|
عيب يا شباب وصبايا المنتدى
يعني مشكلتي مع مستشار بالموقع وعضو جديد وما في ولا رد
يعني كان فينا نعمل متل من غيرنا نفوت عالمنتدى نجيب اللي بدنا ياه منو ونطلع بس حبيت شارك وهيدا اول منتدى بشارك فيه يعني بلشت المشكلة مع مستشاركم ( ماد ماكس ) والمتيم الاول هادا الجديد بلشت بموضوع ( الحئ على مين ) شفتوه كلكن واللي بيهمو رد عليه يعني السيد ( ماد ماكس ) رد بجدية على الموضوع بالأول وبعدين علأ على كتابتي بحرف ( القاف ) ( آف ) (ء ) يعني صار في كلام منو حلو منو بالأول وفيكن تدخلو ع الموضوع وتحكمو وهيدا اللي بتمناه وياااااااااااااااريت تحكمو وانتو الحكم واذا منت انا الغلطان بلأول رح غادركم بإعتذار واذا مو انا الغلطان بتمنى تاخدولي حئي بطريئتكن والف شكر الكن وللمنتدى وعنجد كان المنتدى بمستوى رائع إلا بعد دخول هذا السيد ولساتو بالتميز وبما اني سوري وعربي بتمنى من الشباب والصبايا يحكمو بجدية وياريت بسرعة وبعد هذا الموضوع ل\ن اكتب اي مشاركة الا بعد ان أرى تحكيمكم على الموضوع وياريت مشرفي المنتدى يحكمو بمساعدتكم انتم كثر ومشاركاتي لن تئدم ولن تؤخر على المنتدى ولكن اتمنى ان اكون محبوبا بينكم ليس غير ذلك شكرا |
برأيي لازم تعرضها على محكمة العدل العليا ..
|
يعني ممكن بجدية اكثر
|
يا لؤي مع احترامي الك وانا وانت ما في بيناتنا شي
بس انا صوتت انو انت المخطىء لأن هو ما قالك مادماكس هيك ما كان قصدو يزعجك بس يعني لفت نظرك او يخليك تزبط الكتابة غير مرة لأن في اعضاء ما بيعرفو يقرو الكلمة مع حرف الـ(ء) وانت فورا هجمت علية ويا ارض شتدي ما حدا دي وهاي وردة لا تزعل :D |
شكرا الك قلتلك ح ئدم اعتذار اذا انا المخطئ وغادركم شكرا لك مرة اخرى :ss:
|
اول شي ما رح صوت انا لانو مالنا بي انتخابات
و تاني شي مالنا بساحة حرب لحتى نعادي بعضنا بهي الطريئة تاني شي انا ئريت يلي صار بينكون و احكامي و لا احكام غيري ما رح تغير شي اذا انتو ما رح تبوسو شوارب بعض لانو نحنا هون متل الاخوة بفهدو و طولو بالكون و ما في داعي وئت يصير اختلاف بسيط بل آراء نجي نحنا دغري نكبر بالحكي بتمنى انو تنحل الشغلة بالروووووواء و تبوسو شوارب بعض و اذا ما في شوارب زرعوها بدئن ابو جوزيف:clap: :Dهي وردة الصلحة |
فضحتونا بين العالم :pos:
يعني من بين الكل علقت بمادو :shock: له يا بلد ما حبيتا منك:frown: |
معلم في قسم اسمو بريد المنتدى ..
بعدين ماد الكل بيعرفو .. بعمرو ما غلط على حدا .. بكون عم يمزح معك أو عم يخلق جو .. بس فعلا ًما مفضلة الكتابة بالهمزة .. :D |
أول شي انا ما بعرف بالموضوع بس طالما أنو
ماد بقا انت الغلطان لأنو ماد سمعتو متل المسك و شب محترم ومابظن يغلط لا على عضو قديم و لا على جديد إلا إذا هداك غلط علي :D |
يا الله انا ما بعرف شو المشكلة بس الظاهر انها ما بتستاهل كل هالشي ففضوها:hart:
|
اقتباس:
انو اي والله خليكون :hart: ولازم نحن :hart: بعض |
:yahoo:عن جد أنت مو معقول أكتب القاف ولا تعمل مشكلي
القصة مو محرزي:yahoo |
يعني بتصور انو كل واحد بيكتب على راحتو واللي ما بيعجبوا اي موضوع امانة ما يرد عليه اوك
|
اقتباس:
الله معك بيكون حبيب... ورد الباب وراك:D |
يا حبيب بعرفك مدريدي واذكى من هي ك :D
|
الصراحه الحق عليك لؤي
مع احترامي. |
مع احترامي بدون زعل الصراحه انت الغلطان لؤي
|
شو لؤي :shock:
شايف صوتت ضد حالك :? |
لؤي أنت غلط
:o |
يعني واضحة الشغلة .. مو معقول تكون كل هالناس اللي عم تقول الحق عليك غلطانة وانت الوحيد الصح، ولسا مصر انو بدك مين ياخدلك حقك؟
أكيد ما بنكون مبسوطين اذا بدك تروح ، بس اذا بدك تبقى وانت مصر على انك صح، معناها هالمشكلة رح تتكرر كتير معك، وساعتها رح قلك الروحة أحسن. :D |
القصة مو مستاهله كل هالقد :?
عادي اكتب بالطريقه الي تعجبك |
اي صوتت ضد حالي لأنو ما حلائي منكم نتيجة بأي شي
أهم شي بالنسبة الي انكم تئروا مواضيعي واللي بدو يكتب كلمة شكرا ف شكرا الو و ألف شكر للكل واذا انا الغلطان يعني برأيي ما انا الغلطان مو انا اللي بلشت انا رديت بلأول حسب ردو وبدا النئاش على كل حال الموضوع ما بئى يهمني التلكن شو بيهمني مواضيعي وبس شكرا جزيلا لكل من ئال انو انا الغلطان او مو انا الغلطان لؤي |
هلق ليش كل هالضجه ...... والقال والقيل ................
بدك تمشي الله معك ............ بدك تبقى اهلا وسهلا .......... |
| الساعة بإيدك هلق يا سيدي 14:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون