|
من هو الاله الحقيقي
من هو الاله الحقيقي
بدي اطرح موضوع عقلاني و بدي رايكون فيه ماراح احكي عن العصور القديمة والديانات بهداك الوقت راح احكي عن الوقت الحالي كل الديانات بالعالم في عندا شي عظيم و قادر على كل شيء اسمو الله او الرب او... وكل الديانات بالعالم عندا اسلوبا بالمكافئة والمعاقبة بعد الموت على الحياة يلي عاشا الانسان و على اعمالو بس في نقطةمهمة انو كل ديانة بتعتبر حالا انو هي الدين الحيح و الاله تبعا هو الاله الحق مثلا اليهود بيقولولك انو هنن شعب الله المختار والجنة الون بس المسيحية بيقولولكنو من آمن المسيح فسيخلص الاسلام بيقولواك انو الدين عند الله الاسلام الهندوس بيقولولك نو انت ما بتدخل الجنة الا اذا كنت متذكر احد آلهتون و انت عم بتموت و الا فراح تضل على الارض عم تعيش وتموت وتصير حيوان و و و كمان كل الديانات بتمن بمعجزات عملوا آلهتون او انبياؤن و الشخص يلي بيؤمن معجزات عملتا آلاهتو ما عندو الحق انو يكذب معجزات الالهة التانية لانو لا هو و لاغيرو فيون يثبتو صحة المعجزة علميا و عمليا يعني كل الالهة عندا كمان قدرة المعجزات و من ناحية الامان فكل دين فيو قسم من المؤمنين بقوة و بدافعو عن دينون بشكل اعمى وكل الديانات بتثبت حكيا بكتب بتقول انو مبعوتة من عند الله يعني اذا اجى واحد من الفضاء على الارض و تمشى فيا و اطلع على كل دياناتا راح يتوصل لهالنتيجة 1-يا اما مافي الله بنوب و الانسانمن حالو اخترعو و عطا قوى خارقة 2-يا اما في اكترمن الله وكل واحد منون الو صفاتو الخاصة وجنتو ونارو الخاصة 3- يا اما الله ما عندو القدرة انو يعمل دين واحد بس وهادا بينفي فهوم الكمال و بالتالي بينفي الله هلاء ناقشوني بهالحكي و بعدين بتابع الموضوع بس قراؤ يلي كتبتو منيح و بعدين جاوبوني يعني انا مارح اصدق واحد بكتبلي آيةبالقرآن و اكذب واحد يهودي ووكمان اي شخص بيستشهد بمعجزات او آيات ما بحقلو يعترض او يكذب اي شخص تاني عم يحكي عن معجزة تانية..... سلام :D |
إنه بقلبي ......
السلام عليكم :D
حلو ان لهلئ ما في ولا رد (لأن حكون الاولى) وانا حناقشك بالموضوع مع إني ما بحب هالقسم من المنتدى بنوب, لكن مش لأنك جاري وبس, لأن الموضوع حلو وممكن يكون فعلا نقاش (عقلاني) مع إني ما بضمن أن مش رح يكون في تهجم وجرح متل معظم المواصبع لهالقسم طيب مالنا فيها ... :D الانسان مخلوق ضعيف , وبيعترف بهالشي بقرارة نفسو , وبيشوف شي أعظم .. وبالفطرة بيحاول يقربله لحتى هداك (الشي الاعظم) يوقف معه وما يوقف ضده .. لذلك الانسان وصل تفكيره لشي اسمه (الله) اللي ما بيدركه ولا بيعرفله شكل ولا شي, لكن هو مش بشر ولا مخلوق ولا كائن عادي ,,, لأن كل الاشياء التي رآها الانسان بحياته على مر العصور ما كانت متكاملة. فعلا الله في تصور الانسان وتفكيره .... طيب ... وكلنا منعرف ان لما للانسان بيكون في هدف, هالشي بيساعده على الحياة,,... والانسان لما بيأمن بالله وبانه لازم يتقرب منه وبالتالي يعمل (س) شغلات لحتى الله يحبه, فهالشي بيعطيه أمل بالحياة ولحتى يحسن نفسه. إذا ................ فالإيمان هو الأمل ......... والعبادة هي الوصول للشيء المطلق ... !!! انا ... دون النظر للديانة يلي بعتنقها, لكن ما آمنت ولا عبدت إلا من مدة قصيرة, لما حسيت اني يجاجة لله, ان كلشي بهالدني بيقودني لعنده, ومن لما هو ناداني .. صرت حس بوجوده معي دايما, والاهم .. ان لما بطلب منه .. بيلبيلي .... شو في احلى من ان الانسان يحس ان (الشي الاعظم) بيسمعله وبيلبيله :) :) بصراحة وصلت ........ لشي اسمه الاكتفاء والاقتناع ............ وهالشي حلو كتير كتير بتمنى كل انسان يشعر فيه ليعرف شو هي السعادة وكمان بعرف ....... ان الله مش منتظر مننا (فقط) الصلاة - سواء كانت سجود أو ركوع أو كلمات ... هالشي كلو مالو معنى أدام يلي بقلب الانسان ....... وطبعا لازم يرافقه الحركات (ولو انها وبرأيي شي ... شي مو شي). وهلئ ....... كلشي انا بتمناه من هالناحية هو انه يقويني ويقدرني على اني تم عبادته بالشكل يلي بيريد, وما اقطع صلاة ... وكون عند حسن ظنه .......................... لاادر ورجيه اديه انا ممتنة, ما بعرف لشو بيلزمه ... لكن انا بحب ورجيه هالشي ....... وان شاء الله يثبتني عالايمان. طبعا ما مننسى ان الايمان هو الرادع الاول للكذب .. للغش .... للجريمة ... لكلشي سيء ممكن يقترفه الانسان بهالدني .. سبااااااايك :D يا جاري العزيز احكيلنا شو يلي وصلك لهالمواصيل؟ ولهالتساؤلات ؟ والسلام عليكم والرحمة والبركات |
حلو هاي اول واحد او بالاحرى وحدة بتوافق بانو نحن مين عملنا الله مو هو يلي عملنا
:D |
اقتباس:
وكيف الانسان بعقله بيستوعب ان للكون شيء قوي قوي (دون النظر إلى الرسل مثلا), لأن انا آمنت مش من رسول ولا داعية ولا كتاب ولا لا .... انا آمنت بعقلي, من لمان بلشت اوعا, وافهم ان اكيد في رب .............. ونوعا ما ........ فانا بوافق كلامك ... جزئيا وبالاخير ..... فـ(سميسيل جيزني) هو الايمان ........... والسلام :D |
لأ خيتو هدف الحياة مو الأيمان,
الأيمان ما بيقدم ولا بيأخر يمكن يخليكي تشعري بالراحة بس هادا بضل شعور شخصي يعني وهالحكي حكا هاشتنشت من قبل :D |
مشكوروين كلكون على هالردور الحلوة بس على اي حال سكوتكون بيعني انو كلامي صح 100% او انو ماحدا منكون عندو القدرة بانو يجاوبني و يناقشني
:gem: :gem: و بالحالتين انتو اثبتو عدم نفعكون بحوار الاديان يعني وجودكون بلا معنى فروحو و طلاعو من حوار الاديان و تسلولكون بشي محل تاني روحو ل على الطاير و تسلو احسن من وجودكون هون :D |
:shock: :shock: :shock: :shock: Kliopatraما بعرف بس كانو في عنا توارد خواطر او شي انا كاتب نفس فكرتك بس بغير محل !!!! :shock: :shock:
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
السلام عليكم
زيتون الطيب .. صح في توارد افكار, لكن بيصير في تباعد باهم نقطة الانسان لمان بيفكر انه عم يضحك على حاله ما بيكون مؤمن بجد اما انا فعم بحكي عن الايمان بالحقيقة وليس الخدعة ما بحب اتطرق لموضوع دين معين, لكن لو تابعت امور الدينا والطبيعة لح تعرف انه ما انوجد من العدم ... وبرجع بقول ما بدي خوض بالموضوع لان يلي هون ومن غير ديني مش حيقتنعوا, وانا بعدني ما وصلت لمرحلة بتخولني لوقف وقفة الداعية. :D والسلام |
سبااايك ... حسابك معي بعدييين :P :jakoush:
|
اقتباس:
|
اقتباس:
بدي ارجيلة سليفا باناناس جنبها اكلة فرنسية :cry: |
اقتباس:
الفكرة ابسط من هل النقطة انا كل ردي كان على منطلق في حال كان هذا الاله غير موجود :lol: اقتباس:
يعني او انك تنظرين الى شخص يعبد ما لا تعبدي فستقولين "كيف لا يؤمن بما لا اؤمن ...الخ" وهذا الشخص سيقول كذلك "كيف هي لاتؤمن بما لا اؤمن....الخ" و انتم الاثنان تملكون طاقة الايمان و لذ هي ليست قادمة من العدم شكرا على السؤال الغير مباشر :P و ارجو انو الصورة تكون توضحت هلا :D |
الإله الواحد في هذا الكون واحد هو الله
رب محمد عليه السلام ورب عيسى عليه السلام ورب موسى والأنبياء جميعا ورب البشرية جمعاء ربنا الله الذي لا نلجأ إلا إليه في الشدائد والمحن إذا ضل الحادي في الصحراء ، ومال الركب عن الطريق ، وحارت القافلة ، في السير ، نادوا : يا الله . إذا وقعت المصيبة ، وحلت النكبة ، وجثمت الكارثة ، نادى المصاب المنكوب ، يا الله . إذا أوصدت الأبواب أمام الطالبين ، وأسدلت الستور في وجوه السائلين ، صاحوا ، يا الله . إذا بارت الحيل ، وضاقت السبل ، وإنتهت الآمال ، وتقطعت الحبال ، نادوا ، يا الله . إذا ضاقت عليك الأرض بما رحُبت ، وضاقت عليك نفسُك بما حملت ، فاهتف ، يا الله . ولقد ذكرتُك والخطوبُ كوالـــــح سود ووجهُ الدهر أغبرُ قاتِم فهتفتُ في الأسحار بإسمِكَ صارخاً فإذا محياً كُل فجــرِ بإسمُ إليه يصعد الكلم الطيب ، والدعاء الخالص ، والهاتف الصادق ، والدمع البريء ، والتفجع الواله . إليه تُمد الأكُف في الأسحــار ، والأيادي في الحاجات ، والأعين في الملمات ، والأسئلة في الحوادث . بإسمه تشدوا الألسن ، وتستغيث وتلهج وتنادي ، وبذكره تطمئن القلوب ، وتسكن الأرواح ، وتهدأ المشاعر ، وتبرد الأعصاب ، ويثوب الرشد ويستقر اليقين ، ( اللَّهُ لَطِيفٌ بِعِبَادِهِ ) . الله : أحسن الأسماء ، وأجمل الحروف ، وأصدق العبارات ، وأثمن الكلمات ( هَلْ تَعْلَمُ لَهُ سَمِيًّا ) ؟! الله : فإذا الغنى والبقاء ، والقوة والنصرة ، والعز والقدرة والحكمة ( لِمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ ) . الله : فإذا اللطف والعناية ، والغوث والمدت والوُد والإحسان ( وَمَا بِكُمْ مِنْ نِعْمَةٍ فَمِنَ اللَّهِ ) . الله : ذو الجلال والعظمة ، والهيبة والجبروت . |
:jakoush: :jakoush: :jakoush: :jakoush: :jakoush:
|
اقتباس:
و المسيحية ما بتؤمن الاسلام و عندون المسيح هو ابن الله و هو الله و الله بلااسلام بينفي هالحكي و بدعي الناس يلي بتؤمن بهالحكي بالمشركين و الكفرة فانت هون خلطي 3 آلهة مختلفين مع بعضون و على فكرة انتي ليش نسيتي الديانات التانية غير اليهودية و المسيحية و الاسلام...... 2ـانتي ذكرتي بعضمة لسانك انو الانسان ما بيذكر الله غير وقت بيكون عندومصيبة يعني الله بنذكرو منشان عندنا امل بحل مشاكلنا فاذا انحلت بنقول انو الله حلا و اذا ما انحلت بنقول الله الو حكمة بهالشي و بالحقيقة حل اي مشكلة بيعتمد عمل الشخص لحلا طبعا في مشاكل ما بتنحل فاذا انحلت بنقول معجزة بس هو مو معجزة هو بتكون صدفة بحتة يعني العالم عم يمشي علىالاحتمالات...والقضاء و القدر ما الون اي وجود :D |
أنا متأكد أنو لو رجعنا لغينا كل الإلهة الموجودة-الحقيقية و المخترعة-..بظرف كام سنة رح يظهر ألهة جدد..
الإله مالو وجود مادي..ألو وجود روحي..و الإنسان ما بيشوف الروح و لكن يشعر بها...الإله ضروري للإنسان.. أنا حتى لو اكتشفت أنو الله مالو وجود حقيقي رح ضل آمن فيه..لأن الله هو روح المحبة المنتشرة بين الناس..و المحبة رح تضل موجودة بوجودة الإنسان مهما تدهورت أمور البشرية... الإنسان اخترع الإلهة و حط فيها كل القوة اللي هو بيطمح لألها..حط كل الصفات المنيحة و القوية.. المسيح فعلا وجد و بغض النظر إن كان إلها أو لا ..و لكنه يمثل الله بكونه إنسانا أولا و الإنسان على صورة الله.. و ثانيا بكونه قد صنع الخير و نشر المحبة..و الله محبة..و فقط... أبو عبسي.. و سلام..! |
اقتباس:
|
:D :D :D :D :D :D
تحياتي |
:D :D :D :D :D
:D :D :D :D :D :hart: :hart: :hart: :hart: |
الله بالنسبة للاسلا بعبع سيقتل سيعمل سيفعل ...
أما لنا نحن المسيحيين الله محبة وسلام ... سلام :D :D |
اقتباس:
(( وغرهم في دينهم ما كانوا يفترون )) ماذا لو قرر الله معاقبتك !!!! وكان يعاقب هل ستجرده من تلك الصفة وتنقص الكمال عن الله !!! الفكرة حقيقة ليست في أن يعاقب أو لا يعاقب الفكرة في كمال الله وكمال صفاته. |
اقتباس:
جاري العزيز :D ما بدي خانئك ولا زعلك ... وطبعا بتمنى اختلاف الاراء تتاخد بروح رياضية متل ما تعودنا .. طالما القضاء والقدر مالهون وجود ... من وين اجا الكون ؟ ليش الانسان بيختار( أ) وما بيختار (ب) ؟ شو يلي خلاك تجي عروسيا مش عألمانيا ؟ شو يلي بيجيب هالـ(صدف) لتحللك مشاكلك ؟ ....... شو يلي بيخلي اليوم نهار وليل ....... وأسئلة كتيرة فوق مستوى العقل البشري ........... بتوجهه (بعد تفكير وتأمل طبعا) إلى أن في قوة خفية بهالكون .. بتعمل بالانس بين كلشي .... وهالقوة وحيدة, لأن لو كانت عدة قوى كان غجباري صار في خلاف بيناتهون . من هالشي كلو ............. نحن بس سمينا هالقوة بــ(الله) والرب سبحانه وتعالى مالوه خواص البشر .. وماله شكل البشر ........... لذلك ما فينا نتخيله او نفكر فيه (كأي مخلوق آخر) والسلام :D |
اقتباس:
زيتون بيك ........ الفكرة وضحت .......... ولكن ......... او بالاحرى في كتير ولكنات ....... مثلا ......... ولكن : لشو الخناء؟ يعني كل يوم بفوت على مواقع .. على محلات ........ على مقالات هون هالشخصين (المسيحي والمسلم) بيخترعوا شغلات وبيحاولوا اد ما فيهون ان يغيظوا التانيين ... هاد الشي ما اسمو (دعوة إلى الدين الحق) ........ وهالشي بيأثم عليه كلا الشخصين (بكلا الإلهين - مع انني اقول ولا اناقض قولي أن الإله واحد) ليش مو كل واحد يترك (شتم) التاني .. ومش ضروري يفكر (لاء خليني خانئوه وغيظه وغصب جرو على ديني .. ) ولمان كل واحد مننا بيفكر هيك .......... وما بيأذي التاني .... بتكون الحياة حلوة وما رح يكون في داعي لهيك تساؤلات ......... وبعدين للدعوة في عدة طرق ................... وبس اتعلم الدعوة إلى ديني (أوصلا ومنهجا وبرهانا) ما رح اترك انسان مش رح ادعيه .......... لكن الطريء بعده طوييييييييييييييييييييييي يييل وبشوفك بخير مسيو زيتون :D |
اقتباس:
الله كمان خلق الشر ......... خلق الظلم والتكبر والطغيان ......... واهم الشي ........ خلق جهنم |
اقتباس:
بكل بساطة لأوضح أن القضاء و القدر غير موجودين.. يفسر القضاء و القدر بكل بساطة بأن لكل شخص مخطط و مرسوم ماذا سيفعل بحياته و أين يذهب و أين يأتي.. حسنا إذا افترضنا أن الله سيعاقبنا على أخطائنا التي نمارسها ..فبأي حق..إذا كان في قدري أن أخطئ..و القدر مرسوم من قبل الله ..فالله يجعلني أخطئ و من ثم يريد أن يعاقبني..إذا كان القدر موجود فإن قدر آدم و حواء أن يخطأا..و الله هو الذي حدد لهما قدرهما..فلماذا قام بمعاقبتهما.. لكل إنسان عقله و قلبه و الخيارات أمامه..و هو من يقرر ماذا يفعل و إذا كان يريد من الله أن يساعده...فلا وجود لشيء اسمه قضاء و قدر... اقتباس:
آدم و حواء هما الذين أخطأا و ليس الله..فبالتالي هما الذان قاما بأول خطوة ابتعادا عن الله..جهنم هي الإبتعاد عن الله..و نحن الذين نبتعد و ليس الله..... أبو عبسي.. و سلام..! |
الأخ العزيز صاحب المقال لايجوز الخلط عن قصد أو غير قصد كما فعلت في مقالك !!!
لو أنا أمسكت الكتاب المقدس مثلا وقلت هذا خبز وأعطيته لرجل جائع وقلت له كل هذا الخبز هل سيأكله وسيقول هذا خبز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟ وهل سنسلم وسنقبل بأنه لو جاء صاحبك من الفضاء ورآني أقول عن الكتاب المقدس أنه خبز بأن يذهب لقومه في الفضاء ويقول هناك في الأرض أنوع عديدة للخبز فهناك الخبز الفرنسي و خبز الحنطة وخبز طعمه طيب يدعى خبز الكتاب المقدس وهو مكون من أرغفة كثيرة يصل عددها ربما للألف تصلح للوضع في الحساء ومطلية بكتابة هي نوع من أنواع النكهة !!!!! للأسف مجمل مشاركتك أعلاه هو هكذا... العبرة ليست في التسمية والاسم فقط العبرة في دلالة الاسم على المسمى وغيرها من العبر فكل ما قلته للأسف هو سلسلة من الخلط و التلاعب في الألفاظ . الله عندما أرسل نبيه هود إلى قوم عاد قال لقومه : (( ياقوم إعبدوا الله مالكم من إله غيره أفلا تتقون )) فهم جادلوه جدالا شبيه بجدلك بأن لدينا آلهة نعبدها أمامنا وهي إله أيضا فقال لهم (( أتجادلونني في أسماء سميتموها أنتم و أباؤكم ما نزل الله بها من سلطان !!!؟؟؟)) فإذا ياأخي ليست العبرة في أن الهندوسي لديه والبوذي لديه العبرة في البحث عن الحقيقة و تحري الحقيقة. { ولله الأسماء الحسنى فادعوه بها وذروا الذين يلحدون في أسمائه سيجزون ما كانوا يعملون } إن أسماء الله تبارك وتعالى دالة على صفات كماله فهي مشتقة من الصفات . فهي أسماء وهي أوصاف بنفس الوقت ولذلك سماها الله بنفسه بأنها أسماء حسنى إذ لو كانت ألفاظاً لا معاني فيها لم تكن حسنى . ولله في أسمائه جميع أقسام الكمال . وكل إسم كامل بمفرده وله كمال إن اقترن أحدهما بالآخر. مثال ذلك قوله تعالى : { والله غني حميد } {والله عليم حكيم } {والله قدير والله غفور رحيم } فالغنى صفة كمال والحمد صفة كمال واقتران غناه بحمده كمال أيضاً وعلمه كمال وحكمته كمال واقتران العلم بالحكمة كمال أيضاً . وقدرته كمال ومغفرته كمال واقتران القدرة بالمغفرة كمال ، وكذلك العفو بعد القدرة:{ إن الله كان عفواً قديراً } . فما كل من قدر عفا ، ولا كل من عفا يعفو عن قدرة ولا كل من علم يكون حليماً ولا كل حليم يكون عالم. إن أفعال الله تبارك وتعالى صادرة عن أسمائه وصفاته . ولو أخذنا الاسم الأول لله وهو (الله) فأوضح للأخوة أن الموضوع يتجاوز موضوع اللفظ بكثير اللـــه : هو الاسم الذى تفرد به الحق سبحانه وخص به نفسه وجعله أول أسمائه واضافها كلها اليه ولم يضفه الى إسم منها فكل ما يرد بعده يكون نعتا له وصفة ولهذا الاسم الخصائص التالية. الخاصية الأولى : أنه إذا حذفت الألف من قولك (الله) بقى الباقى على صورة الاسم (لله) كما فى قوله ( ولله جنود السموات والأرض) وإن حذفت عن البقية اللام الأولى بقيت على صورة (له) كما فى قوله تعالى ( له مقاليد السموات والأرض) فإن حذفت اللام الباقية كانت البقية هى قولنا (هو) وهو أيضا يدل عليه سبحانه كما فى قوله ( قل هو الله أحد ) والواو ذائدة بدليل سقوطها فى التثنية والجمع ، فإنك تقول : هما ، هم ، فلا تبقى الواو فيهما فهذه الخاصية موجودة فى لفظ الله غير موجودة فى سائر الاسماء وكلمة الله في اللغة العربية لا جمع لها فهي مفردة تدل حتى في التسمية على وحدانيته.... في حين لو أخذنا كلمة GOD في الانكليزية فبإضافة حرف الجمع للكلمة تصبح GODS وهي كلمة صحيحة وتعني آلهة... فليست العبرة في التسمية و كثرت التسميات فهذا أمر لا قيمة له نهائيا أيها الأخ صاحب المقال وليس كل من قال يصدق في قوله ولا كل من صدق في قوله صح قوله. |
اقتباس:
حاشى الله أن يُخطئ .............. جهنم ليست الابتعاد عن الله .. جهنم أقرب لله من الارض الدنيا ....... لأن هون نحنة لفترة وجيزة .... أما بعد الاخرة فنحن مُخلّدون. اما الشر ....... فانخلق من أمر الله .............. لو الرب سبحانه وتعالى ما كان بيريد كان ما وجدهون ...... أما ليش وجدهم؟ .. فهالشي فيه حكمة فوق طاقة العقل البشري على استيعابها ! وطالما انت بتفسر كلشي ....... ففسرلي منين اجت الجبال ؟ وكيف ان النظام الشمس متكامل ......... وكمان فسرلي كيف بيشتغل عقل الانسان ... القلب ......... المعدة ............. والسلام عليكم |
اقتباس:
هل من المعقول أنا نجد الله في جهنم؟؟بالتأكيد لا و لهذا جهنم هي الإبتعاد عن الله.. اقتباس:
أبو عبسي.. و سلام..! |
مرحبا الاخ سبايك وكل الموجودين واضح الاعضاء اللي كتبوا هون ورافضي فكرة الله انو حقيقه موجوده وبنظرهم هو اختراع خيالي كان لهم دافع قوي لهالرأي وهو عدم وجود دليل مادي او حتى صورة فوتغرافيه مكتوب عليها الله يعني مافي شي وضعه الله قدام الناس بيخليهم ينبهروا فيه ومايشكواا بتاتا بوجوده طب خلينا نبحث في التاريخ ونشوف هل فعلا في شيء مادي ممكن نمسكه دليل قاطع ... مثلا الطوفان .. كثير من سكان الارض يؤكدون حصوله وقصته موجود بالتوراه وغيرها مثلا السيد المسيح واعماله وكمان ليش مايكون الله قاصد انه يختفي او ان الله مابيقدر يكشف ذاته لانسان ساقط في نظره ونجس لان الله قدوس ووووووو غير هيك اليس الله روح والعالم الروحي لا يرى بالعين المجرده لماذا من الضروري الاثبات المادي البوذيه والهندوسيه و غيرها لاتختلف في مبرراتها عن الاديان الثلاثه لكن اقوى سؤال اذا الله موجود اين هو لماذا لايظهر لماذا لم يترك ولو اثر اقدامه على الارض بالتاكيد الديانات كلها ستعطي قائمه طويله من التبريرات لكن كلها ستكون غير ملموسه باليد |
اقتباس:
تريد دليل مادي ملموس طب بسيطة التنظيم الشديد الدقة بالكون أليس هذا دليل مادي طب لكل داء دواء أليس هذا دليل مادي على وجود المنظم طب حركة الكون الجاذبية والنبذ إن الله ليس بشر حتى نطلب منه بصمة او دعسة هو روح خالقة الكون الكون ودليلها هو الكون كله بكل مافيه سلام |
فعلا يا محبه كلامك له وقع قوي خصوصا الدقه والتنظيم العجيب والابداع في الكائنات واولها الانسان والتي جميعها لم ولا تستطيع ان تدعي ان لها يد في الموضوع هذا يكاد يكون دليل مادي يؤخذ به حتى لدى المحاكم البشريه ولاننسى ان ايضا السر الذي يجعل بعض المخلوقات مثل النسان تتميز بشيء فريد وغريب عن لكائنات الاخرى الجامده مثل الحجر الحركه الذاتيه الاختيار الاحساس العاطفه التفكير انتاج الطاقه التوالد ..... اين يذهب الانسان الملحد بكل هذه المعجزات الا يمكن فعلا ان تكون الإجابه الوحيده هي ماذكر في سفر التكوين (ونفخ الله في أنف الإنسان نسمة حياة فصارالانسان نفسًا حية) هذي اقوال منقوله عن الله ..فبماذا يرد الإدعاء على كلام المحلفين |
اقتباس:
|
اقتباس:
ليست الاشكالية في مجرد الادعاء والتمني ومانيل المطالب بالتمني أنتم وأنت بإدعائكم هذا تجردون الله من صفات الألوهية وتنقصون من كمال الله. وهناك إشكالية فكرة الله في المسيحية نحن نريد أن نفهم هل يستطيع الله في المسيحية أن يقتل و يضر فإن كان يستطيع فتلك الصفات موجودة في ذاته و جوهره الآن إن كانت موجودة في ذاته فهل يستطيع إستخدامها أم لا !!!! أم هي صفات معطلة !!! فإما الجواب نعم وبالتالي أنتم مجرد واهمون و متخيلون و تتمنون على الله الأماني أنت عندما تقول أن الله لنا نحن المسيحيين محبة وسلام هذا تسطيح جدا للأمور ومجرد تخدير تعيش فيه وهو لا يلفت نظر أي مسلم ولا غير مسلم بقد مايثير تساؤلات لأن البشرية تبحث عن إجابات عقلية منطقية مقنعة ومريحة للعقل والقلب لا تبحث عن إله خلال جولة تسوق !!! (( أينما تكونوا يدرككم الموت و لو كنتم في بروج مشيدة و إن تصبهم حسنة يقولوا هذه من عند الله و إن تصبهم سيئة يقولوا هذه من عندك قل كل من عند الله فما لهؤلاء القوم لا يكادون يفقهون حديثا )) نحن بدنا نسألك بما أنك مسيحي مؤمن من خلق الجراثيم التي تفتك وتؤذي الانسان !! وقد تتسبب ببتر عضو له المشكلة الفكرة المسيحية عن الله فكرة منقوصة وتصطدم بالحقائق وتوصل للالحاد. |
اقتباس:
دون أن تملك أي منطق و حجة وإجابات فكرية مقنعة !!!!!. |
اقتباس:
لانتهى الأمر وإنتفى مبرر وجود الانسان على الأرض ولانتهت فترة الامهال التي أنعم الله فيها على البشر (( و قالوا لولا أنزل عليه ملك و لو أنزلنا ملكا لقضي الأمر ثم لا يُنظَرُونَ (يمهلون) )) لذلك الأمم السابقة التي أراها الأنبياء معجزات خارقة لعالم المادة و لم تؤمن بعد ذلك جميعها وقع عليها العذاب وأزيلت إن لم تؤمن لأن آخر حجة للانسان قد أزيلت عندها أنا أريد أن أسألك ما الفائدة من أي إمتحان إن رأى الطلاب الأسئلة !!!!!!!! |
| الساعة بإيدك هلق يا سيدي 23:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون