الخيانة الزوجية ................
 

انو يا زلمة شبك بتضل تنطوط متل السعادين ؟؟؟ من وحدة لوحدة ؟؟؟ يعني شو صايرلك ما عم تهدى بقا ؟؟؟ اي لو جهلة الاربعين مو هيك .... يعني عندك مرا ست بيت وعاقلة ومرتبة وآدمية ... ومن جميعو ...
بدك الصراحة ..... صرماية مرتي بتسوى راسي ......:?
طيب ليش لاحق هالقصص ؟؟؟:jakoush::jakoush::jakoush::jakoush:
اخي شو بدي قلك ... خلص نحنا جنس الرجال كلاب ..:o:o:shock::shock::shock::shock::shock::shock:
لك شو عم تحكي ؟؟؟؟
ما عم يرد ولا يزوق ...
___________________________
انو هي صايرة معي هالقصة ... بيني وبين رفيقي .... طبعا هو المتجوز مو انا :p
بس موضوعنا انو ليش بتصير الخيانة الزوجية ؟؟؟؟ ومن الطرفين من شوفها ..... والاغلبية من الرجال
والشغلة الاهم انو لما بيكتشف احد الطرفين هالخيانة ....بيقدر يسامح ؟؟؟؟
انتو شو بتقولو ؟؟

اي تذكرت شغلة بسمعها كتير من الرجال ....:jakoush:
انو لما بتقلو لواحد منون ليش هيك عم تعمل ؟؟؟ بقلك اي شو كل يوم بدنا ناكل مجدرة ؟؟؟:shock:
خلينا نجرب البصل ..............
لك ليش هيك بصير معون ؟؟؟
يعني عفوا بجوز تقولو انو هاد شب يللي كاتب الموضوع بس انا عم شوف يللي عم يصير .....
لك حتى يا جماعة انو من اعز الناس يللي بعرفون وكل الناس مفكرتون اوادم ومافي منون ومن بيتو لشغلو ومن شغلو لبيتو ... اي عندو كل صاحبة ... ولي بلا ما نكمل ... وبتلاقي مرتو اخر من يعلم ... هي اذا صار عندها علم وهو بعاملها على اساس انو ما في غيرها بحياتو وبقلبو وكل النسوان كخ وما بتسوى :shock:

برأيي الخيانة الزوجية لا تغتفر ابدا، مهما كان السبب، ومافي اي مبرر لهالشي على الاطلاق ،وانا مع اللي تفضلت فيه farbella مية بالمية، لأنو هالشي ماممكن يصير غصب عن الطرف اللي قام بالخيانة،لحتى يُغفر له ويتسامح، وانما اللي عم يعمل هالشي مقرر مسبقا انه يعملو، وعرفان حاله شو عم يعمل
وبعتبر انو خيانة طرف للآخر اكبر اهانة مقصودة
يمكن البعض يشوفني متشدد كتير من هالناحية، بس هذا رأيي
بالمناسبة
قبل سنتين عملو احصائية بخصوص هالموضوع في ألمانيا، اتضح انو حوالي 68% من النساء الالمانيات خانو ازواجهم أكثر من مرة.
شكرا كتير كوستا:D

اول الشي نبيل الموضوع مو محلو بالمنبر:jakoush: قال قدوة قال:pos::pos::pos::frown:


تاني شي بالموضوع... برايي الخيانة الزوجية بتصير نتيجة خلافات او شعور داخلي بين الزوجين او ع الاليلة طرف من الطرفين ويمكن مو قدران انو يصارح الطرف التاني مابعرف بصراحة بس مو دايما منعرف شو صاير جواة البيوت وانا بحكيي ماني عم وافق ع الخيانة بالعكس لانو انا كتيير ضدها ومافكر تفكير انو جوزي بالمستقبل ممكن يفكر انو يخوني بقوم القيامة اصلا


ميرسي ع الموضوع:pos:

ما قلت الرجال بتمل ما بتحب تاكل لحمة كل يوم بتحب البصل عقولتك كوستا

هدا مو منطق لانو لما بيكون في حب بيكون دايما في شي جديد بيناتون

اكتر ما بيزعجني بهالقصة انو لما الزوجة بتعرف انو زوجها عم يخونها، بتسامحه لأسباب كتيرة، منها الفضيحة وخربان البيت والاولاد وانو وين هللأ بدها تروح تصير عالة على أهلها
بينما الرجل لما بيكتشف خيانة الزوجة، بأفضل الحالات بيطلقها، وممكن يعمللها فضيحة وتصير غير مؤهلة لتربية الاولاد، طبعا هذا اذا ما قتلها

اي طبعا.... مشان ماننسى انو مجتمعنا ذكوري:jakoush:

بس بعتقد في كتير نسوان بتسامح كمان لانو البنات بشكل عام مربايين ع الشعور بالذنب فدايما هيي ممكن تحمل حالها ذنب شو عمل جوزها

هون المشكلة الرئيسية الحب
لما بتصير الحياة بين الزوجين روتين، وهذا اللي غالبا ما يحدث، بيتحول الحب كمان لروتين، او لشي عادي بحياة هالزوجين، متل اللبس والاكل، مشان هيك بتصير حتى ممارسة الحب روتينية ومجرد واجب( على الاقل من قبل احد الطرفين)
وبرأيي الزوجين الاذكياء هني اللي بيقدرو يجددو حبهن، ويجددو حياتهن بأي طريقة، وهالشي مو صعب ،مهما واجهو من مشاكل ومصاعب بحياتهن، وهالاشخاص في منهن، صحيح مو هنن الاغلبية، لكن موجودين
:D

اوكي مزال الروتين هوي اللي عم يقتل ع الحب ف المعنى انو الغلط ع التنين مو بس ع واحد صح ولا لاء؟؟؟ يعني التنين مأصرين بحق بعض.. انا هادا رايي... وطبعا انو اللي بيجدد حبو هوي الذكي ومحافظ ع حياتو (من كلا الطرفين):D

عفوا ما انتتبهت انك رديتي بالاول .....
شلون الرجال ما في شي بكفيهون ؟؟؟؟ يعني هيك بتكوني جزمتي الكل مع بعض ؟؟..... يعني كل الرجال بتخون :shock:
معقول ....
طيب في نسوان كمان بتخون ..... هدول لازم ما يسامحون الرجال ......؟؟؟

طيب اذا كان في عذر مقنع ..... مثلا في حالات منسمع عنها بس انا ما شفتها ....
انو الرجل اوقات ما بكون قادر على القيام بواجبو الكامل مع مرتو و مرتو من حقها انو تكمل حياتها ( طبعا في اسباب منها المرض ) وبكون في اولاد ... شو بيعملو ....
:?طولي بالك عليي ......
هاد موضوع اجتماعي .... وما بيمنع انو يكون بالمنبر ....:x
طيب اوقات بتكون الخلافات نتيجة عدم توافق بين الزوجين .... يعني بالمشربحي بكون الرجال مو متفق مع مرتو بالعملية (*****) وهون بتصير هيك حالات ....

:?:lol::lol:
انا بحب اكل كل شي .... عم امزح ....هههههههه
بس المقصد انو بكون نوع من التجديد ... يعني هاد المقصد

ما جربت انا ......:pos:

تعليقا ع هالجملة مابعتقد انو في وحدة بتحب زوجا مثلا ولاسباب متل المرض بتروح بتخونو ولو في هيك شي بيكون برايي الشخصي طبعا اقل من 1 بالالف
يلاغطيت النظر:frown:
لما مابيكون في اتفاق بيناتون لا الافضل الطلاق برايي لانو هادا شي من متطلبات حياتون ولازم يعملو وهني مرتاحين




اي ولا انا:pos::frown:

يمكن معك حق، بس هالشي غلط، وغلط كبير كتير كمان، يعني حتى لو كانت هي المذنبة، فهل يعني انو الرجل يعالج الذنب بذنب أكبر؟
بعدين كتير من الرجال بيستندو على هالسبب هذا تحديدا،لتبرير خيانتهم (انو زوجتي مقصرة معي) علما بإنو هالكلام بيكون غير صحيح،بكتير احيان، بس كيف ممكن الزوجة تثبت هالشي؟؟؟ أكيد مارح تقدر

طيب لكن المرا فيها تقول انو زوجي مقصر معي اذا بدها تبرر سبب لخيانتا صح ولا لاء؟؟؟؟؟؟

انو ليش عم تطلع هي الصورة لما بحط اشارة استفهام ؟

:?:

كتير احيان بتطلعلي اناكمان
يمكن خربطة باسماء السمايليات

بالتأكيد الطرفين مسؤولين عن الروتين ومسؤولين عن تجديد الحب، وطرف واحد مو ممكن يمنع الروتين لوحدو اذا ماكان في مساعدة وتجاوب من الطرف الاخر.
في مشكلة رئيسية بمجتمعنا، وهي التوعية:D

اكيد
بس برأيك رح يصدقوها ؟؟
او بالاحرى اذا اكتشف زوجها او أهلها خيانتها، برأيك رح يخلوها تلحق تقول شي؟؟:lol:
وحتى لو صدقوها، رح يتفهمو ظرفها؟؟
بما انك بتعرفي انو مجتمعنا ذكوري ، معناها اكيد بتعرفي الاجابة
:D:D

لو ماجاوبتي قبلي، كنت بدي قول نفس الكلام بس بدون نسبة ال 1 بالالف لأني ضدها، مع اني بعرف انها موجودة:D

طيب اذا التوعية كتير قليل لتكون بسبب كتير اشيا ومنا الخجل بالحكي مثلا
بس بعتقد ع اليلة جيلنا والجيل اللي قبلنا متفهم ومثقف كفاية ليفهم ويعرف كيف يجدد ماهيك؟؟
هادا مابيعني انو مافي عالم رح تخون عالجهتين
اي بس اذا مجتمعنا ذكوري مامعناتو صح ولازم نساعد بالتوعية مشان مايضل هالشي مترسخ ويضل ذكوري دايما

وفي فكرة مفيدة كتير انو قبل الرجل أو المرأة ما يرتبطو .. يعملو اللي بدهم ياه وبس يملو من البرا يتجوزو ويقعدو عاقلين بقا ..












اذا تنين بحبو بعضهم ما بخونو بعضهم .. بمنتهى البساطة والبديهية ..

والله انا مابعرف كيف رح يكون شعوري اذا زوجي خاني
بس متل ما انا عم فكر هلا ماعندي مانع زوجي المستقبلي يضهر مع غير بنت بس يمل مني
لانو بالاخير رتجع راجع والست الشاطرة هي يلي بتكون قادرة ترجع زوجها ايمتا مابدها:lol::o

هادا مو حكي
لانو هي بالنسبة لالي قلة احترام لكرامة المرا انو يطلع مع مين مابدو لانو هيك الحكي انو المرا هي متل ماكنة وبس

ولك يا بنفسجة ... شو الشغلة ترجيع وتبديل والبضاعة التي تباع لا ترد ولا تبدل ...

يعني أنا ما بطق غير من هدول يللي على أساس كل يوم بيلبسو لبس شكل وبتزبطو وبيتمكيجو للزلمة ... وبيقعدو بيرقصولو مشان ما تزيغ عينو ... لأ وشو بزقو ولاد ليوم الولاد مشان يصير عليه أعباء ومشاغل ومصروف

ولك هدول شو فهمون بشي اسمو علاقة زوجية ... هدول عايشين متل الحيوانات ... عنجد ولله ما عمبمزح لسا أضرب من الحيوانات ... أي الحيوانات بتكتفي بانثى وحدي ... ونحنا هون شعبنا ... أففففففففففف

كأني فتت بغير موضوع عالخالص :oops:

:D:D:D:D روقي عللي انا عم قلك هيدا فكري قبل الزواج
بعدين انا ما بفكرها هيك يعني باخدها من منطلق انو كل انسان بتنتابو مشاعر مختلفة بايام من حياتو يمكن يكره رفقة زوجتو فيها بس بعدين كل شي بيرجع متل ماكان
بس انو قلة احترام يمكن صح بس انت بدك تتعاملي مع واقع وبدك ترجعي تكسبي زوجك والتسامح بيحل اكبر المشاكل

انا ابدا ماقصدت هيك
نحنا بدنا نعيش واقع وبالتاكيد في كتير ناس مابيفهو شو يعني علاقة زوجية
لكن الانسان ايضا عاطفة وممكن ينساق ورا عاطفتو اي شو يعني كفر ماكفر عادي
المهم ماتكون عندو عادة هيدا قصدي

فهمت عليكي ... لا تزعلي :D عمنتناقش

حكيك مزبوط ... بس في حال وجود خيانة ... أنا بنظري السبب وجود ثغرة بالعلاقة
هالثغرة بجوز تكون عدم تفاهم ... بجوز في مشكلة بالعلاقة الجنسية بين الزوجين ... أنو أحد الزوجين عندو فتور أو برود جنسي ... وهي فعلا مشكلة كتيير كبيرة ... وفي كتير حالات طلاق عنا بالمجتمع لهالسبب

بس المشكلة يللي أنا ما بشوف الها حل ... أنو في بعض الأشخاص ما فيها تكتفي بشريك جنسي واحد ... وهالشي بيتحدد من طبيعة الشخص ... يعني علم النفس بيقول أنو في ناس عندون هالمشكلة بطبيعتون ... واذا ما عملو يللي بدون ياه ... رح يصير عندون مشاكل نفسية تانية .... وهون بيجي الدين بيخنقون خنق وعلى زنا وخطايا ... وشيطان وجهنم .... بقا شو الحللللللللل
أبعرف

حبيبي حتى لو مرقت فترة من بعض ومللو من بعض هادا مابيعني انو يروح ويخونا مشان يقدر يرجع معا وانا هيك واقع بصراحة مابقعد اتعامل مع هيك شخص مثلا ويللي بدو يخوني لاء معلش مابدي اكسبو
وصلت فكرتي:?

تعدد السلاح و الخيانة واحدة
برايك هالحكي مقبول بس؟؟؟؟؟

أنا أبدا ما أيدت فكرة المجتمع الذكوري، مع انو هذا هو الواقع للأسف، وانا ضد هالشي تماما وبعتبر انو من اكبر الاخطاء ومن الظلم انو يكون المجتمع ذكوري وانو تكون المرأة تابع، بس المصيبة انو في نساء هنن بيشتغلو ليل نهار لتكريس المجتمع الذكوري، وهنن بالتالي عم يعطلو موضوع التوعية بقصد او بدون قصد.
:D

الله يستر مايسمعوكي جماعة المتدينين، مابتخلصي منهم،:o
مع اني بأيدك بالفكرة من منطلق انو مو ممكن الانسان(الطبيعي) يعمل اللي بدو ياه مع انسانة مابيحبها وبالعكس

وجملتك الاخيرة هي بالفعل خلاصة الكلام، الحب والخيانة مابيجتمعو
وسامحونا:D

لاء انا ماقصدت انو المثقف ماممكن يخون انا اللي كنت بدي قولو انو الجيل المثقف ممكن يقدر يلاقي طرق لتجديد الحب ويعرفو كيف مايخسرو بعض
وصلت فكرتي؟؟؟
كلنا ضد... والنسوان يللي بيشتغلو لتكريس المجتمع الذكوري مابتطلع نسبتون عالية فمابعتقد هني مشكلة المشكل انو محدا مسترجي يتحرك ضد المجتمع ا لذكوري

هذا الواقع انتو عم تخلقوه وتكرسوه كنساء،من خلال هالكلام،
بعدين اذا بدها الناس تتصرف بالمفهوم اللي انتي عم تحكي فيه، بيتحول المجتمع لغابة حقيقية، ماحدا بيعرف لامين زوجتو ولا هو زوج مين
وبدي اترجاكي لا تحطيلي هالكلام(كلامك) بخانة التحرر والديمقراطية والتطور والانفتاح، لأنو اللي عم تحكية الو علاقة بكل شي ، عدا هالاشياء اللي ذكرتها
وكل عادة وانتي بخير:D

أنا لسى ما بعرف ليش الناس بيجوزو....و الله حكي فاضي;)

لما بدو يصير خيانة لاء الانفصال اشرف واحسن للطرفين لانو هيك المرا مو عايشة بكرامتا بتصير

هذا الكلام اللي صرلنا من البداية عم نحكي فيه
وبضيف عليه، انو لحتى يبقى الحب بين الشريكين موجود بشكل دائم، وبالتالي ماتوصل الامور بيوم من الايام لأنو احد الشريكين يخون التاني،(برأيي الشخصي) لازم الشريكين يحاولو يعيشو في حالة اشتياق دائمة، بالرغم من صعوبة هالموضوع بس انا متأكد بانو مو مستحيل، وفي طرق كتيرة لتحقيق هالشي، واهمها الابتعاد عن الروتين.
تحياتي الك:D