يا جماعة شو السبب
 

يا جماعة بدي رأيكم الواحد عم بيشتغل شغلتين باليوم وما عم يلحق يعني ما عم يصيراخر الشهر يادوب يكون الواحد معو شي:cry::cry:
شو السبب الغلا طيب انا عم يشتغل بشهادتي يلي ما معو شهادة شلون موفية معو وبدي افهم لما تصير زيادة راتب وبترتفع الاسعار اكثر مو مرتفعة يلي مو موظف شو بدو يساوي بحالو شو رأيكم :cry::cry:
:shock::shock::shock::sick::sick::sick: الله يعين هالشباب

الانتحار هو الحل الانسب

لك خيي رشيد ,الزعما عم يستغلو الشعب والشعب معتر....بس هاد وموجة الحر والخروج المبكر لسوريا من تصفيات كاس اسيا سبب العراقين ;)

طول بالك خيي شو الواحد بدو يعيش 100 سنة بتنفرج إنشالله

طيب الدنيا غلا وناس ما عم يكفيهم المصروف ...


وبطرانين بطر غير شكل

الموبايل ... وعلبه السجاير الاجنبي هااا مو الوطني

وكل فتره والتانيه بيطلعو يصيفو باللادقيه ...


وبقولوو شحدانين .... بس عن جد الكل بطران :pos:

لك مابدها حكي ...حمرا طويلة وبس :o

شو حمرا طويله .... والله ما عدت شفت لا حمرا طويله ولا قصيره

مدري كيف العالم .... تفتحت

اي جدي الي كان يشرب حمرا طويله

هلا الي بشوفو عم يشرب حمرا طويله بقول عنو هاد شحدان


ليش ما بعرف .....:frown:

حسب البلدان يلي رحت عليها سوريا تعتبر من اكثر البلدان رخصا مع اني ما بعرفها فعليا لسوريا
بس عم يقولولي انو المشكلة الرواتب ضعيفة بس الكل بقدر يدبر حالو
وعلى فكرة شفت بمطارنيوزلندا الباكيت الحمرا ب 2.5 يورو تقريبا مخصص للتصدير

شو ماسمعتي باينتك باقتصاد السوق المفتوح ...شو بدك بالحكي اسم على مسما...مفتوح قال روحنا وروح معو البسطا :sick:

اقتصاد البلد كان ورا

وكل مالو لورا :frown:

لك لورا اتزوجت وطلعت عالخليج قال هونيك مافي ضريبة رفاهية ...اي ضريبة نحنا وحظنا :x

اي ... سمعت السياره الها ضريبه رفاهيه

والله تسالي :lol:

والله السبب البطر متل ما قالت دلوعة سوريا يعني الموبايل الولد يلي عمرو 2 سنتين بيكون معو موبايل

لك حتى التسالي عنا الها تسالي ...يعني على سبيل المثال لا الحصر بالاخبار عنا بيطلع رئيس الوزراء بيقول والله هالسنة راح اتكون صعبة علة اصحاب الدخل المحدود ومشان نساعد اخوانا بلبنان وبنبيع كهربا للاردن الكن 4-6 ساعات بلا كهرباء كل يوم ومشان تكلمة التسالي في مشروع ضريبة عالدش قال ليش لان عم يخلي الشعب يجيب ولاد وهالشي عم يكلف الدولة :o

نحن منغير دخان واصطياف مو موفية معنا شلون لو دخنا واطلعنا صيفنا بجوز الي 4 سنين مو طالع رحلة او طالع على البحر لأنو ما عم بفضا بتعرفي انو صاير فينا مثل ما بيحكوا اذا اشتغلت اليوم بتاكل واذا ما اشتغلت بتنام جوعان
وين البطر على كل حال الحمد الله يلي بيرضى بعيش
شكرا للجميع:clap::sosweet::deal::sick::sly:

احمد ربك ع الي انت فيه .. عمّان أغلى مدينة عربية من ناحية المعيشة
وكلو من بركات العراقية
وبتيجي بعديها دبي :shock:

الله وكيلك هذا الحكي على فئة معينة من الناس بدك الصراحة نص العالم اذا مو 3/4 العالم عم تشكي نزول على الشارع شوف الاحوال شلون بتطلع بالمكرو بتلاقي شي عم ينفخ شي صافن بتحكي معو ما بيرد لأنو مو منتبه ابصر بشو عم بيفكر
بتقدر تقول انو مو معظم شوفيرة البلد شهادات جامعية شو السبب؟؟؟؟؟؟؟؟؟؟؟؟؟؟؟
:sick: :larg: :sick: :larg: :sly:

افاد تقرير صادر عن وحدة الاستخبارات الاقتصادية EIU التابعة لمجلة الايكنومست اللندنية بعنوان "استطلاع تكاليف المعيشة على مستوى العالم " ان العاصمة عمان تحتل المرتبة الاولى بين العواصم العربية من حيث تكاليف المعيشة والمرتبة (70) على مستوى العالم تليها دبي في المرتبة الثانية عربيا وفي المرتبة الثالثة الدار البيضاء.

وغطى التقرير على 15 مدينة عربية، جاءت العاصمة عمان أغلى مدينة بينها (70 عالميا)، في حين جاءت دبي ثاني اغلى مدينة عربية (71 عالميا)، والدار البيضاء في الترتيب الثالث عربياً (80 عالميا). واعتبرت العاصمة الليبية طرابلس اقل المدن العربية غلاء (122 عالميا). وضم التقرير ثلاث مدن سعودية شهدت جميعها انخفاضا في تكاليف المعيشة، حيث جاءت العاصمة الرياض السابعة عربيا (87 عالميا بعد ان كانت 81 قبل ستة اشهر)، ومدينة جدة العاشرة عربيا (100 عالميا بعد ان كانت 88 ، اما مدينة الخبر فاحتلت المركز الحادي عشر عربيا (104 عالميا بعد ان كانت 93).

وجاء ترتيب المدن العربية الاخرى كالتالي: ابو ظبي الرابعة عربيا (82 عالميا)، والمنامة الخامسة عربيا (84 عالميا)، والدوحة السادسة عربيا (87 عالميا)، ومسقط الثامنة عربيا (93 عالميا)، والكويت التاسعة عربيا (95 عالميا)، والقاهرة الثانية عشرة عربيا (113 عالميا)، والجزائر الثالثة عشر عربيا (115 عالميا)، ودمشق الرابعة عشر عربيا (115 عالميا).

واضاف التقرير ان مدن منطقة الشرق الاوسط شهدت بشكل عام تراجعا في تكاليف المعيشة نتيجة الانخفاض الشديد في معدلات الفائدة وسياسات التحكم في الاسعار وخصوصا الوقود، فضلا عن ارتباط معظم عملات المنطقة بالدولار الاميركي. ولم تصعد تكاليف المعيشة عربيا إلا في مدينتي دبي والقاهرة.

كما افاد التقرير الصادر عن المجلة الاقتصادية الاشهر عالميا ان العاصمة النرويجية أوسلو اصبحت اغلى عاصمة في العالم. وانها ازاحت طوكيو من صدارة قائمة أغلى المدن في العالم وذلك بعد أن تربعت العاصمة اليابانية على هذا المركز لمدة 14 سنة متتالية.

وجاءت اغلى المدن الاخرى على التوالي ريكيافيك الايسلندية (ثالثا) وأوساكا اليابانية (رابعاً)، وباريس (خامساً)، وكوبنهاغن (سادسا)، ولندن (سابعا)، وزيوريخ (ثامنا)، وجنيف (تاسعا)، وهلسنكي (عاشرا).

ولا تزال العاصمة الايرانية طهران التي أطاحت بها طوكيو من قمة القائمة عام 1991، بعد اعادة تقويم عملتها، الأرخص بين 128 مدينة في العالم شملها تصنيف هذا العام.



>> قص ولصق EIU

أنا عم إتشكرك لأنك عم تفكر بغيرك من الناس يلي ما عندون شهادة و هاد شعور بالمسؤولية
و الله يعينك كمان بس المهم إنت عم تحس إنو تعبك عم يروح هيك ولا عم تحس طعمتو

مستحيل تكون عمان اغلى من دبي لاني زرت الاتنين :D

والله يكثر العراقيين :ss:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

طبعا عم حس بطعمتوا لأنو كل شي بيجي من غير تعب مو حلو او ما بتحس بلذة العمل يلي عم تقوم فيه
وشكرا كثير :clap::clap::clap::clap::sosweet::sosweet::sosweet :

الله يوفقك لكان وانشاله ما يضيع تعبك و يصرلك يت و عيلة تتربى بعزك يا رب

هالايام الشب بيدعي ...بيصرلك بت عيلة وتورث اهلها يارب :o

من الناحية طمن مطنش على الموضوع كلوا

احنا صرنا بوقت المال بطل فيو بركه

يعني مهما يكون معك مااااال بضلو قليل

ربنا نزع من المال البركه

مثل ما تزع من الزمن الوقت يعني صار الشهر تحسو مثل يوم واليوم بطير مثل ساعه

بعين الله

يعني ولله الواحد مننا بيضل ينق و عـ الفاضي .. الراتب مو مكفي لـ أخر الشهر .. على عيني و راسي .. بس ليكك

ماشاء الله بعدك عايش

وقادر تدخل نت كمان ..

نحنا ماننا بلد متقدم متل البلدان الأوروبية ..

بس بلدنا أحلى بكتير من الدول التاننين .. بفقرو و ببساتطو ..

:deal: :deal: