|
إني اخترتك يا وطني .. الوطن أو أنا ..
1 ملف مرفق .
من لما نزلت مرسيل موضوع
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - (اللي بنذكر فيو كريم وبنودي الو تحية وين ما كان) ونزّلَت فيو اغنية اني اخترتك يا وطني .. وانا عم فكر .. في جواتي صراع داخلي بين الوطن وأنا .. بين اطلع لبرا وبين ضل بالبلد .. بين اني اشتغل للبلد وبين اني اشتغل لنفسي ولطموحي .. بين اني حب تراب الوطن أو أكره ظلم الوطن ..أكيد وصلتكم الصورة واكيد بمرحلة ما لازم تكونو حسيتو متلي .. يمكن بشكل تاني .. بس بنفس الاحساس .. هو مو اختيار بقدر انو أولوية يمكن .. أو مواجهة .. أو حب .. كلنا بنحب وطنا .. بس مين أهم .. وين دوري من الوطن .. في الوطن .. وللوطن ؟ اني اخترتك يا وطني حبا و طواعية اني اخترتك يا وطني سرا و علانية اني اخترتك ياوطني فليتنكر لي زمني ما دمت ستذكرني ياوطني الرائع يا وطني دائم الخضرة يا قلبي و ان بان في عيني الاسى دائم الثورة يا قلبي و ان صارت صفحاتي مسا اني اخترتك يا وطني حبا و طواعية اني اخترتك يا وطني سرا و علانية جئت في زمن الجزر جئت في عز التعب رشاش عنف وغضب ,, وغضب .. وغضب وغضب وغضب وغضب وغضب وغضب وغضب وغضب وغضب وغضب وغضب وغضب وغضب في ناس اختارو الوطن ودفعو من عمرهم سنين وسنين الو .. مقابل يكون وطن حر .. وطن حنون .. وطن أم لولادو .. في ناس دفعو كل حياتهم .. دم ودموع .. مقابل تحرير الوطن .. في ناس دفنت حياتها بين الاوراق والكتب لتكتب كلمة حق عن الوطن .. كمان نفوهم .. عزبوهم .. واعتقلوهم .. في منهم عايشين لهلا بيحلمو انو يوما ما يصير الوطن وطن حر للكل .. وفي منهم ماتو قبل ما يقدرو يحلمو .. ونحنا وانتو وأنا .. مين بنختار .. الوطن أو أنا؟ إني اخترتك يا وطني .. |
اقتباس:
انت شو اخترتي ؟؟ اما عن الطموح ....... بدها صفنة طويلة :larg: |
مرحبا:D
الحقيقة هالموضوع بيمس كل واحد فينا، بحييكي من قلبي على فكرة طرحه هون في مشكلة كبيرة عم نعيشها ببلداننا، (وهون عم احكي عن الشباب تحديدا)، انو لما الواحد بيكون عايش ببلدو بيتمنى يسافر ويبحث عن مستقبله في بلد آخر، ولما يكون الانسان عايش خارج بلده، بيكون عم يفكر بوطنه بشكل دائم ، ولا تصدقي حدا بيقلك انو مابيتمنى يرجع يعيش في بلده مهما كثرت سيئاته ، وانو في حال خُيِّر، رح يختار وطنو (اذا كان انسان طبيعي) هللأ السؤال هل الاولوية لي ام لوطني، هالشي بيرجع برأيي للشخص وكيف بيفهم الوطن، او بمعنى آخر ماذا يعني له الوطن؟؟ وكمان الجواب بيخضع لظروف كتيرة، ممكن يتغير الجواب او تقل نسبته او تزيد بحسب هالظروف انا رح احكي بشكل عام كل واحد فينا سواء داخل او خارج الوطن، بيفكر بنفسه بشكل مباشر ، وبوطنه بشكل غير مباشر(احيانا) وانا مابشوف انو في بهالتفكير انانية، لأنو لما انا بفكر بنفسي، وبقرر حسن مستواي العلمي والعملي ... الخ ، بالتالي انا بكون عم اخدم وطني بطريقة مباشرة من جهة وغير مباشرة من جهة تانية، بحكم اني احد ابناء هذا الوطن، سواء كنت عايش داخله او خارجه، هذا في الظروف الطبيعية، ولكن في الحالات الاستثنائية متل حالات الحروب او الكوارث او اي حالة بتستدعي وجود كل ابناء هالوطن داخل الوطن، برأيي الاولوية هون للوطن، لأنو هون بتنعكس الآية،بمعنى لما انا بخدم وطني بكون بالتالي عم اخدم نفسي ولما بدافع عنه بكون عم دافع عن نفسي.. الخ، و كمان لأني واحد من ابناء هالوطن، وأكيد في استثناءات كالعادة. وكلمة أخيرة(بتمنى ماكون طولت:p) برأيي السفر والغربة شي مهم كتير انو كل انسان يجربه، هون مابقصد انو لازم كل الناس تهاجر، لأ ، ولكن الانسان اللي عندو رغبة بالسفر برايي لازم يسافر، لحتى مايبقى طول حياته يفكر بانو لو سافر كان ممكن هللأ يكون كذا وكذا، لأ ، يسافر ويشوف الصعوبات والمشاكل اللي رح تصادفه بالغربة، وهون يا اما بيتغلب على هالمصاعب وبيبني حياته في الخارج وبالتالي بيساهم ببناء وطنه من خلال بناء حياته بشكل سليم (حتى لو في الخارج) لأنو الانسان اذا كانت سمعته الشخصية جيدة في الخارج، فهذه برأيي خدمه للوطن ،او انو مابتناسبه هالعيشة وبيرجع على بلده وبيقتنع بانو وجوده في بلده أفضل الو ولبلده، وهذا الشي حصل كتير، ورح يضل عم يحصل باختصار، الوطن بالتأكيد عايش فيني حتى لو انا ماكنت عايش فيه:cry: اسف عالاطالة وتحياتي الك:D |
اقتباس:
الوطن .. بس خايفة يجي اليوم اللي يروح مني الوطن ... وعفكرا طموحي هوي الوطن .. |
اقتباس:
بتفق معك بكتير اشيا .. منها انو اذا الانسان كان انسان صالح وناجح وجيد أكيد بطريقة غير مباشرة بكون خدم وطنو .. وبتفق معك كمان بالنسبة للناس اللي بفكرو عطول بالسفر انو يجربو السفر مشان ما توقف حياتهم عند هالنقطة ويكونو لا فادو انفسهم أو الوطن .. بس دور الانسان في وطنه .. بيجي حسب طاقة وقدرة كل انسان .. بس في ناس بتبخل من قدرتها وطاقتها على الوطن .. يعني في انسان قدرتو ما بتحتمل اكتر من انو يدرس مثلا ويشتغل بعدين .. وفي انسان قدرتو يساهم بنشاطات خيرية .. وفي انسان عندو مواهب ممكن يكرس جزء منها للوطن .. الخ .. وأبدا ما بنكر انو الوطن ساكن فينا كلنا جوا البلد أو برا البلد .. بس في شغلة كتير مهمة .. هل وضع الوطن الحالي يحتمل أن نضع انفسنا أولوية أم انه بحاجة أن نضعه اولوية؟ |
اقتباس:
الاشخاص يلي ذكرتيهم واختارو وطنهم متل كريم وحسام وطارق وباقي رفاقهم كانو هاملين (( الانا )) تبعهم مو حسام يلي قال : فأنا مأساة العص وأنا لوحات القهر.. فلسطيني.. وأنا ملحمة الشعر.. فلسطيني.. وأنا اشراقة فجر.. فلسطيني.. فانتظروني. يعني الوطن بالنسبة لاي شخص فينا ما منقدر نفصلو عن الانا سواء كنا داخل حدودو اوكنا خارج حدود الوطن كلنا منقول معك اني اخترتك يا وطني حبا وطواعية هلق حسام وقت اختار الوطن مو بس اختار المساحة الجغرافية واكيد ما اختار يلي ظلمو اختار اهل هالوطن يلي نحنا جزء منهم ولما يطلع قريبا انشالله ويشوف الوفاء يلي تقابل فيه يشوف المسابقة يلي بأسمو ولازم تنهدى الو ولرفاقو اكيد ما رح يندم على اختيار الوطن ورح يرجع يقول اني اخترك يا وطني ..... بس انا بشوف انو كريم مظلوم شوي من هالناحية ما بعرف ليش المهم نيرفانا برأيي ما فينا نفصل ابدا بين الانا والوطن ومعك كلنا اني اخترك يا وطني ..... عنقي على السكين يا وطني.. ولكني أُغنّيو يداي خلف الظهر في القيد و لكني أقول لك انتظرني أنا لم أخنكَ فلا تخنّيأنا لم أبعكَ فلا تبعني.... |
اقتباس:
ليس خطأ ان نضع انفسنا اولوية بشرط ان لا يتعارض ذلك مع مصالح الوطن ولايؤثر عليه باي شكل من الاشكال، ولأن هذا مستحيل(برأيي) فالاولوية دائما للوطن |
اقتباس:
لكن خليني قول أنو في ناس مو حاسة بالوطن .. في ناس عندها الأنا وبس وفي ناس عندها الوطن بس ما بتشتغل على هالأساس .. وفي ناس بتقدم على قد قدرتها و في ناس كل كيانها هو الوطن .. صدقني في ناس بتقدر تفصل وفصلت من الأساس .. هلأ برأيك هالانسان المواطن المسؤول اللي بيسرق من مال الوطن وموارده وشعبو رح يكون عندو الوطن متل الوطن للي بقدم عمرو ليكشف هاللصوص ...؟ أكيد لأ .. |
اقتباس:
|
اقتباس:
تمام وقت نزلتا ... كان هالصراع جواتي حسيتا كتير بتعبر عن كريم .. بس عني انا ؟ انا ما بعرف .. ما بقدر اختار الوطن ... على حساب دموع أمي .. على حساب كرامتي كأنسان وحريتي ... ما بقدر اختار الوطن .. والبطوليات .. الدنكشوتية .. ما عاد كتير ثقتي بالتغيير كبيرة .. يعني ما بآمن انو هدول الأشخاص الشباب .. رح يعملو تغيير ... مهما حاولت أني جمل الحقيقة ... بس ما بعتقد أنن جسر للحرية .. وشعور العجز اللي خلقوه هالأشخاص فينا ... ما حسيتو " ألي شخصيا ً " بناني وحفزني .. بل على العكس أحبطني .. وأحبطني كتير .. شعور أنك بدك تسأل عن هالأشخاص .. بس بنبرة خايفة وخجولة .. عم صليلن :lol: أي والله كتر خيري ... بس اليوم بنبض الطاقة .. اللي فيني .. والمعرفة والثقة اللي عندي بمحبة كريم وهالأشخاص لسوريا ... كان المفروض .. كون عم صرررررررررخ ... مو عم صلي ... بس بطريقة او اخرى خايفين .. ومنهزمين بصراحة اكتر ... بخاف من الوطن على الناس اللي بحبن ... على رفقاتي .. عالأشخاص المميزين بحياتي ... حتى على ولادي .. " لأني حاببتن يربو هون بسوريا " الوطنية بس اجتمعت مع شوية ثقافة .. صار اكتر شي خطير .. هون ... ما رح اترك البلد وروح ... بس هية شوي شوي عم تتركني ... :mimo: |
اقتباس:
انت قدرت تحطي ايدك عالوجع تمام .. وأمام كلماتك .. يستمر الصراع .. :pos: |
إني أخترتك يا وطني حباً وعلانيةً :D
|
اقتباس:
هي الفكرة شو هو الوضع الطبيعي وشو الوضع الشاذ الوضع الطبيعي هوة وحدة الحال بين الانا والوطن ووقت يعرف الانسان انو مصلحتو مرتبطة بالوضع السليم بمجتمعو ووطنو .. والوضع الشاذ هو ... تغليب الانا على الوطن وعلى الانسانية ومنرجع منقول اني اخترك يا وطني |
اقتباس:
انا مقدر حالة الاحباط يلي انتي فيها والصورة السوداوية عن الوطن وهي الحالة كلنا مرينا فيها ومنمر دائما .... بس الوطن ما فينا نختزلو بالاشخاص يلي هلق عم يعملو فينا هيك ووصلونا لهون والشباب (( طلاب الحرية )) خلينا نتفق على هالتسمية اختارو وطنهم وشافو الانا تبعهم فيه مستقبل ولادهم فيه ... مشان هيك ما خافو ولا هربو .. الوطن اكبر من هيك .... نيرون حرق روما ومات ..... بس روما ما ماتت ... انا ما عم حاول نظر ..يمكن انا محبط اكتر منك ... بس بتطلع وبقول انشالله خير دمشق اقدم مدينة مسكونة بالعالم ليش ..لانو اهلها ما تركوها رغم كل يلي صار وعم يصير وبهي العتمة يلي شايفيتها خلينا كل واحد يضوي شمعة متل كريم وحسام وطارق وكل الشباب متل طلاب الحرية والوطن رح يضوي ... ورح يكون اختيارنا صح ... ما يكون على الفرس الخسران اني اخترتك يا وطني |
اقتباس:
تحياتي :D |
أنا بين اثنين
أنا شعوري كتير غريب بالنسبة للوطن
لأنو بالوطن في كتير أشيا ما بتنتميلي و خارج الوطن في كمان كتير أشيا ما بتنتميلي يعني فيكو ن تقولو أنا بين الغربة و الوطن معلقة ع بكرة كل نهار بتميل لمحل يعني شعور مانو حلو أبدا و أكيد في عالم كتير مختبرتو هلأ أنا اخترت الوطن أكيد لأ، لأنو أهلي كانو في و بالتالي ربيت في و اذا ولادي خلقوا بغير وطن يمكن ما ينتمو لسوريا بس الوطن اختارني لما كنت صغيري و برجع السؤال و أنا كبيرة اذا رح أرجع أختارو؟؟؟ ما المشكلة أنو ما بقدر أفصل حالي عنو و لما برجعلو برجع بحس حالي نسبة قليلة يعني أنو اذا كان الوطن أكترية معناها سوريا مانا وطني و اذا كانو أهلي و رفقاتي هنن وطني معناها اذا هاجرنا كلنا ما لازم نحس بالغربة و هالحكي ما عبظبط لأنو عبحس بالغربة:oops: يعني قصة معقدة من زمان كان بدي كتير أشيا تتغير بس واحد مع الوقت طموحاتو بتصغر أو بالأحرى بصير واقعي أكتر يعني أنا أكيدة انو سوريا ما رح تتغير بين يوم وليلة بس أكيدة كمان أنو رح تتغير للأحسن بس يمكن مو ع أيامي يمكن ع أيام ولادي لذلك و طالما أنو لحد اليوم ارجعت اخترت الوطن لأنو عندي أمل معناها رح أخلي الوطن يرجع يختار ولادي بدي أفيد و أزرع الأمل لما رح أرجع بس مو بكل سوريا و لا ب 17 مليون أوأكتر لا بكتفي باطار شغلي و عائلتي لأنو ع أيامنا ما رح نحصد شي ع أمل اللي بعدي ما يحس حالو غريب وين ما راح :cry: |
اقتباس:
أحيانا الوطن بيختارنا مو نحنا منختارو .. وهاي انا مجربيتها لانو لقبل شي عشر سنين من عمري ما كان بدي شي غير انو سافر واترك البلد وكان متل حلم عندي.. بعدين صارت الظروف وضليتني بالبلد .. بعد متابعة حياتي بالبلد تعلقت فيها وصرت حبها ولاقي كتير اشيا حبها وحتى اللي ما يعجبني منها كمان احاول اتقبلو .. وحاول قد ما بقدر غير أو كون مثال لغيري .. وحتى من فترة لما سافرت لمدة 3 أشهر . ما صدقت وانا ارجع عالبلد .. الشي اللي بدي ركز عليه .. هوي انتماءنا للوطن .. هل هوي متعلق بشو عم تعطينا البلد ؟ أنا من الناس اللي علمو حالهم كيف يحبو وطنهم وهلا صار هالشي جزء مني وبطلت لوم الوطن بالعكس بلوم حالي أو الناس على وضع الوطن .. لانو اذا بدي اقيس انتماءي وحبي على شو اعطاني الوطن .. ما رح حبو !! شي تاني بالنسبة للغربة ,, في معظم الاحيان الأوضاع بالبلد اللي بنسافر عليه بتكون أحسن من أوضاع الوطن اقتصاديا أو أمنيا أو معيشياً أو كل هالشي .. مسؤولية مين انو يتغير هالشي بالوطن؟ ملاحظة : في كتير ناس بتلاقي حالها بدول غير وطنها الأم .. هالشي لا يمكن انكارو .. شي نسبي بيختلف من شخص لشخص. |
اقتباس:
هي نقطة كتير مهمة اكيد اصعب شي انو الانسان يحس بغربة بوطنو بظلم من اهلو ... بفقر بجوع ....بين ناسو .... ويتخير وهو بهيك ظروف بين الوطن والسفر او الوطن والهجرة هلق كل شخص بحب امو .. بشوفها اعظم واجمل الامهات مع انو هي ما بتكون اجمل امرأة ولا اغنى امرأة ولا اكثرامرأة عطاء وتضحية ,,بس لانها امو وهاد الشي بينطبق عالوطن .... حلو نيرفانا بعز صراعنا الداخلي للانتماء ... نحاول نتعلم نحب الوطن ونقدر نطبق هالشي ..مزبوط حب الوطن ثقافة .. العطاء ثقافة والانتماء ثقافة ... تعليم حب الوطن هي رسالة كتير كبيرة لازم نحملها ونكرسها بحياتنا ومن خلال هذا المنتدى وهالمنبر بالذات ومنرجع منصرخ اني اخترتك يا وطني :D |
هلأ أكيد 200% من الناس رح تختار الوطن إذا كان في وطن
بس اللي حاسس حالو ما إلو وطن شو يعمل بيضل عايش بحلم يرجّع وطن أجدادو لك آااااااااااااااااااااااااااااااااااه لك كل شي بهالأيام تغير تعريفو يعني هلأ شو تعريف الوطن شو هوي الوطن لأن الوطن ماعاد يطلع بإيدو شي قضوا علي أهلو وناسو اييييييييييييييييييه رحمة الله على فترة العشرينات والأربعينات كاسك يا وطن |
اقتباس:
هاد يلي كانت نيرفانا عم تحكي عنو انو ممكن نختار وطنا ..دون انتظار مقابل نختارو على علاتو وعلى وعلى وكمان لازم نتعلم كيف نحبو ..... ونرجع نختارو وما نتركو .... وبأيدينا نرجع نخليه منارة كاسك يا وطن ..... اني اخترتك يا وطني |
انا اختار الانسان
وشكرا الك اخ عزيز ومرحب بك |
اقتباس:
ولما يكون انتماءنا للوطن ضمن ثقافتنا .. شو ما صار بالوطن ومهما كان عطاؤو قليل ..بضل موجود في وعينا وتفكيرنا .. وبنقدر ضمن هالثقافة انو نساعد الوطن ونغيرو للأحسن ونتعامل معو بطريقة احسن .. لانو الشعب هوي اللي بيعكس صورة وطنو .. ودورنا فعلا مهم كتير بانو نعلم حب الوطن .. الي يفترض يكون موجود دون الحاجة الى تعليمو .. بس بالوقت الحالي لازم نعلمو ونزرعو بقلوب الناس خصوصا الجيل الجديد .. |
اقتباس:
لانو الاحساس بوجود هالوطن لا يقارن به اي احساس تاني .. انت قلتها الي قضى على الوطن هو اهل الوطن والناس اللي فيو .. ومدام الموضوع بيتعلق بالانسان .. اذا الانسان لازم يقوم بالتغيير وهون بيجي دور الانسان الواعي المنتمي واللي حاسس انو بيقدر يعمل شي ليخدم وطنو .. بالقليلة الواحد ما يضر وطنو .. متل ما عم يصير هلا بالفساد أو باستغلال الشعب .. أو بنهب موارد هالوطن وغيرو امثلة كتير .. وكاسك يا وطن .. |
اقتباس:
هلق من هون حابب ارجع للاول لبداية موضوعك ...كريم وحسام وباقي البقية .... احبو الوطن وكان هوة ثقافتهم وحبو ... الهوى يلي بيتنفسو ... جاهرو بهاد الحب علانية ... ومن الحب ما قتل ...ما قبلو يسكتو عن ظلم او غلط اطلقو العنان لقلمهم ..... فاحتوتهم اقبية المخابرات ... وسلاسل سجون الوطن هل كانو مجانين في حبهم ...ام نحن لم نحب الوطن بقدرهم ... هل الوطن لم يستطع ان يحتمل هذا القدر من الحب ... هل كان فعلا قلمهم يشكل خطرا على امن النظام هل فعلا كما وصفهم رئيس فرع المخابرات الجوية (( هؤلاء الشباب اخطر من القاعدة لانهم يضمون جميع الطوائف )) هل سنكتفي باحناء رؤسنا امام تضحياتهم .. ونبقى في حال من التذكار ..والسوداوية ام سنصرخ يوما نصرخها معا اني اخترتك يا وطني وليسمعها جميع من اعتقلو غي سبيل الكملة من البرفسور عارف دليلة الى كريم عربجي .... الذي مصيره ما يزال مجهول المصير .... اني اخترتك يا وطني .... حبا وطواعية اخترك حتى وان لم تكن اجمل الاوطان كاسك يا وطن ... |
اقتباس:
هل هو بشعبوا ام بذكرياتو ام بعطاؤو ام بشو ؟؟؟ كلنا عننا ذاكرة بالوطن وشوق وحنين الو .... وحتى نحنا عايشين فيه ... منشتاق للوطن ... هل هو حارة عتيقة ربينا فيها ؟؟؟ هل هو بيوت وشبابيك ؟؟؟؟؟ ام شو هو ؟؟؟ :D |
اقتباس:
1. ما يكون عنا طاقات نهائيا .. 2. أو يكون عنا طاقات وما نقدمها .. كل انسان بحقلو يخاف على حالو ويحب يعيش براحة بال واستقرار .. أنا بخاف .. انت بتخاف .. وكتير ناس بتخاف .. بس بحب فكر انو اقدر احكي .. اعترض .. ارفض .. وعبر .. بس حتى هالشي ما عم يصير غير من قبل قلة معدودين .. ليش يا ترا .. كل أمور الوطن بخير وعال العال .. ولا ما في غير هالكام واحد ليحكو .. مو شرط نعمل متل الشباب لنغير .. كنا نحكي قبل شوي بالثقافة .. ايه .. ننشر ثقافة حب الوطن .. ما نمشي مع الغلط يعني اذا في رشوة ما نرشي لتمشي أمورنا .. واذا بموقع عمل ما نمشي امور من تحت الطاولة .. وهيك .. يعني كل واحد ضمن مسؤولياتو .. ضمن دورو .. وطاقتو .. أما الناس اللي ممكن تعمل متل الشباب .. فهني قلال وقلال كتييييييييييييير .. يعني انا شخصيا ما بظن انو يطلع ناس متلهم .. هدول يا بريف هارت .. عندهم طاقة كبيرة كتير .. وحماس .. وحلم .. ومثالية .. وبغض النظر عن توجهاتهم .. عندهم ثقة بنفسهم وعندهم احساس كبير بالوطن والحياة .. هني شكل خطر بس عالفساد السائد .. لانو لو نجحو بمساعيهم رح الناس تلتم حواليهم واذا ما كانو معهم .. رح توعا الناس وتشجع بدورها لتعمل شي .. الوطن ما احتمل حبهم .. لا الوطن بحبهم متل ما حبو .. بس أولياء أمر الوطن .. ما استهضموهم .. واللي قالو رئيس الفرع مزبوط .. وأصلاً من وين لوين ليقارن الشباب بالقاعدة .. هاي مقارنة مرفوضة من الاساس .. وطبعا في حالات كتير غير الشباب بتعبر عن حب الوطن .. ويمكن تكون مختلفة بالطريقة والفكر والاسلوب .. بس الحق دائما واضح . |
اقتباس:
|
يمكن لساتني غبية بس راح قول وبصوت عالي
اني اخترتك ياوطني وطني العربي من المحيط الى الخليج وطني قوميتي وطني اينما وضعت قدمي وفتحت ادرع ابنائه لاني انسانة ......فعربية ...........فمسلمة فهو وطني فلو فتحتم قلبي لوجدتم على يمينه جزائري الحبيبة وعلى يسلره سوريا عشقي ويعلوهما تاج العروبة ترصعه تقاليده واديانه تحياتي :D واحلى مارسيل خليفة نيرفانا المرة الجاية حطيلنا موضوع عالام بغنية احن الى خبز امي ولا تنسينا بحشيشاتك:p |
اقتباس:
أحن إلى خبز امي .. المرة الجاي .. بس في واحد هون معنا باخوية بزمناتو قال "الارض امنا يا جماعة لما بتعطي بتعطي الكل " يبقى الموضوع كمان عن الام ..;) |
اقتباس:
عن جد ما بعرف شو بدي قلك ...... بس هالوردة بترد عني :akh: |
نو كومنت بهاي غلبتيني الارض امنا :D
وخبز امي هي كرامتي بوطني |
اقتباس:
هي الفكرة المزعجة اكتر ...مما ذكرتي انو يكون في طاقات وما نقدمها ...... يعني انو نكون فتحنا عيونا وشفنا الحقيقة العارية والواقع القبيح ... ونحاول نلبس الحقيقة ثوب مو ثوبها ونجمل الواقع ... بعمليات تجميل ... بس عمليات التجميل رح تفرز واقع ابشع اكيد الوطن ما هوة يلي ظلم هدول الشباب مستحيل الام تظلم ولادها ... اعتقال كريم هوة امتداد ...... لاعتقال حسام ورفاقو واللفت فعلا انو كنا نسمع عن اعتقالات لاشخاص بالمعارضة مخضرمين ....وكبار بالعمر اما هلق الاعتقالات عم تطال الشباب ..لانو هي الاجهزة وعيت انو هدول الشباب يلي اختارو وطنهم ... ما رح يغفرو ولا يسامحو .... يمكن يكونو قلال يلي مستعدين يضحو متل الشباب او يكونو بنفس الحماس بس اتأكدي انهم موجودين ومتل ما بتقول جوليا ان الثورة تولد من رحم الاحزان ...هون ما عم نقصد ثورة مسلحة عم نقصد ثورة قلم وانتفاضة كرامة ...... ونشر ثقافة وهي شغلة جد جدا مهمة انو تكون الحرية ثقافة ..حب الوطن ثقافة ..النزاهة وعدم الرشوة ثقافة ... اي لازم نبلش كل واحد من حالو ... نحاول نجرب وبالاخير شرف التجربة بكفي اني اخترتك يا قيدي ... اني اخترتك يا وطني ... كاسك يا وطن .... |
تسمعو نصيحتي ..
عيشو كيفو .. انبسطو أسهرو .. مايهمكون حدا ولا وطن البطيخ .. الله يرحم الوطن شو كان وطن .. اي يا زملة كان وطن على أصولو .. تعيشو وتترحمو .. نسو الوطن يلعن رربو .. سمعو كلمتي وما رح تندمو .. و أبقو أذا فضيتو شوي .. وصار عندكون تكة مجال .. أتذكرو الوطن .. ولو بـ أغاني فيروز |
اقتباس:
نحنا كلنا ولصنا لهون ..... بس بالنسبة للسوداوية يلي عم تحكي عنها انا ما رح رد عليك توقيعك هوة يلي بيرد عليك :D |
الوطن آآه يا وطني تزكرت مسرحية ( دريد لحام ) كاسك يا وطن ..:cry:
سأسكب كأسا ً علَ حزنيَ ينسكب كأسا ً للوطن الضائع كأسا ً للوطن الذي سيضيع كأسا ً للوطن المنكوب \\\\\ وطول مافي ناس عمتبسط لا بيهما الوطن خليهم مبسوطين لجين الوقت يلي ( ينقبلو بالكلية الحربية ) ويصيرو حامين هالوطن ( وحاميها حرميها ) رحماك يا بلدي يا شااام ....! |
اقتباس:
آه يا بلد آآآآآآآآآآآآآ يا وطن .. تكررت على مسمع قلبينبضاتك وأنتتحتضرين دوني.. لا أملك وصالا" اليك الا بالدم .. لا أملك سببا" يبرر عزلتيالا اشتياقي للجدائل تنثريها فوق قبري .. حاولت كل ما قرأت عن الثواروعاداتهموطرائق انتحارهم البطيء فوقك .. ولم أصل اليك .. حاولت أن أناجياي تربة تحن الى جثتي .. كل التراب قد جدب .. وكل جرح تقيح .. وكل العيونقد فقأت .. ولا أزال أراك .. آه يا لون عينيك يا بلدي .. آه يا تحت تربتكيا بلدي .. آه يا كل ما فيك انتماءلا يريد تناغما" بيني وبين نشيدكحتىاراك .. آه يا خلف ذاكرتي .. طفولتنا اجتماع .. للرجولة كاذب .. تحتالصقيع .. أردد اسماء مغتصبيك .. حالما" بك .. أنثاي أنت لا أريد رجولةحتى أناديك .. أنثاي أنت لا أريد كل طفولتي .. وشبابي .. واعتزالي .. واختلاجات الوطن في سعالي .. في سكرتي .. في نشوتيفي اختمار الحزنفي كأس انتمائي للعنب .. للياسمين يضاجع جثتيباحثا" عني .. أموت بلاأراك .. أموت يا بين نهيدك .. أقتليني .. كللي رأسي بعوسج المسيح .. وأضربي جسدي بعصا موسى .. واحرقيني يا صليبية الحب .. أني خلف صورتكانتحار .. وبين كفيك انتحاروبين نفسي والمدينة أنهزام .. لا اريد العزم .. أني منهك أرقا" .. أعيش الحلم مجنونا .. أراود كل جرح .. كل قيد .. كلتابوت .. أضاجعه .. وأبحث عن مكانا" دافء بين القبور .. وأنوي ان أغادرك .. قتيل حلم .. لا أطيق البعد عنك .. ابقى خالدا" فوق الرماد .. أخرشالتاريخ بالقيد المدمى .. أصرخ بشفاه كل جرح كم احبكأصرخ غاصبا" نفسي منخلف كل موتأرعد كل شريان قتيل .. أكتب تاريخي .. وقصتنا على جسديبقاياي أعترافي بالخطيئة .. تقلق مضجع السلطان .. أحرق كل أخيلة الطفولةمن أسود أو رموزاو جباه قد كساها العار .. أبقي جثتي معك تقيمين فيها .. حيث اتركك .. أجدك .. نبتغي وقتا" اضافيا" من القدر الحزينحين اخلقمرة اخرى .. وتبقين أنت اسمك بلدي .. |
اقتباس:
هدول أسمن مظاهر خارجية .. أنا ببيع وطنيات كتير كتير |
نيرفانا .. بعد أذنك ..
خليني أحكي شخصياً و على وطني .. سوريا .. _ أنا كلشي عم ضر وطني فيه .. هوي اني عم دخن دخان اجنبي و عم اشرب كوكاكولا ( احيانا ) و عم اشتري تياب تركية ( تهريب ) وهي نادراً هاد كلشي عم ضر وطني فيه .. بس .. 1- انا ما عم ساهم بـ نشر الفساد 2- انا ما عم اسرق أموال دولة 3- انا ما عم حطم مستقبل الألاف الطلاب و الجامعيين 4- انا ما عما دخل أجر غريبة و "وسخة" عـ البلد 5- انا ما عم اقضي عـ أمل الشعب بالحياة 6- ولاني عم دمر أحلام الألاف بتطوير الوطن __ طيب .. مقابل شوو ؟ و عـ فكرة عما نتحمل .. كرمال الوطن .. و الوطن فقط |
اقتباس:
كوكا كولا ... تياب تركية ... تهريب هاد كلو مو شي ... الشي الاهم من كل هاد انو الوطن .... وهاد الوطن انت قطعة منو وجزء فيك وانت فيه .... ولما بتكون عم تشتغل اي شي ومقتنع بشغلك انو هاد لاجل الوطن وما تطالب باي شي تاني لانو مالك فضل على الوطن .... حتى انو تعلي مراتبك مالك حق تطالب فيه لانو هاد بكون مصلحة شخصية ولما بتشتغل من قلبك اكيد بتشوف الوطن غير بالصورة يللي شايفها هلأ :D |
اقتباس:
بننبسط وبنسهر وبنعيش .. بس الوطن بكل هدول .. بسهراتنا باهلنا باغانينا بحبايبنا.. ولما ننسى الوطن وكتير اوقات بننساه .. مع اول مشكلة بتطلع بوجهنا بنسبو .. المشكلة انو المشاكل هاي بتمسنا وبتمس حياتنا وبتأثر عليها بشكل مباشر .. مشان هيك ما بنقدر نتجاهلها .. |
| الساعة بإيدك هلق يا سيدي 01:05 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون