|
ماذا تعني لك (( أخوية )) !!!
مرحبا يا أشاوس ...
كل واحد مننا بيحب أخوية بطريقة أو بأخرى ... و كل واحد مننا بتعنيلوا أخوية شي مميز مشان هيك, عمنضل ندخل لهون و صارت جزء من حياتنا ... بقا حابب إطرح هالموضوع مشان نعرف ( أخوية ) شو بتعني لكل واحد مننا, و شو السبب يلي خلا كل واحد يتعلق بأخوية ... هاتو لنشوف ... :D :D |
اخوية سوستي المفضلة
حشيشتي كلشي انا خايف من شي يوم انحرم من الانترنت مشانها هي متنفسي ومساحتي الواسعة وما راح اقدر احكي لانو الحكي ما بيقدي بحبها موت وانا بعدت عنها شوي وما قدرت ولهيك رجعت بحبها مووووووووت :D :D :D :D :D :D :D :D :D :D :sosweet: :sosweet: :sosweet: :sosweet: :sosweet: :sosweet: |
:D :D :D انا الأخوية كوني مغترب صارت إلي متل متنفس و عن جد من ريحة البلد :cry:
فا صارت مجتمع بحالو بالنسبة الي و صرت لا اراديا بس افتح النت افتح الأخوية :) :) و الكل بدون حصر متل أخوتي صاروو :D :D و سلام للكل و شكرا سعيد :D |
و هلأ إجا دوري ..
أول شي تعرفت على أخوية أول ما إجيت على ألمانيا .. وصلني وقتها إيميل سبام و أنا نادراً ما إفتح هيك إيميلات ... بس وقتها ما بعرف ليش .. المهم ... عملتها و قريت الإيميل ... و فتت عالموقع .. كان تقريباً بأولو .. كان عدد الأعضاء مو كتير ... و المنتدى إساتو بيتوتي (( ما بعرف إذا المصطلح صحيح )) المهم .. عملت فتلة سريعة و فكت يا عرب .. و راحت الشغلة شي شهر زمان ووقت بلشت عنجد إشتاق لسوريا و لحمص تحديداً .. صرت دور على أي شي إلو علاقة بحمص .. و ما بعرف كيف تذكرت أخوية .. قلت خلينا نشوف شو صار بهالموقع ... و يومتها دخلت و لهلأ ما عمبقدر إترك .. بعرف كانت مقدمة طويلة كتير ... و كمان حابب ضيف شغلة .. إنو عنجد الواحد ما بيعرف قيمة الشي لحتى يفقدو .. لأنو أنا وقت بيمر عليي شي كام يوم و ما بقدر إدخل عالنت .. عنجد بضل متحرقص .. بدي إعرف شو صار بأخوية ... و شو في أخبار جددة و مين في أعضاء جديدة ... أخوية شو بتعنيلي : أنا بعتبر أخوية متل بيتي على النت ... عنجد عمبحكي ... يعني نفس الإحساس يلي بيحسو الواحد لما بيكون ببيتوا أنا هيك بحس و قت بكون بأخوية ... بين أهلي و اخواتي ... عن طريقها قدرت إتعرف على كتير عالم ما كان في مجال إتعرف عليون بلا أخوية .. و كتير أصدقاء قدماء ما عاد شائت الظروف إنو نشوف بعض .. ردينا إجتمعنا مع بعض هون بأخوية ... و كمان في شغلة حلوي ... مثلاً أنا بحب إكتب خواطر و قصص قصيرة ... و ما بتذكر ولا مرة إنو حدا من رفقاتي بسوريا كان إلو خلاق يقرا ... إذا دروسون ما بيقروها ... بقا هون كمان لقيت المجال إنو إتعرف على ناس عندون نفس الهوايات تبعوتي .. هون مابدي إذكر أعضاء بالإسم . بس عنجد في كام عضو كل ما إسمع كلمة أخوية هني بيكونو أول العالم يلي بيخطروا على بالي .. هدول يلي عطو لمسات كتير حلوي للموقع ... بدي إشكر كل الأعضاء القدام و الجداد ...لأنو بوجود بتكبر أخوية و بتصير بيت كل عضو من أعضائها .... (( لعمش حسيت حالي عمبستلم شي جائزة أوسكار :P )) سلام اخواتي :D :D |
والله انا اول ما سجلت ما حبيت الاخوية كتير
بس ضليت فوت عليها لانو الشي الوحيد يلي بحسوا بيمثل حمص بعدين صارت بعروقي الاخوية و هلا يعني اذا مرقت ساعة ما فتت على الاخوية بجن بموت يعني الاخوية صارت كل شي بالنسبة لالي :D :D |
الأخوية هي عبارة عن أخوة بعزهم كتير و من كل ألبي و في جماعة ( ركزولي على جماعة ) بموت باله الي خلقهم تحياتي :D :D
|
بصراحة لا أريد ان أفكر ماذا تعني لي وأن أبحث في معانيها في قلبي .. لأنني عندها قد أخسرها ..
لذا سأحافظ على هذا الشيء المجهول الذي يشدني بقوة اليها .. ولا أريد ان أكتشفه .. خشية فقدانه .. :D :D |
أحلى شباب و أحلى أخوية
عنجد يا شباب انا بستخدم الانترنت من اكتر من 6 او 7 سنين من سوريا و من خارج سوريا بس بحياتي ما تابعت موقع او دخلت على منتدى غير مرة وحدة و هي التانية ( مع العلم اني تركت اول منتدى ) يعني على طول انا بدخل على مواقع بتصفح و بمشي بس ما بعرف شو شدني يمكن لانوا على طول كنت عم ادخل على مواقع و منتديات ماهي سورية و هاد الموقع في شباب و صبايا سوريين يمكن هاد الشي شدني اكتر انوا انا عم حاور و ناقش شباب من بيئتي عم نعيش انا و هنن نفس النظام بنفس الطريق و عم نتقاسم هموم بلدنا او عم نحاول نبدي راينا ب الافضل لالها ( يعني عنجد انا بدخل لهون و معتبر انوا كل اللي بالموقع أخوتي ) على فكرة انا حاليا بقضي من 4-6 ساعات كل يوم الصبح على الاخوية اما بقرا المداخلات او عم دور بين ملفاتي على شي مقال او صورة حلوة حتى شارك فيها يعني اذا بتلاحظوا انوا انا ما صرلي زمان بالاخوية و مع ذلك عندي مداخلات و مواضيع كتيرة على فكرة انا فورا دخلت و حطيت موضوع و ناقشت فية يعني حتى ما خطرلي نهائيا انوا مر على الصالون لحتى حدى يستقبلني ( بلا احم ولا دستور ) فورا على قسم على الطاير و بديت شارك . بتمنى انوا يستمر هالموقع و دائما يتطور للافضل |
الاخوية خلتني حس اني بسوريا وبعدتني شوي عن شعور الغربه
لاني حسيت اني بين اهلي بسوريا وصارت الاخوية روتين يومي اذا ما فته بحس انو في شي ناقص وشكرا الك عالموضوع الحلو :D |
بصراحة واحد متلي سوري بس مو بسوريا يعني بحس أنه منتدى الأخوية هي الوصلة بين البلد اللي أنا عايش فيها وبين سوريا وأهلها
|
HI SA3EED . hi every body ymkeen ma kter 3alam bya3rfoony be hal website bas ana 3ala tool bdkhol 3leeh la2noo mtl ma 2alo kol al shabab la2noo bezakrny be homs .. wa fee sheghly tany kaman enoo ma 3andy mosharakat kteer hehe ymkeen 2let mrweeh wa fee sheghly tany enoo ma 3andy internet be al beet bas kol ma bfta7 al internet bdkhlo 3ala my e_mail wa 3ala akhwia ma ba3reef leesh !!! wa jay 3ala baly shareek be shee mawdoo3 be montada sofara2 akhawia laenoo al blad yalle ana fea feeny 7ot shee 100 mawdoo3 3ana nshala 3an 2areeb :D
|
أخوية بحبها كتير..
فكنت بحضورها لما ولدت (قيصري الله وكيلكم قيصري) وكنت لما كبرت وما كبرت متل باقي المنتديات او المواقع .. تحديدا اخوية كانت عم تكبر (كل شبر بندر) .. اي اي .. (كل شبر بندر) .. وبعدها لما صارت صبية.. صار كتير في ناس يلطشوها ويتحركشو فيها .. دوم يعني هيك الصبية بأول تفتيحتها على الدنيا وإذا كانت حلوي وأمورة وغنوجي متل "أخوية" فالقضاء والقدر بيحتم انو يحاولو كتير يتحركشو فيها وبيجوز يفشكلوها .. :lol: :lol: بس بحكم انو كانت"اخوية" مترباي على اسس متينة وصلبة.. فكان دائيما تفضل واقفي وبكل مرة يصير ويناغشها حدى كانت اتزيد حلاوي ودلع .. وهيك يعني .. :sosweet: وهلق بدنا من اخوية اتضل صبية .. وست الصبايا .. :gem: :gem: |
اقتباس:
|
أنا موافق كل اللي كتبو قبلي على الآراء الحلوة :hart:
:hart: :hart: :hart: |
أنا بعرف موقع أخوية من أول ما طلع..لأنو و يمكن في منكن ما بيعرف موفع أخوية كان فعلا لأخوية بحمص..و حسيت حالي بنتمي للموقع بانتمائي للأخوية يلي بتعنيلي كتير..من فترة لفترة كنت بفوت على الموقع..بس لأني ما بعرف شي على الإنترنت ما انتسبت..من فترة بعد ما انتسب حسون رجعت شوي لأخبار الأخوية..و بعدها انتسبت و صرت عضو..
أنا الأخوية بتعنيلي لأني فعلا بقدر ناقش أية موضوع فيها و بقدر أظهر بشخصيتي الحقيقة فيها و نزل أشعاري و خواطري.. فعلا أنا حاسس أني منتمي لهلمكان كتير.. أبو عبسي.. و سلام..! |
الاخوية هيي بيتي لي برتاح في والاخوة لي عندي ياهون بالدنيا كلها
|
اقتباس:
|
اقتباس:
|
ماذا تعني لك " أخوية "
أدمان |
اقتباس:
|
اقتباس:
|
عنجد الاخوية ادمان انا صرلي هون شهر ما اكتر و كل نهار عم ضل للساعة 5 الصبح بالموقع...
|
اقتباس:
بالنسبة الي الاخوية هي اغلى شي الي بعد عيلتي يعني هون رفقاتي وهون تسلياتي وهون ثقافتي وهون كل شي بالاخوية ببكي كتير وبضحك اكتر ومنها تعلمت كتير وتغيرت نظرتي لكتير اشياء واهم شي بالاخوية انها عم تقلل احساسي بالغربة يعني عم حسها اكتر شي بيوصلني بالبلاد بشكل عام وبحمص بشكل خاص احلى اخوية واحلى اخوات الي هون :D :D :D :D :D :D :D |
:) :) :D
|
اي شو الغربة لهل الدرجة صعبي؟؟؟
|
اقتباس:
|
الله لا يخلينا انجرب.. :cry: :cry: :cry:
|
اقتباس:
|
اقتباس:
|
اقتباس:
|
اسال الحكيم فقد يكون مجرب
|
بصراحه بصراحه بصراحه :D :D :D
الاخويه هي روح الحياة هي الدواء هي منبع الصفاء والاخلاص والطيب هي وهي وهي يعجز لساني عن التعبير ويكفي ان اسمها الاخويه حب وعطف وحنااااان وانا محظوظه لاني من اعضائها واحس انو الماما راضي عني ... وبصراحه هي افضل منتدى .صرت اي منتدى اشوفو مايعبني اقول لا الاخويه احلى وارقى من اي منتدى بالفعل منتدى جدا راااااقي هو واعضائه الكريمين ولا تفكروني اجامل او امزح والله كلو من الواقع ومن الاشياء الي لمسته في وكلامي هذا نقطه من بحر..... تحيااااتي :همسه :) |
الاخويه هي ملتقى كل الاديان
|
انا لهلق ما الت شو بتعنيني بس انا رح اختصر و قول انو ما رح تعنيني اكتر من يللي عنتو لكل الشباب يللي هون :D
|
اقتباس:
:lol: :lol: :lol: :lol: |
انا صرلي فترة عضوة في الاخوية
وهي احلى منتدى شفتو بس اسا فطنت اسأل: متى تأسست الشبيبة؟ من أسسها؟ وباختضار عن تاريخها |
up................................
|
اقتباس:
:jakoush: :jakoush: :jakoush: :jakoush: :jakoush: :jakoush: |
برياحة...
|
معليش .....
up again |
| الساعة بإيدك هلق يا سيدي 10:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون