالمسكينات وتعاملوهن متل كأنكن الفراعنة أو كسرى أو أبو جهل...أو...أو ....لك اذا كنت مسلم لازم تعرف انو بالقران في سورة اسمها النساء واذا كنت مسيحي فالمسيح دافع عن المرأة حتى لما كانت زانية...واذا كنت ملحد فأنت انساني والانسانية تستدعي المساواة....والمساواة لا تكون بأن تهضم حق أخوك الانسان.....فهمت انشالله ولا لا؟؟؟؟؟؟؟
شو رايك تنضم لتاخد دروس عند جماعة الـopen mindلحتى تفهم شو يعني هي المخلوئة اللي عم تعطيك الحب والحنان وعم تبني معك الأسرة خطوة بخطوة...وبالنهاية عم تتحملك لما بتتعب ولمابتكون معصب ولمابتكون رايق........أف .........لك حاج بئا تخلف .....عيب علينا....انو بدنا كل شي لالنا....بدون ما نعطي شي....وين بتنصرف هي؟؟؟؟؟؟؟؟؟؟:frown: |
يا محمد .... تمساح طاير:lol:
روق شريك:lol: |
اقتباس:
لك انت قرأت الرد تبعي منيح :? !! ليش حامل السلم بالعرض :shock: Relax Baby :larg: أقرأ الرد تبعي بتعرف اني مو ضد المرأة :sosweet: |
اقتباس:
:shock::shock::shock: لا انا مع هنتر بالي حكاه ... انته عارف البنت بنضحك على عئلا بكلمتين ولو مابتدرس لا احسن تتزوج وبعدين شو بدها تنحرف ببيت زوجها؟ كبر عئلك يازلمي ;) |
أوك لا تواخذني بس بجوز أنا مندفع للمرأة زيادة عن اللزوم....بس ما انتبهت منيح على الرد تبعك...بس اذا البنت فاشلة بالدراسة أحسلها...تدور على شغلة تشيل فيها الحمل عن أهلها....وحتى لو أهلها مو محتاجين...
لا تواخذني أبو شريك برجع بكرر أسفي على اندفاعي الزايد وعدم انتباهي على ردك مظبوط:oops: |
اقتباس:
الزواج الميكر كان على زمن ستي وستك هلأ لو البنت ما كملت دراستها ممكن جدا انها تشتغل بعد ما تاخد كمن دوره كمبيوتر أو شي دورات تانيه والايام هاي بتكون البنت 26 أو 27 وعادي جدا انها ما تكون متزوجه و على العكس لو كانت متزوجه قبل هالسن بكون شي شاذ |
اقتباس:
وكلمتين حلوين بدوخوها :sosweet: اما الشب بتحكم بعقلو أكتر :deal: |
وبعدين شو بدها تنحرف ببيت زوجها؟ كبر عئلك يازلمي ;) [/quote]
منئعد منضحك على بعض ...يعني انو مافيها تنحرف ببيت زوجها ....؟؟؟اي مو صحي الانسان اذا فكرينحرف بينحرف لو كان ئاعد بالجامع.....أو بالكنيسة....أو وين ماكان;) |
اقتباس:
|
اقتباس:
وهاد مو سبب لانه تتزوج بكير والبنت المربيه مربيه لو نحطت بين 1000000000000000 شب وما بنضحك على عقلها :x بس ازا كانت فاشله بالدراسه الزواج احسن شي لألها بس مو لحتن ما تنحرف لانه المربى مربى ببيت اهله |
اقتباس:
بــــــــــــــــــــــرا فــــــــــــــــــــــــ ــــــــــــــــــو |
اقتباس:
هاي متفقين عليها :deal: بس شغلة انو البنت عاطفية كتير وممكن ينضحك عليها بسبب عاطفيتها الزايدة بدك تسمحيلي :? هاد الكلام مزبوط :pos: ... طبعاً مو الكل :o سؤال يعني ليش العصمة بايد الرجل :? لأنو بفكر بعقلو مو بقلبو :D ومن هاد المثال بتقدري تعرفي نظريتي :ss: |
ماشي ما اختلفنا انو البنت عاطفيه بس ما بينضحك عليها بكلمتين الا اذا كان الشب نذل ( اسفه بهالكلمه ) لانه بتسلى بشرف العالم واكيد هو ما بقبل حدن يتسلى بشرفه وعرضه مو هيك اسال ايا واحد بيضحك عالبنت شو بيعمل لو شاف شب بيحكي مع اخته او بتئص عليها او بتحركش فيه شو بيعمل
فليه بتئبلوها لبنات العالم وما بتئبلوها لحالكم :x |
شو رأيكن نلغي هالموضوع...لأنو الحقيقة المرة ""عالبعض""انو المرأة انسانة أولا وحرة ثانيا ولها كرامتها ثالثا.....ولا يستطيع أحد التحكم بها أو اجبارها على أي تصرف لا تريده هي.....واذا حدا بيحب يخالف الله ويئول انو المرأة ما الها عئل فهو غبي بصراحة لأنو الله لما وزع العئل عالعالم ما عطاك الك وحرمها هيي الا اذا كان ظالم والله أكبر من هيك....
انتهى:jakoush: حكمت المحكمة حضوريا على الرجال بقبول حرية المرأة التامة وعدم الاعتراض على تصرفاتها الحرة المطابقة للأخلاق العامة.......قرارا وجاهيا غير قابل للطعن بطريق النقض....صدر وأعلم علنا |
| الساعة بإيدك هلق يا سيدي 06:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون